Post: #1 Title: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 09:03 AM
دعاش خرافي يزور ارض الصحاري الخليجية والمنافي تتامر مع موتمر المناخ الكوبنهاجني الذي اقيم بلا رئيس سوداني .. وامطار الدوحة التي تغشها والقوم هنا يحتفلون بعيدهم الوطني.. كل هذه الخواطر قذفت الي الذاكرة والمخيلة سيرة الفيافي والوديان التي فارقنها فراق الطريفي لجملو منذ سنين بلغت حتي الان عشرة سنين ونيف...!!! هنا جولة بدون سابق ترتيب الي بعض الفيافي في الارض السودانية كما تبدت لنا في ليل وامطار الغربة البهيمة..
Post: #2 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 09:09 AM Parent: #1
كنانة.. كنانة سكر كمبوني كما ينطق اسمها اهل ربوع كمبو خمسة .. هي اولي الوديان الهاطلات في الذاكرة المطرية والدعاش..فالامطار في ضاحية كنانة الواقعة في احضان النيل الابيض. لها طعم ونكهة خاصة... الدعاش الاتي من حقول القصب والذي يختلط مع جوقة الكتاكو المتجوليين في سوقها الصغير.. ثم ارض لها مقدرة عالية امتصاص ذلك المطر الذي يهتم به اهل تخومها في مشاريع الري المطري في جبل مويةوجبل دودووجبل بيوت وام جديان والتخوم المتاخمة للتقابة واهلها النشطاء..
Post: #7 Title: Re: كيف الحال يا فيافي ويا وديان...!!! Author: عادل سهل Date: 12-18-2009, 09:18 AM Parent: #2
عبد الكريم أخوى كيف حالك ومبروك عليك " الحيا "
السنون وما ادراك ما السنون فى الغربة ، ليست هى الـ 365 يوما التى نعرفها من زمان
فى الغربة أخى عبد الكريم اليوم كالساعة والسنه كالشهر ، بالامس سألت أحد اصدقائى عن رفيقه ، متى قدم للدوحة
قال وبكل جدية أنه من الجيل الجديد ، فقط له سبع سنوات !!!
ريحة الدعاش وأمطار الفرقان هى من تشعرك بأن السنة 365 يوماً
فأجعلنا تننسم تلك الرائحة عبر بوستك الجميل هذا فى هذه الظروف التى نبحث عن هواء عليل بهذا المنتدى
وذلك اضعف الايمان . . .
وكل عام هجرى وانت بخير أخى عبد الكريم
تحياتى
Post: #3 Title: Re: كيف الحال يا فيافي ويا وديان...!!! Author: khaleel Date: 12-18-2009, 09:10 AM Parent: #1
العفرت شال
سببو الامطار
ديل اخلو سميح
سكنو ام محار
دعاشهم هب مع الاسحار
نومي قليل ودموعي بحار
وما اجمل خريف بلادي
Post: #4 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 09:14 AM Parent: #3
Quote: العفرت شال
يا سسسلام يا ابو خليل علي العفرت الشال.. والخريف في الفيافي والوديان عجيب ياخي..
زاوية البراق ياخليل هي من تحدد بان الامطار جاية وبعض العامة لهم فراسة عجيبة في التنبو بالامطار تفوق كل مراصد الفرنجة ونظرة عميقة للسماء تسمع كنيش يقول ليك متتتتتتترررررا ده بجي الليلة
Post: #5 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 09:18 AM Parent: #4
فنترك ام طار ضاحية كنانة جانبا ونترك معها القوم في كمبو خمسة يمارسون الدف الخريفي بالكجيج الموشح بعصيدة (حجر) ومريسة بوخها يولول وبعض جرعات العرقي البكر ولكنه عرقي من العيش وليس ذلك البلح البندري الغالي والنفيس في تلك الفيافي.. ونضرب عباب النيل الازرق الوهاج ونتلب عبر المسافات والفيافي التي تفصل النيلين الازرق والاحمر ونحط في الصعيد في نواحي ود النيل بكان القمري قيل
Post: #6 Title: Re: كيف الحال يا فيافي ويا وديان...!!! Author: khaleel Date: 12-18-2009, 09:18 AM Parent: #4
Quote: وبعض العامة لهم فراسة عجيبة في التنبو بالامطار تفوق كل مراصد الفرنجة
يا سلام علي العامة حينما يبرق العبادي يقولون
(لا حرة تعيب لا برق عبادي يخيب )
ويا سلام علي كابلي لما يقول
برق عبادي سو الهول
Post: #8 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 09:21 AM Parent: #6
Quote: يا سلام علي العامة حينما يبرق العبادي يقولون
(لا حرة تعيب لا برق عبادي يخيب )
ويا سلام علي كابلي لما يقول
برق عبادي سو الهول
ويا سسسسسسسلام علي من قال والبراق برق من منا جاب القرة..
والبرق يا خلي كثير الوجود في الغناء السوداني ونبض العامة وقد تسمع من يقول بنية دييييي عيونها زي البرررررق
Post: #9 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 09:25 AM Parent: #8
Quote: ريحة الدعاش وأمطار الفرقان هى من تشعرك بأن السنة 365 يوماً
يا سسسسلام وتحية يا شيخ العرب والغربة والمنافي بتاكل الايام والدقائق اكل.. وبرقا ومطرا بكميات تجارية هطل في تلك الفيافي والوديان وبكل اسف عندما حضر اليها جالبا الدعاش لم يجدنا بين الحضور.. وهي سياحة يا شيخ العرب الي ذاكرة المطرة وريحتها التي ملت كل الجوف ونحن في بلادا طيرها عجمي ولايسف التمباك وكل التقدير وحبابك في حديث مطرة البوادي والوديان
Post: #10 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 11:29 AM Parent: #9
لكي نضرب عباب تلك الفيافي والوديان ذات التربة الطينية اللايوقة والتي ترتوي من الامطار بدلع وحب كبير فتنبت حشائش واشجار تفوق خضرتها الخضرة.. لابد من تراكتر استير وبوووت حد الركب .. فهطول الامطار يحول تلك المنطقة الي خلية نشطة من المزارعين والعمال ومحبي زراعة الامطار وتهطل لغة التيراب والجراية والكديب ...
Post: #11 Title: Re: كيف الحال يا فيافي ويا وديان...!!! Author: عامر تيتاوى Date: 12-18-2009, 12:17 PM Parent: #10
برق عبادى سوى الهول بصدق افعالو ما بالقول صديقى كيكى حضرنا للسلام والتحايا لخليلو
Post: #12 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 12:34 PM Parent: #11
Quote: برق عبادى سوى الهول بصدق افعالو ما بالقول صديقى كيكى حضرنا للسلام والتحايا لخليلو
يا سسسسسسلام يا تيتا.. واين انت يارجل.. والاسافير والخطاوي الهلالية موشحة بسيرة الاغاني واركلوجيا المزيكة التي كنت تنثرها بيننا هنا قد ملت الانتظار.. وحبابك في سبرة ومدارات الوديان والفيافي
والف تحية وود يا عامر
Post: #13 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 12:39 PM Parent: #12
فرح المخارف
Post: #14 Title: Re: كيف الحال يا فيافي ويا وديان...!!! Author: فيصل عثمان الحسن Date: 12-18-2009, 02:57 PM Parent: #13
العزيز كيكى تحياتى , يا سلام على البوست البرد الروح ده ياخى , مشيت كويس ووصلتنا حتى ود النيل محل القمرى بقيل , وكنت معتقد أنك حتواصل فى نفس الخط مرورا ب دار عقيل محل شجر النيم الجميل داك , والى هارون وجلقنى والسريو , ومعاها موسيقى وازا يردد المحتفون فيها ( يا موسى متين جيتا من الغربة سلامو على ) لكنك يا كيكى يا تفكيكى قفزت قفزة غير متناسقة لاتتناسب ومهندس مساحة نحرير , الى وديان كردفان الغرة من خيرا جوة وبرة وأتيتنا بالمردوم الأصلا ما بناباهو , كدى لف يا صديق ورجعنا للصعيد ووصلنا للمعشوقة الدمازين وتوأمها الرصيرص , وفى العودة لا تنسى , سنجة عبدالله , التى يردد صغارها ( سنجة الصعيد بلدا بعيد لالوب تخمو نبق ينسى الجاهل أمو ).
Post: #15 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 05:36 PM Parent: #14
هلا يا فيصل وحبابك وحباب ود النيل بكان القمري نيل وفيافي الصعيد التي مارسنا (الكسرة) علي طريقة ابوعلي الشهيرة بمردوم من فيافي كردفان ريثما نعود ونضرب عباب الاشواق صوب تلك البقعة الملهمة في الخريف عندما تتساقط رزازات النيل الازرق علي الفيافي والوديان.. والكسرة الشترة يا فيصل لزوم الاحتفاء الكثيف بالبوادي وهذه الموسيقي الكردفانية كان لابد لها ان تمتزج بالحكي عن الصعيد ..فمطر صحاري العرب والمنافي لخبط علينا الاختساس وجلب كل البوادي بهطلة مطرة.. وسنواصل يا فيصل في الصعيد وجلقني وهارون وبنزقة وام درمان فلاتةوسوف نعبر شفيفا صوب القربين والصهباء وبعض تخوم الدالي والمزموم وتحياتي واليك هذا اللحن الصعيدي المدهش عله يدوزن عصب الحكي الذي شترته امطار صحاري العرب وجننت جن.. وتحياتي
Post: #16 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 05:53 PM Parent: #15
اذن انها هارون محطة للسكة حديد عندما القطار يعبر بصافرته تلك التخوم الموازية للنيل الازرق في عبور عكس التيار النهر العاتي.. لا ادري لماذا البدايات هي هارون ؟؟؟..ولما ليس جلقني اوخليل او ود النيل بكان القمري قيل..او ابوحجار حيث كمبو كثر الدخلو كلو ودر... ولكن فلتكن هارون هي بداياتنا نصعد منها شمالا وجنوباثم نعبر الازرق شرقا ثم نضرب عباب التخوم غربا في اعالي مناطق مشاريع زراعة الامطار وليالي الجنقو في رحلات ام بحتي وقد نحتسي مرايس من العيش و بعض الكولميت ونضرب الزقني في تخوم حدود بلاد الاحباش... فكل شي وارد في حمي جمر الحي الذي ولع ....!!!
Post: #17 Title: Re: كيف الحال يا فيافي ويا وديان...!!! Author: عادل عبدالعزيز عبد الرحيم Date: 12-18-2009, 06:01 PM Parent: #16
الحبيب كيكى
انت شفت جيهة جبل موية فى الخريف كيف ولا شفت ابوزبد وبوطة وصموعة مخضرة كيف
يا زول الحاصل ليك شنو خير انشاء الله شايفك الشوق مولع فيك عديل كده
الله يرد غربتك سالم غانم انشاء الله
بالمناسبة عازمك فى بوست جديد فتحته بيك انت وكيكى عنوانه حبيبى انفخ لى وانا انفخ ليك . ادينا فيه طله عليك الله
Post: #18 Title: Re: كيف الحال يا فيافي ويا وديان...!!! Author: عبدالكريم الامين احمد Date: 12-18-2009, 06:13 PM Parent: #17
Quote: انت شفت جيهة جبل موية فى الخريف كيف ولا شفت ابوزبد وبوطة وصموعة مخضرة كيف
يا زول الحاصل ليك شنو خير انشاء الله شايفك الشوق مولع فيك عديل كده
الله يرد غربتك سالم غانم انشاء الله
بالمناسبة عازمك فى بوست جديد فتحته بيك انت وكيكى عنوانه حبيبى انفخ لى وانا انفخ ليك . ادينا فيه طله عليك الله
هلا يا عادل وحبابك ياخي.. وخلاص ياخي الشوق دفر.. والبوست ده لو سخن باخوك حتلاقني من بكرة مربط بقجي وميمم شطر مقرن النيلين والفيافي والوديان ديك فالغربة كافرة يا عادل.. ياخي جبل موية شفتو في الخريف بالحيل ومتعت ناظري بالخضرة والحركة النشطة للمزارعين واندرشت كداري في تخوم جبل دود وبعض نواحي جبل بيوت.. واما ابوزبد فعبرت بها مسافرا ذات خريف كردفاني بعيد تعبقت به ذاكرتي بدعاش الرمال عندما تختلط بالرمل ... وح اجيييييك للبوطة وساحملك عبر جناح طائر اغر الي بوطة (ابعج) وغريقة اجمل بوااط كردفان علي الاطلاق والتي تزين مدينة المجلد