Post: #1 Title: ليه يا بنات حواء Author: فيصل نوبي Date: 12-28-2009, 12:12 PM Parent: #0
طه سليمان ..
لا زلت أجد نفسي بين المعارض و الموافق لما يفعله طه سليمان بالفن السوداني .. المتابع لمسيرة طه سليمان يجده يتخبط يمنة و يسري .. يعلو ليهبط .. إبتدا من أغنيته المشهورة ( عوض دكام ) و حتي هذه اللحظة .. قبل أيام قلائل مدتني إحدي الصديقات بملف mp3 يحوي علي أغنية و كانت تقدح فيه و تكاد تشطاط غضباً .. كلمات الأغنية نفسها عاملة زي قطر الموت .. ما عرفتها دي دارجية ولا لغة عربية فصحي .. و لا دي لهجة أهل البادية .. عموماً التجربة غريبة .. يمكن بتحوي رسالة جيل متخبط .. ما علينا
_ نخليكم تسمعو ..
Post: #2 Title: Re: ليه يا بنات حواء Author: فيصل نوبي Date: 12-28-2009, 12:15 PM Parent: #1
ليه يا بنات حواء
Post: #3 Title: Re: ليه يا بنات حواء Author: عمران حسن صالح Date: 12-28-2009, 12:24 PM Parent: #2
نوبي الله يسامحكـ
________________________________ ما عندي الشجاعة الإسفيرية أكتب الكلام كلو في الزول ده .
Post: #4 Title: Re: ليه يا بنات حواء Author: فيصل نوبي Date: 12-28-2009, 12:27 PM Parent: #3
يا عمران سلامات ياخ في مقطع كده بيديني إحساس إنه اللي بتغني دي ( ندي القلعة )
_ قال شنو قال !! العرفي بقي حلال يا بنات حواء !!
Post: #6 Title: Re: ليه يا بنات حواء Author: عمران حسن صالح Date: 12-28-2009, 12:29 PM Parent: #3
نوبي ياخي شيل خيار الـ Autoplay ده عشان ما نقطع رجلنا لامن نجي نقرا باقي الآراء
Post: #7 Title: Re: ليه يا بنات حواء Author: فيصل نوبي Date: 12-28-2009, 12:32 PM Parent: #6
يا عمران ياخ غمض و اقراء
_ اقفل السماعات و أقراء ياخ يعني دي داير ليها تفكير كتير يعني
لا حول .. دا جنسو شنو وساكن وين واسمو منو ... كتمتو نفسو .. الهواء وينو..
وانا اضفت من عندي:
دا ملاح شنو ودا مترو بكم
Post: #8 Title: Re: ليه يا بنات حواء Author: فيصل نوبي Date: 12-28-2009, 12:36 PM Parent: #5
يا شوشو ياخ ده إسمه (كُن متصالحاً مع نفسكـ) ثقافة كده ما قاعدين نعرفها .. يعني أقول نوبي الشفت اثناء حضوره لحفل من حفلات طه الما خمج في بيت ناس السُره سجل ليكم الأغنية دي ؟ بعدين يا شوشو ياخ مش ممكن تكون أدتني ليها (نسيبتي) و خايفة علي بتها !!
_ أما بخصوص مترو بكم ده بتسمعيهو براكـ مالكـ إنت ما من الصباح قاعدين في الحديقة و الجو البارد ده ما كان تكلميني ! الا أجيب ليكـ السيرة حتي تفتحي خشمكـ يعني
_ تاني بتجي الحديقة ؟
Post: #9 Title: Re: ليه يا بنات حواء Author: فيصل نوبي Date: 12-28-2009, 12:44 PM Parent: #8
نحن منتظرين و للحصص داكين بس نلمح الفستان يا بنات حواء...
_ ظلمتو إنتو الريد بكلام جديد يا بنات حواء !!
Post: #10 Title: Re: ليه يا بنات حواء Author: فيصل نوبي Date: 12-28-2009, 01:11 PM Parent: #9
بعد مروري علي تعليق في بوست مجاور ممكن نصنف البوست ده تبع بوستات مجلة (سمر) ولو أني لم اقراها من قبل و لكن إنطباعي عنها يجعلني أدرجه دون أدني تفكير
_
Post: #11 Title: Re: ليه يا بنات حواء Author: حيدر حسن ميرغني Date: 12-28-2009, 01:20 PM Parent: #10
محن والله يامان
_____ اوعى يكون عندو التواث فني
Post: #13 Title: Re: ليه يا بنات حواء Author: فيصل نوبي Date: 12-29-2009, 07:22 AM Parent: #11
حيدرنا الزول ده حقيقة عمل لي إلتواث بوستات أمس قاعد أقرا في بوست و بالغلط الماوس مشي علي بوست تاني دون أن أدري الموضوع الأول كان عبارة عن (بستفة) و التاني كان بوست (إسمارت-أنا) ياخ أخوكـ قال أكيد (إسمارت) دي إتهكرت !! بعد دقائق كده قفلت الأغنية دي و عاينت شدييييييييد في البوست لقيتو عنوان تاني lol
_ غايتو طه ما عمل فينا خير خاااالس ..
Post: #12 Title: Re: ليه يا بنات حواء Author: محمد كابيلا Date: 12-28-2009, 01:55 PM Parent: #1
فيصل نوبى ...
كل سنة وانت طيب ...
* سؤال جادى ...
كل الأغانى المصنفة إياها لماذا لا يكون هناك علم بمؤلفيها ..!؟؟
كل الود محمد كابيلا
Post: #14 Title: Re: ليه يا بنات حواء Author: فيصل نوبي Date: 12-29-2009, 07:23 AM Parent: #12
كابيلا يا رايق المشكلة إنه الغالبية مؤلفيها معروفين علي الأقل للجنة النصوص التي تجيزها !! و الا كيف أجازتها !
Post: #15 Title: Re: ليه يا بنات حواء Author: تيسير عووضة Date: 12-29-2009, 08:04 AM Parent: #14
يعني هسي النص الفوق دا مُجاز ؟
سجم الإجازة كان كدي
ــــــــــ البت الإسمها شمايل دي أنا إكتشفت إنها لذيذة عديل
Post: #16 Title: Re: ليه يا بنات حواء Author: هواري نمر Date: 12-29-2009, 08:57 AM Parent: #15
قال شنو؟؟ كده ما عارف منتظرين و للحصص داكين ..بس نلمح الفستان.. نلمــــــــح الفستان؟؟؟؟ هو حب و لا حبل غسيل...
امنا بالله... وينها الكلمات و اللحن و الموسيقي...؟؟؟
Post: #17 Title: Re: ليه يا بنات حواء Author: Hala Hassan Date: 12-29-2009, 10:25 AM Parent: #16
Quote: منتظرين و للحصص داكين ..بس نلمح الفستان.. نلمــــــــح الفستان؟؟؟؟
و البناطلين كيف؟؟؟؟؟؟
بث، حبيت أشارك فى الإلتواث دة، و أحل مشكلة فى رأيى معقدة جدا،،،
Post: #18 Title: Re: ليه يا بنات حواء Author: هواري نمر Date: 12-29-2009, 10:31 AM Parent: #17
Quote: [ البناطلين كيف؟؟؟؟؟؟
الاخت الكريمة,, هالة تحياتي و احترامي.. ما تستعجلي...بعد شوية بجينا واحد بقول يا اولاد ادم وبجيب فيها بنطالين وقمصان ياخي غايتو ربنا يستر و يلطف هسي عليك الله... الزول ده....كان طقوه في صنقوعو..وقالو ليه وينو الكلمات هنا عليك الله يقول شنو؟؟
بالجد حالة صعبة..
Post: #19 Title: Re: ليه يا بنات حواء Author: Hala Hassan Date: 12-29-2009, 10:46 AM Parent: #18
الأخ الكريم هوارى ،،
Quote: هالة تحياتي و احترامي.. ما تستعجلي...بعد شوية بجينا واحد بقول يا اولاد ادم وبجيب فيها بنطالين وقمصان
ياخى فهمتنى غلط، إحنا حبينا نشارك فى الاغنية دى بالتحديد، و ننبه حضرة المؤلف و الملحن و المغنى (المحترمين)، إنو الزمن دة مافى بت بتلبس فستان،، وأسأل..........،،،
أما عن تنبؤاتك بأغنية (اولاد ادم)، أنا بقترح إنو إسمها يكون (يا أولاد حوا) برضو،، ماهى أمكم كمان،،،
معليش لقيتنى الليلة مزاجى ملتوث شوية،،،
إحتراماتى،،،
Post: #21 Title: Re: ليه يا بنات حواء Author: فيصل نوبي Date: 12-30-2009, 08:20 AM Parent: #19
يا هالة سلامات و سلامة مزاجكـ من إلتواث طه .. و ربنا يعدل المزاج مع آخر يوم في السنة ده .. كل سنة و إنت طيبة .. يهييء لي إنه طه أحسن يقعد في الفساتين أخير من البنطلونات ..
Post: #20 Title: Re: ليه يا بنات حواء Author: فيصل نوبي Date: 12-30-2009, 08:18 AM Parent: #15
يا فُلة .. أظنها إجازة راس السنة دي ياخ الود طه ده عندو صوت جميل و إمكانيات عالية للتطريب لكن للأسف ما قادر يوظفها صاح و مباري ليهو ناس يخربو فيهو زيادة في رائي إنه دي مرحلة مراهقة و حب ظهور منه لامن يفوق منها بيستعدل .. المشكلة إنه ده زقت العطاء و الشهرة و أتمني يقوم يستعدل ياخ ..
_ شوشو دي ألذ من يمشي علي وجه الارض ياخ بس دايره زول يفهمها .. تديها أبنصات تديكـ سرعات عالية
Post: #22 Title: Re: ليه يا بنات حواء Author: GamarBoBa Date: 12-30-2009, 09:50 AM Parent: #20
Quote: ممكن نصنف البوست ده تبع بوستات مجلة (سمر)
حكمة الله قوية زي ما بغنوا مشجعوا الإتي يا موج البحر انو بوستك ده لو اتمغ اقوي ناقد فني وخت ليه سفه واستعدل نضارة النظر بعالج اكتر من المختصين لانها الحقيقة كدة طاخ دون ما تعيش تفاصيل وسط فني.
طه دا يا نوبي بقلدوه الجيل الطالع بشكل مخيف في لبسهم وقصة شعرهم وبعض التفاصيل طه دا في سودان الليلة رقم كبير ودرجة نجاحه كدة بالنسبة ليه مية في المية فالتمني لا يجدي في حالة طه انو حاله ينصلح ويشد حيله شوية لانو هو لو ما كدة الساحة الفنية ما بتشيله
والسلام
Post: #23 Title: Re: ليه يا بنات حواء Author: هواري نمر Date: 12-30-2009, 10:07 AM Parent: #22
Quote: [معليش لقيتنى الليلة مزاجى ملتوث شوية،،،
هالة ازيك وتحياتي واحترامي.. عليك جنس (الغنية) ....!!! موش تسبب التواث بس و الله دي.. تعمل كلكي عديــــــــــــــــــــل.. سلامتك من التواث المزاج ياخي..
تقديري واحترامي..
Post: #24 Title: Re: ليه يا بنات حواء Author: محمد يوسف الزين Date: 12-30-2009, 03:24 PM Parent: #23
فوق
للربا والتلاف
وبالمرة شوف معاك شكر الله ، الحفلتو في الهلتون راس السنة بـ 200 جنيه
سلامات يا نوبى...وينك يا اخى؟؟؟؟ لانى عايشه فى بلاد طيرها عجم...و ما عندى النيل الازرق و ما بحب ال يوتيوب...فما عندلا اى علاقه بالفانانيين الجداد. قمت قلت اتثقف و سالت اولاد اخواتى عن اخر الاغانى و قلت ليهم ختوها لى فى CDs و عينك ما تشوف الا النور!!!!!!!!!!!!!!!!!!! واحد اسمه شكر الله و واحد تانى اسمه احمد الصادق و طبعا الاستاذ طه سليمان. الذ حاجه انهم قالوا الذ اغنيه فى كل المجموعه دى اغنيه اسمها "قنبلة " لطه سليمان...ان شاء الله تكون سمعتها قبل كده. لانها فعلا قنبله ح تنفجر فى وشك و تخليك تحرد الغنا... _________________________________________________________________ على العموم انا بحب اسمع هابط للجم....الان عندى اغانى تبقينى بطلة اولمبية
Post: #26 Title: Re: ليه يا بنات حواء Author: فيصل نوبي Date: 01-21-2010, 07:19 AM Parent: #25
يا قمر بوبا ياخ طه ده عجيب و كل يوم بيزيد عجب الليلة جاني ملف تاني في الايميل بصراحة شديدة ما بينزل هنا .. أو أخوكـ شخصياً ما بيقدر ينزلو هنا
_ كدي وريني ده جيل شنو القاعد يتابع طه و دايرنو ينصلح حالو ده !
Post: #28 Title: Re: ليه يا بنات حواء Author: فيصل نوبي Date: 01-21-2010, 07:20 AM Parent: #25
سمارتي خليني أجيب الاغنية أسمعها و نسمعها للناس اللي هنا كمان و أجيكـ راجع ..
Post: #29 Title: Re: ليه يا بنات حواء Author: فيصل نوبي Date: 01-21-2010, 07:21 AM Parent: #28
هالة و هواري سلامات ..
Post: #27 Title: Re: ليه يا بنات حواء Author: فيصل نوبي Date: 01-21-2010, 07:20 AM Parent: #24
يا Dude ياخ ما تجي نعمل لينا فرقة غايتو مليون في المية بتطلع أحسن من ناس طه و شكر الله ديل
Post: #30 Title: Re: ليه يا بنات حواء Author: عفاف الصادق بابكر Date: 01-21-2010, 07:27 AM Parent: #27
فيصل نوبي .. سلام مع شغشغة عصافير حديقتك ..
بما اني ما سمعته الغنية .. وما عندي استعداد اشنف اذني .. بس بقول .. الله يسامح من سمح لنفسه بذلك ..
Quote: المشكلة إنه الغالبية مؤلفيها معروفين علي الأقل للجنة النصوص التي تجيزها !! و الا كيف أجازتها !
انت جادي يا نوبي يا أخوي .. لجنة نصوص بتاعة شنو !! والله كان علي انا لو في لجنة نصوص للشغل الجنس ده أخير حلها ..
مع اعتذاري لي ناس طه سليمان ...
Post: #43 Title: Re: ليه يا بنات حواء Author: فيصل نوبي Date: 01-24-2010, 09:22 AM
كدي يا عفاف أسمعي الأغنية أول يمكن صافيركـ تقشقش
Post: #31 Title: Re: ليه يا بنات حواء Author: فيصل نوبي Date: 01-21-2010, 07:29 AM Parent: #27
قنبلة طه سليمان
_ أشاطركـ الأحزان يا سمارت في إني لا أحب اليو تيوب لكن دي ما بتتفوت .. حاولي شوفيها خاصة الأولي .. و لمن يرغب في الاحتفاظ بها الولوج الي هذا الرابط
Post: #32 Title: Re: ليه يا بنات حواء Author: almulaomar Date: 01-21-2010, 10:26 AM Parent: #1
الجميع إتفق على أن ما يفعله هذا الطه سليمان كشأن الكثيرين من أبناء جيله المتواجدين في الساحة الغنائية هذه الأيام يعتبر فن أو نوع من الغناء الشبابي يجد رواجاً وإقبالاً في المجتمع ،ولا أختلف شخصياً مع من يقول أن هذا النوع يعتبر شئ هابط يصعب حتى أن نصنفه في خانة الفن ، لأنه لابد أن يكون إما فن أوغير ذلك ، ولما كان غير ذلك كان لابد أن نعرف أن طه ورصفائه ليسوا مسئولين وحدهم عن هذا التردي وإفساد الذوق العام بل المجتمع البسمع فيهو لأبد أن يتحمل المسئولية لأنه لو ما لقى أذن صاغية ما كان لقى إنتشار. يعني هو شئ هابط لا شك في ذلك لكين لمن هبط وقع وين.
Post: #33 Title: Re: ليه يا بنات حواء Author: أيمن الطيب Date: 01-21-2010, 10:56 AM Parent: #32
فيصل نوبى سلامات يا صاحب,,
بقيت تروج لمثل هكذا هبوط وإنحدار,, أنا محيرانى قصة إنو كلام خارم بارم وفارغ زى دا يجو يغنوه بفرقة وكورس وهيلمانة كبيرة زيو وزى الغنا العديل والمحترم,, غايتو غنيتو دى مع حبة نضافة وشوية تعديل إحتمال ترقص ليها عروس عروسين,, دى مفروض يجيب حمادة بت ودلوكتو و القصة بتبقى طبيعية جدا!!
قلت الولد غناى و إمكانياتو عالية بس لا مين فيهو جماعة خاربنو!!!!!!!!!!!!!!!!! إنّا لله!!!!!!!!!!!!!!
حاول تراجع نفسك وتتحسس تذوقك للفن يا نوبى ياخ,, زولك دا من يومو كيسو فاضى لكن تقول شنو بس!!
قول ليهو أقع الدلوكة عوجة ما بتجيك وبتبقى القصة مفهومة يا حبة,, ودا ما إلتواث دا حاجة كدا قريبة منو لكن بعدو بمراحل,,,
وخليك مع التراكيب والسيرفرات وأنسى لي قصة جلباب الناقد الفنى دى
أها ولدناعملتو ليهو شنو فى الموقع!!!
تحياتى ,,
Post: #34 Title: Re: ليه يا بنات حواء Author: Hala Hassan Date: 01-21-2010, 11:18 AM Parent: #33
Quote: هالة و هواري سلامات ..
نوبى تسلم،،
ياخى عملت طيب الشلت الأوتوماتيك بلاى،،
تعرف أنا أول ما فتحت البوست، قمت أتذكرت طوالى جريت على MUTE و كنت قافلاها من مدة طويلة،،، الله ستر،،،،
بمناسبة طه سليمان و قنبلة،، تعرف، مرة مشيت لعرس ناس زملاؤنا، لقيت ليك العجاج قايم،، المشكلة العرس كان فى صالة مغلقة، يعنى ما فهمت العجاج اصلا جاى من وين!!!
أتلفت شمال يمين، لقيت الناس ديل مندمجين مع الفنان،،
و الفنان طلع منو؟؟؟ (معليش أعذرونى يا جماعة على جهلى، كان لازم يكلمونى بالشخصية العظيمة دى؟؟)،،
المهم، وقفنا أتونسنا و الأهم أتفرجنا،، و أنتظرنا العريس و العروس يفوقوا لينا عشان نبارك،،
جا الفنان نازل، أتلموا ليك فيهو شفع (بنات) المدارس، و هات يا صور،،،
أنا طوالى عرفت إنو ما قاصدنا بأغانيهو دى،،،
فما تزعلوا يا جماعة،،،،
Post: #35 Title: Re: ليه يا بنات حواء Author: ندى عثمان حسن Date: 01-21-2010, 11:44 AM Parent: #34
Post: #36 Title: Re: ليه يا بنات حواء Author: سلمى الشيخ سلامة Date: 01-21-2010, 01:00 PM Parent: #35
فيصل نوبى الحبيب كنت فى السودان قريبات دى لقيت ليك انه طه سليمان دامافى زول قدره ؟؟؟ اغانيه فى العالى ومعجباته من المراهقات طبيعى طبعا لانه بعبر عنهم ! الدايرة اقوله انه لمن يحصل تدنى اجتماعى ، ثقافى ، سياسي ، اقتصادى بحصل الحاصل دا الاشياء دى كلها حلقة متصلة الاذاعات الموجودة تكرس لهذا غياب القائد الفنى لاحظ كيف بات امر الفنان محمد وردى ؟ ما بشرح لانه واضح الاغنية لا تخرج مجانا اضف الى كل ذلك انتشار صحف "الدار مثلا" التى يفوق قراءها اى جريدة تانية تكريس مقنن من جهة السلطة للتغييب لو رجعت لفترة "مابعد قوانين سبتمبر" حتلاقى نفس المشهد دا ! متجلى فى الغناء وظهور "اغانى المزارع الكانت موجودة كرد فعل " الحلقةمتصلة ياحبيب
يا اخوانا انتوا لي مصرين تفهموا الغناء الهابط دا غلط
سلامات يا نوبي ..
الاسبوع الفات كان عندي مناسبه من ليلتين الاولى بي بالاستاذ زيدان ( حنه ) والتانيه بالاستاذ طه ( الليله الكبيره ) حسب الاهميه لاحظ لنغمة الاغاني دي كيف قريبة من بعض وسريعه .. زيد عليها كلام عن واقعنا الجديد ما قصدي الخيانه قصدي يقيل معانا.. وراجل المره .. وقنبله وقعت في امدرمان .. والبنات والجامعات وكمان في غنيه عن الزواج العرفي الناس في الحفله ما دايره تقعد وتتذوق الفن الراقي المقعد ( بشد المقعد ) الناس دايره تقوم تفرغ شحنات وتطلع من طورها .. دايرين ديسكو سوداني يعني
طه وان كنت مغيوظه من شكلو ومن فديو كليباته الا ان حفلته بتكون ربتها مضمونه .. وده المطلوب
Post: #40 Title: Re: ليه يا بنات حواء Author: وجن Date: 01-22-2010, 00:33 AM Parent: #39
دايرين ديسكو سوداني يعني جبتي مربط الفرس يا حبيبة
طلعنا الكبري .. نزلنا بُري أيواااا يا ناس بري وب وووب شكرا على الجدعة الحلوة سلمتي
Post: #42 Title: Re: ليه يا بنات حواء Author: فيصل نوبي Date: 01-24-2010, 09:20 AM Parent: #36
أمي سلمي مشتاقين .. آآآآآآآد كده .. مبروكـ لـ ( عزوز & علي ) حبايبنا فاتتني الربات و الحفلات و الحاجات السمحة و عقبال ما تجرتقي ولاد ولادهم ..
عندي صاحبي ( أحب أن أحجب إسمه ) واحد من شعراء طه .. كان قاعد معانا هنا و قراء معانا الجامعة اها اليومين ديل شايل ورقة و قلم و يرص في الحروف و طه ( يجعر ) أمس القريبة دي كنت بأتكلم معاهو قلت ليو لحاصل شنو شايفكـ منشكح مع طه قال لي والله عندنا تسجيلات حلوة بأرسل ليكـ منهم تسمع اها إنتو موعودين معاي بالتسجيلات دي أول ما تصل ياني الشاكح اضانكم أرجع وأقول ده كلو من الدوكو .. ( أوعكـ تسأليني الدوكو ده شنو ) اها كان عرفنا صاحبي سايقو الدوكو ؛ طه ده قاعد يركب فيل ؟ الجمهور ده برضو يركب فيل عشان ينسجم !
Post: #44 Title: Re: ليه يا بنات حواء Author: فيصل نوبي Date: 01-24-2010, 09:25 AM Parent: #33
يا أيمن سلامات ساخ بالجد أخوكـ مع إنه طه ده لو جاب ليهو كلمات و زول يعمل ليهو لحن بيطلع حاجة ما تخلص ياخ أسمع صوت طه بدون (جعير و كواريكـ) حاول أسمع طه بدون ما تفهم كلماته حاول تجتهد مع الحبال الصوتية الزول كويس لكن كمان ما لاقي زول يوجهو توجيه صحيح تتذكر طه ده لامن كان مع فرقة المدائح ! طه كان حاجة مميزة في الفرقة و بتفرز صوتو من بين المجموعة ليه ! ده مش ياهو السؤال !
Post: #41 Title: Re: ليه يا بنات حواء Author: فيصل نوبي Date: 01-24-2010, 09:15 AM Parent: #32
الملا عمر شخصياً يعلم الله مشتاقين يا معلم (Batam Nafikihalao) تعرف خلاصة هترشتكـ المعتادة الجميلة دي إنه المشكلة في الآذان الهابطة التي تسعي و تسعي لسماع طه مرات بيكون عندي إحساس إنه طه ده زي مشروع زمان بتاع داير أكوركـ تقوم تمشي جنب البحر و تكوركـ بصوت عالي ( وااااااااااااااااااااااااااااااااااااااااااااااااااااي) اها بتكون إرتحت و ماف زول جاب خبركـ بالتالي أنسب مكان للإحتفال بهذه الـ ( واااااااااااااااااااااااااي ) هو حفلة طه سليمان تقوم تجعر و تجعر و بكل تأكيد ماف زول بيكون سامع التاني و تطلع مرتااااااااااااااااااااااااااااااااااااح شوف ليكـ زاوية و أسمع طه بصوت عالي و جرب شعور الارتياح ده لووووووووووووووووووووول
_ يعلم الله سعيد بالطلة ياخ ؛ ما تنقطع مننا تاني بالله ..
Post: #45 Title: Re: ليه يا بنات حواء Author: أيمن الطيب Date: 01-24-2010, 10:31 AM Parent: #41
سلام يا نوبى,,
Quote: يا أيمن سلامات ساخ بالجد أخوكـ مع إنه طه ده لو جاب ليهو كلمات و زول يعمل ليهو لحن بيطلع حاجة ما تخلص ياخ أسمع صوت طه بدون (جعير و كواريكـ) حاول أسمع طه بدون ما تفهم كلماته حاول تجتهد مع الحبال الصوتية الزول كويس لكن كمان ما لاقي زول يوجهو توجيه صحيح تتذكر طه ده لامن كان مع فرقة المدائح ! طه كان حاجة مميزة في الفرقة و بتفرز صوتو من بين المجموعة ليه ! ده مش ياهو السؤال !
أولا كامل إحترامى لذوقك وعذرا للضغط فيمن تحب أن تسمع,, يا نوبى ياخ صاحبك دا لما كان بغنى فى آل البيت لا ما بعرف الصوادح أو ما شابه ذلك كان غلام لم تستقر حبال صوته على شكلها النهائى بعد ولذلك كان من الواجب أن يعتزل بمجرد أن بلغ الحلم!!!
بعدين يا نوبى الفيك عرفتها!!! أفتح تلفونك ياخ عشان أتم ليك الرشة دى life !!!!
تحياتى,,
Post: #46 Title: Re: ليه يا بنات حواء Author: مريم بنت الحسين Date: 01-24-2010, 11:01 AM Parent: #41
انا بالضبط زيك كده يا سمارت.. الاغاني الهابطة (الرابّة) هي الاغاني البتلقيها في الmp4 بتاعي للرياضة... طه سليمان ده أغنية برضها اسمها "شينة منك"... دي شخصيا بفتكرها ظريفة، على الرغم من انه اسمها ماااا ياهو...
الحالة التانية البسمع فيها غنى رابي، هي لما اكون زعلانه... بكون عندي رغبة اسمع اغاني اي كلام.. واعلي الصوت..
