بنات الخليج فى الجامعات السودانية بين الدلع وسطحية التفكير

كنت خلال فترة دراستى الجامعية اقف كثيرا عندما اجد نفسى على اعتاب صداقة او علاقة مع احدى بنات الشهادة العربية اول حاجة بفكر فيها انو البنات المتربيات فى
الخليج مدلعات اكتر من اللازم وفى بعض الاحيان سطحيات فى
التعامل كل الواحدة همها تلبس شنو بكرة للجامعة مع
ضرورة ان تكون ما لبستو قبل شهر على اقل او جديد
ولا بتفكر هل هى جاهزة فكريا لليوم الدراسى ولا حاجة
انا اخالف بعض الاصدقاء فى ان بنات الخليج غير ملمات
بالثقافة المحلية فمثلا الواحدة تكون عارفة اخر اغنيات
راغب علامة واخر فساتين ديانة حداد مصمم وين وما تعرف
اغنية الساقية بغنيها عثمان حسين ام العاقب محمد حسن
فانا اعزر بنات الشهاده العربية فى ذلك لكن اصلو ما
اعزرا انها اذاما فى زول وصلا الجامعة تدك اليوم ولا
تركب المواصلات
اعلم تماما انهن متربيات تربية سودانية اصيلة لا تحظى بها
الكثيرات من بنات الغبش فى السودان واعلم تماما انهن
اكثر محافظة وتحفظا من كثيرات تربين فى السودان
لكن يبقى سوالى الذى ابدا لم احظى له باجابه هل الدلع
الاكتر من اللازم هو السبب ام هو انعدام الهوية
السودانية لدى كثير من المغتربينالسودانين فى منطقة الخليج
السؤال التانى هل هى السطحية فى التفكير ام الازدواجية
فى الشخصية هى التى تحكم ناس الشهادة العربية
طبعا الكلام دا ما عام ولا اقصد به من اى جهة من الجهات
الاساءة لاحد اى كان موقعه من الاعراب وايضا لكل قاعدة
شواذ فبعض بنات الشهاده العربية ياتين فى طليعة المحصلين
اكاديميا بل فى بعض الاحيان اوائل دفعهن
على العكس تماما تجد اولاد الشهادة العربية يمتازون
بشهامة ونخوه منقطعة النظير يشاركون وبكل رجولة فى
المنتديات السياسية وبكل علم وثقافة عالية فى
المنتديات الفكرية والثقافية عندى محاضرة باقى عليها
6 دقائق وحا ارجع تانى لموصلة هذا الموضوع الذى يؤرقنى
كثيرا فحتى القاكم لكم حبى واختلافىالراى لا يفسد للود
قضية وبرضو مكسر فى الامارات هى صحى الامارات دى فى
الخليج وااااااو

قالوا ما لقوا في الورد عيب قالو ليه
يا أحمر الخدين


زولة123

في بت مشت السودان اجازه..هي من المغتربين و شافت طبعا البنات و الاولاد بلعبو و اللعب هناك عنيف طبعا ما في مقارنه...الاولاد يشيلو و يحمرو للبت يا بت ما تجي تلعبي يا بت...البت:لا و الله ما بجي العب...ياااااااي انتو بتلعبو في الطين
الكلمه حرقتم الاولاد حاقدين مشو دقو ليك البت بالكوريك
البت مشت لامها تبكي..ايييييي اييييي يا ماما الاولاد ديل دقوني
الام:ليييه؟ البت:والله ما عارفه يا ماما الام:دقوكي بشنو
البت:يا ماما دقوني بملعقه اكس لارج...

dear zola i know what you talking about is perfectly right but am already have one of these flowers however, my question is still there including
my fower who is the best example of what i was talking about even though she is a medical doctor like yourself so am woundering are like her or you are among the exceptions
anyway thanx for your contributions
and god bless you and bless my lovely flower toooo

dear solara you really make me lough very loud and what you said is exacly what i was talking about
thanx for your contribution with my regards

السلام عليكم
والله الموضوع جميل خالص ارجوا ناس الشهاده العربيه المشاركه
اولا كل مازكر صحيح وانهم سطحين دي ما دايره شك

والله المعلقه اكس لارج دي لزيزه هاهاهاهاهاهاهاهاهاها

WAD ELGAALI#4 يا
أنا ما بنت من بنات الخليج لكن حرد عليك على أساس اني حمثلم و أقول ليك نأخذ الأولاد معاهم , أسمعي انت ما تدخلي في الخطوط الحمراء و أفول ليك ممنو التفريق بس حبيت أقول ليك انت بتاخديها بالفرق في طريقة العيش و الأختلاف هنا فقط؟؟؟؟؟!!!!!!


ٍ شماسي

dear omdurman thanx am like you waiting for them to defend temself and am open to evrything that they will say as long as it is right and make sense
but am afriad that they couldn't do so
thax bro for your contributions

انا عشان ما اظلمم يا جماعه ما كل الشباب كده
انا مغتربه في الخليج وممكن اقول ليك اني عارفه تفكير تلات ارباع البنات حتى الشباب.......لكن اذا رجعنا للسبب الاساسي هم الاهل انا ما دايره الوم الاهل طبعا لكن هم اتوضعو في ظرف الاغتراب ...البيئه ما بتساعد و الناس ة حتى المسوؤليه ما عليهم لانو الحياه موفره ليهم لكن مع ذلك في شبااب زي الورد.......زي مودك و اكيد في كتار زيوو.........
هم و الله حناكيش ممكن.. لكن السطحيه؟؟! دي ما اعتقد

تحياتي
Solara....

كدى يا ود الجعلى
ناضمنا بالعربى البنخبره
عشان الواحد يقيف على حيثيات الموضوع المُستهلك دا
نجضتونا بيهو نجاض
الجات البندخل نروح فيها
أخر مره قالو دايرين يناقشوا الموضوع دا
كدى غيب وتعال
مابنختلف

يا ود الجيلي يا اخونا
على فكرة دة ممكن يكون مجرد حقد طبقي
وما ممكن تحكم على ناس الخليج بس

الجعلي العزيز
عارف لو كانوا دفشات وما بيعرفوا يلبسوا وشينات ودمهم تقيل كنت حتقول عنهم شنو
بعدين قصة التفوق العلمي دي مستغرباها على اعتبار اغلبيتهم متفوقات هنا وبنفس التفوق بيستمروا في الجامعات السودانية
انت دكتورتك دي تلقاها بس هي البلييدة لوووول
عارف بنات الشهادة العربية متفوقات ليه؟
عشان كل همهم القراية ويومهم في الخليح ما بيلقوا يشغلوه بشي غير القراية مش زي بنات السودان من بيت عرس ل بيت مناسبة تانية
راجع حكاية التفوق العلمي دي لان اعتقد ان التفوق لديهم قاعدة ومن قابلت من بليدات هن الشواذ
بعد ما سلمنا انه الدلع ما حاجة مذمومة نجي لمسألة السطحية
برضو دي دايرة تفسير عشان ما نرد ساي
دقيقة قلتا لي دكتورتك دي في مستشفى شنو في دبي؟
ما تكون......؟؟؟
أخير قبل على الأولاد انتقدهم
زولة123

سلامات يا احبة
اسمحوا لى يعنى اتدخل فى الموضوع دة
اولا ما فى داعى تجمعوا على سطحية البنات ديل و ضحالة اهتماماتهم ، السودان زاتو اسى ملالالالالالالالالان بنات عايشات على الهامش ، همهن كلو البس شنو و اكيس منو !! و لا ما كدة؟؟؟؟؟
و المشكلة فى بنات المغتربين و المتغربين ، انهم عاشوا فى جو غير جو بلدهم ، و اهتمامات دول العالم دى كلها غير اهتمامات الفرد السودانى، فدة ما بيعنى انهن سطحيات و لا كدة ، و دة هنا دور الأهل انهم يوجهوا اطفالهم للمواضيع التى ستهمهم فى مستقبلهم السودانى ، عشان بعدين ما يبقوا ضحكة الناس فى الجامعة و السودان .
اسى كدة نحن هنا القاعدين فى اوروبا ديل ، بنعانى من نفس المشكلة ، وهى ضياع الهوية السودانية ، انا اسى عندى بنات صغار ، لكن و الله شايلة هم كيف اقدر اخليهن سودانيات و لسانهم سودانى ؟؟ دى و الله مشكلة صعبة و حلها اصعب ، الا ارجع السودان ، غير كدة ما عندها حل !!
اها بجيكم تانى للموضوع دة

عزيزتى سولارة احى فيك الصراحة لكن بختلف معاك فى انو الاهل ليهم يد فى ما يحدث وكمان بفتكر كل الاهل بكونو حرصين جدا ان يتمسك اولادهم بعادتهم السودانية ويحاولون
وسعهم اثناء ابنائهم خصوصا البنات من متابعة الموضات
واكبر شاهد ارسالهن للدراسة الجامعية هناك رغم ما
يكلفهم ذلك ماديا ومعنويا اتمنى عزيزتى ان تمدينا ببعض
المواقف التى مررت بها فى هذا المنحى
ولك تحياتى
عزيزى الاكرم سارى الليل دا ما حقد طبقى على كل دا ما
الموضوع وشكرا جزيلا على مشاركتك يا غالى
الاخت الفاضلة نوسة ناس اوربا احسن حالا من ناس الخليج
ليس اجتماعيا ولكن على الاقل فىالمجال العلمى زد على ذلك
النظام صعب جدا والبت ما بتلقى زمن عشان تدلع
لك تحياتى اختى العزيزة

اخى شماشى تحياتى لكن يخربنى ما فهمتك قاصد شنو يكون جميل لو شرحت زيادة
لك تقديرى
الاخت الصديقة زولا
لك تحياتى ومالك يا اختى محاربانى سمعتى والله جابو ليك
والله العظيم دكتورتى اشطر زول واحلى زول والطف زول
واعملى حسابك ما تكونى دى انتى زاتك
تعرفى الحاجة البتفق معاك فيها انو فعلا لو كانو بلبسو
شين ومبهدل انا كنت حا اكون اول منتقد وبشدة واضعاف
الانتقاد الهسىدا
تحياتى ليك يا غالية


وجن يا عسل مشتاقين كتير والله لو كانو بنات الخليج كلهم
زيك ما كنت فتحت خشمى من اصلو
لك حبى وكل الاشواق لكن جيرانكم مدلعين
جنس دلع صاح

يابوي اولاد الجامعات ما يصدقوا لمن يلقوا بت من الخليج علئ الاقل

يوفروا حق البوش ويتفرقوا للقرايه واسال مجرب

الناس ثلاثة أموات في أوطاني
والميت معناه قتيل
قسم يقتله أصحاب الفيل
وقسم تقتله إسرائيل
وقسم تقتله عربائيل
وهي بلاد تمتد من الكعبة للنيل
والله اشتقنا للموت بلا تنكيل
والله اشتقنا واشتقنا
أنقذنا يا عزرائيل
***************
آنا لا أدعو
إلى غير الصراط المستقيم
أنا لا أهجو سوئ كل عتل وزنيم
وأنا ارفض أن أرى ارض الله غابه
واري فيها العصابة
تتمطى وسط جنات النعيم
وضعاف الخلق في قعر الجحيم
هكذا أبدع فني
غير آني
كلما أطلقت حرفا
أطلق الوالي كلابه

**************

يمشي الفقير وكل شي ضده
والناس تقلق دونه أبوابها
وتراه ممقوتا وليس بمذنب
يلقي العداوة لا يري أسبابها
حتى الكلاب إذا رأت رجل الغني
حنت إلية وحركت أذنابها
وإذا رأت يوما فقيرا ماشيا
نبحت عليه وكشرت أنيابها
******************

[email protected]

WAD ELGAALI#4 يا

س سؤال:الفرق بين البنات المغتربين و بنات السودان شنو؟الدردحه بعملو شغل البيت....مثلا
طيب اذا قلنا ده فرق واضح و معروف لكن من النواحي التانيه تقريبا بفكرو بنفس تفكير بنات المغتربين..
انت عارف انو الموضه البتتكلم عليها دي بتظهر في السودان اول حتى مرات تجي هنا....يا سيدي الكريم بنات السودان لمن اجو من الجامعه بمشو لبيت فلانه و علانه ليه؟عشان بكره ما عارفين البسو شنو و الحكايه دي انا شفتها بعيني......
بالنسبه لموضوع العرس و كده فاذا التفكير ده عندنا بنسه 40%فبنات السودان عندهم 100% و الحكايه دي برضو ما في داعي اختلفو فيها اتنين
نجي للتفوق اوله الدفعه قبل سنتين كانت سودانيه نسبتها 99،8 انت متخيل؟؟؟؟؟؟الشهاده العربيه في كل سنه ما بكون فيها الا 5 و لا 3 سودانين متفوقين............وبذات في الامارات يعني البنات متفوقين
نجي لحاكيه الاهل انا معاك انو ليهم دخل للوضع العايشنو شبابنا ده طبعا شي معروف....لكن كمان البت او الولد ما مهتم ما عندو فضول لذلك اللوم بقع عليهم الاتنين........لكن ما سطحين ابدا

تحياتي
Solara...

عزيزى ود الجعلى
لا اود الخوض كثيرا لكننى اوكد لك من حيث التفوق الاكاديمى
فهنالك زمره غير قابله للنقاش من حيث التفوق واحسب ان هذا
للجديه التى ياتين بها للسودان اما من حيث السطحيه فقد تكون سطحيه
مؤقته زسطحيه عن السودان لكنها بمجرد ان تحتك بالمجتمع ستجد ان السطحيه قد تلاشت
ولكن ليست السطحيه وقف على بنات الخليج فالسودانيات الائى يعشن فى السودان ليس باحسن حالا الا من رحم ربى فالمعادله تقريبا موزونه
مابين البنات خارج وداخل الوطن ولك حبى

علي ذكر الطرف بتاعة الشهادات العربية .
المكان دا لو ذادوهو من سودان هوست مرتين ما بشيل تحف الشهادات العربية
المهم ودي يقال انها حقيقية :واحدة من جكس الشهادة العربية في بزنس الخرطوم
قاعدة في الجامعة سمعت من صاحبتا انو هشام الحاج (زول) فكا مكنة (يعني كضبة) وبس البت مسكت ليك العبارة دي بعد ما عجبتا ولامن مشت البيت لقت عمها متكي بقرا في جريدا وقالت ليهوشفتا يا عمو الليلة هشام الحاج فكا ليهو مكنة
عمها وهو بقرافي الجريدة وبدون اهتمام رد وقال ليها وهو متخيل انو الشغلة مكنةعربية
اها وفكاها وين المكنة دي ؟
قالت ليهو في الجامعة في المين روود
قام عاين ليها برضو بدون اهتمام وبي حبة استغراب وقال ليها في الجامعة ؟ فكاها مع منو ؟
البت ماشة علي المطبخ (حسب روايتا هي )ردت وقالت ليهو فكاها براهو يا عمو
اها هنا عمها ساب الجريدة وناداها قبل ما تخش المطبخ
تعالي هنا دا وسالا ليك وهو قمة في الاستغراببعد ما كان لا مبالي
قلتي لي فكاها براهو في الجامعة ؟
اصلو فكاها بي شنو يا بت؟
البت بي كل براءة قالت ليهو: بي خشمو.ا
**********************
اها شفتو جنس المحن دي؟
وتقول لي سطحية في التفكير ودلع ..سطحية شنو يا خوي سطحي انتا دا الماشايف حكمةالله في طلعات العباد البهية ومصادر الفرح الكانت مشتتة في الجامعة
الشهادة لله الواحد الاحد
كانو اجمل جكس الجامعة وانضف جكس الجامعة واقشر ناس واعطر ناس وارقي ناس تعاملا وسلوكا..تقول لي تفكير التفكير دة مكتسب وممكن يجي في سنة في سنتين او عنو ما يجي ذاتو..لكن السلوك دا ان ما جا مع البني ادم تاني الا الكريم..وتعرف يا غالي يا ود الغالي الجامعة بدونم لامن يمشوا يجددوا اقاماتم كانت قمة في ا لمساخة والقرف
وانا لا استطيع ان انسي انو يوم واحدة الله يطراها بالخير -في اي واد نزلت وفي اي تلاع حلت- سافرت الرياض تجدد اقامتا شلتا لي شتلة صبار من متحف التاريخ الطبيبعي في شارع الجامعة وزرعتها ورا مكتبة المين في جامعة الخرطوم
الماساة لامن انا جيت الرياض رجعو نهائي السودان ..هسع عايز زول يجيب لي شجرة الصبار هنا في الرياض


ود الغالي معليش عبارة( تخربني دي) يعني شنو؟صعبة شويةعلي

والله المغتربين ديل اكتر ناس مظلومين وما في واحد بينصفم من ما يجو داخلين البلد الحكومه تزعط فيهم واهلهم والجيران والحبان وبعد ده كله مطوليين لسانهم عليهم ...يعني ذنبهم انه طلعوا بره البلد عشان يحسنو وضعهم وضع اهلهم ولا ذنب اولادهم انهم اتربوا في مناخ مختلف
يا اخي العزيز قبل ما تحكم عليهم بصوره عامه عاين حوالينك ..شوف كيف في فئات عاشت واتربت في السودان الحبيب و مسطحه اكتر من اي زول جاي من بره
بعدين نحنا في النهايه كلنا سودانييييين ما في حد احسن من حد

سلام جميعا
الموضوع رائع و يحتاج للكثر من الحوار و الكلام اللي ذكر معقول جدا،
او ان اضيف انو الكلام عندما يكون على ابناء المغتربين فهذا مرتبط بالجنسين اولاد و بنات، من غير المعقول ان نفترض او زول يغترب كل حياته و لا يكتسب اشياء من البيئة المولود فيها يعني ببساطة الانسان وليد بيئته و اي زول ما بكون اكتسب حاجة من بلدان الاغتراب بكون فيه خلل، لاننا ببساطة كسودانيين ما احسن ناس عشان ما نتعلم من غيرنا، في اعتقادي انو الناس بدل ما تقعد تس تنتقد سلوكهم اللي فعلا ممكن يكون غريب في بعض الاشياء حقوا تتعلم منهم الايجابي، لقد ذكرت في بوست سابق انو احد الاخوان ذكر لي مواقف طلاب الشهادة العربية ابان اشرابات لجامعة و كيف انه كانت مشرفة جدا و كلها التزام، حتى اكثر من ناس السودان اللي فيهم كثيرين لمن بقت القصة حارة زاغوا
ايضا في عامل مهم انو في السودان الان في تدهور تعليمي هائل و خاصة في ما يخص اللغات الاجنبية في الدول العربية الاستقرار التعليمي و توفر الانترنت و سهولة العيش تجعل التحصيل العلمي اسهل بكثير و اشد استقرارا

معليش يا جماعة كنت عايز اكتب لي كم حاجة كده الكلام طار ، و ساواصل مرة تانية

يا دكين بالله رسل لي معاك نسخة من شجرة الصبار بتاعتك دي
تحياتي

الاعزاء سولارا
دكين
بت بربر
and sado7

وامجد
لكم تحياتى وكل الاشواق شكلكم فيكم العايش فى الخليج و
فيكم المدشدش من الخليج زى اخوى دكين يا اخى ولا يهمك
يا مان كلنا فى الهوى سوى لكن والله بالغت يخربنى مابتعرف
معناتا تمشى من دربك دا لى ودعمى الخواض يديك درس فى
الالفاظ العامية وما تحاسبو خلو الليقيدن على حسابى
لكم اخوتى حبى وتحياتى

يا ود الجعلي السنة القادمة أنا جايي كلية الطب -جامعة الرباط الوطني يعني البوليس و هنا حنشوف منو البستحمل ناس السودان ولا الشهادة العربية ومعاك سلام

انا لست هنا لابرر لنفسي او لثبت لاحد أني و غيري لسنا بسطحيين

السطحيه يا سيد ودالجعلي و يا امدرمان هي في التعميم و الحكم
المسبق الانطباعي غير الموضوعي

السطحيه يا سيد ود الجعلي ان تحاول تصنيف نفسك ماديامضمنا بين السطور انك افضل ثم تتذكر ان هذا ليس هو الموضوع

السطحيه هي الحكم على عدد من الشرائح الاجتماعيه المتناقضه و كانهم شريحه واحده يرتدون نفس الملابس و يتحدثون بنفس الطريقه و يعيشون معا في بيئه واحده


عندما تبدا في مناقشة السطحيه بصوره غير سطحيه ساعود لنتناقش

و لك احترامي - السطحي

ههههههههههه
قال هو زاتى مافاضى قال
الفيك إتعرفت يافرده

العزيز ماندلا ياخى برد نفسك على شوية ولو رجعت للبوست ستجدنى وبكل وضوح استثنيت الاولاد ليس هذا فحسب بل وصفتهم بى انبل الصفات لكن ما عارف انت نفسك حار
على ليه
اما بخصوص وصفى لنفسى بانى اعلى طبقة منكم فهذا كان
ردا على العزيز سارىالليل عندما اتهمنى بالحقد الطبقى
وانت عارف حماقة الجعلين وليك على وعشان ماتزعل منى وانا
اكن لك كل التقدير والاحترام اول ماانتهى من الرد عليك
اعمل ازالة للجملة الزعلتك دى عشان سببين الاول والاهم
ماتكون زعلان والتانى عشان تكمل نقاشك بصورة غير سطحية
ويبقى الود والاحترام بيننا اخى العزيز

اها يا مندلا امشى اقراها تانى وتعال ناقش بدون سطحية


يا وجن شنو كمان جابتليها غيرة وكده ما عرفتك لكن
انا من زمان ما واقف فى الصف وعاملين تقيلين هسى لا
اتكسرت القزازة ولا ادفق الفيها واذا كان الراجل محلل
ليه اربعه زوجات مايتحلل ليه حبيبتين ياخ بعدين خلى
اخلاقك رياضية
لك حبى والتقدير ونحن على الدرب سائرون

ياتو صف دا يا ود الجعلى
كل ما أجى ألقى ليك الطوب مالى المكان
وتحت كل طوبه ورقه مكتوب عليها ساعود لاحقاً
ومن ديك وعيييييييييك

العزيز ود الجعلي
النفس الحار ده ياهو حماقة الجعليه زاتا. ولا ماك خابر

و انا مازعلان لكن اتحمقت و مشيت رزعت بوست جديد عن الهجره و اولاد المغتربين

ما تاخذني لو انفتحت فيك لكن بصراحه الموضوع ده الناس كلها تنخس فيهو حتى انفجرنا و جاك الرايش . سامحنا

اقرى البوست التاني و نتواصل

للجميع.

حقيقة موضوع التربية خارج السودان موضوع طويل وهو موضوع يشغل هم وبال كل الآباء والأمهات. والمجتمع السوداني أيضا لديه صورة نمطية معينة علي كل من نشأ خارج الوطن. لكن للحقيقة والواقع أن لا يمكن أن نقارن بمن تربي خارج السودان بالذي نشأ دخله, ونجد نوع من الظلم يحدث تجاه تربية الخارج. هذا مقارنة غير عادلة وغير منصفة, إذا اختلفت البيئة والمكان فمن الطبيعي أن يختلف الإنسان.

لي سؤال أخر ماذا بشأن الأولاد الذين نشأو في الخليج, هل تنطبق عليهم نفس الصفات يا ود الجعلي؟

بسم الله الرحمن الرحيم
اخي ود الجعلي
سلام وتحية
والله ظلمتهم عديل كده
لكن هسي مشغولة حبة كده خليني افضى وبرد عليك بواقع تجربة
وحاتعرف من كلامي انو كل ما بتقال عليهم افتراء والله العظيم تحياتي ه

اخى العزيز دينق لك تحياتى والله الاولاد وزى ما اسلفت فى اول البوست يمتازون بكل شهامة ونبل اخلاق عالية وليس معنى ذلك انو البنات لا لكن بس مدلعات اكتر من اللازم
مع العلم انهم اتربو فى نفس البيئه وربما فى نفس البيت
او الاصح نفس الشقة لكن البنات بى يجو مختلفين عن اخوانن
ودا السبب المحيرنى
بت عمى مالك آزوله مختفية كدة من بديتى حياتك الجديدة
دىلا خبر لا اتر شنو الحكاية والله لقى احبابو ونسى
اصحابو المهم مستنى انفعالاتك فحتما ستظر لنا كثيرا من
الاشياء الممتعه
يا اعز عزيز فى دنيايا
لك تحياتى

ديشك!! الموضوع ده نكتّو من وين يا بكري؟

في حاجة أنا ما فهمتها كيف يعني تاريخ التسجيل 31/12/1969

Quote: لزيزه

اللزاها منو ؟!

الدلع حاصل وبكثرة والسطحية حاصلة
لكن السطحية دي هسة بقت عامة بنات برة وجوة


تفتح موضوع مع واحدة تتمنى لو انك ما عملت كدا

ياجماعه الموضوع دا زمان انا غيرت رأئى فوقو مية وتمانين درجه وكان بالدليل والبرهان لانو فعلا
الان معظم أوائل الدفع والمتفوقين من ابنا وبنات المغتربين
قولو لى كيف
أول حاجه المغترب بقى كل همو قرايت اولادو ونجاحم بقت اهم من بنيان البيت والله بعرف مغتربين بدفعو الوفروه فى عششره سنوات عشان الاولاد يقروجامعه سمحه والاولاد بقو بقدرو الحته دى شديد والله ودا برفع قدرهم عند الناس وعند اهلم وعند ربهم كمان

Quote: ياجماعه الموضوع دا زمان انا غيرت رأئى فوقو مية وتمانين درجه وكان بالدليل والبرهان لانو فعلا الان معظم أوائل الدفع والمتفوقين من ابنا وبنات المغتربين قولو لى كيف أول حاجه المغترب بقى كل همو قرايت اولادو ونجاحم بقت اهم من بنيان البيت والله بعرف مغتربين بدفعو الوفروه فى عششره سنوات عشان الاولاد يقروجامعه سمحه والاولاد بقو بقدرو الحته دى شديد والله ودا برفع قدرهم عند الناس وعند اهلم وعند ربهم كمان

حسي عليك الله في داعي أب صلعه ده ينكت ليك بوست كلو مشاكل و كركبه كتبتو قبل سته سنين ؟!
الزول ده شكلو نوي عليك !
كامل تضامني معاك يا ود الجعلي ، و كان أب صلعه ده لحقك أمات طه ، رسل لي صورتك في إيميل أختها في بروفايلي !

ود الجعلي سلامات...

طبعا ما عندي شك أبدا في سلامة نيتك.. ولكن الفكرة صادمة وجائرة على شريحة المغتربين وبها عموميات مخلة.. على الرغم من أنك قد نوهت إلا أن النظرة عمومية ولا يمكن أن تكون تنميطا لهذه الشريحة... ولكن للأسف كما قال أحدهم وأظنه الكاتب أنيس منصور:"في السودان الإشاعة تتكثف وتكبر وتصبح حقيقة... والحقيقة تتبخر وتصبح إشاعة"... كلام والله...

نحن يا عزيزي ربينا في هذا الوطن الحبيب الجريح خرجنا بكرامتنا عندما أصبحت الكرامات تذبح قرابين للمحسوبية والفساد.. آثرنا أن نهوم في بلاد الله نكسب عيشنا حلالا زلالا.. ندفع الجبايات والضرائب ويشاركنا الحكام في لقمة عيشنا قسرا... بنينا السفارات من جيوبنا وأقمنا الفضائيات من فلوسنا وشققنا الترع والجدوال ودفعنا الدمغة تلو الدمغة بشتى المسميات... ولكنا صبرنا وأحتسبنا.. من أجل من؟؟؟

أرجع لموضوعك... ولتعلم يا أخي العزيز أن أكبر إستثمارات المغتربين هم أبناؤهم.. لن أجادل في علمهم وغزارة معرفتهم.. فالعلم والتعليم معينات.. وظروف وأي محاولة للي عنق الحقيقة ستكون واضحة وإن لحن بعضنا القول...

أحيلك لأي مقارنة بين مدخلات التعليم في أي من دول الخليج والسودان.. ولأدعك تستنتج المخرجات.. ودعك من أنو التعليم في السودان أحسن أم أسوأ!! المسألة هي لا تعليم بدون مدخلات في حجم التحديات..

بنتي كانت تدرس في مهجرها ولكن عندما علمت بأمر ما سيكون عليها أمر شهادتها قررت وهي تعرف أننا لن نستطيع مرافقتها أن تدرس الثانوية في السودان وتعيش مع جدتها وجدها..عن أي حنكشة يتحدثون؟؟؟؟ سافرت ولم تركن لتوسل أمها بالمواصلة هاهنا لصغر سنها وإختلاف الظروف والبيئة ... وعاشت مع جدها وجدتها ودرست وأمتحنت الشهادة السودانية وأحرزت 90% (القسم العلمي - رياضيات- هندسية) فالتعميم إن كان مني أو من الطرف الآخر لا يصح.. ولكني أردت أن أثبت أن المسألة فردية .. الحنكشة هنا وهناك...
أولادنا الرجال ذهبوا للسودان وأندمجوا وضربوا البونية والشلوت.. وشيعوا الجنازات وبشروا في الأعراس.. وعصروا فراش البكيات.. ودفعوا في الكشف والمواجبات.. ودرس من درس هناك ...

لماذا لم يبحث أولئك المدعين في نجاحات أبناء المغتربين في أوربا وبعض بلدان آسيا... الغالبية العظمى ناجحون... والسبب أن تلك البلاد توفر الحد الأدنى من الحياة التي تساعد على الإبداع.. أغلب أبناء المغتربين اللذين تعثروا في السودان لم تؤخذ ظروفهم الموضوعية في الحسبان.. فبعد أن كانت المدارس على مرمى حجر من سكن الواحد منهم وهم وسط أمهاتهم وآبائهم ... تحتم على الواحد أن يساكن حبوبته أو خالته أو أي قريب له في سكنه في أطراف المدينة.. ظروف المعيشة في الغربة والتي ليست عيبا ربما وفرت لكل شاب غرفة لحاله.. ولكنه عندما يأتي السودان... عليه أن ينوم في الحوش وسط أجيال متباينة من أفراد عائلته الممتدة أما الغرف فحق مشاع... نحن تربينا هكذا أما هم فلا... فتلك ظروفهم.. ولكن أنظر للكثير منهم اللذين ذهبوا مثلا للدراسة في أوربا .. تجد أن الظروف المعيشية لم تختلف كثيرا..فأبدع الكثير وأجاد..

أرجع لمسألة التعليم.. يا أخي بعض أبنائنا وبالذات طلاب الهندسة طلبوا من أهلهم أرسال مقررات الرياضيات للصف الثاني والثالث ثانوي من الشهادة العربية حيث أن السنة الأولى في الجامعة نفس منهج الصف الثاني والثالث... أنا لست مبالغا في ذلك... أسأل ربما أفاد الكثيرون بذلك...

المدارس يا عزيزي في الغربة عالم يضيف للطالب..يعطيه فرصة الإختلاط بثقافات متباينة فيثري وجدانه.. والحديث عن الأغاني وما أدراك ما الأغاني فحتى السودانيات يحفظن كاظم الساهر وشيرن وما إلى ذلك وإلا ما كان متعهدو الحفلات بين الفينة والأخرى يستقدموا الفنانين والفنانات العرب...دونك حفلات التخريج ولتقف على الأغاني التي تتخرج بها الطالبات من الشهادة السودانية...

أبنة أختي صيدلانية شهادة سودانية خريجة جامعة من أعرق الجامعات السودانية .. قالت لي: يا خال أحسن وأشطر بنات في الكلية عندنا شهادة عربية..وأزيدك يا خال كما قالت... لديهن أحسن خط وأجمل لغتين أنجليزية وعربية...

أما أنهن مدلعات ومحنكشات فهي نفس نظرة البنت الريفية السودانية وأهل الريف السوداني لأهل المدينة والحضر.. فهي دائما نظرة الذي يعيش في مجتمع بدوي أو أقل حضارة للذي يعيش في المدينة... فهي نظرة قديمة وليست بالضرورة أن تكون صحيحة...

يا أخي معليش.. لكن والله نحن شايفين أولادنا وبناتنا المغتربين زيهم وزي أولادنا وبناتنا داخل السودان...

برضو متأكد أنك طرحت الموضوع للنقاش ليس إلا ولذلك أرجو أن يتسع صدرك...

وفي الختام لعلك سمعت بالدراسة عن أحسن جامعات العالم.. وقد دخلت جامعة الملك فهد للبترول والمعادن ضمن ال 100 الأوائل..ولا أثر لا الجامعات السودانية ولا حتى المصرية... هذا أمر لا يعجبني ولكنها الحقيقة.. وآن لنا أن نزيح الغشاوة من أعيننا ونترك العيش في الماضي..

نسيت أن أقول لك لا يمكن أن تكون سطحية التفكير صورة نمطية لبنات الخليج.. أو أي بنت أخرى ..أيضا هي مسألة فردية

مع خالص الود والإحترام

Quote: OMDRMAN تاريخ التسجيل: 31-12-1969

واضح اني نعست شديد ومفروض اقوم انوم

ـــــــ
سلام يا ود الجعلي

والله يا اخونا كمال كلامك مليان ومستفيض لمن مدفق وزى ماقلت ليك كلامى دا كان للنقاش ويستحمل اى الاتجاهين لكن انا من الناس الاقتنعو بكلامك دا من بدرى بعد ما فى كميه من الناس برهنو لى بامثله حية
ياخى والله لك العتبى حتى ترضى
مع تحياتى

أمين كيفك يا اخوى كان بكور نوى على مابكون عندى مخرج منه الا اليه لكن ياخى بكرى دا مافاضى للحقارات دى
بعدين كلامى دا قلتو قبال سته سنه والوكت داك كنت صغير وجاهل لكن هسى بقيت كبير وبعرف محل مصلحتى وين
تحياتى ياامين