Post: #1 Title: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 09:21 AM
لفنانة الرائعة رشا شيخ الدين في سوداننا الحبيب قادمة من اسبانيا تحيي حفل يوم الجمعة 18 -12 في بيت الفنون مركز طارق الأمين الثقافي في بحري الساعة 8 مساء سعر التذكرة 10 جنيه
Post: #2 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 09:24 AM Parent: #1
Post: #3 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 09:27 AM Parent: #2
وجــــــوه - رشا شيخ الدين بقلم طلال عفيفي
قد تكون رشا شيخ الدين ( آخر عنقود آل شيخ الدين جبريل ) غير معروفة لدى الكافة ، خصوصاً داخل هذا السودان ، الذي إمتدت حدوده أخيراً لتشمل كل العالم بعد أمواج الهجرة العاتية التي ملأت أنحاء الكرة الأرضية بالمياه السودانية العذبة .. لكن رشا معروفة في أروقة الفنون ولدى الجمهور في وطنها الثاني بأسبانيا ، التي وصلت إليه في عام من أعوام التسعينيات لتشتعل نشاطاً وغناءاً وتحوز الجوائز ويشار إليها بالبنان .. فمثلما يمكننا النظر إلى رشا بإعتبارها إمتاداً لفن الغناء السوداني في القرن الواحد وعشرين ، يمكننا أيضاً وبسهولة شديدة معاملتها كواحدة من أبرز الذين قاموا بإحياء غناء الشعوب في العالم ، عبر تجربة شديدة الجمال تقوم على إستلهام التراث والنظر إليه بحداثة وإخراجه في شكل تتآلف فيه الخبرات الموسيقية المحلية مع رصيفاتها من جهات الدنيا وقاراتها المختلفة . فحين تستمع إلى رشا ، فأنت تستمع إلى صوت شديد القوة والتمكن والإيحاء ، على خلفيات موسيقية تتحرك فيها أمزجة إفريقيا وجنوب أسبانيا وشمال المتوسط ..
ومن ناحية أخرى فإن تجربة رشا ، من التجارب النادرة في السودان التي بإمكانك أن تستمتع فيها بالبروفيشناليزم ، لأنها تقوم على دراسة للعمل وتدريبات مكثفة وحوارات بينها وبين موسيقيين محترفين من أسبانيا وكوبا والمغرب والسودان والنتيجة أداء صوتي متميز ، وخطوط نظيفة ومربوطة جيداً ، وتسجيلات غاية في الروعة ..
نهلت رشا من تراث أغاني ابي داوود وحقيبة أمدرمان التي ولدت فيها عام 1972 وسط أسرة أصبحت كلها فيما بعد من نجوم الفن والإعلام ، فشقيقتها تماضر شيخ الدين درامية معروفة ، والمقداد المترجم والمحرر الإذاعي ، بالإضافة ، للوافر والصادق المؤلفين الموسيقيين ، وعفاف عازفة العود ، وتبارك شيخ الدين التشكيلي ومصمم أفلام الأطفال .
أسرة كاملة موهوبة ومجبولة على حب الفن والحياة ؛ لكن رشا لم تكتف بالموهبة هذه ومحبة الفن تلك ، بل عجنت الأمرين بالبحث والحوار والدراسة والسفر ، فإشتغلت على روحها وموهبتها بما جعل منها فعلاً فنانة متفردة بالنسبة لجيلها أو حتى للمشهد الغنائي السوداني والإفريقي .
صدر لرشا إسطوانتين ، بالإضافة لإسطوانة جماعية تشارك فيها مجموعة من 13 فنان من إفريقيا إسمها " بناء جسور " ، ويبدو لي أن بناء الجسور ثقافياً هو واحد من أبرز ملامح تجربة رشا شيخ الدين ، فبسفرها الممتد إلى عدة دول بإفريقيا وأوروبا وأمريكا ، وإستعانتها بذلك الهجين الملون في فرقتها المصاحبة علامة من علامات الحوار والقبول ومد الجسور والإستفادة المتبادلة بين الحضارات والأراواح الإنسانية ، وإحالتها من حالة التمايز إلى فضاء التناغم ..
آخر مرة شاهدت فيها رشا شيخ الدين واستمهت إليها كان في القاهرة وقد قامت بغناء الكثير من الأغاني التي ساعدت الحضور في الإطلاع على الثقافات والإيقاعات السودانية وكان من ضمن ما أدت مقطوعة صوتية شجية كتبها الأديب محسن خالد فيها من المناداة والنوح ما يوجع القلب ، تقول في بعضها :
انعتق الحزين الليلة دوبو واصبح فى ام رميض انزربن زروبو
كم يا ربّى ليل نتحن دروب نهرن فى الطشيش و زلفن حدوبو كل ما لاح بصيص انفردن حجوبو اتحاوشو المقدور و انكتبن كتوبو
كم يا ربّى ليك نهمن عيوبو تبريهو من القيد و تطلق كروبو بى دمعو خدر الحراز و عبقن طيوبو ومن حالو انوحش الخلا و لبدن تلوبو
ولا أعرف الآن ، لماذا كلما إستمعت لهذا الكلام .. أتذكر السودان !
Post: #4 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 09:29 AM Parent: #3
رشا شيخ الدين...ابداعُ خارج قيد الاستضعاف - عبدالعزيز دكين
الصوت الملائكي -مع انني لم استمع الى ملاك من قبل وما عندي نية استمع لي ملاك في القريب العاجل - الذي ينبعث من احد اشرطتي التي سرقتها من احد الاصدقاء في وادي حنيفة ..اصابني فقدة بالحمى عندما رد الله كيدي في نحري وذهب مني الشريط كما اتى.. ولان الشريط لم يكن( ماستر)-كان مطبوع -لم اكن اعلم لصاحبة الصوت اسم ..فقد بذلت مجهودا طيبا استحق عليه الثناء في تكوين صورة وتعريف لصاحبة الصوت .وحينما يسالني احدهم عن هذا الصوت اجيب وانا قاشر بالاجابة: (دي واحدة صاحبتنا من معهد الموسيقى والمسرح هسع برة البلد) ولان الشريط به بعض انشاد نوبي كان محدثي يقتنع.. فمحدثكم رطاني .. بعد ان فقدت الشريط طاردت جميع اصدقائي الذين اظهروا اعجابا بالصوت والساسكس والنورمال جيتار ..عسى اجد بن الكلب بينهم ولانهم جميعا كانو قد اظهروا اعجابا بالشريط وبالشفت الذي استطاع ان يقتلعة مني فقد طردتهم جميعا من الغرفة عصر ذلك الخميس حين تجمعوا كعادتهم للموبقات في الشقة . بعد مضي الخميس دون خروج ادرك الشباب ان في الامر نظر وتمت اعادة الشريط بل ومعاهو شريط ماستر لي نفس الصوت ومكتوب علية سودانيات –رشا وتندر الاوغاد بي كضبتي بتاعة انها صاحبتي ..واضافو انها تقيم في اسبانيا وان احدهم سمع لها في سودان نت… بالامس القريب اخبرتني احدي الخالات العزيزات –احسن الله ظنها بمن تحدث وجبر الله بخاطرها المكسور . ان رشا هذة اخت لي المبدعة تماضر شيخ الدين والمبدع الوافر وما استبعدت ذلك ..وانا اتذكر الساكس والجيتار و مع جهلي بهوية العازف وانه قد لايكون الوافر.. لكن من تملك اخا كالوافر لا ترضى باقل من ابداع الالات ذلك .. في مساءات عديدة كنت اترك الشريط يصدح في الصالة واتوجه الى حيث الاسرة في التلفزيون فاجد رشا شيخ الدين في مونت كارلو. . مونت كارلو الما قربية عرفت كيف تطرب الاخرين ..وما عرفت انا القريب رشا شيخ الدين وهي تطربني متواصلة لشهور خلت ..منفردة ..لا شريك لها . ادركت اني فعلا غبيان كما قال الصديق وقالت الصديقة.. وان أم درمان فعلا لا تزال أم درمان تماما كما عودتنا.. لا تري ما راته مونت كارلو .. والقنوات العربية التي تركت للفرنسيين رشا اجسنت صنعا فبت شيخ الدين اكبر من تجاور سودانيات الهشك بشك..مثيرات اللغط ..لاقطات الاثارة .
رشا..والوافر ..تماضر .. عميق اعتذاري عن جهلي بمواطن الابداع في بلدي …وبكم ..مبدعون خارج قيد الاستضعاف
… قدمتم لنا الكثير و أشياء عزيزة ..ولا ارضى بصمتي هذا ..فماذا يمكنني ان اقدم لكم ..قد كان صوت رشا عزاءا حين عز المزار وخفت الاقدام .. ..
النيل يحبكم ..والصامتون مثلي يدينون لكم بالكثير .. انا الغبي فيهم .. فهم ادركوا ان العبارت شحيحة ولا تطول سمائكم ..فاثروا الاستماع والصمت للجمال
Post: #5 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 09:31 AM Parent: #4
Post: #6 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 09:45 AM Parent: #5
Post: #7 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 09:49 AM Parent: #6
لحنت حقدى وليك غنيتو فن وعذاب ساقوك انت وكل ذنبك انك شاب شاب فى عمر الزهور احلامو واسعة بحور قالوا دار بت خالتو بدور ادوهو لى بت الحور
ساقوك وين يا نور العين ما سوّيت الشين
لحنت ليك حقدى غنيتو ليك بهدى حرموك شبابك
Post: #8 Title: Re: الفنانة رشا شيخ الدين في بيت الفنون الجمعة 18- 12-2009 Author: حاتم علي Date: 12-16-2009, 10:02 AM Parent: #7
ازيك يا محمد هشام
يا بختكم رشا معاكم
محظوظين انتو
و يا سودان معليش
شكرا ليك
Post: #9 Title: Re: الفنانة رشا شيخ الدين في بيت الفنون الجمعة 18- 12-2009 Author: حاتم علي Date: 12-16-2009, 10:08 AM Parent: #8
و الله نور عيني نور الزمن - رشا شيخ الدين جبريل
و اقيس محاسنك بمن
Post: #10 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 10:25 AM Parent: #9
شكرا يا حاتم وياريتك كنت معانا
Post: #11 Title: Re: الفنانة رشا شيخ الدين في بيت الفنون الجمعة 18- 12-2009 Author: حاتم علي Date: 12-16-2009, 10:30 AM Parent: #10
يا محمد رشا دي فنانة عظيمة
وانسانة بكل ما تحمل الكلمة معاني
وقد كنت شاهداً بنفسي على
انسانيتها في مواقف كثيرة
والتحية لك و انت توثق لحفلتها
وياريت لو في طريقة احضرها
تحياتي مرة اخرى
Post: #12 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 10:49 AM Parent: #11
هي فنانة مميزة ياحاتم وبتمنى انها تستقر في السودان عشان تقدر تصل لاكبر عدد من الشعب السوداني
Post: #13 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 11:02 AM Parent: #12
**
Post: #14 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 06:23 PM Parent: #13
Post: #15 Title: Re: الفنانة رشا شيخ الدين في بيت الفنون الجمعة 18- 12-2009 Author: نوفل عبد الرحيم حسن Date: 12-16-2009, 10:39 PM Parent: #14
نظموا يوم تاني يا محمد لو وقتها بسمح
تحياتي
Post: #16 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 10:44 PM Parent: #14
ياصاحب المعراج
Post: #17 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-16-2009, 10:45 PM Parent: #16
Post: #18 Title: Re: الفنانة رشا شيخ الدين في بيت الفنون الجمعة 18- 12-2009 Author: حاتم علي Date: 12-17-2009, 02:25 AM Parent: #17
**
Post: #19 Title: Re: الفنانة رشا شيخ الدين في بيت الفنون الجمعة 18- 12-2009 Author: مدثر محمد ادم Date: 12-17-2009, 07:24 AM Parent: #18
محمد هشام سلامات
وين يازول
والتحية لرشا شيخ الدين
Post: #20 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-17-2009, 08:48 AM Parent: #19
مرحب بيك هنا يا مدثر ونتمنى انك تكون حضور
Post: #22 Title: Re: الفنانة رشا شيخ الدين في بيت الفنون الجمعة 18- 12-2009 Author: انعام حيمورة Date: 12-17-2009, 08:53 AM Parent: #20
يا محمد ..
غايتو حا نتقطع .. عشان نجي .. لازم نجي .. دا حدث ياخي .. رشا شيخ الدين .. في الخرطوم ..
--
الجمعة الجامعة ..
Post: #23 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد سنى دفع الله Date: 12-17-2009, 08:54 AM Parent: #20
اخي محمد هشام لك التحيات النضرة وسلام من غير نهايات للفنانة رشا وكل الفرقة وتحيات خاصة جدا للوافر وتبارك وكل آل شيخ الدين يعلوا في سماوات الفنون والإبداع محبتي اكيدة
Post: #21 Title: Re: الفنانة رشا شيخ الدين في بيت الفنون الجمعة 18- 12-2009 Author: يازولyazoalيازول Date: 12-17-2009, 08:51 AM Parent: #19
الإبن محمد هشام
نيابة عن أسرة الفنانة رشا أتقدم بالشكر الجزيل لك ولضيوفك على إيراد هذا البوست عن شقيقتى رشا
وبالمناسبة لى إبن فى الثانوى يدعى محمد هشام ، حتى أننى ظننتك هو لما له من تعلق كبير بالإنترنت
على كل إنه لشرف لى مخاطبة أمثالك من الشباب
عمك
هشام شيخ الدين
Post: #24 Title: Re: الفنانة رشا شيخ الدين في بيت الفنون الجمعة 18- 12-2009 Author: حاتم شناب Date: 12-17-2009, 04:21 PM Parent: #21
الصديق محمد هاشم سلامات
نتلاقي هناك في بيت الفنون
Post: #25 Title: Re: الفنانة رشا شيخ الدين في بيت الفنون الجمعة 18- 12-2009 Author: Magdi Ahmed Elsheikh Date: 12-17-2009, 07:58 PM Parent: #24
حظكم...!!
Post: #26 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-17-2009, 07:59 PM Parent: #24
نوفل عبد الرحيم حسن
بنتمنى انها تعمل اكبر عدد من الحفلات يانوفل وسمعته انو عندها حفلة الليلة في المتحف القومي
انعام حيمورة الجمعة الجامعة حتكون بالجد حدث تحت تشريف الاستاذة رشا
محمد سنى دفع الله شكرا ليك ولمرورك وبنتمنى انو التحايا تصل لأل شيخ الدين
يازولyazoalيازول
شكرا على الترحيب الكبير المعهود من اسرتكم وتحياتي واصلة لابنك سيد الاسم
حاتم شناب ضروري نتلاقى لانو من بعد يوم العمارة داك انت اختفيت وللجمعة يا صاحب
تحياتي لكم جميعا
Post: #27 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-17-2009, 08:04 PM Parent: #26
Quote: حظكم...!!
يا مجدي انتو ناس برة حقوقكم في مشاهدة الصور محفوظة :) :)
Post: #28 Title: Re: الفنانة رشا شيخ الدين في بيت الفنون الجمعة 18- 12-2009 Author: تبارك شيخ الدين جبريل Date: 12-17-2009, 11:09 PM Parent: #27
ناس البيت قالوا بالتلفون ...
الشغل كان سمح ....
واشتغل معاهم واحد "مليجى" (لم تتذكر عشة طيور إسمه) وبتّين من كلية الفنون فى الكورس ....
ترهاقا أرخى السمع .... ولكن لم تبدو عليه آثار الطرب .... ظل جامداً كعهدى به مؤخراً ...
... المهم ....
Post: #29 Title: Re: الفنانة رشا شيخ الدين في بيت الفنون الجمعة 18- 12-2009 Author: عبدالله علقم Date: 12-17-2009, 11:37 PM Parent: #28
والتحية لهذه الأسرة العظيمة التي ظلت ترفد الوطن والمهاجر بالمبدعين
Post: #30 Title: Re: الفنانة رشا شيخ الدين في بيت الفنون الجمعة 18- 12-2009 Author: Tragie Mustafa Date: 12-18-2009, 02:37 PM Parent: #29
تبارك بالله جيت من بطن واحده مع رشا وتماضر السمحات ديل؟؟؟
Post: #31 Title: Re: الفنانة رشا شيخ الدين في بيت الفنون الجمعة 18- 12-2009 Author: انعام حيمورة Date: 12-18-2009, 10:38 PM Parent: #30
انا لله
الابداع
الابداع
الابداع
ثم الابداع
هو ما قامت به اليوم رشا شيخ الدين والوافر ومليجي والشاب عازف الساكسفون
كان طرب عظيم ...
ويا سودان معليش ..
يا سودان معليش ..
Post: #32 Title: Re: الفنانة رشا شيخ الدين في بيت الفنون الجمعة 18- 12-2009 Author: تبارك شيخ الدين جبريل Date: 12-18-2009, 10:50 PM Parent: #31
Quote: وبخليك انت تعمل في عمايلك المهببه دي؟؟؟؟
؟؟؟؟؟؟؟؟؟؟
يا طراجى ....
انشالله خير؟
عمايل شنو؟ (الله يكرمك ويكرمنا معاك)
... المهم .....
Post: #33 Title: Re: الفنانة رشا شيخ الدين في بيت الفنون الجمعة 18- 12-2009 Author: تبارك شيخ الدين جبريل Date: 12-18-2009, 10:50 PM Parent: #31
Quote: وبخليك انت تعمل في عمايلك المهببه دي؟؟؟؟
؟؟؟؟؟؟؟؟؟؟
يا طراجى ....
انشالله خير؟
عمايل شنو؟ (الله يكرمك ويكرمنا معاك)
... المهم .....
Post: #34 Title: Re: الفنانة رشا شيخ الدين في بيت الفنون الجمعة 18- 12-2009 Author: SHIBKA Date: 12-18-2009, 10:50 PM Parent: #31
كانت حفلة رائعة بكل ما تعنيها كلمة رائعة من معنى
كانت حفلة اجمل من الجمال
اي زول ما حضر فاتتو حفلة وانتظروا راي الباقيين
واتمنى لو انها مسجلة باي وسيلة تسجيل
Post: #35 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-18-2009, 10:53 PM Parent: #34
Quote: انا لله
الابداع
الابداع
الابداع
ثم الابداع
هو ما قامت به اليوم رشا شيخ الدين والوافر ومليجي والشاب عازف الساكسفون
كان طرب عظيم ...
ويا سودان معليش ..
يا سودان معليش ..
Post: #36 Title: Re: الفنانة رشا شيخ الدين في بيت الفنون الجمعة 18- 12-2009 Author: تبارك شيخ الدين جبريل Date: 12-18-2009, 11:04 PM Parent: #34
خلال سويعات ... يغادر الوافر ورشا وعازف الساكس "ناردى" مطار الخرطوم متّجهين إلى العاصمة الأسبانية "مدريد" ... هم الأن فى طريقهم إلى دعوة عشاءٍ أخير ... وربما فى طريقهم إلى المطار أثناء كتابة هذه السطور ....
ما يدهشنى:
"العمايل" العملتها "أنا" لى طراجى دى شنو؟
وعلاقتا شنو بى خالتى آمنة النوباوية؟
ومهببة ليه؟
اسئلة كتيرة بتخلّينى اقنع من انو "الهتافيين" ديل فيهم "رجا" ... لحدّى هسع العارفو انو فيهم "تراجى" ...
... المهم ....
Post: #37 Title: Re: الفنانة رشا شيخ الدين في بيت الفنون الجمعة 18- 12-2009 Author: انعام حيمورة Date: 12-18-2009, 11:18 PM Parent: #36
Quote: خلال سويعات ... يغادر الوافر ورشا وعازف الساكس "ناردى" مطار الخرطوم متّجهين إلى العاصمة الأسبانية "مدريد" ... هم الأن فى طريقهم إلى دعوة عشاءٍ أخير ... وربما فى طريقهم إلى المطار أثناء كتابة هذه السطور ....
يا تبارك ما كانت قادرة تنزل من المسرح .. وفعلا من بيت الفنون على المطار .. كانت بتقول وروني الساعة كم عشان عايزة بس الزمن اليوصلها المطار ..
ياخ والله اختك دي الله يخليها عديل ..
والله وبشهادة الكل .. انا لى لحظات ما كنت واعية تماما .. لمن استغفرت ورجعت ..
والله دا الحصل ..( دقولك يا سودان )...
ياخ اسرة مبدعة الله يخليكم ويحفظكم ..
ياااااااااااااااا رشا ..
المهم انو الزول الليلة ينوم كيف انا ما قادرة انوم عشان الواحد يستمتع بي الفرح الجواه دا ..
Post: #38 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-18-2009, 11:19 PM Parent: #36
سلامات يا تبارك حقيقة كنا نتمنى ان تظل رشا بيننا اكتر
Post: #39 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-18-2009, 11:20 PM Parent: #38
دي شوية صور بالموبايل والعندو صور اوضح ينزله بالله
Post: #40 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-18-2009, 11:24 PM Parent: #39
رشا ونانسي عجاج
Post: #41 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-18-2009, 11:34 PM Parent: #40
Post: #42 Title: Re: الفنانة رشا شيخ الدين في بيت الفنون الجمعة 18- 12-2009 Author: تبارك شيخ الدين جبريل Date: 12-18-2009, 11:36 PM Parent: #36
انا أصلاً حاقد على أىّ زول حضر الحفلة ....
.. ويا صلاح انا مروّح تلفوناتك ما تنبحنى ....
... ويا القطعتوا فينى (بدون ذكر الأسماء) القطيعة وصلتنى ....
... ويا محمد هشام ... وكل من حضر الحفل واستمتع به ... هنيالكم ... بغرانين ... وزعلانين لعدم مشاركتنا ليكم هذا الجمال وهذا الفن ...
(ويا تراجى ... فقدتى آخر فرصة احترام من ناحيتك ... لمن قلتى لى "بنفتش نوع تأشيرتك وبنرحّلك من امريكا" .... بعد داك بقيت بتعامل معاك بى احترام لأنى ود ناس ... وانتى تلخّى فى المعلومات وتطربقى فى الكلام لغاية ما سمّيتك "تراجى اللخوخة" .... وبعد داك كنت داير احل ليك مشكلتك واعرس ليك "الجبلابى" ... تماضر قالت لى دى مرا متزوجة وبى أولادا ... ... المهم ... ... هسى عندك آخر فرصة عشان ما تفقدى احترام زول بحترمك لأنو هو ود ناس .... تفتحى بوست تقولى فيهو عمايل تبارك شيخ الدين المهببة دى شنو؟ وما يكون بوست مستهبل زى البوستات السابقة العنونتيها بى اسمى)
... المهم ....
Post: #43 Title: Re: الفنانة رشا شيخ الدين في بيت الفنون الجمعة 18- 12-2009 Author: محمد هشام Date: 12-18-2009, 11:54 PM Parent: #42
Quote: زعلانين لعدم مشاركتنا ليكم هذا الجمال وهذا الفن
لازم تزعل لانها كانت حفلة وونسة ولمة وحاجات كتيرة المهم على قولتك حاجة ما بتتكرر ولا بتتوصف
Post: #44 Title: Re: الفنانة رشا شيخ الدين في بيت الفنون الجمعة 18- 12-2009 Author: Shiraz Abdelhai Date: 12-19-2009, 00:32 AM Parent: #43
ويا سودان معليش........خربوك ناس الجيش.........
...........حفله جميله......رشا عندها حضور قوي على المسرح.............
.....طرب وموسيقي...وساكسفون ساحر...............
....وعدد هائل من الأصدقاء...............
....ليه ما لاقيتكم يا جماعه؟؟؟؟
غايتو يمكن عشان كنا غمرانين.......
...شكرا محمد هشام.......
Post: #45 Title: Re: الفنانة رشا شيخ الدين في بيت الفنون الجمعة 18- 12-2009 Author: ذواليد سليمان مصطفى Date: 12-19-2009, 00:53 AM Parent: #42
Quote: ويا محمد هشام ... وكل من حضر الحفل واستمتع به ... هنيالكم ... بغرانين ... وزعلانين لعدم مشاركتنا ليكم هذا الجمال وهذا الفن ... ...
