أين نوريت والازهري؟

الاخ هاشم نوريت ليهو زمن ما ظهر في البورد لعل المانع خير، وكذلك الازهري واعتقد ان الازهري مشغول في واحدة من تلاتة مستحيل يجلي من واحدة فيهن
1 - مشي البكاء حق منتظري
2 - كان عندهم عيد قريب دا والله يستر ما يكون عوق رقبته
3 - بيفتش له في عروس.

بالجد رغم اختلاف وجهات النظر مع الازهري والاتفاق فيها مع هاشم الا ان غياب عضو فاعل يستدعي السؤال عنهم
تحياتي للجميع وكل عام وانتم بخير بمناسبة بداية السنة الهجرية الجديدة ولاخواننا المسيحيين بمناسبة اعياد الميلاد المجيدة وبنقولهم ميري كريسماس لانه صراحة بالعربي كدا العيد مبارك عليكم ما بتلفق وعيد سعيد ما بتدي المناسبة قدرها وبالمناسبة دي ولان لكل مقام مقال اسمعوا دي
ام عندها بنتها تدرس طب وما بتمرق كتير فيوم ضغطت عليها انها تمشي معاها عزاء ، البنت قالت لامها والله ياامي انا الماتت دي ما بعرفها ولا بعرف بيقولوا شنو في حالة زي دي، قولي ليهم البركة فيكم، البنت اول ما وصلت وشافت ام المرحومة قالت ليها (بركة الماتت)!!!!

.
التوقيع عمكم هشام هباني

Quote: واعتقد ان الازهري مشغول في واحدة من تلاتة مستحيل يجلي من واحدة فيهن 1 - مشي البكاء حق منتظري 2 - كان عندهم عيد قريب دا والله يستر ما يكون عوق رقبته 3 - بيفتش له في عروس.

الحاج محمد عمر الفكي

1/ الازهري رجع من بكاء اية الله المنتظري , لانه كان دق سريعة (في محرم احباب ال البيت حزنهم على ال الرسول يطغى على كل حزن )
2/ العيد القريب ده , اسم عيد الغدير (عيد تنصيب الامام على عليه السلام امير للمؤمنين ) بمجرد ان يهل المحرم ينتهى العيد
3/ يدور عروسة ,, في محرم الحرام ,,اهل السنة الجدد في السودان والشيعة ,, بتفق ان الاعراس في شهر محرم وصفر (القصير) شهور حزن ما بعمل فيها الاعراس
ولا بدور على عروس فيها , عشان كده الازهري ما بدور عليها في هذه الايام ,, ان شاء الله يشد حيلوا ويدور عليها في شهر مولد النبي (ص) كما يعمل اهل السنه والجماعة في السودان وكذلك الشيعة

__ وين الازهري ______
احتمال كبير دخل سرداب الاحزان على الامام الحسين عليه السلام ,,

باركت للناس السنة الجديد للمسيحين والسنة الهجرية لاهل السنة ,, ونسبت تعزينا نحن الشيعة في مصاب الامام الحزين عليه السلام ,, نزعل منك ,,

عمار
يا اخي دا قلع راسو عديل، هم السنة الحسين ما حقهم ولا شنو؟ بعدين العيد دا ذاتو فات الا نعزي باثر رجعي.
بالجد وفاة منتظري كانت حاجة محزنة لي كونه كان قائد ملهم لحركة طلابية سلمية.

الاخ محمد
دبايوا
احفاد ابن سبأ مستهبلين يكتلوا الكتيل ويمشوا فى جنازته
فعلا رحيل منتظر جاء فى وقت عصيب حيث بداءت تتشكل المعارضة وتتنامى بقوة واعتقد ان قيادة التيار الاخطر شعرت بهذه الصدمة الكبر ومنتظرى واجهه الخمينى ذات نفسه وليس غريبا عليه ان يقف ضد خامنئ ولكن المعارضة قادرة على امتصاص هذه الصدمة وايجاد البديل
يامحمد هل تاكد مقتل زعيم الحوثيين ام الامر مازال فى طى الكتمان ومبروك الامير قال انتهت العمليات الكبرى وعلى صالح شغال فى الجماعة الظاهر حلم ايران فى اليمن اصبح فى الباباى