Post: #1 Title: فى زول شاف كلب جكنان فى الجليد ؟ Author: Osman Musa Date: 12-24-2009, 01:02 AM
البقر يوماتى . الحمير . الحمير تجكن وده عادى . الا ده أول يوم أشوف كلب جكنان فى نص الجليد . والصحافة والدنيا والتلفزيون وال Ambulance . أصلو ده كلب ولا كلب ولا كلب ؟؟؟؟
Post: #2 Title: Re: فى زول شاف كلب جكنان فى الجليد ؟ Author: Osman Musa Date: 12-24-2009, 01:27 AM Parent: #1
Post: #3 Title: Re: فى زول شاف كلب جكنان فى الجليد ؟ Author: محمد الفاتح خالد حسون Date: 12-24-2009, 01:58 AM Parent: #2
الحبيب عثمان موسي
البَقر الطلق نَوح ... سرح في الزيفة ديك روح
كان ما شايف الجليـد المابغباني
كان قلتا ليك : ياهو كلب الحًر ...
لكن الكلام و الاهتمام الاتوجه ليو .. نحنا في الثانوي العالي كلو ما لقيناهو !!
هَوهَوة ما طلعت منو .. شًقي و مهذب .. يكون ابلم ..come at you دي موش جيتك جيتك مرتين ؟؟
أنشاء الله طَيب
عابر ... منابر
محمد الفاتح
Post: #4 Title: Re: فى زول شاف كلب جكنان فى الجليد ؟ Author: Osman Musa Date: 12-24-2009, 03:55 AM Parent: #3
شيخ محمد الفاتح سلامات عارف يا محمد . الفى ال YOU TUBE ده كلب تانى . الكلب الشفتو جكنان ما قادر يهوهو . يكدكد من الزمهرير .
Post: #5 Title: Re: فى زول شاف كلب جكنان فى الجليد ؟ Author: Osman Musa Date: 12-24-2009, 05:35 AM Parent: #4
أمريكا دى بلد العجايب والله يا الطيب شيقوق حالف الا اكلمك بى قصة الكلب الجكنان فى الجليد . .. يا الطيب الكلب ادوهو Multivitamin عشان البرد بعد شويتين هاك Pain Relieve 100 M وحبوب وجع رأس . جرقاس يا الطيب تعب تعب شديد المسكين .
Post: #6 Title: Re: فى زول شاف كلب جكنان فى الجليد ؟ Author: Ahmed al Qurashi Date: 12-24-2009, 06:40 AM Parent: #5
والله يا عثمان الكلب دا تقول مركب ليهو ترس
فور ويل درايف بس
الجليد عندو الزى المويه رفاس بس
تسلم
Post: #7 Title: Re: فى زول شاف كلب جكنان فى الجليد ؟ Author: Osman Musa Date: 12-24-2009, 06:54 AM Parent: #6
يا د / أحمد القرشى . جمبنا فى مستشفى بتاع كلاب . وفى كلاب بدوها Insulin Injection حظها عجيب . زى الكلب الجكنان فى الجليد ده لو كان فى البطانة يا د / أحمد . كان ياكل طرمباش لامن يقول بس . وأحد من اهلنا جا زيارة . كلمتو بى قصص زى دى . قال لى الأمريكان ديل خمجانين ساكت . السكرى نحنا كتلنا كتل .