Post: #1
Title: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة "اللحمراس"..؟
Author: صلاح شعيب
Date: 06-29-2005, 03:52 PM
حقا ً افتقدت خال البورد صديق الموج الذي يزاور البوستات ويصنع فيها الفرح والرأي
السديدوالنكتة ويخفف من الشطحات العنصرية بين المتحاورين ويرحب بالجدد الذين ينضمون
للبورد.
ويكتب احيانا بما يفيدنا .. رجعت للارشيف الرقم عشرة حتي ولم اجد له مساهمة كما ان
زياراته قلت
كثيرا .. في اول الامر اعتقدت انه يرقد علي رأي خطير..او يريد ان يري الحيكومة الجديدة
الحمراس
ومن ثم يمطرنا بنكاته ونصائح الخؤولة الغالية..قلت ان العم هشام مدني ربما يدرك سر
غيابه, ولكن لم اجد دليلا علي ذلك.. هل لنا ان نبحث عن صديق الموج الذي يزورنا..؟ نأمل
ألايكون مريضا ً او ان الحيكومة ارسلت فايروس لكمبيوتره او انه غاضب علي ان التجمع رسي
علي مولانا أوان البورداب خرجوا عن الموضوعية او ان قضية اهلي في دارفور ألمته واخذ
موقفا فرديا بالانقطاع عن الكتابة حتي يصمت اقرابائي ناس محمدين وحجر ومحمد سليمان
وتراجي عن الدفاع عن الذين تقصفهم قاذفات اللهب وبالتالي يعود جنبا الي جنب مع كل
الاخوة الدارفوريين الشايلنها قرض وتمر هندي معاسواء مع قريبنا محمد حامد جمعة او
الحيكومة ذاتها. ومازال البحث جارياً وافيدونا
افادكم الله, فليس منا من لم يسأل عن زميله او خاله.والظرفاء قالو الخال خالي وانا ود اختو.
|
Post: #2
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: Alia awadelkareem
Date: 06-29-2005, 05:27 PM
Parent: #1
| Quote: افادكم الله, فليس منا من لم يسأل عن زميله او خاله.والظرفاء قالو الخال خالي وانا ود اختو |
صلاح
صباحك ود
هو ما قلت عن الخال الموج
ومعاك برفع كف السؤال..؟؟؟
محبتي
|
Post: #3
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: حمزاوي
Date: 06-30-2005, 03:06 AM
Parent: #1
اخوي صلاح
كيفنك
يا اخوي لا تلخبط المسميات في البورد
خال البورد هو ودقاسم وليس صديق الموج
صديق الموج هو مشلهت البورد
تخريمة
امبارح انا لاقيت صديق الموج شايت ضفاري عند كبري الفتيحاب
|
Post: #4
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: صلاح شعيب
Date: 06-30-2005, 08:56 AM
Parent: #3
الاخت الاديبة عالية
وما زال البحث جاريا , واعتقد ان مجيئه ربما سيتزامن مع الفتي العائد
من طول الغياب جون قرنق
|
Post: #5
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: Mohamed osman Deraij
Date: 06-30-2005, 09:11 AM
Parent: #4
الاخ صلاح شعيب
"حضرنا و لم نجدكم!!!!!!"
دريج
|
Post: #6
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: هشام مدنى
Date: 06-30-2005, 04:18 PM
Parent: #1
ابن اخى العزيز صلاح شعيب
عــــــاطـــر الــتحايا
المعذرة للتاخير كــنت
هناك مجاور العظمة الفى الصورة دى بالله شوف الجمال والروعه دى
نرجع لموضوع اخونا الغالى صديق الموج
الانسان العظيم موجود وبخير وما تخاف عليه
بفتش عليه وبرجع ليك تانى
قلت اخليكم مع الصورة الروعة دى
|
Post: #7
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: هشام مدنى
Date: 06-30-2005, 04:38 PM
Parent: #1
Re: ويجي صلاح شتات يقول ليك ...
28-06-2005, 08:52 ص
صديق الموج
.
تاريخ التسجيل: 17-03-2004
مجموع المشاركات: 1894
ما قلت ليك هو بخير كده خلاص الجزء الاول باقى الجزء التانى بنرجع ليك تانى
| Quote: ام ينتظر تشكيل الحيكومة "اللحمراس"..؟ |
اها قصرنا معاك؟
|
Post: #8
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: صلاح شعيب
Date: 06-30-2005, 10:14 PM
Parent: #7
حمزاوي كيفنكا
ياود الاخو انتا بتختار سايت, دحين ود الموج ما نصباهو من صبحية مشاركاتنا
معاكو في عالم السايبر, ولا الكبروس ماعارف .. ومافيش زول رفعلاناعصاية ولامحاية
.. صحيح ودقاسم علي العين والراس والشعر والرواية, ولكن جلابتو البقارية ديك , وقد تكون جناح
الجكو او القردود ـ ما تبأهلو للمنصب البستحقو رفيق الموجة, قوام السداري, كان في تحت
كبري الفتيحاب ولا في لجة بحر الدميرة او موية الرهد اب دكنة او حتي في خيران اهلنا
البشربو منها ال[ الالمي] .. وحدث ولا حرج.. نان حاج ود قاسم" ودي بتجي كيف " شوف ليهو
حاجة كبيرة "أمات جلاجل ",مع الحركة الشعبية أحتمال, ما ياهو بشبه ناس امدوم.. صديق زولنا
تب .. وممكن نقول عليهو حاج صديق.. دحين نقول لود قاسم شنو..ود ودقاسم , ولاقاسم حاج
ود.. وكلو عند العرب صابون فنيك.. وماعارف عند ناس بشاشا شنو.. قال شايت دفاري قال..
حاشا ود الموجة, ده اب عاجات الكمال عبد الوهاب بشوت عديل في المرمي لا "سبت" بقدر يسدها
ولا الطيب سند " طبعا ً في حالة التمرين.. وولاد النوبا شجعان في حراسة المرمي, وبرضو
"مظلوميون" من الوسط " الكتف " او الجناح " حيث اجود اللحم ماجاوره العظم..
|
Post: #9
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: بدرالدين شنا
Date: 06-30-2005, 11:06 PM
Parent: #1
العزيز صلاح شعيب
سلام وإكرام وإحترام
والله إنك لسالت عن الغالي النفيس ... أتمنى عودته بسرعة وبكامل صحته وجماله
قبل كم يوم ناشدني العودة وما أن عدت غاب هو وها أنا أناشده ولك الشكر أخي صلاح شعيب مرة أخرى
|
Post: #10
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: زول ساكت
Date: 06-30-2005, 11:34 PM
Parent: #9
حقيقه نفتقد ودالموج
والله الخرم ليهو رامينا عديل كده
|
Post: #11
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: nada ali
Date: 07-01-2005, 03:13 AM
Parent: #1
ننادى معك على الخال صديق الموج
و له التقدير
ندى
|
Post: #12
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: صلاح شعيب
Date: 07-01-2005, 06:51 AM
Parent: #11
الاديب محمد عثمان دريج
شكرا ً علي المرور , ولعل الطوارئ كثيرة, الشهوة للالتقاء والتحدث
باذخة. ود الموجة شغلنا بغيايه السايبري, وقلنا نعل ما اصابو مكروه,
ونط علينا حمزاوي وقال شافو مدفر علي صعيد كبري الفتيحاب ماشي لنساباو
الجموعية ولاشنو ما عارف.. علي كل حال حنلقاو , وسأتصل بمحمد حامد جمعة
ماقالو الراجل شغال شغلانتن بتجيب اي زول وممكن تودر اي زول.
|
Post: #13
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: صلاح شعيب
Date: 07-01-2005, 07:15 AM
Parent: #12
عمنا هشام مدني
"جزاك الله خير" علي الافادة التلغرافية, كان للصورة الرسلتها دي علقت عليها
وقت ياجماعة دكتور عمر ده زول نضيف ولازم نديهو الثقة شان يقدم لينا درر امدر
الشعرية ومشاكل المصارين الكثيرة ديك.. وكان للحيكومة اللحمراس أنا ما مؤيدا من قولة تيت
, ماهي زي ماقال ودالمهدي مابتعبر عن تطلعاتنا السنديكالية وهلم جرا وزير.. ومولانا رغم
تأييدناليهو للاجتثاث من الجذور "خذلانا" ورضي بعدم المحاسبة والله ينصرو, وعم هشام عليك الله القصة دي ما
عايز ليها عرس تاني والواحد يطلق سياسة قرايتي راحت دي.. رغم النضمي الكتير والمنشورات
والنضالات والشعر النضالي المفهوم والمامفهوم والموت نجي تاني لمربع الجبهة الماسكة
بمفاصل اي حاجة..وانا متأكد صديق كان جا
حيفتينا , ما هو مفتي الديار اب قفطان وطرطور..وقالو كمان ساطور, رغم إنو صورتو ام
نضارات بتوحي إنو زمان كان فني شيوعي في السكة حديد, والصورة برضو
شكلها "نقابية" ..وياعمنا هشام صورتك برضو بتعبر عن " الرأسمالية الوطنية" يا حليلا او نايم
ليك علي فدادين جهة ريفي اللعوته ولا ريفي السليم.. لكن خالنا صديق حاشاه اليساري اب نضاراتا بتترفع فوق
الحاجب وبتتنزل..شايف انت زي مِؤيد أتفاق القاهرة.. وعلي كل حال انا منتظر ابوجا واشوف كان محمد سليمان ولا محمدين حيدوهم وزارة بعدالمجهودات الكبيرة البذلوها في فضح الجبهة.
|
Post: #14
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: معتز تروتسكى
Date: 07-01-2005, 12:06 PM
Parent: #13
حالص التحايا
استاذ صلاح شعيب
طراك الله بالخير
تذكرنا الاستاذ صديق الموج
نعم انا بالذات لى فتره بكوس فيهو بغض النظر عن شغلتى معاهو
نفتقده
ارجو ان يكون بعافية وصحه الباقى كلو هين
سلامى كتير ليهو
وليك استاذ صلاح
وقيلو بعافيه
التحايا النواضر
|
Post: #15
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: محمد عكاشة
Date: 07-01-2005, 12:58 PM
Parent: #14
الاخ/ صلاح
تحياتى لك وللخيلان
لكن فى البوست ده ظهر بدر الدين شنا (الفنان) بعد غياب ...
تحياتى للجميع
مع مودتى
|
Post: #16
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: صلاح شعيب
Date: 07-01-2005, 02:20 PM
Parent: #15
يا بدرالدين دي عملتها كيف دي ..ولاي العظيم بسأل [عليكمو] سؤال الضهبان
..لو تذكر آخر مرة اتلاقينا افتكر في نهاية الثمانينات في العيلفون لامن اشبال الموردة
زاروكم واتذكر في اليوم ديك انطربنا بابداعاتك وقفشاتك وعمنا مبارك حسن بركات ابدع
بلحيل وغني لينا جنس غنا شيتا من كلمات الجاغريو وشيتا من كلمات ودالرضي ورقصن شوف
حلاتن..الناعسات كاحلاتن. ياخي انا سعيد حتي البلح اشوف صورتك وياكا انت ذاتك لافيك شق
لاطق ومبرأ إلا من بعض شيب وشباب ينغمص في تجاويف الانف وينسدل مابين يباب الشنب. [ ومع
ذلك, ومع ذلك]يظل اليمام قادرا ً علي تجاوز النهر, واستميحني من لونك الابداعي اليظل
اصيل زي.... .النخيل, وياهو الشعر الحداثي مابعدمو......... اما ولو جاز السؤال عنا
فنحناملوك الشعر التركوازي وانتم ملوك التمثيل الغير إنبطاحي, في زمان البطاح وامجاد,
وياحليل ابرجيلة اللي ماحضرتها لامن جيت العاصمة قادما مع الجراد ال "::::" مازال وقوركم
يزداد ألقا وينداح علي سماوات الندي, اما الوسامة فبعض ذكريات وياحليل الاصدقاء الكان
شاقيها ترام نظرنا وآفاق اهتمامنا.. وياحليل أيام السعد يابدرالدين لامن كنت بتضحكنا
حتي الثمالة.. قالو لي اتصوفتا وخليت الابداع زيك وزي البيعو الذي عاد اكثر شركا ً
بالغياب ومرحبا ً بك يالحبيب المنتظر وإنشالا الصوفية روت عشقكم الخرافي زي ماصديقنا عمر
محمود سابح في سماواتها الندية, والحقيقة انا برضو عندي نيات للتصوف زي الطيب عبدالله
زعيم امة الهلال ولكن خايف الجماعة يقولو لي رافقت الموجة وصادقتها..ولكن سأحاول لو
افتيتنا بحلاوة الشغلانة وحكيت لينا "محاسن التصوف في لحظات التخوف ".
قريبك صديق ده الإله يطرا بالخير... كتر خيرو غاب وجابك لينا ماجابك .. وانا قلت احتمال
لابدلو علي سفارة ولا وكالة مصلحة ولكن حمزاوي لاقاهو رابط في كبري الفتيحاب ومجدف في
السكة .. طبعا ً الخال ابعاجاتن رفيق الموجة واحشنا بنصايحو الغالية.. وطلات نضاراتو
الشيوعية العمالية.. ولكن برضو ياهو انتا جيت نابل زي ماقال ودعكاشة والمني تجيب لينا
محمد النعيم سعد وبالعدم زميلك المتصوف عمر محمود او زعيم امة الهلال.
|
Post: #17
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: هشام مدنى
Date: 07-05-2005, 04:19 PM
Parent: #13
عزيزى الفاضل صلاح شعيب
عــــاطر التحايا
| Quote: شايف انت زي مِؤيد أتفاق القاهرة |
والمفيد هنا
لــمؤيدي اتفــاق القاهرة مــليون مــبروك.....
وبرضوا ابـــوجا قاب قوسين
وبـــرجع تانى
مع تحياتى
|
Post: #18
Title: Re: اين الخال صديق الموج يا هشام مدني " هل راقدلو" علي رأي.. ام ينتظر تشكيل الحيكومة
Author: صديق الموج
Date: 07-06-2005, 05:23 AM
Parent: #1
العزيز جدا صلاح شعيب تحياتى النواضر
شكرا جميلا وطويلا لانى لى قريب سنتين فى البورد ده اغيب واعود
دون ادنى بوارق كما المطر الاستوائى ولا حد هببوا لى وكانت
هذه الغيبة كمثيلاتها ولكن اتحفتنى فيها انت وهشام مدنى وندى
وتروتسكى وزول ساكت والحميم بدر الدين والرائعة المنيفة عالية
عوض الكريم وحمزاوى الذى استنكر خلخيلى واهبا ذلك الشرف لودقاسم
وهو بلا شك حقيق بالخلخولية ولامانع لدى من مقاسمته ذلك.طوقتمو
عنقى بجميل سؤالكم عن خالكم والذى هو شريك...لاشى يحوطنى عنكم
غير غرق مخيف فى اشغال لا فائدة منها وانا استصحب كلام امير
شعراء السودان الحاردلو..
كان سالونا قعادنا شن اسبابو لا مصروف ولا زولا بنتسلابو
لعل تلك قراءة مبكرة للحال هنا..ولكن امر حيكومة الحمراس
التى ذكرت يشغلنا حقا..لدرجة لم نعد نتبين ايها الصحيح
وربك يستر.
صلاح العزيز اسأل عن خالك كلما غاب عشان تكبر راسى لاعود
مجددا مكتسبا من الاهمية مما لا استحق وسوف اثمن لك ذلك.
واعدك بحضور يكافى سؤالك وسؤال السمحين عنى.عشت،،
|
|