الهلال يجدد للمعز سنتين مقابل 70 مليون جنيه

علمت كفر و وتر من مصادر خاصة ان رئيس مجلس ادارة نادي الهلال قد عقد اجتماعا مساء اليوم بلاعب الفريق المعز محجوب واستفسره عن الاشاعات التي تدور هذه الايام حول نيته فسخ عقده مع الفريق والانتقال للند التقليدي المريخ ، واكد المصدر ان المعز اعترف لرئيس النادي بالمفاوضات المريخية والضغوطات الكبيرة التي يتعرض لها من قبل اسرته في هذا الجانب لكنه اكد انه متمسك بناديه وان اسرته تريد تأمين مستقبله فقط ، مشيرا الى ان اللقاء تمخض عن اتفاق يقوم بموجبه اللاعب بتجديد عقده الذي تبقت له سنة واحدة لمدة موسمين اخرين على ان يقوم الهلال بدفع مبلغ 700 مليون جنيه ( بالقديم ) له ، واشار المصدر الى ان الاتفاق الذي تم بين الارباب واللاعب لا علاقة له بمفاوضات المريخ وان كل ما تم هو حرص من مجلس ادارة الهلال لتأمين افضل السبل والظروف للاعبيه منوها الى ان اللاعب وافق على تجديد عقده متى ما طلب منه المجلس ذلك ويتوقع ان يتم ذلك اليوم الثلاثاء او بعد غد الاربعاء .



المصدر

Quote: 700 مليون جنيه

أحيييي

ان شاءالله ولدي ابقيهو حارس مرمى.


يا اخوانا

Quote: واكد المصدر ان المعز اعترف لرئيس النادي بالمفاوضات المريخية والضغوطات الكبيرة التي يتعرض لها من قبل اسرته في هذا الجانب

انت من زمن الاخلاص للشعار والكلام الفارغ دا؟

يامان والله انا لو في محلو وبالجد قروش المريخ مليارات زي ما بقولو بتخارج طوالي.


كلو من شداد.. كسر رقبة انو لازم حارس مرمى وطني ، بدون ما يعملو مدرسة واحدة للبراعم والناشئين!!

Quote: يامان والله انا لو في محلو وبالجد قروش المريخ مليارات زي ما بقولو بتخارج طوالي.

يا عمكـ الموضوع ما كده ؟؟
معظم الناس فاهمة أن المعز يمكن أن يفسخ عقده من الهلال و يستلم المليارات و يمشي لكن تقريباً 90 % من المبلغ الحيدفعو المريخ حيمشي للهلال و ليس للمعز لأنه مطالب بعمل تسوية مالية مع الهلال في حالة فسخ العقد و بعد ذلكـ لن يبقي للمعز أكثر من الـ 700 مليون بأي حال من الأحوال ..
يعني المعز طلع شاطر في الحساب أكثر من إنو بحب الهلال ..
بعدين شداد قفلها عليهم كلو كلو لما قال أن موافقة الإتحاد علي فسخ عقد المعز مرهونة بعمل تسوية مالية مع الهلال.

يعني في النهاية يا خالد صاحبنا طلع مفتح برضو

شكراً على المعلومة

انا ما عارف ناس المريخ مستعجلين علي شنو ؟؟ عقد المعز مع الهلال بينتهي في يونيو 2010 يعني ما قادرين يصبروا علي اكرم وحافظ 6 شهور تانيه !! المريخ زي ما دفع لي كلتشي وريتشارد عربون تسجيل وهم لسه في كشوفات الهلال كان يتبع نفس الاسلوب مع المعز ويسجل المعز بدون ضوضاء

Quote: المريخ حيمشي للهلال و ليس للمعز لأنه مطالب بعمل تسوية مالية مع الهلال في حالة فسخ العقد و بعد ذلكـ لن يبقي للمعز أكثر من الـ 700 مليون بأي حال من الأحوال ..

ده كلام صاح يا خالد

ده كلام صاح