احمد المك يلحن لأفراح عصام وفي باله عافية حسن

بعد النجاح منقطع النظير للعمل الفني المشترك بين الثلاثي الشاعر اسحق الحلنقي والملحن احمد المك والمطربة عافية حسن في أغنية يا حنين زي عش العصفور توقع الجميع بمن فيهم احمد المك نفسه أنه على اعتاب تشكيل ثنائيات لحنية تضمن له الشهرة من أوسع ابوابها وإعادة امجاد البلابل و بشير عباس أو حتى سليمان ابوداوود مع الخالدي أو غيرها من الثنائيات التي اتربطت بفنان معين مع ملحن معين ..
حينها اتوقع ان احمد المك ظن أنه وجد ضالته في إبراز مواهب لحنية اعتقد عن نفسي أنها مرتجلة لا تنم عن موهبة حقيقية بل تنم عن مقولة نرددها في الشارع العام كمصطلح دكاكيني حق اولاد الحلة لمن واحد يسألك عامل شنو ؟
فيكون ردك :
" زييييي الجبادة "
والمقصود هنا إنو ماااشي الحال مرة كويس ومراات كعب زي الجبادة مرة تصيب ومرااات تخيب..
فعلا نجح المك في وضع لحن عبقري للمطربة عافية حسن في اغنية يا حنين نجحت عافية للحد البعيد في إظهار قيمة هذا اللحن اللي كان فقط وفقط يتناسب مع صوت وطريقة اداء عافية حسن يعني اييي زول تاني غير عافية حسن ما ممكن يغنيهو بي نفس احساس وتعبير ونكهة اداء عافية حسن ..
ومن يومها جعل المك عافية حسن محور تلحينه وده ظهر واااضح جداً في كل الاعمال اللاحقة اللي حاول يعملا المك ..
حين عافية حسن من الساحة الفنية وتفرغها اما للمديح أو الاعمال الخيرية ما عارف (المهم بطلت الغنا) وجد المك افراح عصام صاحبة الاداء الضعيف والصوت المحدود في الساحة وصراحة انا ما عارف المك عندو مقاييس جمالية يتوقع من خلالها تمريره لالحانه فكان ان اختار افراح عصام (قبل الخطوبة أو الزواج ) لتكون بوابة الحانه الجديدة ..
ولكن !!
كل الالحان التي خرجت بها افراح عصام اشعر وانا استمع اليها ان المك يلحنها وفي باله صوت عافية حسن ..
كل الاعمال اللي قدمتها افراح عصام بتشبه عافية حسن ..
فشلت افراح عصام في نقل الاحساس..
وفشل المك في وضع القوالب اللحنية الممكن تناسب صوت افراح ..
فظهرت كل الاحان اضافة لي اداء افراح بالضعف ..
افراح تغني بي صوت سنييين في لحظة ممكن يتحول لي انو ممكن يعمل ليك قشعريرة (بي لغتنا العادية تضرسسسك)..
ربما واقول ربما لو كانت المغنية عافية حسن لاختلف الوضع ولخرجت بعض الاعمال دي احسن بي كتير ..
ما بعرف المك شخصياً ومحتاج جداً لي تأكيد معلومتي دي فياريتلو في زول منكم بيعرف المك يسألو من الحتة دي تحديدا لأنها بتعني لي الكتيير ..
وياريت لو في زول مؤيد كلامي ده برضو يديني رأيو ..
كوستاوي ما معانا في القصة دي..
بعدييين بجيكم لي قصة هل تصلح افراح لتكون مطربة أم ستنضم لي الركب بقيادة شروق ابو الناس وتتجه للدعايات ..

تخريمة :
عييييبو لي البت منار دي عليكم الله ؟

احمد المك يلحن لأفراح عصام وفي باله عافية حسن

أخ عمر الفاروق

ما تاخد في بالك

احمد المك ملحن بارع هذه حقيقة .. ولكن يخلط أحيانابين الاعجاب
والمهنية وهو خصما عليه .. وما تنسى أن الفن صار صناعة .. يعني
ممكن المك يصنع من الفسيخ شربات ........ شاهق التحايا

سلامات:

عندنا في عالم الطب قد تواجه صعوبة في انك تعالج احد افراد اسرتك لاختلاط النواحي العاطفية بالنواحي العلمية...وربما تجد ذهنك مشغولا ومشتتا لقلقك علي الشخص المريض , لذا ربما يكون التشخيص غير صحيحا.....أعتقد أن هناك وجه شبه...فالملحن هنا يلحن لزوجته...واكيد لنواحي عاطفية يكون ذهنه مشتتا...لذا لا يستطيع ان يميز عيوبها الصوتية, ربما لانه يحب حتي عيوبها..فيتعطل لديه الحس المهني.

رأيي الشخصي: أفراح عصام امكانياتها الصوتية ضعيفة وأقل من إمكانيات أحمد المك كملحن


عافية : عملاقة ولا شك واختفائهاخسارة كبيرة لاذاننا


خارج الخط:

هل انت الشخص الذي لاقيته في حفلة حمد الريح...


تحياتي

Quote: عييييبو لي البت منار دي عليكم الله ؟

عليك الله ياعمر ابعد لينا منار دي من المك واولاده
وخليها تمتعنا بغنا الفلاتية
ياخي منار دي لمن تغني بتدخلني في عوالم عجيبه
الله يديها العافية




ذي ما ادي المك العافية

Quote: ياخي منار دي لمن تغني بتدخلني في عوالم عجيبه الله يديها العافية

والله ياعصام لمن تغنى الواحد بيموووووووت عديل
من الطرب زى ماقلتا ياعصام والله منار دى كنز
بس الناس لسه ماعرفت .......

ود الفاروق اتفق معاك تمام وازيد على كلامك انو احمد المك
وافراح مشروع فنى فاشل،،، ربنا يهنيهم بالزواج .......

ياعمر انت لديك مقدرة نقدية كما قرءت لك سابقا والان اما انا مثلا فمستمع ما تيسر لي.. كانت الاجابة علي سؤالك هذا في مقدور متخصص موسيقي وفي علم الاصوات ولقد اتت انيل الازرق باحد "الدكاترة" الموسيقيين الاسبوع الماضي في حلقة مع الملحن المك وافراح وكانت معلومته او اجابته عن امكانيات صوتها محرجة لي انا حيث انني حسن النية في المهنيين والمحترفيين ولكن هذا الدكتور احرجني عندما لم يفعل الا ان يختم (من الختم) بدكتوراه علي "تقييم مجاملة" لا يودي ولا يجيب وانما يقع في خانة "التطبيل " وكل تطبيل هو "اجوف" ....كنت يوما ما معجبا باغنية قديمة غنتها افراح في نجوم الغد لاول مرة ولم تكن "سكينة" ( من السكين) صوتها قد "سنت" بعد او بدي لي كذلك ولكن في المرات التي تلتها وجدت انها قد فتحت حسابا عند "السكاكيني "...

اذا صح خبرك بزواج افراح وعلى المك


فعنوان بوستك يدخل فى باب الفتنة والوقيعة
الزوجية ... اذا 1-1 ... وما تصحى زول ..
هسسسسسسسسسسسسسسسس








ــــــــــــــــــــــــــ
بل كانت عافية حسن فى بالك انت
وانت بتسمع فى المك وافراح ....
ما تحددف بلاويك على الناس ...

عمر الفاروق سلامات

ووينك مطول الغيبة

Quote: ما بعرف المك شخصياً ومحتاج جداً لي تأكيد معلومتي دي فياريتلو في زول منكم بيعرف المك يسألو من الحتة دي تحديدا لأنها بتعني لي الكتيير ..

أنا سألتو قريبات دي في حوار تلفزيوني وهو قال إنو بيؤمن بالأصوات الشابة وعشان كدا بيساعدهم

وكمان قال إنو عاوز يطلع للسودان ده كوكب الشرق ويبقى عندنا كوكب الشرق السودان !

بطال معاك ؟!

يتناسب مع صوت وطريقة اداء عافية حسن يعني اييي زول تاني غير عافية حسن ما ممكن يغنيهو بي نفس احساس وتعبير ونكهة اداء عافية حسن


ما قلتوا نوبة!!!

تحياتي واحترامي للجميع
(((عافية))) + (((منار))) + (((فهيمة))) ) نجوم اليوم والغد اتوقع لهم مستقبل مشرق فى عالم الغناء.

Quote: تخريمة : عييييبو لي البت منار دي عليكم الله ؟

ما فيها أي عيب لكن في السودان النجاح في الغناء بقي حسب الأشكال و لولا ذلكـ لكانت هاجر كباشي فنانة السودان الأولي و لما سمع الناس بندي القلعة و شبيهاتها

بعدين أنت تعال هنا .. في أصوات رجالية شابة زي الورد أفرزها برنامج نجوم الغد ليه مافي زول أهتم بيهم ؟؟ أشمعني المغنيات البنات ؟؟؟

وكمان قال إنو عاوز يطلع للسودان ده كوكب الشرق ويبقى عندنا كوكب الشرق السودان

ماشاء الله ام كلثوم مرة واحده

Quote: الملحن (نصف المعروف) قال فى تصريحات صحافية عقب زواجه من المغنيه الناشئة انه (سيصنع منها (ام كلثوم السودان) ونحن لا اعتراض لنا على صناعته .بغض النظر عن جودتها ولكن نتمنى ان نجد شخصا يصنع من الملحن نفسه (بليغ حمدى الخرطوم) ثم ننتظر منه ان يخرج الينا من بين انغامه (ام كلثوم) المزعومة ام كلثوم مرة واحدة ياراجل .. (حلم ايه الجاى انت تقول عليه!!)، ربما يريد الملح (ننصف المعروف) صناعة (ام كلثوم على حسين العوض)!!للمعلومية ام كلثوم المذكور اسمها رباعيا فى الفقرة اعلاه ليست لها ادنى علاقة بالغناء ولاتعرف (سيدته) من سيده ، ومن يعرفونها يطلقون عليها بت العوض ..واحسب ان من يقرأ تصريحات ملحنكم الضجه سيردد(منو العوض وعليهو العوض) يا ابو الالحان اصنع منها (فهيمة) فى الاول قبل ان تزعجنابحديث يجعل سيدة الغناء العربى تتململ داخل قبرها!!! لماذا لايساهم الملحن (نصف المعروف)بصناعة (فيروز الخرطوم) و(نجاة الصغيرة بورتسودان) و(شادية بحرى) و (اسمهان الكلاكلات) و(وردة الصحافة) بجانب (ام كلثوم السودان) حتى يكمل جميله مرةواحدة!! عالم عايشه فى الوهام والافراح!!

هيثم كابو صحيفة فنون العدد الصادر اليوم

Quote: احمد المك ملحن بارع هذه حقيقة

!!!!!!!!!!!!!!!!!

يا أخوانا ....!
الحقوني بي وشوش إندهاش وإستغراب وكده
...!!!!!

عمر الفاروق

ياعمك

كيف حال الكنكلوج؟؟؟

انا معاك 100% في تحليلك لي علاقة المك مع عافية وانحشار افراح في النص بينهم.

والنتيجة

فقدنا ثنائية المك وعافية ولم نربح شئ من علاقة المك وافراح

افراح باهتة

مصطنعة

ما حقيقية

القصة ما سماحة

ولا تسبيل عيون

القصة احساااااااااااااس

ودة ما عندها

مش لو لحن ليها احمد المك

لو لحن ليها موزارت ذاااااتو سيد الاسم

برضو

عادية جدا

ـــــــــــــــــــــــــــــــــ

شكرا

Quote: وكمان قال إنو عاوز يطلع للسودان ده كوكب الشرق ويبقى عندنا كوكب الشرق السودان !

يا نادية مختار بعد السلام قولى ليه امال النور مالها

ما كوكب جاهز بس عاوزه البفهم صوتها وطبقاته ويلحن ليها

قالت لا ؟؟؟؟؟؟ :)

عاد يا خالد محمود خاف الله فينا خاف الله
هسه جيب نسبة الفنانين الاولاد فى كل السودان
لى نسبة الفنانات شوفها كم ؟

بس الهسه ديل فوروا دمكم ؟

لكن ما عملتها ظاااااااااااهرة ياخوى مع ناس هاجر ديل
ومنار .. قصدك شنو يعنى ؟ لوووووووووووب

اها اقول ليك كلام ؟ انا سماحة ندى القلعه دى اصلللللى
ما شفتها .. عروووووب حتى صوتها عررروب اها !!!








ـــــــــــــــ
لكن غايتو ريحتها دى على ذمتك انت .. لووووووول

Quote: رأيي الشخصي: أفراح عصام امكانياتها الصوتية ضعيفة وأقل من إمكانيات أحمد المك كملحن

الاخ عمر الفاروق
كل عام انت والجميع بألف خير

الموضوع جدير بالنقاش
اتفق كثيرا مع ما كتب هنا

تخريمة :
عييييبو لي البت منار دي عليكم الله ؟




ما فيها أي عيب لكن في السودان النجاح في الغناء بقي حسب الأشكال و لولا ذلكـ لكانت هاجر كباشي فنانة السودان الأولي و لما سمع الناس بندي القلعة و شبيهاتها

بعدين أنت تعال هنا .. في أصوات رجالية شابة زي الورد أفرزها برنامج نجوم الغد ليه مافي زول أهتم بيهم ؟؟ أشمعني المغنيات البنات ؟؟؟

ومع ما ذكره الاخوة

رأيي الشخصي: أفراح عصام امكانياتها الصوتية ضعيفة وأقل من إمكانيات أحمد المك كملحن

سأعود للموضوع لاحقا

الاخ الفاروق

تحياتي وكل عام وانتم بخير.

Quote: رأيي الشخصي: أفراح عصام امكانياتها الصوتية ضعيفة وأقل من إمكانيات أحمد المك كملحن

مظبوط 100%.

ومنار وفهيمة هي اصوات رخيمة ولها القدرة على التطريب والاداء معا.


اما عن المغنيين فانا عن نفسي ورغم وجود حناجر جميلة واداء صحيح لكن

لم يلفت نظري صوت مطرب أو مميز مثل ابو داؤود.. وردي..الكاشف..عثمان حسين..الجابري..مصطفى سيد احمد..ابراهيم عوض...والكثير من الفنانيين المميزين.

نريد صوت رجالي ذو بصمة مميزة.

اعجبني شريف الفحيل ولكن احس ان صوته محدود رغم طلاوته.

الأخ منتصر:
تحياتي..
وخلينا نقووول الفن صناعة بس طالما الشغلانية صناعة فأهم مقومات الصناعة المادة الخام مش؟
المك لم يوفر اللمادة الخام عشان كده اي منتج حا يطلعوا للسوق حايكون ضااارب..
حالوا قبله صناعة فنانة اسمها شروق ووفروا لها كل مقومات النجاح من كلمة ولحن وامكانيات مادية واعلام وزخم و و و و و ولكن كانت المحصلة بيق زيييرو لأن المادة الخام كانت من النوع غير الجيد ..
تسلم يا حبوب..


دكتور ياسر:
المشكلة إنو احمد المك لحن لي افراح قبل يرتبط بيها وما بعيد يكو نكللل الالحان والاعمال دي كانت جاااهزة وملحنة لي عافية حسن وبعد ما عافية بطلت الغنا قام المك طلع المنتوج ده واداهو لي افراح ..
وما تنسى ياخ انتو كمان مرات الدكاترة لو الزول في البيت عياااان شدييييد وحالتو ميؤس منها بتكونوا عارفييين مش؟
أها افراح دي حالة هوووب ليس وواااضح جدا انها ما ممكن تمشي شبر لي قدام في طريق الغنا فلييه المك ما ينصحها؟
تحياتي..

عموري

احمد المك ايضا لا علاقة له بالتلحين فقط علاقة القرابة مع الفنان حسن عطية

هي التي ادخلته هذا المجال

وبالمناسبة احمد المك لعب في المريخ قبل عبده الشيخ

يعني بتاع كفر لكن ما وتر

افراح مجتهدة بس تحتاج معالجة في الصوت


لكن فنانة السودان القادمة هي البت شموس بتاعة نجوم الغد

Quote: وبالمناسبة احمد المك لعب في المريخ قبل عبده الشيخ

لا حولاااااااااااااااااااا

حبيبنا عصام:

Quote: وخليها تمتعنا بغنا الفلاتية ياخي منار دي لمن تغني بتدخلني في عوالم عجيبه الله يديها العافية

واحدة من المخاوف الكنت خايف عليها في منار دي إنها تكون عايشة في جلابية المرحومة الفلاتية وبس..
لكن البت طلعت ذكية وقدمت تجربة لحنية غنائية جميلة مع صلاح ادريس صراحة اكدت لي أنها مش بس بتغني للفلاتية ويتجلى صوتها في اغاني الفلاتية لالالالا بالعكس لعت دي هبة ربانية كده صووووتها منننننننها وليها..
البت غنااااية وطيبااانة ماف زول شغال بيها وماسك بي يدها زي ما مكنكشين في الباقيات !!!

مدثر يا قرقاج :
تحياتي يا جميل وشكراً للمرور والتأكيد والإدلاء بي الرأي والتمنيات بي العشة الزوجية :)
عبجني والله تعليقك عن التمنيات بي عش الزوجية ده رد فيهو ذكاء ما عادي :)

الأستاذ ابوبكر:
ياخ انت عكستها والله ..
انا المستمع العادي وانتو اللي عندكم مقدرة نقدية ..
اخجلني ما قاله الماحي سليمان الواااضح جدا انو كان كلام مجاملة وده طبعا كلام ما مستغرب من لوووبي ليهو فترة مسير على الساحة الفنية بي سبب الشهرة القديمة والعلاقات ..الماحي سليمان يفكينا إنو مصر يقدم لينا جمييع اولاده على انهم فنانية مع غنو اصواتهم مش ولا بد ..
تسلم..

دينا خالد :
ياخ انتي بي استهبالك ده إلا إنو انا ملاحظ ليك عندك لمحة فنية ما بطالة من خلال تعليقك على بعض الاغنيات والفنانين ..
بعدين يا زولة كلامك صاااح اان فعلا سمعت افراح وفي بالي عافية حسن وده اللي ساعدني كتييير في انو احس انو المك كمان كان كده ..
وبعدين عشان أوريك إنو إنتي براااك بتتهجمي على الناس وتقووليهم الحاجات الما في بالهم لكن في بالك إنتي أسة علييييك اله وفييييي ذمتك خالد المسكين ده جاب سيرة الريحة وين ؟
ده كلام خالد :

Quote: ما فيها أي عيب لكن في السودان النجاح في الغناء بقي حسب الأشكال و لولا ذلكـ لكانت هاجر كباشي فنانة السودان الأولي و لما سمع الناس بندي القلعة و شبيهاتها

وده ردك :

Quote: اها اقول ليك كلام ؟ انا سماحة ندى القلعه دى اصلللللى ما شفتها .. عروووووب حتى صوتها عررروب اها !!! لكن غايتو ريحتها دى على ذمتك انت ..

ياربي تكون شبيهاتها دي معناها الريحة ؟ يا ربي؟

Quote: عاد يا خالد محمود خاف الله فينا خاف الله هسه جيب نسبة الفنانين الاولاد فى كل السودان لى نسبة الفنانات شوفها كم ؟ بس الهسه ديل فوروا دمكم ؟

دينا بتي
بالعكس ما فورو دمي و شجعت الأصوات الأنا شايف إنها موهوبة لكن إذا كانت المنافسة بالموهبة فقط أنا شايف في فنانين أولاد كانوا أفضل بكثير في برنامج نجوم الغد من الفنانات البنات لماذا لم يتم الإحتفاء بهم و تبنيهم ؟؟

Quote: اها اقول ليك كلام ؟ انا سماحة ندى القلعه دى اصلللللى ما شفتها .. عروووووب حتى صوتها عررروب اها !!!

أنا برضو ما شايف ليها جمال و لا صوت لكن المقاييس في السودان تختلف ، السودانيين بحبو المرة السمينة البيضاء و دي مؤهلات ندي القلعة الوحيدة للأسف...

الغناء مجال مفتوح لاصحاب المواهب المكتسبه طبيعيا المسأله دلوقت كلها جايطه
مجاملات علي حسب ,الشكل,المظهر, ولبط في لبط

لكن ما منهم هم
من الوضع العام
ومنكم انتوا ديل العملتوا قرون للما بيستاهل



=======
بعدين موضه القلبو مديح دي شنو؟

استمعت للحن عدة مرات وبتاني
حتي لا ياتي رآيي بخلل
فوجدت ان عمر الفاروق لم يمسك بالعصا جيدا
احمد المك لم يفكر في عافيه وهو يلحن لافراح
ولكن هذا هو الاستايل الخاص به في التلحين
تدخل فيه عافيه تدخل فيهرافراح ويدخل فيه من يدخل
ولا اعتقد بان افراح فشلت في هذا اللحن بالقدر الذي
هاج وماج فيه البعض مع الاحترام
هنالك خلل هندسي في مسالة مزج الصوت
لانني استمعت بعقلية المتمرس في التسجيلات
فوجدت بان هنالك جماليات وتعابير زاهية في صوت افراح
لم يفلح المكساج الصوتي في اظهارها وغطت الاوركسترا علي تلك التعابير
وهذا ليس ذنبها
وهذه الاغنية اصعب كثيرا من اغنية ياحنين واعتقد ان عافية نفسها كانت ستتكعبل فيها
ولكن كلاهما سينجح فيها بعد الممارسة الطويلة فيها والتدريب
ثانيا محاولة التقليل من احمد المك لا جدوي منها فهو موسيقي جاد
سليل اسرة موسيقية جادة
خاله الفنان الكبير حسن عطيه
وشقيقه الملحن الكبير المعتزل فتحي المك
تحرمني منك
ارخي الرمش مثالا
وبعدين دكتور الماحي ده راجل متمرس وعارف بيعمل في شنو
والمسالة ليست اخذ المعاول في اليد وهاك ياتحطيم
لو اكتفي الماحي بقول النصيحه وانا السودان
واغنية اسامه الشيخ التي صدر شريط يحمل اسمها
(المسافة )لكفاه ذلك
وبرغم ذلك اشيد بعمر الفاروق والمتداخلين علي الحوار الشيق
المسبب للالم في بعض الاحيان
مودتي

خليل .. كيفنك

Quote: لكن فنانة السودان القادمة هي البت شموس بتاعة نجوم الغد

ياسلاااااااااااام ريحتني راحه ..
بس عليكم بي ... رمز الفن ....... وبس خلاس ..
ياخ دي بتغنيها غني جننة الشفيع فى مكانه ..




سلام صاحب البوست .. وضيوفه ..

Quote: فوجدت بان هنالك جماليات وتعابير زاهية في صوت افراح

يا استاذنا الموصلي ............ كلام المختصين ما عندنا فيهو كلام .........

لكن نعمل شنو في اضنينا الابت تستوعب فكرة انو افراح بتعرف تغني ...... ؟!

Quote: يا استاذنا الموصلي ............ كلام المختصين ما عندنا فيهو كلام ......... لكن نعمل شنو في اضنينا الابت تستوعب فكرة انو افراح بتعرف تغني ...... ؟!

العزيز عمر عثمان انا متابعك هنا واختياراتك جميله وذوقك عالي
مافي شك
نجي لي حتة بتعرف تغني وما بتعرف تغني دي
هو الغنا شنو ذاتو؟ كيف يمكن لنا تفسيره؟
انا ممكن اقول والله مابحب صوت الفنان
لكن
مابيعرف يغني دي كتيره يامحمد
تعريف الغنا مسالة صعبة
لان واحد صوتو قبيح ممكن يكون بيعرف يغني
وواحد صوتو جميل ممكن يكون ما بيعرف يغني
ولو الطرفين عرفو يغنو
ولكنهما لايزالا تحت تاثير احب او لا احب
وحب الناس مذاهب
زمان ونحن شفع سمعنا ناس كان عندهم راي ف صوت محمد الامين وصوت عثمان حسين
ولكنهم في الاخر امنو ببساطة لانو هذين الفنانين تمرسا
اقرا ياصديقي عمر البوست القديم ده
وانت تعرف رآيي
هل ياكل نقاد التسرع كيكة سايمون المشحونه تواضع كما فعل ...IFER HUDSON؟؟؟؟؟!!!!

سلامات يا عمر اللايوق
غصبا عني وجهة نظرك الخاصة بيك أحترما ولا أتفق معاك فيها
يقيني الذي لا يتطرق له الشك أن البت عافية حسن وبإستثناء اغنيات محدودة للغير لم تك موفقة
في أدائها بيد إنني كثيرا ما أشعر أنها تميل للتمثيل والدراما أكثر من إهتمامها بالنص الغنائي
فضلا عن إهتمامها المبالغ فيه بمكياجها وزينتها بما يشير إلى أنها تحاول إخفاء قصور في إدائها.
عموما أري أن الحان الملك تناسب أفراح عصام واعتقد أن الوسط الفني موعود بثنائي مدهش .
آخر القول :
بطل التنظير والقلاصة .

Quote: العزيز عمر عثمان انا متابعك هنا واختياراتك جميله وذوقك عالي مافي شك نجي لي حتة بتعرف تغني وما بتعرف تغني دي هو الغنا شنو ذاتو؟ كيف يمكن لنا تفسيره؟ انا ممكن اقول والله مابحب صوت الفنان لكن مابيعرف يغني دي كتيره يامحمد تعريف الغنا مسالة صعبة لان واحد صوتو قبيح ممكن يكون بيعرف يغني وواحد صوتو جميل ممكن يكون ما بيعرف يغني ولو الطرفين عرفو يغنو ولكنهما لايزالا تحت تاثير احب او لا احب وحب الناس مذاهب زمان ونحن شفع سمعنا ناس كان عندهم راي ف صوت محمد الامين وصوت عثمان حسين ولكنهم في الاخر امنو ببساطة لانو هذين الفنانين تمرسا اقرا ياصديقي عمر البوست القديم ده وانت تعرف رآيي

صباح الخير يا استاذ ...................

ياخي اشادتك بذوق العالي دي قلادة شرف اعتز بيها جداً ................

انا معاك 100% في حكاية احب ولا احب دي ....... قبل كم يوم اكتشفت بالصدفة شخص تربطني به علاقة منذ فترة طويلة لايحب العملاق محمد الامين ولا يسمع اغانيه حقيقة شعرت بصدمة لمن قربت اقطع علاقتي بالزول ده .............. بعرف ناس ما بحبوا حمد الريح ناس ما بريدوا كابلي ...... الخ لكن ببقي في سؤال مهم كم نسبة الناس ديل الى نسبة محبي وعاشقي محمد الامين وحمد الريح ............ الخ والشعبية والقبول عند الناس هي التى تمنح الفنان الاستمراية وتساعده على النجاح ومهما شجع المختصين فنان او ساعدوه بالالحان والكلمات فلن يكتب له النجاح دون وجود القبول والاستعداد لسماعه من قبل الجمهور ............................


تخريمة :

غايتو لي يوم الليلة ما لاقاني زول قال ما بحب الموصلي ..................

ياربي الفرماله كنت انا ولا طلحه
ولا مشغوليات عمر وضيوفه؟؟؟

أستاذنا الموصلي :
مع إني حا أكون جوطت ترتيب الردود بس حا استعجل واجيك عشان اعتذر عن الغياب في الردود فقد شغلتنا اموالنا واهلونا :) فكل العتبى للاخوان اللي مرو من هنا وعلقوا ولسة ما عقبنا عليهم ..
أولاً استاذنا الموصلي شايفك حددت أغنية بي عينها ومشيت استمعت ليها واتوقع إنك قصدت أغنية (لا صوت لا صدى) لكن والله ويعلم الله انا ما كنت قاصد العمل ده تحديداً لكن قاصد كم عمل تاني سمعتهم وافراح بتأدي فيهم ومن ضمنهم لا صوت لا صدى بس يبدو إنو إصرار المك وافراح في استعجال إشهار الأغنية وتقديمها كعمل رمز يطلع افراح فوق خلاهم يكرروها كتيير في كل الملتقيات الثقافية والتلفزيونية والازاعية مع إنها ما اغنية من الوزن التقيل لكنك ادرى استاذي مرات كترة التكرار بتخلي الناس ترسخ في اذهانها الاعمال قوة واقتدار سواء لاقت قبول او لا ..

Quote: فوجدت ان عمر الفاروق لم يمسك بالعصا جيدا احمد المك لم يفكر في عافيه وهو يلحن لافراح ولكن هذا هو الاستايل الخاص به في التلحين

أختلف معاك في حتة إستايل المك دي لي سبب واحد بسييييط جداً ..
سمعت المك وهو بيلحن لي نادر خضر؟؟
امكن انا عرفت امكانية المك اللحنية في ثنائياته مع نادر خضر ولسبب بسيط لأنو كان بيقدر يلحن حسب استايل واداء نادر خضر وبالمناسبة دي شطارة تحسب للمك في التلحين بيعرف يخت قالب اللحن ومن لحنه بتعرف انو الاغنية دي مفروض يديها لي منو من الفنانين .
عشان كده انا قلت الالحان الاخيرة دي الحان فيها نفس عافية حسن وانا متأكد إنو معظم الالحان دي اتجهزت لي عافية قبل افراح ..
صدقني استايل المك في التلحين مختلف وممكن انت زاتك توافقني الراي يا موصلي انك ممكن مرات وانت بتلحن ليك في نص شعري بتتخيل إنو اللحن ده مفروض يغنيهو عصام او محمود او وردي او الموصلي وبتبدا تطور في اللحن ده عشان يناسب امكانيات صوت الفنان المعني وبالتالي بيتغير الاستايل حقك ..

Quote: فوجدت بان هنالك جماليات وتعابير زاهية في صوت افراح لم يفلح المكساج الصوتي في اظهارها وغطت الاوركسترا علي تلك التعابير وهذا ليس ذنبها

وانا عشان ما اهضم للبت حقوقها الابداعية مرررة واحدة صدقني افراح مرات عندها اغنيات بتعمل فيها شغل كويس وما بطال يعني مثلا لمن غنت اغنية ثنائي العاصمة (والله وحدو بينا) عملت شغل في صوتها حلو جداً لكن البت في العموم يا موصلي صوتها سنيييين وسنين شديييييييييد وبالتالي فهي في المجمل ما بتأدي بي صورة كويسة لكن في كل عشرة اغنيات ممكن تديك عمل واحد كويس وده البيخلي انو صوتها محدود مع اني عارفك ممكن هنا تزنقني وتقول لي ده معناها هي عارفة امكانياتها الصوتية وممكن تغني وتتمرن حسب البتقدر عليهو ..

Quote: واعتقد ان عافية نفسها كانت ستتكعبل فيها

أها في دي انا بتحدااااك عديييل يا موصلي ..
وليت عافية كانت بتغني لسة وكنت حا اكسب الرهان ..
كنا حا نستخدم نظرية سف وقارن :)
وكنت وقتها حا تفهم وجهة نظري بيان بي العمل ..
بس يا خسارة اسة ما حا نقدر نخوض غمار التحدي ده لانو البت وقفت تقريبا او كما اسمع ..

Quote: ثانيا محاولة التقليل من احمد المك لا جدوي منها فهو موسيقي جاد سليل اسرة موسيقية جادة خاله الفنان الكبير حسن عطيه وشقيقه الملحن الكبير المعتزل فتحي المك تحرمني منك ارخي الرمش مثالا

مع إني متأكد من إنك ذكرت الامثلة دي لي لفت الناس فانا مقتنع تماما انك تؤيد تماااما إنو الفن لا يورث ..
وكونه ابن شقيقة حسن عطية فده ما سبب لي انو يكون ملحن ممتاز..
ومع كده فانا بقول ليك احمد المك ملحن جاد ما اختلفنا ..

Quote: لو اكتفي الماحي بقول النصيحه وانا السودان واغنية اسامه الشيخ التي صدر شريط يحمل اسمها (المسافة )لكفاه ذلك

أما فيما يخص الماحي سليمان فانا اختلف معاك تمااااما يا استاذنا ..
والقصة ما قصة لكفته ولوفته وما عشان قدم عمل عملين ولو مليون عمل متميز نقيف معاهو في حاجات غلط ..
الماحي سليمان بقا يغرد خارج السرب ويستخدم اسلوب المجاملات بعيد عن العلمية وده حا يهدم تاريخه اللي انت قلت بيشفع ليهو ده ..
موضوعنا عن الماحي سليمان قد يطول يا استاذ لكن عشان ما اطش بيك خلينا نرجع لي موضوع افراح ده ..
سلمت يا موصلي..

Quote: غايتو لي يوم الليلة ما لاقاني زول قال ما بحب الموصلي ..................

لأنك - ببساطة – ما لاقيت عبد الفتاح الله جابو

أخي ود الفاروق
تحياتي ،

كلامك كلو في محلو ، ومن زمان
قلنا لود الموج أفراحك دي
(سماحة جمال الطين) ، وهي
بعيدة جداً عن الغناء .. وأحسن
تشوف ليها حاجة تانية غيرو ،
ولسنا خبراء ولكننا ذواقة
أو هكذا نصنف أنفسنا كمستمعين ؟!


تخريمة :

الأخت دينا خالد
تحياتي ،

Quote: اها اقول ليك كلام ؟ انا سماحة ندى القلعه دى اصلللللى ما شفتها .. عروووووب حتى صوتها عررروب اها !!!

لكن ما بالغتي عديل يا بت أمي !؟

حرام عليك ، ظلمتي فنانتنا
غايتو إنتي عاملة زي زوجتي :
يا حاسدة يا بغرانة ؟!

ندوية دي : سمع وشوف ،
قالت عررروب قالت .. الله يسامحك .



مودتي لكما،



( ليمو )

Quote: Quote: غايتو لي يوم الليلة ما لاقاني زول قال ما بحب الموصلي .................. لأنك - ببساطة – ما لاقيت عبد الفتاح الله جابو

اها شفت ياعمر عثمان كلامك جاب لي ملاسي
ايه راييك لو قلت ليك انو عبد الفتاح قال لي بي عضمة
لسانو نحن فخورين بيك يا موصلي وفي بيتو كمان
طبعا بكون جاملني لاني من زمان عارف شعورو ليس تجاهي فقط
بل لكل من درس في معهد الموسيقي والمسرح (خصوصا الموصلي اللديح)

داير ارجع لي عمر تاني لكل فنان محبين وغير محبين بل
وكارهين كمان

ياخي واحد هبشني هنا بي قصيده
عشان عملت بوست ضخم الوم فيه اوباما علي تقصيره في حق
اعظم فنان مر علي اميركا وواحد الاجمل في تاريخ البشريه (مايكل جاكسون)
تصور برغم ان مايكل لاينطق عن الهوي في الفن
الحمد لله القصيده مشت الخور لاهبشتها لا سيدها هبشها لا واحد عبرو
تحياتي لك ولملاسي صديقي اللدود
وربنا يطول عمر عمنا عبد الفتاح الله جابو (لي ) ولا مافي داعي هههههه

ياملاسي عليك الله ماترسل لي الفيديو بتاع البرنامج ده
والله ده فيديو تاريخي وبالله ماتخذلني

Quote: Quote: فوجدت ان عمر الفاروق لم يمسك بالعصا جيدا احمد المك لم يفكر في عافيه وهو يلحن لافراح ولكن هذا هو الاستايل الخاص به في التلحين أختلف معاك في حتة إستايل المك دي لي سبب واحد بسييييط جداً .. سمعت المك وهو بيلحن لي نادر خضر؟

نقزقز معاك شويه شويه ياعمر عشان لمن تشغلك الكنجالات يكون البوست الجميل ده مستمر
============
اها وقت جابت ليها تحديات حرم زول بعرف نادر خدر زيي مافي ده ولدي
انا اخترتو للدوره المدرسية سنة ١٩٧٩ بمدني كممثل لمدرية الخرطوم مع امال النور
والدورة كانت في مدني
نادر كان في اولي عالي وانا كنت في خامسه بمعهد الموسيقي
اها اليوم داك حضر ليشارك ومعه بنقز فقط قلت ياولد حتغني بدون اوركسترا كيف قال لي بقدر
طيب حتغني شنو ؟ قال لي
شال النوار لمحمد الامين
وعن حبيبتي حاكي ليكم لعركي
جماعه معاي في اللجنة قالو لي الولد ما حيقدر قلتر ليهم سيبوه والنشوف
اها غني الاغنيتين مع البنقنز وكان بيصمت بمقاس اللازمة الموسيقية تماما في الاغنيتين الصعبتين
المختلفتين من ناحية الاستايل
طوالي اخترناهو
والغريبه فازوا الاتنين هو وامال النور علي نطاق السودان
في منافسه ناس مدني كانو حاشدين ناس عثمان النو والفاتح حسين وغيرهم
امال النور لحنت ليها الاماني السندسيه
وغنتها وكانت اول من غناها
الاتنين ديل تديهم اي اغنية بيكسبوها طابعهم الخاص جدا
وبجيك راجع

استاذنا الموصلي:
طبعا ما ناسي كلامك عن نادر خضر ده وقبل كده انت حكيتو لي في بوست زمان لمن انا جبت سيرة نادر خضر وقلت هو احسن من يغني الاماني السندسية بعد الموصلي ويومها حكيت لي الكلام ده ..
انا متاكد انك بتعرف نادر كويس جدا واكتر مني بس ده ما بيمنع انو كلامي صاح واسأل المك زاااتو وقول ليهو صحي بتلحن لي نادر خضر الحان تتناسب وطريقة اداء واستايل نادر خضر المختلف عن معظم لونيات غنانا؟؟
قبل ما تستعجل والمك زاتو يستعجل ويرد ليك صدقني الكلام ده قالوا المك بيييي عضمة لسانو زمااان في التلفزيون لمن سالوهو عن نادر خضر وتحبيشه للغناء السوداني وكيف انو المك يلحن الحان حبشية فكان رد المك ياهو كلامي الفوق ده ..
عشان كده يا موصلي صدقني مرات كتيييرة لمن اتحدى بكون قدر التحدي بتاعي ولو ما متأكد ما بجازف ..
بالمناسبة ردي ده لو اتشعلق ليك فوق فهو لمشكلة في الكمبيوتر يعني ما زوغان ودسدسة :)


طلحة مراجيح :
ياخ عاش من قرا خطك والله ..
انا ما مختلف معاك عافية عبارة عن كوم مكياج زيها زي كل فنانات الزمن ده بمن فيهم افراح اللي تفننو في عمل الحواجب الصناعية وقرن الحواجب بي الرجااالة كده الواحدة منهن حاجبها ما بيكون 2 سم تقوم تجرررو ليك يبقا مترين وربع ..
بس صدقني مبدئيا كده الشكل ده حا اختتو جانبا لحدي ما انتهي من موضوع الصوت بعد داك نجي نكمل طقم الشكل واللبس..
عافية حركاتها التمثيلية كانت كتيييرة لكن صدقني فيها الطاغي الاحساس وزي ما بيقولوا في الكورة اللمسة او اللاست توتش (انجليزيني حبببة ما بعرف اكتب )..

Quote: قبل ما تستعجل والمك زاتو يستعجل ويرد ليك صدقني الكلام ده قالوا المك بيييي عضمة لسانو زمااان في التلفزيون لمن سالوهو عن نادر خضر وتحبيشه للغناء السوداني وكيف انو المك يلحن الحان حبشية فكان رد المك ياهو كلامي الفوق ده

اها مسالة التحبيش دي معظم الموسيقيين السودانيين يعملوها
ودي الحاجه الوحيده الماراضي عن نادر فيها
مره مرتين (اوكي) لكن ماطوالي
ونادر ده لو غنا عديل مابتصاقع
استناني لمن اجيهو قريب في الخرطوم باذن الله