Post: #1
Title: ياخ الشعب السودانى دا مبدع عدييييل كدا ( فى صورة ) !!
Author: دينا خالد
Date: 12-15-2009, 10:37 PM
وفى رواية اخرى مهرج ..
قال ليك :: المسيرات حلااااااااال !
ـــــــــــــــــــ
بالله الشعب دا مش بدا يتخلق جد جد ؟؟؟ بس اساسى ما منتبه .
ياخ انا لما اتكيفتا ! الصورة من المسيرة الاخيرة
|
Post: #2
Title: Re: ياخ الشعب السودانى دا مبدع عدييييل كدا ( فى صورة ) !!
Author: د.نجاة محمود
Date: 12-16-2009, 02:09 AM
Parent: #1
يا دينا الشعب دا مبدع من ابمارح ولا الليلة
حاجتين اكدت لي ابداعه
بعد نميري اهرق الخمور في النيل وقال شريعة
وبقى اي زول يقبضوه بعرقي يتجلد
بقو السكارى يشيلو العرقي في الخرطوش
والفوانيس
والمرة الحافرة ليها حفرة دحان في الطابق السادس
على راوية دومة شوف عينها وماقالو ليها..
تقول لوحة من دقنو فتلو دي ابداع جديد
مودتي
|
Post: #3
Title: Re: ياخ الشعب السودانى دا مبدع عدييييل كدا ( فى صورة ) !!
Author: محمد إبراهيم علي
Date: 12-16-2009, 05:59 AM
Parent: #2
| Quote: بالله الشعب دا مش بدا يتخلق جد جد ؟؟؟ |
والصحيح يا دينا انو بدا يتخلقن
ده جحر الضب الدخلونا ليهو الناس دي (دخلونا الجامع ومشو السوق)
ــــــــــــ
امكن ده واحد من جماعة شيخ حسن
|
Post: #4
Title: Re: ياخ الشعب السودانى دا مبدع عدييييل كدا ( فى صورة ) !!
Author: abdulhalim altilib
Date: 12-16-2009, 06:35 AM
Parent: #3
الأخت العزيزة / دينا
تحياتي ،
فعلاً هو شعب مبدع وخلاق دوماً ..
لكن بيني وبينك .. أحياناً: (في الفارغة) بس ؟!!
والدليل : آلولوووووو : (مباحة) - الصورة ؟!
واللا أنا غلطان ؟!
مودتي ،
( ليمو )
|
Post: #5
Title: Re: ياخ الشعب السودانى دا مبدع عدييييل كدا ( فى صورة ) !!
Author: حاتم علي
Date: 12-16-2009, 07:25 AM
Parent: #3
سلام يا دينا
الصورة معبرة
و معبرة
معبرة الاولى بمعنى محاربة الانقاذ بنفس سلاحها (الدين) و (الفتاوي)
و معبرة الثانية عن حالة (المحنة) التي نعيشها بحيث اصبحنا
نستورد فتاوي (خارجية) للرد على فتاوي (داخلية)
إنها فوضى (الفتوى)
سؤال جانبي :
--------------
من هو (القرضاوي) من الاساس ل(يفتي) في حق (السودانيين) في التظاهر ؟
محن !
|
|