Post: #1 Title: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-28-2009, 01:18 PM Parent: #0
وأنتم تستقبلون القادمين .. وتبذلون الجهد لجمع البورداب القادمين من كل أصقاع الدنيا تدعونهم على موائدكم العامرة في أماكن جميلة تختارونها بعناية .. يا لجمال ما تصنعون .. شكرا لكم يا بورداب الخرطوم الرائعين .. نواصل
Post: #2 Title: Re: شكرا الزملاء والزميلات بورداب الخرطوم على كل شيء Author: انعام عبد الحفيظ Date: 12-28-2009, 01:34 PM
شكرا ليك انت يا محمد عبد الجليل رغم قصر المدة الإتلاقينا فيها إلا انها خلت أثر طيب لدي وانشاء الله نتواصل
Post: #3 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-29-2009, 10:08 AM Parent: #2
إنعام .. تحياتي لك ولكم جميعاً بورداب الخرطوم .. ففي كل مرة أحضر للسودان أقفل الجوال والنت والتلفزيون لعلي استطيع أن أمسح عن نفسي أوضار (الهجرة الطويلة الساحقة) الوذ بالقرية بكل ما فيها ومن فيها .. تواصلي معكم في ذلك اليوم بجنائن الكدرو فتح لي باباً لألتقي بالوطن في فترة إستثنائية مسيرة ضغط شعبي/مؤتمرات صحفية/ ندوات سياسية/عقد تمبس/حفلة رشا شيخ الدين ببيت الفنون ببحري .. (شعب السودان معليش ما دام حكمنا الجيش).. وشيخنا محجوب شريف حاضرا يرى الشباب يهتفون (حرية .. حرية) .. كأني به كان يقول: يا شعبا لهبك ثوريتك تلقى مرادك والفي نيتك قلت لمن كان بجواري من الزملاء بالرياض تقول لي مخرج 18 ؟!
فتح لي لقائي معكم بالكدرو أن أكون حضوراً بندوة قوى تحالف مؤتمر جوبا: تحدث فيها: مني أركو مناوي /الصادق المهدي/ سليمان حامد/باقان أموم ونخبة من قيادات المعارضة من كل القوى المؤتمر الشعبي/الناصري/البعث .. اكتظت دار الأمة بالحضور .. كان حضور الشباب طاغياً .. وهتافاتهم مدوية .. كان التنوع في أبهى حضوره وانسجامه .. طمأنني بأن الوطن لن يكون إلا موحدا على قاعدة من العدل والحرية..
فتحت لي دعوة بورداب الخرطوم أن تكون أجازتي لقاءاً حقيقياً على طريق الوطن البنحلم بيهو يوماتي والتقيت في دروب الخرطوم بأصدقاء كثر هذه المرة بعضهم فارقتهم لعقود .. خط الشيب أصداغهم ولا زالوا يحلمون بالحرية والحب
شكراً بورداب الخرطوم
Post: #4 Title: Re: شكرا الزملاء والزميلات بورداب الخرطوم على كل شيء Author: عفاف أبو حريرة Date: 12-29-2009, 11:37 AM Parent: #3
حمد الله علي السلامه يامحمد الرياض اينعت بي نورك بورداب الخرطوم هم صارية السفينه العامره بي ناسه
Post: #5 Title: Re: شكرا الزملاء والزميلات بورداب الخرطوم على كل شيء Author: ابو جهينة Date: 12-29-2009, 11:48 AM Parent: #4
محمد سلام و حمدا لله على السلامة وصلت بالأمس برحلة برية عبر سواكن جدة
بورداب الخرطوم ركيزة نفتخر بها و مجموعة متجانسة و كرم فياض
تخريمة : تقول لي مخرج 18 ؟؟؟
Post: #6 Title: Re: شكرا الزملاء والزميلات بورداب الخرطوم على كل شيء Author: سيف بخيت موسي Date: 12-29-2009, 11:53 AM Parent: #5
Quote: بورداب الخرطوم ركيزة نفتخر بها و مجموعة متجانسة و كرم فياض
نبصم بالعشرين
سلامي لهم بدون فرز
وتحيات للريس ابو جهينة وصاحب البوست ود عبد الجليل
Post: #10 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-29-2009, 02:10 PM Parent: #6
الأخ - سيف بخيت - تحياتي لك، نبصم وتعظيم سلام لمن نجدهم على العهد ما زالوا على بورداب العالم تكريم بورداب الخرطوم الذين يستقبلون البورداب ويبدعون أشكالا للقاء والتعارف النبيل في كل المواسم
Post: #7 Title: Re: شكرا الزملاء والزميلات بورداب الخرطوم على كل شيء Author: انعام حيمورة Date: 12-29-2009, 12:08 PM Parent: #5
الف حمد لله على السلامة يا محمد وحقيقة انا كنت مبسوطة بيك
واتعرفنا عليك عن قرب ما زي الاجازة الفاتت
وبالجد كنا سعيدين بيك وبي كل الضيوف ..
نتمنى ليك عودا حميدا يارب
Post: #11 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-29-2009, 02:18 PM Parent: #7
إنعام حيمورة .. نغبطكم على ما أنتم فيه من فرح مقيم .. ففي الخرطوم حبل الكفيل طويل وفي إمكان الإنسان أن يضحك حتى في نهارات الصيف .. ويمكن بقليل من الجرأة أن يمدد الغناء إلى ما بعد الحادية عشرة قليلاً .. وأن يجلس على شاطيء النيل ويعب من سلسبيله إن شاء .. ويمكن أن يغني نيلك هيلك جرى قدامك حتى لو كان النيل عكرانا ومكتئب المزاج وحظر التجول المقيم ومساحات الحرية المنقوصة من جميع الجهات، والصحف التي توغل في فضح الحقائق قليلاً.
أدام الله أفراحكم أيها الاعزاء
Post: #9 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-29-2009, 02:06 PM Parent: #5
الأخ - أبو جهينة .. تحياتي وحمداً لله على السلامة .. ظللت أردد من مثلنا ذاك النهار في الكدرو ومن مثلنا ذاك المساء في حفلة رشا شيخ الدين .. التقيت بالأصدقاء القدامى والجدد وبمحجوب شريف يصيخ السمع لغناء جديد وشباب فتح عيونه على تفج الدنيا ياما .. والتقيت الابن محمد خالد عبدالباقي .. وبدرالدين صالح الشاعر الفذ .. والتقيت د. حسن الجزولي بعد غياب طال لعقود .. عبأوا صدري بالفرح.
وكان الوطن حاضراً موسيقى الماء وأصوات السواقي وأغاني البنات وجسارة رشا شيخ الدين .. وشعب السودان معليش ما دام حكمنا الديش .. و إن طلعت القمرا أخير يا عشانا تودينا لاهلنا بسألوك مننا
والجميع يرقصون رقص من لا يخشى الساعة 11 مساء وحظر الغناء ورشا شيخ الدين تطلق قفشاتها أثناء الغناء ياخوانا ليه الناس بتكلموا أثناء العزف الموسيقى؟ .. يا ربي عشان ما عندنا صالات موسيقى ..
يا ربي الكومر بشيلنا؟!!
تقول لي مخرج 18 .. يا لنا من مغتربين بؤساء
Post: #8 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-29-2009, 12:34 PM Parent: #4
أم - أحمد .. تحياتي ليك وونور الله طريق إبنتنا البوردابيةمنة الله .. هؤلاء الناس (بورداب الخرطوم) الجميلين دعوا كل عضور بهذا المنتدى قدم للخرطوم .. توجهناصوب جنائن الكدرو .. وجدنا بوردابيات وبورداب بوجوه فرحة تسلم وتذكر إسمك ويرد عليك بأحسن منها ليصبح البساط أحمديا بلا مقدمات، كأنك تعرفهم من زمان ..
كنت قبل هذا اللقاء معتكفاً بداري .. أخرج قليلا لعزاء أو لمجاملة في فرح .. أو لزيارة مريض .. وأعود لبيتي حيث التومات والصادق وملاذ يفتحون معي ملف التحقيق .. لقائي ببورداب الخرطوم فتح عيني على خرطوم نوفمبر وديسمبر 2009م بزخمها وندواتها ومسيراتها ولقاءاتها واحتفالاتها المختلفة نوعياً والمؤكدة أن الأرض تدور دولاب التاريخ يدور.
Post: #12 Title: Re: شكرا الزملاء والزميلات بورداب الخرطوم على كل شيء Author: Shiraz Abdelhai Date: 12-29-2009, 04:18 PM Parent: #8
محمد عبد الجليل........سلامة العودة إلى الرياض......ونورت البورد وحزينه لضيق الزمن وعدم التلاقي...
......وفعلا بورداب الخرطوم رائعون..... ... برامج اجتماعيه ولقاءات دوريه ...ووقوف فى السراء والضراء ,,,حمور زياده وتمبس أمثله.... ورحلات...وحضور دائم فى المشهد الثقافي الخرطومى.... ومتابعه لصيقه للأحداث....وفوق ده كلو...الأسره وأكل العيش.... حقيقي...بلا مجاملات..........القومه ليهم...!!!! ولكن يبدو إنو يفضلون البعض ......
...فهأنا فى الخرطوم من شهرين.....لا حس لا خبر....ولا تلفون أو ترحيب........
Post: #13 Title: Re: شكرا الزملاء والزميلات بورداب الخرطوم على كل شيء Author: خالد المحرب Date: 12-29-2009, 08:12 PM Parent: #12
حمدا لله على السلامه يا ابوحميدكملت الكوارع باقى لى نجى لى بورداب الخرطوم طبعا التقيت على عجاله فى افطار رمضان مع اختنا ناديه وكانت بشوشه مع باقى البورداب رقم قرب المسافه ولكن برنامج رمضان كان كل الناس مشغولين ولم يتكرر اللقاء بس انا شايف عندهم نشاط جميل وملمومين دايما ودا شى جميل طبعا تحياتى لهم جميعا
Post: #14 Title: Re: شكرا الزملاء والزميلات بورداب الخرطوم على كل شيء Author: العوض المسلمي Date: 12-30-2009, 08:05 AM Parent: #13
رغم شعورنا بالتقصير تجاهك اخي محمد ولكن سعدنا بان التقينا بك .. وباذن الله سنعوض تقصيرنا في قدومكم الي السودان في الاجازة القادمة ..
Post: #20 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-30-2009, 12:11 PM Parent: #14
الأخ - العوض المسلمي - والله إنتا التقصير حاشاك لو كان هنالك تقصير فهو من جانبنا نأتي في كل مرة للسودان فنجدكم تقفون على قلوبكم ترحيبا، ونحن في لهوجتنا العجولة نضيع السوانح لمعرفة نساء ورجال وهبهم الله سماحة ورحابة فهنيئا لكم بما تقدمون من فرح .
Post: #18 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-30-2009, 10:00 AM Parent: #13
ليتك لو كنت معنا في الخرطوم نوفمبر/ ديسمبر .. لتيقنت
أن ليس بالكوارع يحيا الإنسان .. وحافظ يحمل يده يشــدها
الجبص ويهيء النفس لمسيرات جديده وجبص جديد .. ولرأيـت
بورداب الخرطوم وقد فتحوا عيوننا على الخرطوم التــي
أنجبت العديد من دور الفن والثقافة الفعالة.
Post: #15 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-30-2009, 09:10 AM Parent: #12
شيراز .. الرياض تنتظر الخرطوم بقلمك فأوغلي في التوثيق حزنت على كل فعالية لم أشد إليها الرحال في الخرطوم .. الرياض على حالها تجتر الأخبار القديمة ولا تعرف مايجري في شوارع الخرطوم إلا كما سيف في غمد .. فالناس هنا لا زالوا يمارسون سياسة وثقافة التكرار لا التغيير .. ينتظرون الاخبار ليتركوا مماحكاتهم وينشغلوا بردود أفعال قصيرة النفس
تحياتي للأستاذة عائشة موسى .. لم أصدق ألا ألتقيها في خمسين يوم لاهثة في الخرطوم وتحياتي لمعتز وبدر .. ما أقصر العمر في الخرطوم في أيام تتميز بالحراك الفعال ..
ليتك تلتقين بورداب الخرطوم قبل عودتك للرياض .. يا سلام عليكم بورداب الخرطوم .. أحاذر أن أذكر الأسماء فأسقط البعض فيغضب
Post: #16 Title: Re: شكرا الزملاء والزميلات بورداب الخرطوم على كل شيء Author: حافظ حسن ابراهيم Date: 12-30-2009, 09:19 AM Parent: #15
سعيد اني التقيتك في غفلة من الزمان ...
ساعتين من عمر الزمان ستظل بذاكرتي للابد يا محمد برغم كورة الهلال و المريخ ذاك اليوم...
الصحابة أصدقاؤك قد صاروا لي أخوة و الشاعر بدرالدين يقوم بخدمات التمريض هذه الايام ------------------------------------------ بالله تلفونك علي الخاص يا محمد
Post: #19 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-30-2009, 10:15 AM Parent: #16
حافظ .. ضيعت لقاءات كثيرة انتظرناك فيها في قريتنا التقيتك في منزلي بالنوبة لأول مرة ولكني أعرفك مـن زمان .. من زمن السمبر .. فقط كنت أخطط لألتقيك .. فاللقاء يضع الطوبة الأخيرة في بناء العلاقات .. عسى كسرك جبر واستعدت اليد لكسور جديد (حماك الله وأقال عثرات الوطن الجميل رغم التناقض في أذقته) بدرالدين وبقية العقد الفريد سيكونون لك يداً ثانيـة وعقولا مفتوحة للمثاقفة، وتلفوني عندهم كلهم .. وسنلتقى في أول حضور بلا مقدمات إن شاء الله ..
ليتك تنضم لفعاليات بورداب الخرطوم نتواصل يا صديق
Post: #17 Title: Re: شكرا الزملاء والزميلات بورداب الخرطوم على كل شيء Author: معتصم دفع الله Date: 12-30-2009, 09:34 AM Parent: #15
حمدالله على السلامة يا جنرال .. كيفك وكيف العيال ..
لا تزال هنالك مساحة للتلاقي والتآخي في الوطن طالما في أمثال بورداب الخرطوم .. بورداب الخرطوم ديل ما قاعد أكتب عنهم لأني جزء منهم .. ولخوفي من إنو الكلام ما يكون بحجم قاماتهم وأعمالهم .. كل شئ عندهم جميل .. كل اللحظات التي نقضيها معهم ممتعة .. يستقبلون كل قادم من خارج الوطن بترحاب كبير وبكرم فياض .. لهم التجلة .. وكل الحب والتقدير ..
Post: #21 Title: Re: شكرا الزملاء والزميلات بورداب الخرطوم على كل شيء Author: محمد أبوالعزائم أبوالريش Date: 12-30-2009, 12:23 PM Parent: #17
محمد عبدالجليل .. الصديق الإسفيري
تألمت كثيراً إذ إقتصر اللقاء على التحية، فقد كنت أمني النفس بمعرفتك عن قرب .. ورغم ذلك، فقد كان اللقاء مفاجأة جميلة لم أستثمرها، ولم أستطع قطع برنامج التعارف حينها .... ثم إجازتي نفسها كانت قصيرة.
لا أملك إلاّ أن أقول معك ..... شكراً بورداب الخرطوم.
Post: #23 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-30-2009, 01:31 PM Parent: #21
محمد أبو العزائم .. افتقدني ماضي في المنبر .. في وقت التقيتك فيه شهد الله أني كنت أضع في ذهني أن ألتقيك .. فالتقيتك في الزمن الضائع جداً .. كان جوالي يصيح بتخلفي عن موعد لا يحتمل التأجيل سعيد بلقائك وبلقاء الزملاء بورداب الخرطوم ..
المنى أن نلتقي في لحظات أرحب ..
Post: #22 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-30-2009, 01:26 PM Parent: #17
الشفيف - معتصم دفع الله .. لعلك خير سفير لنا وسط بورداب الخرطوم، فأنت حضور فعال معهم في إجازتك ينبغي أن نبتدع الشكل الذي نحتفي به ببورداب الخرطوم مثلما يفعلون تجاهنا، لا أقول أكثر فهذا مستحيل .. شكرا لهم
Post: #24 Title: Re: شكرا الزملاء والزميلات بورداب الخرطوم على كل شيء Author: مصدق مصطفى حسين Date: 12-30-2009, 01:53 PM Parent: #22
أخى محمد عبدالجليل حمدالله على السلامه و كل سنه و إنت طيب، سرد جميل و وصف بديع للحظاتك الريّانه بين أهل البورد فى الخرطوم، عبرك لهم التحايا النواضر و أجمل الأمنيات .. و لك .
Post: #25 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-31-2009, 10:48 AM Parent: #24
الاخ الفنان - مصدق - تحياتي لك وكل سنة وانتا طيب
لقد أفرد بورداب الخرطوم وقتهم وقلوبهم للزملاء القادمين من خارج الوطن .. وهيأوا لهم لقاءات غاية في الجمال وفتحوا عيونهم على دور الفن والثقافة كان من بينها بيت الفنون في بحري والزخم الثقافي العالي بتلك الدار البسيطة.
Post: #26 Title: Re: شكرا الزملاء والزميلات بورداب الخرطوم على كل شيء Author: خالد المحرب Date: 12-31-2009, 11:22 AM Parent: #25
Post: #27 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 12-31-2009, 11:50 AM Parent: #26
الصديق / خالد المحرب - تحياتي غايتو أنا ظاهر عندي مربع فاضي .. لكني أعرف أنك لن تأتي لبورداب الخرطوم بمربع فاضي .. ومثلك يعرف أنهم هم من هم من نساء ورجال يقتطعون الوقت والجهد ويوثقون عرى التواصل الخلاق بين أعضاء سودانيزونلاين ..
Post: #28 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 01-02-2010, 08:08 AM Parent: #27
فتح لقاء بورداب الخرطوم بجنائن الكدرو عيني على ما يجري في الخرطوم .. بعد أن كنت في قريتي أستيقظ على (لمة ناس في خير أو ساعة حزن) .. عرفت أن هناك حراكاً خارجاً من صمت العقود، الحديث عن التحـــــول الديمقراطي ومسيرات قوى المعارضة وهي تمارس حقها غير الشرعي من وجهة نظر النظام، لقاءات وندوات قوى التحالف الديمقراطي داخل دور الأحزاب على ألا تتجاوز الحادية عشرة مساء .. رابطة المحامين الديمقراطيين تعبيء رئتيها من عبق حركة الشارع وتدفع في إتجـاه إنتخابات حرة ونزيهة لنقابة المحامين .. فنانين يطلقون حناجرهم بأهازيج التغيير، شعراء دغدغهم آمل جديد بأن الوقت للشعر ..
Post: #29 Title: Re: شكرا الزملاء والزميلات بورداب الخرطوم على كل شيء Author: Mohamed Abdelgaleel Date: 01-03-2010, 09:08 AM Parent: #28
رشا شيخ الدين بدار الفنون ببحري تجدد روح الفن والموسيقى والغناء والمقاومة .. تنشر ثقافةأسبانية أفريقية عربية بلسان سوداني عامي مبين وتنفخ روحاًً جديدة في إغاني سودانية كادت أن تندثر لتعود من جديد بحيوية كاملة برفقة شعب السودان معليش ما دام حكمنا الجيش