|
ما هو أهم حدث مر بحياتك خلال العام 2009 ؟
|
أيام معدوده تبقت في العام 2009 365 يوم مروا من حياتنا, فيهم أحداث قد تكون أحداث سعيدة أو أحداث حزينة, منتظرة أو غير متوقعة ، عابره أو مفصليه غيرت مجري حياتنا, بدايه جديده, أو نهايه حزينه, كسب غالي أو فقد عزيز .. وقد يكون حدث عام أثر علي حياتك أو غير نظرتك للحياه ولنفسك ..
مشاركتنا مع بعض ذكريات هذه الأحداث وتدوينها, بيقدم لينا فرصه انه نشارك سعيد في فرحته, أو يساعد مهموم علي الشعور بصغر همه,
أخبرنا عن أهم حدث مر بحياتك خلال العام الذي نعيش اخر لحظاته هذه الأيام. وكيف أثر علي حياتك ..
|
|
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Amany Elamin)
|
اماني لك التحية وانشاء الله بوست من العيار الجميل في 2009 حجيت يا اماني حجيت ودا اكثر حدث مهم في حياتي كلها ناهيك عن 2009. دخلت المملكة السعودية في سنة 2000 ولم يتسهل الحج لي إلا في 2009 لذا اعتبرها من السنين المهمة والمحطات الهامة في حياتي.
أبومجتبى
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Yassir Tayfour)
|
اماني كل سنة وانت طيبة
اهم حاجة الواحد بيحمد الله عليها انو حي لحدي الآن والحاجة التانية التي تستحق الحمد انو الواحد ما لاقى ياسر طيفور وهباني ودينق ومن لف لفهم على ارض الواقع ودي نعمة كبيرة والله وانا خايف الاقيهم في الخمسة يوم الباقية دي وكما لا يفوتني ان اهنئ نفسي وجماهير الهلال بالانتصار الكبير بتسجيل النجم موبوتو
..
..
المهم
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: عبدالوهاب علي الحاج)
|
وهبه ياخ خليك جادي,
Quote: الحاجة التانية التي تستحق الحمد انو الواحد ما لاقى ياسر طيفور وهباني ودينق ومن لف لفهم على ارض الواقع |
قلنا أهم حاجه حصلت, ما أهم حاجه ما حصلت هههه
Quote: اهم حاجة الواحد بيحمد الله عليها انو حي لحدي الآن |
اللهم احينا ماكان في الحياة خير لنا وتوفنا اذا كانت الوفاة خير لنا واجعل الحياة زيادةً لنا في كل خير والموت راحهً لنا من كل شر برحمتك يا ارحم الراحمين
--- الدعاء ده لي أنا انت ربنا يديك طولة العمر ويخليك لأولادك وللناس البتحبهم وبيحبوك ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Yassir Tayfour)
|
ياسر طيفور:
Quote: غايتو في الـ360 يوم العدو ديل مافي حاجة تُذكر، إلا غايتو ربك رب الخير تحصل حاجة في الـ5 يوم الباقيَّة دي تجيب لي حدث يعلق بالذاكرة. |
انشاء الله الخير كله في الخمسه يوم ديل يارب,
Quote: كان ممكن يحصل حدث، لكن شاءت الظروف أن تدفعه للسنة الجايَّة.. |
زي الفهمت حاجه :) انشاء الله ربنا ييسر, ويهون الصعب, ويقرب البعيد ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Amany Elamin)
|
يا ريت لو أصحابي بيفهمو زيِّك يا أماني، عمك وهبة المعلّق فوق ده، حكيت ليهو بالتلفون مية مرة، وبرضو بيسألني ليك نفس السؤال، ذاكرتو أظنها RAM رديئة الجودّة، ينوم ويصحى ناسي؛ أها شفتي الحدث الما حدث في 2009 هو بمثابة "عسى أن تكرهوا شيئاً وهو خير لكم"، والتأخير لي خيراً ما أشوف فيهو وهبه وشروره... ___ الله ييسر ليك كل خطواتك يا أماني..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Yassir Tayfour)
|
ياسر:
Quote: عمك وهبة المعلّق فوق ده، حكيت ليهو بالتلفون مية مرة، وبرضو بيسألني ليك نفس السؤال، ذاكرتو أظنها RAM رديئة الجودّة، |
عمو وهبه ده من ناحية مرّكز فمرّكز لكن بس الذاكره انت عارف عامل السن وكده ههههه
Quote: الله ييسر ليك كل خطواتك يا أماني.. |
اااااااميييييييين وييسر ليك كل عسير ياياسر .. والمؤجل يتم وتشوف عمو وهبه كمان :)
شكرا كتير ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: الصادق صديق سلمان)
|
أخ الصادق:
Quote: في 2009 حجيت يا اماني حجيت ودا اكثر حدث مهم في حياتي كلها ناهيك عن 2009. دخلت المملكة السعودية في سنة 2000 ولم يتسهل الحج لي إلا في 2009 لذا اعتبرها من السنين المهمة والمحطات الهامة في حياتي. |
هنيئا لك .. غسلت ذنوبك, وعاهدت ربنا علي بدايه جديده .. وعدت من يوم عرفه خالي من الذنوب, ميلاد جديد يا أخي ..
انشاء الله تحج أو تعتمر مره تانيه وتدعي لي معاك يارب ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: العوض المسلمي)
|
واحد من الاشياء المهمة في العام 2009م انه الواحد قدر يعود مدينة الدمام للاستقرار مرة اخري ..
مدينة احببتها واضطرتني الظروف للانتقال منها سابقاً ..
الان اشعر براحة لعودتي اليها ..
باقي الاصعدة ..
لا يوجد ما يمكن ان يضاف سوى معرفتي بانسان جميل نقي هو حافظ حسن ابراهيم
تحياتي لك يا اماني الامين وعام سعيد ومستقبل مشرق
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: HAIDER ALZAIN)
|
حيدر الزين:
Quote: واحد من الاشياء المهمة في العام 2009م انه الواحد قدر يعود مدينة الدمام للاستقرار مرة اخري .. مدينة احببتها واضطرتني الظروف للانتقال منها سابقاً .. الان اشعر براحة لعودتي اليها .. |
ماعارفه السر في الدمام شنو, لأنو أخوي برضو ساب أمريكا ورجع ليها تاني, وفضّل الاستقرار فيها لأنو قضي عمرو هناك واتعوّد عليها ..
Quote: لا يوجد ما يمكن ان يضاف سوى معرفتي بانسان جميل نقي هو حافظ حسن ابراهيم |
حافظ مكسب كبير, هنيئا لكما :)
Quote: تحياتي لك يا اماني الامين وعام سعيد ومستقبل مشرق |
ااااااااميييييييييين, وليك كمان ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: العوض المسلمي)
|
العوض أخوي:
Quote: الحدث الذي لا انساه وسيظل بذاكرتي ابد الدهر وهو نجاح ابنتي تسابيح واحرازها المركز الخامس في امتحانات الاساس ولاية الخرطوم |
ما شاء الله .. تسابيح العوض المسلمي شاطره وفرّحت أبوها في 2009
بالجد حاجه تفرح,
مش قالوا: نعم الاله علي العباد كثيرة .. وأجلّهنّ نجابة الأبناء ..
انشاء الله تفرح بيهم كلّهم وربنا يجعلهم ليك قرّة عين يالعوض ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: MOHAMMED ELSHEIKH)
|
الأخ محمد الشيخ:
Quote: هو حدث حزييييين بالجد رحيل ست الكل الحاجة زليخا محمد الشيخ والدتي العزيزة وهو ليس حدث 2009م و لكنه حدث حياتي لها الرحمة و دعواتكم ايها الأحبة |
الفقد اللي ماممكن جبره يا أخ محمد, قادره أتخيل انو حزن العام وكل عام, حزن العمر كله,
ربنا يرحمها ويجزيها خير عنكم يا أخ محمد, ويجعل قبرها روضه من رياض الجنه, ويجعل جنة الفردوس مقامها يارب ..
تعيش وتتذكر ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: عبد اللطيف السيدح)
|
الاخت الحبيبه امانى كل سنة وانتى طيبة ان شاء الله ربتا يعمر القلوب فى العام الجديد ويجمعنا كلنا فى البلد الحبيب بوست جميل وبديك احساس بالامل الاحداث كثيره بالنسبة لى اهمها زواج شقيقتى الصغرى وفرحتى الكبيرة لها امنياتى للجميع بعام جديد سعيد ان شاء الله
تحياتى اسماء الجنيد
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: soma)
|
العزيزه سوما:
Quote: ربتا يعمر القلوب فى العام الجديد ويجمعنا كلنا فى البلد الحبيب |
ااااااااامييييييييييين
Quote: بوست جميل وبديك احساس بالامل |
والله أنا ده اللي قصدته يا حبيبه, لأنه 2009 انتهت معاي نهايه حزينه جدا, والاحباط ماليني من كل النواحي,
Quote: الاحداث كثيره بالنسبة لى اهمها زواج شقيقتى الصغرى وفرحتى الكبيرة لها |
ألــــــــــــــــــف مبـــــــــــــــــــروك ..
ربنا يهنيها ويسعدها يارب ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Amany Elamin)
|
أهم حدث المنظمات اليهودية فى أمريكا عكست ظهر المجن لناس الحركات وقبضوا أبو قرده قائد التمرد وساقوه إلى لاهاى ..
وحدث صفير .. كعنوان جانبى للحدث الأول .. المنظمات اليهودية عايزه بقاء مندوب الحكومة الأمريكية قريشن فى السودان وناس الحركات لا يرغبون فيه .. وهذه لأول مرة فى التأريخ القصير 6 سنوات التى مضت .. أختلفت فيها أجندة أبناء الحركات والمنظمات اليهودية ..
وأنا عارف وأنتم عارفين الخسران مينو .. لكن خلوه فى سركم.
بريمة
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: omar arbab)
|
لك التحية أختي : أماني الأمين أهم الأحداث في حياتي على الصعيد الشخصي 1 - حصولي على شهادة الدكتوراه بعد خمس سنوات من البحث والتحقيق والدراسة 2 - الحصول على الباسويرد في سودانيز أون لاين وقد كان حلماً يراودني منذ زمن بعيد , إلا أن ظروف الدراسة , والبحث حالت بيني وبينه.
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: بريمة محمد)
|
Quote: أهم حدث المنظمات اليهودية فى أمريكا عكست ظهر المجن لناس الحركات وقبضوا أبو قرده قائد التمرد وساقوه إلى لاهاى .. وحدث صفير .. كعنوان جانبى للحدث الأول .. المنظمات اليهودية عايزه بقاء مندوب الحكومة الأمريكية قريشن فى السودان وناس الحركات لا يرغبون فيه .. وهذه لأول مرة فى التأريخ القصير 6 سنوات التى مضت .. أختلفت فيها أجندة أبناء الحركات والمنظمات اليهودية .. |
بريمه كل سنه وانت طيب, وشكرا لمشاركتنا أهم حدث مر بيك في 2009
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: الفاضل يسن عثمان)
|
في هذا المنبر بوستات مهما كنت جلفاً تجبرك ان تكون محترماً لو الي حين و منها بوستات الانسانة
اماني الامين (دا كثير تلج شديد يا حيدر صح)....
في بداية 2009 فقدت صديقي و اخي شهاب الامين للابد 8-2-2009
في منتصفه انكسر عمادنا و تشتت رصاصنا حيث سافر عامد الامين ايضاً في رحلة احزان لم تقل عن رحلة شهاب
حزناً و ذلك في 16-6-2009 و انشاء الله دا يكون الختام حين اصبحت يمنياً بعد ان انكسر يساري في نهاية هذا العام الذي لم ينتهي بعد.
و لكن دوماً مع هذا الالام هنالك اشراقات,,, ففي هذا العام تعرفت علي اصدقاء جدد (حيدر يا صديقي و أخرون)... نعم تعرفت علي اصدقاء جدد لكنهم لم يسدوا خانة الراحلين في غيابي,,, ليس لانهم اقل من الغياب الحضور و لكن ان لكل صديق/ة فراغ خاص لا يستطع الاخر ملؤه
كل سنة و انت و ضيوفك طيبون و السنة الجاية بالتأكيد أجمل
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: علاء الدين محمد بابكر)
|
باشمهندس علاء صديقي:
Quote: أكملت كتابي الرابع (نظرية الفجور والتقوي) بعد طول مخاض
بالإضافة لأني لاقيت بورداب كتيرين بعد معرفة علي الهواء.. |
ألف مبروك علي انجاز الكتاب أخيرا, معناتها ألحق أنتهي من التلاته العندي, وتناقشني في الأجزاء المافهمتها سرعه لأنها تاعباني جدا :)
أنا كمان لاقيت بورداب كثر سعدت بمعرفتهم ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: حافظ حسن ابراهيم)
|
حافظ ياصديقي العزيز: كدت أفقد الأمل في انه في زول غيري اتوجع في 2009 دي, قلت أفتح الباب للناس عشان يعبروا عن وجعهم وأتقوي بيهم, لقيت الكل فرحان ومنجز, فرحت ليهم وفرحت بمشاركتك لي أحزانك في 2009, كانت سنه صعبه ياصديق بالنسبه لي برضو, الحمد لله علي كل حال .. وربنا يعجّل بفرج قريب في 2010 انشاء الله من كل كرب .. ويجعلها خير من سابقتها,
ربنا يرحم أصدقائك د. عماد وشهاب, ويخلي ليك أصحابك الجداد, ويجبر كسر يسارك اللي سجلت بيها موقف تحسد عليهو في العام 2009, سجلت موقف نضال حقيقي, ورفعت راسنا كلّنا,
شكرا علي اطرائك, وسعيده بيك جدا ياصديق :)
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: الفاضل يسن عثمان)
|
أخ الفاضل:
Quote: الحدث المدهش لي في العام 2009 هو ولادة ابنتي نسرين في خواتيم العام. |
كلمة مدهش دي حسيت بيها شديد,
لما أختي جابت أوّل مولوده ليها حسيت بالدهشه دي برضو, جات مولودتها في نفس الاسبوع اللي شهد وفاة عزيزه علينا, الحادثين قلبوا كياني تماما, وغيّروا من نظرتي للحياه ..
مبروك نسرين وتتربي في عز أبوها وحضن أمّها يارب ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Mubarak kunna)
|
سلامات يا اماني وكل سنةوانت بخير
اهم انجاز لي هو عمل شركة استشارات تعليمية في ماليزيا مع اصدقاء ماليزين وصار لدينا مكتب في موقع ممتاز جدا.. علقت لافتة تحمل اسم الشركة في ماليزيا
ودا انجاز سعيت ليه طيلة السنوات المنصرمة
الحمدلله وفقت اخيرا في تحقيق هذا الحلم..
مودتي وكل سنة وانت محققة الاحلام..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: د.نجاة محمود)
|
اماني سلامات وكل سنة وانت طيبة: كثيرة هي الاحداث التي مرت في العام 2009... ولكن احبها الي نفسي و اسعدها هي: قبول زوجتي الحبيبة جدا للتخصص في الطب الباطني @ NELSON R MANDELA SCHOOL OF MEDICINE وهي من ارفع كليات الطب عالميا..و في ذات اللحظات منحني ربي طفلا "ظافر" رائعا فكنت بين فرحتين.. فلله الحمد ومن قبل ومن بعد..وللحبيبة خالص الامنيات بالتوفيق.. ولك وللجميع اماني سعيدة ومحققة..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: الهادي محمد ابراهيم)
|
أخ الهادي:
Quote: قبول زوجتي الحبيبة جدا للتخصص في الطب الباطني @ NELSON R MANDELA SCHOOL OF MEDICINE وهي من ارفع كليات الطب عالميا..و في ذات اللحظات منحني ربي طفلا "ظافر" رائعا فكنت بين فرحتين.. |
ماشاء الله, ربنا يديم الفرح في بيتكم, ويوفق المدام في مهمتها النبيله .. ويجعل ظافر قرّة عين لأمه وأبوه يارب ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: د.نجاة محمود)
|
د. نجاة:
Quote: اهم انجاز لي هو عمل شركة استشارات تعليمية في ماليزيا مع اصدقاء ماليزين وصار لدينا مكتب في موقع ممتاز جدا.. علقت لافتة تحمل اسم الشركة في ماليزيا
ودا انجاز سعيت ليه طيلة السنوات المنصرمة
الحمدلله وفقت اخيرا في تحقيق هذا الحلم.. |
ألف مبروك انجاز حلمك .. ومزيد من الانجازات انشاء الله في العام القادم ...
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: Amany Elamin)
|
أختى العزيزة أمانى الامين لك تحياتى
بوست موفق كان له الفضل فى اخراج اهاتنا
حملت هذه السنة بين طياتها كل الامى وأحزانى فقدت فيها اعز عزيز فقدت حبيبى الغالى ,,فقدت انسان اصيل تتجلى فى روحوا الحياة
غمرنا بى بالحب والحنين .. ووعلمنا والهمنا وشرح . ما ضن بى علمو العليم
كم لينا ارشدنا ونصح وزودنا بى فكرو العميم .. ربانابى رايا رسخ افكارو فى عقولنا بتبين
قادنا بى همة ونجح نسلك طريقا مستقيم خاشاهو .ما كل وبرح واصيح ضنين
كم بيهو احساسنا انشرح وأتحلى بى أدبا عظيم .
ربنا أرحم الوالد رحمة واسعة واحعل قبره روضة من رياض الجنة وأن يصبرنا على
فراقه
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: غباشي)
|
الأخ غباشي:
Quote: اهم حدث في العام 2009 هو مناقشة الماجستير بالسويد و قبولي للدكتوراة بنيوزلندا 2009 كانت بحق سنة للانجازات الهامة في حياتي , اما من الناحية التانية (العرس و كدة) فلا انجاز يذكر |
ماشاء الله, انجاز مابعده انجاز,
والمواضيع التانيه ملحوق برضو, بتمني ليك التوفيق في ال PhD وترفع راسنا ..
| |
|
|
|
|
|
|
Re: ما هو أهم حدث مر بحياتك خلال العام 2009 ؟ (Re: ناجية مصطفى)
|
العزيزه ناجيه مصطفي:
Quote: فقدت حبيبى الغالى ,,فقدت انسان اصيل تتجلى فى روحوا الحياة |
حاسه بيك .. فقد الأحبه جرح عميق تغطيه السنين ولكن لاتشفيه ..
لكن اللي خلّف زيك ما مات ..
ربنا يرحم الوالد ويتقبله بقبول حسن, ويقويكم علي المسير في نفس الطريق القويم اللي رسمه ليكم ..
| |
|
|
|
|
|
|
حدثان أماني (Re: Amany Elamin)
|
الاخت أماني تحياتي وأكيد الاحترام حدثان ياأماني هما بالتأكيد أجمل ما مررت بهما خلال العام 09 م الأول هو زواجي بتاريخ 7-10-09 والثاني هو خروجي بتأشيرة نهائية من المملكة العربية السعودية
مع الشكر لهذا البوست الخفيف
| |
|
|
|
|
|
|
Re: حدثان أماني (Re: خضر حسين خليل)
|
خضر يا صديقي الزمان: أزعل منك وللا أفرح ليك؟
زمان أيام السعوديه كنت تزفر زفرات حاره, وتأتينا كل حين ببوست تسيل له دموع المحزونين من أمثالنا, كنت تخرج الوجع الكامن فينا, وتضغط علي الجراح, وقد كنت منا ياصديق,
سعيده لسعادتك, وأواسي أمثالي في فقد من كان يعبّر عنهم ويصرخ بأوجاعهم .. شفا الله جراح كل مكروب, ولاردك الله الي زمرتنا أبد الابدين ..
--- ألف مبروك ياصديق,
| |
|
|
|
|
|
|
Re: حدثان أماني (Re: Amany Elamin)
|
سلام يا أماني وكل سنة وإنت طيبة
فى هذه السنة حصل لي حدثان لن أنساهما ماحييت وكلاهما مرتبط ببعضهما البعض
أحدهما محزن والآخر سار:
الحدث المحزن: قد شارفت على الموت فى هذه السنة أثر علة ولكني تماثلت للشفاء ومنها نذرتُ بحج بيت الله الحرام الحدث السار: هو حجي لبيت الله الحرام واكملتُ فيها الركن الخامس من ديني والحمد لله
| |
|
|
|
|
|
|
Re: حدثان أماني (Re: النذير حجازي)
|
الاخ العزيز النذير حجازي:
Quote: الحدث المحزن: قد شارفت على الموت فى هذه السنة أثر علة ولكني تماثلت للشفاء ومنها نذرتُ بحج بيت الله الحرام الحدث السار: هو حجي لبيت الله الحرام واكملتُ فيها الركن الخامس من ديني والحمد لله |
ألف حمد الله علي السلامه, الحمد لله اللي حفظك من كل سوء, وشفاك ومنّ عليك بنعمه كبيره هي أداء فريضة الحج, يبقوا نعمتين في السنه دي يستحقوا الحمد: الشفاء والحج ..
ألف مبروك وربنا يحفظك دايما :)
| |
|
|
|
|
|
|
Re: حدثان أماني (Re: Amany Elamin)
|
امانى الامين,,,, سلاااام وكل سنة وانتى طيبة ويسعد سنينك الجايات,,,,,
غايتو ياامانى السنتين الفاتو ديل ايامها وشهورها وساعاتها متشابهة,,,يعنى كوبى بست,,,,
_______________________________
غايتو باقى72 ساعة ,,,احتمال ...
| |
|
|
|
|
|
|
Re: حدثان أماني (Re: Amira Elsheikh)
|
Quote: اما من الناحية التانية (العرس و كدة) فلا انجاز يذكر ... |
يلا تعال اكتب اسمك في اللستة حقت سع الدين
االسنة دي ناوين نعرس ليكم كلكم انا وخالتكم دومة
يا جارنا العزيز اسعدت هذاالجزء من العالم بوجودك يا ملك..
| |
|
|
|
|
|
|
Re: حدثان أماني (Re: د.نجاة محمود)
|
اهم حدث بالنسبه لي كاااااااان كان ....كان... كان شنو ياربي؟؟ كان شنو ياااالله كان شنو ااها اتذكرت اني عرست تاني يوم في عيد الاضحي الفات دا هي اهاااا هاا هييء يا ناس هووووي عيك الحقوا وووررروك انا عرست
ووووو انا عرست يوهوووو انا الكلس عرست قبال السنه ما تخلص افو ==== والله ده كان اجمل حدث مفرح لي في سنه الفين وتسعه ولا يمكن انساه طول حياتي وعقبال الفرح للجميع
بوست جميل تحاتي للجميع
| |
|
|
|
|
|
|
Re: حدثان أماني (Re: WAD ELGAALI#4)
|
على المستوى العام/ الوطني -------------------------- موكب 7 ديسمبر وماتلاه من حراك جماهيري سياسي إعتبرته الأهم لأنه كسر حاجز الخوف عند الشعب وأكد ان للجماهير إرادتها الغلابة وان النشاط السياسي السلمي لديه تأثير قوي وقادر على زلزلة الدكتاتورية
على المستوى الشخصي ----------------------- 1- فرحت وسعدت بتفوق بنتي ساندرا ونيلها للماجستير من الجامعة الماليزية 2- سعدت وفرحت بنيل بنتي سارا لبكالريوس الآداب من جامعة الخرطوم ونيل بنتي سولارا لبكالريوس الإقتصاد من أم درمان الأهلية
3- حزنت لوفاة عدد من الأصدقاء في الديم ( حسن ترجل و حسن زائد ) و وفاة الأخ عبدالهادي في الدوحة بسبب حادث سير في السعودية
| |
|
|
|
|
|
|
Re: حدثان أماني (Re: أبو ساندرا)
|
Quote: على المستوى العام/ الوطني -------------------------- موكب 7 ديسمبر وماتلاه من حراك جماهيري سياسي إعتبرته الأهم لأنه كسر حاجز الخوف عند الشعب وأكد ان للجماهير إرادتها الغلابة وان النشاط السياسي السلمي لديه تأثير قوي وقادر على زلزلة الدكتاتورية
على المستوى الشخصي ----------------------- 1- فرحت وسعدت بتفوق بنتي ساندرا ونيلها للماجستير من الجامعة الماليزية 2- سعدت وفرحت بنيل بنتي سارا لبكالريوس الآداب من جامعة الخرطوم ونيل بنتي سولارا لبكالريوس الإقتصاد من أم درمان الأهلية
3- حزنت لوفاة عدد من الأصدقاء في الديم ( حسن ترجل و حسن زائد ) و وفاة الأخ عبدالهادي في الدوحة بسبب حادث سير في السعودية |
مبروك ساندرا وسارا وسولارا .. ما شاء الله عام انجازات متتاليه ..
وجبر الله كسركم في فقدائكم, لهم الرحمه ولكم الصبر والسلوان ..
| |
|
|
|
|
|
|
Re: حدثان أماني (Re: WAD ELGAALI#4)
|
سلامات يا ود الجعلي:
Quote: اجمل خبر عندى فى السنه خبر خطوبة انعام حيموره والله |
خطوبة انعام فرّحتنا كلنا .. ضربت ليها تلفون قلت ليها انعام ما بعرف أزغرد قالت لي خلاص صفّري هههههههه ياخ انعام دي عسل مصفّي .. وربنا أسعد بيها انسان أكيد بستاهلها :)
Quote: والخبر الماسمح الحاجه المضايقاك ومزعلاك ياامانى |
تسسسسلم وما تشوف شر انشاء الله ..
| |
|
|
|
|
|
|
Re: حدثان أماني (Re: محمد زكريا)
|
الأخ محمد زكريا:
Quote: والله ده كان اجمل حدث مفرح لي في سنه الفين وتسعه ولا يمكن انساه طول حياتي وعقبال الفرح للجميع |
فرحانين بفرحك, وانشاء الله تتهني يارب ..
ألــــــــــف مبـــــــــــروك ..
| |
|
|
|
|
|
|
Re: أنا جاااااادة (Re: انعام حيمورة)
|
Quote: والثاني هو خروجي بتأشيرة نهائية من المملكة العربية السعودية |
اها انا بقى مبسوط للطيش عشان الود خدوري دا لمعكوس نفس السببين : اول هام الحمد لله الذي لا يحمد على مكروهٍ سواه ان ابتلاه بما ابتلانا به ، و اكرموا اخيراً بدخول القفص الذهبي لووووووووووووول " الدهب " بزيدمن قيمة " القفص " ؟ ماهو قفص برضو ! تاني هام : ان عافانا عما ابتلاه به من مفارقة الجوار
----------
اجمل حدث : وجن
الحزن بالكوم . . خليهو ساكت . . دا طقس مقدس ما بتمارس جماهيري
و لسه يوم بكرة جميل . . و باكر ضواي
| |
|
|
|
|
|
|
Re: أنا جاااااادة (Re: قيقراوي)
|
قيقراوي ياصاحب:
Quote: اول هام الحمد لله الذي لا يحمد على مكروهٍ سواه ان ابتلاه بما ابتلانا به ، و اكرموا اخيراً بدخول القفص الذهبي لووووووووووووول " الدهب " بزيدمن قيمة " القفص " ؟ ماهو قفص برضو ! |
ماعارفه ليه اتذكرت مسرحية عادل امام الفيها دخل قفص الأسد قفلو عليهو وقال ألحقونييييييي, هي كان اسمها شنو؟ أيوه شاهد ما شفش حاجه :)
انتو بالجد غيرتو الاسم؟ يعني ما همس؟ ربنا يخليها, بس شايفاك كده لقيت ليك مخرج غير بتاع أنا يتيم, بقيت تكتب أنا محمول وعندي بنات ههههههههه
Quote: الحزن بالكوم . . خليهو ساكت . . دا طقس مقدس ما بتمارس جماهيري و لسه يوم بكرة جميل . . و باكر ضواي |
انشاء الله ياقيقراوي ربنا يبعد الحزن, وتشوف الخير كله, 2010 سنة خير عليك ياصاحب .. قول امين ..
| |
|
|
|
|
|
|
Re: أنا جاااااادة (Re: انعام حيمورة)
|
انعام حيموره:
هسي أنا لسه ما بعرف أزغرد ولا أصفّر, أعمل شنو عشان أعبّر عن فرحتي بجيتك في البوست ؟
مبدئيا اعتبريني زغردت, وألف مبروك ياعسل ..
فرحانه ليك وسنينك كلها خير وفرح انشاء الله :)
| |
|
|
|
|
|
|
Re: أنا جاااااادة (Re: Amany Elamin)
|
الاستاذة / امانى الامين لك التحايا النواضر وامنياتى لك ولاهلك بعام سعيد اهنئ الجميع بكل جميل فات وبكل غد مشرق آت باذن الله كما استهللت البوست هناك الكثير من الفرح الجميل الذى اجتمعنا حوله وانتشينا به وتغنينا فيه بالود والوعد والغد المشرق الجميل وهناك ايضا الكثير من الحزن الذى نصبنا له سرادق العزاء وتفرقنا بعده نحمل الصبر والهم وبالرغم من اننا لن ننسى احزاننا واتراحنا، فلندعها جانبا ونتذكر الافراح اولها = بفضل الله ونعمته علينا اننى واهلى وصحبى جميعا ما زلنا ننعم بالصحة والخير والعافية والحمد لله كثيرا اوسطها = اننى صرت من نبعكم قطرة / انتظركم صباح مساء / ادمنت قراءة ما تسطرون حتى الثمالة / اتوق لتجميع حروفى مع كلمات اهل هذا المرفأ الفريد لننسج معا من خيوط الفن والابداع جسرا و شاطئا يتكئ على مقالاته اهل السودان آخرها = كل اخبار اهلى ومعارفى واخبار البورد المفرحة خلال العام وآخرها خبر خطوبة المبدعة / بت حيمورة ( انعام ) ولها ولكم اجمل الامنيات
| |
|
|
|
|
|
|
Re: أنا جاااااادة (Re: عبد الفتاح زوما)
|
الأخ عبد الفتاح زوما:
Quote: اولها = بفضل الله ونعمته علينا اننى واهلى وصحبى جميعا ما زلنا ننعم بالصحة والخير والعافية والحمد لله كثيرا اوسطها = اننى صرت من نبعكم قطرة / انتظركم صباح مساء / ادمنت قراءة ما تسطرون حتى الثمالة / اتوق لتجميع حروفى مع كلمات اهل هذا المرفأ الفريد لننسج معا من خيوط الفن والابداع جسرا و شاطئا يتكئ على مقالاته اهل السودان آخرها = كل اخبار اهلى ومعارفى واخبار البورد المفرحة خلال العام وآخرها خبر خطوبة المبدعة / بت حيمورة ( انعام ) ولها ولكم اجمل الامنيات |
كلام جميل .. جميل .. ربنا يخلي ليك الناس البتحبهم,
أجمل الأمنيات في العام الجديد ..
| |
|
|
|
|
|
|
Re: أنا جاااااادة (Re: Amany Elamin)
|
الأخت أماني الأمين
لك التحية وكل عام وأنت بخير
أولآ ربنا يحقق آمانيك' وتخلصي رسالة الدكتوراة من أهم الأحداث في حياتي خلال هذه السنة فقدي لانسان عزيز لدي..شخص غير كثيرا في مجري حياتي. بموته كأني أعرف معني الموت لاول مرة..ذهب فجأة تاركا لي حيرة الأسئلة والدهشة الكبري..أخي وصديقي عبدالرحمن صالح الطاهر.
اللهم أغفر له وأرحمه.
لك شكري ومعزتي
آدم العشا
| |
|
|
|
|
|
|
Re: أنا جاااااادة (Re: ياسر بيناوي)
|
ياسر بيناوي:
Quote: للاسف اهم حدث حزين جدا الا وهو فراق ابن عمي سامي بيناوي تغمدة الله بواسع رحمته والذي لم تبارحنا الدموع لفراقه |
ربنا يتغمّده برحمته, ويصبركم ويجبر كسركم يا ياسر :(
انشاء الله 2010 سنه بدون أحزان ..
| |
|
|
|
|
|
|
Re: أنا جاااااادة (Re: خالد المحرب)
|
الأخ خالد المحرب:
حلوه حلاه ما شاء الله.. المصريين بيقولوا أعزّ الولد ولد الولد,
مبروك أوّل حفيده, وانشاء الله تحضر عرسها يارب :)
| |
|
|
|
|
|
|
Re: أنا جاااااادة (Re: Adam D.El-Asha)
|
الأخ ادم العشا:
Quote: من أهم الأحداث في حياتي خلال هذه السنة فقدي لانسان عزيز لدي..شخص غير كثيرا في مجري حياتي. بموته كأني أعرف معني الموت لاول مرة..ذهب فجأة تاركا لي حيرة الأسئلة والدهشة الكبري..أخي وصديقي عبدالرحمن صالح الطاهر |
أحزنتني بفقدك الغالي, ليهو الرحمه بقدر ما أسعدك وكان ليك أخ عزيز .. وأتمني انك تكون وفي لذكراهو بصدقه أو عمل خير توهب أجره ليهو, دي أجمل هديه ممكن توصله منّك ..
وربنا يجبر كسرك ويصبّرك علي فراقه .. وتعيش وتفتكر ..
| |
|
|
|
|
|
|
Re: أنا جاااااادة (Re: Amany Elamin)
|
اماني الامين تحياتي
اهم حدث في حياتي في هذا العام هو انني قمت بزيارة بلدي الحبيب السودان بعد فترة من فراقه جاوزت العشر سـنوات
تحياتي
| |
|
|
|
|
|
|
Re: أنا جاااااادة (Re: khaleel)
|
أماني .. سلام
أهم حدث بالنسبة لي حقيقة هو:
أنني تقدمت الى الأمام خطوة واحدة .. برغم جاذبية الاحباط والفشل التي تجرني الى الوراء .. وبرغم رمادية 2009 اما 2010 فسأدخلها وأنا أتحسس خطواتي .... شاهق التحايا
| |
|
|
|
|
|
|
Re: أنا جاااااادة (Re: منتصرمحمد زكى)
|
الأخ منتصر:
Quote: أنني تقدمت الى الأمام خطوة واحدة .. برغم جاذبية الاحباط والفشل التي تجرني الى الوراء .. وبرغم رمادية 2009 |
تمام Well done :) عقبالي يارب, لما أطلع من قوي الجاذبيه, والله وصفّت بدقه, هي فعلا جاذبيه مقيته تجر للوراء وتلقي بنا داخل دائرة الاحباط والفشل,
Quote: اما 2010 فسأدخلها وأنا أتحسس خطواتي |
ربنا يدينا خيرها ويكفينا شرها .. ويجعلها خير من سابقتها ..
| |
|
|
|
|
|
|
Re: أنا جاااااادة (Re: khaleel)
|
خليل:
Quote: بلا شك هزيمة الهلال من مازيمبي بالخمسة اسواء الاحداث في عام 2009 |
هسي في داعي تذكر المريخاب وتشمّتهم فينا؟ ههههه
عموما ردينا اعتبارنا وكمان أستحقينا دوري وكاس, خليك مع نص الكبايه المليان هههههه
| |
|
|
|
|
|
|
Re: أنا جاااااادة (Re: Tabaldina)
|
تبلدينا:
Quote: وكذلك انا .. فقد كان صديقى .. ووالدى ايضاً.. اسال له الرحمه والمغفرة؛ |
معليش ما انتبهت للاسم وانه الفقد اللي اتكلم عنه الأخ ادم العشا هو والدك :( البقيه في حياتك مره تانيه, نسأل الله للوالد الرحمه والمغفره, وجبر الله كسركم ..
Quote: 2009العام قد كان عاما بائساً فى نظري |
بؤس شديد يا تبلدينا, ربنا كريم :(
| |
|
|
|
|
|
|
|