Post: #1
Title: حقيقة الكبدة - إدارة المريخ تشغل جمهوره عن فشلهم بالمعز محجوب
Author: صبري طه
Date: 12-20-2009, 07:10 AM
لكم التحية أحبتي ...
وليس لديَّ تفسير منطقي لما تقوم به إدارة نادي المريخ من مطاردة لحارس عرين ندّها التقليدي المعز محجوب في معركة تسجيلات أندية كرة القدم السودانية هذه الأيام، سوى أنها تُريد أن تشغل جمهور ناديها عن فشلهم الذريع في هذا الموسم وخروج النادي بخفَّي حنين !!!
وإذا كان أكرم الهادي سليم أحد أسباب هزيمة المريخ من الهلال في نهائي كأس السودان الأخير ... فالمعز محجوب أحد أسباب خروج الهلال من نصف نهائي دوري أبطال إفريقيا وبالخمسة !!!
المنطق يقول: أن إدارة المريخ بسعيها في ضم المعز محجوب تُريد أن تقنع جمهورها أن سبب كوارث المريخ في هذا الموسم هو حراسة المرمى وليس الفشل الإداري !!!
على الهلال ألاّ يخسر كثيراً للمحافظة على حارس مرماه ... فحراسة المرمى صناعة بقليلٍ من الموهبة ... والمُعز محجوب أفضل السيئين ... ولا يوجد في ساحة كرة القدم السودانية ما يستحق أن نطلق عليه لقب "حارس مرمى" !!!
تناول مزمِّل أبو القاسم أزمة الهلال المالية وعدم قدرته على دفع مستحقات لاعبيه والجهاز الفني ... ونسي أخونا المُشجِّع المتعصِّب أنه ورغم هذه الصعوبات تمكّن فريق "قدر ظروفك" من حصد كل الألقاب المحلّية ... وكان على بُعد خطوتين من تحقيق لقب أبطال إفريقيا والصعود لنهائيات كأس العالم للأندية !!!
وسؤال أخير: كم مرّة تم تغيير المدرِّب في نادي المريخ لهذا الموسم ؟! وهل للإعلام المريخي دور في ذلك ؟!
ولكم كل الود والتقدير ،،،
|
Post: #2
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: Elfadil Sabeil
Date: 12-20-2009, 09:57 AM
Parent: #1
الأخ صبري سلام
و عن قون
Quote: كتب : شهاب الحاج عبد الوهاب
في تطور مثير للاحداث دخل نادي المريخ في صراع جديد لكسب خدمات حارس الهلال والمنتخب الوطني المعز محجوب عن طريق فسخ العقد . يذكر ان اللاعب يرتبط بعقد احترافي مع نادي الهلال لمدة 4 أعوام بدأ بتاريخ 7/1/2007 وينتهي في 15/12/2010 .بعد ان تلقي
اللاعب عرضا خرافيا من نادي المريخ وصل لمليار ونصف جنيه سوداني ... ورغم ذلك لم يؤكد اللاعب للمريخ كلمته النهائيه حتي لايدخل في اشكاليات مع ناديه الهلال الذي يرغب في تمديد عقده لفترة جديدة .
وأكد لقوون مسئول قانوني ضليع بان لائحة فسخ العقد تنطبق علي حارس الهلال المعز محجوب كما تنطبق علي عدد من اللاعبين في المريخ حالياً وقال ان اللاعب المعز محجوب من مواليد عام 1978 ويجوز له انهاء عقده من طرف واحد في حالة طلبه بعقد يتضمن قيمة مالية اكثر من عقده الساري وان يكون اللاعب قد امضي اكثر من نصف فترته مع ناديه ..وقال ان طلب المعز سيخضع لتقييم من قبل اللجنة المكلفة للنظر في طلبه الذي يطابق لائحة فسخ العقد . |
| Quote: على الهلال ألاّ يخسر كثيراً للمحافظة على حارس مرماه ... فحراسة المرمى صناعة بقليلٍ من الموهبة ... والمُعز محجوب أفضل السيئين ... ولا يوجد في ساحة كرة القدم السودانية ما يستحق أن نطلق عليه لقب "حارس مرمى" !!! |
والله يا أخي قلت الحقيقة، الهلال ما يضيع وقته مع مهاترات هؤلاء القوم، الذين لا يعرفون إلا أذية الآخرين بأموالهم. المهم في الأمر علي الهلاليين أن يقولوا مبروك للمعز كما قلنا مبروك لريتشر. فبدل القروش يشيلوه زي ناس وارغو و غيرهم، خلوا أولادنا بتاع الهلال يأمنوا مستقبلهم من المال السايب.
ورزق المساكين في الهُبُل المجانيين
|
Post: #3
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: الحاج حمد الحاج
Date: 12-20-2009, 10:36 AM
Parent: #2
مبروك الفوز بكأس الممتاز و كأس السودان..هاردلك المريخ
Quote: وليس لديَّ تفسير منطقي لما تقوم به إدارة نادي المريخ من مطاردة لحارس عرين ندّها التقليدي المعز محجوب في معركة تسجيلات أندية كرة القدم السودانية هذه الأيام، سوى أنها تُريد أن تشغل جمهور ناديها عن فشلهم الذريع في هذا الموسم وخروج النادي بخفَّي حنين !!!
وإذا كان أكرم الهادي سليم أحد أسباب هزيمة المريخ من الهلال في نهائي كأس السودان الأخير ... فالمعز محجوب أحد أسباب خروج الهلال من نصف نهائي دوري أبطال إفريقيا وبالخمسة !!!
المنطق يقول: أن إدارة المريخ بسعيها في ضم المعز محجوب تُريد أن تقنع جمهورها أن سبب كوارث المريخ في هذا الموسم هو حراسة المرمى وليس الفشل الإداري !!! |
جمال الوالي دا كان بلعبانصايد و رفض يلعب؟ المريخ لم يهزم في منافسة الممتاز و طبيعي الفائز المريخ أو الهلال و من قبل جمع المريخ البطولتين و حقق ما لم يحققه الهلال في تاريخه..نذكركم؟
| Quote: وكان على بُعد خطوتين من تحقيق لقب أبطال إفريقيا والصعود لنهائي كأس العالم للأندية !!! |
تشموها قدحة!! حاجة ما حققها المريخ ما في فريق سوداني بحققها أقيفوا في الصف بعدنا!!
|
Post: #4
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: وليد محمد المبارك
Date: 12-20-2009, 10:44 AM
Parent: #3
| Quote: ... فحراسة المرمى صناعة بقليلٍ من الموهبة |
غير صحيح
|
Post: #13
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: صبري طه
Date: 12-21-2009, 09:29 AM
Parent: #4
Quote: وليد محمد المبارك كتب:
غير صحيح
|
أخونا وليد كلامك دة عشان إنت حارس !!!
طيب لو إنت جبتها بالموهبة غيرك جابوها تدريب مع قليل من الموهبة ...
فحراسة المرمى والكُرة الطائرة متشابهات ...
ولك كل الود والتقدير ،،،
|
Post: #6
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: نيازي عبدالله مرحوم احمد
Date: 12-20-2009, 10:49 AM
Parent: #3
رغم اني مريخابي لكن تسجيل معز لن يضيف شئيا للمريخ سوي عب مالي
المعز قارب الثلاثين بالاضافه لكونه غير قدير وينقصه الكثير
انديه القمه والتي يفترض ان تكون قمه في كل شئ تدير تسجيلاتها كما هو
الحال في سوق سعد قشره او سوق ليبيا او الدلاله
امر موسف حقا
|
Post: #14
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: صبري طه
Date: 12-21-2009, 09:31 AM
Parent: #6
Quote: رغم اني مريخابي لكن تسجيل معز لن يضيف شئيا للمريخ سوي عب مالي
المعز قارب الثلاثين بالاضافه لكونه غير قدير وينقصه الكثير
انديه القمه والتي يفترض ان تكون قمه في كل شئ تدير تسجيلاتها كما هو
الحال في سوق سعد قشره او سوق ليبيا او الدلاله
امر موسف حقا |
تشكر أخي نيازي على الإضافة ...
ويا عزيزي دي إدارات علي بالطلاق ...
دمت بود ،،،
|
Post: #12
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: صبري طه
Date: 12-21-2009, 09:27 AM
Parent: #3
| Quote: جمال الوالي دا كان بلعبانصايد و رفض يلعب؟ المريخ لم يهزم في منافسة الممتاز و طبيعي الفائز المريخ أو الهلال و من قبل جمع المريخ البطولتين و حقق ما لم يحققه الهلال في تاريخه..نذكركم؟ |
لك التحية أخي الحاج ...
ويا ريت تذكّرنا فسخ الهلال لعقد لاعب في كشوفات المريخ !!!
|
Post: #9
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: صبري طه
Date: 12-20-2009, 12:57 PM
Parent: #2
Quote: الأخ صبري سلام
والله يا أخي قلت الحقيقة، الهلال ما يضيع وقته مع مهاترات هؤلاء القوم، الذين لا يعرفون إلا أذية الآخرين بأموالهم. المهم في الأمر علي الهلاليين أن يقولوا مبروك للمعز كما قلنا مبروك لريتشر. فبدل القروش يشيلوه زي ناس وارغو و غيرهم، خلوا أولادنا بتاع الهلال يأمنوا مستقبلهم من المال السايب.
ورزق المساكين في الهُبُل المجانيين
|
وعليكم السلام أخي الفاضل ...
ولا أعتقد أن خزينة نادي المريخ أيضاً سايبة ما لم تكن مدعومة ...
مدعومة من وين "الله أعلم" ...
ولك كل الود والتقدير ،،،
|
Post: #5
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: عكود عبد القادر عكود
Date: 12-20-2009, 10:44 AM
Parent: #1
صبري..إزيك
طبعاً إنت عارف أخوك موسووووووعة في كرة القدم
مودتي
|
Post: #7
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: nazar hussien
Date: 12-20-2009, 10:50 AM
Parent: #5
| Quote: خلوا أولادنا بتاع الهلال يأمنوا مستقبلهم من المال السايب |
والله لو كنت املك قرار ادارة الهلال...لسقت المعز من ايده
لغرفة تسجيلات المريخ...بشرط ان يدفعوا له عدا ونقدا المليار ونصف...
فبذلك يثبتوا ان الهلال يصنع النجوم
والآخرين يصنعوا القروش...
|
Post: #8
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: برير احمد إبراهيم
Date: 12-20-2009, 11:06 AM
Parent: #7
صحى والله ... زى ما مجاهد ولدنا خم من قروش المؤتمر الوطنى
السايبه دى وريتشارد اخد معاشو برضو من هناك ... مامشكله
المعز برضو ياخد معاشو ...
|
Post: #10
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: Elfadil Sabeil
Date: 12-20-2009, 01:56 PM
Parent: #8
Quote: والله لو كنت املك قرار ادارة الهلال...لسقت المعز من ايده
لغرفة تسجيلات المريخ...بشرط ان يدفعوا له عدا ونقدا المليار ونصف...
فبذلك يثبتوا ان الهلال يصنع النجوم
والآخرين يصنعوا القروش... |
Quote: صحى والله ... زى ما مجاهد ولدنا خم من قروش المؤتمر الوطنى
السايبه دى وريتشارد اخد معاشو برضو من هناك ... مامشكله
المعز برضو ياخد معاشو ... |
والله وقلتوا الحقيقة، ناس جايين من سقط لقط، ناس وارغو و النحس ما فارقو و يخٌّموا في قروش راقد هبطرش (زي سمك السد). و تقول لي أولادنا يقعدوا يتفرجوا.
أولادنا ما قصــــــــــروا، أدوا واجبهم في الهلال على أكمل وجه، مجاهد و ريتشارد وغيرهم ، شالوا فالنصيب من الهلال و تركنا هم و الدرب أخضر، و ربنا أكرمهم برزقٍ حلال لكل لاعب سوداني.
و لذلك نقــول المعز ما قصـــــــر معانا تب، و أمين حرس المرمى بكل صدق حتى آخر مباراة، و لو ربنا رزقه من أهل الهبطرش، يأخذ منا النصيب و يمشي يجمع السايبة.
|
Post: #11
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: haroon diyab
Date: 12-20-2009, 07:02 PM
Parent: #10
قومو لفو
|
Post: #19
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: Elfadil Sabeil
Date: 12-21-2009, 10:49 AM
Parent: #11
ســــــــــــلام يا مريخابي يا أصيل
نمشــــــــــــــــــوا وين.
نمـــشــــــــــــــــــــوا نجيب ليك المعز. يا زول الكاش بقلل النقاش. بس جهزوا المبلغ
Quote: والله لو كنت املك قرار ادارة الهلال...لسقت المعز من ايده
لغرفة تسجيلات المريخ...بشرط ان يدفعوا له عدا ونقدا المليار ونصف...
فبذلك يثبتوا ان الهلال يصنع النجوم
والآخرين يصنعوا القروش... |
|
Post: #16
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: صبري طه
Date: 12-21-2009, 09:34 AM
Parent: #7
Quote: والله لو كنت املك قرار ادارة الهلال...لسقت المعز من ايده
لغرفة تسجيلات المريخ...بشرط ان يدفعوا له عدا ونقدا المليار ونصف...
فبذلك يثبتوا ان الهلال يصنع النجوم
والآخرين يصنعوا القروش... |
لك التحية أخي نزار ... ومشتاقين ياااااااااخي ...
وبالفعل كالبارسا وريال مدريد ...
وعشان العُشرة وتأمين المستقبل أرجو من إدارة الهلال عدم الوقوف في طريق الملايين ...
ولك ودي ،،،
|
Post: #15
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: صبري طه
Date: 12-21-2009, 09:32 AM
Parent: #5
Quote: صبري..إزيك
طبعاً إنت عارف أخوك موسووووووعة في كرة القدم
مودتي |
لك التحية أخي عكود ...
وأنصحك ... بس خليك في موسوعتك دي !!!
ولك كل الود والتقدير ،،،
|
Post: #17
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: الحاج حمد الحاج
Date: 12-21-2009, 10:24 AM
Parent: #15
Quote: لك التحية أخي الحاج ...
ويا ريت تذكّرنا فسخ الهلال لعقد لاعب في كشوفات المريخ !!! |
صبري تحياتي..دي جديدة عليكم ما لازم المريخ يكون سباق في أي شئ ، دا لعب قوانين كمان ح تتعلموهوالسنة دي و تطبقو السنة الجاية و عندئذ ح اذكرك ليها!!
|
Post: #18
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: وليد محمد المبارك
Date: 12-21-2009, 10:47 AM
Parent: #17
Quote: طيب لو إنت جبتها بالموهبة غيرك جابوها تدريب مع قليل من الموهبة ...
فحراسة المرمى والكُرة الطائرة متشابهات ... |
ما عارف اقولليك شنو ا صبري
لاعلاقة البته بين حراسة المرمى والكرةالطائرة
ابدا
في الكرةالطائرة محرم مسك الكرة ومن يمسكها يحسب عليه فاول
في الحراسة الحارس الجيد هو من يمسك الكرة ويستحوز عليها ولا تسقط منه
انا ممكن اديك اكتر من نموذج لحارس موهبة وحارس صناعة واوريك الفرق بيناتهم
عندك البرازيل مثلا
حتى عد قريب كانت الحراسة عندهم صناعة وهذا افقداقوى متخب برازيي كاس العالم
متخب 86 ناس سقراط وزيكو والباقين
الثغرة الوحيدة في المنتخب داك حارس مصنوع
الحارس ابو ترينق كحلي وصعلة داك
البرازيل ما رجعت للكؤس الا بعد تفاريل حارس موهبة
عندك فريق المريخ من85 - 90 ما كان افضل الفرق السودانية
لكن كان عنده احسن حارس سوداني (حامد) فشال كاس الكؤس وكاس سيكافا وكاس دبي
بسبب الحارس الموهبة
انت اديني مثال لحارس واحد مصنوع ممز
|
Post: #20
Title: Re: حقيقة الكبدة - إدارة المريخ تشغل جمهوره عن فشلهم بالمعز محجوب
Author: الصادق صديق سلمان
Date: 12-21-2009, 11:01 AM
Parent: #17
المعز كان رمزاً من رموز الهلال - لوأراد أن يلعب للوصيف
فليذهي غير مأسوف عليه لأن سفينة الهلال لن يوقفها لا معز ولا ريتشارد
بل تبحر حتى نهائي الأبطال والكأس إنشاء الله.
أبوفتحية
|
|