Post: #1
Title: قنبلة التسجيلات قربت تنفجر
Author: عمر الفاروق عبد الله الشيخ
Date: 12-21-2009, 11:11 AM
طرق شديد علي الباب من مفاجأة .. خبطة تفتح الباب
أهلاً مفاجأة كيفك .. أها ما نقصتي وزنك ولا لسة؟ الجرايد والمنتديات كل يوم تكتب عنك مفاجأة من العيار التقيل .. مفاجأة ضخمة أسمك مالي الجرايد والمنتديات
مفاجاة: والله يا ختي اعمل شنو كله ما اقول اعمل رجيم عشان يكتبوا عني مفاجأة وبس القاهم كل يوم زايدين في وزني والعجب صاحبتك قنبلة ..!
خبطة: أها قنبلة مالها كمان؟
مفاجأة: قنبلة دي ليها سنة يحضروا فيها .. التقول نووية!! زي فنان الموسم ولا لاعب الموسم بقولوا عليها قنبلة الموسم .. كدي خلينا من قنبلة دي لغاية ما تنفجر انتي اخبارك شنو؟
خبطة: والله انا لي مدة ما في زول جاب سيرتي .. لكن تحت تحت سامعة ليك شمارات بأنه اسمي حينزل المانشيتات قريب بالعنوان أياه: خبطة التسجيلات بس ما شفتي صاحبتك شتلة قابضة الجو كيف؟
مفاجأة: بتقولي فيها والله شتلة دي اخبارها ما تديك الدرب .. افتح الجريدة الاقيها في وشي والغريبة بقت دولية مرة تايلندية ومرة ماليزية ومرة هندراوسية ومرة عشة الفلاتية!!
خبطة: هي خليك من خبطة وشتلة ديل كمان ظهرت فيها فسخة!!
مفاجأة: فسخة دي منو كمان؟1
خبطة : قالوا ليك فسخة دي زي المرة المطلقة يعني يقوموا يطلقوها من راجلا ويعروسوها عرفي!!
مفاجأة: الله يستر .. والغريبة مطلقة من المحكمة ونفقتها بتدفعا الحكومة!!!!!
خبطة: كلوا ولا الكلام في السياسة يا مفاجأة أختي .. بس انا خايفة...
مفاجأة : خايفة من شنو؟
خبطة: خايفة بعد ما الجماعة يملوا جيوبهم بسببنا نقوم نطلع أي كلام
مفاجأة: ما تخافي بس السنة دي أختا إعارة باين ما عندها سوق لا شتوي ولا صيفي
خبطة: اها جاياك بعدين المسا اتم ليك الشمارات
|
Post: #2
Title: Re: قنبلة التسجيلات قربت تنفجر
Author: ناصر جبريل
Date: 12-21-2009, 01:30 PM
Parent: #1
Quote:
خبطة: اها جاياك بعدين المسا اتم ليك الشمارات |
منتظرين الشمارات.........
كون بالف خير
|
Post: #3
Title: Re: قنبلة التسجيلات قربت تنفجر
Author: عمر الفاروق عبد الله الشيخ
Date: 12-21-2009, 05:43 PM
Parent: #2
الشمارات قالوا تخزين زعلانة عشان ودوها شنده!!!!
هي شندي بس اتذكرت نكتة اخونا الجعلي الاتزوج شايقية في القطر قالت ليه
وصلنا كريمي؟ قال ليها لا لسه
قربوا لعطبرة ...
أها وصلنا عطبري ؟
صاحبك زهج وقاليها يا مرة هوي تاني لو جريتي الكلام برجع بيت ابوك؟
لمن وصلوا شندي قالت ليه
وصلنا شنده؟!!!!
|
Post: #4
Title: Re: قنبلة التسجيلات قربت تنفجر
Author: عمر الفاروق عبد الله الشيخ
Date: 12-22-2009, 08:45 AM
Parent: #3
يا جماعة القنلبة حقيقية بس الوصيف تربيع ياخد ساتر وقول يا ساتر
|
|