كلمة ( زول ) كلمة اخترعها السودانيون , وليس لها أصل ولا فصل في العربية . فهل من رأي مخالف ؟!!!

ماذا تعني كلمة زول؟
الزول تلك اللفظة العربية التي أصبحت تعادل كلمة (سوداني)
في كل مهجر ومغترب ، حتى أصبحت شعاراً للسوداني ـ هي والعمامة ـ و
(زول) من فصيح العربية ولها في لسان العرب لابن منظور أكثر
من سبعة عشر معنى ، فالزول تعني:
الكريم الجواد ، أنشد السكيت المزرد:
"لقد أروح بالكرام الأزوال من بين عم وابن عم أو خال"
والزول : الخفيف الحركات ، قال أبو منصور الثعالبي في
حديثه عن الممادح والمحاسن ، حين ذكر أطوار الإنسان :
فإذا كان حركاً ظريفا متوقدا فهو : زول .
والزول الفتى ، قال محمد بن عبيد الله الكاتب المشهور بالمفجع
يمدح علياً رضي الله عنه:
"أشبه الأنبياء كهلاً وزولاً وفطيماً وراضعاً وغذياً"
4) والزّول : العجب، ألا ترى السوداني إذا استغرب شيئا قال: يازول ؟؟
يعني ياعجبي من هذا الشيء .
قال الشاعر في وصف سير ناقة.
"مرفوعها زول وموضوعها كمر غيث لجب وسط ريح"
فمرفوعها زولٌ يعني سيرها إذا أسرعت عجب من العجائب.[/B]

والزول الخفيف الظريف الذي يعجب الناس من ظرفه
والزول التظرف
والزول : الداهية
والزول : الشجاع الذي يتزايل الناس من شجاعته
والزول :الصقر
والزول : معالجة الأمر كالمزاولة
والزول: الغلام الظريف
والزول : الحركة

والزولة : المرأة الظريفة
قال الأصمعي :
أنشدتني عشرقة المحاربية ، وهي عجووز حيزبون زولة ...
قال أبو علي : الحيزبون التي فيها بقية من الشباب . والزولة الظريفة
والزولة : المرأة البرزة (الجميلة) الفطنة الذكية
قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
والزولة : الفتية من الإبل أو النساء ،
قال رؤبة بن العجاج :
قد عتق الأجدع بعد رق بقارح أو زولة معق
ووصيفة زولة : إذا كانت نافذة في الرسائل
ويقولون فلان رامي الزوائل : إذا كان خبيرا بالنساء
قال الشاعر :
"وكنت امرأً أرمي الزوائل مرة فأصبحت قد ودعت رمي الزوائل"
فالفتى زول.. والفتاة زولة.. والفتية أزوال .. والفتيات زولات.. والنسوة زوائل .
والزول كلمة آتية من الزوال اي أنك انسان زائل

فوق

الأخ العزيز تكعيب د. يوسف
لك مني التحية والتجلة ووافر الإحترام
وفوق هذه المعاني كلها الزول هو السوداني الأصيل، "ود البلد"، أخو البنات، شيال الحوبة، الركيزة، اللاخو، الكريم، الأمين، الذي لا يأتيه الباطل لا من فوقه ولا من تحته
لا فض فوك
مع خالص تحياتي
د. صلاح البشير

الأخ : د. صلاح - لك التحية

Quote: وفوق هذه المعاني كلها الزول هو السوداني الأصيل، "ود البلد"، أخو البنات، شيال الحوبة، الركيزة، اللاخو، الكريم، الأمين، الذي لا يأتيه الباطل لا من فوقه ولا من تحته

سؤال : هل تنطبق هذه الأوصاف
على الأجيال الحالية ؟ أو بمعنى آخر
هل نسطتيع أن نقول عليهم أزوال ؟
أرجو المشاركة د.صلاح - مع ألف تحية

أخي الكريم د. يوسف
لك التحية والود
نعــــــــــــــــــــــــــــــــــــــم ، وابصم بالعشرة، وهم أفضل منا، وهم يومنا الباكر
مع خالص تحياتي
د. صلاح البشير

كُل عام وأنتُم بخير ... القابلا على أُمْنياتك ...

عِنوان عمودك مااااا ياهو يا دِكتور :
كلمة ( زول ) كلمة اخترعها السودانيون , وليس لها أصل ولا فصل في العربية . فهل من رأي مخالف

عِنوان العمود < ينفي > كَون < زول > كلِمة عربِية ومُحتوى العمود < يُثبِت > أنها عربِية ... وسؤالك (فهل من رأي مخالف) لن تجِد لهُ مُجيب!

والعِنوان الصاح البِعبِر عن المتن :
كلِمة (زول) عربِية الأصل ... فهل مِن رأي مُخالِف؟
(أو شئ مِن هذا القبيل ، المُهِم يُوضِح مُحتوى العمود بِأقل الخسائِر)




إحْتِراماتي ،،،

العزيز : عزام - لك التحية والود
وكل عام وأنتم بخير

Quote: عِنوان عمودك مااااا ياهو يا دِكتور :

طبعاًأنا قصدت إنو العنوان يكون كده
عشان يجيب لينا ناس جميلين زيك يا عزام.
خلينا نشوف هذه المفردة الجميلة التي اشتهرنا بها
من بين خلق الله . إنه لأمر يوجب التوثيق .
تشكر أخي الفاضل عزام على المرور والمشاركة

أسمحوا لي بالمداخلة

أي كلمة نستخدمها في السودان، لها أصل
أو معربة، أو مسودنة.

كلمة زول مثلاً قد أتفق مع البعض بأنها عربية
لكن! أن الكلمة تستخدم في السودان قبل دخول العرب
من أين أتت إذن؟

ياحليل التدريس زمان والمناهج القديمة (ماعلاقة ذلك بالموضوع)
صدقوني أن كلمة زول أيضاً إنجليزية (ZOLE) وتوجد فقط في قاموس المايكل ويس

معانيها: إبن آدم ، شخص، رجل الريف الشهم، الرجل الشجاع.
إذا بحثتم عنها في كل المعاجم سوف لن تجدوها إلا في قاموس مايكل ويس
ففي السودان يطلق إسم (إسبتاليا) للمستشفى، فهي من كلمة (HOSPITAL)


تحياتي،،،

لك التحية أخي : عز الدين
جيد أن يكون لكلمة ( زول) وجود في
اللغة الإنجليزية , وهذا يعني بأنها
ضاربة بحذورها في عمق التاريخ , ولا
يستبعد أن تكون واكبت حركة الترجمة
التي تمت من العربية إلى الإنجليزية
في القرن الخامس عشر الميلادي .وذلك
من خلال تطابق المعاني بين الإنجليزية
والعربية للكلمة.
مشكور أخي عز الدين على المرور
والمعلومة الجديدة .

العزيز : د. صلاح

Quote: نعــــــــــــــــــــــــــــــــــــــم ، وابصم بالعشرة، وهم أفضل منا، وهم يومنا الباكر

الحمد لله إنك طمنتنا على مستقبلنا الزولي
لك الود يا زول

دكتورنا الفاضل
اعبادك سعيدة ,,

الاصل العربي لكلمة زول يفتح كوة اللهجة السودانبة وعلاقتها باللغة العربية الفصحى ,, وقد فتحت في سنوات زهو سودانيز اون لاين عدد من المواضيع الرائعة
وخاصة كتابات الاستاذ الموسوعي عجب الفيا , كما التقط طرف الموضوع عددا من المهتمين بالبحث في الهوية كل منهم يجر النار الى قدحه بهذه اللهجة
ورحم الله الدكتور عبدالله الطيب , الذي قدم جهد مقدر في هكذا كتابة والان يواصلة دكتور القرشي ادام الله بركاته ...
فياليتك تبحر بهذا البوست الماتع في ثنايا اللهجتنا العامية , وهي خصبة بمميزاتها وخصائصها ,,,


دم بعافية وصحة ,,,

Quote: شوفوا يا زول ممكن يعجبك . ,,,

عشان انت زول حلو

نهديك

زولـــــة بـتــدخــل جــوة الــزول

[B]الأخ : د. محمد حسن
لك التحية أخي الفاضل

Quote: يازولة بتدخل جوة الزول انت الحاجة الما معقولة ما اتخيلت لما تغيبي بحس بي فقدك وتبقى القدرة اكيد مشلولة وما اتخيلت اني بغالط فيك جواي وانو حواسي بقت مذهولة ما اتخيلت يا إنسانة واجمل جوهر لما تغيبي بتبقى الحاجة الحلوة مسيخة وتبقى الوردة فاقدة نداها وكم معلولة كم اشتقت وكيف فتقت الشوق في كلمة بتحمل كل الشايلو من احساس لي اجمل زولة يا قلب الدايرة لمن تكبر شوقي بيكتر شوقي بيكتر والأحلام الفيني بتصبح نايرة شوفي جوه عيوني بتلقي حنيني وجو ةعيونك أكوان عامرة بي حاجات ما بحكوها الا تكون القمرة سبوع هالة وباهرة لقيتك وين ؟ لقيتك انت في كلمة تشع احساس وفي جوهر مكنون وثمين في حسنو ونادر لقيتك نيزك ضو مكان الغربة الحالكة في جواي بالضو الجاهر لقيتك زولا شايل كل معاني الالفة ورعشة ريد نديان وحنين لقيتك في انفاسي الجوة بتدى الروح حلاوة نفسك وحاجة بتاخد من لونين جمال تصوريك و نبضة قلبك لمن يهمس كلمة شوق لي قلبي التايه في مغناك دوبيت وانين

هذا ما نبحث عنه أخي الفاضل
نريد توثيقاً لهذه المفردة
تشكر أخي على المشاركة الفاعلة وفي انتظار المزيد

الأخ : عمار - لك التحية

Quote: فياليتك تبحر بهذا البوست الماتع في ثنايا اللهجتنا العامية , وهي خصبة بمميزاتها وخصائصها ,,,

قصدنا لفت الأنظار والتسلية والترفيه بما
يزخر به قاموسنا السوداني من مفردات
وهذا البوست خصصناه لمفردة ( زول ) فقط
وفي جعبتنا الكثير عن هذه الكلمة .
تشكر أخي عمار على المرور والمشاركة

Quote: [B]يحتوي قاموس اللغة النوبية كلمة " سلن/sollon" بمعنى تحرك أو تأرجح، ومنها كلمة " سلالى / sollale" أو المرجاحة "سل تيقن / solla teegon" بمعنى جلس جلسة المتهئ للتحرك أو جلس القرفصاء. أما " سول / solon" فتعني في النوبية الحركة المتوهمة أو تخيل حركة الشئ وتوهمها، ثم جاء تطور آخر للكلمة لتعني مطلق الخيال أو الشبح وهي في النوبية " سول" .من هنا انصرفت كلمة "سول" لتعني المجدار الذي كان كثير الاستعمال والشيوع، وقد أشار إلى ذلك بوركها ردت الرحالة الأوربي الذي زار بلاد النوبة في أوائل القرن التاسع عشر وذكر أن المجادير تكثر في بلاد النوبة وأن يقيمونها في مزارعهم لتخويف الطيور وتنفيرها وأنها تنصب في هيئة الإنسان . وهكذا انصرف معنى كلمة " سول" لخيال الإنسان تحديدا. ومن هنا تشكل معنى هذه الكلمة ليطلق على الشخص غير واضح الملامح أو الشخصية وربما الإنسان المجهول. وبهذه المعاني دخلت كلمة " سول" قاموس العربية السودانية. ومن ثم قلب السين زايا وهو جائز لغويا وعموم قلب الحروف ظاهرة مميزة لعربية السودان.

منقول

Quote: اكتساب كلمة "زول" بعض سمات الاسم في اللغة النوبية يدل على أنها مرتدة عن اللغة النوبية اكتسابها . على سبيل المثال لا توجد ظاهرة المذكر والمؤنث في نحو اللغة النوبية، فالاسم يحتمل التذكير والتأنيث إلا أن يكونا مختصا أو أريد الاختصاص لسبب فيضاف عند الضرورة كلمة ذكر، ولما كان ذلك كذلك مما هو ممتنع في العربية فقد اقتصرت هذه الكلمة على صيغة المذكر دون المؤنث في عربية السودان، فلا تقل زولة تريد الإشارة للمرأة وإلا ضحك عليك القوم، فـ " زولة " لا وجود لها في قاموسهم لا ترد على ألسنتهم. شاهد آخر على تحول هذه الكلمة عن النوبية أن كلمة " زول" لا تجمع في سائر استعمالاتها، فلا تأتي إلا في صيغة المفرد فلا تقولن أزوال أو زواويل. وهي كذلك في اللغة النوبية فلا ترد إلا مفردة رغم أمكانية جمعها . الشاهد الثالث هو السياق اللغوي الذي تستعمل فيه هذه الكلمة. صحيح أن كلمة "زول" تعني شخص ـ كما أشرنا ـ إلا أن الأخير أوسع دلالة بينما "زول" مع ضيق دلالتها تستعمل في سياقات محددة وذلك في تصوري راجع لأثر اللغة النوبية التي وضعتها من قبل في ذات السياقات. فهي كلمة مرنة لفظا محدودة الدلالة.

منقول

دعوة للأخ عزام للإدلاء بدلوه فيما يتعلق
باللغة النوبية

*

جاء في قاموس لسان العرب لإبن منظور أن كلمة زَوْلٌ تعني: (زول) من فصيح العربية ولها أكثر من سبعة عشر معنى ، فالزول تعني :

(1) الكريم الجواد ، أنشد السكيت المزرد: لقد أروح بالكرام الأزوال من بين عم وابن عم أو خال

(2) والزول : الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول .

(3) والزول الفتى ، قال محمد بن عبيد الله الكاتب المشهور بالمفجع يمدح علياً : أشبه الأنبياء كهلاً وزولاً وفطيماً وراضعاً وغذياً

(4) والزّول : العجب ، ألا ترى السوداني إذا استغرب شيئا قال : يازول ؟؟ يعني ياعجبي من هذا الشيء . قال الشاعر في وصف سير ناقة . مرفوعها زول وموضوعها كمر غيث لجب وسط ريح فمرفوعها زولٌ يعني سيرها إذا أسرعت عجب من العجائب .

(5) والزول : الشجاع الذي يتزايل الناس من شجاعته.

(6) والزول الخفيف الظريف الذي يعجب الناس من ظرفه.

(7) والزول الغلام الظريف.

(8) والزول : الداهية .

(9) والزول الصقر .

(10) والزول : معالجة الأمر كالمزاولة .

(11) والزول : التظرف .

(12) والزول : الحركة .

(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجوز حيزبون زولة ... قال أبو علي : الحيزبون التي فيها بقية من الشباب . والزولة الظريفة.

(14) والزولة : المرأة البرزة (الجميلة) الفطنة الذكية ، قال الطرماح بن حكيم : وأدت إليّ القول منهن زولة تلاحن أو ترنة لقول الملاحن والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .

(15) والزولة : الفتية من الإبل أو النساء ، قال رؤبة بن العجاج : قد عتق الأجدع بعد رق بقارح أو زولة معق

(16) ووصيفة زولة : إذا كانت نافذة في الرسائل (17) ويقولون فلان رامي الزوائل : إذا كان خبيرا بالنساء ، قال الشاعر :

وكنت امرأً أرمي الزوائل مرة فأصبحت قد ودعت رمي الزوائل

ففتى، زول وفتاة ،زولة ، وفتية أزوال ، وفتيات زولات ، ونسوة زوائل . وبقي معتى ثامن عشر عليكم به في بطون الكتب .

فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية أصيلة هي (العمامة) والعمامة هي لباس النبي صلى الله عليه وسلم وأصحابه والتابعين والأئمة والفقهاء . ولعلك تلاحظ أن كثيرين من غير السودانيين إذا ناداك : يازول ! فكأنه أتى بجرم أو شيء غريب أو كأنه (ضرب السما جير ) والأدهى أن بعض السودانيين قد يضيق بذلك لعدم وقوف بعضهم على المعاني التي ذكرتها ، ومن جهل شيئا عاداه .

والعجيب أن الضيق منها موجود حتى في البيئة السودانية نفسها ، ولكن المتأمل بدرك أن سر ضيق السوداني منها ينبع من السياق الذي ترد فيه . فالكبار عندنا إذا قلت لآحدهم (يازول) ربما قال لك : (تزاول من ضلك) وهي دعوة عليك بالإختلاط والجنون ، لا تقال إلا في موضع السب إذا تطاول الصغير على الكبير . ولفظة (تزاول ) نفسها فصيحة صحيحة قال ذو الرمة :

وبيضاء لا تنحاش منا وأمها إذا ما رأتنا زيل منا زويلها.

جاء في قاموس لسان العرب لإبن منظور أن كلمة زَوْلٌ تعني: (زول) من فصيح العربية ولها أكثر من سبعة عشر معنى ، فالزول تعني :

(1) الكريم الجواد ، أنشد السكيت المزرد: لقد أروح بالكرام الأزوال من بين عم وابن عم أو خال

(2) والزول : الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول .

(3) والزول الفتى ، قال محمد بن عبيد الله الكاتب المشهور بالمفجع يمدح علياً : أشبه الأنبياء كهلاً وزولاً وفطيماً وراضعاً وغذياً

(4) والزّول : العجب ، ألا ترى السوداني إذا استغرب شيئا قال : يازول ؟؟ يعني ياعجبي من هذا الشيء . قال الشاعر في وصف سير ناقة . مرفوعها زول وموضوعها كمر غيث لجب وسط ريح فمرفوعها زولٌ يعني سيرها إذا أسرعت عجب من العجائب .

(5) والزول : الشجاع الذي يتزايل الناس من شجاعته.

(6) والزول الخفيف الظريف الذي يعجب الناس من ظرفه.

(7) والزول الغلام الظريف.

(8) والزول : الداهية .

(9) والزول الصقر .

(10) والزول : معالجة الأمر كالمزاولة .

(11) والزول : التظرف .

(12) والزول : الحركة .

(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجوز حيزبون زولة ... قال أبو علي : الحيزبون التي فيها بقية من الشباب . والزولة الظريفة.

(14) والزولة : المرأة البرزة (الجميلة) الفطنة الذكية ، قال الطرماح بن حكيم : وأدت إليّ القول منهن زولة تلاحن أو ترنة لقول الملاحن والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .

(15) والزولة : الفتية من الإبل أو النساء ، قال رؤبة بن العجاج : قد عتق الأجدع بعد رق بقارح أو زولة معق

(16) ووصيفة زولة : إذا كانت نافذة في الرسائل (17) ويقولون فلان رامي الزوائل : إذا كان خبيرا بالنساء ، قال الشاعر :

وكنت امرأً أرمي الزوائل مرة فأصبحت قد ودعت رمي الزوائل

ففتى، زول وفتاة ،زولة ، وفتية أزوال ، وفتيات زولات ، ونسوة زوائل . وبقي معتى ثامن عشر عليكم به في بطون الكتب .

فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية أصيلة هي (العمامة) والعمامة هي لباس النبي صلى الله عليه وسلم وأصحابه والتابعين والأئمة والفقهاء . ولعلك تلاحظ أن كثيرين من غير السودانيين إذا ناداك : يازول ! فكأنه أتى بجرم أو شيء غريب أو كأنه (ضرب السما جير ) والأدهى أن بعض السودانيين قد يضيق بذلك لعدم وقوف بعضهم على المعاني التي ذكرتها ، ومن جهل شيئا عاداه .

والعجيب أن الضيق منها موجود حتى في البيئة السودانية نفسها ، ولكن المتأمل بدرك أن سر ضيق السوداني منها ينبع من السياق الذي ترد فيه . فالكبار عندنا إذا قلت لآحدهم (يازول) ربما قال لك : (تزاول من ضلك) وهي دعوة عليك بالإختلاط والجنون ، لا تقال إلا في موضع السب إذا تطاول الصغير على الكبير . ولفظة (تزاول ) نفسها فصيحة صحيحة قال ذو الرمة :

وبيضاء لا تنحاش منا وأمها إذا ما رأتنا زيل منا زويلها.

Quote: والعجيب أن الضيق منها موجود حتى في البيئة السودانية نفسها ، ولكن المتأمل بدرك أن سر ضيق السوداني منها ينبع من السياق الذي ترد فيه . فالكبار عندنا إذا قلت لآحدهم (يازول) ربما قال لك : (تزاول من ضلك) وهي دعوة عليك بالإختلاط والجنون ، لا تقال إلا في موضع السب إذا تطاول الصغير على الكبير . ولفظة (تزاول ) نفسها فصيحة صحيحة قال ذو الرمة : وبيضاء لا تنحاش منا وأمها إذا ما رأتنا زيل منا زويلها. .

هذا يحدث مصاحب للحظة التي خاطبت فيها إنسان معين
فيأتي الرد عنيفاً يعكس إحساس المتكلم بالضيق . ومثل
ذلك أن تقول لأحدهم : عمي . يرد عليك ( عمى كباس )
وحتى ردالسلام لم يخل من العنف اللفظي . مثل قولك
لشخص : السلام عليكم . فيرد عليك :( سلت عين بنفير)
تسلمي أختي : شادية , وشكراً على المرور والمشاركة .

د.يوسف
كل عام وانتم بخير
هناك رواية للأديب المصرى جمال الدين الغيطانى تسمى (الزويل) وكذلك العالم المصرى (احمد زويل),ياترى ماهى علاقة الأسمين (بالزول) حقنا؟

الأخ : قلقو - لك التحية
أحمد حسن زويل عالم كيميائي مصري - أمريكي.
حاصل على جائزة نوبل في الكيمياء لسنة 1999.
من مدينة دمنهور ,الواقعة في غرب الدلتا
ويحدها شمالا البحر الأبيض المتوسط وشرقا
فرع رشيد وغربا محافظتى الاسكندرية ومطروح
وجنوبا محافظة الجيزة. وهذا الموقع أبعد
ما يكون إلى السودان . ولكن لا أعتقد بأن
ذلك ينفي أي علاقة له بالأزوال , لأن الهجرات
العكسية بين مصر والسودان ضاربة بجذورها في
أعماق التاريخ , وقد تكون التسمية لسبب
آخر , وقد يكون لقب .

أخي : قلقو – لك التحية مجدداً
رواية (زويل ) للروائي المصري جمال الغيطاني
فعلاقتها بالزول علاقة مباشرة , حيث تنغمس
أحداث الرواية في الصحراء.. الموغلة بالعتمة..
تتلصص على رمال ناعمة تطأها أقدام مرتحلة بين
حدود مصر والسودان.. تبدأ الرواية سيرة السرد
الحكائي الأول بالبحر.. وكورنيش الإسكندرية.. الذي
يجيء لقطات مكتنزة بالعشق والمغامرات في ذاكرة
الراوي.. ومن قفزات الأمنيات يشرع الراوي وصديقه
فتحي في دوران العالم الذي يبدؤه بصحراء مصر
التي تأسرهم غواياتها حتى يقعوا بيد الزويل. في
هذه المنطقة الصحراوية التي تجذب الرحالة الأجانب
والصحفيين والشبان هواة الأسفار، تعيش قبائل لها
طقوسها وعاداتها، وينتقل أفرادها باستمرار بين
مصر والسودان عبر الدروب والمتاهات التي
تملأ الصحراء . فواضح من أحداث الرواية وشخوصها
الدور الإجرامي الذي يقوم به (الزويل) لزعزعة الأمن
وبث الرعب في نفوس الغرباء - دور سلبي - فالاحتمال
الوارد أن للرواية إيحاءات سياسية.
تشكر أخي الفاضل على المرور والمداخلة الثرة – مع ودي

فوق

العزيز دكتور يوسف


كل العام وانت والاسرة بالف خير

سبق وان فتحت في السابق خيطا بهذا الخصوص لتعريف القراء بمعناها من واقع دراستي للغة العبرية وللاسف لكلمة زول معنى في اللغة العبرية لن يعجب اهلنا السودانيين لاني اشتم فيه معنى عنصريا وكاد ان يوقعنى في ازمة مع استاذي المصري الدكتور محمدي الذي درسني العبرية في السنة الاولى وكان يكثر من مناداتي بهذه المفردة وهو يكررها مرات ومرات وانا لم اتحسس منها باعتبار انه يمازحني باعتبارها كلمة سودانية شائعة.... واعتبرته مزاح مصريين مثل كلمة يا (ابو سمارة)
التي يطلقونها على السودانيين في مصر من باب المزاح...ولكن عندما تقدمت الى الفصل الثاني وقد صادفتني الكلمة العجيبة وبعد الحصة مباشرة ذهبت الى مكتب الدكتور محمدي وانا( منفوخ) منه واخبرته انه كان قاصداالاساءة الى بكثرة ترديده لهذه الكلمة السيئة في مناداتي في العام السابق وقد علمت معناها اليوم بعد عام وهانذا قدمت لالومه وضحك الدكتورمن غضبتي وبفهلوة مصريةاخبرني انه كان متوقعا هذا اليوم الذي اتي اليه غاضبا اي بعد عام حيث كانت المفردة واردة لاول مرة في كتاب مطالعةفي الفصل الثاني!
وكان معنى الكلمــــــــــــة : رخــــــــــــــــــــيص!

الأخ العزيز د. يوسف وضيوفه الكرام
لكم التحية والتجلة ووافر الاحترام
افتقدك يا دكتور في بوست "هل من المعقول أن تتزوج من امرأةٍ ثانية ؟ .. دعوة للنقاش" ، ارى انك زرتنا "وتاوقته ومشيت" ، هناك الجديد المثير. وهذه دعوة لك ولضيوفك الكرام لزيارتنا ومشاركتنا، يازوووووووووووووووول.
مع خالص تحياتي
د. صلاح البشير

د. صلاح البشير - لك التحية
طبعاً موضوعك أنا معه على طول بس
شفت الزولات مسخنات فقمت زغت
قلت خليهم يهدأوا شوية . ونرجع
تاني - مع ودي واحترامي .

العمدة : ود هباني - لك التحية والود
كل سنة وإنت والأسرة الكريمة بمئة ألف خير

Quote: وكان معنى الكلمــــــــــــة : رخــــــــــــــــــــيص!

طبعاً أنا قصدت معنى الكلمة باللغة العربية
وإلا فمعاني المفردات من لغة إلى لغة تجد
فرق شاسع . وأنا أعيش في شبه القارة
الهندية . فكلمة ( .... ) مثلاً المشهورة
والصريحة عندنا بالمعاشرة الجنسية . تفسر
عندهم ب ( الرجل الخلوق الطيب ) فيقولون
( ..... آدمي ) ولو قلت لأحدهم ( يا حرامي )
مثلاً . قد يصل معاك حد القتل . لأنها تعني
عندهم ( ابن زنا) . وإذا تكلمت مع أحدهم
وتريد تأكيد العدد بخمسة , فلا تشير بأصابعك
وهي مفتوحة . لأن ذلك يعني عندهم ( لعنات !)
فتشير إلى العدد وأصابعك مضمومة . والأمثلة
كثيرة جداً ياود هباني .
( شكرية , بهوت ميرباني )

والله كلامك سمح بالحيل

انت ناس قناة زول ما لاقوك يا زول ؟؟؟

الأخ : قرشو - لك التحية
ناس قناة زول ما لاقيتهم ولا هم لاقوني
والمشكلة إنو قناة زول دي حتى التردد
بتاعها ما عاوز يظبط معاي .
أشكرك أخي الفاضل على المرور والمشاركة

Quote: كلمة ( زول ) كلمة اخترعها السودانيون , وليس لها أصل ولا فصل في العربية . فهل من رأي مخالف ؟!!!

دكتور يوسف
صباح الخير

جئتك مغالطاً بعد قراءتي لعنوان الموضوع
لكن بعد دخولي وجدتك أتيت بما يؤكّد أصل وفصل الكلمة في العربيّة



تراكَ ( زول ) نجيض ما شاء الله

العزيز : لؤي - تحياتي واحترامي .

Quote: [جئتك مغالطاً بعد قراءتي لعنوان الموضوع لكن بعد دخولي وجدتك أتيت بما يؤكّد أصل وفصل الكلمة في العربيّة]

طبعاً نزل العنوان قصداً على هذه الصيغة
حتى يكون جاذباً, وذلك لضمان المشاركة
من الجميع . ورؤية الجديد المفيد .
مشكور أخي لؤي على المرور والمشاركة
مع ألف تحية

ومن الاستعمالات الشائعة لكلمة (زول) وارتباطها
باللهجة المحلية قول الشاعر : في إحدى روائع
الأستاذ: عبد الكريم الكابلي :
أشوف معناك في كل زول
شرب من طعمك المعسول
برق عبادي سوا الهول
فالزول هنا ( شخص ) ولكن شخص مميز لشرابه
من الطعم المعسول وهو: ( كلام المحبوبة )
فتغيرت أخلاقة , فانعكس حلو الكلام وسمح
الطبائع عليه.

والله يا زول بوستك ظريف تب

الأخ : كوستاوي - لك التحية
نسأل الله تعالى التوفيق والسداد , وقد
أحببنا من خلال هذا البوست أن نجنب
الناس جفاف السياسة قليلا , والمصادمات
غير المبررة , والمجادلات البيزنطية
التي لا تعود على صاحبها بفائدة .
تشكر أخي الفاضل على المرور - مع ألف سلام

يأتي استعمال كلمة زول مع الغائب المفرد وهذا
الغائب ربما يكون شخصا مجهولا أو غريبا أو لا
يريدون تسميته أو تشخيصه فيكتفون بالإشارة إليه
زولا. يقولون " الزول الكان واقف هناك" .. "
الزول داك منو ؟" .. " نمشي نشوف الزول داك " .. "
فلان زولا ماكن " . من هذا المدخل تأتي كلمة "زول "
للإشارة إلى المحبوب في الشعر الغنائي السوداني
وأنت تعلم أن الشعراء من سالف عهدهم لا يصرحون
بأسماء محبوباتهم . قال الشاعر الغنائي :
الزول الوسـيم في طبعه دايــما
هادي من أوصافه قول أسكرني هات يا شادي
وقال آخر في رائعة ابن كردفان الدكتور : عبد القادر سالم:
اتمنى يوم زولي القبيـل
يقطـع معاي دربا عديــل
مشوار عمر مشوار طويل
نمشيه في درب القويز .. في كردفان
مكتول هواك أنا من زمان
ففي هذه المقاطع الغنائية السابقة أطلق الشاعر كلمة
زول تعريضا عن ذكر محبوبته وكان مذهب المحبيين دائما
إشهار الحب وإظهار الوجد دون التعرض للحبيبة، فالحبيبة
مجهولة وستظل كذلك أما حبه فسيغني به ويردد معه الركبان.

د. يوسف

سلام عليك

معروف ومشهور ان كلمه زول تطلق على السودانيين في دول الخليج

ولكن السؤال.. هل هي ايضا معروفة و تطلق على السودانيين في دول آسيا

حيث تقيم ؟

الأخ : حسن محمود
طبعاًٍ أنا أعيش في دولة أهلها لا يعرفون اللغة العربية
ومن يعرفها منهم ينطقها مكسرة . فنحن أزوال
فيما بيننا ( يعني بين أفراد الجالية الموجودة)

*****

*****

دكتور يوسف
كيفك

يازول

خلعتنا بي عنوانك دا جينا جارين عشان نشاكلك لكن لقينا الموضوع غير

المهم كما قال لك السنير عزام خلي بالك من الجماعة ما يجو ينطوا ليك في حلقك المرة الجاية


تحياتي

العزيز : بكري - لك التحية والود
أشكرك على المرور وياريت لو تشوف ليناقصة من
القصص المتعلقة بكلمة زول عندكم في الخليج
مع ألف ...سلام

فوق

قال الشاعر :
كفارة ليك يا زول والمرض ما بيقتلو زول
فقد اختصر الشاعر السياقات اللغوية لهذه الكلمة
ببراعة، ففي صدر البيت قصد بكلمة زول المحبوبة
بينما المراد في الثانية مطلق الشخص من غير تحديد.
ومن هذا القبيل قول الشاعر في رائعة الأستاذ :
محمد الأمين :
أقل حاجة تخلي ســفرك حتى لو أسبوع أقــله
لو تسافر دون رضانا بنشقى نحن الدهر كله
وما بنشوف في الدنيا متعة وكل زول غيرك نمـله
فكلمة "زول" هنا تحتمل المعنيين السابقين.

***

الخ العزيز د. يوسف
سلام طيب كطيبة الزول
ما بنشوف في الدنيا حاجة وكلو زول غيرك نملو
مع خالص تحياتي
د. صلاح البشير

العزيز : د. صلاح
لك التحية والود
مشكور أخي على المرور
والمشاركة - مع ألف تحية
يا زووووووووووووول

وقد يكون الزول مميزاً بصفة ما عن الآخرين , في مثل
هذا النموذج من الجمال الذكوري , الذي يسعى جاهداَ
للإلتحاق بالقوات المسلحة السودانية للدفاع عن شرف
الوطن والحفاظ على أراضيه , وذلك قبل أن يصبح
الجيش والقوة العسكرية وسيلة للإستيلاء على السلطة.
والتفريط في أطراف الوطن طوعاً وكراهية ,
يا زول يا جميل
انت وين ماشي
أنا ماشي الجيش
ابقى جياشي».
*على الرغم من قلةالود للجياشي . والجياشي
هو :الرجل الذي يخدم في الجيش

http://ar.wikipedia.org/wiki/%D8%B2%D9%88%D9%84
من ويكيبيديا، الموسوعة الحرة

الأخ العزيز تكعيب دز يوسف
لك التحية والود
"الزول السمح فات الكبار والقدرو"
مع خالص تحياتي
د. صلاح البشير

المبدع : د.صلاح - لك ودي وتحياتي

Quote: الزول السمح فات الكبار والقدرو"

وهذا وصف للمحبوب , وقد بان القدر العالي
من الجمال وسمو الأخلاق الذي يتمتع به هذا
الزول الجميل .
* والجميل مالو أيه شغل بالو ؟

تشكر أخي أسامة محمد على المرور والمشاركة المميزة

الأخ العزيز د. يوسف
لك مني عاطر التحايا
تابع معي قريباً إن شاء الله كيف جاء ذكر الزول في القرآن؟ وبم بشر عمر بن الخطاب؟ بس"ما تسألني قريب متين"
مع خالص تحياتي
د. صلاح البشير

العزيز : د.صلاح
لك التحية والود
طبعاً هذه معلومة جديدة إنو الزول ذكر
في القرآن الكريم .
أرجو الإفادة بسرعة

.

وقد عبر الراحل هاشم ميرغني عن شوقه
لمن يحب بقوله :
زولي أنا يا زولي أنا يا زولي أنا يا زولي

يادكتور ياخي اديتنا مقلب
هسع انا شفت العتوان وهجت وشلت عكازي
وغشيت الزول الاسمو (قوقل) شيخنا الكبير
وقلت اجي اتعارك مع زولنا د يوسف وفجآة نفسي برد
بصراحة اختيار غاية في الفطنة
لعنوانك
ودي

الأخ العزيز الفنان المرهف : يوسف الموصلي
السلام عليكم ورحمة الله وبركاته
طبعاً كلمة ( زول ) من الكلمات التي ميزتنا كسودانيين
عن بقية خلق الله تعالى , حتى صارت أحد فروع هويتنا التي
كثر الجدل عنها . ولكن لوحظ مؤخراً بالاستغلال الواضح للمفردة
ومحاولة تسخيرها للنيل من بني بلدي .
ملاحظاتك حول العنوان في محلها , وقد تعمدت أن يكون بهذه
الصياغة حتى يكون جاذباً ولافتاً للأنظار , والحمد لله جذب إلينا
مثقفين ومخضرمين أمثالك .
أخي يوسف الموصلي أتمنى أن تدعمنا بما ورد في أغنياتك الرائعة
لكلمة ( زول ) إثراءً لهذا البوست , وتوثيقاً لهذه المفردة
التي أضحت رمزأ يشار به إلينا كسودانيين.
سعدنا جداً بمرورك , ومشاركتك - مع ألف تحية

وهذا آخر يتغزل في معشوقته ويصفها ب ( زول )
بدلاًُ من ( زولة ) في إحدى أغنياتنا السودانية :
الزول الجميل جاء ماري ماري بي هنا
لفتات نظرات توحي لي أنا

د. يوسف
مع خالص المودة


يازول...
كلمة امقتها. ولا يروق لى ان اكون انا هو ذاك الشخص المعني بذاك الاسم ..

زول الآتية من الزوال... لا تعني غير (خيال المآتا ) ودونكم وقواميس اللغة .. فليس هنالك ما يشبر بانه اسم جنس من بني البشر .. او انه اسم لشعب.. واللذين لم يطرق سمعهم اسم خيال المآتا !!! من قيل نوضح لهم المعني!! فهو (زول) أو مجسم من خرقة بالية تلف حول أعواد على هيئة إنسان تنصب في المزارع لإخافة الطيور!! والبهائم.
يــا..... زول... خيــال المـآتا.. (قناة فضائية)!!!


اما عن نوبية كلمة ( زول )
* يقول د. منيب
الأصل الأكثر احتمالا لهذه الكلمة فهو الفعل زال يزول زولانا إذا تحول أو انتقل فإذا علمت أن التحول والانتقال لا يكون إلا بحركة فقد انصرف المعنى ليفيد مجرد التحرك ليس أكثر وهنا كانت بداية تطور هذه الكلمة دلاليا في وادي النيل لتدخل وتستقر في قاموس اللغة النوبية اللغة السابقة للعربية بذات المعنى. هكذا تحددت دلالة هذه الكلمة فصارت بمعنى المتحرك أو المتردد الحركة. واليوم نجد في قاموس اللغة النوبية كلمة " سلن/sollon" بمعنى تحرك أو تأرجح، ومنها كلمة " سلالىsollale/" أو المرجاحة "سل تيقنsolla teegon/" بمعنى جلس جلسة المتهئ للتحرك أو جلس القرفصاء. أما " سول/ solon" فتعني في النوبية الحركة المتوهمة أو تخيل حركة الشئ وتوهمها، ثم جاء تطور آخر للكلمة لتعني مطلق الخيال أو الشبح وهي في النوبية " سول" .. ومن هنا انصرفت كلمة "سول" لتعني المجدار، مما يذكر أن بوركهاردت الرحالة الأوربي الذي زار بلاد النوبة في أوائل القرن التاسع عشر أشار الى كثرة استعمال النوبيين للمجادير في مزارعهم لتخويف الطيور وتنفيرها منها وأنها كانت تنصب في هيئة إنسان. وهكذا انصرف معنى كلمة " سول" لخيال الإنسان تحديدا.

* في مشاركة سابقة في هذا الموقع كنت قد استشهدت بمقال للكتور منيب ابراهيم ( باحث في علم الدلالة والمعاني في اصول الثقافة السودانية )
Re: مصطلحــات ومفاهــيم سياســية .. نجهـل معــاني بعضــها ..

الأخ : ولياب - السلام عليكم ورحمة الله وبركاته

Quote: يازول... كلمة امقتها. ولا يروق لى ان اكون انا هو ذاك الشخص المعني بذاك الاسم ..

طبعاً من حقك أن تبغضها إذا استعملت بطريقة معينة
يشتم منها رائحة الانتقاص من قدر الإنسان أو السخرية
منه , وإلا فهي مفردة سودانية بتميز لا نستطيع إنكارها
بأي شكل من الأشكال .حيث أضحت ملازمةً لتراثنا الأصيل
ويشترك فيها كل أركان المجتمع السوداني : شرقاً , وغرباً
وجنوباً , وشمالاً , ولم تقتصر على فئة دون الأخرى , ولا
منطقة دون الأخرى , فما دام نحن سودانيين فالبتأكيد
( أزوال )

Quote: فليس هنالك ما يشبر بانه اسم جنس من بني البشر .. او انه اسم لشعب..

هناك قبائل تسمى بقبائل الزولو ,وهي مجموعة من القبائل
الإفريقية اشتهرت بخصائصها القتالية الباسلة وولعها
بالحرب، وخلال عشرينات القرن الثامن عشر بدأت بقيادة
زعيمها الشهير تشاكا ولكن لا أعلم هل لهذه القبائل
ارتباط بنا من حيث ( الزولنة ) أم اسم على اسم . كما
لا ننسى بأنها قبائل أفريقية ... فمن ناحية وجود من
يتبنى المفردة ( زول ) أو مشتقاتها أو جزء منها كاسم
فالحمد لله موجود .

Quote: اما عن نوبية كلمة ( زول )

لقد أوردت جزء كبير من مقالة الدكتور : منيب في هذا
البوست عن نوبية كلمة ( زول ) وقد دعوت الأخ : عزام
حسن فرح للحديث عن استخدامات المفردة في اللغة النوبية
ولكن جاءت الاستجابة منك أخي ولياب ...[
لك جزيل شكري على زيارتك لنا , ومشاركتك في هذا البوست
وقد قمت بمراجعة ما كتبتم من خلال البوستات المأرشفة...
مع ألف تحية/B]

Quote: طبعاً من حقك أن تبغضها إذا استعملت بطريقة معينة يشتم منها رائحة الانتقاص من قدر الإنسان أو السخرية منه...

هنالك من يطلقها بغرض الاستخفاف . ومنهم من يعتقد بانه قد يحسن صنعا..
وهنالك اخوة ومعارف وزملاء من الشقيقة مصر يمازحونني دوما فاجيبهم مازحا
المشكلة في انكم لم تعرفوا معنى الكلمة وقدرها !!!
فاذا كانت مصر الشعبية والرسمية فرحت بزويّـل .. ( تصغير زول )
فمابالكم بشعب السوادان كلهم أزوال ..
وفيكم زويّـل واحد.

سَلِمَ قَوْلُكَ وقَلَمُكَ يا دكتور يُوسُف ، ومِنْ ثَمَّ لكَ معزّتي واحترامي يُرافقُهما تقديري على تلكَ الدُّرَرْ .
ولا عدِمناكَ قلمًا نيِّرًا هنا .
مودّتي كاملة .

رائع يا دكتور يوسف... إنتا زول رائع

أعجبني البوست ومحتواة
ومن اليوم إعتبر نفسك زولي في المنبر هذا



وتسلـم...

الرائع الجميل : محمد يسن خليفة
السلام عليكم ورحمة الله وبركاته
أوافق على طلبك , وسأكون ( زولك ) في هذا
المنبر أي : بمعنى : صديقك . وهذا من
المعاني التي نبحث عنها لهذه المفردة
السودانية الخالصة .
مشكور (زولي ) الفاضل على مرورك ومشاركتك
معنا . مع ألف تحية

يعني إنتو أفهم من الزول ده ؟
عنوان لأحد البوستات في هذا المنبر
وصاحبه يشيد بأديبنا الكبير الروائي
الراحل : الطيب صالح . وقد أطلق
عليه كلمة ( زول ) بدون تكلف . مع
علمه بعلو مكانته , وشهرته التي
ملأت الآفاق . ولكنه في الأخير هو ( زول )
لأنه سوداني .
يعني إنتو أفهم من الزول دة؟

لك التحية والتقدير أخي : محمد زين الشفيع
على هذا المرور الجميل , والمداخلة الرائعة
والمعبرة عن نفس تتذوق الأدب , والكلمة الأنيقة
وقد كنت من المتابعين ومن زمن بعيد لكتاباتك
واهتماماتك بلغة القرآن .
مع ألف شكر

لك التحية مجدداً - أخي ولياب
كثير من المفردات الجميلة تحولت إلى مفردات قبيحة
بسبب الاستعمال غير اللائق لها . وفي ذلك لم تسلم
كلمة ( السلام ) التي هي من أسماء الله الحسنى !!
روى الإمام أحمد بسنده عن عبد الله بن عمرو رضي الله
عنهما: (أن اليهود كانوا يقولون لرسول الله صلى
الله عليه وسلم: سامٌ عليك، ثم يقولون في أنفسهم:
لولا يعذبنا الله بما نقول: فنزلت هذه الآية: (( وَإِذَا
جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي
أَنفُسِهِمْ لَوْلا يُعَذِّبُنَا اللَّهُ بِمَا نَقُولُ حَسْبُهُمْ جَهَنَّمُ
يَصْلَوْنَهَا فَبِئْسَ الْمَصِيرُ ))
سورة المجادلة:الآية 8. قال ابن كثير : إسناده حسن.
أما المصريين فهم لم يصغروا والد العالم الشهير
أحمد زويل فقط بل هناك رواية اسمها ( زويل ) للكاتب
الكبير جمال الغيطاني

.

يعني إنتو أفهم من الزول ده ؟
عنوان لأحد البوستات في هذا المنبر
وصاحبه يشيد بأديبنا الكبير الروائي
الراحل : الطيب صالح . وقد أطلق
عليه كلمة ( زول ) بدون تكلف . مع
علمه بعلو مكانته , وشهرته التي
ملأت الآفاق . ولكنه في الأخير هو ( زول )
لأنه سوداني .

Quote: .قال الشاعر : كفارة ليك يا زول والمرض ما بيقتلو زول فقد اختصر الشاعر السياقات اللغوية لهذه الكلمة ببراعة، ففي صدر البيت قصد بكلمة زول المحبوبة بينما المراد في الثانية مطلق الشخص من غير تحديد. ومن هذا القبيل قول الشاعر في رائعة الأستاذ : محمد الأمين : أقل حاجة تخلي ســفرك حتى لو أسبوع أقــله لو تسافر دون رضانا بنشقى نحن الدهر كله وما بنشوف في الدنيا متعة وكل زول غيرك نمـله فكلمة "زول" هنا تحتمل المعنيين السابقين.

بوست مميز
احيييييييك ..قبل كم سنة دار نقاش
حول كلمة زول ..مع بعض الصحاب
وفعلا كمازكرت الاخت شادية ..
لقيناها في لسان العرب ..
عموما شكر للبوست الرائع ..وذو
طابع خاص ..
لك ودي

لي عودة إن شاء الله أخي باسط المكي - مع ألف تحية

لك التحية أخي : باسط المكي
لكلمة ( زول ) العديد من المعاني في اللغة
العربية . بل ذهب بعضهم أن للكلمة أصل نوبي
وغير ذلك ...أما رسوخها في محيطنا السوداني
فالشواهد كثيرة من خلال أشعارنا , وكلامنا ,
وجميع شؤوننا ...
لك شكري أخي باسط على المرور والمشاركة

.

وقد يأتي ( الزول ) بمعنى الشخص أو ( إنسان ) كما
في الأبيات التالية :

Quote: الزول إن اباك من غير سبب ما تسكو امسح اسمو من خارطـه ضميرك حكو شتتو فى الخلا ,,وعكس الهبايب فكو جامل البجاملك,, والبيسكـــــــك سكو وحـــــب البحبـــــــك والبدقك دقــــو الناس زى الهدوم فيها الراقى ..... وفيها الزى جناح ام جــــــكو واحد ســــــاتر.................... وواحد احسن منو تمشى امفكو

منقول من الانترنيت

والزول من الزوال , أي أنه لا بقاء ولا
خلود للإنسان في هذه الحياة الدنيا...
قال تعالى : " كل من عليها فان ويبقى
وجه ربك ذو الجلال والإكرام "

والزول من الزوال , أي أنه لا بقاء ولا
خلود للإنسان في هذه الحياة الدنيا...
قال تعالى : " كل من عليها فان ويبقى
وجه ربك ذو الجلال والإكرام "

وقد وردت مفردة ( زول ) في أروع
أغنياتنا العاطفية عندما صدح الراحل
المقيم مصطفى سيد أحمدفي أغنيته
الرائعة : غدار دموعك
لا .. لا ..لا لا لالا

لا تنبش الماضي البعيد

الم تكن لقلبي واقعا مجهولا

لا تنكأي الجرح القديم

فانني ودعت ليلا مظلما وثقيلا

وحملت روحي في فؤاد ناذف

ما زال يحمل نصفه مشلولا

وخلعت اثواب الحداد اما كفى

اذ صار قلبك في الهوى ضليلا

غدار دموعك ما بتفيد

في زول حواسو اتحجرت

جرب معاك كل السبل

وايديهو ليك ما قصرت

حطمت في قلبوا الامل

كل الاماني اتخدرت

وكلماتو ليك ضاعت عبس

لا قدمت ولا اخرت

ما كنا وكت الليل يضيع

وتشرد نجومو وتنهزم

ويطل شعاع يكشف قلاع

والظلمة ترحل وتنهزم

وجفونا من طول السهر

تلبس وشاح حرقة والم

نستبشر اليوم الجديد

ونقول تعود انت العشم

كيف العشم وكتين يموت

والغصة تطعن في الحلق

كيف الحنين وكتين يهز لزول بعيد ما بتلحق

كيف الرجوع لزول قنع

شايل رفاة قلبو الحرق

سيب الندم وانسى الدموع

ما فات زمان ما بيستحق

غدار دموعك ما بتفيد

في ظلمة ما بتعرف شعاع

اشباحا زي موج العدم

كسر المجاديف والقلاع

ونزلنا في طوف الفشل

وابحرنا في بحر الضياع

ونسينا ذكراك الزمان

عشناها في زيف القناع

فهاهو خليل فرح يتسأل فيقول :
مجلسك مفهوم شوفو رايق عدو ناقص زول ولا تام
أما زول العبادي فقد فات الكبار والقدرو ،
ولعل ناس عبد الله قد وجدوا له العذر في عدم
حضوره العيد معهم في مجالس انسهم وسمرهم
في ذلك الزمان الندي يقول العبادي :
الزول السمح فات الكبار والقدرو
كان شافوة ناس عبد الله كانوا يعزرو
السبب الحماني العيد هناك أحضررو
درديق الشبيكي البنتو فوق صدرو

حضور ومتابعة

لك التحية أخي الفاضل : د.صلاح البشير
مع ألف شكر على المرور

.