صاحباً ليا أعرفو زي جوع بطني ..
قال ليا ..
وهو يأخذ وضع الناس الجادين
مع إنه هو لا جاد ولا حيبقى جاد
ومع ذلك طمنته بأني مصدق الجدية النزلت عليه فجأة دي
خلاني أتذكر أخونا دااااك القال
أحييييا من شوية (الجدية) التورت نفسنا دي !!
المهم النقول قال لي شنو
ويا لهول ما قال
قال لي تقدر تقول : جن قرود ختن قدورن
وجاء القرد الكبير خت قدرو
خاتات القرود الختن قدورن
ولا خاتي القرد الكبير
الخت قدرو وسط قدور القردة
ولمان لقاني مقلع عيوني
وأنا بقولوا أيييييه .. وما فاهم حاجة
استلقى ثم ضحك حتى بانت نواجذه قائلاً بظرف
فتش براك في الحاصل حواليك من ناس حكومتك دي
حتعرف مين القرد الكبير
وحتعرف مين القرود
ووين القدور
فاهمين حاجه إنتوا ..
ولا أنا حتى إشعار آخر ..
كدي النشكها ونوزعها تاني
يمكن نفهم ويكون الزول على حق
مش ؟؟ ..