قوش : الإنتفاضة الشعبية مستحيلة ( كلام في السلك )

قال الفريق أول صلاح عبد الله قوش مستشار رئيس الجمهورية لشؤون الأمن القومي، أمين شؤون العاملين بالمؤتمر الوطني، إن أعداء السودان يدعمون ولاءات قديمة وكأن السودان لم يتطوّر بعد، وأضاف في ندوة لأحزاب حكومة الوحدة الوطنية بمنطقة أبوسعد مساء أمس، أن تلك الولاءات انتهت وماتت هي وأصحابها. وزاد: ان الضرب على الميت حرام، وأوضح: سيذهبون لمزبلة التاريخ عبر صناديق الاقتراع، وسيلقِّنهم الشعب درساً قاسياً. واستهجن قوش دعوة الحركة للأحزاب لإقامة الشغب الذي وصفه بالفاشل، وزاد: ان الانتفاضة الشعبية التي تدعو لها الأحزاب مستحيلة الحدوث. وأضاف أن المؤتمر الوطني أعد العدة لإيقاف ما أسماه عبث الأحزاب.من جانبه دعا مندور المهدي نائب رئيس المؤتمر الوطني بولاية الخرطوم، الحركة الشعبية لتصفية جسدها من المخذلين وإرساء دعائم السلام، وقال إن الشعبية ليست حريصة على الانتخابات بمشاركتها المعارضة، ودعاها للعودة الى الصواب. واتهم حركة مناوي بأنها توفر وقوداً لادارة المعارك للقوى المعارضة، وقال مندور: لن نقبل ذلك السلوك. وقال إن القوى السياسية الشمالية أضحت بواراً سياسياً في الساحة.وأوضح د. لام أكول رئيس الحركة الشعبية «التغيير الديمقراطي»، أن مسيرات المعارضة التي على رأسها بعض الانتهازيين من المجتمع - حسب قوله - وجدوا أنفسهم في قيادة الحركة ويعملون خلاف برامجها، وأشار إلى أن ذلك ليس سلوك أهل الجنوب، واتهمها بأنها سعت منذ البداية لتقويض النظام من الداخل. وفي السياق حذّر د. مصطفى عثمان إسماعيل مستشار رئيس الجمهورية من مغبة خرق القانون، وقال: سنردع بالقانون كل من يريد خرقه، وتابع: من التحديات التي تُواجهنا الحفاظ على الأمن والنظام واحترام القانون.وأكّد د. مصطفى في الندوة التي أقامها المؤتمر الوطني بمحلية كرري أمس بعنوان: «الانتخابات والوضع السياسي الراهن»، أن التحدي الماثل أمامهم هو تقديم النموذج السياسي الرسالي، وأضاف أن المؤتمر الوطني ليس غاية، وإنما وسيلة لبناء سودان الشريعة الجديد، ودعا مصطفى للتوحد واحترام المؤسسية ووقف التفلتات حتى تتكسر نصال المؤامرات الخارجية على صخور الوحدة - على حد قوله -.من جانبه قال محمد الحسن الأمين القيادي بالمؤتمر الوطني، نائب رئيس المجلس الوطني، إن السبب في الأحداث الأخيرة هو إصرار الحركة على أن نسير خلف خياراتها، واتهم قيادات الحركة بدفع القوانين باتجاه أن تتم عملية الانفصال بسهولة، ودعا إلى خطاب سياسي جديد يعمل على وحدة الصف.[/red

الرأي العام

الرابط

http://www.rayaam.info/News_view.aspx?pid=469&id=34851

يعني لا عذر لمن أنذر والراجل ينزل الشارع تاني



مفهوم يارجرجة يادهماء

عينو حمرة وشرارة

بس ياهو الفالح فيهو ..

عينو حمراء وشرارة والراجل فيكم الينزل وكلامك البيشبه كلام جلد كديسة دا ..

ما مهم المهم خليني اااخد لي ضحكة هنا بالله في كلام الطفل المعجزة دا ..

Quote: وفي السياق حذّر د. مصطفى عثمان إسماعيل مستشار رئيس الجمهورية من مغبة خرق القانون، وقال: سنردع بالقانون كل من يريد خرقه، وتابع: من التحديات التي تُواجهنا الحفاظ على الأمن والنظام واحترام القانون

قال شنو قال قانون
شوف الانقلابي المنقلب على الشرعية الدولية دا جاي الليلة يتكلم عن القانون

صحي عيش كتير تشوف كتير .. واقرأ للسيد(ح) تستعجب اكتر !!!!

يالسديح
الشغلانة اصبحت مباشر بين اللا وطني والمواطن ، وخلي غوش يرجع الجهاز تاني عشان يشوف بصارة يمنع هؤلاء ،قال قوش قال
الشفيع

السيدح .. السلام عليكم ..

Quote: يارجرجة يادهماء

علموك كده في المشروع الحضاري ؟!!

Quote: واقرأ للسيد(ح) تستعجب اكتر !!!!

دي نصائح لوجه الله

والنصيحة بتخلع و ما بتكتل

بس الراجل ده جادي جدا ودمو فاير

واعملوا حسابكم انتوا قانون ما بنفع معاكم الا الهرس ده

اى زول يطلع الشارع بكره بنجيب صورتو هنا وهو مفلوق ذليل !
عشان كده اى زول يلزم مكانو .. والفرفرة ممنوعة ..

Quote: الشغلانة اصبحت مباشر بين اللا وطني والمواطن ، وخلي غوش يرجع الجهاز تاني عشان يشوف بصارة يمنع هؤلاء ،قال قوش قال

انت عارف يا الشفيع لو قوش ده لا زال رئيساً للجهاز الفرفرة دي كلها ما كانت حصلت


وما كان في زول قال ( بغم) الا غاب ابشنب ولعب ابضنب الا ابشنب تاني رجع لمن شاف

الحكاية فيها رخرخة شوية وهذا اول الغيث

Quote: اى زول يطلع الشارع بكره بنجيب صورتو هنا وهو مفلوق ذليل ! عشان كده اى زول يلزم مكانو .. والفرفرة ممنوعة

معاوية كيفك

عليك بالصور

وأحصهم عددا

Quote: معاوية كيفك عليك بالصور وأحصهم عددا

يا عمكـ دكتور نافع ختّاها ليهم واااضحه
قال ليهم اى زول يتظاهر يأكل نارو ..

Quote: يا عمكـ دكتور نافع ختّاها ليهم واااضحه قال ليهم اى زول يتظاهر يأكل نارو ..

تكبيـــــــــــــــــــــــــــــــــــــــــــــــر

Quote: تكبيـــــــــــــــــــــــــــــــــــــــــــــــر

تظــــــــــــــــــــــــــــــــــــــــــــــــــــــــــــريط

قلت لى يا رجرجة يادهماء
ده الولاء الضار غايتو ربنا يعين ناسك ديل على الزيك





أستاذنا عبد اللطيف السديح
أراهن مغمض كان ما كنت من كيزان مابعد يونيو 1989 م



تحياتي

Quote: أستاذنا عبد اللطيف السديح أراهن مغمض كان ما كنت من كيزان مابعد يونيو 1989 م

إنت كمان يا عبد الناصر ما تبالغ .. بدون رهان انا متاكد انه السيد(ح) دا ما كوز

لا قبل يونيو 1989م ولا الآن ..

وهسع لو سألتو - وانا شخصياً بصدق وابصم ليهو - إنت كوز حا يقول ليك لا انا ماكوز ...













حا يقول ليك انا انتهازي ومتسلق ساى ..

ياحيدر زولك ده بعافيتو
خلى ينتهز ويتسلق بس بشوية ذكاء
بطريقتو دي حتى الجماعة حيختو إيدهم في قلبهم كل ما ينزل بوست
ما عندنا مانع أى زول حر في ولاءه بس كمان شوية تميز
كلامو ده ما كلام كوز ده كلام زول عدوهم عديل البخاطب الناس بالطريقة دي وباسمهم


غايتو الكلام ده ما حلو منو


تحياتي

النار ولعت
ود الزين ود الخطيب

ارجو منكما ان تتحليا بالروح الرياضية

بعدين انتو بتزعلو سريع كده ليه؟

ما ينزل بوست من السيدح الا والنار تولع فيكم

Quote: اى زول يطلع الشارع بكره بنجيب صورتو هنا وهو مفلوق ذليل ! عشان كده اى زول يلزم مكانو .. والفرفرة ممنوعة ..

حيدر الزين

دي مش بعض الرجرجة و الدهماء في هذا المنبر يسمونها ( بين القوسين)

Quote: علموك كده في المشروع الحضاري ؟!!

علموني علي الضرب بيد من فولاذ علي اعداء السودان


والعملاء والمرتزقة ممن يدعون الانتساب لوطن لا يشبهونه ولايشبههم

هو الشعب السوداني اخد اذن من عبود و نميري لمن رماهم في مزبلة التاريخ؟

قال قوش قال مستحيلة !!! وشنو يعني الكلام مش مجان؟؟؟

Quote: هو الشعب السوداني اخد اذن من عبود و نميري لمن رماهم في مزبلة التاريخ؟ قال قوش قال مستحيلة !!! وشنو يعني الكلام مش مجان؟؟؟

نحنا ما نبغي هرج كتير


كده جربو وامرقو تاني


عشان تشوفو المكشن بلا بصل

عارف يا سيدح الزول ده ظلمته لأن عينه لا حمرا ولا شرارة والله،
بل قد ينطبق عليه أكثر وصف الراحل الطيب صالح وهو يصف
من هم على شاكلته إذ قال "وجوه وسيمة، و وجوه وسّمتها النعمة"
و وجه ذلك القوش من الفئة الثانية، فقط أتمنى أن يحافظ وجهه على
هذا النضار وهو يقف بين يدى الله سبحانه وتعالى يوم السؤال
الأعظم، أتمنى ألآ تصيبه تلك الغبرة يا سيدح هو ومن توسّمت
وجوههم مثله من آكلى السحت والمال الحرام.


دمت يا رجل وكل سنة وانت طيب.

Quote: والنصيحة بتخلع و ما بتكتل بس الراجل ده جادي جدا ودمو فاير واعملوا حسابكم انتوا قانون ما بنفع معاكم الا الهرس

كما الام التي تخيف اولادها بابيهم جاي من الشغل ودمه فائر اعملو حسابكم ، حقيقة اخجل ليل انك تكون في موقف ذي ده00000بعدين البراعة في الوصف تدل علي ترويعك اكثر من محاولاتك ترويع المقاومة الشعبية000منذ متي يخاف الشعب من جلاديه000ترجف وانت في قصرك ونرقص ونحن في أسرك


وتعال شوف الراجف ده كمان هو طارح نفسو بتاع قانون؟؟؟

Quote: يا عمكـ دكتور نافع ختّاها ليهم واااضحه قال ليهم اى زول يتظاهر يأكل نارو ..

Quote: نحنا ما نبغي هرج كتير كده جربو وامرقو تاني عشان تشوفو المكشن بلا بصل

مافي لغة احسن من كدا !!



يعني يفتح الله

Quote: مافي لغة احسن من كدا !!

من يخالف القانون ويسبح ضد تيار دستور جمهورية السودان الذي خرج من رحم نيفاشا


عليه ان يتحمل مسئوليته.

Quote: كمان هو طارح نفسو بتاع قانون؟؟؟

ياخ انت نكته عديل كده

Quote: دي مش بعض الرجرجة و الدهماء في هذا المنبر يسمونها ( بين القوسين)

يا عمكـ احترم نفسك .. قبل ما نفتح ليك كتاب هسي

Quote: يا عمكـ احترم نفسك .. قبل ما نفتح ليك كتاب هسي

حلاتو يا ناس ...
قلت لي شنو يا حبوب ؟؟ تفتح لي كتاب ؟؟ بتقدر براك لكن ؟؟
بعدين أنت مش قلت شغلكـ تكلم قوش و بس ؟ ما تكلم لي قوش ياخ ؟؟ النبي في ذمتكـ كان ما كلمتو ..

السيدح انت سوداني من جد؟
وبعدين أنت منو وقريت شنو ؟
في كل العالم حتى الصومال وأفغانستان وهي الدول التي يأتي السودان بعدها مباشرة لا أحد يحرم أو يمنع أحد من إبداء رايه حيث ان حرية التعبير مكفولة بنصوص ثابتة في القران والسنة وإجماع الفقهاء تجي انت وبوش اقصد قوش تلغيها حمرة عين من أنت ؟؟؟ وكمان في كوز عينو حمره ؟؟ ورب العزة والجلالة الكوز اصغر ,احقر من ..... قال يد من حديد .... الكورة الآن بين الشعب واللا وطني خليكم رجال بلاش مهازل ... كيزان كفار أعداء الله ورسوله .
الشفيع ابراهيم

Quote: الانتفاضة الشعبية مستحيلة... الرجرجة و الدهماء...

الكلام دا ما غريب علي... يا رب سمعتو وين قبل كدا؟
يكون أيام مسيرة الردع في آخر أيام نميري؟ و لا يكون اتقال زيو باللغة الروسية في الاتحاد السوفيتي السابق؟ ولا بالرومانية في أيام شاوسيسكي؟ ولا بالإسبانية في أيام بينوشيه؟
يا عبد اللطيف ياخي إرادة الشعوب لا تغلب بإذن الله و أول علامات السقوط هي أمثال هذا الكلام. و هل سننسى يوما من وقف يخطب فينا (إن ثورة مايو ليست كلاما ساكتا) ثم مضى إلى مزبلة التاريخ؟

Quote: ياخ انت نكته عديل كده

كيف يعني نكتة ياهرشة؟؟؟؟؟؟
نكتة بتضحكك ؟؟؟
وضح وافصح اكثر ، أعرف اني اثقلت عليك حيث اني اعلم ان لا حول لك ولا قوة لا تمتلك من هذه الموهبة غير
الثناء والمديح علي اوليا نعمتك 0000في انتظارك يااستاذ القانون الذي يردد عبارات الهرش 0000

جاء في المقطع الذي أورده عبد الطيف

"ودعا مصطفى للتوحد واحترام المؤسسية ووقف التفلتات حتى تتكسر نصال المؤامرات الخارجية على صخور الوحدة"

سبحان الله: مستشار البشير --عميد الجيش والذي أخنث بقسمه بحماية الدستور والبلاد وإستولي علي السلطة بإنقلاب عسكري-- يطالب بإحترام المؤسسية!!!!!
ذكرتني بالمليونير الذي قال:" لا تسألوني كيف جئت بالمليون الأول، لكن أقسم بكل المقدسات أن كل مليون جاء بعد ذلك كان مالا حلالا"

وسؤال بالمناسبة دي لصلاح مستشار الرئيس الآخر: طيب ورينا رأيك في الإنقلاب: هل زي ما جيتو بالإنقلاب حتمشوا بالإنقلاب؟؟؟؟؟؟

بنسأل السؤال لأننا نعرف والعالم كله يعرف:

لو دامت لأحد لما آلت إليك

Quote: وضح وافصح اكثر

لا اظن انك ستفهم ما ارمى اليه !

Quote: النار ولعت

أو لهيب الشوق كلها ألقاب للهايلوكس 1997 ذو الخطوط المميزة الذي ظل في الذاكرة
يا عبد اللطيف غيرة وحساده مني ومن ود الزين أخوي للأفكار المتقدمة واللغة الرصينة
البتكتبه , وعلى فكرة الانتهازية وعي يعني ما تكون واعي ما حتنتهز مضبوط والتسلق حرفنة
يعني لو ما كنت حريف حتقع


ولاحظ أنو ناسك ديل كلهم إنتهازية ومتسلقين
يعني تنتهز من منو ولا تتسلق على منو
مشكلتك كبيرة خلاس ... مع الفنيات الما مساعداك دي

ده القصد



تحياتي

: ميزانيات كبيرة مرصودة لامنجية المنابر وبنود صرف خرافيه.
خدمات انترنت مجانية علي مدار ال 24 ساعة

الامنجيه لن يبدو اطلاقا كمناصرين بشكل واضح للمؤتمر الوطني
بل ممكن عادي يبتكروا وسائل مختلفه,ان يسوقوا انفسهم كناس

بتوع مزيكا ومزاج الخ الخ

او ناس ونسات عاديه او بيتوع شمارات و ...المهم يصرفوا الناس عن المواضيع الجاده
و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست

Quote: و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست

الكلام ده لا ينطبق علي أحد سواك في هذا المنبر


انت أجير بامتياز لكن لأي جهة لا ادري حتي الان