للمهتمين باللغة العربية والمحلية او العامية ...مصطلحات مرحلية مهمة ...وخاصة المغتربين

قبل الترحيل و بعد إذن الإخوة في الإشراف و المراقبة

كلمات ومعانيها


فرده= صديق أو رفيق.

ضفادع+نحل+دبايب= شخص يفرض نفسه ويتواجد فى كل مكان.

مرطّب= مرتاح أو بحاله ممتازه.

ربه دكاكينية = حفلة خاصة

جكس+حسس+دامة= بنات

ياعمك= ياأخونا

كهارب+حنه+كشكوش+شرتيت= فلوس ونقود.

هكر+شجر+طاعن في السن= زول قديم.

قلب= أنسان عزيز.

شتت+تلاشى= ذهب أوغاب.

شاكوش=عندما يقابل شخص بالصد والرفض خصوصا من فتاه.

شديد+دسيس+مكسب= أمرجميل رايع.

فك المجنونه= خمّس أو فك السيجاره.

تفاتيح+شرمه= الشخص الذى يدعى معرفته بالامور.

هوى= شى لاتحمد عقباه.

القسم+القرد+غرز= أسماء لرقصات شبابية.

قائد الاسطول= مسطول.

ورل= اكبردرجه من(دبيب ونحل وضفادع)موضح أعلاه.

سحليه= البنت التى تفرط من أستخدام مستحضرات تفتيح البشره.

عشمانا+غدمبليه+سفاسف+شومة=للاكل .

مهوى= جائع.

كبايه+كبكبي= أنسان يتوتر بتعامله مع الجنس اللطيف.

لغم= أنسان صاحب تخريب وتدمير.

تبشه= شخص(عوير).

مسطح= شخص لم يفهم الموضوع..

الجلك والجلكينة = الاب والام،

التفتيحة = الرجل الفاهم والواعي،

يكب المكنات والجاكات = يكذب

يحنك الفارات= اي يخدع ويغش المغفلين..

الجكس= المحبوبة..

شتات يا فردة + جرينا يا معلم = نحن مشينا يا صديق

الجوكي = سواق الركشة..

الشمار = الخبر

الشاكوش = رفضا للمحبوب،

خمس لي = اعطني شئ بسيط،

وقال الشاعر يفكوك عكس الهواء اي يرفضوك ،

والقدة = مثل لشخص كثير الكلام يقولوا فلان قدة ولصقة وصمغ (المعنى واحد)،

يقولوا فلانة شرط للارض او شدة وغسيل عدة = فتاة جميلة جداً..

فلان كج وعارض = رجل يجلب الحظ السيئ،

فلان بلفان ومقحط، = شخص بلا نقود.

الشرتيت أو الفلة أو الكنجالات او الضحاكات او التشديرة = القروش.

ويقولو فلان دا حمام = زول ضعيف الشخصية،

عكسها فلان دا اصلي ومعلم وراسطا = زول قوي جداً

والجقلبة والبجبجة والحتحتة = كلها أنواع من رقصات الحفلات،

صبن الكيس = دساه أو خبأة

دقس واتلحس = خدعوه واكلوا حقوا..

عمل وهمة في شكل قلبة = إخترع شيئاً جديداً غير مألوف..

مستنكح = زول يغش الناس.

القطع الناشف = الرفض والممانعة.

عصلج = رفض الامتثال. فلان

عملوا ليه شرحبيل = شروه،

وعملوا منه زغبير = زاغوا منو.

البلف =الكمساري

دامة +الحنان+الحاجة+البتاعة= الجكسوية أي المحبوبة

وفلان هرشناه وكحلناه عروض = خوفناه وارهبناه

جضم =اجاد واتقن،

اب دقن =الفطور

عشمانة = العشاء

غدنبلية= الغدا

طربانة= الحفلة

جرَّ نور = نظر لمدة طويلة.

ما ناقش + مسطح + فارة + جهلول + داقس = أهبل أو ما شابهها.

مجنتر + فاطي سطر + جنرنيتر = ليس في كامل قواه العقلية

الصعوط = تعني الموبايل،

ترطيبة = متشرشح أو مرتاح

فلان كسح + فتح + قد سلك + رقد صوف + هرب = ذهب أو مشى ،

الشرامة = والشماسة هم

يا حبه+ يا حبذا =يا فردة (موضح أعلاه)

جامد:بمعنى شديد(موضح أيضا)

مكسر:معجب

بكسر في التلج +بحنك = يتكلم كلاما معسولا

برااي = كثير الكلام ((و قد يقال فلان وصلنا الاستيكة أي أكثر علينا الحديث))

شخت لفلان شخيت عريض + شخت ليه بالشيني = أي طنشه

رامي طعمتو في زيتنا أو رامي طعمتو = رامي أذنه معانا أي (يتصنت)

ماشه باسطه + زيت = في احسن حال

في السلك = 100% أو تمام

الملح :المجان

ضب أو حفار= مصطلحات جامعية تعني الأشخاص الذين (يأكلون الكتب أكلا)...قراايين

ونسو = غشاهو

مسكو الحيطه = ورطو

الحديده = العربيه

باحصي = صاحبي

اعمل بردان + اعمل رايح + اعمل ميت = طنش

كتمت = حر , فلس , امتحانات .

ناس الطاره = العساكر

عمل يعععع = زاغ او جرى

دوكو = مظلل العربية

جلك = عمك كبير

قرن = ضابط او مسؤول

هواويس = دكاترة امتياز

مكتس = عيان حالتو صعبه


خستكه = تكلم كلاما ليس له فائده وغير مفهوم

طيارتو قامت = موضوعو باظ وربما سوف يتحمل عواقب وخيمه

طيااااره + قاطعه مويه ونور = هى البنت الفائقة الجمال




و أخيرا" :

الجلفوط : هو شخص لم يأنس في نفسة الكفاءة ليكون مريخيا"
(أو كما قال أستاذنا أبو فادي)

للامانة البوست منقول

العندو اضافات يتحفنا

وما يبخل

المهم في الموضوع انه المصطلحات دي هل كانت موجودة زمان ؟

واذا ما موجودة هل كان في ما يعادلها ؟

واذا الاتنين ما موجودات من وين جات المصطلحات دي وهل هي ظاهرة ممكن نقول عليها ؟

واذا قلنا انها ظاهره هل هي سيئة ام حميدة ؟

البرلوم احمد ....سلامات ..

شكراً لهذه التعريفات لبعض مصطلحات الشارع ..

ربما اسهم النت والتواصل عبر المنابر والمنتديات في التعريف بالكثير من المصطلحات الجديدة المضافة الى مفردات الشارع التى قد يكون الكثير منا لم يعاصرها ولم يسمع بها ... ولكن وجدها مكتوبة في سياق يشرح معناها ...

فانت مثلاً قالوا ليك برلوم ..وهذه مفردة مضافة الى عامية الشارع وتعني زول كرت كرتون او مستجد ..


شكراً احمد على النقل المفيد ...

دِسكو معناتها شنو .. !

شركة: يعنى منتهى الجوده
كجينى : يعنى شاكوش او رفض من الدامه
كاشف رقم : يعنى لبس ضيق يظهر الملابس الداخليه
ماعندى نار : يعنى ماعندى رصيد او مفلس
جخنون : يعنى مكان لايعرفه احد
ساجحه شديده : فتاة جميله
كجم ونظريه : كبير جدا
بى كرت: شويه او قليل