Post: #1 Title: محمد السنى دفع الله فنان لم ير النور بعد !!!!! Author: قاسم المهداوى Date: 12-23-2009, 09:36 PM
محمد السنى دفع الله الكباب والارهاب او الارهاب والكباب واشياء اخرى .. لم تر النور اسباب عدة ... الهجرة ..فكرة المجتمع عن الفن .. المسرح الدراما !!! فهل تكرمنا بتكريم السنى دفع الله من خلال هذا البوست
قاسم المهداوى هامش يا السنى فى القاهرة وعدتنى بشريط لقيقم ...( المنتوج الثقافى للمشروع الحضارى ) ولا كيف ؟؟؟!!!
Post: #2 Title: Re: محمد السنى دفع الله فنان لم ير النور بعد !!!!! Author: مطر قادم Date: 12-23-2009, 10:02 PM Parent: #1
استاذنا السني علامة فارقة ورقما في الخارطة السودانية الفنية.كيف لي بتقريظه فهو تحفة اجتماعية تمشي علي قدمين. عرفته من بعيد وهو يعمل ويقدم ابداعه خلال المحطة الاهلية ثم فرقة الاصدقاء وعمل في برامج الاطفال وتخصص لاحقا فيها. وتدور الايام ونلتقي بالقاهرة في 2004 بمقهي البستان في معية اصدقائه واصدقائي السر السيد ومحمد عكاشة ومنها طوالي حبيته. وتعددت اللقاءات وفي رحلة البورداب لجبل الاولياء وعند الاصيل استأذنا وتخارجنا لزيارة الفنانة المبدعة رابحة حماد المريضة القابعة بمنزلها هناك بالكلاكلات وهناك امضينا وقتا حلوا بطرافة السني المعهودة وهو انسان جبل علي الحكي الممتاز والجميل وهو ونّاس ثم اقتحمت مكتبه قرب حديقة الموردة وفي معيتي بوردابي فنان هو احمد النعيم معنا صحفية شابة وكاميرا واسئلة معدة فاجاب عليها مشكورا اجابات مريحة وذكية عن تجربته بالسودان والقاهرة ودمشق وقطر السني في المسرح القومي قدم مسرحية جيدة وهي من مسرح الممثل الواحد برغم مشاركة استاذنا الماحي سليمان واستاذتنا امنة امين الاول علي العود والثانية علي الدلوكة والسقا في حبور وعطاءا وادءا يحسد عليه ولفيف من الجمهور والحضور المتميز السني ...انت نادر...انت ناضر...انت بستان اشكر صديقي المهداوي علي هذه اللفتة الجميلة
Post: #3 Title: Re: محمد السنى دفع الله فنان لم ير النور بعد !!!!! Author: خدر Date: 12-23-2009, 10:32 PM Parent: #2
اهم حاجة في السني تستحق التكريم انو إنسان + انو فنان في فنو و في تعاملو مع الاخرين إختيار صادف اهله
شكرا السني دفع الله
Post: #29 Title: Re: محمد السنى دفع الله فنان لم ير النور بعد !!!!! Author: أبو عبيدة البصاص Date: 02-05-2010, 09:28 PM Parent: #3
. . .
Quote: اهم حاجة في السني تستحق التكريم انو إنسان + انو فنان في فنو و في تعاملو مع الاخرين إختيار صادف اهله
ولدي خدر خشمك فيهو اللبن
Post: #4 Title: Re: محمد السنى دفع الله فنان لم ير النور بعد !!!!! Author: عفاف ابوكشوه Date: 12-23-2009, 10:39 PM Parent: #2
الفنان المسرحي
الاستاذ ..السني دفع الله
فنان ومبدع.. في فن التمثيل
وكافة ضروب.. الابداع والمعرفة
وعلاقاته... الاجتماعيه حميميه
مع كل من.. يتعرف علية ولو برهة
ويتمتع بشخصيه.. مرحه,, وهو حبوب
ولطيف ...وودود ولتلك.. المزايا مجتمعة
يستحق التكريم.. كانسان... ومبدع.
وذاكرة جمهور المسرح... الفتوغرافية
مازالت.. مختزنة.. مشاركات الاستاذ
السني.. الفاعلة.. والمميزة من خلال
المحطة الاهلية.... وفرقة الاصدقاء
وبرامج الاطفال.. والاذاعة
والتلفزبون.. والمسرح القومي .
والكثير.... الجميل .
تسلم... ياقاسم... علي
هذه المبادرة... والدعوة
للتكريم ...الذي صادف اهله
مودتي واحترامي
ونواصل
ولي عودة
Post: #5 Title: Re: محمد السنى دفع الله فنان لم ير النور بعد !!!!! Author: مطر قادم Date: 12-23-2009, 10:47 PM Parent: #4
اقتراح ان يكرم استاذنا السني بقدر مقامه وعطائه يجب ان تكرمه اعلي مؤسساتنا الرئاسية وهي رئاسة الجمهورية والله بيستاهل اكتر من كده
Post: #6 Title: Re: محمد السنى دفع الله فنان لم ير النور بعد !!!!! Author: عفاف ابوكشوه Date: 12-23-2009, 11:00 PM Parent: #5
مراحب
نأمل ..أن يبدأ
احد... اصدقائه
المسرحيين.. والمخرجين
باستعراض... مشاركاته
المسرحية... داخل وخارج
السودان... ومساهمات الفنية
والادبية.. لتنوير.. الرأي العام
ولاتاحة ..الفرصة.. للاجيال الجديدة
للاطلاع ...علي تجربتة الثرة.
ونواصل
Post: #7 Title: Re: محمد السنى دفع الله فنان لم ير النور بعد !!!!! Author: حبيب نورة Date: 12-23-2009, 11:19 PM Parent: #6
أنا ح أرجع الحتة دي تاني
Post: #8 Title: Re: محمد السنى دفع الله فنان لم ير النور بعد !!!!! Author: هاجر التهامي ياسين Date: 12-23-2009, 11:37 PM Parent: #1
محمد السني دفع الله رقم لايمكن تجاوزه في حياتنا, لقد صننع الكثير من اجل الفن السوداني. بس الفن السوداني هو الظلم محمد السني وكثيرون. طبعا امكانيات الفن السوداني ضعيفة جدا والدولة ما مهتمة بالشريحة دي عشان كده كتير من الفنانين بيهاجروا بره السودان.
شكرا اخ قاسم على افراد هذا البوست من اجل الفنان محمد السني ويارين نتعرف عليه اكثر من خلال هذا البوست.
هاجر
Post: #9 Title: Re: محمد السنى دفع الله فنان لم ير النور بعد !!!!! Author: مطر قادم Date: 12-24-2009, 00:50 AM Parent: #8
من اجل السني العظيم اللطيف الجميل الوريف من اجلك فوق..ياخي
Post: #10 Title: Re: محمد السنى دفع الله فنان لم ير النور بعد !!!!! Author: محاسن زين العابدين Date: 12-24-2009, 06:25 PM Parent: #9
Quote: [استاذنا السني علامة فارقة ورقما في الخارطة السودانية الفنية.كيف لي بتقريظه فهو تحفة اجتماعية تمشي علي قدمين.
وعند الاصيل استأذنا وتخارجنا لزيارة الفنانة المبدعة رابحة حماد المريضة القابعة بمنزلها هناك بالكلاكلات بطرافة السني المعهودة وهو انسان جبل علي الحكي الممتاز والجميل
اجابات مريحة وذكية عن تجربته بالسودان والقاهرة ودمشق وقطر السني في المسرح القومي قدم مسرحية جيدة وهي من مسرح الممثل الواحد في حبور وعطاءا وادءا يحسد عليه السنــــــــــي ...انـــــــت نــــــــادر...انـــــــــت ناضـــــــــر...انت بســــــــــــتان
شــــكرا ياأخـــــي أوجزت فأبنت ..... وشكرا لصاحب البوست على مبادرة التكريم فقط انظر لكلكمات الاقتباس اعلاه
واطمئنك أخي ان السني الفنان راى النور بل هو النور الذي يمس شعاعه شغاف قلوبنا وينير دروبنا... والسني المتحدث حديث الخبير في كل ما يتصل بالفنون والمسرح أيضا راى النور.... والسني الانسان هو ما حبب إليه خلقه.... والسني السوداني الأصيل (جامع الكلم والمعلومة .. هو الوحيد القدر على ان يحدثك عن أشياء قراها... راها... أحس بها... وخلد بها شحصيات مجهولة للآخرين على الرغم من استحقاقاها للتكريمالشهرة بما عملوا
لكن السني العالم ... العالم في مجاله ذلك العلم المتصل بالنهل الأكاديمي والتجربة والحياتية والتقارب التقارب الفكري والوجداني لدرجة التعايش والتماثل هو الذي يتلمس أشياء ومناطق غائبة عن الآخريين هذا السني هو الذي يجب أعلاءه .... وهو الذي يظهر عندما تتاح له الفرصة ...
وما نحتاجه هو تعمد بروزه على السطح وطغيانه الاستفادة من هذه الحتة فيه لاجل ان تعم الفائدة للجميع ...
شكرا السني الجلوس معك متعة والاستماع إليك علم
تسلم ويسلم المتداخلين
Post: #11 Title: Re: محمد السنى دفع الله فنان لم ير النور بعد !!!!! Author: مدثر قرجاج Date: 12-24-2009, 06:45 PM Parent: #10
متعك الله بالصحة استاذ السنى ونعلم ان لديك الكثير الكثير لازلنا ننتظره فى زمنا متعافى زمنايكون فيه الرواد من امثالكم هم متنفس هذا الشعب ومسرح فرحه الحقيقى اكيد سنكون بالجوار وشكرا على هذا البوست الجميل
Post: #12 Title: Re: محمد السنى دفع الله فنان لم ير النور بعد !!!!! Author: haroon diyab Date: 12-24-2009, 06:56 PM Parent: #10
قاسم يامهداوي
سلام يا اصيل
انسان
فنان
محبوب
قلب طفل
في عقل وجسم اجمل انسان
السني هذا الرجل الفخم والضخم
لن نستطيع ان نوفيه حقه.....
مهموم بالسودان وبالفن السوداني
محب لهذا المليون ميل مربع.....
بكل اشكاله وسحناته واتجاهاته
الفكرية والثقافية.
رقم مهم في الحراك الثقافي السوداني بالدوحة .
وجه مشرق للفن السوداني خارج حدود الوطن .
يبذل كل جهده ووقته وماله في اخراج الابداع
السوداني دون من او انتظار حتي لكلمة شكر .
اعتز وافتخر واتشرف بانه صديق شخصي وصديق
العائلة التي تتشرف بمعرفة وصداقة هذا الرقم .
امثاله.....
لو كان في اي بلد اخر لسميت الشوارع والمدارس
والمسارح باسمه .
الصحة والعافية وطول العمر اتمناه لهذا الحبيب
واتمني من الدولة ان تقوم بواجبها وتكرم مبدعينا
في شخصه .
لك ودي وتقديري واحترامي
Post: #13 Title: Re: محمد السنى دفع الله فنان لم ير النور بعد !!!!! Author: haroon diyab Date: 12-24-2009, 07:35 PM Parent: #12
Post: #14 Title: Re: محمد السنى دفع الله فنان لم ير النور بعد !!!!! Author: بكري عباس علي Date: 12-24-2009, 09:31 PM Parent: #13
محمد السني
انسان
فنان
قدم لنا الكثير من الابداع نتمني ان يجد منا التكريم
شكرا قاسم
Post: #15 Title: Re: محمد السنى دفع الله فنان لم ير النور بعد !!!!! Author: احلام وهبي Date: 12-24-2009, 10:05 PM Parent: #14
الاخ قاسم مهداوي .لك تحياتي شهادتي في محمد السني مجروحه . لكن حااكتب ليكم عن محمدالسني وفنونه الاخري كتابه عن ( تاريخ السودان للاطفال) حاجيكم فيمابعد
Post: #16 Title: Re: محمد السنى دفع الله فنان لم ير النور بعد !!!!! Author: اسعد الريفى Date: 12-25-2009, 05:58 AM Parent: #15
من الارشيف السنى فى سهرة تلفزيونية 06-09-2009
Post: #17 Title: Re: محمد السنى دفع الله فنان لم ير النور بعد !!!!! Author: محمد عبداللطيف إدريس Date: 12-25-2009, 07:14 AM Parent: #16
سلام لجميع المتاخلون
اظننا بالمطالبة بتكريم الفنان محمد السني نطالب في الفترة القادمة ( اعني في الديمقراطية القادمة ) بتفعيل المسرح السوداني وجعل العيش ممكنا لكل المبدعين والفنانين والطيور المهاجرة , نتمنى ان نرى ابداعهم على الارض السودانية .
افتكر محمد السني لمن يقرا البوست ده بيكون يفكر ( الله لا جاب يوم شكرك !)
وانا اكرر معه ومع كل محبي المسرح والديمقراطية والعيش الكريم اردد معهم ( الله لا جاب يوم شكرك ).
ودمتم
Post: #18 Title: Re: محمد السنى دفع الله فنان لم ير النور بعد !!!!! Author: هاشم أحمد خلف الله Date: 12-25-2009, 12:26 PM Parent: #1
التحية التقدير لصاحب البوست الأخ قاسم المهدواي
حقيقة يا جماعة شهادتي في هذا الرجل مجروحة
السني طفل كبير وعملاق يناطح الجبال هين تستخفه بسمة الطفل قوي يصارع الأجيال يمتلك حضور ذهني رهيب وسرعة بديهة تجبرك على إحترامه وتقديره وفوق هذا وذاك أخو اخوان وعشاء الضيفان وزول فنان أينما حل وأينما كان
السني ياخ والله بحبك تعال بجاي
Post: #19 Title: Re: محمد السنى دفع الله فنان لم ير النور بعد !!!!! Author: قاسم المهداوى Date: 12-26-2009, 03:24 PM Parent: #18
مرحب كل الاخوة المتداخلين والزوار ولكن العريس ذاتو اين هو ؟؟؟ يا السنى ... شنو ياخى
قاسم المهداوى
Post: #20 Title: Re: محمد السنى دفع الله فنان لم ير النور بعد !!!!! Author: محمد سنى دفع الله Date: 12-26-2009, 10:27 PM Parent: #19
Post: #21 Title: Re: محمد السنى دفع الله فنان لم ير النور بعد !!!!! Author: قاسم المهداوى Date: 12-27-2009, 01:44 AM Parent: #20
Quote: قاسم المهداوى هامش يا السنى فى القاهرة وعدتنى بشريط لقيقم ...( المنتوج الثقافى للمشروع الحضارى ) ولا كيف ؟؟؟!!!
تانى قاسم المهداوى
Post: #22 Title: Re: محمد السنى دفع الله فنان لم ير النور بعد !!!!! Author: قاسم المهداوى Date: 01-02-2010, 05:03 PM Parent: #21
فوق
Post: #23 Title: Re: محمد السنى دفع الله فنان لم ير النور بعد !!!!! Author: Dr. Ahmed Amin Date: 02-05-2010, 04:24 PM Parent: #22
هذا المبدع الجميل .. ربنا يعليه ويحفظه
Post: #24 Title: Re: محمد السنى دفع الله فنان لم ير النور بعد !!!!! Author: عبد المنعم شيخ ادريس Date: 02-05-2010, 07:55 PM Parent: #1
هل السني لم ير النور أم النور لم يرى السني..؟
Post: #25 Title: Re: محمد السنى دفع الله فنان لم ير النور بعد !!!!! Author: قاسم المهداوى Date: 02-05-2010, 08:03 PM Parent: #24
Quote: هل السني لم ير النور أم النور لم يرى السني..؟
سؤال صعب وتصعب الاجابة عليه ولكن شكرا حضورك وممنون حتى الثماله بوجودك يا صديق
قاسى المهداوى
Post: #26 Title: Re: محمد السنى دفع الله فنان لم ير النور بعد !!!!! Author: عشة بت فاطنة Date: 02-05-2010, 08:28 PM Parent: #25
السنى دفع الله انسان اقول ليه يا خفيف الروح انت بطعم الحياة، عرفناه كفنان وكاستاذ ، وصديق الكل وهو كل النور والاشعاع ويمتلك حضور علي المسرح وحيث ما يكون ترى الجمال ...وترى الزهور فله الف تحية ومحبة
Post: #28 Title: Re: محمد السنى دفع الله فنان لم ير النور بعد !!!!! Author: الفاتح الجنيد Date: 02-05-2010, 09:16 PM Parent: #26
محمد السنى دفع الله الرجل الجميل من الزمن الجميل زرع الابتسامة شتله ورواها على اصبحت بستانا التحية له بقدر مقامه كانسان وبقدر عطائه
شكرا قاسم المهداوى فالرجل يستحق ان يأخذ مثلما أعطى
Post: #27 Title: Re: محمد السنى دفع الله فنان لم ير النور بعد !!!!! Author: ابو جهينة Date: 02-05-2010, 08:36 PM Parent: #25
محمد السنب دفع الله فنان بالفعل إلى الآن لم يملأ فضاءات موهبته الواسعة و مساحات إبداعه الرحيبة ... رغم أعماله الجميلة هنا و هناك .. لا يزال الفن بدواخله كامناً لينطلق في أعمال هو جدير بتحقيق النجاحات و التميز و التفرد
التحية أخي قاسم و التحية لهذا الرجل الفنان
Post: #30 Title: Re: محمد السنى دفع الله فنان لم ير النور بعد !!!!! Author: بكري الصايغ Date: 02-05-2010, 09:38 PM Parent: #1
الأخ الحـبيـب الحـبـوب، قاسم المهداوى، تحياتي ومودتي، ***- وألف شكر لك علي هذا (البوست) الرائع، وياريت لو يكون التكريم في شكل تجميع كل ماكتب عن الفنان الكبير السني. يعني اي واحد عنده قصاصة صحفية قديمة او حديثة كتبت عنه، او صورة من ايام طفولته شبابه دراسته، ونلم كل هذه الوثائق في البوم يقدم له هدية، عني شخصيآ مستعد ياقاسم لو توليت انت امر التكريم او مسؤولية جمع المواد المرسلة من الأخرين اكون اول من يرسل لك اشياء من عندي.
Post: #31 Title: Re: محمد السنى دفع الله فنان لم ير النور بعد !!!!! Author: عبدالله الشقليني Date: 02-06-2010, 05:37 AM Parent: #30
التحية للأكرم قاسم وأضيافه وضيفاته الفضليات .
ما أصاب المسرح والمسرحيين وكم هائل من الفنون والعلوم ... هو ما أصاب السودان من تدهور ومعروف من المسئول .. * نتذكر أنه أحد نجوم " المحطة الأهلية " بتلفزيون السودان في الماضي .ونتذكر له من إسهاماته في مصر منذ زمان بعيد التمثيل مع : أحمد مظهر في مسلسل " محمد رسول الله " . * التحية للباسق " محمد السني دفع الله " وأرى أن يكون العنوان " محمد السني دفع الله فنان لم ير فنه النور بعد" ، فمحمد السني قد رأى النور منذ زمانٍ بعيد ، وقد أسهم مع رفاقه والرفيقات في نهضة المسرح الذي نعرف من أسهم في خرابها *
