Post: #1
Title: بعد (النفطي) مفاجأة المريخ الثانية ........ لاعب من العيار الثقيل
Author: omer osman
Date: 12-30-2009, 07:43 AM
Parent: #0
• كتب: عمر المكابرابي
فجر رئيس نادي المريخ جمال الوالي المفاجأة الثانية في ملف المحترفين والتي جاءت من العيار الثقيل لاكمال اتفاقه مع نجم وسط الصفاقسي الرياضي التونسي ومنتخب نسر قرطاج الدولي هيثم المرابط الذي يوجد حاليا مع المنتخب التونسي في معسكر تحضيري بدولة الامارات العربية المتحدة استعداداً للمشاركة مع المنتخب التونسي في نهائيات امم افريقيا بانجولا وسيصل الدولي التونسي هيثم المرابط للخرطوم لاكمال اجراءات انضمامه للمريخ وابداء الرغبة بعد اجتياز الكشوفات الطبية بعد ان توصل رئيس المريخ لاتفاق مع نادي الصفاقسي قبل ان يعود للامارات من جديد للحاق بمنتخب بلاده الذي سيغادر مطلع يناير لانجولا.
صحيفة قوون 30/12/2009م
|
Post: #2
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: omer osman
Date: 12-30-2009, 07:47 AM
Parent: #1
|
Post: #3
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: فايزودالقاضي
Date: 12-30-2009, 08:10 AM
Parent: #2
ياعمر ياصفوة ...سلام ..
نتمني ان يكون فعلاً من العيار التقيل ..خاصة بعد العيار المالي التقيل الاندفع في وارغو وطلع عيار اقل من 18 ..
نتمني لسيد البلد التوفيق في هذه التسجيلات ..
شكراً جمال الوالي ..
|
Post: #4
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: عبدالرحيم أبراهيم العبيد
Date: 12-30-2009, 08:17 AM
Parent: #3
بالرغم من أنني أشجع الموج الازرق
فعلا يعتبر هيثم المرابط مكسب كبير للمريخ
مع أمنياتي له بالتوفيق
وأن يفوز أحد قطبي الكره في السودان
بكأس الانديه الافريقيه
|
Post: #5
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: Faisal Elrasheed
Date: 12-30-2009, 08:19 AM
Parent: #3
يا عمر
والله انت بالطريقه دي بتكتل ليك واحد من الجماعة ديل
وين هرون يجي يسمع الاخبار الجميلة دي
شكرا يا جنابو
شكرا المريخ
|
Post: #6
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: محمد عمر الفكي
Date: 12-30-2009, 08:35 AM
Parent: #5
تعرف يا جنابو الشغلة بقت محبطة جدا والمأساة تتكرر كل عام، فكل سنة ونحن نودع ماسورة ونستقبل ماسورة اخرى.
حاجة تحير لا انجازات ولا اي حاجة غير البناء ونحن بنعد وبنحتك وما فضلت ماسورة الا واتينا بها.
يا اخي اديني محترف اجنبي واحد جاء السودان ونجح في ناديه ونجح ناديه في تسويقه لاوروبا او ربح من وراءه، يا اخي عندك قودوين وايداهو هدافي الدوري السوداني ودوهم نادي حمام ميت اسمه النصر الاماراتي الاتنين ما تموا فيه السنة والعرجاء لي مراحها.
عندك فريق الهلال السوداني يشهد الله الواحد لما يحضر له مباراة يخجل، فريق اكثر من نصف لاعبيه مجنسين واجانب؟ هم قايلين نفسهم تشيلسي؟
يا عالم الناس مفروض تهتم بالمدارس السنية وتؤهل لعيبتها من الصغر وتعتبرهم استثمار لناديها وللاندية الاخرى مادام اصله الشغلة تجارية اما انه مفهوم الاحتراف يكون انه نشتري المواسير بس (كالنفطي) فلن تكون له سوى نتيجة واحدة انه المريخ لن يفوز بدوري او كاس الا صدفة وانه الهلال ما حيفوز بكاس خارجي حتى لو لعب فيه على تقسيمة بين الابيض والازرق.
|
Post: #7
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: أحمد الصديق
Date: 12-30-2009, 08:59 AM
Parent: #5
عمر سلام
برغم هلاليتنا نتمنى للمريخ التقدم
ففي قوته سند ودعم لكل الأندية السودانية
أمنياتي أن أرى الهلال والمريخ في نهائيات أفريقيا وأندية العالم.
بس مصادر الجرايد السودانية والرياضية عموماً مضروبة .
دمت بعافية..
|
Post: #8
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: إدريس البدري
Date: 12-30-2009, 09:04 AM
Parent: #7
| Quote: يا عالم الناس مفروض تهتم بالمدارس السنية وتؤهل لعيبتها من الصغر وتعتبرهم استثمار لناديها وللاندية الاخرى |
كلام عقل يا محمد ..لكن البفهم الكلام ده منو؟
صبر مافي نهائي ........ويا ريت بعد ده لو بجيبوا حاجة
تحياتي
|
Post: #9
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: خالد عبد الله محمود
Date: 12-30-2009, 09:26 AM
Parent: #8
عمر عثمان الشهير بجنابو عمر
سلامات يا حبيب
نجيكـ راجعين تاني ..
كدي بس أشرح لي حاجة, خانات المحترفين الأتحاد السوداني حددها بثلاث خانات يلعب فيها في المريخ حالياً وارغو و كاسروكا المدافع الجديد و كلتشي .. طيب أين سيتم تسجيل النفطي ؟؟ و أين سيتم تسجيل هيثم المرابط ؟؟ لابد من إخلاء خانتين من الثلاث بالإضافة لأن التخلص من إيداهور و لاسانا لا يحل المشكلة لأنهم مجنسين و ليسو محترفين ؟؟
كدي حلوا لينا الفزورة دي يا مريخاب ؟؟؟
|
Post: #10
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: محمد عمر الفكي
Date: 12-30-2009, 10:27 AM
Parent: #9
ادريس
عشان كدة كورتنا ما حتتقدم
خالد
بنسجلهم تحت بند ابناء الشهداء او اعفاء او اي استثناء تاني، ما تخاف بيلقوا ليهم فرقة يزقوهم فيها.
|
Post: #11
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: أبوالزفت
Date: 12-30-2009, 11:18 AM
Parent: #1
الاخ عمر
مبروك عليكم النفطي لكن لو كان مفيد ومؤثر ما كان النصر اطلق صراحو
|
Post: #12
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: بكري عباس علي
Date: 12-30-2009, 08:59 PM
Parent: #11
قلتا لي النفطي والمرابط
اها برضو ما حتلمو في حاجة
ياخي لمو عليكم قروشكم الكتيرة دي ياخ
او ادونا ليها نعمر بيها المقبرة
اقول ليك حاجة ياخ
التونسية نفر علينا جاااااااااااااااااااي
|
Post: #13
Title: Re: بعد (النفطي) مفاجأة المريخ الثانية ........ لاعب من العيار الثقيل
Author: خالد درق
Date: 12-30-2009, 10:19 PM
Parent: #12
الاخ / عمر جنابو تحياتى
عندى سوال هل ( النفطى ) صالح للمريخ ولا ضياع قروش ساكت زى وارغو
مع العلم انا مريخابى للنخاع
مودتى
|
|