ياسلام يانعومى ده خبر جميل خلاص مرحب بيك صفصف حبابك المنبر والله نور طبعا انتى يانعومى ومعاكى شلة الضروس ماقصرتو كفيتو ووفيتو ومصطفى حقيقة هو كل ماقلتوهو فيهو واكتر ومكسب كبير والله تســلمو يارب ...
Post: #20 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 09:03 AM Parent: #7
مجدة (على قول منال)
تسلمي يا ست الناس إنتِ
والفين مرحب بـ مصطفى
Post: #8 Title: Re: مصطفى السني أهلاً بيهو !!! Author: محمد عثمان Date: 06-01-2008, 11:10 PM Parent: #1
Post: #9 Title: Re: مصطفى السني أهلاً بيهو !!! Author: عصام عبد الحفيظ Date: 06-01-2008, 11:51 PM Parent: #8
والليلةيا سيد القلوب
والليلة من كتر الحنين ونحن ووووين
Post: #10 Title: Re: مصطفى السني أهلاً بيهو !!! Author: عصام عبد الحفيظ Date: 06-01-2008, 11:54 PM Parent: #9
Post: #13 Title: Re: مصطفى السني أهلاً بيهو !!! Author: عصام عبد الحفيظ Date: 06-02-2008, 00:15 AM Parent: #10
Post: #106 Title: Re: مصطفى السني أهلاً بيهو !!! Author: مصطفى السني Date: 06-17-2008, 01:28 AM Parent: #13
عصام عبد الحفيظ يا زول يا فنان سعيد جدا باللقاء بكم ياخى انت فنان فننننننن الشكر الكتير على هذه التصاوير
زهير الزناتى
لك التحيه وكل الموده
ثروت همت
يا صديقتى الجميله البورد منور بيك الامتحانات مشت كيف؟
ناجى الملك
سلامات يا فرده ان شاء الله العماره تمت مشتاقين و كده
لكن ما شايفك رحبت بى
ايمن الطيب يا صديق الزمن الجميل اشكرك على هذا الشعور الطيب وتمنياتى بلقاء قريب ان الله هون
Post: #21 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 09:21 AM Parent: #9
Quote: والليلةيا سيد القلوب
والليلة من كتر الحنين ونحن ووووين
عصام يا عصام ما إنت عارف إنت وين
ــــــــــــ
بقيت لو شفت أي صورة طالعة
من غير العدسة بتاعك بشوفها ما حلوة
أها الكلام دا كيف ؟؟؟؟
Post: #11 Title: Re: مصطفى السني أهلاً بيهو !!! Author: زهير الزناتي Date: 06-02-2008, 00:06 AM Parent: #1
أكيد إضافة
فهو مصطفي
وانتم من رحبتم به ،،،،
يحتاج المنبر لظلال وريفة يستظل بها المحاربون
مرحب مصطفي مرة أخري بالجمال
Post: #19 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 08:42 AM Parent: #11
Quote: يحتاج المنبر لظلال وريفة يستظل بها المحاربون
مرحب مصطفي مرة أخري بالجمال
شكراً زهير
Post: #12 Title: Re: مصطفى السني أهلاً بيهو !!! Author: ثروت همت Date: 06-02-2008, 00:06 AM Parent: #1
مصطفي السني..الزول الجميل.. الف مرحب..و منور كعادتك..
شكراً اخت انعام علي فتح هذا الخيط الضواي..
Post: #23 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 10:37 AM Parent: #12
Quote: مصطفي السني..الزول الجميل.. الف مرحب..و منور كعادتك..
تسلم ياً ثروت ووجودك منوّر البوست
Post: #14 Title: Re: مصطفى السني أهلاً بيهو !!! Author: الملك Date: 06-02-2008, 00:48 AM Parent: #1
Post: #15 Title: Re: مصطفى السني أهلاً بيهو !!! Author: عصام عبد الحفيظ Date: 06-02-2008, 00:52 AM Parent: #14
الملك
ما قلنا ليك عبدو روق
الموضوع 8 بستم وما فى هظار مع الدفار
وكمان الفى عصر مرورو ...
Post: #16 Title: Re: مصطفى السني أهلاً بيهو !!! Author: عصام عبد الحفيظ Date: 06-02-2008, 00:54 AM Parent: #15
ويييين الصور !!!!
يا حبيب
Post: #17 Title: Re: مصطفى السني أهلاً بيهو !!! Author: أيمن الطيب Date: 06-02-2008, 06:55 AM Parent: #16
سلامات يا شباب,,
بما إنو المقام والبوست على شرف مصطفى السنى,, وإنعام عبد الحفيظ وحيمورة ,,
مافى كلام كتير,,لكن الجميل فى الأمر أن يتمكن الناس من سماع مصطفى فقد كان يحزننى جدا عدم تمكن الكثيرين من سماعه وأحيانا حتى معرفته!! فمصطفى كان يجول الدنيا ناثرا الفرح والحزن معا الفرح بلقاء هذا الرجل الجميل العميق وسماع صوته الذى لا يمكن وصفه ولا يمكن مقارنته خاصة مع وجود كم هائل من الأصوات التى تجعلك تتعجب كيف سمح أصحابها لأنفسهم بمجرد فكرة أن يفكروا أنهم مطربين أو فنانين وهم لا يملكون من الأمرين شيئأ,,,, وهذا هو المحزن فى الأمر أن يسمع الناس هؤلاء ولا يعرفوا من هو مصطفى السنى رغم عالميته وإمكانياته المهولة وصولاته فى إتجاهات عديدة من العالم..
بعد سماع السنى,,يغنى,,عليكم أن تسمعوه يتحدث ويتونس ويلقى النكات أيضا وإحذروا تعليقاته وبلغوه سلامى,,
تحياتى لكم جميعا,,,,
Post: #22 Title: Re: مصطفى السني أهلاً بيهو !!! Author: عصام عبد الحفيظ Date: 06-02-2008, 10:37 AM Parent: #17
Post: #24 Title: Re: مصطفى السني أهلاً بيهو !!! Author: عصام عبد الحفيظ Date: 06-02-2008, 10:49 AM Parent: #22
Post: #26 Title: Re: مصطفى السني أهلاً بيهو !!! Author: azhary awad elkareem Date: 06-02-2008, 11:08 AM Parent: #24
اول حاجة: الف الف مراحب بالزول الجميل مصطفى السنى..
إلتقيته لمرتين..كانتا كافيتان لتتعمق معرفتى به.. إنسان بسيط..ودود..يتسلل إلى أعماقك دون تكلف.. وفوق هذا وذاك ..فنان.. لا شك أنه سيكون إضافة ثرة للمنبر..
ويلا يا سيد الحوش نحن فى إنتظار أن يصدح مصطفى السنى بيننا.. تانى حاجة.. آسف جداً للتأخير .. البارحة من المرات النادرة تركت كمبيوترى فى المكتب..
ولكن العزاء فى المثل الماعارف جنسو داك.. أن تأتى متأخرأً خيراً من أن لا تأتى..
إنعام عبد الحفيظ..
دائماً ما يرشح (الرائعون) (الرائعين).. إنعام الأخرى.. سلامات ومثلها لمنال..
عصام عبد الحفيظ.. بى صراحة..إنت زول فنان شديد.. شكراً على الصور الجميلة
محمد عثمان.. شكراً على اللحن الجميل ..
أيمن الطيب.. وينك يافردة.
إنعام عبحفيظ.. لك العتبى حتى ترضى.. وعلينا العذر حتى تكتفى..
Post: #39 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 10:57 PM Parent: #26
Quote: إنسان بسيط..ودود..يتسلل إلى أعماقك دون تكلف.. وفوق هذا وذاك ..فنان.. لا شك أنه سيكون إضافة ثرة للمنبر..
أزهري مساءك نور والمنبر ينتظر من مصطفى الكثير
ـــــــــــــــــ
خلاص إعتذاراتك كترت ياخ
Post: #108 Title: Re: مصطفى السني أهلاً بيهو !!! Author: مصطفى السني Date: 06-18-2008, 01:48 AM Parent: #26
ازهرى (ابو الزوز) الرجل الجميل اشكرك بحراره حتى تستغيث اتمنى من الله ان نلتقى مرات ومرات لك التحيه
سيف بشير سلاماااااااات ياخ والله مشتاقين جد جد ما شاء الله العيال كبرت و انتوا صغرتوا (الالام فى الرجل) تحياتى للاسره الكريمه
عبد المنعم يا صديقى شوقنا بحر كانت ايام بنكهة الكاكاو جمعتناباجمل الناس اتمنى ان تعود للبال صحته وعافيته تحياتى لك ولكل البالتوكااااااااااااااااب
مصطفى احمد شكرا على المرور لك مودتى
ناديه عثمان مرحبتين حبابك تحياتى
سلمى الشيخ سلامه (شخشيا ؟)هيييييييييييييه هييييييييييييه
ياخى ازيك عديييييييييييييييييييييل كده والله مشتاقين ان شاء الله طيبين و ما عندكم عوجه وان شاء الله بلدنا عجبتكم سلامنا للبت عزوووز
Post: #38 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 10:46 PM Parent: #17
أيمن الطيب
شكراً للإضاءات التي قدمتها في سيرة مصطفى السني
هو فنان بحق وعندما تسمعه لا تملك إلا ان تشهد له بذلك
Post: #25 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 11:02 AM Parent: #14
Post: #31 Title: Re: مصطفى السني أهلاً بيهو !!! Author: عبد المنعم سيد احمد Date: 06-02-2008, 04:55 PM Parent: #29
مرحبا بالصديق الفنان مصطفى السنى كان احد اعمدة (غرفة روقة) بالبالتوك بقيادة الاستاذة (الامدرمانية) كان نتحلق كصحبة رائعة بالفنان مصطفى وهو يشدو لنابالحانه العذاب بل كنا نستمتع باغانيه وهى فى مرحلة التوقيع (وقولى ليه مابينا)) شكرا للاستاذة انعام ..يعنى نحن السابقون السابقون)
Post: #41 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 11:27 PM Parent: #31
Quote: ..يعنى نحن السابقون السابقون
أستاذنا عبد المنعم
كويس إننا حصلّنا وبقينا من اللاحقون اللاحقون
Post: #40 Title: Re: مصطفى السني أهلاً بيهو !!! Author: انعام عبد الحفيظ Date: 06-02-2008, 11:06 PM Parent: #29
Post: #33 Title: Re: مصطفى السني أهلاً بيهو !!! Author: نادية عثمان Date: 06-02-2008, 05:42 PM Parent: #32
نعومة
الإشراقات ماعندكم لكن
قايتو جنس غايتو !!
Post: #34 Title: Re: مصطفى السني أهلاً بيهو !!! Author: سلمى الشيخ سلامة Date: 06-02-2008, 05:50 PM Parent: #33
مصطفى يا مطصفى انت عارف انا بحبك ؟ وبحلف بك ولا ماك عارف بالمرة ؟ بس ما اكتر من كده اجمل زول ضحكة صافية نكتة حاضرة غنوة زى جرى الكواثر ورنة زى رنة وتر يا وتر يا ربى من جمالك الله يخليك بانعومة وابقوا عشرة على الزول دا احبسوه عندكم لانه محلو معاكم جمهور واسع سمع عنه ولازم يلاقيهو مصطفى ياخ ازيك ياخ
Post: #35 Title: Re: مصطفى السني أهلاً بيهو !!! Author: عادل فضل المولى Date: 06-02-2008, 07:04 PM Parent: #34
سلام للجميع يعني يا انعام هو ما كان عندو حساب في المنبر..؟ دا كلام دا؟ يا بكري عليك الله اديهو حساب بي أثر رجعي .. بي تأريخ قديم الزول دا تسمعو بس تحس انك بتسمع في ناس كتار مروا عليك قبل كدا انا مرات بشوف الزول زي الماسك ليهو نوبة وجاتو حالة جذبة..تصدقوا..؟ ويوم داك لما غنا (الكنداكة) الواحد زي الشاف ليهو كبري بين حوش زرياب وحلة الشيخ مصطفى الفادني القالوا جا منها المرحوم خلف الله حمد (ما يجي واحد ناطي ويقول المرحوم من الدبيبة).. يا سلام يا مصطفى الله يخليك ويخلي ليك اصحابك كلهم يا بورداب الخرطوم.. السنة دي بتنشقوا
خبر جميل والله مرحب يا فنان شكرا بورداب الخرطوم اقنعتوهو لينا
Post: #50 Title: Re: مصطفى السني أهلاً بيهو !!! Author: انعام عبد الحفيظ Date: 06-03-2008, 10:17 PM Parent: #36
Quote: خبر جميل والله مرحب يا فنان شكرا بورداب الخرطوم اقنعتوهو لينا
خدر
مش بالله خبر جميل
Post: #51 Title: Re: مصطفى السني أهلاً بيهو !!! Author: انعام عبد الحفيظ Date: 06-03-2008, 10:28 PM Parent: #35
Quote: الزول دا تسمعو بس تحس انك بتسمع في ناس كتار مروا عليك قبل كدا انا مرات بشوف الزول زي الماسك ليهو نوبة وجاتو حالة جذبة..تصدقوا..؟ ويوم داك لما غنا (الكنداكة) الواحد زي الشاف ليهو كبري بين حوش زرياب وحلة الشيخ مصطفى الفادني القالوا جا منها المرحوم خلف الله حمد (ما يجي واحد ناطي ويقول المرحوم من الدبيبة).. يا سلام يا مصطفى الله يخليك ويخلي ليك اصحابك كلهم
تسلم يا عادل
ــــــــــــــــــ ما قلت لي إنت اليوم داك
رسيتو على شنو إنت وعبد الله عقيد
Post: #115 Title: Re: مصطفى السني أهلاً بيهو !!! Author: مصطفى السني Date: 06-21-2008, 01:42 AM Parent: #35
عادل فضل المولى سلام كتير جدا وربنايخلى ليك وليداتك ديل قول اميييييييييييييين
طارق خدر ازيك يا فنان الكلام على الحنك
احمد موسى ياخى كتر خيرك على الكلام الشحمان ده وربنا ما يجيب جنون
رجاء
تحياتى و مودتى شكرا على المرور
بهاء بكزى
حبابك الفففففففففف
الصديقه ريل
سعيد انا بوجودى معكم
وسعيدجدا بلقائكم لك من التحايا قنطارين (ان شاء الله وصلتى بالسلامه)
سماعين التاج ياخى ازيك عديل كده مشتاقين كميات
شيلوا العود ما مشكله لكن الباص ده رخصناهوا ونزلناهوا الخط
Post: #48 Title: Re: مصطفى السني أهلاً بيهو !!! Author: انعام عبد الحفيظ Date: 06-03-2008, 09:17 AM Parent: #34
Post: #47 Title: Re: مصطفى السني أهلاً بيهو !!! Author: انعام عبد الحفيظ Date: 06-03-2008, 08:42 AM Parent: #33
Quote: نعومة
الإشراقات ماعندكم لكن
غايتو يا نادية فاتتك إشراقات كتيرة خلاص
Post: #46 Title: Re: مصطفى السني أهلاً بيهو !!! Author: انعام عبد الحفيظ Date: 06-03-2008, 08:26 AM Parent: #32
Quote: وكانت ليلة مامنظور مثيله
شكراً عبد المنعم سيد احمد
وهنا كمان مصطفى السني
أحيا لنا ليالي ما منظور مثيلا
Post: #45 Title: Re: مصطفى السني أهلاً بيهو !!! Author: انعام عبد الحفيظ Date: 06-03-2008, 07:38 AM Parent: #30
مصطفى احمد مختار
سلام وشوق وينك ووين أراضيك؟
شكراً لترحيبك بـ مصطفى السني فهو يستحق
Post: #37 Title: Re: مصطفى السني أهلاً بيهو !!! Author: Ahmed musa Date: 06-02-2008, 08:53 PM Parent: #1
Quote: خبر جميل والله مرحب يا فنان شكرا بورداب الخرطوم اقنعتوهو لينا
اقنعناهو ؟؟؟؟ يازول قول هو الأقنعنا ...بكل أُغنية ..........لا بكل (مازورة) ..........أو بكل حرف موسيقي .....(أها صغِر غنت يا خدر) ......... ياخ ده بغني في مساحة بين مسام الروح وشريان الشعور .............أو أدق من ذلك .................. غناء مصطفى السني ......تصاوير عصام عبدالحفيظ ..قُدرة بكري أبوبكر[/ على حشد كل هذه الطاقات بأوراق الأسافير ............حاجات كدا يا تفهما ...يا ما تفهما ...........وبينهم يهددك (الجُنون) من كل الإتجاهات ................. آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
Post: #42 Title: Re: مصطفى السني أهلاً بيهو !!! Author: Raja Date: 06-02-2008, 11:37 PM Parent: #37
إنعام يا غالية..
طبعا إحنا في جاه الملوك نلوك.. ونرحب معاكم بالفنان الراقي مصطفى السني..
وبختكم
Post: #53 Title: Re: مصطفى السني أهلاً بيهو !!! Author: انعام عبد الحفيظ Date: 06-04-2008, 11:52 AM Parent: #42
Quote: إنعام يا غالية..
طبعا إحنا في جاه الملوك نلوك.. ونرحب معاكم بالفنان الراقي مصطفى السني..
وبختكم
أهلاً يارجاء
منورانا في البوست
إتفضلي طوالي لوكِ ياخ
Post: #52 Title: Re: مصطفى السني أهلاً بيهو !!! Author: انعام عبد الحفيظ Date: 06-03-2008, 10:42 PM Parent: #37
Quote: ياخ ده بغني في مساحة بين مسام الروح وشريان الشعور .............أو أدق من ذلك
احمد موسى
يلا همتّك عشان نتلاقى ونسمعو مره تانية
Post: #43 Title: Re: مصطفى السني أهلاً بيهو !!! Author: بهاء بكري Date: 06-03-2008, 00:06 AM Parent: #1
حباب الفنان مصطفي السني وشكرا استاذة انعام
Post: #54 Title: Re: مصطفى السني أهلاً بيهو !!! Author: انعام عبد الحفيظ Date: 06-04-2008, 07:40 PM Parent: #43
Quote: حباب الفنان مصطفي السني وشكرا استاذة انعام
شكراً يا أستاذ بهاء
Post: #44 Title: Re: مصطفى السني أهلاً بيهو !!! Author: REEL Date: 06-03-2008, 00:25 AM Parent: #1
يااا إنعام
كم جميل فعلا أن يكون بيننا هنا فنان راقي كمصطفى
شاب ودود ومهذب .. له روح الفنان ورهافته مرات إلتقائي به معدودة .. ولكنها كافية للإنحياز له تماما كإنسان وفنان له صوت عميق معبر ورفقة مؤنسة.. سعيدة بمعرفته في هذه الحياه كما سأكون مرحبة به مثلكم هنا
ويا محمد عثمان الأغاني عندك واللاهي
حبابك عشرة يا مصطفى ... .. .
Post: #57 Title: Re: مصطفى السني أهلاً بيهو !!! Author: انعام عبد الحفيظ Date: 06-04-2008, 08:34 PM Parent: #44
Quote: كم جميل فعلا أن يكون بيننا هنا فنان راقي كمصطفى
شاب ودود ومهذب .. له روح الفنان ورهافته مرات إلتقائي به معدودة .. ولكنها كافية للإنحياز له تماما كإنسان وفنان له صوت عميق معبر ورفقة مؤنسة.. سعيدة بمعرفته في هذه الحياه كما سأكون مرحبة به مثلكم هنا
ياااا ريل
مصطفى إنسان جميل ومهذّب النفس
ويستحق الإحترام ويسعد بمعرفته كل إنسان
ويا مصطفى يا هلا يا هلا مرحبابك يا هلا
Post: #49 Title: Re: مصطفى السني أهلاً بيهو !!! Author: إسماعيل التاج Date: 06-03-2008, 03:05 PM Parent: #1
يا إنعام يا
شكراً ليك كتيير.
بس مصطفى مشكلتو ما بدخل النت إلاَّ لمـَّـا يكون في بلاد بعييييييييدة. نوديهو شنقل طوباي؟
غايتو نديهو سلـِّـم/ سلمين، أووبس، أقصد بوست/بوستين، لو ما شاركَّ نقلع منو الباص-عود .
Post: #61 Title: Re: مصطفى السني أهلاً بيهو !!! Author: انعام عبد الحفيظ Date: 06-04-2008, 09:28 PM Parent: #49
Quote: بس مصطفى مشكلتو ما بدخل النت إلاَّ لمـَّـا يكون في بلاد بعييييييييدة. نوديهو شنقل طوباي؟
غايتو يا اسماعيل عدم حضرتك للحفلة ديك عامل فيك عمايل
الاخ مصطفى السنى رجل مسكون بالفن والابداع عرفتة وزاملتة بجدة فى اوائل تسعينيات القرن الماضى ولم نلتقى منذ سفرة الى بريطانيا كان القاسم المشترك فى معظم حفلات جدة حينها بصوتة الجهورى وعزفة المتفرد من الجميل ان يستقر بالسودان الان فهو احوج مايكون الى جمهور يقيم ويتذوق فنة شكرا انعام ترحيبك بالرجل فهو اهلا لذلك ارجو مدى بتلفون الاخ مصطفى على الخاص اوفى الماسنجر ولك شكرى
Post: #67 Title: Re: مصطفى السني أهلاً بيهو !!! Author: انعام عبد الحفيظ Date: 06-04-2008, 10:39 PM Parent: #60
Quote: مصطفى السنى رجل مسكون بالفن والابداع
صدقت يا نور الدين الفحل
وسأرسل لك التلفون انشاء الله
Post: #66 Title: Re: مصطفى السني أهلاً بيهو !!! Author: انعام عبد الحفيظ Date: 06-04-2008, 10:35 PM Parent: #56
نعومه الحبيبه سلامات يا غالية شايفاك متألقة ما شاء الله وعينا باااااردة اخدتو حقكم وحقنا اها ما قلتى لى سمعتو طعم الغربة ؟ اكيد دمعتى بس دسيتى منى .. لكن مصطفى حكى لى كل حاجة تسلموابورداب الخرطوم يا جميلين المره الجاية معاكم ان شاء الله التحية لكم دون فرز انعام وانعام وعصام والملك وكل الشلة على راسها بكرى *** درش سلامات وكده حقيقى انت نوارة للبورد فرحتنى طلتك .. بس ما تبقى كسلانه رجاء .. واصل دون انقطاع
اها يا نعومه وكل زوار البوست الجميل اهديكم واحده من الاعمال الاولى البينى وبين درش ***عديلة وزين*** من الحان الزول الجميل ضياء مرغنى يا ريت يا ضياء تنزلا لينا هنا تحياتى للجميعودرش حبابو عديلة و زين
يا ود مساحات البلد .. مفروش ارض معروش سحاب.. مبلول مطر راوى الجرف.. كاسر السراب.. معقود جواك اخضر رضاب.. مزروع مجدع فى التراب.. نواره تفتح كل باب.. مليانه بى دغش الرزاز.. رويانه بى نفس العزاز.. ممطوره بالبلد الهشاب.. طارح الحنين عبر السنين.. وارث الدوايه مع الكتاب.. مشتول مكشح فى الدروب.. ممزوج مدمدم بالضباب.. مدفون جوار عمق الفرح.. مبسوط محكر فى الهضاب.. ***** يا ود مساحات الاهل.. مرشوش عطر مربوط هلال.. جرتق موشح بالبرش.... مرصوص سبح حزمة جمال.. سايقنو لى ست الحسن .. مليانه حنه وكوم خصال .. ديسا مكحل بالسواد .. خدا مورد بالدلال .. مسكونة بى ضحكة صغار.. منسوجة بى صافى الزلال .. معروفه بى خاطر الكبار .. مرسومة فى واحة ظلا ل .. سمحة و عديلة و زين .. عزة قبيلة و فال ..
اسماء الجنيد / مسقط
ا
Post: #64 Title: Re: مصطفى السني أهلاً بيهو !!! Author: انعام حيمورة Date: 06-04-2008, 09:51 PM Parent: #59
Quote: نعومه الحبيبه سلامات يا غالية شايفاك متألقة ما شاء الله وعينا باااااردة
سومة
والله نعومة ست البوست دا الا تشوفيها في الاحلام بس ...
المتالقة دي نعومة (الاولى) بت حيمورة ... .
Quote: اها ما قلتى لى سمعتو طعم الغربة ؟
دي انا قاعدة تعمل فيني عمايل .. الله يخليك ويخلي مصطفى قولي آمين
Quote: عديلة و زين
يا ود مساحات البلد .. مفروش ارض معروش سحاب.. مبلول مطر راوى الجرف.. كاسر السراب.. معقود جواك اخضر رضاب.. مزروع مجدع فى التراب.. نواره تفتح كل باب.. مليانه بى دغش الرزاز.. رويانه بى نفس العزاز.. ممطوره بالبلد الهشاب.. طارح الحنين عبر السنين.. وارث الدوايه مع الكتاب.. مشتول مكشح فى الدروب.. ممزوج مدمدم بالضباب.. مدفون جوار عمق الفرح.. مبسوط محكر فى الهضاب.. ***** يا ود مساحات الاهل.. مرشوش عطر مربوط هلال.. جرتق موشح بالبرش.... مرصوص سبح حزمة جمال.. سايقنو لى ست الحسن .. مليانه حنه وكوم خصال .. ديسا مكحل بالسواد .. خدا مورد بالدلال .. مسكونة بى ضحكة صغار.. منسوجة بى صافى الزلال .. معروفه بى خاطر الكبار .. مرسومة فى واحة ظلا ل .. سمحة و عديلة و زين .. عزة قبيلة و فال ..
اسماء الجنيد / مسقط
يا سلام على ابداعك يا سلام ..
Post: #70 Title: Re: مصطفى السني أهلاً بيهو !!! Author: انعام عبد الحفيظ Date: 06-05-2008, 08:54 AM Parent: #59
Quote: اها يا نعومه وكل زوار البوست الجميل اهديكم واحده من الاعمال الاولى البينى وبين درش ***عديلة وزين*** من الحان الزول الجميل ضياء مرغنى
سوما شكراً لهدية الدسمة
ومنتظرين ضياء ينزلها لينا
فقدناكِ وإتمنينا تكوني معانا
Post: #62 Title: Re: مصطفى السني أهلاً بيهو !!! Author: انعام عبد الحفيظ Date: 06-04-2008, 09:46 PM Parent: #55
Quote: ناعومي غايتو جبتي لينا زول سمح لكن ماشديد يعني حبة كده
غايتو لو مانضارتو دي ماكان رحبنا بيهو
طم طم
مشتاقيييييييييين ياخ
بيني وبينك بـ لسانو الطويل دا تعملي حسابك منو شديد
ــــــــــــــــــــــــــــــــــــــــــــــــــــ ياطير يا ماشى لاهلنا بسراع وصل رسائلنا
Post: #69 Title: Re: مصطفى السني أهلاً بيهو !!! Author: إيمان أحمد Date: 06-04-2008, 11:36 PM Parent: #68
يا نعومات طششتن لي! إزيكن حسه أنا قلت البترحب بالفنان مصطفى دي إنعام الخاته صورتها معاه........ أها طلعت غبيانة ساكت، أعذروني .
أول مرة أسمعه كنت في بلدا طيروا عجمي..... وزول من أصحابنا ناس تورنتو جاب لي هدية السي دي بتاعه. ومن اليوم داك آمنت بي فنه وصوته. غنا طاعم وجميل وإحساس عالي.
ألف مرحب بيه وسلام وشكرا ليك يا إنعام
ياعبد المنعم سلامات. نحن لا من السابقون ولا اللاحقون، لكن غايتو المتابعون
إيمان
Post: #71 Title: Re: مصطفى السني أهلاً بيهو !!! Author: انعام حيمورة Date: 06-05-2008, 09:33 AM Parent: #69
Quote: يا نعومات طششتن لي! إزيكن حسه أنا قلت البترحب بالفنان مصطفى دي إنعام الخاته صورتها معاه........ أها طلعت غبيانة ساكت، أعذروني
ايمان أزيك وكيفك
بالعكس طلعتي مفتحة ولحقتي روحك ما زي سومة
عشان مصطفى جميل البوست كلوا جميليين ..
الله يخليكم كلكم ياخ
Post: #94 Title: Re: مصطفى السني أهلاً بيهو !!! Author: انعام عبد الحفيظ Date: 06-08-2008, 02:52 PM Parent: #69
Quote: يا نعومات طششتن لي! إزيكن حسه أنا قلت البترحب بالفنان مصطفى دي إنعام الخاته صورتها معاه........ أها طلعت غبيانة ساكت، أعذروني
ايمان احمد سلامات
تبري إنتي من الطِشيش والغبا
Post: #119 Title: Re: مصطفى السني أهلاً بيهو !!! Author: مصطفى السني Date: 06-25-2008, 02:52 AM Parent: #69
الاخت انعام احمد كيف حالك والله النعومات الاتنين ما قصرن الله يديهن العافيه
تسلمى كتير يا سليمة الذوق
سعد الدين مشتاقين والله شنو قعدت معانا كم يوم وزغت؟ والله انت الخربت طبعنا ان شاء الله نشوفك قريب
الطيب يشير شكرا على المرور
طارق جبريل
والله ما جيت متاخر انت سيد بيت عديل كده تسلم كتير يا ملك
ام وضاح حبابك مليون تحياتنا لى وضاح و ابو وضاح
نبيل يا صديقى شرفتنا كتير سلامى لى ناس لندن
Post: #113 Title: Re: مصطفى السني أهلاً بيهو !!! Author: انعام عبد الحفيظ Date: 06-18-2008, 07:53 PM Parent: #68
Quote: انشاء الله تتهنو بيهو
مصطفى السنى إنسان جميل ومهذّب النفس
وانا حاسدكم عدييييل له منى التحايا قناطير مقنطره
سامي مصطفى انسان نبيل الأخلاق وجميل النفس
آسفة للرد المتأخر ولك العتبى حتى ترضى
Post: #72 Title: Re: مصطفى السني أهلاً بيهو !!! Author: انعام عبد الحفيظ Date: 06-05-2008, 11:43 AM Parent: #65
Quote: سلامات ..وبنرحب بي ضيفك شديد ..ومن شكل الغنية انو زول غناي لكن في سؤال...أنتي حضرتي الحفلة دي مستمعة من منازلهم ولا شنو؟؟؟؟؟
او عصام عبد الحفيظ دا يكون اتغابا فيك العرفا بي كاميرتو السمحة دي
والله نعومة ست البوست دا الا تشوفيها في الاحلام بس ...
المتالقة دي نعومة (الاولى) بت حيمورة
انعام حيمورة سلامات
شايفاك يا حبيبة
انا قلت نعومه ونعومة عرفتك دى انتى بت حيمورة ما شاء الله وعينى بارده بركة الاستمتعتو بالحفلة والجايات اكتر ان شاء الله نلتقى قريب ان شاء الله تخياتى يا النعومتين
Post: #77 Title: Re: مصطفى السني أهلاً بيهو !!! Author: انعام حيمورة Date: 06-07-2008, 02:39 PM Parent: #74
Quote: بركة الاستمتعتو بالحفلة والجايات اكتر ان شاء الله
اكيد يا سومة وفي انتظااارك
Post: #116 Title: Re: مصطفى السني أهلاً بيهو !!! Author: مصطفى السني Date: 06-24-2008, 02:10 AM Parent: #55
تماضر يا استاذه ازيك ياخ والله مشتاقين ان شاء الله يكون طاب ليكم المقام هنااااااااااااااااااااااااااك لو بس تعرف
اميره الشيخ شكرا على المرور
نور الدين الفحل ياخ ازيك ياخ والله شوووق شديد ذكرتنا الايام الخوااالى تحياتى لكل الشله (ايام لها ايقاع)
شاعرتنا الحنينه سوما
ازيكم يا ناس مسقط والله ليكم وحشه كيف ابو رامى وباقى العصابه والله فقدناكم يوم الحفله لكن الجايات اكتر ان شاء الله البوست منور بيك يا بت الشيخ قريب جدا ان شاء الله ح ارسل ليك تسجيل لى طعم الغربه وربنا يرد غربتكم قولوا ااااااامين سلامى لكل المسقطاااااب
نور والله نور كلو زينة أول مرة سمعت السني كان في البالتوك قبل ستة سنة صوت شجي وعذب و يملك تقنية ادائية عالية و اكتمل السمع و الشوف مع بورداب الخرطوم الاعزاء بمنزل أمنا جارة و اختنا منال عوض خوجلي و كانت لنا أيام.. خربتوا طبعنا يا ناس هوي! اشراقات شديدة خلاص
Post: #76 Title: Re: مصطفى السني أهلاً بيهو !!! Author: عبد المنعم سيد احمد Date: 06-06-2008, 03:33 PM Parent: #75
.
Post: #84 Title: Re: مصطفى السني أهلاً بيهو !!! Author: انعام عبد الحفيظ Date: 06-08-2008, 11:07 AM Parent: #75
Quote: و كانت لنا أيام.. خربتوا طبعنا يا ناس هوي! اشراقات شديدة خلاص
و الله يا انعام كان يوم جميل جدآ و أنا باعتبارو أول يوم لي مع بورداب الخرطوم..ابتهجت جدآ..و تعرفت على الكثيرين..بس عرفت انو دة ود قاسم بعد فات الأوان..الراجل في الحقيقة بيختلف عن كل الصور..كنت أتمنى معاهو عشرة ونسة كاربة...
Quote: مصطفي السني..الزول الجميل.. الف مرحب..و منور كعادتك..
شكراً اخت انعام علي فتح هذا الخيط الضواي..
حبابك الف
ام وضاح
Post: #88 Title: Re: مصطفى السني أهلاً بيهو !!! Author: انعام عبد الحفيظ Date: 06-08-2008, 12:31 PM Parent: #81
أم وضااااااح تسلمي يا ست الناس إنتِ
ومصطفى انسان يستحق الإحتفاء
Post: #82 Title: Re: مصطفى السني أهلاً بيهو !!! Author: نبيل عبد الرحيم Date: 06-08-2008, 00:23 AM Parent: #1
المحترمة إنعام أرحب بالفنان و الصديق مصطفى السنى وهو على فكره شرفنى بالغناء فى عرسى
Post: #83 Title: Re: مصطفى السني أهلاً بيهو !!! Author: ودرملية Date: 06-08-2008, 02:35 AM Parent: #82
سلامات وعوافي يا انعام وانعام.. عليكم الله اسمحوا لي شوية احشش بي الموضوع دا .. باقي اخوكم الغبار سدا نفسو .. بعد عرسنا سوقنا بقا ميت "هاهاها""وش فاضي" .. اها النكلمكم .. مصطفى السني دا ود خالي تتخيلي بسمع في اغانيهو من قبل خمسة سنة وماعارف .. يوم بس في عكس الريح لقيت ليك صورتو يا اخوانا دا مو مصطفى ودخالي عوض .. تتخيلو راسي داير يتشقامن الفرحة .. اخر عهدي بيهو كان في نهاية 88 "وانا طفل سغير" تاني ما شفتو ابدا الا في الصورة بتاعت عكس الريح .. اها انا ضربتا لي اولاد الاهل قلت ليهم امشو احضروا حفلة مصطفى من غير ما اوريهم وين ..قوم يا موبايلي اقفل منك وليك .. الجماعة بيضربو لي عشان يعرفو المكان والتلفون مقفول .. المهم بلغوهو سلامي الشديد ولي كل بورداب الخرتوم المعامكم .. خسوسا "الرقيق" ناجي الملك قول ليهو انشاء الله عزمتا صاحبك "هايل" ... بعدين طبعا مصطفيين احببتهم منذ اول مرة رايتهم فيها وللاسف الشديد لم اراهم بام عيني منذ مايقارب 20 والزمن داك عمري كان 7 سنوات "وش مكرمش ساي بس" ..مصطفى السني ومصطفى الطاهر .. والله تحشيشتي ما انتهت لكن اعمل شنو بس .. هاهاهاها.. كل سنة وانتو دايما حلوين ..
Post: #90 Title: Re: مصطفى السني أهلاً بيهو !!! Author: انعام عبد الحفيظ Date: 06-08-2008, 12:50 PM Parent: #83
Quote: والله تحشيشتي ما انتهت لكن اعمل شنو بس ..
ود رملية سلامات وعوافي
ياخي إنت القال ليك وقف منو ؟؟؟
واصل التحشيشة ولا يهمك
Post: #122 Title: Re: مصطفى السني أهلاً بيهو !!! Author: مصطفى السني Date: 06-29-2008, 01:49 AM Parent: #83
ابن عمتى
والله ازيك كميات واشواق كتيرات اول حاجه مبروك عديل كده وعقبالنا بعدين عجبتنى شديد حتة طفل سسسسسسسغير دى خطيره شديد هههههههههههههههه ان شاء الله ربنا يجمعنا قريب قول ااااامين تحياتى للجميع
تبلدينا تشرف فى اى وكت لك عاطر التحايا
سلمى صبحى
تسلمى كتير با ست الذوق (اليت الفى الصوره دى شكلها رقاصه سديد) مودتى
ابو رامى شخصيا
زارتنا السعاده وبيتنا نووووووووور
ونورت البورد سلامى للعصابه ولى ناس مسقط الجميلين
لؤى الزول الجميل
سلامك وصل والله بدون قطيع اضنين تحياتى
Post: #93 Title: Re: مصطفى السني أهلاً بيهو !!! Author: انعام عبد الحفيظ Date: 06-08-2008, 02:39 PM Parent: #82
Quote: المحترمة إنعام أرحب بالفنان و الصديق مصطفى السنى وهو على فكره شرفنى بالغناء فى عرسى
يا نبيل الف مبروك متأخرة وربنا يديم عليكم السعادة
Post: #85 Title: Re: مصطفى السني أهلاً بيهو !!! Author: Tabaldina Date: 06-08-2008, 11:22 AM Parent: #1
.. . انا زى صحبي جبريلا دا جيت متأخر بس احسن تجى متاخر بدلا من ان لا تأتى بتاتاً
مصطفى اهلين بيكـ بين اهلك وحبايبك وابقي عشرة على خوة انعام كنز لا يفنى
___________
سمعا وطاعة .. هل هطلات امطار أمس الاول فى ضاحية الصافية وهل اهلها بخير وعافية ؟؟
Post: #97 Title: Re: مصطفى السني أهلاً بيهو !!! Author: لؤى Date: 06-09-2008, 11:35 AM Parent: #1
إنعام سلامات
أمانة عليك تقطّع إضنيك تسلّمي على مُصطفَى
وبس
أنـا في البـعـيـد مُـشـتـاق لهـمـسـة من الوطن يا نـسـمـة
Post: #109 Title: Re: مصطفى السني أهلاً بيهو !!! Author: انعام عبد الحفيظ Date: 06-18-2008, 09:51 AM Parent: #97
Quote: إنعام سلامات
أمانة عليك تقطّع إضنيك تسلّمي على مُصطفَى
وبس
جداً ح أسلم ليك على مصطفى
وبس
ممكن من غير قِطيع إضنين
Post: #110 Title: Re: مصطفى السني أهلاً بيهو !!! Author: Haytham Abdulaziz Date: 06-18-2008, 11:36 AM Parent: #97
البجي من بت عبدالحفيظ كلو جميل....
الـــ1000ــــف مراحب بقدوم الأستاذ مصطفى السني....
و نرجو ان يطيب له المقام في هذا الحوش...
و شكــراً يا إنعام....
___________________________
Post: #112 Title: Re: مصطفى السني أهلاً بيهو !!! Author: عماد محمود علي Date: 06-18-2008, 01:26 PM Parent: #110
أخي الكريم مصطفى السني .. رغم أن ترحيب إنعام لوحده يكفي لأنها صفوة . بس قلنا كمان نزيد وزيادة الخير خيرين رغم أنها كل الخير والبركة ،
حللت أهلاً ونزلت سهلاً بين عشيرتك وأهلك وناسك ... وقلنا نرمي لينا وردة كده رغم إن وردنا ماذي وردها ...
مودتي وإحترامي لك ولها .
عماد محمود
Post: #114 Title: Re: مصطفى السني أهلاً بيهو !!! Author: انعام عبد الحفيظ Date: 06-20-2008, 09:08 PM Parent: #110
Quote: البجي من بت عبدالحفيظ كلو جميل....
هيثم تسلم يا عزيز
ومصطفى إضافة إنسانية قبل ان يكون إضافة غنائية
Post: #98 Title: Re: مصطفى السني أهلاً بيهو !!! Author: مصطفى السني Date: 06-16-2008, 01:29 AM Parent: #1
ناس الحوش الظريفين ازيكم وعساكم بخير سامحونا على هذا التأخير ولكنها التكنولوجيا التى ابت الا ان تحرمنى من من الهروله سعيا لنيل رضاكم فلكم العتبى حتى ترضوا سعيد انا جدا بانضمامى لهذه المصفوفه الجميله وهذا كفى امده مصافحا لكل من سبقنى وارتوى من نبع هذا الجمال الشكر اجزله للعمده بكرى ابو بكر على كرم الضيافه والاستقبال (ياها المحريه فيك)
انعام عبد الحفيظ
البت الحديقه اخت الاخوان اقول ليك حاجه ياخى ان شاء الله يوم شكرك ما يجى عديل كده لكن بشكرك شكره خفييييييييفه كده على الكلام الجميل ده واتمنى ان اكون دائماعند حسن الظن واهلا ومرحب بيك انتى ذاتك (جدادة الخلا الطردت جدادة البيت)
و لنا عووووده
Post: #101 Title: Re: مصطفى السني أهلاً بيهو !!! Author: Yassir Tayfour Date: 06-16-2008, 01:57 AM Parent: #98
ود السني مصطفي.. معقولة إنت هنا! الشوق بحر..
المهم والأهم إنك هنا..
___ تقبل تحيات الزول داك الكان في عقد الجلاد -اللهم صلي على الحبيب- إسمو منو
Post: #99 Title: Re: مصطفى السني أهلاً بيهو !!! Author: سمندلاوى Date: 06-16-2008, 01:42 AM Parent: #1
مرحبا يافن .. منور ... مع فلق الصباح والزهور بسمت لينا........
شكرا انعام هدية طاعمة
Post: #100 Title: Re: مصطفى السني أهلاً بيهو !!! Author: Muna Khugali Date: 06-16-2008, 01:49 AM Parent: #99
صفصف..مشتاقين يازول كتير.. مرحب بيك ..
شنو الخرطوم كفاها!
Post: #103 Title: Re: مصطفى السني أهلاً بيهو !!! Author: ahmed khidir Date: 06-16-2008, 04:45 AM Parent: #100
انعام عبدالحفيظ ســـلامات مصطفى السنى صاحبى الزمان نورت المكان والامكنة الاسفيرية المجاورة شايف البوست دا لى فترة السنى جاء وخشيت البوست لا لقيت سنى ولا حاجة الليلة اكتشفت الحكاية انها حقيقة ومليوووووووووووووووووووون مراحب ومزيدا من التواصل والابداع
احمــد خضــر
Post: #104 Title: Re: مصطفى السني أهلاً بيهو !!! Author: Ashraf Abdel-Muty Date: 06-16-2008, 09:18 AM Parent: #103
1000 مرحب بيه شرف و نور فعلا الخال مصطفى عوض اضافه للحوش الكبير و عشان انا زاتى جدييد اصبروا على و ح اتعلم ارفع الاغانى هنا ومنى ليكم 10 اغانى للفنان مصطفى مسجله سنه 1985 (( والاهداء لل للى و ال للو ))
مصطقى السنى الرجل الرائع ....حقيقى مصطفى من النادرين فى الروعة فى هذا الرمن ...فنان ..انسان ..اخ ... والله ملاك بالجد
Post: #125 Title: Re: مصطفى السني أهلاً بيهو !!! Author: مصطفى السني Date: 07-02-2008, 02:06 AM Parent: #103
صديقي اللدود الودود احمد
مرحب بيك يا جميل ما سمعت منك تانى راجى منك تلفون ما تعمل راااااايح
اشرف ابن اختى
تسلم يا ذوق وانت ذاتك اضافه اها رايك شنو بعدين الغنا ده لو ما مر بى الرقابه مافى طريقه ينزل هنا (المصنفات وكده)
مريم يا صديقتى
لك من الود قنطارين شكرا جدا
متعك الله بحسن النيه
Post: #111 Title: Re: مصطفى السني أهلاً بيهو !!! Author: انعام عبد الحفيظ Date: 06-18-2008, 11:46 AM Parent: #99
Quote: هدية طاعمة
مش بالله يا سمندلاوي!!!
Post: #107 Title: Re: مصطفى السني أهلاً بيهو !!! Author: ناجي عز الدين الصديق Date: 06-17-2008, 10:49 AM Parent: #1
حبابك عشرة والف مليون مرحب بيك بين اهلك واحبابك وأكيد حتكون إضافة حقيقية في سماء هذا المنبر أهلا بك ايها الفنان الرائع والجميل والشكر موصول لي أختي انعام وإلى الملتقى جميعا
Post: #117 Title: Re: مصطفى السني أهلاً بيهو !!! Author: عبدالله وداعه الامين Date: 06-24-2008, 04:50 AM Parent: #107
Quote: تقبل تحيات الزول داك الكان في عقد الجلاد -اللهم صلي على الحبيب- إسمو منو
ياسر طيفور شكيتك انت عاد لي شيخك منو
مرحب بي ود السني و بي المك نمرنا وما بقول ليك غير تتجازا
ياخ الزول صاحبنا
Post: #120 Title: Re: مصطفى السني أهلاً بيهو !!! Author: اسيا ربيع Date: 06-25-2008, 04:46 AM Parent: #117
مصطفى السني ؟؟؟
شخصيه لأ تحتاج لمفاتيح .. لانها بلا أبواب او نوافز
لأ تاخد منك وقت لتعرفها.. شخصيه مريحه بسيطة التعامل والمعشر واللسان
تحبها .. وفجاء تجد نفسك قد فتحت لها عقلك وقلبك .. وتناقش مشكلاتك معها وبصدر رحب
ويمكنك الوثوق بها منذ أول لقاء ... شخصيه لا تدعى الخجل .. ولكنها كلها حياء ....
يحترم الكل لا يرتكب جراة ولا وقاحه .. مصطفى السني فعلآ شخصيه نادرة .. انسان بمعنى
الحروف.
هذه الشخصيه فى وجدنك وفى اعماقك اخى صفصف
كن دائمآ مدهش لدرجة القهقهه بروح الداعبه
مصطفى السنى .. أهلآ بيهو او نص او خمسه
اختى العزيزه انعام .. شكرآ جميلآ ليك .. انا دائمآ بقول.. لقد خلقت فى هذة الدنيا انتم الاثنين .. انتى والعظمه
مليون سلام ياغاليه
Post: #121 Title: Re: مصطفى السني أهلاً بيهو !!! Author: انعام عبد الحفيظ Date: 06-25-2008, 09:31 AM Parent: #120
Quote: شخصيه لأ تحتاج لمفاتيح .. لانها بلا أبواب او نوافز
لأ تاخد منك وقت لتعرفها.. شخصيه مريحه بسيطة التعامل والمعشر واللسان
تحبها .. وفجاء تجد نفسك قد فتحت لها عقلك وقلبك .. وتناقش مشكلاتك معها وبصدر رحب
ويمكنك الوثوق بها منذ أول لقاء ... شخصيه لا تدعى الخجل .. ولكنها كلها حياء ....
يحترم الكل لا يرتكب جراة ولا وقاحه .. مصطفى السني فعلآ شخصيه نادرة .. انسان بمعنى
الحروف.
هذه الشخصيه فى وجدنك وفى اعماقك اخى صفصف
كن دائمآ مدهش لدرجة القهقهه بروح الداعبه
مصطفى السنى .. أهلآ بيهو او نص او خمسه
اختى العزيزه انعام .. شكرآ جميلآ ليك .. انا دائمآ بقول.. لقد خلقت فى هذة الدنيا انتم الاثنين .. انتى والعظمه
مليون سلام ياغاليه
آسيا ربيع
عارفه كلما إلتقينا بمصطفى وتحدث عن ذكريات لندن
تحدث عنكِ وبكل الإعزاز يحمل لك وداً عظيماً ونقياً وكبيراً
ويكن لكِ كل الإحترام حتى أصبحنا في شوق لمعرفتك
مصطفى على قِصر المدة التي عرفناهو فيها
إلا انه أصبح من أقرب الأصدقاء لرفعة خلقه وطيب معشره
ربنا يحفظو يا رب وتسلمي يا آسيا لكلماتك الطيبة
Post: #123 Title: Re: مصطفى السني أهلاً بيهو !!! Author: سلمى الشيخ سلامة Date: 07-01-2008, 02:31 AM Parent: #121
ياربى دحين البوست داشفتو قبل دا ؟ يبقى لى كدى غايتوالسنى كان هنا مابختنا انت وانا السنى المطموس سامعاك فى الاذاعة كمان وصلت طب يا حليل زمان وايام زمان خلينا نتلاقى ولوعلى ظهر هذا الاسفير يا جميل يا حلوالشقايق لك عامر المحبة ويا نعوم تسلمى وتانى تسلمى محبتى
Post: #124 Title: Re: مصطفى السني أهلاً بيهو !!! Author: حنين للبلد Date: 07-01-2008, 03:10 AM Parent: #1