Post: #1
Title: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 08:14 AM
Parent: #0
غايتو الدُنيا دي ماشا بينا وين ماني عارِف؟!
المُسْتغرِب ليهو -بِالإضافة إلى كَون الدُنيا بِت الهِرما دي تضطراني أدَيَن مِن راعي ضان- إنو كورك لِكيكي وقال ليهو -يعني الود بِهظِر- خليك شاهِد يا كيكي أنا عاوِز مِن عزام قُروش. يا زول القرشا التقيف في رقبتك الخانِقا يوت بِحَبِل مدَلْدَل فوق سدرك.
|
Post: #2
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 08:25 AM
Parent: #1
ظني أكان بدرالدين بِقى عاقِل ودايِر حقو ، يِجي يوم " الزِيارة " أرفع ليهو " فاتحة " تنجيهو وتْهديهو ... حقو الناس القُراب مِنو يِنْصحو بِالمَوضوع ده ... أصلو الدُنيا ما بِتمشي كَدي بِوشا " كرفتات " " سيكار " " بِدَلْ " " أحذِية إيطالِية " أكان دي عوايِدا أكان الله سماها " عُلْيا " مُش " دُنيا " ... حقو تنصحو
|
Post: #3
Title: Re: بدرالدين الأمير دَيَني أبارِح أقل مِن 28 دولار أمريكي!
Author: محمد عبدالرحمن
Date: 12-29-2009, 08:40 AM
Parent: #2
| Quote: يِجي يوم " الزِيارة " أرفع ليهو " فاتحة " تنجيهو وتْهديهو |
عزام ياخوى اظنو قريبى دا ماسمع باادريس ودالارباب (اب فركه)
|
Post: #4
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 08:46 AM
Parent: #2
مرات الدُنيا تاخُد مِن البخيت حقو ...
وجايِز يِنْهزِم "الشعبي" قُصاد "حقو" ...
عِلا أقول اليِتْصَنَط المدوعَل لِلقُراب حقو ...
يِمْه أخير أطْبِق القُروش ولا ألزمْ دقو ...
مو كُتار .. مو ألْبِل .. مو الخزين دقو ...
عِلا البِسُك ما بِفْرِز الكُبار مِن دقو ...
|
Post: #5
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 09:00 AM
Parent: #4
محمد عبدالرحمن ...
| Quote: عزام ياخوى اظنو قريبى دا ماسمع باادريس ودالارباب (اب فركه) |
زولك بخيتًا تب ... قِبيل فاتو " السمع " فهَيأ لهُ الله تعالى أن " يلْتقينا " هكذا ..
حدِثو وقولو يا خوي الفُرصة ما بِتجي مرتين ... قولو :
الهنا مِتْل العُمُر بِجيك مرا ...
مِتْل نسام في الصقيعا ومرا ...
بِفوت إن الوِشيش دهَمْ وإتصرا ...
|
Post: #6
Title: Re: بدرالدين الأمير دَيَني أبارِح أقل مِن 28 دولار أمريكي!
Author: الحاج حمد الحاج
Date: 12-29-2009, 10:37 AM
عزام فرح
| Quote: ظني أكان بدرالدين بِقى عاقِل ودايِر حقو ، يِجي يوم " الزِيارة " أرفع ليهو " فاتحة " تنجيهو وتْهديهو ... |
تلحقنا و تنجدنا..ديل ما عارفين جدك منو؟
|
Post: #7
Title: Re: بدرالدين الأمير دَيَني أبارِح أقل مِن 28 دولار أمريكي!
Author: بدر الدين الأمير
Date: 12-29-2009, 10:47 AM
Parent: #6
الغارم عزام حسن فرح
حل دينك عشان تنوم عينك
والمبلغ 28000 دولار
وغارمنا السابق كيكى يشهد
|
Post: #8
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 11:05 AM
Parent: #6
الحاج ...
في البدء جدي أكان في نجد ...
ثُم بعد ذلِك فات الجِبال لِنجد ...
وأصبح لِلضهابا تكِية ونجد ...
ظنْك يا الحاج أخوي المَصيبة ده بِسْعلني مِن قِريشاتو المِعْفِنات ديل؟ والله الزول يِشوف " سيكارو " يِقول كِبْريتا بِـ28 دولار بِسِعر برندات شارِع الجمهورِية زمان ... والله عربي ونجح هييييع
|
Post: #9
Title: Re: بدرالدين الأمير دَيَني أبارِح أقل مِن 28 دولار أمريكي!
Author: BAKTASH
Date: 12-29-2009, 12:31 PM
Parent: #8
يا ناس الدوحة ... شنو الحكاية!!
الكتررررررابة !!
|
Post: #10
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 12:51 PM
Parent: #9
BAKTASH
| Quote: يا ناس الدوحة ... شنو الحكاية!! |
< ... إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ ... > البقرة 282
دين دين ... دين الله ورسولو ... بس بِنكْتِبو في الإسْفير ... الدُنيا ما معروفة يا خوي والحق كتير بخاف يِتْغابو حق الزول أولاد " الكاهلِية " قُتْ أخير أنكْتِبو والواضِح مو فاضِح (الدين البقِر بيهو وبِشْهد عليهو كيكي أقل مِن 28 دولار أمريكي كان مساء يوم الإتنين 28/12/2009م)
يا الراكِز حسن ولدي ، يوم ما ترفعو الفُراش ويِتْلمو الخلِق أفرُز الجِلِد وملِحو تب وعُقْبًا ودي سوق أُم حجر بيعو ورُد لِود الأمير قِريشاتو وسوق معاك جدَك جادكريم ود الضواها وعباس ود الجاك وود الهبرو ... الزِويل ما يِخلص حقو مِن حسناتي ... أصلو ما مارِق مِنا
|
Post: #11
Title: Re: بدرالدين الأمير دَيَني أبارِح أقل مِن 28 دولار أمريكي!
Author: بدر الدين الأمير
Date: 12-29-2009, 01:06 PM
Parent: #10
بكتاش
شايف قوة عين الرطانة ابان لسان (اغلف )
انت يا عزام غلفة اللسان دى جات كيف ومن
وين وكناية عن شنو
|
Post: #12
Title: Re: بدرالدين الأمير دَيَني أبارِح أقل مِن 28 دولار أمريكي!
Author: الحاج حمد الحاج
Date: 12-29-2009, 01:20 PM
Parent: #11
بدر الدين الأمير
Quote: الغارم عزام حسن فرح
حل دينك عشان تنوم عينك
والمبلغ 28000 دولار
وغارمنا السابق كيكى يشهد |
ود الأمير الأمير
بالله انت الخربت علينا المحسي دا..تدينو و كمان بالدولار..دا تاني بدل قهوة بت ابراهيم ح يشرب الاسبرسو Double Espresso أو أو يقول كمان Doppio Espresso
|
Post: #13
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 01:25 PM
Parent: #11
بدرالدين
Quote: انت يا عزام غلفة اللسان دى جات كيف ومن
وين وكناية عن شنو |
(1) غلفة اللسان دى جات كيف؟
(2) من وين؟
(3) كناية عن شنو؟
دي تلاتة أسْئِلة يا بدرالدين يا خوي ... والعِلِم بِمْشولو مشي وبِكوسوهو كُواسا وبِدفعولو قُروش ... أها يا خوي إتْ سويت فيهِن إتْنين ... الراي شنو في التالتة الفوقا القُروش ... ظنك الـ28 دولار هيلاتك العِندي بِقَضَنْ؟ النقول يا زول بِقَضَنْ بِترضى أجاوِب ليك بيهِن؟
|
Post: #14
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-29-2009, 01:40 PM
Parent: #13
الحاج
والسِبيرتو ده شنو حتو؟ يا كافي البلا علو بِفِك القريفه ... لا يا خوي حد الله بيني بينو ... الشي بِسوولو دوا وسليقا ساااي ... أها النقول نفع في طعمو بِت إبراهيم بِتغني في مدقو بِشنو؟ عِندها فُنْدُق فوقو حِجِل وِكْتين المدق يِنْحشِر في الفُنْدُق تسمع الحِجِل رنْ وطَنْ ... تقوم بِت إبراهيم تديهو هزه وتْمَيِلو شِمال ... تسمع يِقولك " كش كنج كشْ كنج " وتنتشي وتسمعا تغني " يا يِمْه لا تدُقْنو ... العُقر ما بِلْدنو " وأنا بِهِناك مِكَوِع فوق دُردُم ومِقَهي ودُعاش البُن مِتَقِل جِفوني البِشوفْني يِقول نايِم ... أها يا خوي المصيبة المِتْل السِبيرتو دي بِسوي جِنِس ده ولا ساي نقنِب نباري فلهما ودالأمير لامِن تمرُقنا مِن الجنة وصقطا
|
Post: #15
Title: Re: بدرالدين الأمير دَيَني أبارِح أقل مِن 28 دولار أمريكي!
Author: بدر الدين الأمير
Date: 12-29-2009, 02:01 PM
Parent: #14
| Quote: دا تاني بدل قهوة بت ابراهيم ح يشرب الاسبرسو |
ود الحاج
لمو رطانيكم عليكم في بحرى او تدوهو البحر
وبعد بكرة انا عندى اجتماع مع اختى بت ابراهيم
ووليداتا عشان نقرر نوديو مستشفى حمدة للامراض
العقلية بالدوحة او نسفرو نربطو في قبة جدى حمد
ود ابوزيد في اربجي المهم فسراع ققررو حالة زولكم
متأخرة شديد
|
Post: #16
Title: Re: بدرالدين الأمير دَيَني أبارِح أقل مِن 28 دولار أمريكي!
Author: الحاج حمد الحاج
Date: 12-29-2009, 10:00 PM
Parent: #15
Quote: ود الحاج
لمو رطانيكم عليكم في بحرى او تدوهو البحر
وبعد بكرة انا عندى اجتماع مع اختى بت ابراهيم
ووليداتا عشان نقرر نوديو مستشفى حمدة للامراض
العقلية بالدوحة او نسفرو نربطو في قبة جدى حمد
ود ابوزيد في اربجي المهم فسراع ققررو حالة زولكم
متأخرة شديد |
ود الأمير الأمير
خلاص يا زول أنا بكون معاكم في الاجتماع عبر شاشة أونلاين و القرار البتجمعو عليهو ننفذو ، لكن قبل كده عزام دا جاب صورة قبة قال دي قبة جدو في المحس!! باقيلك الكلام دا كيف ود شيوخ و يودوهو لي شيخ تاني!!
|
Post: #17
Title: Re: بدرالدين الأمير دَيَني أبارِح أقل مِن 28 دولار أمريكي!
Author: عزام حسن فرح
Date: 12-30-2009, 04:57 AM
Parent: #16
الحاج
| Quote: باقيلك الكلام دا كيف ود شيوخ و يودوهو لي شيخ تاني!! |
والله يا مؤمِن يا مُصدِق ... أنا في الآوِنة الأخيرة بِقيت ما قادِر أتحكم في " الرغبات النِهائِية " ... كيف؟ أقول ليك ... زمان وِكْتين أضايَقلي مِن زول ، بقوم الليل وبكون صايِم وبسأل الله يِنْصُرني ... أها مع الأيام ، لامِن إتْحتا مِني " الران " بِقيت بقوم الليل بس بِدون ما أسأل رب العالمين الإنْصاف ... قبُل كمين شهر كَدي بِقيت لامِن أتضايَق مِن زول الليل زاتو ما بقوملو ... بس بعايِن لا فوق ، وبنال النصُرْ ... ها الوكِت العلينا ، بِقيت حتو المُعاينة لا فوق إتْعفيت مِنا ... أضايِق مِن زول بِضرا في التو واللحظة ، ودي ما مِرَيِحاني ، لأني مرات بكون دايِر الباب يِكون مُوارِب بيني وبين المُضايِقني ... بدور أديهو فُرصة ... ما عارِف أعْمِل شنو؟ إتْصلت بِمشايِخ المحس نصحوني " أتْوسخ " علشان يغلِب " الطين " على " النفخة " وأصبِح كحالي اليَوم إلا قليلا ... بس ما قالولي " أتَوسخ " بِشنو؟ الذنوب " البِتْوسِخ " كتير يا خوي يا الحاج ... بخاف أدْخُلي في شيتًا يِرجِعني " طين " مِتْلي مِتل ودالأمير مثلاً ... ما عارِف أسوو شنو؟ ها الأيام قاعِد " أقْطع وأنِمْ " فوق أبوي حسن فرح ، مِنا أصرفْلو حسنات ولا أشيل مِنو سيِئات ومِنا " أتْوسخ "
|
|