Post: #1
Title: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: محمد حسن العمدة
Date: 12-13-2009, 08:46 PM
Parent: #0
الان استمع اليه ويعلن بوضوح كفاية عنف كفاية حروب كفاية موت
ومشوار السودان طويل الى ان تتحقق الحرية والسلام
|
Post: #2
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: محمد عثمان محمود
Date: 12-13-2009, 09:04 PM
يعني يا محمد بكرة في مظاهرة ولا مافي؟
|
Post: #3
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: محمد حسن العمدة
Date: 12-13-2009, 09:06 PM
Parent: #2
| Quote: يعني يا محمد بكرة في مظاهرة ولا مافي؟ |
في وقيادات وش
|
Post: #4
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: عمر عبد الله فضل المولى
Date: 12-13-2009, 09:08 PM
شكرا عمدة
والتحية لباقان اموم
وعاش نضال الشعب السوداني
نحتاج الى ارادة قوية من اجل هزيمة الشمولية
|
Post: #5
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: BAKTASH
Date: 12-13-2009, 09:16 PM
Parent: #4
قالت للشعب الطيب ...... لاتخرج !!!!
|
Post: #6
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: محمد على حسن
Date: 12-13-2009, 09:21 PM
و الله العظيم لو كنا عند 10 قادة ا من مثال باقان و عرمان
الانقاذ دي ما تاخد يوم
التحية لهما
|
Post: #7
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: Abutalib Elgorashi
Date: 12-14-2009, 10:20 AM
Parent: #6
اها يااخوانا ورونا اخر اخبار المسيرة دي شنو؟؟
|
Post: #8
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: احمد سردوب
Date: 12-14-2009, 05:58 PM
Parent: #7
|
Post: #9
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: ghariba
Date: 12-14-2009, 06:11 PM
Parent: #8
آحر اخبار المسيرة ............ اتفرتقت
|
Post: #10
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: احمد سردوب
Date: 12-14-2009, 06:19 PM
Parent: #9
مطر الشوارع
*-*-*-*-*-*-*-*-*
هبَت نسَام جيتك .. ضوَا لحظاتو البكان
زين اركانو الزمان
فرهد الشوق المضارع
البلد بقت الشوارع
دافرة من كل المواقع
زى مطور هتكت سماها وسيَلت ملت المزارع
لهفة الزول الَجا راجع
من نخيجو تقول مودع
الفرح فى أعين الصابرين دموعو
الهتافات التندد بى عوارضو والتأكد لى رجوعو
والتبدد خوفو .. جوعو
والتجدد بخَة الدم فى عروقو .. وبين ضلوعو
تطرد الهم من جموعو .. من خطابن
لافتات اعلام بشابن
موكب العرسان شموعو .. الأصابع البى ترابن
الأكف الدم خضابن
لا فتات اعلام تهبهب زي صفق
الاناشيد .. يشتهنك فى سبق
المنديل التلوَح والطَرح
البنفسج والبراسيم التراقص فى مرح
العصافير الملونة فى مرايات الفضا المتكابى تالاك قوس قزح
استحمَت غيمة فى بحر الأفق
كان دعاش الغيمة بوقة وكانت الرغوة الشفق
جفَف اطرافو النسيم .. جر بشكيرو الغسق
خت فى كف المساحنة الزمن القديم
قالت الريح العجوز
ما استحت .. قالت يجوز
كالصبا ارجع صبية واسرى بى عطر العروس
ابرى فستانا البياضا .. نية الطيب حنين
بى ندم صادق امين عقبت قالت واتوب
ما أغش الأ__جين بالأعاصير العبوس
إلا شان للظلم ادوس
آه يا عشمى الحزين .. لو ترجَعنى السنين
باركنها نسمتين .. باختن بالا الرزين
آجرنَها فى اللى راح .. وطيبن نزف الجراح
وعمَدنها ريح صلاح .. من طرف شق الصباح
قاطعنها نجمتين .. يمه عقبالنا .. ومتين
من زفاف الغيمة وين .. ونحن نتشرق مرتين
انتشى العشب الصغير .. وتاوق القمرة التغيَر بين ضفاير تمرتين
وخفَ يتصنت مزارع ...
دخله المطر الموله أو زفافو على الشوارع
وحَم لقمح اليراهق فى المتر .. جبَد شتولو .. نوَر القش فى المراتع
نوَرت كل الخمائل .. السحر فوق راسو جايل
زى رسائل بينو بين الجاى راجع .. لى حصاد العمر شايل
ضوَا فى كل النفوس .. حُب تحت كل لشرائع
والشعائر والطقوس
جمَة العشق المضاجع .. حتى أصوات الضفادع
سنَ حنجرة المغني فى قلب زولو الحجر .. العنيد الما مطاوع
ضحَى من أجلو وصبر زمانات التدنى والمناحات التجنى
سنَ حنجرتو المغني .. وغنى غاية ما انفجر
شاحب الليل الألق .. الفجُر فرهد بهر
جديد الفرحة يا دابو انعتق فك قيد جرحو ونتق
لى جواد شوقو انطلق .. قولب الضَُل والصقايع
الوجود قدامو رائع .. خالى من صُرمة وفجائع
العصافير التطالع فى كتاب الصبح طالع
الندى فى سرابو ناقع .. الزهر يا دابو فاقع
انطلق للحلة شافع .. شال بشارة يوم جميل
الفراشات للأصيل .. والبنفسج للشفق
املو عي___م غميد .. يا مجاريح لا أرق
ضمَو لى ليلكم شديد ضمَو بى عد ما وسق
لا تجمَوها السيوف .. لا ترمَوها الدرق
المطيرة الفى وشيكم .. هبَ نسَاما وبرق
ماها بى الساهل تجيكم إلا بالدم .. بالعرق
يا مطر يا نار حبابك ..
خدَر القصب المعوبس بلَل التعب التشابَك
روحنا شبَت بالقضية وتاوقت برقَك سحابَك
أيوة يا مطر الغلابة المن زمن صابر ترابك
والقلوب عشرق سرابك
|
Post: #11
Title: Re: باقان يعلن الان عن تصدر القيادات للمسيرة غدا وعن مخرجات اجتماع دار الامة الذي انتهى الآن
Author: محمد حسن العمدة
Date: 12-14-2009, 08:39 PM
Parent: #10
تحدث الامين العام للحركة باقان اموم
واكد ان اجتماع قوى جوبا اكدت على الاتي :
استمرار في النضال الجماهيري السلمي الى ان تتحقق الحرية والسلام والعدالة
ان تخرج المسيرة غدا
ان كل القيادات ستكون في الصف الامامي
قوى الاجماع ترحب بالاتفاق الذي تم مع المؤتمر الوطني والحركة وعلى القوانين التي كنا نطالب باجازتها وفي المسيرة سنطالب البرلمان باجازة باقي القوانين قبل انتهاء الفترة
اي استخدام للعنف من قبل المؤتمر الوطني سيتم امتصاصه وح نخليهم امام الشعب يحاكمهم وولكن نحن لن نرد بالعنف موش لانو ما عندنا قدرة وخايفين لا .. لكن لانو كفاية عنف وكفاية موت في السودان وكفاية حروب ولذلك اخترنا النضال السلمي ... ولا بد من المحاسبة في جرائم التي حدثت في دارفور ...
|
|