Post: #1 Title: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 12-31-2009, 00:57 AM Parent: #0
اسئله كتيره جدا تمر على فى الليل والنهار من الاخبار من الاذاعات ومن الناس فى السياسه مثلا تجد العجب العجاب كل يوم تتغير الاحوال ناس كانوا معارضين بقوا مع الحكومات وناس كانوا مع الحكومات اختلفوا معها وناس بقولواكلام الليله يتناقضوا معه بكره نمسك الحياه العامه مثلا فى ناس بقولوانو زيد من الناس غلط وتجد من يقول هذا الكلام سمن على عسل مع فلان الغلط دا ساعة اللقاء كلامى دا بنيتو على العنوان اين الصاح كتير جدا تجد ناس لايعبرون عن قناعاتهم الا بالكلام فقط بمعنى اخر هناك نفاق اجتماعى او عدم تصالح مع النفس على ارض الواقع . الموضوع فيه سعه ارجو ان يجد منكم الاهتمام والنقاش العام للقراء على الايميل [email protected]
Post: #2 Title: Re: كل ما اراه فى راى هو نفاق اجتماعى مارايكم انتم ؟؟ Author: هشام هباني Date: 12-31-2009, 01:03 AM Parent: #1
شيخ العرب ود المحرب
تحياتي
الشي سقد يا شيخ العرب صاحي لي هسع فوق انصاص الليالي! يازول الدنيا ما دوامة فالزبد يذهب جفاء وما ينفع الناس يمكث في الارض! تحياتي للاسرة الكريمة
Post: #3 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 12-31-2009, 01:13 AM Parent: #2
Quote: الشي سقد يا شيخ العرب صاحي لي هسع فوق انصاص الليالي! يازول الدنيا ما دوامة فالزبد يذهب جفاء وما ينفع الناس يمكث في الارض! تحياتي للاسرة الكريمة
ودهبانى صباح الخير عندنا ومساء الخير عندكم اتمنى ان يجد الموضوع اهتمام سئمنا واصابنا شى الياس مما نراه كل يوم شكرا على المرور واتمنى من الله ان يرزقك بزبون مقرش ترجع كيسك ملان
Post: #4 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 12-31-2009, 01:37 AM Parent: #3
نعم رايت العجب العجاب فى اختلاف المبادى من ناس كثر انا زول مراقب وناشط فى هذا المجال بدات عندى خلخله اين الصاح اصبح المثقف يكرر كلمات قديمه باليه مافيها اى جديد اصبح السياسى متمسك لايعترف باخطائه ناهيك عن تنحيه عن السلطه وهذا حلم لايمكن تحقيقه . كذبنا على الاطفال وكذبنا على عوام الناس ..
Post: #5 Title: Re: كل ما اراه فى راى هو نفاق اجتماعى مارايكم انتم ؟؟ Author: حبيب نورة Date: 12-31-2009, 01:45 AM Parent: #3
خالد...
غايتو ما أظِن ....
يازول أقول ليك حاجة إنت بتشهِر سيف في غير محترب !
البلد جايطة
والقيامة قايمة
والغيبوبة غطا عاااااام علي اليمين دُو و تفتح!
يازول بتقدر تجلِّلي ليك جوكر بين كرتين!
والله العظيم إلا تكون حافظا ومنقطا!
شاغل نفسك بي النِفاق الفلاني فوق كم؟؟؟؟؟
أنا غايتو لو فوق بكانك
أسِد دي بي طينة ودي ذااااااااااتة بي طينة
وأوفِّر العجين
و أسأل روحي سؤال واحد
فوق كم؟؟؟!!!
Post: #6 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 12-31-2009, 02:02 AM Parent: #5
Quote: و أسأل روحي سؤال واحد
فوق كم؟؟؟!!!
والله ياكبتن كنت دافن جسمى تحت الرمله ولكن روحى حرقتنى ووجدت نفسى فوق الرمل المبلول زى دودة الخريف وسمينى ضفدع عند نزول المطر
Post: #7 Title: Re: كل ما اراه فى راى هو نفاق اجتماعى مارايكم انتم ؟؟ Author: حبيب نورة Date: 12-31-2009, 02:09 AM Parent: #6
والله أيامك!!
ربنا يديك قدُر نِيتك!
Post: #8 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 12-31-2009, 06:22 PM Parent: #7
Post: #9 Title: Re: كل ما اراه فى راى هو نفاق اجتماعى مارايكم انتم ؟؟ Author: Mohamed Abdelgaleel Date: 01-03-2010, 09:23 AM Parent: #8
الاخ خالد المحرب .. تحياتي،
لما تشتكي وتقول أنك معدم الأرض ملكك والسماء والأنجم لك الحقول وزهرها وأريجها ونسيمها والبلبل المترنم وأمامك الفنان يرسم عابساً آياته قدام من يتعلـــــم
قبل شهرين تلاتة شايل أبجقره في البطانة ومنة الله تمحضك الحب والفرح .. وفي السودان مني أركو مناوي يقول في ندوة عامة الواحد يعملوا معاهو إتفاقية ويقولوا ليهو إنتا مساعد رئيس جمهورية وما عندو صلاحيات مساعد حله .. ومقابر السودان تكتنز بالشهداء من جميع الفرق .. ورشا شيخ الدين تغني شعب السودان معليش مادام حكمنا الديش .. والمؤتمر الوطني يتراجع عن مشروعه الحضاري جملة وتفصيلا .. وعمك عبدالجليل ينهب الأرض بين بيته وبيت بنته بحثاً عن حفيده ليسلمه جنيه لأنو حلق ليهو وما أداهو تمن الحلاقة والصادق ولدي رأي طائرة بعد يومين من مغادرتي للسودان فقال لأمو:
أبوي دقس .. هسع ما كان يجي في الطيارة دي!!
آخره كوم تراب فأنظر للجانب المليء من الكوب يا خالد.
Post: #10 Title: Re: كل ما اراه فى راى هو نفاق اجتماعى مارايكم انتم ؟؟ Author: عبد السميع دفع الله Date: 01-03-2010, 09:47 AM Parent: #9
دعوة صادقــــــة من سودانى واصيل
اتمنى ان تكون حجرا فى بركة ظلت ساكنة
او مسكوت عنها
مودتى
Post: #11 Title: Re: كل ما اراه فى راى هو نفاق اجتماعى مارايكم انتم ؟؟ Author: الطيب شيقوق Date: 01-03-2010, 11:08 AM Parent: #10
العزيز اب احمد
كدى احكي لي الكلام جاك بالليل ولا بالنهار وكان بالليل الساعة كم ؟
والله بترمي في محنن يدوشن الراس
ات مالك ومال الناس خليهم ......... الامهات
Post: #12 Title: Re: كل ما اراه فى راى هو نفاق اجتماعى مارايكم انتم ؟؟ Author: هويدا شرف الدين Date: 01-03-2010, 11:53 AM Parent: #11
تسجيل حضور ومتابعه وبس
Post: #20 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-03-2010, 08:34 PM Parent: #12
Quote: تسجيل حضور ومتابعه وبس
الابنه العزيزة هويدا حضورك يعنى لدى الكثير ودى مسئوليه تجاه بنات بلدى عندما تحضرى فى بوستاتى بتزيدنى مسئوليه فوق التى احملها فابشرى بالخير اختى العزيزه
Post: #18 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-03-2010, 08:23 PM Parent: #11
Quote: والله بترمي في محنن يدوشن الراس
والله يالطيب انا زول مسكين جدا ولكن مرات بتغلب ام غلاب
Post: #17 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-03-2010, 08:11 PM Parent: #10
Quote: دعوة صادقــــــة من سودانى واصيل
اتمنى ان تكون حجرا فى بركة ظلت ساكنة
او مسكوت عنها
مودتى
الاخ عبد السميع تحيه كبيره لك اخى العزيز انت الاصل كلو ياسيدى نجى لى موضوعنا والله ياعبد السميع انا فقط داير الناس تكون واعيه لى المسئوليات تجاه كل شى بى وعى تام وكل فى مجاله والا سوف نفقد الكثير عندما نكون فى غير ذلك
Post: #15 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-03-2010, 07:47 PM Parent: #9
Quote: الاخ خالد المحرب .. تحياتي،
لما تشتكي وتقول أنك معدم الأرض ملكك والسماء والأنجم لك الحقول وزهرها وأريجها ونسيمها والبلبل المترنم وأمامك الفنان يرسم عابساً آياته قدام من يتعلـــــم
أنا من إفريقيا صحرائها الكبرى وخطِّ الإستواءْ
شحنتْني بالحراراتِ الشُموسْ
وشوتني كالقرابينِ على نارِ المجُوسْ
لفحتني فأنا منها كعودِ الأبنوسْ
و أنا منْجمُ كبْريت سريعِ الإشتعالْ
يتلظَّى كلًّما اشتمّ على بُعدٍ : تعالى
Quote: مني أركو مناوي يقول في ندوة عامة الواحد يعملوا معاهو إتفاقية ويقولوا ليهو إنتا مساعد رئيس جمهورية وما عندو صلاحيات مساعد حله .. ومقابر السودان تكتنز بالشهداء من
الاخ محمد انا استغرب ليه قبل منى اركو مناوى بان يجلس على المكتب الفخم داخل القصر الجمهورى الذى اصبح ممتلى بالطوالات وكلها ترضيه كان يفترض ان يعلن هذا من زمان ولكن انا اعتبره ضحك على قومه وعلى حركته ولكن غلبت ام غلاب واعلن هذا فى الاخر ...
Post: #13 Title: Re: كل ما اراه فى راى هو نفاق اجتماعى مارايكم انتم ؟؟ Author: د.يوسف محمد طاهر Date: 01-03-2010, 01:26 PM Parent: #1
هل سألت عن سبب هذا النفاق الإجتماعي أخي خالد ؟ إنها المصالح لا غير ...
Post: #14 Title: Re: كل ما اراه فى راى هو نفاق اجتماعى مارايكم انتم ؟؟ Author: يوسف السماني يوسف Date: 01-03-2010, 06:18 PM
الارباب المحرب سلام
هذا الموضوع يستحق نقاش وندوات وسمنارات .ولكن هنالك اسباب عامة لهذا النفاق الاجتماعي والسياسي وذلك للاسباب الاتية . ا- المصالح الذاتية . 2- الموروثات القيمية للفرد. 3 - التربية الاسرية والاخلاقية . 4 - المجاملة المجتمعية المكتسبة كموروت . 5- تاثير بيئة المنشا والاستقرار .
ساعود باذن الله
Post: #22 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-03-2010, 08:47 PM Parent: #14
Quote: الارباب المحرب سلام
هذا الموضوع يستحق نقاش وندوات وسمنارات .ولكن هنالك اسباب عامة لهذا النفاق الاجتماعي والسياسي وذلك للاسباب الاتية . ا- المصالح الذاتية . 2- الموروثات القيمية للفرد. 3 - التربية الاسرية والاخلاقية . 4 - المجاملة المجتمعية المكتسبة كموروت . 5- تاثير بيئة المنشا والاستقرار .
ساعود باذن الله
الاخ يوسف شكرا على المرور وهذا يعنى عندى الكثير نجى لى موضوعنا المصالح الذاتيه دى لب المبادى راحت عند ناس ماعندهم مبادى وضحكت عليهم فى الاخر زى يوم تبلى السراير نعم قد يرث الانسان موروث قيمى يخصه هو نعم اتفق معك ليس له علاقه بالتربيه كثير من الناس ربو اولادهم على قيم لكن النار تخرا الرماد دى من شقين ليها علاقه بى بى المنشا وليها علاقه بى المهجر قد يتعلم الانسان منه الكثير
Post: #16 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-03-2010, 08:04 PM
Quote: ... هل سألت عن سبب هذا النفاق الإجتماعي أخي خالد ؟ إنها المصالح لا غير ...
اخى د يوسف تحيه كبيره جدا نجى لى الموضوع المصلحه العامه يجب ان تكون فوق المصلحه الخاصه لكن ات فى رايك فى المستنقع الموحل دا ممكن ان تجد الحياه فيه سبيلا فليس بالخبز والماء يحيى الانسان
Post: #19 Title: Re: كل ما اراه فى راى هو نفاق اجتماعى مارايكم انتم ؟؟ Author: حبيب نورة Date: 01-03-2010, 08:26 PM Parent: #16
المحرب
موضوع جميل
جاييك بس أفضي و أديها نفضة
Post: #21 Title: Re: كل ما اراه فى راى هو نفاق اجتماعى مارايكم انتم ؟؟ Author: محمد الفاتح خالد حسون Date: 01-03-2010, 08:42 PM Parent: #16
الاستاذ خالد
السلام عليكم
Quote: اى جديد اصبح السياسى متمسك لايعترف باخطائه ناهيك عن تنحيه عن السلطه وهذا حلم لايمكن تحقيقه . كذبنا على الاطفال وكذبنا على عوام الناس ..
و كذبنا علي انفسنا !!
و النتيجة هي تحصيل حاصل و نحن نحصد ما زرعنا
أنا بفتكر انو نحنا لما نعاين في المراية بنشوف عيوب الاخرين
و دي زفرة صادقة و هادفة تستحق يا استاذ ندق ليها تعظيم
و نخت نقطة .
Post: #23 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-03-2010, 09:29 PM Parent: #21
Quote: كذبنا علي انفسنا !!
و النتيجة هي تحصيل حاصل و نحن نحصد ما زرعنا
أنا بفتكر انو نحنا لما نعاين في المراية بنشوف عيوب الاخرين
و دي زفرة صادقة و هادفة تستحق يا استاذ ندق ليها تعظيم
محمد الفاتح كلامك صاح ودا بيت القصيد هل تتفق معى خير الخطائيين التوابون وهذايعنى انى لم ادعى الكمال ولكن يجب ان تكون عندنا مبادى تجاوزها يعنى عندى فيه شى من الهزيمه. مرور امثالك شى يخلينى بكره اكون مبسوط
Post: #24 Title: Re: كل ما اراه فى راى هو نفاق اجتماعى مارايكم انتم ؟؟ Author: الشامي الحبر عبدالوهاب Date: 01-03-2010, 11:32 PM Parent: #23
Quote: بمعنى اخر هناك نفاق اجتماعى او عدم تصالح مع النفس على ارض الواقع
.
والله يا اخ خالد انت طرحت موضوع كبير وهو موضوع قديم ومتجدد ولكن في عصرنا الحاضر اصبح مشاهد بصورة زي ما قالوا الجماعة قبلي تدوش الراس ولكني اري ان النفاق الاجتماعي هو وليد النفاق السياسي او كما هو مشاع الناس علي دين ملوكهم يعني اذا اخذنا السودان كنموذج لغاية وقت قريب كلمة سوداني دي كانت تعني جماع كل القيم النبيلة وخاصة في ديار الغربة . الصورة دي الآن اهتزت وما ذلك الا لاهتزاز الوضع السياسي نفسه وتفشي النفاق بصورة ملفته فاخذت القدوة في الانحسار اذا لم يكن الاختفاء اما في مجتمعات اخري في دول اخري فان النفاق اجتماعيا كان ام سياسيا اصبح سلعة رئيسية وفي تلك المجتمعات صارت امثلتهم تشجع علي هذا النفاق(الماغشّ ما اتعشّ) وهلم جر
Post: #25 Title: Re: كل ما اراه فى راى هو نفاق اجتماعى مارايكم انتم ؟؟ Author: abubakr Date: 01-04-2010, 05:27 AM Parent: #24
ياعزيزي شيخ العرب خالد ... من له موقف حق يجاهر به وهو موقن بانه الصحيح يعمل علي ايصاله الي الغير لتعم الفائدة فلذا يدافع عنه ويضحي لاجله و لا يبدله فلذا يبدو اصحاب مثل هذه المواقف قلة وسط زحمة اصحاب المواقف الشكلية والتي هي غطاء لغرض شخصي تتبدل وفق الغرض نوعا وكما ...حين يكثرهؤلاء يبدو لنا من زحمة ضجيجهم وبريق الوانهم الزائفة بانهم الغالب وهم ما الا عصبة تحمل في داخلها عفنا كثيرا ما ينفك ان ينفجر خارجا فتنتشر رائحته وعندها يدفنون مع عفنهم ويصح الصحيح وهذا ليس سهلا متيسرا انما يتطلب الكثير من الصبر والارادة فالصحيح كونه مؤثرا صلدا يحتاج الي جهد كثير ليطغي علي القشور البراقة التي تغطي خبثا وكذبا هشا ...... ولا يصح الا الصحيح .....
Post: #26 Title: Re: كل ما اراه فى راى هو نفاق اجتماعى مارايكم انتم ؟؟ Author: العوض المسلمي Date: 01-04-2010, 05:31 AM Parent: #25
كثير من النفاق هو الذي اراه هنا في المنبر , لان الواقع جد مختلف ,, تحياتي اخي وشكرا علي هذا البوست ..
Post: #27 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-04-2010, 10:14 AM Parent: #26
Quote: كثير من النفاق هو الذي اراه هنا في المنبر , لان الواقع جد مختلف ,, تحياتي اخي وشكرا علي هذا البوست ..
شيخ العوض اولا ربنا يستر عليك من الصقط الشديد دا وكلامك كان تزيدو شويه لان الزيك نحن بنستفيد منه ياابوالنسب تحياتى وتجى بالسلامه..
Post: #28 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-04-2010, 10:18 AM Parent: #25
Quote: ولا يصح الا الصحيح
الباشمندس ابوبكر اين انت يارجل طولنا ما سمعنا صوتك انشاء الله تكون الصحه تمام وكيف دبى والزحمه تحياتى لك ياصديقى
Post: #29 Title: Re: كل ما اراه فى راى هو نفاق اجتماعى مارايكم انتم ؟؟ Author: خالد المحرب Date: 01-04-2010, 10:28 AM Parent: #24
Quote: فاخذت القدوة في الانحسار اذا لم يكن الاختفاء اما في مجتمعات اخري في دول اخري فان النفاق اجتماعيا كان ام سياسيا اصبح سلعة رئيسية وفي تلك المجتمعات صارت امثلتهم تشجع علي هذا النفاق(الماغشّ ما اتعشّ) وهلم جر
شيخ الشامى انت عرفت قصدى اننى لم اقصد جهه بعينها الموضوع عام شكرا على المرور انا صلى بى النهار بكون مشغول وشغلى جرى مع المعدات والسيارات فى الشمش ساهى عشان كدى زى ابو الملود بجى لى الكبيوتر