Post: #3 Title: Re: وهتفت جماهير شعبنا الشجاعه داخل الخرطوم(بشير سفاح...اوكامبو كلامك صاح)....!! Author: بدر الدين الأمير Date: 12-14-2009, 04:10 PM Parent: #2
(يا جمة حشا الغبون) الكلمات لحُميد والغناء لمصطفانا(الى كل المناضلين الشرفاء) يا جمة حشا المغبون في الزمن الهلاك منجا تكون حانت مواعيدك يكون وقت المطر قد جا شرق ضو البلد عيدك وطابت نسمتو العرجا نكون يا طيبة تمينا وبدينا ولفا .. غنينا الغنا الراجا وبد كاس المودة تلف عشق من حلفا لي راجا ألف .. ألف حبابك ألف إية يا عنزنا العرجا يا لبٌانا في الزمن المراحو نشف يا جبٌانا للخوانا والعوج البدور ويلف دميرتنا البتروى جرف بصيرينا وعرش بيتنا تميراتنا اللي كانو وقف أصابعين الرجال رصاص شعر راس البنية سقف تكون دارة الزمان عمرت نوكن لمينا في الفاتو تكون فاقت ملامحنا تضاريسنا القبيل غمرت ودغش ساقت بوابيرنا وندت شتلات بعد ضمرت ضراعك يا ولد كبرت مراعيك يا بلد كترت خدار .. خدرت غزار .. غزرت برغم الصيف وصناتو برغم البين وأناتو عصافير الجلد قدرت تباصير نسمة منتحرة وتطمن غيمة مندحرة تضاير الغابة والصحرا من الغُمة وضلاما شين ومنك يا قيد ننفك تكون حلت عقدة الدين عُقب سيرة البلد سارت على النغمة العديل والزين بعدها لحال مرسال يجو العمال يجو الكداح يجو الناس البخبر وشليل وشقيش راح وقمرتين جناح يندلى فوق صاح من الغفلة ورياح الليل وللدنيا الجديدة جناح صباح ينسلة شدة حيل فياخيالا عدو الخيل ويالطيبة البتملة العين مدى نباه في حز القلب غنوة وآه حنان بلدو وحنين منفاه يابت العز يا ست الجاه يا هسعتينا يابكرانا ياماضينا يابعدين نكون كنا وبقينا متين متين نقدح مواعيدك مواعيدنا نساورك وين
حركة العدل والمساواة الديمقراطية تدعو الى مقاطعة الانتخابات هولند \راى الشعب دعا الدكتور ادريس ابراهيم ازرق رئيس حركة العدل والمساواة الديمقراطية لمقاطعة الانتخابات التى وصفها بالمزورة مسبقا وقال فى حديث لراى الشعب من مقر اقامته فى هولندا ان النظام يريد ان يستمد شرعيته بالانتخابات بعد ان تسبب فى تفاقم ازمات الوطن العامة باصراره على الحل العسكرى الذى اذقناه فيه مرارة الهزائم واهدر موارد البلاد فى حرب خسرها فى المعارك العسكرية والدبلوماسية والسياسية والاعلامية واضاف ان الرئيس اصبح معزول دوليا ومحاصروحركتة مقيدة لجرائمه التى ارتكبها فى دارفور متسائلا كيف تقوم انتخابات فى ظل وجود القوانين المقيدة للحريات وسريان قانون الطؤرئ فى دارفور واضاف هل يصوت المواطنين لنظام يقمعهم ويقتلهم ويشردهم ويعتقلهم ويعذبهم وقال ان البلاد تمر بظرف اقتصادى صعب جدا كالتضخم وصعود صرف الدولار وارتفاع اسعار السلع الاستهلاكية والضرورية كالسكر وتدنى الاجور والعزلة الخارجية وعقوبات المجتمع الدولىوسخر ازرق من ابناء دارفور بالمؤتمر الوطنى لجهة انهم مهمشون داخل المؤتمر الوطنى ولم يتم انتخابهم فى المكتب القيادى الا بالتعين داعيا اياهم للانحياز للثورة