الحفل الجزائري مباشر الان علي قناة النيل الأزرق ..

في بث مباشر
تقوم قناة النيل الأزرق الان بنقل الحفل
الذي تقيمه عدة فرق جزائريه في المسرح القومي بأمدرمان,
احتفالا بأعياد الاستقلال الوطني المجيد,

الحفل جميل ومنظم, ويشهد حضور وتفاعل كبير من الجمهور السوداني,
ومحبه فائضه من الفنانين الجزائريين للشعب السوداني,


----
للمرّوسين في البيت زيي :)

Quote: للمرّوسين في البيت زيي :)

At least better than people who are sleeping now ;)
____
a little better ;)

ياسرنا:

Quote: At least better than people who are sleeping now

طبعا كنت ناويه أنوم,
ناس بيتنا فجأه قرروا يحتفلوا بالسنه الجديده,
عشان بايتين معانا عيال أختي :)
المهم بابا مشي جاب تورته وحركات ضاربه زي دي,
وحمونا النوم ههههههه

بعدين لقيت الحفل الجزائري في قناة النيل الأزرق بالصدفه,
ولايخفي عليك اني بحب الجزائريين موت,
فخلاص النومه طارت,
ومجبره أستقبل 2010 صاحيه :(

انت مقابل الجهاز ليلة راس السنه مالك؟ وللا راس السنه عندكم لسه ما جاء ؟


----
كل سنه وانت طيّب,

الأماني !
أنا لسه في الشغل، بخلص بعد 45 دقيقة؛ لسة اليوم قدامنا كتير.. حنقضيه مع عمر إحساس، كان الله هوّن..
__
وإنت طيبة، كل الاني مُحققة إن شاء الله..

أماني
مساك نور

تابعت جزو منو .. لكن للأسف تجاوب الجمهور ضعيف
ما عارف حاجز اللغة .. ولا دبرسة ساي .. مع انو الموسيقى جميلة
وايقاعاتهم تحرك الحجر .. غايتو في حاجة غلط .. وغالبا يكون التوقيت
أو نوعية الجمهور ............

منتصر سلامات:

أيي فرقه بتجي بتقدم غنيه أولي هاديه,
وبعدين بينفعلوا في الغنيه التانيه وهكذا,
شكلك حضرت الأغاني الهاديه,


ياخ تجاوب ضعيف شنو,
قبل شويه كان في فنان لذيذ كده,
ومعاهو فرقه بنات برقصوا راب علي ما أعتقد,
من شدة ما الناس اتجاوبت معاهم لما بتاع الكاميرا اتجهجه :)

عموما جرّبوا هسي وسهره سعيده,

بت الامين ... كويس انك جيتــى


((ففرو الى الله )) ..

الأخ بدر الدين سلامات:

Quote: كويس انك جيتــى

الحاصل شنو؟



----
كل سنه وانت طيّب

أزياء افريقيه وشعبيه ورسميه ..

الات شعبيه جميله وايقاعات افريقيه خالصه ..

كلمات تفيض حبا في السودان والسودانيين,

غنّوا لرجال السودان ونسائه

غنوا لكل بقاع السودان,

الجزائريون ضربوا مثالا في الوفاء والعرفان نادر, وقلّما يوجد مثيله في هذا الزمان ..

حفل رائع بحق ..

الحفل منقول مباشر بواسطة جميع القنوات الاذاعيه الجزائريه,

اعداد المسرح جميل والخلفيه حلوه,

استعداد الفرق للدخول وبدء الوصله الغنائيه سريع بصوره مدهشه,


الجزائريين الظاهر انهم دايما جاهزين لانهم يستعدوا في زمن قليل وينجزوا بصوره ممتازه :)

ملحوظه كل الفرق قامت بشكر الشعب السوداني علي استضافة المنتخب والمشجعين الجزائرين,
بمنتهي التواضع والذوق,

أخجلوا الجمهور السوداني شكرا :)

نحن ناس فيافي ..
سهرة الجزائرين ما برنامجنا ..
لافين بين القنوات وما في شي حركنا .. ( وش حزين )
ربنا يعوضنا بي السهره البعده ( ليالي وردي ) ..

عمران كل سنه وانت طيب:

Quote: لافين بين القنوات وما في شي حركنا .. ( وش حزين )

مرّوس من منازلهم زيي :)
تصدق أنا ماعندي أي علاقه بالتلفزيون,
ولو ما ناس بيتنا كانوا فاتحينو بصوت عالي ولا كنت انتبهت للحفل,

عموما الحفل انتهي و"ليالي وردي" ابتدت,

سهره سعيده :)

Quote: ومحبه فائضه من الفنانين الجزائريين للشعب السوداني

امانى

الموضوع لا محبة لا حاجة دى جولة جديدة من مبارة مصر والجزائر على الاراضى السودانية

احد الفنانيين الجزائرين بقدم الوصلة الغنائية قال الجزائر والسودان لا يجمعهم النيل ، لان الانهار والوديان تجف ، لكن بجمعهم لا الله الا الله

ونعم بالله ، وايضا يجمع مصر مع السودان علاوة على النيل لا الله الا الله

ةمقدم ىخر علق على الرقس قال يحتاج للياقة بدنية عالية وانتو شوفتونا فى المبارة

المهم كل الاغانى زى كلام الجرايد مع الايقاع وتكرار للجزائر والسودان والخرطوم وام درمان

جزاهم الله خير الجزائرين ، ونتوقع بكرة فيفى عبده وفرقتها كمان

الأخ عادل سهل:

Quote: لموضوع لا محبة لا حاجة دى جولة جديدة من مبارة مصر والجزائر على الاراضى السودانية احد الفنانيين الجزائرين بقدم الوصلة الغنائية قال الجزائر والسودان لا يجمعهم النيل ، لان الانهار والوديان تجف ، لكن بجمعهم لا الله الا الله ونعم بالله ، وايضا يجمع مصر مع السودان علاوة على النيل لا الله الا الله ةمقدم ىخر علق على الرقس قال يحتاج للياقة بدنية عالية وانتو شوفتونا فى المبارة المهم كل الاغانى زى كلام الجرايد مع الايقاع وتكرار للجزائر والسودان والخرطوم وام درمان جزاهم الله خير الجزائرين ، ونتوقع بكرة فيفى عبده وفرقتها كمان

ليه بس؟
المباراه انتهت زمان والناس ديل فايزين ..
وصعدوا لكاس العالم خلاص,
وجوا يقدّموا لينا حب وشكر وعرفان لما أخجلونا,

الفنان البتتكلم عنو ده سمعتو, كلامو ظريف علي العموم,
وكمان حيا محمد الأمين ومحمد وردي والفنانين السودانيين,

الفكره الجديده في الحفل هي انو المستمع السوداني ما اتعوّد علي الأغاني والايقاعات الجزائريه,
ومعرفتو بالفنانين الجزائريين ضعيفه,
دي تعتبر بداية تواصل فنّي وغنائي بين الشعبين ..

هنيئا لينا ثمار التواصل الشعبي الحميم ده ..

وعامك سعيد ..

Quote: ياسرنا:

Quote: كل سنه وانت طيّب,

Quote: الأماني !

Quote: وإنت طيبة، كل الاني مُحققة إن شاء الله..

يا حليل الضب !

الخال أمين !!
بالله جيت البوست ده برجلينك براك هههههه

هسي لو جات أميره الشيخ ماره بهنا, وطالما محجوب ظهر فناقص ليون,
والخطيب فك الله أسره,
ويدوروا فيك ياسمين لما الأرشفه الجايه تجي ههههههه




كل سنه وانت طيب ..

اماني
سنه خضره
باالله عاوزين لنك لعم امين بتاع الياسمين

Quote: اماني سنه خضره باالله عاوزين لنك لعم امين بتاع الياسمين

مافي لنكات ، بكري شطب البوست ذاتو !
بعدين يا محجوب ، إنت ما بتسمع كلام مرتك ولا شنو ؟ مش قالت ليك أنسي الموضوع ده ؟
جني و جن الرجال الما بسمعو كلام نسوانهم !

امين الياسمين
انت عامل زي ناس المؤتمر الوطني ، نقول (نيفاشا) تقول لا
نفتك اون لاين الجرسة تحصل.

Quote: بعدين يا محجوب ، إنت ما بتسمع كلام مرتك ولا شنو ؟ مش قالت ليك أنسي الموضوع ده ؟

تعرف موضوعك دا وقع لي في جرح
باالله شيل معاك القاربج
دقيقة بس اكتب كلمتين لامين (يتكنصل الطلب)
اي حاجة اااااااااي حاجة
الاجابة دقيقة بس كلمة لامين الياسمين

Quote: للمرّوسين في البيت زيي :)

محظوظـــــــــــة أنت ...
احنا في الشغل ...الشغل...الشغل..
و في أخر لحظة...
مشيت عشان اسلم علي ناس عزموني الاحتفال ووصلت ليهم الساعة 12:10
وطلعت منهم الساعة 12:15
ولا عندنا قناة النيل الازرق و لا بتصل عندنا...!!
و كمــــــــــان ازيد انو اصلا ما عندي دش عربي.....
واها و الاخيرة...
متغرب و عايش لوحدي
يعني لا اسرة و لا اهل..هههههههه...
شفتي...كيف يا أماني.....
بالجد ..انت في الحظ احسن مني مليون مرة...


كـــــــــــــل سنة و أنت طيبة
وربنا يحقق كل الامنيات ..
ويجعلها سنة احسن من التي سبقتها...
عاطر تقديري و احترامـــــــي

الأخ هواري:

الغربه ياسيدي جرّبتها,
راس السنه الفاتت كنت في نفس حالتك دي,
عشان كده والله مقدره وفاهمه حجم التعب والضغط ..

لاتحزن وربنا معاك ..
عامك سعيد, وعام تغيير للأحسن انشاء الله :)

أهلا الأخ محجوب:

Quote: امين الياسمين انت عامل زي ناس المؤتمر الوطني ، نقول (نيفاشا) تقول لا نفتك اون لاين الجرسة تحصل.

شفت؟
الحاله أنا وقفت معاهو في المؤامره الياسمينيه الأخيره ,


احتمال غايتو أحرّض بقية الجماهير الفي البوست داك
للنزول للشارع,
حتي يعود الخال أمين الي نيفاشا سالما هههههه

سنه خضراء يمحجوب انشاء الله ..