Post: #1
Title: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: Tragie Mustafa
Date: 12-16-2009, 05:02 AM
هذا الرجل العظيم دونالد بن
رئيس المجموعة السوداء بالكونجرس لسنين
ومهتم ومتخصص في الشأن السوداني
ويعرف مأسي اهل الجنوب وعاصر اغلبها وهو عضو برلماني
والآن عاصر معنا مأساة دارفور...وليس غريب على ملف السودان اطلاقا
لماذا لا نبدأ بمراسلة اوباما لحمله على تسليم ملف السودان لهذا الرجل العظيم؟؟
فالنعمل معا لاجل ذلك وانا اعرف ان اغلب السودانين الناشطين بامريكا
يحبونه جدا ويحترمونه لشدة ماهو ملم بشأن السودان ويحترم شعب السودان
ويحلم بكل الخير له.
http://www.house.gov/payne/biography.shtml
بدلا عن الزول الدرويش الاسمه قريشن ده الختهوا الكيزان في جيبهم....
وبنقول لهم بن ده غايتو لو جائكم...مش تبركوا ليه الفكي
ابو ليمونه وابو بطيخه...ده لو بركتوا ليه انتو انفسكم لن يثق بكم لانه يعرفكم جيدا.
http://en.wikipedia.org/wiki/Scott_Gration
|
Post: #2
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: Tragie Mustafa
Date: 12-16-2009, 05:04 AM
Parent: #1
حلاتو يا ناسي ود خالتنا ده
.....صابحني دائم مبتسم.....
http://en.wikipedia.org/wiki/Donald_M._Payne
|
Post: #3
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: Mohamed Suleiman
Date: 12-16-2009, 05:21 AM
Parent: #2
الاخت العزيزة نراجي
لك التحية و الإحترام
دونالد بين يقود هذه الأيام و معه مجموعة من السياسيين خلف الكواليس و في العلن جهود جبارة من اجل فعل أشياء لكبح جماح المؤتمر الوطني ...
من نتائج مسيرات الإثنين الإثنين أن المؤتمر الوطني قد أقنع بالفعل و رد الفعل أنه ليس سوي حزب نازي .
|
Post: #4
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: Tragie Mustafa
Date: 12-16-2009, 05:31 AM
Parent: #3
اها يا محمد
باقي لك بن ولا وولف داك
شايفاهو خطر برضو
ايه رايكم نضغط في ياتو اتجاه ما لازم نحدد ناسنا برضو لاوباما ولا شنو...
نقعد متفرجين يجيب لينا تحف من راسه؟؟؟وهو راسه لسه طري ذاته؟؟
|
Post: #5
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: الهادي هباني
Date: 12-16-2009, 06:40 AM
Parent: #4
الأستاذة الفاضلة تراجي مصطفي أسعد الله
صباحك و مساءك و كل أوقاتك بالخير و البركات
مع تقديرنا للسيد/ باين و للجهود التي يقوم بها
فيما يختص بالشأن السوداني باعتباره أحد أبرز
الناشطين في حقوق الإنسان ،،،
إلا أنني أعتقد أن لا بديل للنضال الدؤوب وسط
الجماهير من الداخل و من خلال جماهير الشعب السوداني
لوحدها فهي قادرة علي منازلة أي نظام ديكتاتوري مدني
أو عسكري و إلحاق الهزيمة به ،،، و هذا كما قال أحد
المناضلين الشرفاء قبل أكثر من 24 عاما بأن إسقاط
الدكتاتوريات المدنية و العسكرية أصبح جزءا من جغرافية
السودان ،،، فكما يحد السودان بمصر شمالا و إثيوبيا شرقا
... إلخ أيضا يسقط السودان أي نظام دكتاتوري مدني أو
عسكري ،،،
العمل من الداخل علي النهوض بحركة الجماهير و توسيعها
لتستوعب كل يوم قطاعات و أقسام أخري من الجماهير و المحافظة
علي وحدة قوي الإجماع الوطني هو السبيل الوحيد لإسقاط
النظام الدكتاتوري الحالي سواء كان مندوب أمريكا هو غرايشن
أو باين أو كان علي قمة البيت الأبيض بوش أو أوباما ،،،
في أعتقادي أن تدويل قضية السودان كان أحد أهم الأسباب
التي أطالت عمر هذا النظام و أخرجته من كثير من المحكات
الجماهيرية الضاغطة و أعطته وقتا كافيا لترميم جراحه
و لتعزيز قوته خلال السنوات السابقة ،،،
و رغم أن قوي الإجماع الوطني قد وصلت لضرورة العمل الجماهيري
متأخرا إلا أنه قد بدأ قويا خلال الأسابيع السابقة و تمكن من خلال
مسيرة واحدة فرض ثلاثة قوانين رئيسية و سيستمر هذا الضغط
الجماهيري و يتواصل دون توقف مدفوع بحماس الجماهير التي كسرت
حاجز الخوف و التردد و السلبية الذي فرضته ألة النظام العسكرية
خلال السنوات العجاف السابقة ،،، و سيؤدي ذلك إلي إسقاط النظام
إما عن طريق الإنتفاضة الشعبية المحمية بسلاح القوات النظامية
أو من خلال الإنتفاضة الشعبية عبر صناديق الإقتراع طال الزمن أو
قصر ،،،
و نتمني نشوفك و نشوف كل السودانيين الشرفاء التي عصفت بهم
سنوات القهر و الظلم إلي بلدان المهجر القصية في سودان موحد
حر ديمقراطي عما قريب إن شاء الله ،،،،
|
Post: #7
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: محمد الامين محمد
Date: 12-16-2009, 09:19 AM
Parent: #6
اوباما لن يكرر افكار جورج بوش مرة اخري
اصحوا يا اولدنا عييييييييييييييييييييك
|
Post: #8
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: Tragie Mustafa
Date: 12-16-2009, 02:57 PM
Parent: #5
الجسور الهاديء هباني
سلامات
وتابعنا بكل فخر تغطيتك الاعلاميه الجيده لانشطه كثيره
لانتفضاة شعبنا المجيد السلميه.
وشكرا لرفدك بالبوست بالمقال الجيد.
اخي..مثل هذا الاقتراح لا علاقة له باهمية
عودتنا او استمرار انتفاضتنا الشعبيه
فانا من المؤمنين بانه(لا يغير الله ما بقوم حتى يغيروا ما بانفسهم)
وانه اي تغيير قادم لابد ان يكون ساسه وراسه سوداني بحت.
اذن نحن متفقين.
لكن انت ما عارف اهميه ان تكون كاشفهم امام العالم
دي برضها مهمه الزعيم العجوز دونالد بن لو سمعته يتحدث عن هذا النظام
تستغرب في روحك...لانه هاضمه تماما ومستوعب لكل اللاعيبه.
وبعدين دفعنا باسمه لن يكلفنا الكثير كلها شويه ايمليلات ونحرك الناشطين
وصوتنا يصل لادارة اوباما, بدلا عن وجود درويش زي قريشن احتاج زمن اكثر
ليعرف مكر الكيزان ودهائهم.
يبقى يالحبيب نحن معاكم في خندق واحد
جهودنا تكمل بعضها....التغيير لن يتم
الا بارادة شعبنا.
العمل الجماهيري هو الاهم
والاهم منه انجاز قوانين عادله
اها لما نجيء لقوانين عادله عمك بن ده بدفرها معانا سمح.
فلا تقلق.....ونحن اكثر نضجا ووعيا فلا تخاف علينا.
اما بشأن عودتنا....فغدا لناظره قريب.
تأكد بان غيابنا لن يطول اكثر.
|
Post: #9
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: Tragie Mustafa
Date: 12-18-2009, 09:23 PM
Parent: #8
.
|
Post: #10
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: هاجر التهامي ياسين
Date: 12-18-2009, 09:35 PM
Parent: #1
Quote: وبنقول لهم بن ده غايتو لو جائكم...مش تبركوا ليه الفكي
ابو ليمونه وابو بطيخه...ده لو بركتوا ليه انتو انفسكم لن يثق بكم لانه يعرفكم جيدا.
|
تراجي سلامات
قلتي لي ببركوا ليهم فكي عديل كدا 
هاجر
|
Post: #11
Title: Re: للمهتمين بامر السودان معا لنحمل(Obama)على استبدال(Sccot Gration) ب(D.M.Payne)
Author: Tragie Mustafa
Date: 12-20-2009, 01:09 AM
Parent: #10
هاجر سلامات
Quote: تراجي سلامات
قلتي لي ببركوا ليهم فكي عديل كدا
هاجر |
وحاتك ببركوا اكثر من فكي واحد!
|
|