بسم الله .. بسم الله

*******************************
(بتصرف) القصيدة لشاعر ممنوع

******************************


بسم الله .. بسم الله


داخل وخارج


شتت خلق الله


تريان بحق الناس


بطران بسم الدين


وبأكل السُحت بسم الله



لكن محال تقدر تمنع إرادة شعب


وتقهر ثورة بلد زعلان


أو تكسر ثورة وطن غضبان


ثورة بلداً عاوز شبابه يحب


ثورة بلداً عاوز عجوزه تطب


ثورة من نمولي إلى حلفا

ثورة زنوج وعرب

ثورة بلد مقلوب

ثورة وطن مأزوم

بسبب الحياة المعدوم

حتى الكلام ممنوع


هه هه ها

بالبوست المشاغب

وعصي وقنابل غاز

عاوز توقف إرادة شعب ؟؟!!


وتعيش للأبد في الزيف !!


هه هه ... محال تقدر


فالثورة بقت في المد..

ذات وعي جدلي حسابي
بندفع كم؟ وبناخد كم؟

وكيف؟


وضد الفرق


وضد السد


بيرقاً أحمر


ثورة مؤدلجة
مسطورة الكراس


عديدة المراكب


طويلة المواكب


منيرة الرايات


ثورة في حال المد


كل شغلة راية وسيف


مرتبة ضد البنك


منظومة السلاح


بالحصحاص
وبالملوتوف وبالقيرنوف
وبالأربي جي والدوشكا
قصاص الشعب من أعداءه بالرصاص


مكربة

ضد الأسأوا الدين


ضد اللعبوا بالعساكر ديل


ضد الضربوا عواميد الوطن
بسوط إبن إبن العاص


ثورة ضد الأبادوا الناس


ثورة ضهاري وريف


ضد القمع

ضد النهب

ضد الزيف


ثورة بنات وولاد

للماء النضيف

والعيش الكريم والحُب



ثورتنا توا تقوم

لا بكرة لا بعده

ثورة بلداً
عاوز شبابه يحب
ويرد المَحَبةَ نشيد


أكتب
أكتب .. أكتب
بخط سنين أحمر:
((حتى الطفلة قالت لا
للطاغية السلطان))


أكتب....أكتب
أكتب:
((يا الحاكم الظالم
ياضنيب عصابة النهب
جاتك الأحزاب بعهد الأمان مختوم
لكنك في لعبة نافع وود الجاز وعلي عثمان
غبيت وعميت إرادة الشعب))


غبيت وعميت
سؤاله العظيم وكبير:
بندفع كم؟ وبنأخد كم؟

فمحال
-يالبقيت تريان بحق الناس-

تقدر تجاوب سؤال الشعب :
بندفع كم؟ وبناخد كم؟


لذا فمحال تقدر تمنع إرادة الشعب


إنت ويمينك


إنت ويمينك


حتى السلام خنتوه

لا عيش لا مطبوخ

بحلف البنوك والدبشك

البلد بقت صحراء

ما فيها غير الجوع


عيون الأسود حمراء


تكريس النضال أسبوع


يحرق بنوك الجوع


يخلي البلد خضراء


ويرد للجمال
عيون الغزال السود



أكتب أكتب أكتب

بخط سنين أحمر:

((عز الوطن يكبر
طالما السؤآل مرفوع
بندفع كم؟ وبناخد كم؟
وطالما لعز السؤال
السلاح مرفوع
ويغني من حلفا إلى نمولي
عدالة ..سلام.. حرية
عز البلد يكبر
وتزيد خيراتها فوق السد))

الثورة حال المد
ثورة ببيرقاً أحمر
خيراتها تفوت السد
وعز البلد يكبر
طالما لعز السؤال
السلاح مرفوع
عز البلد يكبر
بالثورة حال المد
ثورة ببيرقاً أحمر






*********************


(بتصرف) القصيدة لشاعر ممنوع

<a href="http://www.sudaneseonline.com/cgi-bin/sdb/2bb.cgi?seq=post&board=250&msg=1260890613" target=_self>بسم الله .. بسم الله

بحلف البنوك والدبشك

البلد بقت صحراء

ما فيها غير الجوع


عيون الأسود حمراء


تكريس النضال أسبوع


يحرق بنوك الجوع


يخلي البلد خضراء


ويرد للجمال
عيون الغزال السود