وعلى الجنوب.....وللجنوب...(السلام)

لقد انتفى الغرض الاساسى
والذى بسببه استوليتم على الحكم
ألا وهو جنوب السودان العلة الاساسية لتقلبات الحكم فى جمهورية السودان و لكل المآسى
غرس الاستعمار البريطانى بذرة التفريق بين الشمال والجنوب , وجاء الازهرى 1956 ونكص عهده مع الجنوبيين, ومن بعده عبود 1959 مستخدما القوة لأسلمة الجنوب وتعريبه وفشل فى ذلك, وكانت اكتوبر 1964, وسر الختم الخليفة كان موفقا فى مائدته المستديرة, فخذلته الاحزاب وجاطت وفشلت فى الحكم فقفذ عليها النميرى 1969 واتفق معهم فى أديس أببا فإنتكس من بعد فأخفق,
وإنتفض الناس فى إبريل
وتوصل ود الميرغنى مع قرنق لاتفاق عديل,
نط الصادق وقال مستحيل,
بس غيرةً من محمد عثمان,
وتدخل الجيش بمذكرته المشهورة (عين حمراء للصادق) وقام وافق على اتفاق ود الميرغنى. وقال خلاس يوم 30 يونيو اجتماع لمجلس وزراءه عشان يقننوا ما إتُفِقَ عليه.
وفى ليلة اليوم دا أخدتَ الحكم بالدبابات.
قلتَ لا,و قلت جهاد
وبالقوة تكون الوُحدة ثبات
وماتْ مَنْ ماتْ
وفى الشوارع نصبنا خِيَم, أعلنا حدَاد
وفجأة وبدون مقدمات
قلتو سلام وحِياد
طيب, زمان محمد عثمان ود الاسياد
وِصِل لإتفاقك دا بدون احقاد
وطيب من الاول نطيت مالك؟
وينها الوحدة وينو الإستشهاد؟
سياساتك فى الحرب وفى السلام فاشلات.
صحة وتعليم كمان بالذات
اقاليمنا ياها دى منتهيات
تهميش بالجملة ونسيانات
قروش بترول بدون فايدات
مشروع الجزيرة عدَّاوفات
وسكة حديد لحد سنكات
خِرْبت لِحقَت طه و أُمَّات
وكمان دارفور حَريق وممات
وسد كجبار الولع نار
وحلايب فى 60 داهيات
لاجنوب لا شمال
لا غرب لاشرق طلعن من إيديك سالمات
كفاية خراب كفاية عناد
وقالوا الجيش سكنُه الثكنات

أبدعت يا نيلنا

لقد أسمعت إذ ناديت حيا ولكن لا حياة لمن تنادي

لكن برضو حنخليهم يسمعوا غصبا عنهم


لك خالص مودتي

سيف اليزل

Quote: لقد أسمعت إذ ناديت حيا ولكن لا حياة لمن تنادي

ولكن الشعب حي يرزق

لك الشكر أستاذنا سيف

.

.
.

يلا كلها كم سنة وعادي جداً يجي مؤرخ نيلي يجلبط ليه كتاب مكتوب عليه المؤرخ العلامة ويرجع سبب إنفصال الجنوب وتمزق السودان إلى مؤامرات الرافضة الذين ظهروا في السودان وتكالبوا على أهل السنة الطاهرين زي مابقول الدلاهة نوريت وهكذا تفككت أكبر دولة إسلامية سنية من حيث المساحة .

كدي من هسع فتش ليك بن علقمي سوداني تدرع فيه حكاية الإنفصال والتفكك دي زي ماعمل الخبيث الجوزجاني زمان ودرع سقوط بغداد في رقبة الراجل المسكين .

ممكن أرشح ليك مولانا (متوكل علي) وبما إنه متوكل من الدناقلة فالإسم حيكون رنان وموسيقي (المتوكل النوبي) .




.
.

Quote: يجي مؤرخ نيلي يجلبط ليه كتاب

إنت زعلت ولَّ حاجة, أخ إسماعيل الازهرى نمرة تلاتة؟
وكمان بتلخبط الكيمان؟
خليك من جلبطة النيل
خدك جزء من كتاب مؤلف جاهز من واحد غير النيلى

Quote: أعلن الأزهري الاستقلال في يناير/ كانون الثاني 1956م وشكل حكومته الأولى التي سرعان ما تناست وعودها للجنوبيين، خاصة في ما عرف بسودنة الوظائف، إذ لم تمنح الجنوبيين سوى ست وظائف من مجموع 800 وظيفة، ما أدى إلى استياء واسع وسط الجنوبيين وإلى جانب أسباب أخرى أدى ذلك في النهاية إلى اندلاع العنف وبداية التمرد في الجنوب. تراجع الأزهري عن وعده لمصر بالاتحاد ألب عليه القوى المؤيدة لمصر الذين عملوا على إسقاط حكمه، وقد وافق ذلك سعي النواب الجنوبيين الذين تحركوا في ذات الاتجاه، ما أدى لسقوط حكومة الأزهري وتشكيل حكومة من المعارضة بقيادة حزب الأمة الذي تولى سكرتيره العام عبد الله خليل الحكم مشكلا الوزارة الثانية بدعم من الإمام عبد الرحمن المهدي زعيم الأنصار. أدى تفاقم التمرد في الجنوب والضغط الداخلي من الأحزاب الاتحادية بقيادة الأزهري الساعية لاسترداد سلطتها إلى زعزعة الحكم ومن ثم قيام عبد الله خليل رئيس الوزراء بتسليم الحكم إلى القائد العام للجيش الفريق إبراهيم عبود، وكانت هذه بداية تدخل الجيش في السياسة.

الجزيرة نت

كمل بقية القصة يا النيل اخوى
وقد خص الاهل الانقاذ الزعيم الازهرى بالتقدير والاجلال والاعزاز واقاموا جامعة تخليدا لاسمه ووفاءا لذكراه توصلوا لاتفاق نيفاشا الذى يعطى الجنوب حق تقرير المصير بالاغلبية البسيطة (50%+أكوى)!
جنى

Quote: كمل بقية القصة يا النيل اخوى

الاخ جنى
شكرا لإضافتك.
وتمامة الحدوتة متروكة لخيار الشعب......أو لخيال المشاهد...
حسب حركات بعض المخرجين السينمائيين.
نرجو منك المزيد.
تحياتى

.

.

..