Post: #1
Title: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 05:39 AM
ينوم كل سودانى دون أن يزعجه البعوض وزوار الفجر..
وعندما يصحى الصباح يمر كل اليوم دون أن يرى ضبانة..
وأن يأمن عدم انهدام بئر السايفون ليأخذ راحته كاملة..
وان مرض يسمح له بدخول الحوادث دون السؤال عن الرسوم..
وماتنقطع الموية فى الخرطوم فى الصيف..
وتكون الكهربا شغالة تش..
وصفيحة الموية فى الأبيض تبقى بتعريفة..
وماتعطش القضارف..
ويقل عدد الموتى فى الحروب..
ومايغتصبوا النسوان..
ويعملوا رصيف عالى لاولاد الشوارع ينوموا فيهو بالليل..
ويتعمل احصاء ولجنة تحقيق تحصر الأطفال الذين فقدوا والديهم فى الحرب...
ويارب تخلى كل سياسى سودانى يظرط ظرطة كبيييييييييرة تتسمع فى المايكرفون كلما يكذب..
يارب المغتربين السنة الجاية لما يكونوا ماشين إجازة مايحتاجوا يمشوا باب شريف وحراج الصواريخ حتى يتجملوا..
ويارب تقشقش دموع ناس الدوحة فى سوق واقف..
وكمان سودانير يبقى عندها عشرة طيارات سمحات وواحدة تقدر تصل أمريكا وكندا واستراليا والصين واليابان..
يارب فى ألفين وعشرة تنظم ناس النظام العام تنظيم خصوصى..
وتعتقل ناس الأمن..
وفى هذا المنبر:
يارب بكرى يسمع كلام أمين خال حمور..
وحمور مايحتاج يخدش حياء ناس التلب وجماعتو..
ودكتور صلاح يكتب باللغة الدارجية للأنثى الإستثنائية..
ويارب يارب الناس مايناقشوا عناوين البوستات..
وكمان يارب مايشوتوا خارج الموضوع..
والكتبتو والماكتبتو إنت عارفوا ياربى وكمان عارفنى مروس فى المنبر!
|
Post: #2
Title: Re: ياسلام لو الحاجات دى إتحققت فى سنة ألفين وعشرة!!
Author: أبو ساندرا
Date: 01-01-2010, 01:34 PM
Parent: #1
Quote: ويارب يارب الناس مايناقشوا عناوين البوستات..
وكمان يارب مايشوتوا خارج الموضوع.. |
دي غايتو قد تحققت
ويارب تتحقق أمنياتك كلها
بما فيها فعلة السياسي الكبيرة على المايك وقدام الجماهير عندما يكذب
حتى يعد بين الناس ظراطآ
الغريبة ناس الخليج بيقولوا للكذاب ، خراط وجرسها الموسيقي متناغم مع ظراط
أمتعك الله يا بلة موسى
|
Post: #3
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 03:33 PM
Parent: #2
أبا ساندرا
يارب.. ألفين وعشرة دى ربنا يديك قوة نظر عيون شافع فى سن التلاتاشر وكمان تقرا بيهم دستور يقول بوضوح لكل دينه والوطن للجميع!
|
Post: #4
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 07:06 PM
Parent: #3
والله أدفرو كدا لحد ألفين وحداشر..
نشوف واحد يقول الروب!
|
Post: #5
Title: Re: ياسلام لو الحاجات دى إتحققت فى سنة ألفين وعشرة!!
Author: Magdi Ahmed Elsheikh
Date: 01-01-2010, 07:09 PM
Parent: #4
|
Post: #6
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 07:13 PM
Parent: #5
كيفك يامجدى
يازول ألفين وعشرة إن شالا تجمع فيها طب المناطق الباردة والدافية مع الحارة(المناخ مامضمون يا مجدى ياخوى)..
سلامى لكل الناس المعاك هناك..
|
Post: #7
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 07:18 PM
Parent: #6
ملحق :
يارب أى عضو قرا البوست دا وماعلق بكرى يعلق عضويتو لحدى ألفين وحداشر..
وأى قارئ مر من هنا بكرى يديهو عضوية المعلقين أعلاه!
|
Post: #10
Title: Re: ياسلام لو الحاجات دى إتحققت فى سنة ألفين وعشرة!!
Author: Tumadir
Date: 01-01-2010, 07:32 PM
Parent: #9
كل الناس عارفة انو الشمال بياكل من خيرات الجنوب السرقها منو يعنى اوروبا دة ما كان عندها موارد الا لما استعمرت العالم الثالث واستأثرت بى كنوزو ودهبو ومعادنو وخيراتو وزراعتو
ليه ما نقود حملة نطالب فيها باقتسام الثروات وعلى الاقل يرجعوا لينا الشالوه مننا
انا غايتو جاهزة
الجاهز معاى يقول عووك
|
Post: #11
Title: Re: ياسلام لو الحاجات دى إتحققت فى سنة ألفين وعشرة!!
Author: خالد المحرب
Date: 01-01-2010, 07:48 PM
Parent: #10
الاخ بله تحياتى وكل عام وانت بخير وربنا يحقق الامانى كلها يارب
التحيه لك مكرره اخى الكريم
|
Post: #12
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 07:50 PM
Parent: #11
كيفك ياتماضر
تعرفى أنا كان عندى فكرة عمل منظمة هنا فى أمريكا تختص بالأيتام من أطفال السودان وخصوصا الذين قتل والديهم فى الحرب..
كتبت عدة رسائل لإمى كلوباشار ومازلت متابع ولكن لم أتحصل حتى الآن على نتيجة مشجعة..
مما جعلنى أفكر فى تنظيم كل السودانيين فى أمريكا فى جهاز واحد ومحاولة تجميعهم بأعداد أكبر فى ولايات محددة..
بحيث يكون العدد عندو ثقل يؤثر فى الإنتخابات الولائية والفدرالية..
ومن ثم نطور مجتمعنا داخل أمريكا وفى نفس الوقت نتبنى مشاريع خيرية كبيرة فى السودان.
أما موضوع المطالبة بشئ كتعويض فقد سبقنا عليه البلاك أمريكان كتعويض للعبودية ولم ينجحوا..
ولو بتتذكرى مؤتمر جنوب أفريقيا الزاغ منو كولن باول عندما كان وزير خارجية كان بصب قريب من دعوة التعويض لأفريقيا.
مازال عندى عشم فى الله يستجيب لدعوتى ويزرع جهاز كشف كضب ذاتى فى السياسيين..
فى ظنى لو دعوتى الفوق إتحققت جزء كبير من مشاكل السودان حاتتحل.
شكرا ليك وربنا يخلى ليك وليداتك وتشيلى أولادم!
|
Post: #13
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 07:54 PM
Parent: #12
أبو أحمد بقول شعرى ولسانى مطرق..
خالد المحرب
تسلم يارب وماتشوف فى ألفين وعشرة غير الخير والسرور!
|
Post: #15
Title: Re: ياسلام لو الحاجات دى إتحققت فى سنة ألفين وعشرة!!
Author: رشا سالم
Date: 01-01-2010, 08:31 PM
Parent: #13
Quote: أبا ساندرا
يارب.. ألفين وعشرة دى ربنا يديك قوة نظر عيون شافع فى سن التلاتاشر وكمان تقرا بيهم دستور يقول بوضوح لكل دينه والوطن للجميع! |
د.بلة : كل سنة وانت طيب وربنا يحقق كل الحاجات دي يارب..
دعوتك لابو ساندرا دي عجبتني شديد وحبيت اقول ليهو آآآآآمييييييييييييين
|
Post: #14
Title: Re: ياسلام لو الحاجات دى إتحققت فى سنة ألفين وعشرة!!
Author: عبدالوهاب علي الحاج
Date: 01-01-2010, 08:24 PM
Parent: #6
| Quote: ويارب تخلى كل سياسى سودانى يظرط ظرطة كبيييييييييرة تتسمع فى المايكرفون كلما يكذب.. |
___________
كل سنة وانت طيب يابلبل
|
Post: #16
Title: Re: ياسلام لو الحاجات دى إتحققت فى سنة ألفين وعشرة!!
Author: منتصرمحمد زكى
Date: 01-01-2010, 08:42 PM
Parent: #14
أنت كمان يابلة أخوي ماتكون طماع وجشع
قول ان شاءالله يتحقق نصهن .. لو كل زول
عمل لستة زيك وعايزها كلها تتحقق .. ما كان حايكون في جنة ونار ........ كن كما تتمنى
|
Post: #17
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 09:33 PM
Parent: #16
مرحب يارشا
ربى انشالا يحقق ليك رغبة واحدة بس تكون من اختيارك!
|
Post: #18
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 09:37 PM
Parent: #17
كيفك ياوهبة
ياخى ألفين وحداشر إنشالا تكون انفكيت من ناس واحد واحد الف وتسعمية وستين..
ويكون أصحابك النوع العارف الدقيقة الإتولد فيها!
|
Post: #19
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-01-2010, 09:41 PM
Parent: #18
| Quote: أنت كمان يابلة أخوي ماتكون طماع وجشع |
منتصر محمد زكى
ليك حق يابوى..
اسمك منتصر واسم جدك زكى وعارف تاريخ ميلادك..
ربنا يخلى عينك ملانة دايما بركة ألفين وعشرة!
|
Post: #20
Title: Re: ياسلام لو الحاجات دى إتحققت فى سنة ألفين وعشرة!!
Author: رشا سالم
Date: 01-01-2010, 10:30 PM
Parent: #17
| Quote: ربى انشالا يحقق ليك رغبة واحدة بس تكون من اختيارك! |
لكن لقيتك بخيل والله !
رغبة واحدة بس؟
اممممممممممممم دي دايرة تفكير..
|
Post: #21
Title: Re: ياسلام لو الحاجات دى إتحققت فى سنة ألفين وعشرة!!
Author: منتصرمحمد زكى
Date: 01-02-2010, 07:50 AM
Parent: #20
ساكن الامتداد الشرقي .. وأبوي عامل في السكة حديد
فلمي المفضل ( من أجل أبنائي )
أحلامي منطقية وما فيها مبالغة ..... كن كما تتمنى
|
Post: #22
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-02-2010, 09:00 AM
Parent: #21
منتصر أهلين يازول
الإمتداد الشرقى
بتاع ناس مصطفى عبدالجواد ومحمد عيسى والدسوقى على محى الدين؟
ربنا يديك الفى بالك!
|
Post: #23
Title: Re: ياسلام لو الحاجات دى إتحققت فى سنة ألفين وعشرة!!
Author: منتصرمحمد زكى
Date: 01-02-2010, 09:20 AM
Parent: #22
مصطفى عبد الجواد في الفكي مدني
ناس محي الدين بتاعين الباصات في الشرقي
محمد عيسى أسقطته الذاكرة أو تعاطى الهجرة الداخلية .. الله أعلم
ويديك في البالك يارب
لعمري ماضاق الشرقي بأهله .. ولكن أخلاق الرجال تضيق ..... كن كما تشتهي
|
Post: #24
Title: Re: ياسلام لو الحاجات دى إتحققت فى سنة ألفين وعشرة!!
Author: Balla Musa
Date: 01-02-2010, 09:30 AM
Parent: #23
يامنتصر
عمك على محى الدين نائب دائرة عطبرة رمز الكفتيرة إتحادى ديمقراطى
فايز على محمد العيدروس والأتنين مراجعين فى السكة حديد.
|
Post: #25
Title: Re: ياسلام لو الحاجات دى إتحققت فى سنة ألفين وعشرة!!
Author: منتصرمحمد زكى
Date: 01-02-2010, 10:24 AM
Parent: #24
والله يابلة ياخوي .. بتاع الكفتيرة ده ما اتذكرتو
مع انو جدي اتحادي بس بدون كفتيرة .. العيدروس بخبرو ... صادق الود
|
|