خضر حسين يستحق ان يكون هنا يابكري ابوبكر ... (فقط لهذا السبب).

فخضر عندما أساء البعض حفظ للمنبر حقه ولأسمكم ادب الاختلاف وكفى













لن ازيد على ان اعيدوا خضر حسين فالرجل محترم بكل معنى الكلمة .




...................................................................................حجر.

Quote: خضر حسين يستحق ان يكون هنا يابكري ابوبكر

يستحق وبس يا حجر...؟؟؟

خضر دا الاستحقاق بعينو..

انا كنت متخيلة انو بكرى رجع ليهو الباسويرد وهو الما عايز يرجع...

ما اعتقد انو خضر مفترض يتسحب الباصويرد منو ولو ليوم واحد

انشاءالله الباشمهندس يفهمنا الحاصل احتمال فى امور غايبة عننا

لاسف انا جيت المنبر لقيت اتنين من الاعزاء من ذوي الفكر الثاقب خارجة
فخضر لا يستاهل ان يكون خارج المنبر يابكري والله



ويابكري انا جاهز للجودية انت زول ما ساهل وكذلك خضر حسين وعادل عبد العاطي

اذا لا بد من عودتهم

* بشده ل(عودة) صاحب الكتابه الما خمج


فالخضر أحد أنبياء الكتابه

احترامي للجميع
الموضوع ده نوقش وفتح فيه عدد كبير من البوستات
وبكري ابوبكر موقفه بالنسبة لي شخصيا واضح جدا ...البيت بيته يستضيف الدايره ويطرد الدايره
وبعد الهجمة الهكرية الأخيرة كنت اتوقع ان يراجع بكري موقفه تجاه الموقوفين ....خاصة امثال خضر حسين الكانوا ولازالوا رغم بعدهم اضافة لهذا المنبر...
تعرفوا زمان كنت بتخيل انه سودانيزاونلاين صنعت بقاطنيها لكن ايقنت بعد محاولاتنا مع بكري ان سودانيزاونلاين ملك حر لبكري ابوبكر اخير نكون واضحين.
نهايته..
معلومة توضيحية بكري بعث من ضمن مابعث للموقوفين لخضر حسين "ارسل تعهدك نرسل لك الباسوورد" ولكأني ارى خضر يضحك.
لانه يابكري امثال خضر لايرجعون بهذا الاسلوب..مش عشان اي شيء لكن عشان خضر لا غلط لا اساء بشهادة الاطراف المشكاركة في الموضوع سبب الايقاف "الماعرفنا سببه لي اسه ده".

اها ....ابل راسي يابكري ...ولا بعد شوية

خدر حسين زولنا
بكري ابوبكر برضو زولنا
والموضوع دا بنحلو بالهداوه



بس روقوا المنقة











كل الود

التحية للجميع

قبل ليلة الفرح ليلة 17/11/2008م لازم تسجل حضور هنا ياخضر بالله


تحاول ونشوفكـ ويابكري بالله حاول تعالج الامر من عندكم فالمسألة


بسيطة جدا وخضر اضافة حقيقية وصاحب مساهمات عقلانية وكبيرة وكمان


فلسفية وصدقوني خضر يحرك في يراعه جهة التصويب في سودانييزاونلاين .



يلا ياخدو ورينا الهلال غالب والله غالب الله يكون في العون .




............................................................حجر.

Quote: يلا ياخدو ورينا الهلال غالب والله غالب الله يكون في العون .

مغلوب طبعا .. دى دايرة سؤال ؟؟

السيد المهندس بكري أبوبكر



الإحترام



السلام عليكم ورحمة الله





هذا المنبر مؤسس لرفد ودعم الثقافة والفائدة العامة وهي أمور موصولة بتوكيد الصحيح و علاج الخطأ، لكن كتم الأراء وإقصاءها لا يفيد في ذلك، ولا يتسق منطقاأن تطالب بحرية الكتابة والنشر في جهة الحكم العام وأنت تمارس الحجب والإقصاء في ملكك الخاص.


أن تحفظ للقراء حقوقهم في الإطلاع على مادة موضوعية أو جمالية خالية من السوء لا يتطلب حرمان بعض الكتاب من الهواء (الكتابة)



أفسح لخضر حسين خليل مكاناً مجلساً ومقاما فهو مناضل صاحب حق وكلمة حق في الرأي العام أكثر منه طالب حاجة،



أمثال خضر تستجديهم المنابر ولا تقصيهم فأعدل في هذا الأمر فالعدل أقرب للتقوى.




ولك مع القارئي الكريم التقدير والإحترام

أميره بت الشيخ..
هووووووووووي
دي ما دايره اي كلام..
ببركة نبي الكتابه خدوري ساي.... بنغلب

خضر حسين أنسان خلوق ورجل عظيم أضم صوتي بأعادته
في منبر السودانيين المنبر الحر .
مموشي سيدا
عمارة

Quote: أميره بت الشيخ.. هووووووووووي

ودالباقر هوووووووووين*

يوم 17 مااشوفك كاتب بالازرق









___________________________________
هوييييين دى على وزن مغلويبن 2يامحمد الباقر

العزيز الرفاعي حجر
اعتقد بكري ما عنده مانع يرجع
ولكنه بيصمم ايميل جماعي فيه كل الناس الاتفصلت
وصيغته هكذا ان تلتزم بلائحه.
نعلم ان خضر لم يخالف اللائحه
ولكنه امر صاحب المنبر.

المهم انا ارى ان يقدر خضر ايضا مشغوليات بكري
والا يعتبر الامر شخصي
وكذلك هشام هباني
وان يرسلوا ايميل لبكري
ياطلبوا بباس وردهم.
ومتأكده انه بكري سيرسلها في لحظة.



ويا خضر وهشام هباني معاك
نحن هنا لسنا لاجل بكري ابو بكر او غيره نحن هنا لاجل شعبنا
فعودوا لو انكم واثقون انه مشاركاتكم مهمة في التعئبه الجماهيريه.
انا شخصيا ارى ان مشاركاتكم مهمة وانكم بغيابكم افسحتم فرقه للكيزان
واعداء الشعب و العداله,اصتلوا ببكري ومافي اي تنازل او كسر لكرامتكم
صدقوني التزماته كبيرة بادراة المنبر.
وهذا ليس كسير ثلج فقد جربت المسؤليه ورغم ان منبرنا صغير جدا مقارنه ببكري
لكن حقيقة لم اعد اجد زمنا لاشياء كثيره.

تحياتي لكم
ويلا يا بكري يدك معانا ويا خضر وهباني رجاء رسلوا لبكري.



تخريمه:
معليش اقحمته هباني لاني ايضا افتقده هنا مع خضر وآخرون.

Quote: المهم انا ارى ان يقدر خضر ايضا مشغوليات بكري والا يعتبر الامر شخصي وكذلك هشام هباني وان يرسلوا ايميل لبكري ياطلبوا بباس وردهم. ومتأكده انه بكري سيرسلها في لحظة.

عاد ياتراجي يابتي ..كلامك ده خلي خضر....انا زاااااااااااااتي زعلني..

حجر كيفك

بكري قال خضر غلطان و فصله
خضر قال انا ما غلطان
بكري قال يمضي تعهد عشان يرجعه
خضر قال ما حيمضي تعهد


مافي واحد حيمشيهاللتاني شكله



الموضوع ده صعب يتحل.. صدق!؟

Quote: خضر عندما أساء البعض حفظ للمنبر حقه ولأسمكم ادب الاختلاف وكفى

لم يتوقف خضر من تلقاء نفسه أو تضامناً مع احد
و عندما توقف كان في مثالاً في ضبط النفس المعهود به ..

فلنتجاوز اختلافنا (إن كان هناك اختلاف)
و ليعد إلينا نبي الكتابه

.

حجر و كل الناس الفوق

سلامات .

أنا طبعاً شهادتي مجروحة حول خدر

و لكني لن أخفيكم أن المنبر

أصبح لدي ( مسيخ ) و طارد منذ تلك الحادثة ،

بعكس إفتراض أن يكون جاذباً .

لم أستكين و سعيت عبر التلفونات من الخرطوم

إلي السعودية و أميركا ، إلي معالجة الوضع .

طبعاً لن أكتب هنا تفاصيل ما دار

و لكني أقول بأن الأمر أصبح صعب جداً

مع العلم أنه لا يوجد مستحيل .

ختاماً أحيلكم إلي مداخلة الصديق العزيز/

( قمر بوبا ) بعاليه .

ودي

م . كرفس

Quote: بكري قال خضر غلطان و فصله خضر قال انا ما غلطان بكري قال يمضي تعهد عشان يرجعه خضر قال ما حيمضي تعهد مافي واحد حيمشيها للتاني شكله

مافي حاجة صعبة لو الناس قعدت في الواطة و فتتو على بلاطة
اصلوا ما ممكن يكون في حقيقتين في زمان و مكان واحد

و دي برضو إحالة لمداخلة المنصور جعفر الثرة
كيف ح يكون " السولقين " بتاع المنبر " وطن من لا وطن له . . . صوت من لا صوت له "
اذا صار يصادر الاصوات البحت في استشراف وطنها الخيّر الديمقراطي . . . في وقت استباحة الاوطان دا الاهدانا المنافي ؟


ياهو سبيل الاولين نقعد نعقد في مشاكلنا لما يغلبنا حلها و تغلب اجاويدنا ذاتو . . .

هلا سمحتوا لنا سادتنا بكري و خضر انو نكون في نفس الكوم لننصرف لما ينفع الشعب ؟




التعديل لتعديل التعديل الاول الكان لتعديل كلمة

خضر ما غلطان عشان يعتذر أو يتعهد ..
و سيد الحوش قفل الباب و شال المفتاح .

دحين كيف الدبارة ؟
يللا حلوها .

القارئي الكريم



لعناية المهندس بكري أبوبكر



الإحترام




السلام عليكم ورحمة الله





أناشد المهندس بكري أبو بكر أن يجيب مناصرة قضية المفصولين من هذا المنبر وذلك بأن يقوم برد حقهم الأصيل في الإشتراك في تكوين الرأي العام وفق ما يرونه من أراء وجهات نظر.


منهم خضر حسن خليل وآخرين، إذ لا يمكن الحديث عن حرية الكتابة والصحافة وهؤلاء تجاوزت مدة إيقافهم زمناًطويلاً كاف لأن يدرك العاقل فداحة خطئه.



ولك التقدير والإحترام

حجر ،، لك ولضيوفك الكرام أجمل تحية ،،

أضم صوتى مع الجميع فى مناشدة الأخ بكرى أبوبكر إعادة باصوردات الإخوان خضر وهبانى وعادل عبدالعاطى ،، فإن أقلامهم سنينة وكذلك حنينة وكذلك عظيمة وكذلك رهيفة وكذلك مدغدغة للأفئدة والعقول .

ارجو أن لا يأخذ الطرفان الموضوع مرجلة أو أنه يمس الكرامة ،، فلا يضير الأخ بكرى ولا ينتقص منه شىء إن أرجع الباصوردات لهم فسلاح المقص ما زال وفى طوال الوقت فى يده يمكنه جذّهم به متى شاء إن رأى أو تخيّل أنه رأى منهم ما يعكر صفوه ،، وفى نفس الوقت فإنى أحس تماماَ بأن الإخوان خضر وهبانى وعادل عبدالعاطى قد يروا فى تلبية طلب صاحب الموقع بأنه ساواهم مع الأعضاء الجداد لنج فى حين أنهم كانوا من عتالى الموقع منذ مدة طويلة ولهم إسهاماتهم الكبيرة فيه بل ويشعروا بأنهم شاركوا مع بقية الأعضاء فى ترقية الموقع حتى وصل إلى هذا الوضع الرفيع من القوة والتأثير ،، لذا فإنهم يروا فى طلب الأخ بكرى مساساَ لكرامتهم ،، ولكن !!! من هو الخاسر الأكبر فى ذلك ؟؟ قطعاَ نحن الأعضاء والزوار وكذلك التاريخ .

لذا فالحل فى نظرى هو أن يتنازل الأخ بكرى من جزئية ( الإعتذار ) فى طلبه والإكتفاء بطلب الإشتراك فقط منهم .

خالص التحية للجميع ،،،

ماهر محمد صالح

الاعزاء جميعا لكم التحية والتقدير


نرفع الامر ولا نزيد ان خضر حسين عندما وجد البعض فرصة للإنقضاض كان



وفياً لحمى الدار ولم ينبس بكلمة في غير أن المنبر كبير وهو ضد التهكير



لأي سبب او دافع التحية لخضر حسين وبقية العقد الفريد , اطلقت دعوة لعودة



خضر لانه كان مثال للوفاء والاخلاق ولكن لا يضير في ان تعمم لتشمل جملة من الاقلام


المؤثرة جدا ووجودها فيه الرفعة والاستنارة عادل عبدالعاطي , هشام هباني ولفيف



من المبعدين او المبتعدين فليعود المنبر للونيته التي انطلق منها فخلاف الراي


ظاهرة ايجابية بلا شكـ .




..................................................................حجر.

خضر حسين يستحق ان يكون هنا يابكري ابوبكر

لم اراه رؤية العين...لكننى احببته حب لم يحبه شخص لشخص.....تداخلنا هنا..تربينا هنا....نبحث عن بعضنا البعض...بعد أن تباعدتنا... وفرقنا كما لم نفترق من قبل....غياب الفكرة....و اطمار زمان...الوهابيين!!!!!

جمعنا احد المجانين....ربما هو بكرى...أو خضر....أو ربما...البراح الحر....

خضر نسمة..من نسمات هذأ البراح...نتكئ عليها....فنشعر باننا ما زلنا بخير...ننتسم العشق... و الحب و الاحترام الممتد..لا يحاسبنا احد... و لا يفصلنا...احد...


لكن خضر...لا ادرى... فغيابه عن براح الحرية......

كغياب...نسمة..خريفية...من ...دعاش المطر الرطب......افتقده...كثيراً


صديق-الدوحة

هنا التقينا....

مشاهد يوميه...قصيره جدا

جداً...جداً

مشاهد يوميه...قصيره جدا

خضر
فى أنتظارك قريب أن شاء الله

فعلا خضر زول جميل جدا
نتمنى عودته من جديد للمنبر

ولو مافي خانة يا بكري أنا متبرع بـ(اليوسر نيم) بتاعي

تعرف يا حجر الله بيسألني
خضر دة من غادر المنبر دة وانا ساكيهو
في المنابر التانية
واحد من الاسباب الاساسية البتخليني اقرأ منابر أخرى
هو وجود خضر هناك
فاتمنى ان يستجيب بكري للنداء
وجود خضر هنا يعطي بعدا جميلا للمنبر
لا اود ان ازيد
لكن الرجل من الجمال بحيث يصعب
تصديق انه فصل من هنا

نعملعودة خضر

*

يا شباب لاشك أن خضر حسين وهشام هباني وعادل عبدالعاطي من الاقلام المهمة في هذا المنبر ويا بكري وجود هؤلاء الشباب مهم وقد عرف عنهم أنهم يقفون الى جانب قضايا الشعب والمواطن البسيط في وقت ضم المنبر أصوات مشروخه تحاول تجميل قبح النظام فأيهما أحق استمراريتهما أم استمرارية اعداء الشعب؟

الصديق الانسان الرائع خضر حسين

يابكري محتاجنو شديد

تيف تيف

الاخ الرفاعى

شكرا لندائك
ولكل النادن زمان لمن بحّ صوت الامل


وللنادوا عشان خدر

شهادتى فيهو مجروحة ومع ذلك اقولها باعلى الصوت

خدر لن يخسر- الذى يخسر هو الموقع هنا... يخسر قلم رصين وكتابة واعية

وقلب كبير- قلب انسان نادرة انسانيتو


فيا بكرى سلام