بدر الدين الأمير .. غصبا عنك ورغم أنفك .. وأتحدى سودانيي المهجر قاطبة

!!!!!








ــــــــــــــــــــــــ
مخطئ انت إن ظننت يوما أن النضال
هو القدح في قامات الرجال

Quote: مخطئ انت إن ظننت يوما أن النضال هو القدح في قامات الرجال

غصبا عنك ورغم أنفك
يبقى سعادة السفير ابراهيم فقيري
علامة فارقة في تاريخ الدبلوماسية السودانية
يظل هذا الرجل نقطة تحول في سفارة السودان في الدوحة
يظل هذا الرجل أبونا وأخونا وصديقنا وزميلنا
يظل هذا الرجل افضل سفير مرّ على الدوحة منذ أن جئناها
قبل عشرين عاما ..

شكرا فيصل على المرور والدعم

قدر أبواتي عاد أقوليكم شنو

لكن إن لميت فيكم الإثنين بشوف الغلطان منو

وبتقولب عليهو قلبه الكديس لما يتزر شديد


خالص إحترامي لكم

Quote: وبتقولب عليهو قلبه الكديس لما يتزر شديد

ممكن تشرحنا و بالرسـم .. مفروض تعمل شنو في الحتة دي ..

..
..

معتز .. ارخي شوية .. نشوف عمك دا مالو ..

حميدة يا عزيزي
كيفنك ياخ

Quote: معتز .. ارخي شوية .. نشوف عمك دا مالو ..

الزول دا نازل في الناس زعط من طرف
البعرفو والما بعرفو

أها أمس شاف عنوان بوست بتكلم عن اجتماعات الجالية في قطر
واللي ما ليهو أي علاقة بالأخ المحترم سعادة السفير ابراهيم فقيري
ولا صاحبة البوست جابت ليهو سيرة ..
بدل ما يكتب كلامو في البوست الأصلي
راح فاتح ليهو بوست جديد وملصق فيهو السفير
لا ايدو لا كراكو .. واللذيذة كاتب (سفير معين)
التقول السفراء بنتخبوهم .. عجبي

دا رابط البوست

محاسن زين العبدين سفيرة وعي في مقابل سفير معين ورئيس ج...ايستحى من كونه معين

Quote: قدر أبواتي عاد أقوليكم شنو

يا ود شد حيلك

حبر مصفانا(محمد طه الحبر)

مساك خير

غايتو كان فيك طريقة تشد ليك طيارة بالكركي كدا
تعال ألحق ابوك بدر الدين دا وشوف ليه دكتور نفسي
لأنه حالتو بقت مستعصية شديد وغلبت ناس الدوحة

يا معتز
فقيرك هذا يفتقر للصدق والأمانة والدبلوماسية
وهو زيك مرسل من نافع والغير نافع

Quote: يا معتز فقيرك هذا يفتقر للصدق والأمانة والدبلوماسية وهو زيك مرسل من نافع والغير نافع

أها عاد النشوف ناس الدوحة بقولوا شنو ؟؟

هذا ما كتبه الأخ عمر سعد في حق سعادة السفير ابراهيم فقيري
في بوستك المهبب ..

Quote: اما سفيرنا فيما يلى تعيينه من قبل وزاره الخارجيه ..فاعتقد انه تعيين صادف اهله .. لا اعلم عن انجازاته واخفاقاته كديبلوماسى فانا غير مطلع بهذا الجانب .... ولكن فيما يلينى منه او ما يلى الجاليه بمعناها الشامل فهو صاحب ايادى بيضاء كثيره قد لا احصيها ان بدات اعدها واعتقد انه مكسب للجاليه بمعناها الواسع وليس الضيق ومواقفه كثيره ووطنيه واكاد اجزم انها متجرده ......منفتح وليس منغلق وهذا اكثر ما يعجبنى فيه . غير منحاز فيما ارى ..........واعتقد انه هديه للجاليه فى الدوحه بمعناها الواسع. وهو زهره متفتحه فى بستان المؤتمر الوطنى الكاسد.

وهذا ما كتبه الأخ هارون دياب
استنادا لما ذكره الأخ عمر سعد

Quote: ولا ازيد علي كلام الاخ عمر سعد فانه لاخير فينا ان لم نقلها فالرجل كما قلت واكثر من ذلك فهو اخو اخوان بمعني الكلمة

وهذا ما كتبه الأخ الأستا محمد عثمان (كمبورة)

Quote: اخي عمر لك ولسعادة السفير التحية وانا اشهد بذلك ولا يعرف قدر الرجال الا الرجال سعادة السفير ابراهيم عبدالله فقيري لك التحايا زول سوداني وود بلد واخو اخوان بحق

وللأخوة الزوار في دول قطر
من خارج المنبر ولهم معرفة بسعادة السفير ابراهيم فقيري
ويودون قول كلمة حق فيه أن يكتبوا لي على العنوان التالي :

[email protected]

ولا تكتموا الشهادة ...

أهلآ يا معتز
للمسألة أكثر من بعد

1- بعد متعلق بالتعيين السياسي
---------------------------------
وبخاصة في وزارة الخارجية ، حيث درجت الأنظمة الشمولية على تعيين شخصيات
من خارج السلك الدبلوماسي كسفراء ، وفي الغالب هذا بيكون بسبب إبعاد المعين من وظيفته
وده غالبآ بيحدث للعسكريين ( كبار الضباط ) الذين بات يخشى من وجودهم في الجيش
أو بعض الوزراء اللذين تمسكوا بواجباتهم وصلاحياتهم بالكيفية التي لم تعجب الرئيس
أو يكون المعين من كبار ضباط الأمن وغالبآ بيعين في بلد ذي أهمية أمنية للنظام

ومهما تعددت الأسباب فان مسألة التعيين السياسي عمومآ مسألة خاطئة
وبتفتح الباب للمحسوبيات ، وكذلك لها تأثير سلبي على الدبلوماسيين أنفسهم
إذ باتوا يواجهون منافسة من خارج مجالهم في وظائفهم
كما انه ضار بالعملية الدبلوماسية وخير مثال لذلك سفير عسكري كان معنا هنا

التعيين في أي مجال عندما يتم لشخصيات لاعلاقة لهم بالتخصص سوف يضعف الوظيفة
في الغالب ، وبالطبع ممكن تحدث إستثناءات

موقفي المباشر الوقوف ضد التعيين السياسي

2- بعد متعلق بشصية السيد فقيري :
-------------------------------------
السيد إبراهيم فقيري نال إحترام وتقدير القطاع الأوسع من أفراد الجالية
بسبب تواضعه الجم واخلاقه الحميدة وحرصه على العلاقات الإجتماعية
وفي منصبه كسفير حاول قدر الإمكان أن يكون سفيرآ للجميع
وأعتقد ان الرجل يكابد ليخفي التزامه أو يرضي من عينوه في المنصب
ونجده في بعض الحالات يفاقه حرصه على ان يكون سفير الجميع
وذلك عندما يتخذ قرارات تصب في مصلحة المؤتمر الوطني

وضع الرجل في رأي حرج للغاية

بعد متعلق برئيس الجالية
---------------------------
بالنسبة لمداخلة محاسن عابدين وعمر سعد
أقف ضد عملية التعيين في منصب رئيس الجالية
فالتعيين يجعل من المعين ضعيفآ وفاقد للشرعية
بإزاء اللذين يرئسهم حيث جميعهم وصلوا بطريق الإنتخاب
والتناقض هنا جلي و واضح و مؤثر
أعضاء منتخبون يرئسهم رئيس معين

قلنا ذلك منذ الجالية السابقة ونجحت القوى التي قادت الجالية في دورتها السابقة
في رفض تعيين رئيس وأصرت على أن يكون منتخب

مكتب الجالية الحالية بعيد كل البعد عن السلوك الديمقراطي
ولذلك لم يزعجهم ان يكون رئيسهم معين

أخي المسلم لا يجوز لك تهنئة المسيحيين بأعيادهم فتهنئتهم...كن كفرا في حرام ...

هرب الظلامي ود القريش وشتت من هذا البوست

Quote: أها عاد النشوف ناس الدوحة بقولوا شنو

ليتك قلت النشوف تاريخ الدبلوماسية السودانية تقول عنه شنو

Quote: غصبا عنك ورغم أنفك يبقى سعادة السفير ابراهيم فقيري علامة فارقة في تاريخ الدبلوماسية السودانية

هذه الإضاءة هي التي تهمني في الموضوع ومنها أوجه بمناسبة ذكرى إستقلال السودان بعض من رموز دبلوماسيتنا عبر مراحل مختلفة..

أطاب الله مقامهم و ثراءهم:

جمال محمد أحمد
محمد عثمان يس
أحمد عبدالله الدابي
يوسف التني
عمر أبوشامة

ياضلامي كل سنة وانت طيب وميري كريسماس
اتفق مع البدر بخصوص تعين سفير من خارج السلك الدبلوماسي , والسفير فقيري مهما كان راي سودانيي المهجر فيه فهو رجل متطفل علي مهنة علاقتة بها كعلاقتي باللغة اليابانية , الشاهد ان كل الاراء التي حاولت الاستشهاد بها هي في حقيقة الامر انطباعات شخصية .
بوست الباسلة محاسن يجب ان يناقش التطبيع المجاني الذي تم مع سفارة تدين بالولاء للمؤتمر الوطني , فقد اخطا كل الذين اعتقدوا ان هنالك تحولا في سياسات السلطة حينما جاملهم السفير فقيري اجتماعيا . يظل فقيري ممثلا للمؤتمر الوطني منافحا عن مصالحة اذا تم ذلك بقمع المختلفين او بابتسامة صفراء في وجه المؤلفة قلوبهم .
التحية للصديق بدرالدين علي حساسيتة العالية تجاه خم اهل المؤتمر الوطني .
بجيكم تاني

Quote: وأعتقد ان الرجل يكابد ليخفي التزامه أو يرضي من عينوه في المنصب ونجده في بعض الحالات يفاقه حرصه على ان يكون سفير الجميع وذلك عندما يتخذ قرارات تصب في مصلحة المؤتمر الوطني

يابركة الكلام ده مامفهوم

سلام الله ...معتز

Quote: .. وأتحدى سودانيي المهجر قاطبة

وفيما تتحدى سودانييى المهجر؟؟؟

فى التحدث عن محاسن ومساوى سفير الدوحة؟؟؟؟

لا أحد يمقت ويعادى سفراء النظام فى أشخاصهم ، ومنهم من بدأ العمل الديبلوماسى قبل مجى نظام الظلام....

ولكن يبقى الخلاف الجوهرى هنا عن ماذا يمثلون ومن يمثلون؟؟؟؟

ومهمة السفراء فى الأنظمة الشمولية تنحصر فى تمثيل النظام ورموزه بصورة لا تخفى على أحد، والدليل النفرة من أقامتها السفارة بعنوان "النفرة لرفض قرارات أوكامبو".........

لا إحترام ولا إعتراف لسفير يمثل سفارة نظام أتى للحكم على ظهر الدبابات ولو رفع الراية البيضاء وحاول أن يتغلف فى عباءة الإنتخابات......

Quote: يظل هذا الرجل افضل سفير مرّ على الدوحة منذ أن جئناها قبل عشرين عاما ..

لا حولا

والعشرين سنة دي انت مقابل السفراء والفقراء

الدوحة دي كان فيها السفير محمد الطيب دحين بتعرفوا

وبدر الدين ده مالك قمت عليه كده... أكيد عندك باقي رواتب ما أخذتها...

سلامات
امريكا التي تعبدونهابتعين سفراء طوالي
وكذلك غالبية الدول الغربية

يحاسب اي انسان على اعماله
قبل فترة الناس كان بتحلم بعد السلام يرجعوا المفصولين من وزارة الخارجية
قامت الحركة بتعين عدد كبير من السفراء والدبلوماسين

انا لا اعيش في الدوحة ولكن قابلت السفير وهوابن بلد اصيل


اكيد فقيري دا مؤهل اكاديميا وعنده تأريخ في الخدمة المدنية
يديه الحق يتعينفي اي وظيفة في مكان ىخر اذا ما رات الدولة ذلك


ابو ساندرا
طيب ما حكم من يعين بشهادات مزورة؟

بغض النظر عن اي توجهات او انتماءات سياسية

فالسفير فقيرى ، يعتبر علاوة على مهنته الدبلوماسية ، يعتبر من اميز من يمثل الدبلوماسية الشعبية

ولكانى به يمارس المهنة بمنطلق شخصى لربما نتيجة لحصافته الاجتماعية وذخيرته فى العمل المدنى التى اوصلته للقبول بين كل افراد الجالية

صحيح ان كلمة قبول التى ذكرتها ، لدى فيها بعض التحفظات ، إذا استثنينا الاستاذ بدر الدين ، فالامر سيكون إجماع

عندما يتحرك هذا الرجل فى المسائل التى كلف بها رسميا ، يترك تلك العباءة الرسمية فى مكتبه ويأتى ابن بلد سودانى اغبش ، يشارك فى كل إجتماعيات السودانيين

ولا تحس فيه انفة او كبرياء او تعالى على احد . . . وجناه يأكل العصيدة ويفترش التراب فى الشحانية ، بلا برتكولات او مراسم . . .

انه رجل شعبى يساعد ويجامل ويواصل كل ابناء الجالية فى مختلف مناسباتهم ويكفيه فقط سماع الخبر ليصل

ولا يحتاج دعوة فى زيارة الاستاذ بدر الدين إن دعى الحال الذى يوجب زيارة ابناء جاليته من السودانيين

نسأل الله ان يجعل ما يقوم به خالصاً لوجهه تعالى وان يجزيه ثواب ذلك خير الجزاء.

بهاء بكري :

Quote: يابركة الكلام ده مامفهوم

لو أضفت حرف الراء إلى ( فاقه ) لتقرأ ( فارقه )
هل بيتضح لك المعنى ، أم يظل عدم الفهم سائد ؟

Quote: التقول السفراء بنتخبوهم ..

معتز ميري كريسماس وهابي نيو يير

وعندي ليك سوعال: بتعرف حاجة إسمها ترشيح السفراء؟
ودي ما عندها علاقة... بس حبيت أختبرك قبل ما أطالعك الخلاء (الصحراء ببيئتكم)

يا سيدي في عهد الإنقاذ ساد مبدأ الولاء قبل الكفاءة
ودي حطمت دبلوماسيتنا وجابت ناس عينتهم الإنقاذ بولائهم والرفدت ناس جابتهم مهنيتهم

يا سيدي حب سفيرك المعين ده ذي ما عايز... بس ما تستفذ مشاعر الناس وتتحداهم!

هل بتعرف حاجة عن تاريخ أو أي إنجاز مهني (دبلوماسي) للسفير ده؟
وعشان تسكت بدر الدين ده يبقى لازم تجيب ليهو حاجة موثقة للسفير وما يكون كلامك عاطفي بس
ذي سوداني أصيل وهمام ومجامل وخدوم... هسع بدر ده ولا إنتا ذاتك ماك همام وكريم ومجامل
وزيد عليها ظلامي... يبقى مالو ما إختارك عمر البشير كسفير في الدوحة


يا أخوي لما ندافع عن زول يبقى أحسن نعرفه وكويس قبل ما ندشدشه بمتل دفاعك الهش ده
وتبقى دشدشة عليكم الأتنين!

ويبتسم فيها أخونا بدر مقهقها....

شكرا لكل من مر من هنا
وجاييكم راجع بس اليوم انا اجازة
وقلت أخلص بعض المهام الأسرية وأفضى ليكم ..
ويادوب دخلت البيت

Quote: بس اليوم انا اجازة

بتأجز يوم الاحد مالك ياود القريش ؟

Quote: معتز ميري كريسماس وهابي نيو يير وعندي ليك سوعال: بتعرف حاجة إسمها ترشيح السفراء؟ ودي ما عندها علاقة... بس حبيت أختبرك قبل ما أطالعك الخلاء (الصحراء ببيئتكم) يا سيدي في عهد الإنقاذ ساد مبدأ الولاء قبل الكفاءة ودي حطمت دبلوماسيتنا وجابت ناس عينتهم الإنقاذ بولائهم والرفدت ناس جابتهم مهنيتهم يا سيدي حب سفيرك المعين ده ذي ما عايز... بس ما تستفذ مشاعر الناس وتتحداهم! هل بتعرف حاجة عن تاريخ أو أي إنجاز مهني (دبلوماسي) للسفير ده؟ وعشان تسكت بدر الدين ده يبقى لازم تجيب ليهو حاجة موثقة للسفير وما يكون كلامك عاطفي بس ذي سوداني أصيل وهمام ومجامل وخدوم... هسع بدر ده ولا إنتا ذاتك ماك همام وكريم ومجامل وزيد عليها ظلامي... يبقى مالو ما إختارك عمر البشير كسفير في الدوحة يا أخوي لما ندافع عن زول يبقى أحسن نعرفه وكويس قبل ما ندشدشه بمتل دفاعك الهش ده وتبقى دشدشة عليكم الأتنين! ويبتسم فيها أخونا بدر مقهقها....

اسمعو دا وبطلو دا

السفير دا شغلو يمشى هنا يطايب هنا يرعى جاليتهبكل تواضع وهمة
ويرعى مصالح بلاده بنفس الهمة

الناس بتدافع عن زول يتعرفو وشافتو وانت بتقدح في شخص لا تعرفه

مكنة الامريكان قاي ما بتتركب في اي محل
في امريكا يتم تعين السفراء من خارج السلك الدبلوماسي
ما شوفناكم محتجين على ذلك

فقيري رجل حصيف له رصيد كبير في الخدمةالمدنية.. رشحته بلاده وقبلته البلاد المرشح
ليها يبقى مؤهل...

لكن عاد ما سودانين لازم اي زول نبخسو ونجيبو الواطة معانا...

ابو ساندرا ديك سؤال تاني بعد انقلاب مايو قامت الدولة بتعين شيوعين
سفراء كان صاح ولا غلط؟

لسع منتظرة رد الدكتوراه

شكرا دكتورة نجاة على الردود المفحمة

بعدين الناس البتكلمو عن التعيين والتعيين
أنا كمواطن عادي ما بهمني السفير يكون معين ولا يكون دارس
دبلوماسية في السماء الأحمر ذاتو .. أنا بعرف السفير الدبلوماسي
هو السفير البعرف يتعامل معاي ومع الكبير ومع الصغير ومع جميع شرائح المجتمع
أنا عايز سفير اشوفو في أفراحي وأتراحي وأشوفو في مكتبو لما أحتاجو وأدخل ليهو
بدون بروتوكولات ومواعيد مسبقة أحكي ليهو مشكلتي ويحلها لي .. وهو مبتسم وسعيد
مش سفير دارس دبلوماسية أشوفو يوم يسلم أوراقو في التلفزيون وتاني ما أشوفو
إلا يوم يجي مسافر وهو بودع رئيس البلد وفي نفس الوقت بالو على شحن العفش
وقيمة الحاوية والتسليم وين ومتين .

توثيقا لكلامي دا ح أجيب ليكم صور السفير ابراهيم فقيري في عدة أماكن وهو يشارك
أبناء جاليته في كل ما يهمهم ..

ونواصل

هذه رسالة وصلتني من احدى الأخوات على ايميلي

Quote: سلام يا الاخو محاسن زين العبدين سفيرة وعي في مقابل سفير معين ورئيس جالية لايستحى من كونه معين والله داير اعلق بس باضافة بسيطة اولا منو القال انو السفير فقيري ده تعيين سياسي حقو اي واحد قال كده يقعد في بطن الواطة دي ويفهمنا ليها دي كيف؟؟ زول قدم للوظيفة ودخل امتجانات ودخل معاينات يبقي اتعين تعيين سياسي كيف دي ؟ ولا حتقولو كوسه وعينو ناس المؤتمر الوطني اه امتحانات الشهادة السودانية دي مالا ؟ ما بعدوها ناس معينين من حكومة الانقاذ دي زاتا ولا شنو ؟اوع واحد يدخلا ياخي ناس منبركم ده عندهم راي غريب خلاص وحساسية من ناس السفارات غريبة وعجيبة التقول بس ناس السفارات ديل الشغالين في الحكومة دي برااااااهم ما في غيرم ... ولا اكون عشان هم مغتربين يعني الحكومة دي ما مشغلاهم يعني هم مناضلين وصادقين واي زول شغال في حكومة السودان هو عميل وذنب للمؤتمر الوطني!!... طيب ياخي اهلم الفي السودان ما شغالين في الحكومة ؟؟؟؟ يعني اما الناس يسيبو البلد يا يبقو عملاء للحكومة والله غريبة وعجيبة بعدين موضوعكم ده بتاع تعيين رئيس للجالية ما برااااكم قلتو نظامكم الاساسي بقول ياسفير عين لينا ناس اه وينكم انتو ما تغييروه برااااااكم ولا دايرين كمان السفير يعمل ليكم النظام الاساسي ؟ كدي فهمونا الكلام ده بالله !! والرئيس ده اتعين عضو وممثلنكم ديل انتخبو رئيس ولا اتعين رئيس طوااالي كده ؟ حقو تقعدو لينا الكلام كويس ، بعدين هي السيدة محاسن ما كانت حاضرة الاجتماع لانها كانت في السودان فزول يورينا السفير جاهم في الاجتماع عين ليهم الزول ده ولا شنو ؟ وهي الجالية انتخبوها اول شهر سته وحسه ده شهر اتناشر وهي قاعده عشره شهور ساكت وووين (دي سته شهور عرفناها الاربعه التانية دي شنو وقعدتا ويييين

ورسالة أخرى من الأخ عمر الحاج

Quote: العزيز معتز بعيدا عن السياسة ان الله اذا احب عبدا حبب حبب فيه خلقه*وهذه سيرته فى اهله تواضعا واصالة وودبلد لا تلتقيه الا باسما هاشا وصحائف اعماله خير دليل على كفائته وما الاستثمارات القطرية فى السودان الا دليل على ذلك وما اسعدنا بهذا السودانى الاصيل الذى نعتز به omer

هذا هو السفير الذي نحبه ونريده
ندعوه الى منازلنا وطعامنا فيلبي الدعوة
دون تعال أو استكبار ...

هذا هو السفير الذي نحبه ونريده
يتوهط معانا في واطاة الله دي ويسمعنا
ويناقشنا ويتابع معنا أمورنا وأخبارنا

(هذه هي الدبلوماسية التي نعرفها ونريدها)

هذا هو السفير الذي نحبه ونريده
يمازحنا .. يضحكنا ويضحك معنا




يؤمنا لصلاة المغرب
ويتناول معنا شاي المغرب




ادعوا سفراءكم الما معينين
خلوهم يجوا يتعلموا
كيف تكون الدبلوماسية
وكيف يمكن للناس أن يحبوهم ويبروهم

وما حدثتني مالك يا زول ... الشي المِتْل الخبيتا المِتْحولقين فوقا مِتِل الحِديات دي وارِد بره ولا سويتوها تِسِوي ... ما أنا ياخ البسأل دي بِت إبراهيم دايره تعرِف ... أصلو جايِننا ضِيوف بعد كمين يوم كَدي ، قالت تِسْتفهم مِنك يعني ... ما علينا ... خلينا في المَوضوع ... الحماك تحدِثني بِالبوش ده شنو يا ود قُريش؟ ما حتو هو سفيرنا كُلنا جميعًا ... وهو مِن بعد ذلِك مِن إنْدِنا وإنت ما مِن إنْدِنا ... هسِع رطنتو ليهو ... وونستو بِشنو؟ الزول بِونِسو بِهمو ، ولا مو كَدي ... الفيك إتْعرفت تب

ود القريش

روق المنقة , بس ماتنسى تذكرنى كان ربنا مدا فى العمر واتقابلنا
نعمل لينا خروف زى دة فى ديوان حمام بحرى
سلام

بعد ما إتْمعنا إتْمحنا ... ده إسمو يا ودقُريش " إجْتِماع عمل " (خسارة تعليم بدرالدين ود الأمير فيك) ديل نُصهُم " تعْيين " يا خوي ... وطَعْمتا لينا الإجْتِماع بِواحِد ولا إتْنين ، وحتهُم مِن ذوو الإهْتِمام المُشترك ... البركه الما حدثتني ... الروب الورب ...
لا يا ود قُريش ما تفهمني غلت ياخ ، أنا قصدي ماعون الروب البِتِتْناولو الأيدي وهو آمِن في ماعونو ده ...

أي حيكوما بِتحْكُم بشر ، بِتْجيب ناسا البِنزِلو ليها برامِجا ... وخُصوصًا لو الحيكوما جات بِليل ... دي مفْهوما تب ومُتَعِوِدين عليها مِن زمن أبوكُم مين ... عِلا بس الناس البِيجو عبر هكذا حيكومات ، يِحْترِمو عُقولنا وما يِعْمِلو لينا فيها إنهُم " قَومِيين "


بث

يا عزام يا أخي خليك من موضوع العضة
بحلها براي مع بت اباهيم انت امرق منها

شوف يا عزام سفيرنا دا رغم اصابته في ايدو
جاء وحضر معانا الأمسية العملا الفنان بشير عباس

بالله عليك لو دا سفرا تاني بجي




أها دا السفير البنحبو وبندورو
محل ما نتلما بنلقاهو قدامنا

يا عزام يا رطاني وأنا عارفك حقاني
حتى لو الراجل مش من إنديكم

أما بخصوص الذين اتهموا السفير ابراهيم فقيري بأنه معيّن سياسيا
اقول لهم جميعا وأولهم بدر الدين الأمير الذي عنون بوسته بذلك
دون علم أودراية واتهام بالباطل في حق رجل شهد له العدو قبل الصديق
بالكفاءة والأدب والعلم والثقافة والرياضة والدبلوماسية
ففيما يتعلق بتعيين السفير ابرهيم فقيري

فان التقديم للوظائف تم عبر مكتب التقديم وتحديد امتحانات عقدت بقاعة الامتحانات بجامعة الخرطوم وتم خلالها استبعاد اسماء معروفة بانتمائها السياسي للمؤتمر الوطني منها ابنة السيد احمد عبد الرحمن محمد السياسي المعروف وامين مجلس الصداقة الشعبية ومنها المرحوم عبد المحسن محمد حسين شقيق الوزير عبد الرحيم محمد حسين يعني لو فيها كوسه ديل اولي بيها ولا شنو؟ وفي كمان استاذ في جامعة جوبا اسمه تاج الدين وكان مدير مركز الدراسة عن بعد ومعروف عنه انو من عناصر المؤتمر الوطني ضمنهم .

بعد داك كانت هناك معاينات تم خلالها استبعاد كثيرين وتعيين آخرين كان من ضمنهم السيد ابراهيم فقيري بدرجة وزير مفوض منقولا من المؤسسة التي كان يعمل بها ضمن الخدمة المدنية بكل ملفه السابق والذي اهله لهذه الدرجة الوظيفية يعني ما اتخطي رقاب ناس ده حقو الاهلو ليه اداؤه داخل مؤسسات الخدمة المدنية السودانية وقرارات احالة ناس للصالح العام دي مسؤولية الناس الاصدروها واللي سكتو عليها مش مسؤولية الناس الملو الفراغات الحصلت بعد هذه القرارات ولا كيف ؟ وللعلم انو السيد السفير فقيري عمل في بغداد وهي مولّعه ! واشرف علي الوجود السوداني فيها في فترة صعبة جدا كما عمل برئاسة الوزارة في الشؤون الادارية وكان ملجأ لكل متظلم ومظلوم وناصر لكل صاحب حق وده يشهد عليه الجميع .

حقو الناس الكتبو انو تعيين سياسي ديل يعتذروا مش للسفير لكن للقارئ الملكوه معلومة خاطئة نتيجة استعجالم في القدح في قامات الرجال دون علم او دراية
واي واحد عايز يتأكد من الكلام دا يمشي يسأل ... ورغم دا كللللللو أنا بهمني السفير البعرفني وبفقدني وبشاركني ...





تنهدات :
والقول لرب العزة والجلالة الذي لا يرضى الظلم
{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6

salam

i

think

he is

a typical

sudanese

Quote: عندما يتحرك هذا الرجل فى المسائل التى كلف بها رسميا ، يترك تلك العباءة الرسمية فى مكتبه ويأتى ابن بلد سودانى اغبش ، يشارك فى كل إجتماعيات السودانيين ولا تحس فيه انفة او كبرياء او تعالى على احد . . . وجناه يأكل العصيدة ويفترش التراب فى الشحانية ، بلا برتكولات او مراسم . . . انه رجل شعبى يساعد ويجامل ويواصل كل ابناء الجالية فى مختلف مناسباتهم ويكفيه فقط سماع الخبر ليصل ولا يحتاج دعوة فى زيارة الاستاذ بدر الدين إن دعى الحال الذى يوجب زيارة ابناء جاليته من السودانيين نسأل الله ان يجعل ما يقوم به خالصاً لوجهه تعالى وان يجزيه ثواب ذلك خير الجزاء.

كفيتني عناء التعليق

ود القريش بس فالح ترسل لى فى مسجات الساعه 4 صباحا وارد عليك ما بترد اها من الليله

انا حا ارسل ليك كل يوم مسج الساعه 3 صباحا باسم مجموعه ساهرون ساهرون


وكت فيها عزومه دحين ما عزمتنا ليه ولا انحنا داسننا للحفر وكده هاهاا

يعنى لا عندى كلسترول لا قاوت البحمينى اكل اللحمه شنو وضروسى سالمه كلها

افرض ده كلو ضارب مالى ما باكل الزبادى .افو قصرته والله معاى ....

اليوم الساعه 3 ترقب اول ساله وترد على زى ما برد عليك ؟هاهاهاها

Quote: ود القريش روق المنقة , بس ماتنسى تذكرنى كان ربنا مدا فى العمر واتقابلنا نعمل لينا خروف زى دة فى ديوان حمام بحرى سلام

متوكل بحر سلام يا أخي
انت بهنا من زمان ؟
ليك وحشة والله
يا زول خروف هناك ما بعملوه كدا
خروف ديوان حمام بحري لازم من الشية والمرارة

شكرا على المرور يا غالي

سلام الله .....معتز

سبحان لله فى بوست توثيق علاقاتك الشخصية مع السفير ومحاولة تسويقه بناءً على تلك العلاقة، نجدك حاضلر وترد وبكثرة.....

أما فى موضوع فكرى، فقهى، دينى كموضوع مباركة الأعياد لاخوتنا فى الدين المسيحى فكل ما فعلته هو النقل واللصق...

ما الذى دعاك لمحاولة إذكاء الفتنة الدينية فى موضوع جاهلت مناقشته ولا أدرى أين هو ذاك البوست؟؟؟؟

يا أسامة خلف الله مصطفى سلامين
أنا ما ح ارد عليك عشان كدا ما تتعب نفسك
في بوستاتي .. وما تقول لي ليه ..
وعشان ما تكترا معاي رديت ليك وتاني ما ح يحصل

انتهى

Quote: عندما يتحرك هذا الرجل فى المسائل التى كلف بها رسميا ، يترك تلك العباءة الرسمية فى مكتبه ويأتى ابن بلد سودانى اغبش ، يشارك فى كل إجتماعيات السودانيين ولا تحس فيه انفة او كبرياء او تعالى على احد . . . وجناه يأكل العصيدة ويفترش التراب فى الشحانية ، بلا برتكولات او مراسم . . . انه رجل شعبى يساعد ويجامل ويواصل كل ابناء الجالية فى مختلف مناسباتهم ويكفيه فقط سماع الخبر ليصل ولا يحتاج دعوة فى زيارة الاستاذ بدر الدين إن دعى الحال الذى يوجب زيارة ابناء جاليته من السودانيين نسأل الله ان يجعل ما يقوم به خالصاً لوجهه تعالى وان يجزيه ثواب ذلك خير الجزاء.

معتز السلام عليكم
لا أحب مدح الناس...ولكن نحسب أنا السفير كما ذكر عنه الإخ عادل سهل أعلاه..-نحسبه كذلك-
ومن كان صادقا في نقده..فليذهب للرجل وينصحه..
ماهو بعيد..ولاعامل حواجز

الاخ العزيز معتز

ربنا غديك العافية

وبقول للاخ الداعية عماد الحبوب ( عمدة )

انت بي جاي عامل فيها واعظ وعالم

Quote: معتز السلام عليكم لا أحب مدح الناس...ولكن نحسب أنا السفير كما ذكر عنه الإخ عادل سهل أعلاه..-نحسبه كذلك- ومن كان صادقا في نقده..فليذهب للرجل وينصحه.. ماهو بعيد..ولاعامل حواجز

انشاء الله تكون انت كذلك ما عامل حواجز لانك خربت البلد كلها وقد ارتكبت خطا قاتلا حيث تقول :

Quote: من حق غير المسلمين فى السودن تقويض هذه المؤسسات "القانونية" التى تعبر عن مضامين إجتماعية وإقتصادية وسياسية تقنن وضعهم كدون، أو كمواطنين من الدرجة الثانية ، او كمواطنين لاروح لهم إن كانوا وثنيين. وفى طريق تقويض مثل هذه مؤسسات فاشية، الثورة المسلحة هى إحدى الوسائل التى عرفها الناس لرد الظلم وللدفاع عن حياتهم منذ الازل. وثورات السودان فى الجنوب وجبال النوبة ماهى الا سيناريو للرأى أعلاة. وأقول كما قال ربنا:-(كبرت كلمة تخرج من أفواههم إن يقولون إلا كذبا)

وتكابر بردك الآتي :

Quote: إن لم أقل كما قال ربنا فماذا أقول؟ وهذا هو رسول العالمين صلى الله عليه وسلم عندما صعد على جبل الصفا قال: أبدأ بما بدأ الله به ثم قرأ:(إن الصفا والمروة من شعائر الله)..أي أن الرسول صلى الله عليه وسلم بدأ بالصعود على الصفا لأن الله بدأ بذكره في الآية..والشاهد قوله صلى الله عليه وسلم(أبدأ بما بدأ الله به)

سبحان الله قبيل مع الله سواء وهسي مع الرسول صلى الله عليه وسلم

Quote: وإذا كان عندك علم لبينت لي البيان الصحيح

ذكرت ليك أن تقول قال تعالى بدلا من قولك العظيم : وأقول كما قال ربنا:-(كبرت كلمة تخرج من أفواههم إن يقولون إلا كذبا)

Quote: -إذا خانني تعبير-

ده حلوه يا داعية حتى في القران وكلام الله !!!!!!

Quote: ولكنك جويهل..وساحر..ومفترٍ كذاب...ماجئت هنا إلا لتتصيد خطأ

.


ما هذه الفظاظة والجلافة والغلظة يا داعية الحق

Quote: .حالك كذبابةلا تحط إلا على القبيح..

أين وقعت الذبابة هل في كلامك القبيح أم في كلام الله يا جاهل يا متكبر يا متحامل

أرجو منك أن ترعوي وتعتذر فورا لجميع القراء

Quote: انشاء الله تكون انت كذلك ما عامل حواجز لانك خربت البلد كلها وقد ارتكبت خطا قاتلا حيث تقول : Quote: من حق غير المسلمين فى السودن تقويض هذه المؤسسات "القانونية" التى تعبر عن مضامين إجتماعية وإقتصادية وسياسية تقنن وضعهم كدون، أو كمواطنين من الدرجة الثانية ، او كمواطنين لاروح لهم إن كانوا وثنيين. وفى طريق تقويض مثل هذه مؤسسات فاشية، الثورة المسلحة هى إحدى الوسائل التى عرفها الناس لرد الظلم وللدفاع عن حياتهم منذ الازل. وثورات السودان فى الجنوب وجبال النوبة ماهى الا سيناريو للرأى أعلاة. وأقول كما قال ربنا:-(كبرت كلمة تخرج من أفواههم إن يقولون إلا كذبا)

أولا: هذا الكلام يا كذّاب ليس بكلامي..هذا كلام خالد كودي..يعني أنت تريد ممارسة السحر..والكذب..والإفتراء؟ تنقل كلاما لإنسان وتنسبه إلي وتقول مخاطبا إياي:-

Quote: وقد ارتكبت خطا قاتلا حيث تقول :

أنا لم أقل ذلك..طبعا-حتى لو لم تعترف-سيعرف الناس أن هذا درس لك في "الحفرلحفر السوء- والكيد بالباطل..
فأنت فتحت شريطا تخطّؤني فيه-وعبارتي صحيييحة-ولم تتبين مني..ثم ها أنت تنقل عن غيري باطلا وتنسبه إلي..فإن سهوت وغفلت "حقيقة"فهذا تعليمٌ لك على ألا تسارع بتخطئة الناس "ظنا"..وإن كنت تعلم أن هذا الكلام لخالد كودي فهذا الإفتراء بعينه..وأنت أولى الناس به..لأنك تفتري على الله بإدعاء علم الغيب..(الزايرجة)..فكيف لا تفتري على الناس؟
فإن كنت لاتدري فتلك مصيبة***وإن كنت تدري فالمصيبة أعظم
يلزمك أن تعتذر عن هذا الإفتراء..وهذا الكذب..وهذا الكفر الذي نسبتَه إلي..
وليس مستغرَبا على من كذب على الله أن يكذب على عباده.
ملحوظة:لماذا لم ترد على محمد النيل عندما جاء لك بكلام للإمام العلامة شيخ الإسلام ابن تيمية
يقول بنفس عبارتي التي فتحت بسببها شريطا!ثم تكذب بأنني تراجعت عن العبارة...
حقا لن تعدو قدرك..
وأعتذر للزميل المحترم/القريش عن طرق موضوع خارج عن عنوان شريطه
ولن أتمادى مع مهاترات هذا الساحر المنجم الزايرجي..فرأسك ملئٌ ولكن بالهٌراءِ

كل سودانيى السودان كلهم يدورون فى افلاك مختلفة

وكلهم يرى نفسة ملاك الله فى السماء ويراك انت الاخر شيطان الله فى الارض .

تجولو معى بعقولكم وقلبو كل الصور وحتما ستجدونا كالاتى :

فى الكورة متشاكلين فى الحفلات متضارين فى الاشغال على بعض حاقدين فى الونسة نمامين

فى الدين متخاصمين فى البيع غشاشين فى الغربة متباعدين وفى التعليم 82% اميين وفى اخصب ارض الله جعانين

وفى السياسة طبعا متحاربين وشلة للوطن خاينين وكمان بقى فينا سودانيين بهاجموا الدين وثلاث ارباعنا موهومين

المصسيبة اننا ما عارفين اننا موهومين .. وبعد دة تقول ليا الشيطان الرجيم.


يا ناس الشيطان طلق شوطنا زمااان من الجهل الشافو فينا والحيرة الحيرناهو ليها وبينى وبينكم

لو قعد معانا زيادة شوية حا يخاف على نفسة مننا نحن السودانيين

اين احترام الصغار قبل الكبار ؟


كان الله فى عون الموهوميين اقصد السودانيين

سلام الله يغشاك ...أخى معتز

Quote: أنا ما ح ارد عليك عشان كدا ما تتعب نفسك في بوستاتي .. وما تقول لي ليه .. وعشان ما تكترا معاي رديت ليك وتاني ما ح يحصل

لا يعنينى كثيرا أمرك فى عدم الرد علىّ ولكن يعنينى حقك علىّ كمسلم وهو " النصيحة"...
لذلك لن أفرط فيه ولو قمت أنت بذلك....
يأخى الكريم " اللسان" سوف ينطق يوم العرض عليه....
وأنا لا أريد أن ينطق لسانى بـأننى بخلت على أخى ب "النصيحة"....
فهلا فهمت عمقت إيمانى بحقوقك علىّ كأخ وبـأننى لم أفرط فيها....

وبالمرة دعنى أكرر أسألتى التى أقصد منها حفط حقوقك علىّ كاخ " النصيحة"....
وأيضا عدم التفريط فى واجب الأمر بالمعروف والنهى عن المنكر....
وكما ذكرت إليك بأن تجاهلك وعدم مراعاتك لحقوقى عليك كأخ وهى " النصيحة" لا همنى كثيرا:

Quote: سبحان لله فى بوست توثيق علاقاتك الشخصية مع السفير ومحاولة تسويقه بناءً على تلك العلاقة، نجدك حاضلر وترد وبكثرة..... أما فى موضوع فكرى، فقهى، دينى كموضوع مباركة الأعياد لاخوتنا فى الدين المسيحى فكل ما فعلته هو النقل واللصق... ما الذى دعاك لمحاولة إذكاء الفتنة الدينية فى موضوع جاهلت مناقشته ولا أدرى أين هو ذاك البوست؟؟؟؟