Post: #1
Title: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 12-25-2009, 09:14 AM
Parent: #0
حقيقة لا اعرف الظروف التي كانت تحيط بالأمين حبان او الحالة التي كانت تنتابه عند كتابة هذا النص الملىء حد التدفق بالتفاؤل والأمل الفسيح!!
حوالي الساعة الخامسة ونصف صباحاً،
جو ماطر وضباب كثيف يحيط بتلك المدينة الهادئة" قراند برايري".
لقضاء بعض الاشياء،
كان لا بد مني الا ان اذهب لمنطقة "قروف ديل"
وهي منطقة صغيرة تقع حوالي 80 كل جنوب قراند برايري .
حينها كنت اقتاد سيارة صديقي معاوية المدير،
توقفت قليلاً وانا في طريقي لاخذ قهوتي المفضلة من تيم هورتون،
اشعلت سيجارتي اثناء تناولي للقهوة. لحظتها وقع في عيني شريط كاسيت ادخلته في مسجل السيارة اثناء قيادتي لياتي صوت محمد النصري عالياً ...
" باكرنا يارايح تعال
يابكرة طال الانتظار
بالرغم من انك محال..."
حينها توقف نصفي الآخر عن التفكير.. ليعود الاول للقاهرة، اسكندرية.. قاسم المهداوي..
" يوم بكرة جميل ضؤاي ووثير"، الريح كودي، محمد شبشة
"مركز الثقافات السودانية " عفيف اسماعيل، مهيرة مشاوي، ازهري محمد علي، عاطف خيري، صابر،
وليد الشوية، اشرف سعد، ميرغني حمزة، بثينة امام، احلام ناصر، خالد عبدالله، نور الدين عطاء السيد،
عوض الفاضل، محمد الجزولي،عمر عبدالله ، عاطف انيس، عبد الجليل حسين.. الحي التامن ميري، حاتم مشاوي.
الدوحة وكمال علي الزين يوصف لي، مصطفي كان في المستشفي دي، مصطفي كان ساكن هنا..................
كندا هشام سيد أحمد، السماني لوال، يحي ابنعوف علاء الدين ابراهيم، أمير مساعد، يحي فضل الله،
السودان الامتداد، خالد، الحصحيصا، ود سلفاب
.
.
عفواً..
.
.
مصطفي سيد أحمد
في تلك اللحظة لم يكن بيدي غير النحيب،
صدقوني بكيت كما يبكي الاطفال عند افتقادهم اللبن، لم يفارقني مصطفي طيلة اليوم.
اعدت سماع محمد النصري مرة تانية وتالتة ورابعة ولا زلت... اعدت تحليل كيمياء كلمات الأمين حبان
ولم يراودني شك في ان تكن تلك الكلمات موجهة لنا، للصغار القادمين، لكم للحلم الاول والنشيد.
.
.
.
شكراً كثيراً.. صديقي معاوية المدير
شكراً كثيراً.. محمد النصري
شكراً كثيراً.. الأمين حبان
شكراً كثيراً.. اصدقاء الحلم
.
.
شكراً كثيراً، كثيراً.. مصطفي سيد أحمد
|
Post: #2
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: طارق جبريل
Date: 12-25-2009, 09:19 AM
الله عليك
والله علي ود النصري
والله يقلع ود المدير شقي الحال
فتحت البوست دة في الصباح ونغمني ود النصري في حناني
|
Post: #3
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: يحي ابن عوف
Date: 12-25-2009, 11:04 AM
Parent: #2
ياالله
مليون تحية
تسلم كثير على الاغنية الجميلة اختيار اكثر من رائع
ومحمد النصري قدم في فترة وجيزة فناً راقيا
نتمنى له مزيدا من التقدم والنجاح
بمساعدة شعراء لهم وزنهم في القصيدة
التي دائما ما تحمل مضمون طابع السودان بقضاياه وحكاياته
|
Post: #4
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: معاوية المدير
Date: 12-25-2009, 02:30 PM
Parent: #3
| Quote: والله يقلع ود المدير شقي الحال |
إنت قايل نفسك قاعد في غربة؟ قاعد لي
في المغرب!!
الزمن يا ولدي محاقاهو السنين
البعيش في الدنيا ما بعيش مرتين
العِمير فاضلِي بس منو اليقين
وإنت طول في البنادر يالحبيب لامتين؟
تعال الوريك حق أبوك الجنب حقيق حاج اللمين
إن عرفتو بلا عمار يقولوا ولداً عندو طين
العلاج لاتنسى رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو الأرض يا ولدي تشال في الليدين
أنا كُت برسلا ليك في لوري الخزين...
وحات أبشر أبو بشرية، يا ود جبرين
بعد وهدبتنا المتوهدبنها دى تهبشلك
شريط في عربيتي يقضفك مصارينك بالوجعة...
|
Post: #5
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: ماجدة عوض خوجلى
Date: 12-25-2009, 05:08 PM
Parent: #4
الله يرضى عليك يارانى ويحفظك ابوى .. فى بعض الناس عندهم رائ فى الذكريات ودلما بيحاولو يهربو منها خاصه
الحزينه منها ... لكن انا عندى رائ غير كده بشوف اننا دايما وابدا بنكون محتاجين للذكريات الحزينه والمفرحه
الحزينه دايما بتحسسنا بالانسانيه وبتخلينا نشعر بااهمية اى شئ مهما كان صغير فى حياتنا .. وبتدينا دافع اننا
نستميت علشان يكون فى واقع اجمل من الفات ... وفيها برضو احداث حصلت ليك بتقويك كل ماتتذكرا وبتديك مناعه
اما الجميله دى فهى دايما وابدا بتكون مصدر فرح ليك وارتياح
ومن نعم الله علينا ... الدموع جميل جدا انو الانسان يبكى البكا بيفتح داخل الانسان معانى كتيرة جدا وبيغسل برضو
حاجات كتيرة جدا ... وبيدل على سلامة القلب والاحساس .. الناس المابتبكى دايما هم اصحاب قلوب متحجرة ...
بوستك رجع لى انا برضو ذكريات كتيرة السودان وكل الفيهو وطبعا الامتداد وناس الامتداد ... بجيك راجعه تانى باذن الله ..
كيف اخبار الاسرة يارانى ..انشالله كلهم بخير ... تحياتى ليهم ..
تسلم يارب ..
|
Post: #15
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 01-11-2010, 08:32 AM
Parent: #5
Quote:
الله يرضى عليك يارانى ويحفظك ابوى .. فى بعض الناس عندهم رائ فى الذكريات ودلما بيحاولو يهربو منها خاصه
الحزينه منها ... لكن انا عندى رائ غير كده بشوف اننا دايما وابدا بنكون محتاجين للذكريات الحزينه والمفرحه
الحزينه دايما بتحسسنا بالانسانيه وبتخلينا نشعر بااهمية اى شئ مهما كان صغير فى حياتنا .. وبتدينا دافع اننا
نستميت علشان يكون فى واقع اجمل من الفات ... وفيها برضو احداث حصلت ليك بتقويك كل ماتتذكرا وبتديك مناعه
اما الجميله دى فهى دايما وابدا بتكون مصدر فرح ليك وارتياح
ومن نعم الله علينا ... الدموع جميل جدا انو الانسان يبكى البكا بيفتح داخل الانسان معانى كتيرة جدا وبيغسل برضو
حاجات كتيرة جدا ... وبيدل على سلامة القلب والاحساس .. الناس المابتبكى دايما هم اصحاب قلوب متحجرة ...
بوستك رجع لى انا برضو ذكريات كتيرة السودان وكل الفيهو وطبعا الامتداد وناس الامتداد ... بجيك راجعه تانى باذن الله ..
كيف اخبار الاسرة يارانى ..انشالله كلهم بخير ... تحياتى ليهم ..
تسلم يارب .. |
سلامات الفاضلة ماجدة عوض خوجلي
فعلا عزيزتي ما كل الناس عندها مقدرة تحمل الذكريات الحزينة. بالنسبة لي ، تعني الذكريات وبالاخص الحزينة منها، تجديد الذات فيني وتمدد الانسان الجواي.
اسعدني مرورك وصدق قلمك هنا، فخليك قريبة.
الاهل جميعاً بخير الحاجة ثريا بتسلم عليكم
ودي راني السماني
|
Post: #6
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: الفاتح سليمان
Date: 12-25-2009, 06:24 PM
Parent: #3
يا طالع القمرة جيب لي معاك باكر
باكرا صباح الخير يطرد ليالي الشر .....
تسلموا كلكم
سلام وميري كريسماس
وكل سنة وبلدنا باكرها يطرد ليالي الشر
|
Post: #7
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: الفاتح سليمان
Date: 12-25-2009, 06:26 PM
Parent: #3
يا طالع القمرة جيب لي معاك باكر
باكرا صباح الخير يطرد ليالي الشر .....
تسلموا كلكم
سلام وميري كريسماس
وكل سنة وبلدنا باكرها يطرد ليالي الشر
|
Post: #8
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: معاوية المدير
Date: 12-26-2009, 00:04 AM
Parent: #7
Quote: شكراً كثيراً.. صديقي معاوية المدير
شكراً كثيراً.. محمد النصري
شكراً كثيراً.. الأمين حبان
شكراً كثيراً.. اصدقاء الحلم
.
.
شكراً كثيراً، كثيراً.. مصطفي سيد أحمد
|
الشكر الجزيل ليك الأخ الصديق راني...
محمد النصري وُلِد عملاقاً على مهد الطمبور...
|
Post: #9
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: Amir Mussaad
Date: 12-26-2009, 01:06 AM
Parent: #8
الحبيب راني
بسأل عليك في المنفي في مرسي السفن
أسأل عليك في كلقري و قراند براري و قراند كاش
جميل كان ابو السيد
إحتمال حفل تأبين (فكره)
تحياتي للجميع
أمير مساعد
|
Post: #10
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: طارق جبريل
Date: 12-26-2009, 01:44 AM
Parent: #9
Quote: وحات أبشر أبو بشرية، يا ود جبرين
بعد وهدبتنا المتوهدبنها دى تهبشلك
شريط في عربيتي يقضفك مصارينك بالوجعة... |
وحاتك يا ود المدير
غربة وكمان حالا فقر
عذبني قبل اصل القبر
|
Post: #17
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 01-14-2010, 02:31 PM
Parent: #9
Quote:
الحبيب راني
بسأل عليك في المنفي في مرسي السفن
أسأل عليك في كلقري و قراند براري و قراند كاش
جميل كان ابو السيد
إحتمال حفل تأبين (فكره)
تحياتي للجميع
أمير مساعد |
تسلم ياعزيز يكون جميل والله.. اديني خبر بس.. ساكون هنالك بالتاكيد.
تليفوني لو راح منك
7809785070
.
.
بالمناسبة سماية بنيتي بعد باكر السبت
يكون جميل لو قدرت تصلنا.
.
.
.
راني السماني
|
Post: #16
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 01-14-2010, 02:25 PM
Parent: #7
Quote:
يا طالع القمرة جيب لي معاك باكر
باكرا صباح الخير يطرد ليالي الشر .....
تسلموا كلكم
سلام وميري كريسماس
وكل سنة وبلدنا باكرها يطرد ليالي الشر
|
يا طالع القمرة جيب لي معاك باكر
باكرا صباح الخير يطرد ليالي الشر
الفاتح يازول يا جميل، عليك الله شوف جمال هذا المقطع، شفت الزول دا كيف دفق الامل في البيتين ديل..
اتخيل زولاً طالع للقمر عشان يجيب ليهو باكراً يطرد بيهو ليالي الشر، الم يكن هذا نوع من التجلي واللا محدودية في الامل المطلق؟
مدي اتساعع الكون تمدد الامل في دواخل هذا الانسان الشاعر المرهف، وبالتاكيد في دواخل النصري المن غيرو احتمال ما كان وصلتنا
هذه التحفة الجميلة. له الود اينما كان.
ولك ايضاً باقة ورد وفنجان قهوة مدنكل.
.
.
.
راني السماني
|
Post: #12
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 12-28-2009, 06:25 PM
Parent: #3
Quote: ياالله
مليون تحية
تسلم كثير على الاغنية الجميلة اختيار اكثر من رائع
ومحمد النصري قدم في فترة وجيزة فناً راقيا
نتمنى له مزيدا من التقدم والنجاح
بمساعدة شعراء لهم وزنهم في القصيدة
التي دائما ما تحمل مضمون طابع السودان بقضاياه وحكاياته |
تسلم عزيزي يحي ابنعوف
وفعلا النصري فنان قدير ومتميز، نتمني له الكثير
من التقدم والتفوق والازدهار.
|
Post: #11
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 12-28-2009, 06:17 PM
Parent: #2
Quote: الله عليك
والله علي ود النصري
والله يقلع ود المدير شقي الحال
فتحت البوست دة في الصباح ونغمني ود النصري في حناني |
تسلم ود جبريل
|
Post: #13
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: حيدر بشير
Date: 12-28-2009, 11:58 PM
Parent: #11
الله الله على الطمبور
فإنّ ود النصرى و كل من تغنى بالطمبور لهم وقع السحر فى التفوس
لكم و لهم التحايا
|
Post: #14
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: Yasier Elsayed
Date: 12-29-2009, 00:56 AM
Parent: #13
رانى الحبيب
كلنا يعلم ان السفينة لم تغرف .. فقط
توارت عن الانظار ..
ومصطفنا بحارها الصلد ..
والعزيز الغناى بلا حدود ود النصرى امتداد لكل ماهو جميل فينا
ويازارع الورد على دربى
طارق جيريل .... كم انت رائع ومدهش
|
Post: #19
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 01-17-2010, 05:13 AM
Parent: #14
Quote: رانى الحبيب
كلنا يعلم ان السفينة لم تغرف .. فقط
توارت عن الانظار ..
ومصطفنا بحارها الصلد ..
والعزيز الغناى بلا حدود ود النصرى امتداد لكل ماهو جميل فينا
ويازارع الورد على دربى
طارق جيريل .... كم انت رائع ومدهش
|
نعم يا صديقي نعلم ذلك، نعلم ان السفينة لم ولن تغرق.. بل توارت عن الانظار كم ذكرت تماما..
يبقي بينا الامل والحب وقرآن المصطفي..
ودي عزيزي ياسر
راني السماني
|
Post: #18
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 01-14-2010, 02:35 PM
Parent: #13
Quote: الله الله على الطمبور
فإنّ ود النصرى و كل من تغنى بالطمبور لهم وقع السحر فى التفوس
لكم و لهم التحايا |
ولك ايضا التحايا وقيساب من الطنابير والود
|
Post: #20
Title: Re: الفنان محمد النصري.. استميحك .. عزراً.. مصطفي سيد احمد انا وانت من قيساب نكيل..
Author: rani
Date: 02-28-2010, 03:37 AM
Parent: #18
باكر نفتش فيهو رايح زي شليل..
باكر نتبن في الضلام..
كايسنو في الليل الطويل..
***
باكرنا يا رايح تعال
يا بكرة طال الإنتظار
بالرغم من إنك محال
نحن الجبال والإحتمال
***
نرجاك منتظرين ظهورك يا شحوح
قاعدين نفتش فيك زي مليم يروح
نلقاك في الروح الطموح
لا تلوي هاماتنا الجموح
***
يا ربي باكر في القمر
ولا باكر..
جوة في جوف السحابة مع المطر
يا طالع القمرة جيب لي معاك باكر
باكرا يصور لي لون الفيافي زهر
لون الهويد والصي زي الجروف اخدر
باكرا صباح الخير يطرد ليالي الشر
***
لكنو رغم مرارة الأيام والأمل الضليل
من جوة احساسنا الجميل
باكرنا نيل..
يطفح يدفق زي سبيل
باكرنا نيل..
والجزاير في الصعيد الخدرة واللون السمح
باكرنا نيل..
ويغازل العصفور قنيدلات القمح
باكرنا نيل..
والبرازات تاني ترجع والوجوه الطيبة تتضحك وتنطرح
باكرنا نيل..
وانا وانتو من قيساب نكيل
وهناك في ضو القمر
شفع يكوركو لقو الشليل
|
|