|
رحلة بورداب الخرطوم وضيوفهم الكرام السبت 2 يناير 2010 حدائق الكدرو
|
هناك الكثير من بورداب الخارج بيننا الان .. وهناك بورداب يصلون في الايام القادمات لحضور راس السنة مع ذويهم .. وحتي بورداب الخرطوم انفسهم يريدون ان يروحوا عن انفسهم ,, فقد تم الاتفاق علي ان تكون الرحلة يوم السبت الثاني من شهر يناير 2010 بحدائق الكدرو ... وهناك مفاجاة كبري يعلن عنها في الايام القادمات ستكون فرحة ما بعدها فرحة ... وللمشاركة تاكيد الحضور من خلال هذا البوست او تلفون 0912884384 ... اما عن برنامج الرحلة فقد بدا الاعداد لها من الان ...
|
|
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: طارق جبريل)
|
Quote: يمين ماكم نصيحين الله يغتس حجركم ويغرق الكدرو ويعدم البلد الخرفان |
الله يجازيك يا طارق قطعته مصاريني بالضحك .. وانا في الدوام .. الدوام لله .. قسماً بالله موووته من الضحك .. لمن الهنود لموا فيني .. ياخ معقول الجرسة دي .. أصبر أصبر يا اخوي قالوا ليك الجايات احلي .. شيل الصبر .. شيل الصبر .. نعمل شنو قدر الله علينا .. ------------------------------------------------------
يا اخوانا راعو شعورنا .. ما معقول نحن نموت في الغربة مغصه ولا شنو ..؟ شويه شويه علينا .. امس حليوه .. وبعده سوداتل .. وختامه الكدروا .. ياخ معقووووووووووووول ..
انشاء الله ربنا يكتر افراحكم ويزيل همومك ويفرحكم كل يوم .. كل سنة وانتو في اللمات السمحة .. وعليكم الله قولوا لي لؤي .. الف مبروك ....
| |
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: العوض المسلمي)
|
Quote: فقد تم الاتفاق علي ان تكون الرحلة يوم السبت الثاني من شهر يناير 2010 بحدائق الكدرو ... |
ود المسلمي الناس الجايين الرحلة ديل خابرين اهلك اول من تغنوا بالحقيبة عِلا شافك انت ووهبة عاملين حزب البهجة واحد نشوف صورتو في جبل اوليا وبيشرح في السمك والتاني في حدائق بحري بضرب الشربوت النقول انعام حيمورة في زمتكم تاني اكان تدهو من الشربوت فرفور بصلعتو الكعبة دي قافل الجوال كنت عايز ارسلو ليكم عشان يغني ليكم حقيبة فقط لكن ممكن تشوف مسعود برضو خطير في الحقبة وتلفونو ما معاي انا لوكنت هناك ماكان عندكم مفر الا تسموعني بغني ودي هديتي ليكم
في ربوع بحــــــــري لاقيته
في ربوع بحري لاقيتــــــه بسم حياني حيتـــــــــــــــو *************
في ربوع بحري لاقيتــــــه وماكان املي القــــــــــــاه فتح قلبي وسكن فيــــــــــه بخمره حبه اسقــــــــــــاه
قلبي علي الضني اتعلـــــم وحين ما اطراه اتالــــــــم مابسلاه يا احبــــــــــــــاب ومهما فؤادي اسقــــــــاه *************
طالعين كنا في نشــــــــوه علي البلديه مرينــــــــــــا ناجينا الطيور في الروض وقلنا ليها سامرينـــــــــــا
سامرتنا بالتغريــــــــــــد وريناها معي الريـــــــــــد قمنا وقالت اطرونـــــــي وقلنا ليها اطرينــــــــــــــا ************* عبرنا الكبري والكبـري راجعين بقعه ام درمـــان مزجت دموعي بدموعه والجو كان امان في امان ************* ودعته ورجعت بـــراي لاروح لافكــــــــر لاراي انا قلبي التركته وراي غائب مني ليه زمــــــان
---------------------------- احب البحب بحري زاتو ( ودي من اغاني زمان في بحري ) ومع تمنياتنا لكم برحلة سعيده انتم وضيوفكم
| |
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: حاتم شناب)
|
علاء الدين وشناب ..
Quote: البتاعات ديل شنو؟ . يا (نادر أبو نقطة)..دي علي وزن (الموز أبو نقطة)..أفصح..أبن!!!
|
البتاعات ديل من مستلزمات العود ..!! ما تركزوا شديد ..
صنفرة :
بعد أن أعلنت حضوري للرحلة لا حظت ان الرحلة يوم السبت وأنا إفتكرتها الجمعة ..! إنتو الجمعة دي مالا ؟!! عيبوها لي ؟!! يعني صلايين خااااااااالص !!
أعتذر عن الحضور لان السبت عمل ودوام ...!
| |
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: د.امام الصديق عبد المعطى)
|
Quote: الجن اليزازيهم ويزازيك انت ذاتك يا المسنوحة |
طارق حرام عليك المسنوحة ملقوفة وبتجيب الكلام براهاااا لنفسها الناس اتبرعت بخروف اكان طلعت من علبها واتبرعت ليها ببليلة فريك مواحسن ليها من لقافتها دى هههههههههشوفى الشغل النظيف دة يا مسنوحة
Quote: ....................عوض المسلمى (منسق الرحلة ) ربنا يقدرك ..... و انا من الان متبرع ليكم بخروف حجم عائلى او قيمته 300 جنيه سوداتى
|
العوض اخوى هنيا ليكم بس الشربوت لالالالالالالا
وبالخصوص شربوت وهبة مو اصلى انا عرفت من مصادرى فية مصيبة
يعنى شربوت مطورررررررررررر ابعدوا منه بعيد[/U]
| |
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: ahmed haneen)
|
Quote: اخونا شيخ العرب ود المسلمي
سلامات
برضو مصرين علي السبت
الحاصل شنو ؟؟
وماهو السر في انو الرحلة تكون السبت ومش الجمعة ...
|
Quote: صنفرة :
بعد أن أعلنت حضوري للرحلة لا حظت ان الرحلة يوم السبت وأنا إفتكرتها الجمعة ..! إنتو الجمعة دي مالا ؟!! عيبوها لي ؟!! يعني صلايين خااااااااالص !!
أعتذر عن الحضور لان السبت عمل ودوام ...!
|
شيخ العوض ازيك والله اول حاجة انا خجلان منك عديييل وارجو ان تقبل اعتزاري عن الانقطاع المفاجئ للمات وجلسات بورداب الخرطوم في الفترة الاخيرة (اتمني ان لا تكون قد صابتني عين صديق الموج وطارق جبرين) لكن ظروف قاااهرة هي التي حرمتني من لقائكم
تاني حاجة يا جماعة الجمعة مالا؟ زي ماقالو نازر وحنين؟ لأنو السبت دا عمل يا جماعة أتمني ان يلبي هذا الطلب بتغيير يوم السبت ليوم الجمعة
| |
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: طارق جبريل)
|
Quote: بت الصادق كيفنك انت في الخرفان والشربوت ولا في ذو اليد دة البقى ذو الحبل لامن فتل البوست وعقبال ما تتفتل الرحلة |
يا طارق جبرين
الله يهديك
نقوم نقبل عليك
والله الا تخلي المنبر
انت مالك علينا
ما كفاية جبت ليك النجيضة بالثابته
واذا ما داير النجيضة بيني وبينك الله
وحاملهااااااااااااا
ــــــــــــــــــــــــــــــــــــــ المرة الجائ فيديو عديلللللللللللللللللللللللل
| |
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: شول اشوانق دينق)
|
Quote: شكرا لكل من مر من هنا ووافق علي يوم السبت والشكر لكل من راي ان الجمعة افضل خيار .. ونسبة لاعتذار الكثيرين عن الحضور يوم السبت 2 يناير 2010 .. وبعد التشاور تم الموافقة بالاجماع وحرصا علي مشاركة الجميع ان تكون الرحلة يوم الجمعة الاول من يناير 2010 وهذا ما وجب التنبيه له .. مع املنا ان يحضر الجميع ...
|
تسلم يا ريس
حضور مكثف باذن الله كيتا علي طارق جبرين المكوجن دا
| |
|
|
|
|
|
|
Re: رحلة بورداب الخرطوم وضيوفهم الكرام السبت 2 يناير 2010 حدائق الكدرو (Re: وائل فحل)
|
كمال سالم يازعيم
Quote: شكرا يا العوض على المبادره وإنشاء الله تجدونا حضورا معكم , |
ايوووووووووووووووووووووووووه
اقعد باري لي الرحلات والاعراس بي هناك
ونحنا بدر الدين الامير يهرينا بي تنهداته
ياخي ماكنت تسوقه معاك وتريحنا.......!!!!!
التحايا لبورداب الزمن الجميل بورداب الخرطوم
ورحلة سعيدة...
ونحنا لينا الله وعيشة السوق
وتنهدات بدر الدين المشاتر
| |
|
|
|
|
|
|
|