كبير مساعدي الرئيس : انفصال الجنوب تم بالفعل وننتظر اكتماله في 2011

القاهرة: زين العابدين أحمد ..

قال ماني أركو مناوي كبير مساعدي الرئيس السوداني إن انفصال جنوب السودان قد تم بالفعل، وكل ما تبقى هو أننا ننتظر الصبغة القانونية في 2011. وأضاف في تصريح لـ«الشرق الأوسط»: «إذا أردنا أن نتحدث عن هذا الأمر فعلينا أن نتحدث عن المخاطر المتوقعة بعد اكتمال الانفصال، والتي ستكون خطيرة جدا لأن الكثيرين يتوقعون نشوب حرب أهلية في الجنوب، ولكني أخاف أن تحدث في الشمال بشكل أكبر وأخطر، خصوصا أن هناك كثيرا من الاحتقانات، وهناك أيضا قوى نائمة ستستيقظ، وهذا سيشكل خطورة على استقرار السودان».

Quote: في رده على سؤال حول انضمامه إلى المعارضة في المسيرتين السلميتين في مواجهة الحكومة: «نعم، أنا في القصر، ولكن القصر نفسه مهزوز الآن. ستجد مثلا سلفا كير النائب الأول للرئيس، وهو أكبر مني وظيفة، يعاني. ونحن نعاني من عدم الالتزام بتنفيذ كل بنود اتفاقية أبوجا. ولذلك كانت لي دوافعي التي تقوم على أسباب كثيرة، منها نقض العهود من المؤتمر الوطني، وثانيا أنا أرى أن المؤتمر الوطني وبعض الشخصيات فيه كأنهم لديهم غبن من أهالي دارفور، ولا أدري هل هذا الغبن ظهر مع ظهور الحركات المسلحة أم لأسباب أخرى، وكذلك تجربتي كشفت لي أن تعاملهم معي وكأنها معاملة انتقام، وأيضا الإجراءات الانتخابية فيها كثير من الخلل من الإحصاء السكاني وحتى التسجيل لها الذي شهد نوعا من التزوير، وتقدمنا بطعون رسمية».

Quote: وحول ما إذا كان نادما على توقيعه لاتفاق أبوجا بعد رفض بقية الفصائل قال مناوي: «إنني يوم توقيع الاتفاقية تحدثت مع عبد الواحد محمد نور رئيس حركة تحرير السودان (جناح عبد الواحد) والدكتور خليل إبراهيم رئيس (العدل والمساواة)، وقلت لهم نحن الآن ثلاث حركات، فإذا لم نوقع سوف تكون هناك عشرون حركة. وحدث ما توقعته، لأن توقيعنا جميعا كان سيسد الطريق لأي مبررات تسمح بإنشاء حركات جديدة، ولذلك لم أندم على توقيعي على الاتفاقية، ولكني نادم على ثقتي في المؤتمر الوطني وممارساته معي».

المصدر :

الشرق الاوسط

Quote: ولكني نادم على ثقتي في المؤتمر الوطني وممارساته معي».

الجماعة (نقصوا) الكوته ولا شنو ؟؟

Quote: قال ماني أركو مناوي كبير مساعدي الرئيس السوداني إن انفصال جنوب السودان قد تم بالفعل، وكل ما تبقى هو أننا ننتظر الصبغة القانونية في 2011. وأضاف في تصريح لـ«الشرق الأوسط»: «إذا أردنا أن نتحدث عن هذا الأمر فعلينا أن نتحدث عن المخاطر المتوقعة بعد اكتمال الانفصال، والتي ستكون خطيرة جدا لأن الكثيرين يتوقعون نشوب حرب أهلية في الجنوب، ولكني أخاف أن تحدث في الشمال بشكل أكبر وأخطر، خصوصا أن هناك كثيرا من الاحتقانات، وهناك أيضا قوى نائمة ستستيقظ، وهذا سيشكل خطورة على استقرار السودان».

الاخ حيدر الزين

السلام عليكم وبعد

يعني هسي الكلام ده قالوا مناوي؟
والله بقى يعرف يتكلم ... غايتوا الصحفي ده بيكون تم الباقي موية من عنده
يا زول مناوي ده انا غايتو ما سمعته ليهو كلمتين كده عدلات
يجي ويقول كلام كبار كبار زي ده
غايتو يكون بالغ جنس بوليييييييييغ

مودتي

Quote: يعني هسي الكلام ده قالوا مناوي؟ والله بقى يعرف يتكلم ... غايتوا الصحفي ده بيكون تم الباقي موية من عنده يا زول مناوي ده انا غايتو ما سمعته ليهو كلمتين كده عدلات يجي ويقول كلام كبار كبار زي ده غايتو يكون بالغ جنس بوليييييييييغ

سلامات يا الامين .. ولك التحية ..

بتفق معاك حول لغة مناوى

لكن اظنه الآن بيقول في حقائق مثالة حول انفصال الجنوب من ناحية وانه ما باقي غيــر

الشكل القانوني خاصة اذا استصحبت مع الكلام دا تصريح ممثل الحركة الشعبية بواشنطن قبل يومين

مع الاجراءات المتخذاها الحركة للآن بشان الجنوب ..

بالنسبة لكلامه حول الشمال اظنه بيقصد بيهو قضية دارفور في المقام الأول وجبهة الشرق اللي للآن

اتفاقيتها بتعاني معاناة اتفاقيــة ابوجا ..

لك التقدير

Quote: الجماعة (نقصوا) الكوته ولا شنو ؟؟

كوتة شنو يا عمران تاني المناوي بيأخدها كاملة ..

البلد دخلت فيها تماسيح معارضة تبلع حق مناوى وحق ناس الشرق

بل وتبلع نصيب اعضاء البرلمان من الشيوعيين نفسهم ..

ديل تماسيح ديمقراطيــة متمرسين ..

غايتو نقول الله يعيد الثقة والاطمئنان لقلب مناوي تجاه المؤتمر الوطني

أخى الزين حيدر الزين

لك التحية

Quote: ولذلك لم أندم على توقيعي على الاتفاقية، ولكني نادم على ثقتي في المؤتمر الوطني وممارساته معي».

حاجة عجيبة ... !!!

يعنى سعادته كا يثق فى المؤتمر اللاوطنى هذا ... ؟؟؟ !!!

عزيزنا الطيب رحمــة
.. تحية وتقدير

Quote: حاجة عجيبة ... !!! يعنى سعادته كا يثق فى المؤتمر اللاوطنى هذا ... ؟؟؟ !!!

شخصيــاً لا استغرب يا الطيــب لأنه اغلب التنظيمات والشخصية السياسية تثق في المؤتمر الوطني

ثقة في محلها - أي ثقة في جيبها وكوتاتها - لذلك كما قال عمران الندم الوحيــد بيكون

في حالة نقص الكوتة ..

وزي ما عارف كثرة العرض بتقلل السعر ..

الغرب من كدة زي ما قلنا انه مناوي كان اكثر حدة من عبد الواحد نور واكثر تطرفاً منه تجاه المؤتمر الوطني لكن رغم ذلك هو من شق صف الحركات الدارفورية وذهب موقعاً لاتفاق ابوجا ومشي عبد الواحد
يشوف المصالح الافيـد ممكن تتحقق وين ..

حيدر الزين ..

كل سنة وانت طيب

Quote: «إذا أردنا أن نتحدث عن هذا الأمر فعلينا أن نتحدث عن المخاطر المتوقعة بعد اكتمال الانفصال، والتي ستكون خطيرة جدا لأن الكثيرين يتوقعون نشوب حرب أهلية في الجنوب، ولكني أخاف أن تحدث في الشمال بشكل أكبر وأخطر، خصوصا أن هناك كثيرا من الاحتقانات، وهناك أيضا قوى نائمة ستستيقظ، وهذا سيشكل خطورة على استقرار السودان».

فى نكته حكاها المساعد الكبير هذا فى ندوة الغربى جامعة الخرطوم

لقوى أحزاب مؤتمر جوبا حسب ما فهمته من النكته بأن القوى السياسية

كانت تعتبر المؤتمر الوطنى أسداَ إلا أنه أسد فى شكل بعشوم وفقاَ لروايته

ولكن يبدو أن الحقيقة ليست كذلك حسب هذا التصريح ..!!!



كل الود
محمد كابيلا

سلامات يا كابيلا وكل عام وانت بخيــر ..

Quote: فى نكته حكاها المساعد الكبير هذا فى ندوة الغربى جامعة الخرطوم لقوى أحزاب مؤتمر جوبا حسب ما فهمته من النكته بأن القوى السياسية كانت تعتبر المؤتمر الوطنى أسداَ إلا أنه أسد فى شكل بعشوم وفقاَ لروايته

والله يا كابيلا انا هسسسع نكتتو دي ما فهمتها ..

يعني عاوز يذم المؤتمر الوطني والا يمدحو بالنكتة

الشئ الفهمتو من النكتة الآن يا القوي السياسية بتشكر المؤتمر الوطني
يا هو بيعيب عليها انها ما شكرتو

غايتو زي ما قال الامين فهم كلام الزول دا مرات فيهو صعوبة شوية

لك المودة

حيدر
الحردة بتاعة مناوي تفهم إذا قُرِأت مع المؤشرات بقرب توقيع اتفاق سلام دارفور
لي عودة
تحياتي

سلامات يا الشفيع

Quote: الحردة بتاعة مناوي تفهم إذا قُرِأت مع المؤشرات بقرب توقيع اتفاق سلام دارفور

طمنو نفسكم بس .. الكلام دا بنسمع فيهو لينا تلاتة سنين مع كل عصرة يتعصرها المؤتمر الوطني
يقولوا توقيع اتفاق سلام .. وفي النهاية الحكاية تطلع بيع وشراء مع احدي الفصائل والعكة مدورة ..


اهو منتظر عودتك لقراية تانية

تحياتي