كلها.. شوق وشقوق

كلها.. شوق وشقوق ..
لو انت تروق..
الشوق بتبل..
والشق مرتوق..

وإن فاتك هم..
ما تقول ملحوق

الحاضر بمبي؟ ..
ده لون مسروق.....
خاتفاه ضُلُمَّة..
وحاتك يمة ..
وليدك شمَّر..
ونشَّن وعمَّر ..
وقال يا بروق..

عبَّادي وقِبلي..
تعالي أقدلي..
وسلطي نورك في الما بدورك..
لمَّن يعرف ..
إنو بيغرف..
من خازوق..

_____
كلمات محمد مدني
الحان و غناء طارق ابوعبيدة
12-11-2009

يا سلام يا خدر .
والله سمعتها .
وتانى سمعتها وكمان تأملت وجهها المدنى .
ودققت فى تفاصيلها النظر .
أغنية يا خدر فى كامل زينتها .
سلامات

Quote: وإن فاتك هم.. ما تقول ملحوق

ممتازة شديد






--
ما تقول لي محمد مدني صاحبي أبو صلعة وود الحلفاية؟

عاجز عن الشكر يا عثمان يا فنان
اطثر ما اسعدني انكـ سمعتها و كررت السمع
هذا جل ما ابحث عنه عادة
شكرا كتير



نعوم
الهم راقد في بلدنا يا انعام يا ستني
لو فاتنا واحد التاني بجينا
ما نشفق

ده محمد مدني صاحب أغنية عقد الجلاد الشهيرة

دوزنه
احتاج دوزنه وترا" جديدا"
لا يضيف إلي النشيد سوى النشاز
لغة تفتش عن ارض خصبة
شمسا تغير طعم فاكهة الشتاء
احتاج مفرزة من الشعراء والجوعى
لنعلن سخطنا
او ننتهى منا بأغنية تذاع
بالشهداء والفقراء بطفلنا الأتي وكوم اللاجئين
للداعين في الصلوات هتفنا ما سمعتم
ثم هاترنا انصرفتم
يا بحر تجاوز في سكونه كل حد
يا بحر قم حرك تحرك أو فعد
نحو ابتدائك فالنهايات البعيدة لاتحد
الفظ جحيمك
او فغادر
ساحليك إلي الأبد
تابعوا ما شئتمو أو طاوعوا من خفتموا
فالزاحفون إلي الفجيعة أنتموا
فقط افهموا إن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم من رفاق

جميلة يا خدر

انا عارفه وكتين شيطان الغناء يجيك
بتعوقنا..
وحات ود الكرسني ماك نصيح شي

حسادة

واحد من الملحنين سالوه عن مصطفى سيد احمد
قال ده عجيب يا خي لو لقى مقالة في جريدة بحلنها وبغنيها

آه انت يا خدر تمشي تشيل الونسة بتاعت الناس في الفيس بوك
وتجي تعملها غنية
الله قادر
بس شيل شيلتك مع مدني
وحقوق وعقوق الفكرية
وخصوصيات الناس
جن ركب حماد
لكن والله امنت الجنون فنون

الاصدقاء زواري و شيخنا محمد مدني , شكرا للدعم الجميل , صدقوني احسست بكل كلمة كُتبت هنا
وكأنني كنت معكم ساعتها.
العمل المرفق سأتركـ لاخونا زوربا شرح ملابساته إن اراد ,
فيما يخصني .. قصيدة محمد مدني
كانت نموذج قياسي لفكرتي التي طرحتها من قبل هنا
عزيزي العمل العام

و ايضا هناكـ قصيدة الاستاذ بشري الفاضل و التي وعد بإكمالها إن تيسر الوقت
القمري بدل مواقفو

إذن..
دعوني انا الذي اشكر الان .. الشاعر محمد مدني وهو غني عن التعريف و مثلي ليس في قامة
منصة التعريف به , هذا امر يقوم به من هم في قامته و وسامة حرفه .

فـ شكرا يا معلم , أن جعلت من احلامي للاغنية (دون ان تقصد) حقيقة.



_____
سأعود للردود لاحقاَ

حلوة شديد أداء ممتاز


..................
صدقني قايلك قاصد المسنوح الطيب شيقوق
بس غلطت في كتابة الأسم

تحياتي ومودتي خدر

كلمات جميلة بس لحن تقليدي ..
طارق ما تتحسس وتقول عمر مكاجرني بس والله فعلا اللحن تقليدي لمن غلط وفكرة انو الكلمات اللي زي دي لازم تتلحن بي الاحان السيرة دي فكرة بقت مستهلكة وما بتدي جانب ابداعي لحني وأي زول ممكن يلحنا بي الطريقة دي ..
عبقرية اللحن بتجي من اللا متوقع وانت سيد العارفين يا طارق..كدي اقعد بي رواقة تااااااني وفكر ليك في لحن اجمل عشان الاغنية دي ما تضيع كلماتا في اللحن الضعيف ده ..
تسلم يا زول وأخد كلامي ده كلام زول مقتنع بي اضانو

والله قمة الابداع يا طارق
وأجدعنا بي واحدة تانية

ويديك العافية

المنسي

Quote: صدقني قايلك قاصد المسنوح الطيب شيقوق بس غلطت في كتابة الأسم

يشق حنكك يا مسنوح

يا سلام عليك يا خدر

حاجة كده تريح النفس

تسلم

تحياتي واحترامي

النذير حجازي
شكرا يا شقيق البدر
شكرا كتير .




الطيب شيقوق
شكرا علي المرور .

المنسي سلامات
و شكرا علي التقريظ
الله يجبر خاطركـ يا حبيبنا

Quote: طارق ما تتحسس وتقول عمر مكاجرني بس والله فعلا اللحن تقليدي لمن غلط

والله يا عمر ده زاتو خبر كويس انكـ بقيت تتحسس
بعدين انت وكت بتسمع غناي .. دي اول غنوة تنزل هنا ؟(انا حاولت أنساكـ) دي كانت مقالة؟ ولا القبلها و القبلها .. الخ ؟
شوف يا سيدي اول شي انا مبسوط جدا انكـ اديتني رأيكـ ده بعيداَ عن مكايداتي اعلاه.
اللحن يا سيدي بسيط فعلا (بمعيار الاستماع) و ده مقصود لانو القصيدة اصلا ما بتحتمل غير ده , لو إنتبهت للنص ,
القصيدة تبدو كما لو أنها دعايه انتخابية او شرح لقضية ما في لغة سهلة غير معقدة (يعيدا عن جماليات النص ).
بالنسبة لكلامكـ حول الحان السيرة , عادة انا في الحاني لا اقرر الايقاع , النص هو البقرر و بكسر لي رقبتي كمان
انو لازم امشي معاهو و بالمناسبة حتي الان العمل ده هو تاني لحن لي بإيقاع السيرة , بإستثناء قفلة اغنية (مريم
محجوب) لمحجوب شريف , مع اني عارفكـ, حسادة منكـ ساي ممكن تحسبها لي
عندي معاكـ ونسة او نقاش تاني حول (الالحان الساهلة وإيقاع السيرة و اللا متوقع) خليني أأجلها اسة
و عندنا وكت كان ربكـ مد في الآجال.
شكرا يا عمر كتير علي النصح و المشورة و اتمني ان تعيد الاستماع من جديد , يمكن تعجبكـ.

زوربا

عشان تاني تدسوا ونستكم دي
تعرف بعد تلفوننا .. جيت لقيتكم بتتونسوا
دخلت لقيت نصيبي من الونسة قااااعد حارسني
لفحتو و مشيت
انت عارف انو الشغل ده كلو اخد ساعات بس
و طلع بالشكل الانت شايفو ده .

محمد انا و هو بنتفق .. ما تقلق
و كان القصيدة فيها باقي برضو بقلعوا
انتو بس اتونسو و نحن بنلحن و نغني

انت ما نصيح
شوق و شقوق و بتبل و مرتوق
تقول لي ارجاكم ؟
الفنان ده عشق الكلام في بعض و جهجهني

نعوم ع.حفيظ

شفتي محمد مدني ده مجنون و بركب الكلام في بعض كيف ؟
وندرفول فعلا ..
شكرا ليكـ انت يا جميلة






بيني و بينكـ يا طارق
اليومين ديل ساكن معاي
من حقي ياخي
انا كنت في بيات شتوي لمدة 8 سنوات
اقنعوا من خيرا فيهو غايتو كان راجينوا يجيكم قريب
في المسنجر في نكتة حا اقولها ليكـ

10%10 ya man

الشوق و الشقوق..
يعلم الله ما سامعين منها اي (ش) أو (ق)...
معليش حاول لينا ..
بي طريقة أخري..(أخري)...دي حلوة موش!!!








::::::::::
يا فنـــــــــــــــــــــان يا جميل.......
ازيك و كيفنك؟؟
و البرد كيف معـــــــــــــــــــــــاك؟؟
تحياتي و احترامي..

خدر يا حبوب :
عارف اول مرة احس انك جادي معاي في مداخلاتك :)
بالمناسبة صدق او لا تصدق فعلا اووول مرة اسمع اغنية من الحانك او امكن سمعت وما متذكر فما علقت ..لكن صدقني عموما كده انا قارئ سئ للمنبر وما متابع بجي خاشي من النص والبلقاهو بيصادف عيني والكليك حقي بخشو ..
ممكن اكون سمعت ليك تسجيلات لي اغنيات الغير مرات بكون عايز اعلق بخاف الشترة بس المرة دي اتوكلت وخشيت ..
بتفق معاك الكلمات بسيطة بس تعرف ممكن ولو انا مكانك وقررت فعلاً أغني النص ده كان فضلت إنو استفيد من بساطتو دي في إنو يكون رمية لي أغنية تاني اقدر اربط بيناتهم ..
كدي جرب يا طارق شيل منها اللحن وارميها كرمية كده بي اي طريقة تشوفا مناسبة ..صدقني ممكن تطلع اجمل وتدي مساحة سمع لي كلماتها اكتر..
انا انتقادي كان مبني على انو اللحن ضييع الكلمات وده اختلف تمااما مع وجهة نظرك وانت سيد الحق طبعا لأنك قلت النص أجبرك إنو يتلحن كده والايقاع برضو جرااك جر..
عارف ولو اني مرات بقيت بحس بي تقليدية افكار الحان عقد الجلاد كان قلت ليك ممكن كانوا يتصوروا ليها لحن اجمل ..الأغنية دي كورالياً ممكن تنجح وفي كلماتها بتشبه مدرسة عقد الجلاد..
انا ماا ملحن ولااا حصل لحنت ولاا بعرف زاتو قوالب التلحين وافكاروا لكن اسة اسة قعدت برااي اتخيل لي في الحان وبقيت اقرا في كلماتك وارددا لقيت انها ممكن تستحمل ايقاعات كتييرة .
عارف يا طارق ممكن كل مقطعين من الاغنية دي يدوك انفعال لحني مختلف!! فكرت في الفكرة دي اسة وقلت ليي طارق ده لمممة الأغنية دي كده ..
ياخ لمن قلت والله حقو يديها لي حمد الريح :) ..ياخ جريت بيها جري مبااالغة مع غنها ممكن تكون اطول من كده ..
فهمتني؟

تسلم يا زول مبدئيا لحدي ما نلقى لينا فرصة نرجع ليالمكاجرة تاني لأنو اسة ما لقيت ليها مدخل..

هواري
ما تجهجهنا معاكـ بلاهي
راجع كمبيوترك .. الفايل تمام

Quote: تسلم يا زول مبدئيا لحدي ما نلقى لينا فرصة نرجع ليالمكاجرة تاني لأنو اسة ما لقيت ليها مدخل..

عماد الدين
شكرا كتير و الله
اطربتني كلماتكـ .





اشرف
شكرا مليون يا فنان .

الاخ العزيز / طارق ابوعبيدة

سلامات

لقد اطربتنى كثيرا

لحن جميل وكلمات معبرة وعزف رائع

اغنية جميلة بمعنى الكلمة

تسلم يارائع

ولك كل الشكر على هذه النسمة

لووووووووووول@ يديها لحمد الريح
ثم لووووووووول اخرى
موبااااااااااالغة غايتو
وضحكت حتى وقعت طاقيتها
ـــــــ


يا خدر والله الغنية في امانة الله
قلت لي دي ونسة
وهو الإبداع دا شنو قال ليك ؟ غير انك تشيل من تراب الونسة والكلام العادي و وتنجم لينا فيه وتطلع جنس الدهب المجمر دا
تسلم ويسلم محمد مدني ويسلم زوربا زاتو

طارق فاكهة المنبر


عاطر التحايا

قت ليك يا خدر
لمن مدني وزوربا دا يتونس في وصفة الروقة بتم كيف
ورتقة الشق وبلة الشوق
ابقى خلينا في الصورة وخصيمك النبي كان ما لحنتها

ما اجملكم ما اجملكم

حبيبنا ود القرشي
شكرا كتير علي الزمن و السمع
و سعيد ان العمل عجبكـ





نازكـ يا جميلة
وين مختفيه .. اظهري
و عطري صفحاتنا بالوانكـ الجميلة
شكرا كتير

اماني
هذا ما حدث وحياة الخوة



خليتكـ بخير

Quote: لووووووووووول@ يديها لحمد الريح

طارق
والمتداخلات/ون

تحايا عطرة.

بصراحة ما تحملت أشوف البوست

في طريقه للـ.....

فقلت أسلم عليكم
واديهو جبدة.

غايتو إنتو يوم بتكتلو ليكم زول ..
أمس القريبة دي ..
جاني محمد مدني وكورة مصر والجزائر مدورة ..
بعد السلام والإطمئنان وكلام كتير قلناهو فيهو الإتسمع وفيهو المرّ ساي ..
قام محمد قال لي الواحد أصلو ما يجبكم وإنتو قاعدين تحضرو ليكم في كورة
أها وهو في الباب ماشي بعد رفض أن يكمل معانا الكورة ..
جاب سيرة كلها شوق وشقوق قلت ليهو ياخي سمعت الكلام دا من قرشي لكن ما وقع لي في رأسي ..
قرشي دا زول فنان شديد يا طارق قام قال لي في أغنية لي طارق أبوعبيدة في س أون لاين ..
وحاتك أنا البوست زاتو ما شفتو ..
أها محمد مدني قال لي ياخي دي ونسه ساكت كانت بيني وبين زوربا في الفيس بوك ..
قام طارق أبوعبيدة شاله لحنها ولا أروع من كده ..
قلت ليهو يا زول من بكره الصباح بمش أفتش ليك البوست دا وأجيبه ليكم ..
ياخي الكلام عجبني واللحن عجبني أكتر ..
فعلاً يا طارق إبداع حقيقي في اللحن والكلمات وفيك إنت وفي محمد مدني وفي زوربا ..
بالله عليكم أتونسوا بي هناك في الفيس بوك وجيبو لينا الحاجات الحلوة دي هنا ..

تحياتي للجميع ..

والله يا خدر انت غناي خلاص


اما محمد مدني لو قال ليك ازيك
يقولها ابداع
خلي لما يتجلى شعر

حقيقي مدني 000 اسطورة منسية

اها يا طارق
شوف لينا مخرج لحن للقصيدة دي بحبها موت

لنار ٍ تغادر بركانـَها أنتمي
والمياهُ التي تحتمي
من مصباتها بالطمي
ثم من غيهبٍ
قطرة ً
قطرة ً
ترتمي !
حد خلجانها
لا يواكبها
في النزيف دمي
فبُـعَـيـْد المسافة وقتٌ جديدٌ
ولون المواعيد في الرائحة
إذ تشاكسُ
إذ لا تميل
مع الكفة الراجحة
حين يلغي النشيدُ
حدودَ فمي
وتغني الحبيبة ُ
في مأتمي
فافهمي!!!
شفرة َ اللحظة الجارحة
مثلما كنت بالبارحة
ملحَ جرح ٍعلى المعصم
واهزمي
شبهة الوقت والموسمي
في تـفاصيلنا الشارحة00

لك حبل ود ممدود

فوق لمن فاتهن الاستماع

ــــــــ
لقيت ليكن النون العامية دي حلوة خلاس في قصة الحساسية الجندرية المطلوبة في اللغة
وفكتني ليك من شبكة ود العجمي وعثمان تراث ونقتم

خدر

الق متجدد ربنا يديك العافية


قلت اكلم ناس الزقازيق لقيت الزقازيق كلها قدامى

لك كل الامانى

آه يا طارق انا مدستر عديل كده
ماسكني ام هلاهلا
هبت جواي مشاعر كدي
قامت خصل احاسيسي تاهت
بفتش في بينسة غناء كده تثبتها

وأقول يا ريتني لو كنت في فرجينا
فتشت لي رقمك هناك ومتوقع يصلني بعد شوية

وجاني تلفون من صديق في بريطانيا قال لقاك يوم السبت
واتونس معاك شوية كده
التلفون كان سريع حلف مايشرب القهوة
وقال طارق ده زول معتوه بشكل جميل

المهم يا فنان
الحفل طلعت كيف
ادينا الاخبار
محتاجين لمسرة
ومشتاقين لامسهمين
هههههه
ام سهمين مسرة ديل خالتن ليّ

أخونا
خدر
ربنا يخدر ضراعك ..عافي منك آلخدر ..سمح غني الحماسة ..واصل وكلنا أذن

up

شــوق و شـقوق .. فيديو