Post: #1 Title: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-14-2009, 09:46 PM Parent: #0
حذيفة والبكري وين يا حبايبنا المريخ ما اتغلب ,قلبتوا علي المسيرة ولا الحاصل شنو؟
جننتونا المريخ ,,المريخ,,المريخ,, اها خموا وصروا الكأسين في جيبنا ,,ابقوا عشرة
علي مراياتكم,,,, فتكم بي عافية,,,, تاني تجوا؟
Post: #2 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: الكباشى البكرى Date: 12-14-2009, 10:00 PM Parent: #1
الزعيم سيف الدوله تحايا عطره
Quote: اولاد الكباشي,, المريخ اتغلب,, وين الحي بيكم,, في المسيرة ولا شنو؟
محتارين في امر التحكيم في ها البلد والمهزلة التحكيميه التي شاهدناها اليوم فالمريخ هزم اليوم بفعل التحكيم الي تحامل كثيرا علي لاعبي المريخ وعكس العديد من الحالات وتقاضي عن حالات طرد واضحه للعديد من مصارعي الهلال.
كل الود.
Post: #3 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-14-2009, 10:10 PM Parent: #2
العزيز \ الكباشي البكري ,,, تحياتنا يا حبيب وهاردلك.
يا أخوانا كل ما نغلبكم تقولوا لينا التحكيم .بقي شماعتكم؟
والله غلبناكم كورة ولعب وفن وهندسة, وشيلنا الكاسين وريحناكم.
Post: #5 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: الكباشى البكرى Date: 12-14-2009, 10:16 PM Parent: #3
الف مبروك عزيزنا سيف الدوله
Quote: والله غلبناكم كورة ولعب وفن وهندسة, وشيلنا الكاسين وريحناكم.
الكلام دا وين ما شفنا اي حاجه هم ناس المصارعه الحره ديل لعبو كوره!!!
Post: #4 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: السيد المسلمي Date: 12-14-2009, 10:16 PM Parent: #2
وسجل بالله معاك هارون دياب ! ياخ الناس ديل كانو ماعطننا معط !!
ـــ وعبر هذا البوست أبعث بتحاياي الي الوطني .. الغيور المناضل الجسور .. وليد محمد المبارك ! وكاااااااااااااااااااااااااااااااااك .
Post: #6 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: الكباشى البكرى Date: 12-14-2009, 10:24 PM Parent: #4
Quote: ياخ الناس ديل كانو ماعطننا معط !!
ولا زالو يا ابو السيد حتمشو مننا وين يعني؟
Post: #7 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-14-2009, 10:31 PM
المسلمي والله الناس ديل عينهم قوية خلاص ,, ما بقتنعوا الا ننزلهم الليق.
والله يا المسلمي المنبر هادي عشان تعرف فعلا الهلالالالالالالاب هم الصفوة..
والله كان غالبين المنبر ينقلب راسع علي عقب بي طولة اللسان.
Post: #8 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: أمين محمد سليمان Date: 12-14-2009, 10:35 PM Parent: #7
سلام يا أبو السيوف و مبروك النفش ! أول حاجه ياخي أولاد الكباشي كلهم هلالاب ! كباشي و حذيفه ديل ذاتهم هلالاب لكنهم دخلو في حالات نفسيه صعبه جدا أدت للمنظر القدامك ده و ده مبحث تاني ما عايزين نخش فيهو هسي ! عموما ما تعصر علي الناس دي شديد ، الناس ديل هلالاب زينا واحد
Post: #13 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: الكباشى البكرى Date: 12-15-2009, 07:11 AM Parent: #8
يا امين سلامات يا عمده
Quote: أول حاجه ياخي أولاد الكباشي كلهم هلالاب !
العكس تماما
Quote: كباشي و حذيفه ديل ذاتهم هلالاب لكنهم دخلو في حالات نفسيه صعبه جدا أدت للمنظر القدامك ده و ده مبحث تاني ما عايزين نخش فيهو هسي ! عموما ما تعصر علي الناس دي شديد ، الناس ديل هلالاب زينا واحد
مازال الامل يحذونايا امين بأن تعودو انت وسيف الدوله وغيركم الي النادي الاصل الذي يحقق لكم طموحكم مش زي المحلي دا وحتي لا تنسي يضا شاهد هذا الفيديو
Post: #9 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: خالد الجبل Date: 12-14-2009, 10:36 PM Parent: #7
Quote: محتارين في امر التحكيم في ها البلد والمهزلة التحكيميه التي شاهدناها اليوم فالمريخ هزم اليوم بفعل التحكيم
يا سيف الدولة الناس ديل بتكلموا عن ياتو كورة
يكون دايرين ليهم 3 بلنتيات عشان يقولو الحكم كان كويس
بالله عليكم أختشوا ..
هسي دي ضربة جزاء
Post: #10 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-14-2009, 10:59 PM Parent: #9
والله يا أمين انا متحيرانه كيف اولا الكباشي يكونوا مريخاب,
لكن زي ماقلت ضلوا طريقهم ,لكن قريب بيعودوا للبيت الكبير
ببركة ابونا الشيخ ان شاء الله.
لكن يا امين النفش حار ,,كاسين يطيروا منهم في اسبوع مغصه والله.
تسلم يا امين يا اصيل وان شاء الله دايما منتصرين. وعشان محبتنا
في ابونا الشيخ الجماعة ديل ما بنزعل منهم والله, مداااااااااااد.
Post: #11 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-14-2009, 11:01 PM Parent: #10
والله يا خالد حيرونا في قصة التحكيم ,وبقي شماعة.
المره الجاية بنجيب ليهم حكام من البرازيل.
Post: #12 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: الكباشى البكرى Date: 12-15-2009, 06:53 AM Parent: #9
حتي لا ننسي يا خالد الجبل
Post: #14 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: خالد الجبل Date: 12-15-2009, 07:32 AM Parent: #12
الكباشي .. انت الغلب دا حارقك شديد خلاك تجيب ليك حاجات غريبة ياخي اركز شوية وشوف حال فريقك المايل..
خسر الهلال امام المريخ في ختام الدوري الممتاز ولم يتحدث عن مبررات بل عمل جاهدا لتفادي السلبيات وكان له ما اراد
داالفرق بين الهلال والمريخ يا وصيف سيد البلد وطيش افريقيا
وساساساساساسادومبا اسدمبكم
Post: #15 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: الكباشى البكرى Date: 12-15-2009, 07:37 AM Parent: #14
امسك يا خالد لحدي ما اجيك بي رواقه
Post: #16 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: خالد الجبل Date: 12-15-2009, 07:42 AM Parent: #15
هاهاهاهاهاهاهاهاهاهاهاها
الكباشي .. ساساسا دومبا عمل ليكم كاكاكابوندي
الغلب الحار ما بندار
Post: #17 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: معاوية المدير Date: 12-15-2009, 11:57 AM Parent: #16
Quote: الكلام دا وين ما شفنا اي حاجه هم ناس المصارعه الحره ديل لعبو كوره!!!
السيف أخوي، نعلكم طيبين؟ يأخوي مسعول من الخير. دحين الكباشي ود البكري جا عليكم؟...
Post: #18 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: الكباشى البكرى Date: 12-15-2009, 05:49 PM Parent: #17
معاويه المدير تحايا واشواق ياحبيب
Quote: السيف أخوي، نعلكم طيبين؟ يأخوي مسعول من الخير. دحين الكباشي ود البكري جا عليكم؟...
لا طلع في المسيره. بركه الظهرتو و شفناكم ياخي.
Post: #19 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-16-2009, 03:49 AM Parent: #18
ود المدير حبابك الف يا نديدي,,, مشتاقين والف مبروك.
والله ود الكباشي الايام ده ما مقصر معانا بدينا طلة.
Post: #20 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: صديق عبد الجبار Date: 12-16-2009, 12:48 PM Parent: #19
إزيك يا أبو السيوف .. وكل عام وإنت بخير ..
إنت مازلت بتشجع الكورة .. والله يا خي إنت أدروب عديل ..
أنا طبعاً آخر عهدي بالكورة وتشجيع الهلال .. كان أيام ناس وليد طاشين وطارق آدم وصبحي وكاريكا وبقية العقد الفريد .. ومبارة لاراش (الأهلي المصري ) بالقاهرة .. ولكن مازلت فيني (شيئ من حتى) الهلال ... هلالابي بالمعاش .. وهاك الهدية دي وصلتني من فواز ولدي .. طبعاً ورثوا الهلال مني مع بعض العادات السيئة الأخرى:
"أبوفواز" هلالابي بالمعاش
Post: #21 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-16-2009, 02:23 PM Parent: #20
اووووووووووووو,,كابتن \صديق ,,, كيفنك يا اصيل وكيف الاولاد,
والله خير ورثة يا صديق وربنا يحفط لينا فواز سندا للاهله,
والله انا عندي اربعة مقاتلين اشاوش وفيهم بت بترفس في
الكورة جبدهم عمهم الفاضل كامل واخوالهم هلالالاب علي
السكين وحتي امهم ما بترضي في الهلال,,,,
يا أخي اولاد خالاتك ( دقس ونزار) اسوي معاهم شنو
خاتني كماشة؟
Post: #22 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: صديق عبد الجبار Date: 12-17-2009, 10:50 AM Parent: #21
كيفك يا حبيب ..
ربنا يخلي ليك العيال وأمهم الهلالابية ..
طبعاً الفاضل كامل (قادينا) (قد) .. بالهلال .. وما زال الراجل الظريف .. صاحب الحضور الأنيق .. ماركة مسجلة ..
أما ناس (دقس) و(نزار) ديل ..فأعمل حسابك من كماشاتهم دي .. وبلغهم تحياتي .. وتحياتي لكل الأحبة في بلاد الأحلام ..
وياريت تعزمونا على الكريسماس وكدة ..!!!؟؟ كل سنة وأنتم طيبون
أقعد عافية
"أبوفواز"
Post: #23 Title: Re: اولاد الكباشي,, المريخ اتغلب,, وين الحي بيكم,, في المسيرة ولا شنو؟ Author: سيف الدولة كامل Date: 12-17-2009, 08:28 PM Parent: #22
تسلم يا ابو فواز,,, والله تشرف كتيييير,, بس تعال يا كابتن.
لكن اولاد الخالة صعبين. شكرا يا ابو فواز. وسلامنا للجميع.
