Post: #1 Title: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-21-2009, 02:51 PM
هنالك الم يفوق حد الاحتمال
وجرح يتحدى الاكتفاء
Post: #2 Title: Re: اححححححى على عمرى الودر-بوست للبكاء والتباكى--وللجميع Author: Dr. Salah Albashier Date: 12-21-2009, 02:55 PM Parent: #1
الأخت العزيزة أناهيد لك مني التحية والتجلةووافر الإحترام ومع ذلك فهناك آهات جميلة تئن في الحشا مع خالص تحياتي د. صلاح البشير
Post: #7 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-21-2009, 08:29 PM Parent: #2
فهناك آهات جميلة تئن في الحشا __________ دكتورصلاح شكرا لمرورك نعم ما يئن فى الحشا فوق الاحتمال ولكنى ابكى اليوم وطنى بلدى السودان فالنبكى بدموع المليون ميل مربع
Post: #3 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-21-2009, 02:55 PM Parent: #1
اما
جرحى
انا؟؟؟؟؟؟؟؟ فكما تقول صديقتى سعادة
احححححححححى على عمرى الودر دفقت مويتى على الرهاب والليلة اتقفل بينى وبين نعيم الدنيا باب
Post: #4 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-21-2009, 02:57 PM Parent: #3
اناهيد كيفنك جيت مخمخم قايلو بكى أليل ناس الليل ونخجي لكن لقيتو بكى مسيخ وما عنده طهم اصلو عمرنا ماهو ودران من هسي
Post: #13 Title: Re: اححححححى على عمرى الودر-بوست للبكاء والتباكى--وللجميع Author: Dr. Salah Albashier Date: 12-21-2009, 10:13 PM Parent: #12
الأخت العزيزة أناهيد لك التحية والود الشعب السوداني شعب عملاق، يحتاج فقط لمن يفجر طاقاته، لذا أكرر السودان يحتاج العمل وصدق النواياواضيف والقيادة الرشيدة مع خالص تحياتي د. صلاح البشير
Post: #14 Title: Re: اححححححى على عمرى الودر-بوست للبكاء والتباكى--وللجميع Author: محمد ادم الحسن Date: 12-21-2009, 10:42 PM Parent: #13
((عزبة هي الانغام المسموعة ،
ولكن الأنغام اللامسموعة هي الأكثر عذوبة ...
ولذا ، فأعزفي أيتها المزامير الرقيقة
واصلي العزف.
لا من أجل الأذن الحسية ، وإنما .....))
Post: #15 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-21-2009, 10:58 PM Parent: #14
يا طارق اخوى انت باين رايحة ليك بكية تعال ابكى معانا بكانا المسيخ دة واحنا بنتم معاك بكاء الليل
Post: #16 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-21-2009, 11:03 PM Parent: #15
دكتور صلاح الشعب السودانى اخذ كل الوطن بجدية وفى حدقات العيون وبذل الجهد وراء الجهد فماذا حدث؟؟؟؟؟؟؟؟؟؟
----------------------------------- مازال الليل يجثم على صدره ومازال الصباح بحمل هم اليوم والرزق والعيال وحق الرغيف و----و----و------
Post: #17 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-21-2009, 11:08 PM Parent: #16
الاخ محمد ادم فلنبكى ونسمع جيراننا على الاقل على حلايب المنزوعة من غير منطق وشلاتين -------------- والشايمة من اجل ماتش -------- انه بكاء من لا حيلة له ومزمار بلا صوت
Post: #18 Title: Re: اححححححى على عمرى الودر-بوست للبكاء والتباكى--وللجميع Author: Dr. Salah Albashier Date: 12-22-2009, 06:50 AM Parent: #17
الأخت العزيزة أناهيد لك التحية وعاطر الياسمين النضال لا سقف له ، ليس من الضرورة أن نعيش لنرى ولكن من الضرورة أن نرسم التاريخ لا أن يرسم لنا التاريخ مع خالص تحياتي د. صلاح البشير
Post: #19 Title: Re: اححححححى على عمرى الودر-بوست للبكاء والتباكى--وللجميع Author: ahmed abdelati Date: 12-22-2009, 07:09 AM Parent: #18
نفقد لقوي السياسية ما مشكلة نفقد حتي الوطن ما مشكله نفقد الحبيب والحبيبة ما مشكله المشكلة الحقيقية هي انفقد حتي المقدرة علي الحلم ونفقد حتي المقدرة علي النواح وهذا ما حصل لي
Post: #20 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-22-2009, 07:28 AM Parent: #19
المشكلة الحقيقية هي انفقد حتي المقدرة علي الحلم ونفقد حتي المقدرة علي النواح وهذا ما حصل لي ------------------------------ وهذا ما حدث للكثيرين شكرا لمرورك يا احمد
Post: #21 Title: Re: اححححححى على عمرى الودر-بوست للبكاء والتباكى--وللجميع Author: Faisal Salih Date: 12-22-2009, 11:49 AM Parent: #20
ازيك يا اناهيد عليكم الله خلونا من الكلام والعنده أغنية الشاعرة سعادة " أحي علي عمري الودر" بصوت الفنان الرائع ابراهيم خوجلي ينزلهالينا هنا بسرعة، ويكتر لينا من"ماانبل لي في الريدة ريق ؟" بالله في زوليقدر يقول كلام بليغ وجميل زي دة والله أول ما تنزل الاغنية حا تلقي طارق جبريل ونايس الليل كلهم جامعين هنا حاشية: حكاية كتر لي دي مملوكة بحق الملكية الفكرية للصديق العزيز عبد الله عبد الوهاب كارلوس، الذي يكتب هنا باسم عبد الله الشيخ "بالانجليزي" والحكاية أنه كان يسكن ومعه علي السقيد وشلة من المبدعين في داخلية معهد الموسيقى بالعمارات "موش كدة يا الموصلي"وذات شاكوش كارب وكانت أغنية ترباس في أوجها، كانت الشلة تجتمع بالليل للسهر والغناء، وكان طلب كارلوس المتكرر من علي السقيد " بالله غني لي ياريت ...وكتر لي من تعبت"!
فيصل محمد صالح
Post: #22 Title: Re: اححححححى على عمرى الودر-بوست للبكاء والتباكى--وللجميع Author: سارة كرودى Date: 12-22-2009, 11:59 AM Parent: #21
.. اناهيد سلااااام ...
...
وعبركم نهدى ....
لك باقة فرح متجدد,,ومازلت انا مع نهرى الصاخب حاملا,, مجدافأ,,
كلمات اغنية دفقت مويتى على الرهاب الله على العمر الودر دفقت مويتى على الرهاب شقيش اقبل ماانقفل بينى ونعيم الدنيا باب ************* هو متين بديت مشوارى زاتو متين كمل زاد الطريق يا دوب بلملم فى خطاى واخترت لى دربى الرفيق اتبدل الحال واشقاى ضاع حلمى ضاع قبال افيق ورجعت مكسور الجناح ما انبل لى فى الريدة ريق ************* الله وكت زولا تريدو ريدتك ولا تعنيلو شى وتصارحو بالحرمان ويوت انت بتعاتبو وتختشى وتقصر المشوار تجى وتخاف من اللوم فى الوشى والسكه بيناتكم سراب درب المحال ما بنمشى ************* احى على العمر الودر ضيعتو بالاوهام سدى املت احيا معاك مودة ورحمة لى اخر ومدى
Post: #24 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-22-2009, 03:00 PM Parent: #21
سلامات فيصل وشكرا لمرورك بالفعل اغنية عمرى الودر لسعادة عبدالرحمن من اجمل الاغنيات واجمل ما كتبت وهى شاعرة بمعنى الكلمة وشهادتى فى حقها شهادة مجروحة وقصة القصيدة لمن لا يعلمها حالة شعرية متميزة وتقول سعادة انها خرجت بعد حبس عام كامل لم تخرج من المنزل ولم تقابل الابعض افراد البيت --------------- وتضحك وهى تحكى ذلك فما اجمل سعادة عبدالرحمن وهى تعبرنا عنا بكل ما نحس ونتوجع
Post: #26 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-22-2009, 03:11 PM Parent: #24
والله لم اجد الاغنية ولكن هذا جزء من النص الكامل -------- دفقت مويتى على الرهاب شقيش اقبل وانقفل بينى وبين نعيم الدنيا باب --- متين بديت مشوارى ذاتو متين كمل زاد الطريق يادوب بلملم فى خطاى واخترت لدربى الفيق واتبدل الحال واشقاى ضاع حلمى ضاع قبال افيق ورجعت مكسور الجناح ما انبل لى فى الريدة ريق
Post: #27 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-22-2009, 03:27 PM Parent: #26
شكرا عبدالله وسارة على المداخلة -------- شكرا فيصل على الاغنية
Post: #28 Title: Re: اححححححى على عمرى الودر-بوست للبكاء والتباكى--وللجميع Author: جمال ادريس Date: 12-22-2009, 04:29 PM Parent: #27
أناهيد كمال سلامات وكل سنة وانتي طيبة وين اراضيك في السودان ولا القاهرة تقبلي سلام ماجد وبجيك راجع لموضوع البوست
Quote: ابكى اليوم وطنى بلدى السودان فالنبكى بدموع المليون ميل مربع
أختي أناهيد .. تحياتي وتقديري..
أشاركك البكاء.. انتي تبكي اليوم وانا أبكي وطني أكثر من 10 سنوات.. لنا جميعاً العزاء.. والصبر الجميل..
أمس أرتني بنتي صفية (9) سنوات قصيدة كتبتها في البحرين وملك البحرين بمناسبة العيد الوطني البحريني..نعم تحب السودان وكل أبنائي يتغنون كل يوم بالوطن وجاءوا قبل شهور قليلة من السودان، لكنهم أصبحوا يرون أن السودان ما عاد يمثل لهم الأمل المرتجى والله استغربت من حديثهم معي في هذا الشان ويقولوا نعم أهلنا وأجدادنا وأخواننا هناك نحبهم ومن أجلهم نسافر لهم، لكن هنا نجد الكثير مما نفقده (هناك) .. هم صغار لكنهم كبار جدا ..أعضاء في لجنة الأطفال البيئيين التابعة لجمعية أصدقاء البيئة في البحرين ويشاركون في ورش العمل ويتحدثون امام كاميرات التلفزة المحلية منها والعربية، يقرؤن كل الصحف البحرينية يومياً ويشاهدون قناتي العربية والجزيرة ويعرفون تماماً ما يجري في بلادهم إلا أن البحرين تقدمهم لهم الكثير والكثير مجاني..!. قبل ايام ذهبت السفارة لتوثيق ورقتين مهترئتين دفعوني 20 دينار 160 ألف جنيه سوداني أكثر من 50 دولاراً..!!.. تخيلي..؟؟ المدراس وما أدراك ما المدارس الفخمة والجميلة والخضراء والنشاط الرياضية وقاعات الكمبيوتر ومعامل الكيمياء، والمسارح وووووووو..!. ويواجهون الاسئلة الصعبة من زملائهم على شاكلة.. ليه حكومتكم تضرب البنات في الشارع..؟. وليه دارفور..؟؟. وليه قناتكم الفضائية....؟؟. حق لنا جميعا أن نبكي .. لكننا والحمدلله نعمل لمستقبل جديد لنا ولأبناءنا..وفي اليقين إذا توحدت إرادتنا يمكن ان نُحدث التغيير.
Post: #30 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-22-2009, 08:39 PM Parent: #29
أختي أناهيد .. تحياتي وتقديري..
أشاركك البكاء.. انتي تبكي اليوم وانا أبكي وطني أكثر من 10 سنوات.. لنا جميعاً العزاء.. والصبر الجميل..
أمس أرتني بنتي صفية (9) سنوات قصيدة كتبتها في البحرين وملك البحرين بمناسبة العيد الوطني البحريني..نعم تحب السودان وكل أبنائي يتغنون كل يوم بالوطن وجاءوا قبل شهور قليلة من السودان، لكنهم أصبحوا يرون أن السودان ما عاد يمثل لهم الأمل المرتجى والله استغربت من حديثهم معي في هذا الشان ويقولوا نعم أهلنا وأجدادنا وأخواننا هناك نحبهم ومن أجلهم نسافر لهم، لكن هنا نجد الكثير مما نفقده (هناك) .. هم صغار لكنهم كبار جدا ..أعضاء في لجنة الأطفال البيئيين التابعة لجمعية أصدقاء البيئة في البحرين ويشاركون في ورش العمل ويتحدثون امام كاميرات التلفزة المحلية منها والعربية، يقرؤن كل الصحف البحرينية يومياً ويشاهدون قناتي العربية والجزيرة ويعرفون تماماً ما يجري في بلادهم إلا أن البحرين تقدمهم لهم الكثير والكثير مجاني..!. قبل ايام ذهبت السفارة لتوثيق ورقتين مهترئتين دفعوني 20 دينار 160 ألف جنيه سوداني أكثر من 50 دولاراً..!!.. تخيلي..؟؟ المدراس وما أدراك ما المدارس الفخمة والجميلة والخضراء والنشاط الرياضية وقاعات الكمبيوتر ومعامل الكيمياء، والمسارح وووووووو..!. ويواجهون الاسئلة الصعبة من زملائهم على شاكلة.. ليه حكومتكم تضرب البنات في الشارع..؟. وليه دارفور..؟؟. وليه قناتكم الفضائية....؟؟. حق لنا جميعا أن نبكي .. لكننا والحمدلله نعمل لمستقبل جديد لنا ولأبناءنا..وفي اليقين إذا توحدت إرادتنا يمكن ان نُحدث التغيير.
Post: #31 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-22-2009, 08:51 PM Parent: #30
الجميل جمال ادريس شكرا للمداخلة انا وصلت البلد وتحياتى لماجد
------------------- الاخ خالد من حق اطفالنا العيش فى وضع افضل ولنبكى
Post: #32 Title: Re: اححححححى على عمرى الودر-بوست للبكاء والتباكى--وللجميع Author: willeim andrea Date: 12-22-2009, 08:51 PM Parent: #30
Post: #33 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-23-2009, 01:50 PM Parent: #32
تعال راجع تعال أهللك قبل بيض السنين تحللك تعات ش ف البلد عمرت وانسدت وراكا بيوت وبقت المحنة لا فى الفاقة لا فى الطاقة لا فى القوت نحنا وكرنا فى الحرب البت نيرانا لا تختانا لاها تموت وياما اترمدت جنيات ويامي اترملن بنوت ومن اهللك
تعات الغربة شن فيها ام حصادا بو كضب والفاتو قباللك هناك شن سو قابضةعلى الوهن ايدى اخاف تعصف عشيشناالنو بلوداتك بعد بى خيرا صد وألفى العقاب من ضو وبدرانيكا كان خاب لو يعشىك مبتبيت القو
تعال واليد على خيتا بترمى الشايلا لاقدام حضن هادى البلد يوسع قدر كل الخلوقة تمام تهدمد حرة الغافل ترتق فى جروحا سلام تعضى على النواجز حيييييل وتتهافت على البنضام
Post: #34 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-23-2009, 01:54 PM Parent: #33
قصيدة تعال اهلك للشاعرة سعادة عبدالرحمن وهى من يحملون السودان فى حدقات العيون وقدمت لمسابقة مهرجان ميلاد الاغنيات بصوت نبوية الملاك ولم تفز بحجة انها قصيدة غير وطنية
------------------- عبرة دة السودان؟
Post: #35 Title: Re: اححححححى على عمرى الودر-بوست للبكاء والتباكى--وللجميع Author: بدر الدين الأمير Date: 12-23-2009, 05:58 PM Parent: #34
Quote: على عمرى الودر دفقت مويتى على الرهاب والليلة اتقفل بينى وبين نعيم الدنيا باب
لا لا يا اناهيد ياخى نعيم الدنيا عندو العديد من الابواب بس مشكلتنا بنكون مكنكشين في مفتاح واحد ودايرنو يفتح جميع الابواب والعمر بنتهى بالموت لكن مابضيع والعمر محطات كل محطة لها طعمها ولنوها وعمرها ...
تنهدات: الكلام لعمر الخيام غدا بظهر الغيب واليوم الى
Post: #36 Title: Re: اححححححى على عمرى الودر-بوست للبكاء والتباكى--وللجميع Author: بدر الدين الأمير Date: 12-23-2009, 06:00 PM Parent: #34
Quote: على عمرى الودر دفقت مويتى على الرهاب والليلة اتقفل بينى وبين نعيم الدنيا باب
لا لا يا اناهيد ياخى نعيم الدنيا عندو العديد من الابواب بس مشكلتنا بنكون مكنكشين في مفتاح واحد ودايرنو يفتح جميع الابواب والعمر بنتهى بالموت لكن مابضيع والعمر محطات كل محطة لها طعمها ولنوها وعمرها ...
تنهدات: الكلام لعمر الخيام غدا بظهر الغيب واليوم الى
Post: #37 Title: Re: اححححححى على عمرى الودر-بوست للبكاء والتباكى--وللجميع Author: baha eassa Date: 12-23-2009, 08:11 PM Parent: #36
Post: #39 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-23-2009, 08:49 PM Parent: #37
بهاء تحية يا صديقى نعمل شنو؟ البكاء تطهير للنفس ولعلنا نطهر جزء من نفوس الغير واتذكروا انه البلد خلاص ما بتتحمل
Post: #38 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-23-2009, 08:45 PM Parent: #36
ود الامير شكرا لتشريفك البوست بالفعل نعيم الدنيا له الاف الابواب ولكن باب الوطن توارب كثيرا ------- زمان حملت اوراقى للسفر كغيرى قابلتها وانا فى اشد نغمتى على الاوضاع سالتنى الى اين؟ومتى تعودى؟و----و---واسئلة عدة وعندما قلت لن اعود ردت لو احنا كلنا مرقنا من السودان دة نخليه لمنو؟لازم نقعد ونعافر واقنعتنى ---- ولكن اليوم ادركت باننى على خطا
Post: #40 Title: Re: اححححححى على عمرى الودر-بوست للبكاء والتباكى--وللجميع Author: قاسم المهداوى Date: 12-23-2009, 08:52 PM Parent: #38
Quote: هنالك الم يفوق حد الاحتمال
وجرح يتحدى الاكتفاء
انا هيد ليه كدا ... يا الله !!!!
قاسم
Post: #41 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-24-2009, 11:58 AM Parent: #40
قاسم لعلك بخير دى الحياة ------------ بيت شعر حصل جربت وانت جريح تخت فى جرحك الجمرة؟
Post: #42 Title: Re: اححححححى على عمرى الودر-بوست للبكاء والتباكى--وللجميع Author: د.محمد حسن Date: 12-24-2009, 01:06 PM Parent: #41
الاخت الكريمة اناهيد سلام من الله عليك انا لن ابكي ولن اتباكي
فالقادم اجمل
Quote: Quote: ينادي كثير من الكتاب والمهتمين بالتاريخ باعادة صياغة التاريخ ، ولكن المطلوب قبل اعادة صياغة التاريخ هو قراءة تاريخ السودان بعين متجردة تخلو من اي عاطفة واي انتماء الا الانتماء للفكر البحت وللوطن . فلنعيد قراءة نشوء فكرة المهدي ومنابعها ، والتحرك السياسي الذي انتهجه المهدي وتعامله مع الطرق الصوفيه ، وهل ما كان بينه وبين الطرق الصوفية كما ذكر المؤرخون هو حرب ام تحالف مرحلي لاجلاء المستعمر، لان كثير من المؤرخين والرواة المعاصرين كانو يؤكدون على ان المهدي قام بمحاربة الطرق الصوفية وانقلب على شيخه .. الخ لان ذلك انعكس على سياسة عبد الله التعايشي حين تولى خلافة المهدي ، وكان لسياسة عبد الله التعهايشي الاقصائية اثرها الكبير على مجريات الامور في التاريخ الحديث للسودان . لم يسلم من اثار المهدية والتعايشية الا نفر قليل من المستنيرين السودانيين ، فنشات اجمل واقوى حركة وطنية سودانية خالصة هي حركة 1924 او ما يعرف بحركة اللواء الابيض ، والتي كان من الممكن ان تكون نواة لممارسة سياسية حزبية حركية مبرأة من الغرض ولاجل الوطن ولد مؤتمر الخريجين وهو يحمل عدة جراثيم أكثرها فتكا كانت جرثومة الانا . كان الاحساس المتعاظم للخريجين بانهم صفوة الناس وانهم المتميزين وان امتيازات الدول حق خالص لهم هذا الشعور بالامتياز ولد فيهم الاحساس بان رايهم هو الاصوب ولا يحتمل الخطا، فكلن الانقسام الاول والذي تمخض عنه حزبي الامة والاتحادي ، ولم يكن انقساما نتيجة لاختلاف منهجية وفكر ، ولكنه اختلاف شخصي ، وكبرت شخصنة الاحداث حتى تاريخ كتابة هذه الاسطر ، والارتماء في حزبي الامة والاتحادي كان بسبب الانتما المذهبي لطائفتي الانصار والختمية مع التمترس حول الفكرة الانا واستمرت سيطرة الانا ختى في سودنة الوظائف ، فقد تمت سودنة الهيكلة دون وضع منهج سوداني ينتهي بنهايات منطقية تعني بتقدم المواطن السوداني . فقد عمل الخريجون على الاستفادة من السودنة لزيادة مخصصات مستحقاتهم من الامتيازات ، وعلى الرغم من النظام الاداري الجميل الذي وضعه المستعمر الا ان هذا النظام الاداري لم يجد نظام اقتصادي اجتماعي يقوم بادارته فكان التخبط والاعتماد فقط على قطن الجزيرة وطق الصمغ ونواصل¿
الاخت اناهيد ان استسلمنا للبكاء سنبكى كثيرا وايضا طويلا محبتى
Post: #47 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-26-2009, 00:00 AM Parent: #43
الاخ مدثر شكرا لمرورك ح اكون اطول من 20 عاما
Post: #44 Title: Re: اححححححى على عمرى الودر-بوست للبكاء والتباكى--وللجميع Author: اناهيد كمال Date: 12-25-2009, 09:53 AM Parent: #42
دكتور محمد بعد التحايا شكرا لمرورك واضافتك للبوست واحترم عدم رغبتك فى البكاء ولا يعنى ذلك عدم مشاركتك الحزن على الواقع المعاش فى السودان الفرق بيننا ترجمة الحزن بالبكاء وبوضع عاطفى اما انت واخرين غيرك اتجهت الى العقل والنداء الى اعادة قراءة التاريخ السودانى والدعوة الى الكتابة بروح وطنية دعوة تستحق الثناء والعمل من اجلها وشكرا للمداخلة ---------------- اعجبتنى الروح المتفاءلة يا دكتور
Post: #45 Title: Re: اححححححى على عمرى الودر-بوست للبكاء والتباكى--وللجميع Author: محمد ادم الحسن Date: 12-25-2009, 07:11 PM Parent: #44
