Post: #1 Title: إحتراق عربة تانكر بطلمبة النحلة بالخرطوم مساء أمس - صور Author: مزمل خيرى Date: 12-21-2009, 10:00 AM
تسببت شرارة انطلقت فى عربة تانكر أثناء تفريغ حمولة من الوقود فى طلمبة النحلة بالخرطوم فى تقاطع شارع 61 مساء امس ، حيث تمكن السائق بكل مهارة قيادة العربة وهى مشتعلة الى خارج الطلمبة وقامت الشرطة بتطويق المنطقة وقفل الشارع المؤدى الى مكان الحادث ..!
حيدر الزين..سلامات الحمدلله جات سليمة ولا خسائر فى الارواح .. شكرا على المرور.
Post: #21 Title: Re: إحتراق عربة تانكر بطلمبة النحلة بالخرطوم مساء أمس - صور Author: هاشم محمد الحسن عبدالله Date: 12-21-2009, 01:15 PM Parent: #4
شكرا مزمل خيري للبوست الهام، والسؤال الذى يطرح نفسه اين اجراءات السلامة لتفادى مثل هذه الحوادث خاصة فى مواقع خدمات البنزين ومشتقاتهوغيرها من المناطق الحساسة والقابلة للإشتعال فى بلدنا العزيز، ولماذا لاتوجد إجراءات احترازية قبل حدوث الحوادث والكوارث ، اذ يلاحظ ان سلطات الدفاع المدنى لاتتحرك الا بعد اندلاع هذه الحوادث !!
Quote: شكرا مزمل خيري للبوست الهام، والسؤال الذى يطرح نفسه اين اجراءات السلامة لتفادى مثل هذه الحوادث خاصة فى مواقع خدمات البنزين ومشتقاتهوغيرها من المناطق الحساسة والقابلة للإشتعال فى بلدنا العزيز، ولماذا لاتوجد إجراءات احترازية قبل حدوث الحوادث والكوارث ، اذ يلاحظ ان سلطات الدفاع المدنى لاتتحرك الا بعد اندلاع هذه الحوادث !!
.. شكرا على المرور.. أكيد فى ادوات اطفاء بس يبدو انو الحريق كان أكبر من أمكانياتهم المتواضعة .. لازم كل محطة يكون فيها طفايات وجرادل مليانة رملة ، هل تعتقد أنها كافية لاخماد حريق بهذا الحجم .؟
ابو جوان .. كيفنك .. والله امس قلبنا اتقطع من الحصل ده .. لانه الخبر كان فى التلفزيون بصورة غير واضحه .. بعدين أسلاك الكهرباء وعواميد الكهرباء الطائرة دي .. ما في ليها حل .. ؟ شكرا لسائق الكانتر ممكن كان الحريق يكون فيهو اضرار اكتر ...
الكلام ده حصل بعد الساعة سبعة مساءاً وانا كنت فى طريقى للبيت ... يعنى حضرتو لايف يا مان. اها الصباح القى بوست القال عنو طلال فوق ... إندهشت جداً ابو جوان كيفك إنت ياخ
Quote: الكلام ده حصل بعد الساعة سبعة مساءاً وانا كنت فى طريقى للبيت ... يعنى حضرتو لايف يا مان.
بالضبط كدة .. انا ذاتى كنت راجع من المكتب واتزريت فى تقاطع الاطباء والشارع المؤدى للطلمبة كان مقفول بسيارة شرطة ، غايتو قدر ماحاولت اصل مكان الحادث ماقدرت بسبب زحمة المرور ..
حقيقة فعلا امس قرات خبر هذا الحريق فى بوست انزله احد اعضاء المنبر وكما ذكرت فقد تعجل الشخص المعنى فى ايراد الخبر دون تحرى وبسرعة فيها( شلاقة) مزعجة... حيث ان منزلنا بالقرب من مركز عفراء ومكان الحريق على بعد يمكن رؤيته بسهولة ... وللوهلة الاولى علمت ان الخبر فيه كذب واضح ... وقد استفذتنى الطريقة التى جاء بها الخبر حيث ذكر بان مركز عفراء احترق وكذلك نادى المحاميين ؟؟؟ فقد جاءنا صاحب البوست الذى َذهب به الى الخور لعدم مصداقيته ( وان جاءكم فاسق بنباء..) والمحير فى الامر ان كاتب نفس البوست تناول فى خبره اشياء لا علاقة لها بخبر الحريق ... بطريقة لم تحترم عقولنا... نسال الله ان يهدى الجميع ومره ثانية نشير الى اهمية التحرى فى نقل الاخبار بطريقة صحيحة دون التسبب فى اثارة القلق والازعاج للاخرين... مع فائق احترامى وتقديرى...
انا من بعيد شفت الدخان وما عرفت محلو في الاخبار بالليل ناس تلفزيون السودان ما جابوا خبر لكن ناس الشروق ما قصروا وان كان صورهم ما واضحة شديد بس سلامة انو في خسائر في الارواح