كـورتي فـكت.... وهـذه هي اسـبابي.

Post: #1
Title: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 10:39 AM
Parent: #0

هـذا قولي الذي لم استطيع فيه مغالطة نفسي ولي من الاسباب
ما يكفى على هـذا الادعاء

اولها

مداخلاتي في معظم البوستات بتنضرب طناش زي السلام عليكم
وهذا لعمري امر جلل بالنسبة لي لو تعلمون.

ثانيهما

اغيب ما اغيب زووووووول بسأل عني مافي

ثالثهما
افتح لي بوست يجيؤني (التخريبيون) من كل حدب وصوب ويشتتو كورتي
حتى اقنط من البوست فيتهاوى

رابعهما
اصلو ما ممكن يكون موضوعي في حوش بكري دا خيط موسمي يختص بمساعدة
الناس اسميه ( اللوتري .......... مرحبا بالجميع) وغير دا اقعد ليكم
ملوص لا الوي علي شي يمكن ان يجلب المصلحة للناس غيره

خامسهما
جاني احباط مزمن وانا احاول جهد ( كيبوردي) ان انشئ علاقات خاصة مع بعض
( تماسيح) المنبر ولكني في كل مرة ارى هوة ما تستحيل علي وتعوق طريق
تواصلي معهم.

سادسهما
ما بعرف الوجوه الضاحكة بعملوها كيف....يعني بالواضح كدا تعبت من قصة
لوووووووووووووووووول وهههههههههههههههه لانو من الواضح انها ما جايبه
حقها معاي وبمعنى اصح مداخلاتي قاعد اشعر بيها مخستكة جدا دون تلك الوجوه
الضاحكة

سابعهما
الناس قاعدين يتفردوا هنا والباقي بتموهو ماسنجر وفيس بوك وبال توك وشنو ما عارف
( طوالي بشوف الواحد يقول للتاني نتلاقى بهناك) بهناك دي لي هسي انا مجهجها باكاتي
ولكني اظنها من موطدات العلاقات. مرة كدا قلت لي زول-سااااي كدا- الاقيك بهناك
لوووووووووووول نظام الواد سنير ومقددا.يكون لي هسي بفتش فيني.

ثامنهما
اني افتح لي بوست مخستك زي دا.

فافيدوني يا قوم هل اسبابي كافية لتثبيت زعم ان ( كورتي فكت) صحيح ام انه وسواس
اسفيري الم بي؟؟؟؟؟؟؟

Post: #2
Title: Re: كـورتي فـكت.... وهـذه هي اسـبابي.
Author: المسافر
Date: 12-21-2009, 10:50 AM
Parent: #1

Quote:

وغير دا اقعد ليكم
ملوص لا الوي علي شي

ملوص ولا أمفكو

تسلم ...
ولا تشيل هم...

أفرد جناحك... أسعد صباحك...

Post: #3
Title: Re: كـورتي فـكت.... وهـذه هي اسـبابي.
Author: humida
Date: 12-21-2009, 10:52 AM
Parent: #2

و علي مشاهدينا في الاقاليم مراعاة فروق التوقيت .. !!

Post: #4
Title: Re: كـورتي فـكت.... وهـذه هي اسـبابي.
Author: HAIDER ALZAIN
Date: 12-21-2009, 10:57 AM
Parent: #3

عليـــك بالقدودو ومديدة البلح .. بترفع اللياقة الف ..

ولا يخفي على حضرتكم ما للياقة من تاثيـــر كبير في الكورة ..

الوش التحت دا هديــة ساى

Post: #7
Title: Re: كـورتي فـكت.... وهـذه هي اسـبابي.
Author: omer osman
Date: 12-21-2009, 11:10 AM
Parent: #4

Quote: ليـــك بالقدودو ومديدة البلح .. بترفع اللياقة الف ..

تعرف ياحيدر ذكرتني قصة حقيقية بطلها احد باكات المريخ في زمن مضي .............

كان عندو قريبو شغال معانا في المباحث قلت ليهو اهااا قريبك ده بنستر يوم كورة الاهلي المصري ؟

قال لي يازول قريبي عامل برنامج خاص لمباراة الاهلي وقال نقطة موية مابخليها تمر ..........

طبعا اتخيلت انو بقوم الصباح يجري جنب البحر ............... الخ

قال لي قريبي برنامجو (مديدة حلبة + طحنية) 5 مرات في اليوم ........................

الغريبة !!! المريخ مشي مصر وهناك اخد 5 زي الماحصل حاجة .................

تحياتي لصاحب البوست ........... بوست جميل والله

Post: #11
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 11:27 AM
Parent: #7

Quote: المريخ مشي مصر وهناك اخد 5 زي الماحصل حاجة .................

تقول لي برضو قدو قدو يا حيدر.... دا تضليل منك سااااي

Quote: تحياتي لصاحب البوست

تحيات ساي ما بتنفع يا جنابو.... انتظر منك وعدا قاطعا بانك تتداخل معاي
في بوستاتي القادمة.... ان شاء الله تجي تسلم ساااي وتتخارج.... انت زول
مشهور ولازم نتصاحب.. بصراحة كدا لااااااااااااازم نتصاحب.

Post: #9
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 11:20 AM
Parent: #4

Quote: عليـــك بالقدودو ومديدة البلح .. بترفع اللياقة الف ..

ولا يخفي على حضرتكم ما للياقة من تاثيـــر كبير في الكورة ..

كلو عملناه يا حيدر .... تمارين ساااااااي بقينا ما نافعين فيها
التمارين طبعا هي المداخلات والمبارايات الدولية دي لما افتح لي بوست
اخوك ياخد اربعة صفر زي الترتيت ( التقول رشارشة)

اما فيما يخص ( اللياقة) طننتها اول ما قراتها بانها ( اللياقة) من
اللواقة و هكذا ههههههههههههههه . قلت معقول بعد العمر الاسفيري دا
كلو ابقى لايوق!!! حيدر دا جن وللا شنو

_____________________________________________________________
Quote: الوش التحت دا هديــة ساى

حقارة بس

Post: #6
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 11:09 AM
Parent: #3

Quote: و علي مشاهدينا في الاقاليم مراعاة فروق التوقيت .. !!

يا فيصل نوبي تعال فك لي اخوك الشفرة دي

__________________________________________________

ليت حميدة يعلم بان جهلنا بفك مثل هذه الشفرات قد اضاع علينا الكثير المثير

Post: #5
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 11:05 AM
Parent: #2

المسافر ازيك
تعرف من قبيييييييل كنت داير ارد علي مداختك دي لكن اذكر مرة
قرأت في احدى تكتيكات تمبس- قدس الله سره- الاسفيرية بانو لو كتبت
بوست وجا زول اتداخل ليك فيهو ما ترد طوالي هههههههههه نظام تقلة
كدا ونظام البوست بتاعك عندو زباين وكدا... لكن بيني وبينك ريحتني
خالس خالس هههههههه.

Quote: ولا تشيل هم...

كيف ما اشيل هم ياخ ... المنبر بقى يا تشيل هم يا تشيل حواجبك
التانية دي ما بقدر عليها لووووووووووووووول ( الى حين تعلم الوجوه الضاحكة)

سلمت يا مسافر

Post: #8
Title: Re: كـورتي فـكت.... وهـذه هي اسـبابي.
Author: اساسي
Date: 12-21-2009, 11:14 AM
Parent: #5

Quote: كـورتي فـكت

يازول ما تبهت الاسباب ساكت , انت من جيت داخل كورتك فاكة وبتجليها ثابتة وفي احسن حالاتك بتشوتها مصرجة

ما هو عشان تنقطها وتحاور الناس في نص متر لازم تخلق ليك عداوات اسفيرية وتتكلم في السياسة وتنداح وتنظر بي فهم او عدمه اللهم تقول اي حاجة , واي حاجة في السياسة قابلة لانه تخلق حولها جمهور , ومن ناحية تانية لازم تكون بتشجع ليك فريق كورة ان شاء الله كورته فاكة زيك كدا وبعد تعمل الحاجتين ديل تعال اكتب اي مداخلة في اي بوست لو ما التلاتة صفحات كانت رد علي مداخلتك تكون كورتي زي كورتك

Post: #10
Title: Re: كـورتي فـكت.... وهـذه هي اسـبابي.
Author: Faisal Elrasheed
Date: 12-21-2009, 11:23 AM
Parent: #8

Quote:
ما هو عشان تنقطها وتحاور الناس في نص متر لازم تخلق ليك عداوات اسفيرية وتتكلم في السياسة وتنداح وتنظر بي فهم او عدمه اللهم تقول اي حاجة , واي حاجة في السياسة قابلة لانه تخلق حولها جمهور , ومن ناحية تانية لازم تكون بتشجع ليك فريق كورة ان شاء الله كورته فاكة زيك كدا وبعد تعمل الحاجتين ديل تعال اكتب اي مداخلة في اي بوست لو ما التلاتة صفحات كانت رد علي مداخلتك تكون كورتي زي كورتك

اساسي
عليك الله زح شويه خليني اتدردق في الواطه دي بي مزاج

Post: #12
Title: Re: كـورتي فـكت.... وهـذه هي اسـبابي.
Author: اساسي
Date: 12-21-2009, 11:35 AM

اخد راحتك يا فيصل اصلا البوست كورته فاكة

شايف يا الخير نتائج التكتيك , اسع فيصل دا فتح ليك ورد علي مع انه انت سيد (الكورة)

Post: #15
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 11:51 AM
Parent: #12

Quote: شايف يا الخير نتائج التكتيك , اسع فيصل دا فتح ليك ورد علي مع انه انت سيد (الكورة)

ولا سلم علي كمان.... فيصل بالله سيب الحقارة دي وما تباري لي
الديناصور دا...كورتو قربت تفك زيي.

اساسي.... ياخي ممكن تعلمني ( رقم سبعة) بعملوها كيف
انا جادي ياخ....دا شنو المخلوق الماجدي دا...حميدة
ببقى ليك شنو

______________________________
هظار اسفيري ..لووووووووووول

Post: #13
Title: Re: كـورتي فـكت.... وهـذه هي اسـبابي.
Author: ايوب عبدالرحيم
Date: 12-21-2009, 11:41 AM

Quote: فافيدوني يا قوم هل اسبابي كافية لتثبيت زعم ان ( كورتي فكت) صحيح ام انه وسواس
اسفيري الم بي؟؟؟؟؟؟؟

الخير محمد عوض

والله بالجد كورتك فكت

اسمع انت المصحيك شنو حتى الان ؟؟؟؟

شكلها ياحبيب اثار السهر والهيام ؟؟؟؟؟؟

جر البطانية كويس

وعلى قول الشاعر :

لو كثرت عليك الهموم
اجري اتدمدم ونوم

تحياتي ياغالي

Post: #26
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 08:27 PM
Parent: #13

Quote: اسمع انت المصحيك شنو حتى الان ؟؟؟؟

الألم يا رفيق .... الألم

Post: #14
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 11:42 AM
Parent: #8

Quote: يازول ما تبهت الاسباب ساكت , انت من جيت داخل كورتك فاكة وبتجليها ثابتة وفي احسن حالاتك بتشوتها مصرجة

اساسي ياخ انا في ازمة حقيقية تجي تدمرني كدا...
ياخي فك ليك ريق حلو وللا كمان ما تقعدو تفطسوا
في عباد الله المساكين فطيس بالطريقة دي... بعدين
فتوتك الاسفيرية دي والله ما نافعة لاني قريباااااات
دي اتشاكلت ليكم هنا- لو متابع- شكلة اسفيرية ليها
ضل وحاتك ما جابت حقها هههههههههههههههههه

_____________________________________
اساسي.... يا لك من محبط

Post: #16
Title: Re: كـورتي فـكت.... وهـذه هي اسـبابي.
Author: صلاح أبودية
Date: 12-21-2009, 12:02 PM
Parent: #14

الخير !
تحياتى ، والله بوست ظريف !
لكن أقول ليك حاجة ..
إنت مسجل من 2005 يعنى تميت أكتر من ثلاثة سنة ..
ممكن برّاحة تفسخ العقد بتاعك وتمشى لى جمال الوالى !
صدقنى بريّحك !!!

Post: #27
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 08:33 PM
Parent: #16

Quote: والله بوست ظريف !

يا صلاح يا زول ما محبط احبك جدا جدا لان بعباراتكم
اللطيفة عاليه تبثون في اخاكم روح الامل مرة ثانية
بعد ان كاد يندثر.....جمال الوالي دا كان سجل لينا
المعز وفكانا من اكرم دا يكون ما قصر تب.

Quote: صدقنى بريّحك !!!

الشر غادي وبعيد

Post: #17
Title: Re: كـورتي فـكت.... وهـذه هي اسـبابي.
Author: Faisal Elrasheed
Date: 12-21-2009, 12:05 PM
Parent: #14

Quote: ولا سلم علي كمان.... فيصل بالله سيب الحقارة دي وما تباري لي
الديناصور دا...كورتو قربت تفك زيي.

الخير لعلك بخير
معليش انا جيت بالشباك

تعرف يالخير اخوي قصة الكيمان دي كتااار الاتضرروا منها وانا اولهم لكن طبعا ما اشتغلت بالقصه دي ولا شكيت لانه قالو الشكيه لغير الله مذله

ذات يوم كان في واحد اخونا بكتب في البورد ده حتي ظن انه من الخالدين
تصور الزول ده عمل ليه بوست في شكل نصايح للبرالمه وكان عامل فيها السنير الذي لا يشق له غبار
اييييه دنيا
المهم زولك ده كان فتشته الاراشيف والجخانين بتلقي كلامه ده
المشكله وصايها انقلبت عليه
وصار الان من المتفرجين
اخر الاخبار سمعنا مؤجر ليه اوضه وبرنده في الفيس بوك وعليه مقدم شهرين ما سددوا..اللهم لا شماته

عشان كده انا ضد خارطة الطريق الماشين بيها معظم الباحثين عن الشهرة لاني مرة كده بي صراحه حاولته اعمل لي حركه في شكل ورده فاذا بي استلم الرسالة المعهودة (ستاي اوي فروم فلان )
طبعا دي كان جاتك معناها تبل راسك واول ملف تكتله وتعمل رايح ..وتحت تحت تكتب اعتذاراتك وتقول التوبه لي حبوبه

بخبرتي المتواضعه اتوقع نجاح البوست ده لدرجه الهلاك لكن بشروط زي حقت اساسي الفوق دي
- ممكن تدي تراجي جوز هنا في الواطه دي تقوم تراجي تجي ولمن تراجي تجي بجي وراها مين ؟ اكيد عارف
بجي سطوفي والطباخ ووراهم اكيد بجوك الجنرالات يتصدو ليهم وعوك كرروك والعوه تقوم واحتمال انت تطلع بره تلقي قميصك وسفنجاتك جوه راحو منك

يا اخوي ودعتك الله

Post: #18
Title: Re: كـورتي فـكت.... وهـذه هي اسـبابي.
Author: عبداللطيف محجوب
Date: 12-21-2009, 12:24 PM
Parent: #17

والله يا الخير يا أخوي .. يا بخت من نفّع وإستنفع .. أرد ليك على بوستاتك وترد لي على بوستاتي .. رأيك شنو يا ود أخوي ..

__________
وحسي من دربي ده على بوست اللوتري جري ..

Post: #19
Title: Re: كـورتي فـكت.... وهـذه هي اسـبابي.
Author: awad okasha
Date: 12-21-2009, 03:36 PM
Parent: #18

Quote: جاني احباط مزمن وانا احاول جهد ( كيبوردي) ان انشئ علاقات خاصة مع بعض
( تماسيح) المنبر
حكمتو بااااالغة ...

Post: #31
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 08:56 PM
Parent: #19

Quote: حكمتو بااااالغة ...

بلغت متين هههههههههههه

عوض عكاشة انا زول بعرفو من زماااااااااااااان

جنو يكف البنطلون بتاعو ههههههههههههههههه

اوعك تنكر

تحياتي يا حبيب

Post: #20
Title: Re: كـورتي فـكت.... وهـذه هي اسـبابي.
Author: ناذر محمد الخليفة
Date: 12-21-2009, 03:40 PM
Parent: #18

والله يا الخير حالتك تحنن ..!!

لكن اعمل حسابك لانو بوست اللوتري الموسمي ظاااتو قالوا السنة الفاتت دي كانت أخر شغلة للوتري ..!

غايتو لو ما صلحت علاقاتك بعد دا إلا تشتغل بوست سنوي في موسم الحج بس

Post: #32
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 09:06 PM
Parent: #20

Quote: غايتو لو ما صلحت علاقاتك بعد دا إلا تشتغل بوست سنوي في موسم الحج بس

تعرف يا ناذر اخوك طبعا مهمش من زماااااان. لما جيت الخرطوم المرة الفاتت كان لي عشرة
سنين منها. وطبعا اخوووك شايف لما يجي بوردابي هناك الناس بتحتفل بيهو وان فاقت شهرته
الافاق بقابلوهو عديييييل في المطار وبشيلو ليهو بانرات بتاعت استقبال. اها اخوك لما
جا السودان كاااااااانك يا الخير ما جيت وكان ما عرس اخوك داك كان زول بجيب خبري مافي
( عرس اخوك انا كنت قاشر بيهو فترة من الزمن هنا) لووووووول. اكثر حاجة زعلتني فيهو
اني ما لاقيت حسين هههههههه الذي كنت اتوقع حضوره الشي التاني لاقيت فيهو وهبة لكن اظنو
ما اتسلامنا ( الوكت داك وهبة ما كان مشهور كدا) ...
هسي الواحد ندم علي قصة الفرصة الضاعت منو دي.

سلمت يا صديقي

Post: #21
Title: Re: كـورتي فـكت.... وهـذه هي اسـبابي.
Author: Ahmed Alim
Date: 12-21-2009, 04:00 PM
Parent: #18

Quote: خامسهما
جاني احباط مزمن وانا احاول جهد ( كيبوردي) انشئ علاقات خاصة مع بعض
( تماسيح) المنبر ولكني في كل مرة ارى هوة ما تستحيل علي وتعوق طريق
تواصلي معهم.

أبو الخيرات
انت باين عليك داخل البورد على طمع!!

المهم يا حبيبنا، أحسن حاجة تعمله تدخل كلمة لوتري في اي بوست مستقبلي عشان الناس
تجيك جارية جري ،، وعشان مساهمتي هنا ما تكون كلام وهم ساكت ممكن اديك نموذج للفكرة
يعني مثلاً العنوان الصحيح لبوستك دا مفروض يكون مكتوب كدا:

كـــورتي فــكت... وهــذه أســبابـي (يـوجد لــوتري)

وأكان داير إثارة أكتر ممكن تعدل العنوان ويكون كالآتي:

يـا بـكري أبـوبكر هـنا إسـتقالتي مـن مـنبرك... وهــذه أســبابـي (يـوجد لــوتري للـجادين فــقط)!!!

.

Post: #22
Title: Re: كـورتي فـكت.... وهـذه هي اسـبابي.
Author: Faisal Elrasheed
Date: 12-21-2009, 04:17 PM
Parent: #21

Quote: يـا بـكري أبـوبكر هـنا إسـتقالتي مـن مـنبرك... وهــذه أســبابـي (يـوجد لــوتري للـجادين فــقط)!!!

وتكون ضربته طيرتين بي حصحاصه واحده
وممكن بعد بكري يشيل منك شنطة العدة تعمل ليك كشك جنب الاوقاف وتعمل اللوتري بي عشرة جنيه
وبي كده تكون اتخارجته من الورطه وبقيت مستثمر
وممكن يجو الفرد يعملو ليك بوست زي بتاع التكينه داك يسموهو
ابو الخيرات يتحول من بوردابي الي لوترابي عصامي يوجد تقديم وصور وعضه
وتكون فردة البورداب في الحل والترحال وممكن اي واحد داير فلوسكاب يجي غاشيك والعاوز ورق طباعه يجيك والعاوز قلم بك برضو شنو
يمشي الدكان الجنبهم ويجليك واحتمال تشتكيه وما يشتغلو بيك

التعديل مزاج مني ساكت

Post: #23
Title: Re: كـورتي فـكت.... وهـذه هي اسـبابي.
Author: ياسر بيناوي
Date: 12-21-2009, 04:26 PM
Parent: #22

الخير اخوي سلامات يامان

يازول انت نجض لي ميضوع اللوتري وليك علي اخلي بوستاتك اخطر من بوستات كي كي ذاتو

( وجه انتهازي )

خالص الود

Post: #24
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 07:35 PM
Parent: #23

يا كافي البلا ولا ( رقيقة) واحدة تجي تطيب خاطري هنا مافي

بعدين باقي العزابة الجو هنا ديل الواحد ما ينوم يعني ولا

شنو كرهتونا النوم زاتو ياخ الواحد مع اول نومة يجي يلقي ليك

كمية من العالمين داخلة البوست بتاعو... اسمعوني هوي هنا...

انا هسي ما فاضي ليكم لما افضى كاااااااان اتمكنت حا حا ارد

ليكم ( رد جماعي ) واحتمال افط احمد عالم دا عن قصد, زول بيض

وساكي بوستاتي من زمان حتى كدت اشعر انه ظلي يعني بالواضح كدا

داير يصاحبني غصبا عن كي بورديني مرات مرات بجاملو لكن المرة دي

الله اعلم.....

اقول قولي هذا وامشي اتم باقي نومتي واجي

______________________________________________

يا احمد عالم الله يرضى عليك علمني الوشوش الضاحكة دي بعملوها كيف
وبعد داك اخلي سبيل حناني زاتو .......ممكن؟

Post: #25
Title: Re: كـورتي فـكت.... وهـذه هي اسـبابي.
Author: haroon diyab
Date: 12-21-2009, 07:59 PM
Parent: #24

الخير وش الخير

مساء الخير

عاوز انزل ليك اغنية هنا

استناني شوية او انت اختار

بالنسبة للوجوه .....امسك عندكـ

تمشي للوش ده مثلا او

ده مثلا برضو.... تلقي دورانية جنبه

تقوووووووووووم تظلل الدورانية وتجي ياعمك

بي يمين الماوس ( اكرر يمين الماوس ) تعمل

كلك اها تختار اخر حاجة بالعربي ( خصائص )

بالعنقليزي امش اسأل عمي ( قوقول )

تلقي رابط تقوم تنسخه تجي للمداخلة تضغط علي

اضف صورة وتلصق الرابط ...اها بي كده الوش يجيك

نازل نزول الزينين.....!!!!!

قصرنا........؟

انتظر الاغنية

Post: #28
Title: Re: كـورتي فـكت.... وهـذه هي اسـبابي.
Author: Tragie Mustafa
Date: 12-21-2009, 08:44 PM
Parent: #25

الخير يا مستهبل
يا اخي انت اهم زول في البورد ده
وحياتك ما بغش عليك.

اها وشهرتك طبقت الافاق

قبال كم يوم في مبنر آخر لقيت سيرتك قاجه
وواحد بقول للناس امشوا فتشوا بوستات واحد اسمه الخير
بمبنر بكري بفيدكم في اللوتري!!(ههههههه)

اها دي وحياتك لو اترشحت بيها في السودان كله يفوزوك تقول لي شنو؟؟؟

يا الخير انت زول طيب
وبعدين ايام عملته لينا مشغول وقراي
وقعدنا نتظر فيك تتم القرايه.
يتجينا شاكي معقوله بس؟؟!!

يا اخي انت شخبط اي حاجه ونحن بنجيك
احنا وين لاقينك يا اخي؟؟!!

اها شوف جنس الحاقدين ديل؟؟

Quote: - ممكن تدي تراجي جوز هنا في الواطه دي تقوم تراجي

تجي ولمن تراجي تجي بجي وراها مين ؟ اكيد عارف

بجي سطوفي والطباخ ووراهم اكيد بجوك الجنرالات يتصدو ليهم

وعوك كرروك والعوه تقوم واحتمال انت تطلع بره تلقي قميصك

وسفنجاتك جوه راحو منك يا اخوي ودعتك الله
جنس حساده!!

يعني محبة الناس الملح دي برضو عايزين تحسدونا فيها(وجه غامز لفيصل الرشيد)

Post: #51
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 10:01 AM
Parent: #28

Quote: اها وشهرتك طبقت الافاق

الله يطيب بخاطرك زي ما طيبتي بخاطر اخوك انتي يا ام حازم لا تفوتي لا تموتي
لكن يا خية شهرة شنو وافاق شنو ياخ انتي ما قريتي كلام المغرض اساسي الفوق دا
مش اساسي براهو, مرة كدا في عضو هنا جا داخل لي لي في بوست من بوستاتي لا سلم
لا رد علي لا اتكلم ... قال شنو
Quote: طبعاً دي أوّل مرّة أعرِف إنو في زول معانا هِنا إسمو الخير
جذبني العُنوان ففتحت دون أن أنتبِه لاسم كاتب الموضوع
و قرأت ما بداخِله و وجّهت مُؤشِّر الماوس نحو أيقونة الإغلاق لأتعدّاه إلى غيره

ثم اردف
Quote: أوّل ما تبادر إلى ذهني الخير دة مِنو ؟
واللهِ قايلو مُرشّح رئاسي تاني زي الدكتور المعلِّقين ليهو بوست في المنبر فوق داك
د. عبد الله
بحثت في أعلى البوست عن مُداخلة قد أكون تخطّيتها ولم تمُرّ عليها عيناي
فما وجدت
إنتبهت فجأة إلى أن كاتب البوست إسمه الخير

القال الكلام دا يا تراجي عضو هنا معانا في حوش بكري دا. تقولي لي

Quote: قبال كم يوم في مبنر آخر لقيت سيرتك قاجه
وواحد بقول للناس امشوا فتشوا بوستات واحد اسمه الخير
بمبنر بكري بفيدكم في اللوتري!!(ههههههه)

اييييييييييييييييه دنيا

Post: #34
Title: Re: كـورتي فـكت.... وهـذه هي اسـبابي.
Author: Abdalla aidros
Date: 12-21-2009, 09:24 PM
Parent: #25

الخير كيفنك

http://www.sudaneseonline.com/db/attention/010_Smile.g

متاسفين بس قلنا نجرب دروس هارون دياب

غايتو لو فطيت مشاركتي دي بعمي بوست واسميهو

الخير كورتو فكت جد جد واللوتري تم الغاءه

http://www.sudaneseonline.com/db/attention/010_Smile.g

Post: #40
Title: Re: كـورتي فـكت.... وهـذه هي اسـبابي.
Author: haroon diyab
Date: 12-22-2009, 06:26 AM
Parent: #34

عبد الله عيدروس

سلامات

والله ياعمك انت عسته جنس عواسة

ياخي وشك الداير تنزلو ده جبتو من وين....؟

هاك ليهو

Post: #49
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 09:40 AM
Parent: #40

Quote: عبد الله عيدروس

سلامات

والله ياعمك انت عسته جنس عواسة

ياخي وشك الداير تنزلو ده جبتو من وين....؟

الشت الشت يا بيه.... يا هارون عواسة عبد الله دي طمنتني علي نفسي
عبد الله داير يجيب ليهو وش ضاحك جاب وش ملاح ... اييييييييه دنيا

Post: #50
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 09:44 AM
Parent: #23

ابو اليسر سلامات يا ياسر

Quote: يازول انت نجض لي ميضوع اللوتري وليك علي اخلي بوستاتك اخطر من بوستات كي كي ذاتو

حلتك يا عمك نص استوا دلوقت.... شد السبحة وعوجات نهيييي

تسلم يا حبيبنا علي المرور

Post: #29
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 08:45 PM
Parent: #22

Quote: تكون ضربته طيرتين بي حصحاصه واحده
وممكن بعد بكري يشيل منك شنطة العدة تعمل ليك كشك جنب الاوقاف وتعمل اللوتري بي عشرة جنيه
وبي كده تكون اتخارجته من الورطه وبقيت مستثمر
وممكن يجو الفرد يعملو ليك بوست زي بتاع التكينه داك يسموهو
ابو الخيرات يتحول من بوردابي الي لوترابي عصامي يوجد تقديم وصور وعضه

فيصل.... من الاخر كدا رايك شنو نبدأ في موضوع صداقة وكدا
وعاجباني الصدااااااقة الصداقة البين فيصل والخير
او
فيصل اكتب لي وانا اكتب ليك بالهم البي والحظ الفيك
ومرات مرات كدا كان اتلاقينا في بوستات تقوم تقول لي ( اسمع يا عمك... نتم الباقي بهناك)
ان شاء الله يكون مافي حاجة نتمها زاتو. لكن صدقني الحركة دي كويسة- حركة في شكل مقلب- وبترفع
الكريدت الجماهيري وهكذا.

Post: #35
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 01:18 AM
Parent: #21

احمد عالم كنت داير ادق ليك واحد ختم اسمه
التجاهل
التجاهل
التجاهل

سااااااي كدا بس.... واحتمال تكون عندي اجندة خفية تكمن في فضحك
لسري الذي ائتمنك عليه مع المدعو حسين نوباتيا الرجل المسكين الذي
كلما تخيلت الصورة التي يكون عليها الان ( الضحك يشرطني) عموما يا
احمد عالم نرجع لموضوعنا وسيبك من حسين الـ ...... دا. ونرجع لموضوعنا
انت زول خاين ولا يعول عليك كثيرا... تخلي اخوك يشيل قدحو ويتحاوم
في بوستات الديناسورات يستجديهم ( وش ضاحك وللا صاري حتى) وانت اعلمهم
بذلك ورغم ذلك لم تتجود به لاخيك .... خسئت يا ابت ابي شلهمة لوووووووووووووووووووول
بالمناسبة دي اخر لوووووووووووول لي ادقها هنا من هنا وجاي

بس

انتظرونا فلدينا من المفاجاءات ما يؤهلنا الان لخوض مباريات دولية

Post: #30
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 08:51 PM
Parent: #18

عبد اللطيف كيفك يا حبوب

Quote: والله يا الخير يا أخوي .. يا بخت من نفّع وإستنفع .. أرد ليك على بوستاتك وترد لي على بوستاتي .. رأيك شنو يا ود أخوي ..

الكلام دا تقولو لي زول ما عندو ( هديدة) اخوك دلوقت يمشي على ابواب الشهرة
بخطى واثقة وثابتة....

كم عزائي فيك كبير يا بوست
اما موضوع

Quote: وحسي من دربي ده على بوست اللوتري جري ..

بوست اللوتري دا يا حبوب ترفعو عافيتو ... انا نفضت ايدي منو بدددددري
لوووووووووووووووووووول .... بعد شهر حداشر بكون اخير منو بوستات مصطفي محمود

Post: #33
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-21-2009, 09:11 PM
Parent: #30

بكري بالله بعد البوست دا ما ينتهي لازم تعمل لي مكتبة

Post: #36
Title: Re: كـورتي فـكت.... وهـذه هي اسـبابي.
Author: mohamed osman bakry
Date: 12-22-2009, 01:47 AM
Parent: #33

Post: #37
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 06:16 AM
Parent: #36

يا محمد عثمان بكري يا وهم

لما تجي تتجنصص علينا اتجنصص صاح مش تخت لي وش ضارباه كهربا زي
وشك دا.... يا تخت واحد زي دا

يا تنصرف لعمل فيه خير لك وللعباد

قر قر قر قر قر قر قر قر قر ( حقوق القر قر قر محفوظة لنجاة )

________________________________________

حا اتصل عليك عشان نناقش الموضوع الجادي دا

Post: #38
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 06:23 AM
Parent: #37

واحـد ينـزل لينا ( يمة الخير بريدوا)

لانو بصراحة كدا الحـالة سأأأأأأبة

Post: #39
Title: Re: كـورتي فـكت.... وهـذه هي اسـبابي.
Author: Balla Musa
Date: 12-22-2009, 06:25 AM
Parent: #37

ازيك يا الخير
عليك بالكوارع بتربط الكورة..

إقتراحى ليك تبدا لينا الموسم الجديد (بعتيقيات) البالتوك.

Post: #41
Title: Re: كـورتي فـكت.... وهـذه هي اسـبابي.
Author: omer osman
Date: 12-22-2009, 06:33 AM
Parent: #39

Quote: تحيات ساي ما بتنفع يا جنابو.... انتظر منك وعدا قاطعا بانك تتداخل معاي
في بوستاتي القادمة.... ان شاء الله تجي تسلم ساااي وتتخارج.... انت زول
مشهور ولازم نتصاحب.. بصراحة كدا لااااااااااااازم نتصاحب.

ياالخير ياخي ده حسن ظن مبالغ فيهو ........... مشهور شنو انت قايلني وهبة

Post: #42
Title: Re: كـورتي فـكت.... وهـذه هي اسـبابي.
Author: ايوب عبدالرحيم
Date: 12-22-2009, 06:56 AM
Parent: #41

Quote: بكري بالله بعد البوست دا ما ينتهي لازم تعمل لي مكتبة

هههههههههههههههههههههههههه

بالغت في دي يا ود محمد عوض

Post: #43
Title: Re: كـورتي فـكت.... وهـذه هي اسـبابي.
Author: مجدي عبدالرحيم فضل
Date: 12-22-2009, 07:12 AM
Parent: #41

وبعد داك خت الكورة واطه

ولو دايير تحاور دي تبقي دايره مهاره يا أبو النسب

،،،،أبوقصي،،،،

Post: #44
Title: Re: كـورتي فـكت.... وهـذه هي اسـبابي.
Author: Faisal Elrasheed
Date: 12-22-2009, 07:44 AM
Parent: #43

Quote: جنس حساده!!

يعني محبة الناس الملح دي برضو عايزين تحسدونا فيها(وجه غامز لفيصل الرشيد)

ابدا يا تراجي
لا حسد والله وربنا يزيد ويبارك
الموضوع كلو اني بحاول اعمل خير في اخوي الخير ده فنصحته بالحته دي
هسه عليك الله مش البوست جاب دخل واحتمال يتصدر الشباك باقي الربع ده كلو
واحتمال كمان بكوري يرحلو الاشلاق الجديد ويقعد ليه تاني تلاته شهور وعندي احساس انه بي حبات جلكسات ممكن يلحق ناس الشعبية والمعمار
شفتي الطموح كيف
والعجب كمان كان جانا هنا اوباما القادم وجدع لينا شويت يوتيبات عن القهر الاسفيري والفشل الديناميكي في العمليه السلمية وحرب البلقان واثاره في التحول الديموغرافي لمشروع سكر عسلاية

غايتو يا الخير دي اخر مداخله لي معاك
وقالو اول النار شراره

تراجي ودعتك الله

Post: #45
Title: Re: كـورتي فـكت.... وهـذه هي اسـبابي.
Author: مجدي عبدالرحيم فضل
Date: 12-22-2009, 07:57 AM
Parent: #44

.

Post: #58
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-23-2009, 09:28 AM
Parent: #44

يا فيصل الرشيد مشيت وين ياخ..البوست دا

انا تاكلو على الله وجلكساتك

Post: #46
Title: Re: كـورتي فـكت.... وهـذه هي اسـبابي.
Author: Ahmed Alim
Date: 12-22-2009, 07:59 AM
Parent: #43

Quote:
التجاهل
التجاهل
التجاهل

انا لو عارف دا جزاتي ما كنت حجيب ليك سيرة الـ Census
بعدين انت ما عارف انوا بكري ابوبكر دا فردتي!! يعني ممكن ارووح ليك الباسويرد
دا تاني ما يجيبوا ليك تاني إلاً هاكر برتبة فريق اول معاش بالرايخ الثالث..

صحبك سحس الايامات دي حالتوا تحنن ومهنضب،، يدينوا وكرعينوا Up In The Air

سأعود غداً للرد على ترهاتك بأعلى البوست..... ما هكذا تورد البغال

Post: #47
Title: Re: كـورتي فـكت.... وهـذه هي اسـبابي.
Author: Faisal Elrasheed
Date: 12-22-2009, 08:06 AM
Parent: #46

Post: #48
Title: Re: كـورتي فـكت.... وهـذه هي اسـبابي.
Author: بابكر التوم
Date: 12-22-2009, 08:56 AM
Parent: #47

الخير ...

سنيرنا القديم ازيك ....

Quote: و علي مشاهدينا في الاقاليم مراعاة فروق التوقيت .. !!

دى أول اشارة لكورتك الفكت

معقول ياخوى انت من اعظم اجيال الاهلية فى التسعينات مرحلة كل الاشياء ....

داير تفك الشفيرة دى لقيتك شهادة عربية ويضقلوا بيك ناس كمبيوتر مان يامان

ـــــــــــــــــــــــــــــــــــ

ذى ماقالت ليك تراجى كملت القراية والزحمة الكنت فيها وجاى تفتش الماضى

بالجنبة مشتاقون

Post: #53
Title: Re: كـورتي فـكت.... وهـذه هي اسـبابي.
Author: ALZOLZATOO
Date: 12-22-2009, 10:19 AM
Parent: #48

الخير يا اخوي

تصدق ذكرتني لمن خلاص جيت اتزوج واعلنت مواعيد زواجي على الملأ

اها وحاتك الماسنجر بتاعي كان فيهو قريب الميتين شخص وشخصة

اها جيت داخل لقيت ليك الماسنجر سوق العجور بس اخضار كلهم اون لاين

ادخل لي دي اقول ليها كيف الحال تقول لي معاي منو اقول ليهو انا زاتو بجك تعمل ساين اوت

ههههههههههه عرفت الموضوع موضوع كورة فكت وكده وقلت ياحليلك ياكبتن كابو ومعظمهم عمل لي بلوك

قلت معقولة الجكس ده كلو كان قافل علي ولد الهارت الوقع بايظ هههههههههههه يكه

المهم يامعلم انت ركز على موضوع اللوتري ده واعمل منو بوستات فرعية يعني اللوتري باقي ليهو عشرة شهور وبعد شهر تفتح بوست تقول اللوتري فضل ليهو تسعة شهور وتسعة يوم لوووولز
اها كده كورتك مابتفك لانو تمارينك بتكون متواصلة واللياقة زي الفل

موضوع الاقيك بي هناك دي مكنات ساكت ولفت انتباه لانو اساسا تلاقيهم في الماسنجر مع بعض

بالنسبة للوشوش الضاحكة دي بسيطة بس اول حاجة اعمل تمرين بسيط للرايت كليك بتاع الماوس لانو الشغل كلو بتاع الكوبي والبيست بيعتمد عليهو ولو طلعت اشولنجي الرماد كان حماد

تعال بي هناك لوووول

زاتووووو

Post: #55
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 11:01 AM
Parent: #53

زاتووووو بي صفاتوووووو

قتك موحية يا حبيب . كلنا يا الحبيب لما موسم اللوتري دا ينتهي
الواحد بتم بوستاتو مقابضة من الماسنجر هههههههههه. مش الايامات
دي بتلقى نوع الرسائل المرسلنا لي مليون نفر ديك . اها في ناس
كدا بلقاهم كاتبين قصاد الايميل بتاعي ( الخير لوتري) لكن دي هينة
مرة في واحد كاتب ( الخير بتاع اللوتري) لووووووووووووووووول
يعني هسي عمكم محمد عوض دا لو عرف القصص دي اكيد حا يتكل بي الباب

___________________________________________________________
السنة الجاية لوتري تشمو قدحة

Post: #60
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-23-2009, 09:43 AM
Parent: #48

برلومي بابكر

سلامات يا دوحجي يا جميل

دى أول اشارة لكورتك الفكت

اخوك بقى كابتن كابو بس .... ايييييييييييييه دنيا
حليل لما كنا نحاور الناس في ملعقة.. فكت يا ود التوم.. فكت

Post: #59
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-23-2009, 09:33 AM
Parent: #46

Quote: سأعود غداً للرد على ترهاتك بأعلى البوست..... ما هكذا تورد البغال

الليلة وييييييييين حـن عليا ساااااااافر نساني

Post: #54
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 10:53 AM
Parent: #43

ابا قصي كيفك يا ابو النسب

Quote: وبعد داك خت الكورة واطه

الكورة يا ابو النسب واطة من سنة 2005 لكن ناس التطفيش ما بريحونا

________________________________________

عملتو شنو في موضوع المعز ؟؟

Post: #52
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-22-2009, 10:07 AM
Parent: #39

Quote: عليك بالكوارع بتربط الكورة..

إقتراحى ليك تبدا لينا الموسم الجديد (بعتيقيات) البالتوك.

سكوتنا معانا ابو عتيق ما تغشانا

يااااااااااه حليل الايام ديك يا صديقي ... ايام كانت زي الورد

تسلم يا حبوب علي المرور والنصيحة الضاربة

Post: #56
Title: Re: كـورتي فـكت.... وهـذه هي اسـبابي.
Author: Ahmed Alim
Date: 12-22-2009, 07:20 PM
Parent: #52

Quote: قلت معقولة الجكس ده كلو كان قافل علي ولد الهارت الوقع بايظ هههههههههههه يكه

صحبك دا كورتوا فااكه من زمان لكن كنا خجلانين نقولا ليهوا.. الحمدلله الجات منوا

Post: #57
Title: Re: كـورتي فـكت.... وهـذه هي اسـبابي.
Author: mohamed osman bakry
Date: 12-22-2009, 08:42 PM
Parent: #56

يا منقة والله وشى الفوق ده ما تشوفو معسم كده
ويأسرك سؤ الظن ..... التقني , أبدا , بس وش ميت من الضحك
فقد علمنا الكثىرىن أصول اللعبة و إنت أدري.

Post: #61
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-23-2009, 09:46 AM
Parent: #57

يا محمد يا عثمان يا بكري

الـ ( الكثىرىن ) دي شتا بالطرشا وللا شنو

كع كع كع كع كع كع

Post: #62
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-23-2009, 10:04 AM
Parent: #61

جندريات.... جندريات مافي؟؟

______________________________________________________

بالعدم ان شاء الله اخوات نسيبة http://www.sudaneseonline.com/db/attention/100_Balloons.gif

Post: #63
Title: Re: كـورتي فـكت.... وهـذه هي اسـبابي.
Author: Faisal Elrasheed
Date: 12-23-2009, 11:36 AM
Parent: #62

Quote: يا فيصل الرشيد مشيت وين ياخ..البوست دا

انا تاكلو على الله وجلكساتك

والله يا الخير اخوي ظني ما خاب
قلته ليك البوست ده حتكون فيها اشراقات وابداعات
بس للاسف للان ما دخلته اي دامه ولا حته دامة اسود في البوست ده
فاتحت خير هاك دي اعمله رواب الي حين وصول الدامات الحقيقيات الي هذا البوست الاغبش
بس اوعه يقبضوك بيها

Post: #64
Title: Re: كـورتي فـكت.... وهـذه هي اسـبابي.
Author: مجدي عبدالرحيم فضل
Date: 12-23-2009, 03:09 PM
Parent: #63

.

Post: #65
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-24-2009, 00:12 AM
Parent: #64

تلاتة نكات (مساطيل) من الورقة اهـديهم لاحبابي ( العزابة) الذين
مروا من هنا.... منا نرفع بيهم البوست ومنا نرمي بيهم طعم للدامات

* مسطول سألوه عن قمة الإزعاج
قال ليهم : هياكل عظمية بتلعب ضمنة في زنك
*
مسطول سالوهو: ماهي قمة الحيرة؟
قال ليهم: يدخلوك غرفة دائرية الشكل ويقولو ليك اقيف في الركن.
- طيب ماهي قمة الدهشة؟
- قمة الدهشة انك تلقي الركن.

*واحدة سألت عمها وكان مسطول سطله صاح قالت ليهو أنت يا عمو الأسكريت ده ماشي مع البلوزة
قال ليها : وهي البلوزة ماشه وين؟

Post: #66
Title: Re: كـورتي فـكت.... وهـذه هي اسـبابي.
Author: أسامة عبد الجليل
Date: 12-25-2009, 00:39 AM
Parent: #64

ياالخير ياصاحبي في ال North East Shack

ياخي فكت فكت .. أصلو كل أول ليه آخر

فكت خليها ركز على التاندوم.

قلت لي فرنقبية.. فرنقبية دي قالوا بلغة الفور

يعني غزلان جفلن.

الكورة هينة لكن جفلة الغزلان دي يا ها المشكلة.

Post: #67
Title: Re: كـورتي فـكت.... وهـذه هي اسـبابي.
Author: Tragie Mustafa
Date: 12-25-2009, 02:37 AM
Parent: #66

الخير

والله بقيت طماع

يا زول قلت ولا واحده رقيقه؟؟
دخلنا لك لقيناك كاتب الآتي:

Quote: جندريات.... جندريات مافي؟؟

______________________________________________________

بالعدم ان شاء الله اخوات نسيبة

يعني انا لا حسبتني رقيقه

ولا جندريه

ولا اخوات نسيبه ؟؟

جسن ثالث ولا شنو؟؟؟

ارجاني بس يا الخير

ايوا قريبه بصلك وبديك عضه في نص راسك(ههههههه)

Post: #68
Title: Re: كـورتي فـكت.... وهـذه هي اسـبابي.
Author: bob
Date: 12-25-2009, 04:54 AM
Parent: #67

ده بوست بتاع زول فاقد هنان يا مان!!

Post: #73
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-25-2009, 08:22 AM
Parent: #68

Quote: ده بوست بتاع زول فاقد هنان يا مان!!

هنان بلو بلو ؟؟؟

فاقد هنان بس دي حاقات كتيرة اوي يا بيه

Post: #75
Title: Re: كـورتي فـكت.... وهـذه هي اسـبابي.
Author: bob
Date: 12-25-2009, 08:58 AM
Parent: #73

الخير

ال Burger الجبتو للجندريات ديل ادى منو
العزيزة تراجى...والباقى اعملوا شرموط.
الباقين ديل جيب ليهم عصيدة دخن!!

ــــــــــــــــــــــــــ
الغنيتن ديل عاملات تشويش
حااشيل بتاعتى بره..

Post: #69
Title: Re: كـورتي فـكت.... وهـذه هي اسـبابي.
Author: Ahmed Alim
Date: 12-25-2009, 06:07 AM
Parent: #67

Quote: يعني انا لا حسبتني رقيقه

ولا جندريه

ولا اخوات نسيبه ؟؟

جسن ثالث ولا شنو؟؟؟

ارجاني بس يا الخير

يا تراجي انا كنت قايل قصة الكورة فكت دي حنك بيش منوا ساكت

لكن بعد الكلام القالوا داك انا من الليلة حشوف ليهوا احسن طاقم

لتدريبه وحانققي ليهوا من اللعيبة المميزين في بوست سنترليق البورد

طبعاً انت بالذات ما حتكوني معاهم لانوا حتكون في أحقاد شخصية

أمسحيها لي يا تراجي في وشي دا..

وانا لو محلك والله ما برضى الا ببوست إعتذار منفصل.. لانوا كلاموا

دا شين وداير ليهوا اكبر وش كلب لحدي ما يعدل كلاموا.. ولا كيف؟؟

ابوالخيرات.... إنت بالجد محتاج لكوراع

Post: #70
Title: Re: كـورتي فـكت.... وهـذه هي اسـبابي.
Author: bob
Date: 12-25-2009, 07:39 AM
Parent: #69

*

Post: #79
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-25-2009, 11:25 PM
Parent: #70

*

Post: #72
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-25-2009, 08:12 AM
Parent: #67

Quote: يعني انا لا حسبتني رقيقه

ولا جندريه

ولا اخوات نسيبه ؟؟

جسن ثالث ولا شنو؟؟؟

ام حازم معقولة بس انا انساك.. معقولة بس... انا كنت بجهز لي في مداخلة
كدا شحماااااانة تليق بمقامكم الكريم عندي... لكن كما ذكرنا انفا ( التخريبيون)
امثال المدعو احمد عالم اتدرعوني وقصدوا يجهجهوا باكاتي والحالة دي هو
جا براهو وما جاب لي صاحبو المدعو حسين نوباتيا- ودا طبعا لحسن حظ البوست- كان
هسي يا ام حازم فخخوا هذا البوست بفتنة عظيمة بيني وبينك
عليه رأينا الاتي نصه:
1/ دق ختم
التجاهل
التجاهل
التجاهل
لمداخلة المدعو احمد ساتي ادناه

2/ اهداء اغنية انساك انت انت بتتنسي لام حازم

______________________________________________________________________
تراجي.... عارفك متكيفة هسي
ممكن تكلمي لي كم مهمشة كدا يجوني بجاي

بوب واحمد .... شكيتكم ....

Post: #71
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-25-2009, 07:55 AM
Parent: #66

ابو مهيار في شكل اسامة عبد الجليل

دي زي لبناني مظلل

كيفك يا حبوب.

Quote: الكورة هينة لكن جفلة الغزلان دي يا ها المشكلة.

اها وكان جفلوا الاتنين.... ما حدث يا صديقي- اجارك الله- هو ( جفول) جماعي رهيب
فال الله ولا فالك.....

__________________________________________
اسي تراجي دي ارد ليها اقول ليها شنو
دخلتني في اضافريني

Post: #74
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-25-2009, 08:27 AM
Parent: #71

خمسة وخميسة عليك يا بوست
لا فيك شكلة... لا فيك جكس

Post: #76
Title: Re: كـورتي فـكت.... وهـذه هي اسـبابي.
Author: تيسير عووضة
Date: 12-25-2009, 09:18 AM
Parent: #74

لي شهرين بجي مارة بالبوست دا
كورتي فكت.... وهذه أسبابي

فأقول بيني وبين نفسي: هيااااااا دا وإنت يوم متين كان عندك كورة من أصلو كتر خير اللوتري

أغيب من المنبر كم يوم وأجي تاني يلاقيني نفس البوست
أقول يا ربي الزول دا مالقى حل لي كورتو الفاكة دي
ولا يكون العنوان بتاعو دا نقلاً عن لسان زول تاني يشتكي من فككان كورتو برضو

أها الليلة فتحت البورد من أرحم الراحمين لاقاني البوست وش
قلت الراجل دا عامل غلبة كدي أدخل أشوفو مالو
لقيت نفسي بضحك من أول مداخلة لآخر مداخلة بدون توقف

بيني وبينك
فعلاً كورتك فكت

Post: #77
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-25-2009, 10:52 AM
Parent: #76

ايواااااااااااا كدا البوست يا دااااابو بدا

ابنة الهامش الاصيلة تيسير الي هي بنت عوضة شخصيا هنا
اوووووووو دا كلام صعب جدا
اسمعيني

تشيلي وردة وتدي تراجي التانية والتالتة دي نخليها للظروف... احتمال نحتاج ليها
في مقبل الايام.
الواحد لو عارف القصة بالطريقة دي كان تكل ليهو خروف في خشم البوست دا و chــخخخخخخخخخخخخخ
Quote: أها الليلة فتحت البورد من أرحم الراحمين لاقاني البوست وش
قلت الراجل دا عامل غلبة كدي أدخل أشوفو مالو
لقيت نفسي بضحك من أول مداخلة لآخر مداخلة بدون توقف

البوست دا يا تيسير بديني احساس بانو بعد ما ينتهي مفروض استقيل

اصلو فلتات زي دي ما بتتكرر كتير ... الواحد شاعر بحالة بتاعة اندياح ما طبيعية

_____________________________________________________________________
تيسير .... الانتخابات بتين؟؟؟ داير اصــوت ليك

Post: #78
Title: Re: كـورتي فـكت.... وهـذه هي اسـبابي.
Author: haroon diyab
Date: 12-25-2009, 11:34 AM
Parent: #77

اها وصلت وين

كورتك بدت ترجع

ولا لسة فاكه......؟

جمعة مباركة

والتحايا للاسرة الكريمة

Post: #80
Title: Re: كـورتي فـكت.... وهـذه هي اسـبابي.
Author: BitAlhana
Date: 12-26-2009, 00:32 AM
Parent: #78

يمه الخير بريدو ..... ردوا ليه

والله بوست مضحك .... و ممتع

أحلى حاجه .... يا بكري لما البوست ده ينتهي اعمل لي مكتبه ........... قرقرقرقررقرقرقرق
طموح ما اعتيادي......

تاني شي حاله الاندياح الما طبيعيه ............. لووووووووووووووووووووول يكه
هم بيطلعوا امتى ؟؟؟ يا قوله المصريين

انت يا الخير .... ما فكت منك ... لكن البوست ده مفهوم المقصود منه شنو
و خسوسان انه الانتخابات على الابواب

الخير انا زاتي مافي زول بيرد لي ... الا حبايبي الحلوين
اعمل ليك حبايب و بس

لووووووووووووووووووويكه يا الزول زاته في سوق العجور .... بالغت لكن

قرقرقرررققرقرقرقر .....احي يا مالك روحي

بجي تاني

Post: #82
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 12-29-2009, 00:01 AM
Parent: #80

بت الهنا والسرور انتي

تشيلي وردتين وتعتني لي بالتالتة
البوست بدأ يلفظ في انفاسه الاخيرة فلربما احتجتم لهذه الورود
الدنيا ما معروفة

Quote: انت يا الخير .... ما فكت منك ... لكن البوست ده مفهوم المقصود منه شنو
و خسوسان انه الانتخابات على الابواب

انا كنت قايل نفسي براي البفهم بفنلتي اهو اختكم بت الهنا طلعت من النوع البتفهم
بالاشاربو بتاعا هسي في ذمتك دي
الانتخابات دي الجابها هنا شنو لوووووووووولين. دي بس زي زي سوق العجور بتاع الزول زاتو ههههه

المهم

Quote: احي يا مالك روحي

انا برضو احي- جدا- يا مالك روحي

_________________________________________________
بت الهنا بوصطيني بوصطك

Post: #81
Title: Re: كـورتي فـكت.... وهـذه هي اسـبابي.
Author: mohamed osman bakry
Date: 12-26-2009, 00:36 AM
Parent: #78

Quote: يا محمد يا عثمان يا بكري
الـ ( الكثىرىن ) دي شتا بالطرشا وللا شنو
كع كع كع كع كع كع

براحة يا منقة
الهوا بشيلك.
_____________________
إنت السيزون إنتهي في أيوا?
جخ جخ جخ جخ جخ جخخخخا

Post: #83
Title: Re: كـورتي فـكت.... وهـذه هي اسـبابي.
Author: BitAlhana
Date: 12-29-2009, 00:32 AM
Parent: #81

الخير يا خوي

كتر خيرك على الفهم البي الايشاربو

قرقرقرقرقررقر .... ما عارفه منو كان بيقول لي الايشارب : ايشاربو

ما علينا

المهم و كتين بوصطيك بوصطيني و بوصطيني بوصطيك يبقى مافي مشكله.... انزين

على كل انت اخير كورتك فكت ............ انا فكت مني انا زاتي

خلاس
بلم العده من الديك و بجي اتبصطتت معاكم هنا

انا عارف

اهو كلام و السلام

Post: #84
Title: Re: كـورتي فـكت.... وهـذه هي اسـبابي.
Author: mohamed osman bakry
Date: 12-29-2009, 00:57 AM
Parent: #83

Quote: الاشاربو

إشاربو ?
يا جوك الاشاربو ده شنو?
حاجة بيلبسوها زي البنطلونو?
سبوق والله سبوق

Post: #85
Title: Re: كـورتي فـكت.... وهـذه هي اسـبابي.
Author: الخير محمد عوض
Date: 01-17-2010, 10:17 PM
Parent: #84

البوست دا تاني ما برفعو.... ترفعو عافيتو بس