رانـي الـسـمـانـي فـي الـفـلـبـيـن...

إتفقنا أنا والأخ راني السماني نعمل عيزومة لبعض الأصدقاء من الصومال، كندا،
والفلبين. ظبطنا العضة في بيت الأخ راني، وأنا عملت رز بالجداد حاجة ما تخلص.
الضيوف وصلوا وفيهم واحد فلبيني صاحب راني الروح بالروح، كان مبسوط من
الرز بسطة جد، يشيل ويعبئ في صحنو،و يتكلم مستلم المجلس ما مدى فرصة لزول
معاهو وعادى الحالة وآحدة منبرش للآخر في الونسة. قضينا يوم جميل والفلبيني
إستمتع بالرز، ثمّ إنفضّ السامر.

دائماً أقضي إجازات الأعياد في المدينة الساحرة (كالقري) وسط الأهل والصحاب.
كالقري تبعد حوالى (750)كلم من (قراند براري) المدينة التي نسكن فيها أنا والأخ
راني. دائماً بمشي سواقة وتستغرق مني حوالى الـ(7) ساعات. أحياناً أقضي بعض
الوقت في مدينة (إدمنتون) وهي تقع في الطريق إلى (كالقري).
المهم... أخبرت الأخ راني أني سأُغادر إلى (كالقري) وقال لي إنه سيرافقني لقضاء
بعض الأغراض من (كالقري). قبل العيد بثلاثة أيام إنتابتني حالة أرق عندما أويت
إلى فراشي في الساعات الأولى من الصباح (شغال ليل وبنوم الصباح). إتصلت
بالأخ راني وقلت ليهو: أنا ما قادر أنوم أراح نمشي (كالقري) الآن.
قال لي: يأخي ما في طريقة عليك الله أصبر لباكر.
باليل حوالي الساعة 10 إتصل عليّ وقال ليّ: أيه رايك نمشي (كالقري) الآن؟
قلت ليهو: طوالي، أراح.

ضربن لينا سندوتشات شاورما وحوالى الساعة 11 كنا متوجهين إلى كالقري.
توليت القيادة، بعد أن شرح لي رأني إنه رايح لإستلام سيارة من الفلبيني
الأكل الرز في العيزومة وحا يجي قالب الصباح طوالي. بعد قطعت حوالى
500كلم صحى رأني وإستلم القيادة حتى مدينة (كالقري)، التي وصلناها حوالى
الساعة 6 صباحاً، وقررنا نتوجه لبيت الفلبيني الأكل الرز طوالي.
إتصلنا على الفلبيني الأكل الرز، أدانا وصف البيت، وكان وقتها التعب والإرهاق
داير يكتلنا عدييييل كده. طشينا من العنوان ودورنا شكلة مع بعض. بعد روقنا
إتصلنا على الفلبيني تاني، قال البيت جنب طرمبة البنزين والمدرسة.
المهم، قدرنا نصل بيت الفلبيني الأكل الرز. الراجل سلّم علينا بتحية الإسلام،
وقال كان أخدلوا قعدة في السعودية.

قلنا ليهو: دايرين نسوق العربية. (وكان عرضها لراني بسعر رخيس جداً. مما
جعل لُعاب راني يسيل، وأسرع لكالقري حتى لا تفوتوا البيعة).
الفلبيني الأكل الرز قال: الحقيقة العربية أنا كنت موقفها ودخلت الدكان، جا واحد
صدمها من ورا وهرب. لكن الصدمة خفيفة جداً حتى أنا سقتها من الدكان للبيت
وهي في البيت، ممكن تشوفوها.
طلعنا برّة والواطة برد شديد ونحن من شدة التعب دايخين عديل كده.
ويا لهول المفاجاة، ويا لهول الإحباط الوقعن علينا لمان شفنا العربية!!! وحاتكم
مهشمة ومدشدشة تقول طاسيها قندران!...
نحن واقفين في البرد ودايخين من التعب، والفلبيني الأكل الرز بيحاول يقنع
راني إنو العربية بحالة جيّدة.
تدخلت أنا بإنفعال وزعل وقلت ليهو: العربية ما ياها دى قدامنا ونحن شايفنها.
إنت ليه عايز تقنعنا إنها بحالة جيّدة!!!
راني قال لي: عليك الله يا معاوية تمشي تقعد في العربية. الزول ده، بس خليهو
على أنا.

مشيت قعدت في العربية، وممغوس. بعد مساااافة، جاني راني العبرة سادة حلقوا
وداير يبكي.
قال لي: بالله، الزول ده، دي عملية يعملها؟
أنا: على أيّ حال البقت بقت، نمشي الطرمبة نكب بنزين، ونكسح البيت.
ونحن في طريقنا للطرمبة حسيت إنو زولي محنبك حنبيكة شديدة جداً. نزلت أعبي
البنزين، وهو نزل، ليه ؟ أنا ما عارف. قبل ما أخلص من البنزين القالكم راني
فتح بكاء. يا أخوانا دي شقاوة شنو دي، الوقعنا فيها؟
أنا: يا راني يا أخي الكلام ده عيب.
راني: يا معاوية، عليك الله، دي عملية يعملها؟
أنا: يا أخي الفلبيني الأكل الرز ده ما تشتغل بيهو كتير. أنسى.

الزول يجوعر وشفع المدرسة بدو يتجمهرو حوالينا وهاك يا أسئلة.
الشفع: ده مالوا ده؟
أنا: يا ولاد أمشوا مدرستكم ما في حاجة.
بعد شوية الناس الماشين الشغل، والناس الدايرين يكبوا بنزين كلهم إتجمعوا في
الطرمبة، والهندي بتاع الطرمبة إشتغل تش، شبس، شكولاتة، حاجة بآردة،
بنزين...الخ. كان يوم بالنسبة ليهو مولد عديييييل كده.
الخواجات يشيلوا ويختوا مع راني. بعد تعب وتحنيس حتي سكت، ودخل الطرمبة
غسّل وشيهو، وجاي طالع يتنخج الهندي أداهو قطعة شكولاتة قعد يلوغد فيها
ويتنهف.
بيني بين نفسي قلت: وحات ربي دني.
الهندي بتاع الطرمبة جاني، وأنا تعبان ريقي ناشف وممغوس.
قال لي: أيّ نوع من الشكولاتة بتحب؟
أنا: بلهفة. (بك ترك). نوع الشيكولاتة دي أنا بموت فيها عدييييييييل كده، نظام
لكوم مضروب بطبقة من الشيكولاتة بالخارج. حسيت بريقي جرى، وقلت في
نفسي، الهندي البركة ده حا يتحفني بواحدة.
الهندي قال لي: أخوك ده لمان تجيبو المرة الجاية، بديك قطعتين مجاناً.
في نفسي قلت ليهو: أنا ناقصك، يا ثقيل يا بايخ؟

مشينا البيت، وزولي يشيل ويتنهف.
قالت ليهو: وكت أصلها الختوة جابتك عيّد معانا.
قال لي: لا لا لازم أسافر اليوم.
قلت ليهو: يا أخي أنا تعبان داير أموت. حرام عليك.
راح يبحبت في النت، لقى ليهو تذكرة طيارة رخيسة قطعها.
قلت ليهو: يا زول أنا ما بقدر أوصلك المطار. خليني أضرب ليحي أبنعوف
يجي يوصلك.
قال لي: أوووووووووووعك. بيجي يشمت فيني.
المهم إنجبرت وقمت وصلتوا المطار. وكت بقى خلاس ماشي على الطيارة،
قلت ليهو: أسمع، أووووعك تمشي تسويلك نخجي في الطيارة، تبقى
فضيحتنا أرض جو...

اسه بقت عليه كمان تذكرة طيارة؟؟
لا حولا!

قول ليه مني قالت ليك الخير في غيرها باذن الله..



اها انا بقيت علي الشماليه..بس ماني عارفة ياتو اسبوع..
رسل لي العنوان ورقم التلفون بتاع ناس البيت في المسنجر..

Quote: الفلبيني الأكل الرز

والله يا معاوية شلت حسو بالرز حقك دا... لو كان عارف الحكاية فيها سودانيزأونلاين ما كان أكل رزكم.
لكن بيني و بينك الاتشال حسو بالجد راني.... سلم لينا عليهو.

Quote: قول ليه مني قالت ليك الخير في غيرها باذن الله..

ولدكم غلبوا ينستر يا منى...

Quote: والله يا معاوية شلت حسو بالرز حقك دا... لو كان عارف الحكاية فيها سودانيزأونلاين ما كان أكل رزكم. لكن بيني و بينك الاتشال حسو بالجد راني.... سلم لينا عليهو.

شفت الفلبيني الأكل الرز نجيض كيف يالعوض!
داير يدقس صاحبك، لكن دشدشةالعربية كانت
ظاهرة، بس المقلب متعة عدييييل كده. والا
رايك شنو؟...

ود المدير يا باشا سلام ليك وللمعاك

Quote: وقال كان أخدلوا قعدة في السعودية

دا السر هنا

Quote: قال لي: بالله، الزول ده، دي عملية يعملها؟ أنا: على أيّ حال البقت بقت، نمشي الطرمبة نكب بنزين، ونكسح البيت. ونحن في طريقنا للطرمبة حسيت إنو زولي محنبك حنبيكة شديدة جداً. نزلت أعبي البنزين، وهو نزل، ليه ؟ أنا ما عارف. قبل ما أخلص من البنزين القالكم راني فتح بكاء. يا أخوانا دي شقاوة شنو دي، الوقعنا فيها؟ أنا: يا راني يا أخي الكلام ده عيب. راني: يا معاوية، عليك الله، دي عملية يعملها؟ أنا: يا أخي الفلبيني الأكل الرز ده ما تشتغل بيهو كتير. أنسى.

ههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههههههه
بكيتني عديل كدا.. الله يجازي محنكـ.

هههههههههههههههههههههههههههههههه
ههههههههههههههههههههههههههههههههه

برجع ليك يامكوجن

Quote: ود المدير يا باشا سلام ليك وللمعاك Quote: وقال كان أخدلوا قعدة في السعودية دا السر هنا

قريبي عبد الرازق،
السلام يغشاك وأولادك. طيبين؟
من عاشر قوم. أوّع الحكاية تبقى
عليكم.
صاحبك مجبود، علي اليمين اليوم
داك لو ختينالو طشت رز أكان
قامبو...

نديدي \ ود المدير,,, سلامات


الفلبيني خله انت راني ده ما صاحبك الروح بالروح


شايل حسه مااااالك ما تستره وكتين بكي يا أخي.


عدلنا يا معاوية الخطأ في كلمة ود بدل دج شكرا

Quote: قلت ليهو: يا زول أنا ما بقدر أوصلك المطار. خليني أضرب ليحي أبنعوف يجي يوصلك. قال لي: أوووووووووووعك. بيجي يشمت فيني. المهم إنجبرت وقمت وصلتوا المطار. وكت بقى خلاس ماشي على الطيارة، قلت ليهو: أسمع، أووووعك تمشي تسويلك نخجي في الطيارة، تبقى فضيحتنا أرض جو...

هههههههههههههههههههههههههههه
ههههههههههههههههههههههههههههه
سلام معاوية ود المدير
الله يبارك فيك ياالفلبيني الأكل الرز
ولله تستاهل يا راني السماني تستاهل اكتر من كده
تجي كالقري انت و معاوية ود المدير وما تجونى
انا لو عارف كده كان صليت ركعه الى الله عشان ماتلق لك طيارة
ولله الفلبيني الأكل الرز نجيض نجاضه عفيت منه وراضي عنه

ماكان العشم معاوية وراني فيكم تنسوني
والله كان انا ظني تجوني قبل اناديكم
لكن لاسف بانت وخابت فيكم ظنوني
وهدمتو اجمل احلامي لكم وخيبتو الرجا فيكم
الله يبارك فيك ياالفلبيني الأكل الرز الشمتنى فيهم

سردك مبالغة يا ود المدير ..

بعدين قول لي راني دا يعمل حسابو من أي جنس بياكل رز .. الجماعة آكلين الأراوز ديل أصلو ما بتجي منهم حاجة حلوة ..

بس دي دايرا ليها لائحة تفسيرية :

Quote: الهندي أداهو قطعة شكولاتة قعد يلوغد فيها ويتنهف.

يلوغد ويتنهف دي معناها شنو ؟!!

Quote: نديدي \ ود المدير انت راني ده ما صاحبك الروح بالروح شايل حسه مااااالك ما تستره وكتين بكي يا أخي.

أكان إنستر كان سترناهو يا نديدي،
وأعلموا أنّ السترة والفضيحة منضربات
في صفحة بعض...

Quote: ماكان العشم معاوية وراني فيكم تنسوني والله كان انا ظني تجوني قبل اناديكم لكن لاسف بانت وخابت فيكم ظنوني وهدمتو اجمل احلامي لكم وخيبتو الرجا فيكم الله يبارك فيك ياالفلبيني الأكل الرز الشمتنى فيهم

يا يحيى صاحبك كان حالتو بالبلاء
كمان دايرني أكركرو وأجيك في البيت؟
علي اليمين ما كان في طريقة، لكن
أقولك: أمسحها للفلبيني الأكل الرز
في وشو، ولومك بي المرة الجاية تب
ما أفوتك كان الله هوّن...

Quote: بس دي دايرا ليها لائحة تفسيرية : Quote: الهندي أداهو قطعة شكولاتة قعد يلوغد فيها ويتنهف. يلوغد ويتنهف دي معناها شنو ؟!!

ود الخليفة، كيفنك ومشتاقين يا زول...

يلوغد: يكوضم.

يتنهّف: يتنخج.

قصرنا معاك يا ناذر؟

إفتكر كده وآضحة زي عين الشمس،

غايتو إنتو يا ولاد الخرتوم أسقطتو

معاني اللغة العربية الجميلة كلها...

(*)

Quote: (*)

مشكور أستاذ كمال علي الزين،
مرور بنكهة الموز أبونقطة...

Quote: بكيتني عديل كدا.. الله يجازي محنكـ. هههههههههههههههههههههههههههههههه ههههههههههههههههههههههههههههههههه برجع ليك يامكوجن

كمان عايز تنكُر!!!
أركز يا زول...

اها.. قلت الفليبيني مالووووووووووووووو؟
قربت اخلص من شغلانيتي..

اصبر ساكت كدي...
لحدي ما ارجع ليكــــــــــــ...

Quote: اها.. قلت الفليبيني مالووووووووووووووو؟ قربت اخلص من شغلانيتي.. اصبر ساكت كدي... لحدي ما ارجع ليكــــــــــــ...

قال الفليبيني مالو قال؟
ههههههههههههههههههههه

سلام معاوية ود المدير
الله يبارك فيك ياالفلبيني الأكل الرز

يا راني السماني سلام
عرفك برجوازي وبى تحب العربات اللون الاحمر
تعال ابيع لك ده بخمسة الف هى بستة الف

Quote: يا راني السماني سلام عرفك برجوازي وبى تحب العربات اللون الاحمر تعال ابيع لك ده بخمسة الف هى بستة الف

عليك الله يا ود إبن عوف خليك صريح ولو عربيتك
دي مضروبة قولينا قبل ما نتحرك، يا أخوي والله
أنا ما بقدر على التحانيس. كفاي أنا قلت
الرووووب بعد الحصل لي من صاحبك...

(*)
اها يا شقي الحال جيتكـ؟

نقاط وجب التنبيه لها:
* الفليبيني الاكل الرز دا عامل عندنا، يعني انا وود المدير دا الرؤسا بتاعنو.
* تاني حاجة الزول دا نسيبي.
* تالت حاجة الزول دا اكل الرز بتاع ود المدير " وشرب الشراب حقي كله" لووول.
* حقيقة اولي: اكتر ما اغضب اخونا ود المدير هو ان الفلبيني الاكل الرز كان بيونس فيو
اثناء اللهط وشابكو ليك السعودية والكبسة ووو، لحدي ماقضي علي اللين واليابس. وخلي ود المدير فاتح خشمو يبحلق.
* حقيقة اخيرة: انا زول بالو طويل بشكل يزعج ود المدير كثيراً، يعني عكسو تماماً في طولة البال.
.
.
لا يفوتني ان اشيد بالرز الاكلو الفليبيني... كان مبالغة، واشكـ انو معاوية يقدر يطبخ ذيو تاني.
.
.
صنفرة:
معاوية المدير، معليش الجاتك في رزكـ، سامحتكـ. تكبر وتطبخ غيرووو. لووووووول
.
.

نواصل...

راني السماني

(*)
(*)
خلفية:

* "روديل" اسم صديقنا بطل القصة.
* يبلغ من العمر 57 عاماُ لكن شكلو 25 سنة.
* متزوج من اتنين ووالد لاربعة اكبرهم يبلغ من العمر 33 سنة.

بداية المعرفة:
اتصل علي تليفوني الشخصي احد الاشخاص "الو.. ممكن اكلم مستر راني *(1)" معاك راني اخوي اتفضل.." ااهلا راني
معاك 'شيروويد'، معليش مافي سابق معرفة.. لكن تحصلت علي تليفونك من صديقتي 'فيت' واخبرتني فيت ان لديك فرص عمل
في شركة التاكسي خاصتكـ، وحاليا انا ابحث عن عمل، وحضرت الي هذه المدينة قبل اسبوعين قادماً من مدينو 'تورنتو'
اتمني انو لازلتم تحتاجون سواقيين" . مرحب بيك اخوي في 'قراند بريري' ، نعم سيدي لازلنا نحتاج الي سواقين اكفاء،
ويمكنك الحضور الي مكتبنا اليوم بعد الساعة الرابعة م اذا بتحب. "
اكيد يمكنني الحضور، ساكون هنالك في تمام الساعة الرابعة ونصف". بعد اخذه عنوان المكتب، "باي" باي.
.
.
نواصل...
راني السماني
-----------------------------------
*(1) تم الحوار باللغة الانجليزية، ولكن فضلت ان يتم الحكي باللغة العربية.

Quote: عليك الله يا ود إبن عوف خليك صريح ولو عربيتك دي مضروبة قولينا قبل ما نتحرك، يا أخوي والله

[B]اسمع وصية من ود عمتك:
الزول ابن قرباتشوف دا ما تحرق رزك معاهو

(*)
(*)
في تمام الساعة
4:28 PM حضر شخصين قدم احدهم معرفاُ بنفسه 'شيروويد' ودا صديقي 'روديل'.
مرحب بيكم اتفضلو صنقرو ، الجبنة جاهزة النجيبها ليكم ، قنبو شربو قهوتنا وخشم خشمين بين السودان، الفلبين و السعودية،
دخلنا في موضوع العمل .
بديت اشرح ليهم متطلبات الوظيفة، والتي هي الحصول علي رخصة خاصة للمارسة مهنة التاكسي من مكتب المدينة
والتي تطلب منك احضار صورتين مقاس جواز السفر، وسوف يتم اخذ بصماتك في مكتب البوليس كي يتاكدو انو ما وراك بلاوي قبل ان يعطوك رخصة المدينة،
والاهم من دا كلو ان تكن تحمل رخصة قيادة ما اقل من كلاس 4 .
هنا اوضح لي شيروويد انه لا يحمل رخصة رقم 4 بل لديه رقم 5 ،
والتي غير مصرح لصاحبها قيادة تاكسي، اسعاف، مطافي او بص مدرسة علي حسب قانون الولاية، واغلب الولايات الكندية.
المهم في نهاية المطاف قلت ليهو بالدارجي كدا الشغلانية دي ما ليك فيها حالياً. امشي حاول طلع كلاس 4 وتعال ،
وانشاء الله ما بيكون عندك مشكلة وبضمن انو يكون في عربية جاهزة ليك.
.
.
في اللحظة دي نطي صديقه...
.
.
نواصل
راني السماني

(*)
(*)

اها في اللحظة دي نط صديقه
صديقه 'روديل' الفيما بعد صار صديقنا وسميناهو "الفلبيني الاكل الرز" .

اوضح "الفلبيني الاكل الرز" انه يحمل رخصة قيادة كلاس 1 ، وقد عمل في السابق عند شركة بصات المدينة المحلية ، وايضاً
وكان يقود في السابق شاحنة كان يعمل بها بين كندا، امريكا و المكسيك. وحالياً يعمل سايق سيارة ثقيلة لشركة طرق وجسور.
وان لم يكن عندي مانع بوده العمل لدينا. اوضحت له انو مافي مانع. كل المطلوب منك الحصول علي رخصة المدينة او ال '' Chauffeur Permit" .

أكد لحظتها "الفلبيني الاكل الرز" انه سوف يذهب حالاً لاستخراج الرخصة، خاصة وان مكتب المدينة يفتح الي الساعة السابعة ونصف مساء.
المهم اتفقنا علي الكثير من الامور والتي من ضمنها انو لديه سيارة جديدة اخدها عن طريق البنك ويود ان يحولها لتاكسي ان كان ذلك ممكنا.

اوضحت له ان ذلك بالتاكيد ممكن، ضربت له تكلفة تحويل السيارة كي تبقي تاكسي والتي كانت $2500.00 "اللفين وخمسمائة دولار".
حينها اوضح صديقنا في ما بعد "الفلبيني الاكل الرز" انه لا يملك مبلغ ال 2500$ حالياً
وطلب مني اذا ممكن ان اساعده لتدبير له بعض من المبلغ الكلي لانه لا يملك غير 1000$ .

دون تردد قلت ليهو يازول ها ابشر وما تشيل هم لاي حاجة، سوف اساعدك، المهم الدايرو منك هو احضار مبلغ
ال 1000$ والسيارة غداً وسوف اعمل جاهداً لتجهيذها لك في خلال يومين.
ذهب صديقنا "الفلبيني الاكل الرز" ذاك اليوم ليحضر اليوم التالي كما اتفقنا،
وفعلاً حضر اليوم التالي في حسب الاتفقنا عليه احضر مبلغ ال1000$ والسيارة.

وانا ايضاً علي حسب وعدي له سابقاً كانت سيارته جاهزة في خلال اليومين،
ما سهل امر التجهيز هو انو ، انا الزول البيشتغل شغل البوهية والبيعمل الانستليشن للمتر والطوب لايت والراديو والبيضع الارقام واسم الشركة علي السيارة.
يعني باختصار العربية قبل ان تغادر ورشتنا بتكون جاهزة كتكسي.

حضر "الفلبيني الاكل الرز" لاخذ سيارته بعد اليومين وكان في غاية السعادة لرؤيتها.
وبعد يومين اضافيين كان صديقنا الاكل الرز سائق تاكسي.
.
.
نواصل
راني السماني

(*)
(*)

المهم مرت الايام، والاسابيع ..
وبداء صاحبنا " الاكل الرز" في دفع بعض من المبلغ المتبقي عليه واللهو كان 1500.00$
الي ان..
اتاني يوم واخبرني...
.
.
نواصل

Quote: قال الفليبيني مالو قال؟ ههههههههههههههههههههه

لسة شمتان مش
اصبر بيجي يومك هههههههههه

Quote: هههههههههههههههههههههههههههه ههههههههههههههههههههههههههههه سلام معاوية ود المدير الله يبارك فيك ياالفلبيني الأكل الرز ولله تستاهل يا راني السماني تستاهل اكتر من كده تجي كالقري انت و معاوية ود المدير وما تجونى انا لو عارف كده كان صليت ركعه الى الله عشان ماتلق لك طيارة ولله الفلبيني الأكل الرز نجيض نجاضه عفيت منه وراضي عنه ماكان العشم معاوية وراني فيكم تنسوني والله كان انا ظني تجوني قبل اناديكم لكن لاسف بانت وخابت فيكم ظنوني وهدمتو اجمل احلامي لكم وخيبتو الرجا فيكم الله يبارك فيك ياالفلبيني الأكل الرز الشمتنى فيهم

يحي ابنعوف.. ما اتوقعتها منك لكن، في زول بيضحك في صاحبو كدا.

بخصوص عدم الحضور والله ما كان في طريقة لاني جيت وكنت مفترض ارجع طوالي.
لكن والله واعدك بزيارة خاصة وخاصة جداً.

ودي
راني السماني

Quote: نديدي \ ود المدير,,, سلامات الفلبيني خله انت راني ده ما صاحبك الروح بالروح شايل حسه مااااالك ما تستره وكتين بكي يا أخي. عدلنا يا معاوية الخطأ في كلمة ود بدل دج شكرا

مش يا سيف عليك الله، شفت خوة اليهود.. وب الليلة تراجي ما تجي.
اصلاً قالو هي مابترضي في اليهود.

لكن يا سيف اخوي معاوية صحبي دا قررت ابدل بيهو عده.
وبالعدم chopsticks

Quote: والله يا معاوية شلت حسو بالرز حقك دا... لو كان عارف الحكاية فيها سودانيزأونلاين ما كان أكل رزكم. لكن بيني و بينك الاتشال حسو بالجد راني.... سلم لينا عليهو.

مش عليك االله يالعوض.. شفت جنس الكفاوي دي.
لو كنت مشيت براي كان احسن لي مش هههههههههه

أها خليتني مرقت من البلد وقعدت تتفاصح.
أصبرسااااااااااااااااكت.






كدي واصل النشوف آخرتك شنو؟؟؟

أها، عشان ما تكتب وإنت مهوّى.
بس أعمل حسابك ما يجيك الفلبيني
الصحن ده فيهو رُز...

Quote: أها، عشان ما تكتب وإنت مهوّى. بس أعمل حسابك ما يجيك الفلبيني الصحن ده فيهو رُز...

متاكد انو دا رز؟

Quote: أها خليتني مرقت من البلد وقعدت تتفاصح. أصبرسااااااااااااااااكت. كدي واصل النشوف آخرتك شنو؟؟؟

اهلنا قالو بلد ما فيها "ورل" يقدل فيها "|التمساح"...،ههههههههههههه ديل اهلنا الكندين طبعاً لوووووووووووول

عشان خاطرك ياقاسم مهداوى ..وراني اعتذرت ليه في الخاص والعام وليس هناك مايجعلني افبرك قصة عادية ..

ودي المقيم وسلامي للجميع ...

رانى قال : ( ياخي انا طالب )!! دي عبارة قالها مابتتقال في العام ..يامعاوية ويحي لو عايزين تسمعوها اطلبوها في الماسنجر ...


دي فضيحة ام جلاجل ...وكانت حديث قاهرة المعز..

فايز هي براحة كدي وما تنداح اكتر انت بتتكلم عن ياتو راني في الاول؟

Quote: معاوية ..ٍسلامات .. Quote: كمان عايز تنكُر!!! أركز يا زول... راني كما عرفته ... لم ولن يتغير ...الزول ده يامعاوية ينكر اى حاجة حتى لو صورتها تلفزيونياً .. ياخي عادى جداً يقول ليك انا مابعرفك ولا قابلتك قبل كدة ... اول ماجانا في مصر وسجل في الجامعة العمالية في اول عباس العقاد بمدينة نصر كان لسه كرت كرتون بشك البنطلون بسفنجة او شبط مفتوح بشراب ...انا وكتها كنت ساكن في العمارة الورا الجامعة رقم 10 ..في كافتيريا على شارع النصر جنبنا دايماً كنت بشوفوا فيها ..فطوره فول وغداه ساندوتش طعميه او كشري ومرات طحنية برغيفة من سوبر ماركت جنب الكافتيريا- حسب ظروفه- .. كان زول مكافح جداً.....كسوداني كان بسلم على لو تصادفنا في الكافتيريا او السوبر ماركت .. صاحب الكافتيريا ولده كان بيقرا معاى وكنت ساكن في العمارة معاهم في الدور التحتهم .. مقابلاتنا في المكانين بقت لينا معرفة ... قلت ليه انا مقيم هينا لى فترة ..وقال انا ساكن الحى العاشر مع جماعة معارف...اخدت تلفونه واخد تلفوني ...بقينا اصحاب ..قال عايز شقة جنبنا وجنب الجامعة العمالية .. فتشت ولقيت ليه شقتين واحدة فيها سودانين والتانية فيها اثيوبين .. قلت ليه ياراني السودانين ناس كويسين وناس صلاة بينفعوا معاك .. قال لى يااخوي ناس الصلاة ديل بالذات مابنفعوا معاى بتاتاً ..انا جاى اقرا بس وفي البرد الصعب ده ديل يقوموني للصبح .. اخير لى الاثيوبين.. ديل ناس ديمقراطيين وماعندهم شغلة بي وبناتهم بزوروهم...وفعلاً سكن معاهم وياه السكن المابغباه زول .. اجمل موقف جاني حارس العمارة جارى بقول لى الحق قريبك السوداني عامل خناقة في الكافتيريا .. جرى نزلت ..لقيت راني يكورك ..انا حااتلبلك من قوا (حااتلب ليك من جوه ) طبعاً المصري عايز يفهم اتلب ليك ديشنو ؟!! انا ذاتي في الاول ما عرفتها .. جيت سألته : خير مالك ياراني قال : ديل دايرين يستنكحوني قايلنى بيضه .. قلت كيف ؟!! قال : اشتريت طعمية وابو يرجعوا لي الباقى .. قلت لعمنا ابو تامر(صاحب الكافتيريا) ادوه الباقى .. قال لى صحبك ده اشترى طعمية بخمسة قروش (شلن) ومنى اديته رغيفة..واخد بالك !! ..اكل منها حبة وشبع وقالى(جانى) ماخد حبتين آل ايه عايز يرقعهم(يرجعهم) !!النبي عندكو زي دولا كتير في السودان ؟!! انا اتحرجت صراحة واحد ياكل ولمن يشبع يقول رجعهو لى الباقى !!! ...خجلت ومازلت كل مااتذكرها بخجل .. تخيلوا شكلة كانت مدورة ساعتين عشان حبتين طعمية .. ...الزول ده فضيحة من يومه ...وانا لو مانكرني بنكره ... يامعاوية راني بكون واجعو الرز اكتر من العربية .. والقصة الاكثر اضحاكاً بجيك ليها راجع ... سلامي للجميع ... وسلام خاص لصديقي يحي بنعوف .. اها يحي ده بيحكي ليك مخجلات راني في القاهرة لمن كنا نجى قهوة جي جي في وسط البلد .. ياراني شرابك المقدود داك عايش ؟!!!!!! (عدل بواسطة فايزودالقاضي on 23-02-2010, 05:02 م)

فائز ود القاضي.. " هجمتيني" والله.. يازول دا ياتو راني الانت بتتكلم عنه دا؟
بعداك يحي ابنعوف دا لمن طلع من القاهرة.. انا ما كنت عرفت دربها ذاتو.
اثيوبين سكنت معاهم انا؟؟ .. ا
قول ليك حاجة انا حياتي ما سكنت مع اثيوبين.. لا في القاهرة لا غيرها..
اول وصولي القاهرة نزلت مع اسرة عوض خوجلي الله يرحمه وماما جارة الله يديها العافية، والانسانة الخدومة حاجة زينب،
والبيتهم كان مفتوح لكل ابناء امتداد الدرجة التالتة بالقاهرة ويشهد علي ذلك الكثيرون هنا.
وبالمناسبة عوض خوجلي البتكلم عنه هو والد اعضاء البورد منال، ماجدة، ومني عوض خوجلي.

بعدها انتقلت واقمت لفترة موقتة مع ابن حلتي لو قرافي وحينها كان يسكن هو وعضوء البورد الريح كودي،

بعدها انتقلت الي بولاق وسكنت مع عضوء البورد نور الدين عطاء السيد ومنتصر ادريس شقيق عضوء البورد
طارق ادريس.

ومنها اجتمعنا واقمنا بعين شمس بشقة اولاد الامتداد كما كان يطلق عليها الكثيرون.
ومنها للحي السابع مرة اخري مع عضؤ البورد نور الدين عطاء السيد وعضؤ البورد اشرف سعد
وسكن معنا فترة ايضاً عضؤ البورد محمد الجزولي.
واخر فترتي بمصر كنت اقيم في الاسكندرية مع اعضاء البورد محمد صالح ومنتصر ادريس وعضوء البورد قاسم المهداوي.

قهوة جيجي..؟ دا المكان الوحيد الكمان ما مشيتو غير مرة واحدة..
ولا كان عندي زمن ذاتو عشان امشي اضيعو هناك.
لو كنت قلت المنظمة السودانية لضحايا التعذيب، ولا مركز الثقافات السودانية.. كنت قلت انك بتكون بتتكلم عني..
كدي عشان ما اخليك جايط في جوطك دي . اوضح ليك شوية.

مافي سبب واحد يخليني انكر معرفتي باي شخص كان..
وانت واحد من الناس انا حقيقة ما عرفتك، وانا فعلاُ درست الجامعة العمالية، وكاتب الحاجة دي في البروفايل بتاعي
وحتي فترة الجامعة ما كانت لي علاقات كتيرة مع الناس.

لاني حقيقة "ما بحب اعرف اي زول ".

احتمال اكون قابلتك لكن دا ما بيعني اني بعرفك ولا صاحبك لحدي ما كمان تفتش
لي سكن ولا غيرو.

فيا سيدي كدي شوف انك بتتكلم عن منو قبل ما تنداح قدر كدا
.
.
راني السماني

نعم يا فايزودالقاضي انت بتتكلم عن ياتو راني في الاول؟

يازول إنت اختلطت عليك الابقار

Quote: نعم يا فايزودالقاضي انت بتتكلم عن ياتو راني في الاول؟ يازول إنت اختلطت عليك الابقار يحي ابن عوف

والله يا يحي زولك دا شككني في نفسي..

عليك الله اتمعن في الكوتيشن دا

Quote: وسلام خاص لصديقي يحي بنعوف .. اها يحي ده بيحكي ليك مخجلات راني في القاهرة لمن كنا نجى قهوة جي جي في وسط البلد ..

وعشان يا فايز ما تهضرب كتير لو داير تعرفني اكتر
امشي اسال اهلك ناس مؤتمر البجة ديل بيعرفوني كويس
وانا واحد من الناس الكان بيشتغل ليهم شغل اصدارات " المؤتمر" الغير دورية
وممكن تسال ابراهيم آداب ولا اخوه عضؤ البورد علي احمد "علي ادروب"
ودي صور احدي الاصدارات


ودي خلفية العدد توضح الاسماء
وبالمناسبة الاسماء دي كلها مافيها واحد مؤتمر بجا.. بس للمعلومية!!

المهم نواصل لحدي ما فايز دا يرجع ونشوف القاسمها لينا الله معاه

(*)
(*)
اتاني يومها ، (صاحبنا الفليبيني الاكل الرز) وحكي لي بعض ظروفه الاسرية،
والتي تطلب منه الرحول الي مدينة "كالقري"، خاصة وان زوجته تقطن بها .
وذكر لي حينها ان رحيله سيكون موقتاً، وسوف يعود في شهر اربعة ويواصل عمله معنا.
اما بالنسبة لباقي المبلغ والذي كان مبلغ 200$ فقط متبقي من المبلغ الاصل.. 1500$،
وعدني بانه سوف يدفعها الي في الفترة القادمة. قلت له ما في اي عوجة ياصديقي
تصحبك السلامة.
بالمناسبة كان ممكن يمشي من غير ما يخبرني، ولكنه فضل ان لا يفعل ذلك. وهنا لا بد لي من شكره.
المهم اتصل علي بعد اسبوع..
ليخبرني.



نواصل
راني السماني

والفلبيني الأكل الرز عرف السودانيين (طيبين ) كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو إشتغل في السعودية.....
زملانو كانو مصريين؟؟؟؟؟؟؟؟؟؟؟؟

الاحباء ... يحي .. راني ...سلامات ..


كدى ياراني خليني اضحك اولاً ..هههههههههههههههههههههههههههههههههه

يازول انت الحيرتني ...اولاً انا والله مامكذبك ومصدقك لكن الخلاني اقول الكلام ده أنى بعرف راني وزول صديقي وزي ماوريتك كيف كانت طريقة المعرفة وفعلاً قرا في الجامعة العمالية بالقاهرة كما ذكرت والغريبة برضو داك بيعرف ابراهيم هداب(أداب) لكن معرفة زي ماتقول معرفة اولاد شرق لانو ابراهيم كان في اللجنة المركزية لمؤتمر البجا وانا وولده عثمان ابراهيم هداب كنا في جمعية الثقافة البيجاوية واشتغلنا سوا في مهرجان الثقافات السودانية في 97 وكذلك احتفالات الحركة الشعبيه في الجامعة العمالية وكمان حفل ثورة اكتوبر في نفس الجامعة سنة 97 ، وراني ده من اولاد بورسودان وهو من اولاد ساتي ورغم كده معرفتي بيه كانت في القاهرة في اواسط التسعينات..

الغريبة ياراني لمن ذكرت ليك بعض المعلومات في الخاص لانى شكيت تكون انت راني الانا بقصده قلت لي بالتحديد (لقيتك خطرى لكن . أنت كنت معانا في العمالية ولا شنو ) قلت معناه فعلاً ده راني ساتي صديقى الذى افترقنا عام 97 وقلت من البوست ده حاتعرفني وحااكون ليك مفاجأة .. وراني الانا بعرفه بيعرف اخونا يحي بنعوف باعتبار يحي زول علم واعلامي معروف بشنطته الشهيرة ديك وكنا نجى كتير قهوة جي جي ...

رانى ساتي وصديقى ابراهيم دفع الله من الذين تركتهم في القاهرة سنة 97 وعلمت انهم هاجروا الى امريكيا وانقطع التواصل بيننا ومازلت ابحث عنهم وسألت الاستاذ يحي عن ابراهيم دفع الله باعتباره خرج قبل راني وكان ضمن ضحايا التعذيب واعتقد كان تبع حزب الامة في التجمع ...


لكن قصة الطعمية بالغت فيها ياراني الطلع ماانت ..

تحياتي يارانى - نت - ولك العتبى حتى ترضي ..وتحياتي لآسرة العم خوجلي والتحية لبناته زميلات المنبر ...

واصل في رزك ولا تلتفت للطعمية بتاعة اولاد بمبا...


لكن انا بالغت والله !!! ههههههههههههههههه

Quote: سلام معاوية ود المدير الله يبارك فيك ياالفلبيني الأكل الرز يا راني السماني سلام عرفك برجوازي وبى تحب العربات اللون الاحمر تعال ابيع لك ده بخمسة الف هى بستة الف

وحاتك ياود ابنعوف خمسة حباتك دي اجيب بيها خمسة من النوع دا
$1200 كيف؟

Quote: والفلبيني الأكل الرز عرف السودانيين (طيبين ) كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هو إشتغل في السعودية..... زملانو كانو مصريين؟؟؟؟؟؟؟؟؟؟؟؟

ناصر اخوي هم لكن السودانيين طيبين؟
انت برضو مصدق كدا؟

سلام صاحب البوست
وسلام رانى السمانى ( السباح ) وليس رانى ساتى ... ولا كيف !!
تابعت البوست من خلال العنوان ... لمعرفتى السابقة برانى السمانى ( السباح)
وتوقفت عند الفلبينى ( الطالب ) فرصة عمل
ولكنى زهلت جدا من هذه المداخلة ان جاز لى ان اسميها هكذا .. وهى شبيهه بى
الفبركات الاعلامية ,,و.. او حكاية السبق الصحفى الكتل ليهو زول مشهور وهو
حى يرزق فقط بدافع السبق الصحفى ... يعنى هو الاول حتى فى الاخبار المحزنة
( وده بيسموه المتبرع ... او الفضائية المتحركة زى الرمال المتحركة ...)
واستعير قول الصحاف ( محمد سعيد الصحاف ... بتاع مفردة العلوج ,, بالمناسبة
يا ود القاضى ممكن اكتب ليك بلفة بنيوية تراكيبيه ... تراكمية لو حابب )
المهم صاحبنا الصحاف عندما لم يجد ما يقوله للصحافيين .. بدأيتمجول صوب
قناة الجزيرة ذكر قائلا انا الوم الجزيرة مرة اخرى لانها تسوق للامريكان قبل
ان تتاكد وبالعامية العراقية اردف قائلا .. ترى لا تكذبون كذب الكاذبين ..
طيب يا طويل العمر (فائز ود القاضى )
لما تفهمت انو قولك هذا فى رانى السمانى ليس كما كنت تتمنى وتود .. اليس
ومن باب اولى ان تحزف هذه المداخلة وتستصحبها باعتزار بالبونط العريض .. بدلا عن
التمترس والتمركز خلف رانى ساتى ( صاحبك) الذى هو الان فى بلاد العم سام .. وياخى ليه
من الاساس كشف الحال ... والغربة سترة حال .. ولا كــــيف !!!
اعود مداخلتك التى هى ذى ( يعنى الكوبى بست مقرونة بى اقتباس) علشان تبيض .. بس ما دجاجه

Quote: راني كما عرفته ... لم ولن يتغير ...الزول ده يامعاوية ينكر اى حاجة حتى لو صورتها تلفزيونياً .. ياخي عادى جداً يقول ليك انا مابعرفك ولا قابلتك قبل كدة ... اول ماجانا في مصر وسجل في الجامعة العمالية في اول عباس العقاد بمدينة نصر كان لسه كرت كرتون بشك البنطلون بسفنجة او شبط مفتوح بشراب ...انا وكتها كنت ساكن في العمارة الورا الجامعة رقم 10 ..في كافتيريا على شارع النصر جنبنا دايماً كنت بشوفوا فيها ..فطوره فول وغداه ساندوتش طعميه او كشري ومرات طحنية برغيفة من سوبر ماركت جنب الكافتيريا- حسب ظروفه- .. كان زول مكافح جداً.....كسوداني كان بسلم على لو تصادفنا في الكافتيريا او السوبر ماركت .. صاحب الكافتيريا ولده كان بيقرا معاى وكنت ساكن في العمارة معاهم في الدور التحتهم .. مقابلاتنا في المكانين بقت لينا معرفة ... قلت ليه انا مقيم هينا لى فترة ..وقال انا ساكن الحى العاشر مع جماعة معارف...اخدت تلفونه واخد تلفوني ...بقينا اصحاب ..قال عايز شقة جنبنا وجنب الجامعة العمالية .. فتشت ولقيت ليه شقتين واحدة فيها سودانين والتانية فيها اثيوبين .. قلت ليه ياراني السودانين ناس كويسين وناس صلاة بينفعوا معاك .. قال لى يااخوي ناس الصلاة ديل بالذات مابنفعوا معاى بتاتاً ..انا جاى اقرا بس وفي البرد الصعب ده ديل يقوموني للصبح .. اخير لى الاثيوبين.. ديل ناس ديمقراطيين وماعندهم شغلة بي وبناتهم بزوروهم...وفعلاً سكن معاهم وياه السكن المابغباه زول .. اجمل موقف جاني حارس العمارة جارى بقول لى الحق قريبك السوداني عامل خناقة في الكافتيريا .. جرى نزلت ..لقيت راني يكورك ..انا حااتلبلك من قوا (حااتلب ليك من جوه ) طبعاً المصري عايز يفهم اتلب ليك ديشنو ؟!! انا ذاتي في الاول ما عرفتها .. جيت سألته : خير مالك ياراني قال : ديل دايرين يستنكحوني قايلنى بيضه .. قلت كيف ؟!! قال : اشتريت طعمية وابو يرجعوا لي الباقى .. قلت لعمنا ابو تامر(صاحب الكافتيريا) ادوه الباقى .. قال لى صحبك ده اشترى طعمية بخمسة قروش (شلن) ومنى اديته رغيفة..واخد بالك !! ..اكل منها حبة وشبع وقالى(جانى) ماخد حبتين آل ايه عايز يرقعهم(يرجعهم) !!النبي عندكو زي دولا كتير في السودان ؟!! انا اتحرجت صراحة واحد ياكل ولمن يشبع يقول رجعهو لى الباقى !!! ...خجلت ومازلت كل مااتذكرها بخجل .. تخيلوا شكلة كانت مدورة ساعتين عشان حبتين طعمية .. ...الزول ده فضيحة من يومه ...وانا لو مانكرني بنكره ... يامعاوية راني بكون واجعو الرز اكتر من العربية .. والقصة الاكثر اضحاكاً بجيك ليها راجع ... سلامي للجميع ... وسلام خاص لصديقي يحي بنعوف .. اها يحي ده بيحكي ليك مخجلات راني في القاهرة لمن كنا نجى قهوة جي جي في وسط البلد .. ياراني شرابك المقدود داك عايش ؟!!!!!!

يا طويل العمر القصة دى باخصار شديد مضروبة (فى 4 اس 17 ) وبما انك عشت فى مصر عارف وفاهم يعنى
شنو مضروب ( يعنى ما حقيقى يعنى ما اصلى يعنى تقليد ) شفتا كيفن ياخى اجبرتنا قسرا نخش فى عالم االاسبيرات ( اليابانى ... والتايوانى )
يا فايز ياخى كدا براحة (ناو) فى داعى للهبسكة دى .. هبسكة مصطلح مركب ...فكر واعرف المعنى
وبس

قاسم المهداوى
هامش
يا رانى السمانى (السباح ) ما تشتغل بمثل هكذا ترهات ومذ ان عرفتك لم تكن لك علاقات بغير السودانيي
الغريب انى الكنت بعرف اخوتنا فى الجوار (ناس الزهرة الجديدة) يا ربى الزول ده بيكون قاصدنى انا ولا كــــــــــــــيف ؟؟؟؟؟

قاسم المهداوى

هههههههه
مافي صور؟

شكرا يا معاوية وراني لسرد مغامرتكم مع الفلبيني الأكل الرز!

القصة ممتعة والسرد بديع وصداقتكم أروع!

لكن بصراحة الفلبيني نجضتوهو نجاض قبورة بالرز الأكله (إن شاء الله ما ينفعوا) بعد المقلب العملو فيكم!

ركنية:

نصيحة ناذر الخليفة نصيحة ذهبية( لأتأمن أكلي الأرزاز) وأسأل مجرب!

قال وحاتك ياود ابنعوف خمسة حباتك دي اجيب بيها خمسة من النوع دا قال

الله يبارك فيك ياالفلبيني الأكل الرز الشمتنى في راني

إن شاء الله ينفعوا

Quote: يازول انت الحيرتني ...اولاً انا والله مامكذبك ومصدقك لكن الخلاني اقول الكلام ده أنى بعرف راني وزول صديقي وزي ماوريتك كيف كانت طريقة المعرفة وفعلاً قرا في الجامعة العمالية بالقاهرة كما ذكرت والغريبة برضو داك بيعرف ابراهيم هداب(أداب) لكن معرفة زي ماتقول معرفة اولاد شرق لانو ابراهيم كان في اللجنة المركزية لمؤتمر البجا وانا وولده عثمان ابراهيم هداب كنا في جمعية الثقافة البيجاوية واشتغلنا سوا في مهرجان الثقافات السودانية في 97 وكذلك احتفالات الحركة الشعبيه في الجامعة العمالية وكمان حفل ثورة اكتوبر في نفس الجامعة سنة 97 ، وراني ده من اولاد بورسودان وهو من اولاد ساتي ورغم كده معرفتي بيه كانت في القاهرة في اواسط التسعينات..

بغض النظر عمن هو رانى .. ما كتبته ينم عن جلافة شخص لا يعى لمعنة كلمة صاحب او صديق .. ولقد انقصت كثيرا من حق الشخص الذى تحدثت عنه .. فعليك انت تعتزر له ولتعتزر لكل من تسميهم اصحاب او اصدقاء ..



الريح كودى ..

Quote: عشان خاطرك ياقاسم مهداوى ..وراني اعتذرت ليه في الخاص والعام وليس هناك مايجعلني افبرك قصة عادية .. ودي المقيم وسلامي للجميع ... (عدل بواسطة فايزودالقاضي on 23-02-2010, 05:02 م) (عدل بواسطة فايزودالقاضي on 28-02-2010, 02:51 م)

سلامات فايز
ومن هنا ياعزيزي.. اعلن عن تقبلي التام لاعتذارك.. واهلنا قالو " البيوت المابتمرحب "بالمعتذريين" انشاء الله تتشلع عروشا"
واتمني ان يتقبل اعتذارك كل من قمت بازعاجهم بمداخلتك السابقة.

اما بخصوص المداخلة حقيقة اتفق تماما مع الاخوة قاسم المهداوي والريح كودي، انك لم توفق فيها تمام بغد النظر هي مكتوبة عن ياتو "راني" السماني كان ام ساتي او غيرهم.

ياعزيزي، اول حاجة الفقر ما عيب واكيد راني صديقك او كما تدعي لو كان مقتدر لما لبس " شراب مقدود مع شبط مفتوح من قدام كما ذكرت. وايضاً كنت ستجده يفطر
بفراخ اويتغدي سجق او اي من الوجبات الشهية، التي ينام كثيرون من فقراء العالم وهم يحلمون بتزوقها حتي ولو مرة في العام. حقيقة استغربت كثيراً لذكرك ظروف صديقك راني ساتي،
قدر مابحت حروفك لاجد شي يدعي للسخرية لم اجد. زول فقير ما عندو حق انو ياكل او يلبس او يشرب ذي باقي مخالق الله، طيب مالو؟
هل ذلك شي يبعث في دواخلنا الفرحة او الابتسامة حتي ولو بشكل موقت؟
لا اعتقد.

فباختصار ياعزيزي، انت في الحقيقة ما محتاج تعتذر لينا
انت في الاول محتاج تعتذر لصديقك راني ساتي واتمني انو يقبل اعتذارك..
لانو حقيقة كلامك القلتو فيهو دا كلام ما بيتحكي ولا بينقال حتي ولو في "الماسنجر" .

سلام تاني
راني السماني

Quote: هههههههه مافي صور؟

داير تشمت مش؟

Quote: سلام صاحب البوست وسلام رانى السمانى ( السباح ) وليس رانى ساتى ... ولا كيف !! تابعت البوست من خلال العنوان ... لمعرفتى السابقة برانى السمانى ( السباح) وتوقفت عند الفلبينى ( الطالب ) فرصة عمل ولكنى زهلت جدا من هذه المداخلة ان جاز لى ان اسميها هكذا .. وهى شبيهه بى الفبركات الاعلامية ,,و.. او حكاية السبق الصحفى الكتل ليهو زول مشهور وهو حى يرزق فقط بدافع السبق الصحفى ... يعنى هو الاول حتى فى الاخبار المحزنة ( وده بيسموه المتبرع ... او الفضائية المتحركة زى الرمال المتحركة ...) واستعير قول الصحاف ( محمد سعيد الصحاف ... بتاع مفردة العلوج ,, بالمناسبة يا ود القاضى ممكن اكتب ليك بلفة بنيوية تراكيبيه ... تراكمية لو حابب ) المهم صاحبنا الصحاف عندما لم يجد ما يقوله للصحافيين .. بدأيتمجول صوب قناة الجزيرة ذكر قائلا انا الوم الجزيرة مرة اخرى لانها تسوق للامريكان قبل ان تتاكد وبالعامية العراقية اردف قائلا .. ترى لا تكذبون كذب الكاذبين .. طيب يا طويل العمر (فائز ود القاضى ) لما تفهمت انو قولك هذا فى رانى السمانى ليس كما كنت تتمنى وتود .. اليس ومن باب اولى ان تحزف هذه المداخلة وتستصحبها باعتزار بالبونط العريض .. بدلا عن التمترس والتمركز خلف رانى ساتى ( صاحبك) الذى هو الان فى بلاد العم سام .. وياخى ليه من الاساس كشف الحال ... والغربة سترة حال .. ولا كــــيف !!! اعود مداخلتك التى هى ذى ( يعنى الكوبى بست مقرونة بى اقتباس) علشان تبيض .. بس ما دجاجه

Quote: يا طويل العمر القصة دى باخصار شديد مضروبة (فى 4 اس 17 ) وبما انك عشت فى مصر عارف وفاهم يعنى شنو مضروب ( يعنى ما حقيقى يعنى ما اصلى يعنى تقليد ) شفتا كيفن ياخى اجبرتنا قسرا نخش فى عالم االاسبيرات ( اليابانى ... والتايوانى ) يا فايز ياخى كدا براحة (ناو) فى داعى للهبسكة دى .. هبسكة مصطلح مركب ...فكر واعرف المعنى وبس قاسم المهداوى هامش يا رانى السمانى (السباح ) ما تشتغل بمثل هكذا ترهات ومذ ان عرفتك لم تكن لك علاقات بغير السودانيي الغريب انى الكنت بعرف اخوتنا فى الجوار (ناس الزهرة الجديدة) يا ربى الزول ده بيكون قاصدنى انا ولا كــــــــــــــيف ؟؟؟؟؟ قاسم المهداوى

Quote: اسمع وصية من ود عمتك: الزول ابن قرباتشوف دا ما تحرق رزك معاهو

يا ود عمّتى أنا زاتى رحلت،
بعد ده خليهو يشوف جكتو مع
ود أبنعوف...

Quote: ودي المقيم وسلامي للجميع ...

تسلم أخي فايز ود القاضي من كل شر وبلاء،
ولك مني جزيل الشكر والإحترام والتقدير،
ويا أخي إنت فوق العين والراس.
إنت مكسب زي ما بيقول أخونا راني.
أهلاً بيك أخ وصديق بيننا...