على ذمة الدكتور دقش وصحيفة الخرطوم

بالأمس عدت ليلآ الى البيت وجدت صحيفة الخرطوم وبعد الروتين المتبع عند الدخول وتهيئة النفس لراحة تمتد الى الصباح أخذت صحيفة الخرطوم وكعادتنا بدأتها من الخلف الى الامام (ياليتنا بدأنا السودان من الخلف الى الامام كما نفعل مع الجرايد)وتناولت حديث فضل الله محمد حول مناشدته الحكومة بتنسيق جهدها الدبلوماسي والشعبي بتناغم يعني بالعديل وبدون خجل هو فضل الله التاريخ ما خجل اخجل انا بالعديل كدا قال لي ناس الحكومة يلا اعيدوا زمانات التعبئة والحشد لمقابلة الهجمة الامبريالية وكلام من النوع ده (أنتو بالله فيكم واحد يقول لي الزول القلبو شنو يعني فضل الله ده زولآ رقيق وحساس وويعني حسو عالي بهموم الناس والله ده زمن العولمة كما يشاع ليتك تعود يا فضل الله محمد من غربتك عن الجماهير وتنحاز لهمومنا ليتك فعلت ......... نعود لأصل موضوعي وهو انتقالي بعد فضل الله محمد الى الطريف والمليح الدكتور دقش وهو ذاتو فيهو لمعة حكومية لكن جلبابه فضفاض لحد ما قادر يحيدنا ويجد لنا ظل في دوحته عمومآ كتب د. دقش معلومة عن لجنة اختيار مدير لمشروع الجزيرة والذي يمثل رئيس مجلس ادارته الشريف احمد عمر بدر (ده كمان خلاص دخلوا المتحف فقد استنفذ المرجو)المهم لإختيار المدير انعقدت لجنة مكونة من مدير جامعة المنطقة وهو بروفيسور وحددت كم واحد كدا يعملو ليهم بلغة المثقفين الايام دي انترفيوووو وعينك ماتشوف الا النور اللجنة منعقدة جاء شقي الحال المطلوب للمعاينة الاول ودخل برجله الشمال فسقط في الامتحان دون ان ينبس ببنت شفاه ...دخل التاني وطلبو منه مسألة فقهية ما متذكر السؤال تحديدآ هو آيه عمومآ سقط هذا الاخير وانا بفتكر ده انجحهم لانو السقوط في هذه المسألة نجاح انت جاي لمنصب مدير مشروع زراعي يروى صناعيآ كما افاد الاخ د. دقش يسألوك عن الشرع انتو دايرين مأذون والله امام مسجد انتو دايرين تعملو انترفيووووووو لزول ح يكون مدير مشروع الجزيرة يازول جاء التالت وده سؤاله كان برا... عينة براها دي قالو ليهو إقراْ على اللجنة الموقرة اسماء الله الحسنى بالقلبةههههههههههههههههههههههههههههههه انا والله بكيت وضحكت واستغفرت الله ونمت الله يرحمك ياسودان انت من خرج من ظهرانيك المحجوب وثلة من اهل العلم والمعرفة يحكمك اليوم النكرات.

تعرف
ايام الانقاذ الذهبية ، كان صديقي وهو يحمل درجة الماجستير في الاحصاء قد تقدم لمعاينة في مصلحة الاحصاء لوظيفة شاغرة ( حتى تلك اللحظة) وكان من المجاهرين بمعرضته لسياسات الانقاذ الخرقاء
فسالوه اسئلة كثيرة في مجاله اتجابهم تمااااااام التمام
ثم
سالوه عن رايه في ثورة التعليم العالي

فاجابهم

سياسة زفت
وانتو زفت
وعارف امكم ما حتشغلوني
وطلع من المكتب

يعمل صديقي حاليا في احد مكاتب الامم المتحدة
السودان يا صديقي يعاني من مرض مزمن اسمه نزيف الكفاءات

الدكتور محمد حسن لك التحية سيدي ... انت الغرابة في انك عايز مدير واللجنة برئاسة بروف ومدير جامعة من أرقى الجامعات في السودان والمنطقة معقولة يكون دكتوراه دي في رد مسح الرأس اصلوا انا تابعت مناقشة لدكتوراه موضوع الرسالة رد مسح الرأس معقوووووووووووووووولة الكلام ده يادكتور محمد.رحم الله السودان وأهله.