Post: #1
Title: كنت فى السودان ,سافرت بالقصواء ,,,ورجعت بالقصواء
Author: abuguta
Date: 12-22-2009, 04:39 AM
Parent: #0
سلام عليكم ياناس البورد الجميلين,,
قدامى ومحدثين,,,
خليكم مكان عايشين ,,
مافى زول يتهور
ويقول نهائى راجعين
امشو شوفو الحال
وتعالو الامر مفكرين
والله انا ما شايف هنالك فرق بين العاصمة والريف
زرت جميع الاحياء النمووذجية الراقية
منشية وفردوس ومدينة النيل وعمائر جبرة وابوادم
بصراحة ما لقيت زول كمل ليه مشروع عمارة
بس اكتفى بالطابق الارضى لمه فيه عيالو,,ومنتظر الاولاد لما يتخرجو
ويتمو طوابق الاحلام الاخرى,,,من رائى انا اى زول طول من البلد يمشى
ليه اجازة قصيرة عشان يحدد موقفو من الرجعة النهائية
اما انا قصاد الطياره دى تانى ما بجى,,,
هههههههههههها الحمد لله على رجوع الشبكة
والله كنت مطشش خالص,, اشوف الناس غبش وكاسيها الغبار
العربات قصيرة,,,لكن العاجبانى فيهم يسبقوك
على المناسبات وتلبية الدعوات وطوالى ايديهم فى جيوبهم
والله ديل يبارهم مغترب يقطع اجازتو فى يوم واحد
بمحض الصدفة ,,,
رجعت بنفس الطائرة
ونفس الكابتن ونفس الطاقم,,وجلست فى نفس المقعد
ياجماعة ايه الحكاية الله يوصلك يالقصواء,,
وطوالى دعواتى مع سودانير
يارب الاشراق هون الاقلاع
يارب الرسول هون النزول,,,
|
Post: #2
Title: Re: كنت فى السودان ,سافرت بالقصواء ,,,ورجعت بالقصواء
Author: elsharief
Date: 12-22-2009, 04:45 AM
الف حمدلله على السلامة
|
Post: #3
Title: Re: كنت فى السودان ,سافرت بالقصواء ,,,ورجعت بالقصواء
Author: abuguta
Date: 12-22-2009, 04:00 PM
Parent: #2
| Quote: الف حمدلله على السلامة |
الله يسلمك يالشريف
ياراجل ياظريف
سلملى على ناس كندا
|
Post: #4
Title: Re: كنت فى السودان ,سافرت بالقصواء ,,,ورجعت بالقصواء
Author: اساسي
Date: 12-22-2009, 04:02 PM
Parent: #3
طبعا يا ابو قوتة انا قصة زول يرجع من السودان لبلاد الاغتراب ويقولوا ليهو حمد لله علي السلامة دي ما واقعة لي حاسي بيها مقلوبة
لكن انت تستاهل كل خير وفقدناك يا صاحب
وان شاء الله ديار الغربة ترحب بيك
|
Post: #5
Title: Re: كنت فى السودان ,سافرت بالقصواء ,,,ورجعت بالقصواء
Author: Mohamed Foto7li
Date: 12-22-2009, 10:37 PM
Parent: #4
حمدلله على السلامة
|
Post: #6
Title: Re: كنت فى السودان ,سافرت بالقصواء ,,,ورجعت بالقصواء
Author: Hisham Ibrahim
Date: 12-23-2009, 07:18 AM
Parent: #5
مبروك العودة يا أبـقوتة يا قريبي
وإنكتب ليك عمر جديد ونطالب بي الكـرامه ( خروف)
والقصـــواء دي شقيقة الميمون كان إنكسر فيها مسمار - الا يبرمجوا ليكم الميمون !
والله كان ناقة النبي زي دي - كان الطائف ما وصــلها !
البلد الفيها والفضّل لينا ناسها الحلوين بثـ
وباقي فيهم شوية كدا بثـ !
غايتو مشيت مرتين للموت وجيت راجع
مرة بي القصواء السودانية - ومره السودان ذاتو وجيتنا قالب !
الشيء .... بي سبع أرواح !
مودتي البتعرفها كويس ...
هشام
|
Post: #7
Title: Re: كنت فى السودان ,سافرت بالقصواء ,,,ورجعت بالقصواء
Author: عبدالله ود البوش
Date: 12-23-2009, 07:54 AM
Parent: #6
اب قوتة ( بحب اكتبها كدا ) من زمن كنت شغال في البنك
بفرع اب قوتة
والله يا اب قوتة من 92 وحتى 95 أجمل سنين العمر عشتهن في اب قوتة
ومن وقتها اي واحد من اب قوتة بعتبرو اخوي في الرضاعة
ومن رضع من ثدي اب قوتة ما بفوتا لو ما الشديد القوي
ياخي ديل ناس تحبهم كلهم وحقيقة حبيتهم كلللللهم حتى جدادن البكاكي
اب قوتة بركة الشفناك طيب
ونلتقي
|
Post: #8
Title: Re: كنت فى السودان ,سافرت بالقصواء ,,,ورجعت بالقصواء
Author: ismeil abbas
Date: 12-23-2009, 08:48 AM
Parent: #7
أخى/أبقوتة..السلام عليكم وكل عام وانتم بخير وألف حمدآ لله على سلامتك...
Quote: مافى زول يتهور
ويقول نهائى راجعين
امشو شوفو الحال
وتعالو الامر مفكرين
|
نسأل الله ان يجعلنا من المتهورين إذا كان فى التهور رجوع للبلد وألأهل..
اللهم عجل بتهورنا يارب.إن كان خيرآ لى..
جيت ألأسبوع الفات..قبلك بشوية..والحال ياهو نفس الحال..عايشين فيهو ناس..ناس تقول ليك يا اخى ما تستقر..وناس تقول ليك جنس كلامك ده ما تتهور. وحار بينا الدليل...
نحن المغتربين أصابنا الهلع..صرنا نخاف المجهول ..الله يستر ما نكفر بنعمة الله..ونقلل من شأن الله الخالق الرازق..
اللهم رد غربتنا وأصلح حال بلادنا لتستوعبنا .....ألف حمدآ لله على السلامة...
|
Post: #9
Title: Re: كنت فى السودان ,سافرت بالقصواء ,,,ورجعت بالقصواء
Author: حسن حماد محمد
Date: 12-23-2009, 11:14 PM
الأخ ابوقوتة سلامات
Quote: والله انا ما شايف هنالك فرق بين العاصمة والريف
زرت جميع الاحياء النمووذجية الراقية
منشية وفردوس ومدينة النيل وعمائر جبرة وابوادم
بصراحة ما لقيت زول كمل ليه مشروع عمارة
بس اكتفى بالطابق الارضى لمه فيه عيالو,,ومنتظر الاولاد لما يتخرجو
ويتمو طوابق الاحلام الاخرى,,,من رائى انا اى زول طول من البلد يمشى
ليه اجازة قصيرة عشان يحدد موقفو من الرجعة النهائية |
يا خى والله هاجس الرجعة دا كل يوم معانا وما مفارقنا
أدينا شوية تفاصيل
عشان توقعاتنا ما تكون كبيرة
العمارات دى أنساها ماظن مع الوضع المالى العالمى المتدهور دا يكون فى مغترب بيفكر فى عمارة
نحن ناس معايشة وبس
حدثنا شوية عن الصحة ، التعليم (مدارس العيال) وكدة
ونكون شاكرين ومقدرين
|
Post: #10
Title: Re: كنت فى السودان ,سافرت بالقصواء ,,,ورجعت بالقصواء
Author: سيف الدولة كامل
Date: 12-23-2009, 11:59 PM
Parent: #9
حمدا لله علي السلامة يا جميل,,يعني حضرت المباراة بي هناك.
يا باشمهندس ما تخوف الناس . في جماعة ناوين علي الهجرة
العكسية الكلام ده بخليهم يجقلبوا.
عودا حميدا للمنبر يا ابوقوتة.
|
Post: #11
Title: Re: كنت فى السودان ,سافرت بالقصواء ,,,ورجعت بالقصواء
Author: shahto
Date: 12-24-2009, 00:28 AM
Parent: #10
حمدا لله علي السلامة
الهجرة العكسية و اجب مواطنني
----------------
الله لو لميت فيك عان ركبت ماسورة الركشة حقتنا معدل بالدولار و الشيك الرباني
الشحتو
|
Post: #12
Title: Re: كنت فى السودان ,سافرت بالقصواء ,,,ورجعت بالقصواء
Author: shahto
Date: 12-26-2009, 09:45 AM
Parent: #11
حمدا لله علي السلامة
الهجرة العكسية و اجب مواطنني
----------------
الله لو لميت فيك كان ركبت ماسورة الركشة حقتنا معدلة بالدولار و الشيك الرباني
كان غنينا بيك ÷÷÷÷÷÷
الشحتو
|
|