Post: #1 Title: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل ساااااااى Author: الطيب شيقوق Date: 12-13-2009, 10:30 AM Parent: #0
ما اجمل ان تحزم حقائبك وانت تحمل الهدايا الى اهلك الحنان في السودان . ما اجمل ان يصفر كابتن الطائرة منبها ببداية الاقلاع وانت تسمع سبحان الذى سخر لنا هذا ..
ما اجمل ان تجلس على مقعدك في الطائرة وتاتيك الحسناوات بالاكل والقهوة وتقول كدى تتمطى وتتجدع وتسل الطاولة من جوة المقعد الامامك عشان تخت فيها وجبة الطائرة تاكل حاجة وتنسى حاجة نامن تتدشى وتترع .
ما اجمل ان تمسح يديك وخديك بالفوطة البيضاء والنضييييييييفة البتشبه قماش ترمجيات ايام زمان .
ما اجمل ان تجلس مقابل شباك الطائرة لترى السحب التراكمية كالعهن المنفوش تحت اجنحة الطائرة
نواصل
Post: #2 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Alshafea Ibrahim Date: 12-13-2009, 10:38 AM Parent: #1
السلام عليكم ود شيقوق حمدا لله على السلامة ... ويشهد الله كنت ناوي انزل بوست سؤال عنكم واخباركم . بشرنا عن أخبار الأهل والعول عساهم مستقرين وسالمين وتامين ... وحللتم أهلا الشفيع ابراهيم
Post: #65 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: عبدالرحمن الحلاوي Date: 12-14-2009, 09:07 AM Parent: #2
حمدا لله على السلامة ..وحللتم أهلا
Post: #3 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 10:38 AM Parent: #1
الان الجو ممطر بمدينة مسقط واغلب مدن السلطنة
نواصل
Post: #4 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: أبوبكر أبوالقاسم Date: 12-13-2009, 10:40 AM Parent: #1
الطيب شيقوق كل عام وأنتم بخير
Quote: ما اجمل ان تجلس مقابل شباك الطائرة لترى السحب التراكمية كالعهن المنفوش تحت اجنحة الطائرة
هى سُحب نَصـــاح الخلّت الكابتن يضئ شارة ربط الأحزمة أكثر من (5) مرات مع المحاورة ذات اليمين وذات الشمال...
تعرف فى واحدة من المطبات العنيفة جنبى أستاذ بشرى علّق قائلاً:
" التقول الطيارة دخلت فى رملة "" والحمد لله وصلنا بالســــلامة وطلعت عينو باردة.
Post: #5 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Elfadil Sabeil Date: 12-13-2009, 10:47 AM Parent: #4
الأخ الطيب حمدالله على السلامة وكل عام و أنتم بخير
إنشاء الله تركت الأهل بخير و كلهم سالمين يارب
Post: #6 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: أيمن مبارك أبو الحسن Date: 12-13-2009, 10:50 AM Parent: #5
الأخ الكريم الطيب شيقوق الحمد لله على سلامة الإياب..
متابعين معاك واصلً ياحبيب...
Post: #8 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب رحمه قريمان Date: 12-13-2009, 10:57 AM Parent: #6
استاذنا الفاضل سعادة المستشار "سمى"
كل عام و أنت بخير و عيد سعيد
و ربنا ينزل المطر و يكتر العنكوليب
و الدردقو "التبش"
و الحميض
و العيشريف
و إن شاء الله يا سمى تأكل و تشبع و كل ناس السودان ياكلوا عنكوليب و تبش و كل خيرات الجبراكة
"كفاية أكل نيم"
الطيب رحمه
Post: #10 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: خالد المحرب Date: 12-13-2009, 11:01 AM Parent: #6
شيقوق سلام والحمدلله على السلامه كيف اخبار البلد انشاء تكون قضيت اجازه سمحه والعنكوليب دا لزوم الطاقه فيه سكريات باقى لى اظنك بقيت تدور دفره والله المنبر منور الليله بجيك راجع
Post: #7 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 10:55 AM Parent: #5
العزيز ود عمي الشفيع
كيفك والله الشوق ليك بحور وحياتك ات ما بتقصر طب ودى المحرية فيك علا السنة البقر شين طاااااااااب وحاة خوتك كيلو اللحمة عندنا بقى بقرشين .
الاخ ابو بكر ابو القاسم
يا اخي سلامي ليك بالقناطير - حاولت الاتصال بك في السودان لكن باقي لي مشغول بتقرمش ساى في قصب السكر مع السمحة ام عيالك .
Quote: " التقول الطيارة دخلت فى رملة "" والحمد لله وصلنا بالســــلامة وطلعت عينو باردة
والله كلام بشرى صاح يا القاسم اخوى انا راكب الطائرة من البحرين للخرطوم قامت نطت ونزلت زى الهامور في الدميرة .
الاخ الفاضل سبيل
الله يخليك ويغطيك ويحفظ لك اهلك الكبار وصغار
Post: #9 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 11:00 AM Parent: #7
الاخ ايمن ود المبارك
تحياتي يا اخي يا عسل
جاييك بس ابعد منى الطيب قريمان دا اكان تاوق بهنا بشغلني من الكتابة
قريمان العطشان
كيفك انت وحاتك خوتك ما بتساوي قرفة بصلة الشي ما بتسال من اخيك غائب منكم عشرين يوم
Post: #11 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 11:06 AM Parent: #9
ود المحرب
شكيتك على الله ما تجي راجع الفيك اتعرفت يا مسنوووووووووووح
حاولت الاتصال بك لزوم العزاء في شقيقية الاخ احمد ابو حريرة لكن باقي تلفونك خشمو مليان طين .. اهلو
احسن الله عزاءكم وانا لله وانا اليه راجعون
Post: #12 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: عمر صديق Date: 12-13-2009, 11:12 AM Parent: #11
ود شيقوق تحياتي وحمدا لله علي السلامة والفيك اتعرفت
وعشان العنكوليب لاتظهر في الرحلة ولافي غيرها؟؟؟؟؟؟؟؟؟؟
_________________________________________________
وكلام شيخ البطاحيين مضروب في باي نق تربيع
Post: #13 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: هويدا شرف الدين Date: 12-13-2009, 11:18 AM Parent: #12
object width="425" height="344">
Post: #15 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 11:21 AM Parent: #13
ود الصديق
Quote: وكلام شيخ البطاحيين مضروب في باي نق تربيع
وحاة الله ات مسنوح كان قبلت عليك ات والمعاك بملأ خشوم بيتكم براطيش
يا زول رحلة شنو انا اهلي كاتلهم الجوع مرة واحدة امشي اباري معاك بالرحلات ؟
هويدا المسنوحة
وريني سريع نزلتي شنو في المكتب اليوتيوب ما بفتح
Post: #14 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: سيف بخيت موسي Date: 12-13-2009, 11:20 AM Parent: #11
تعظيم سلام للخبير القانوني شيقا
وحمد ألف على السلامة ، وعيد مبارك عليك
ما شفناك في رحلة ذات الشربوت مع الجماعة
مسقط ومنبرنا منورين
تحياتي اللامحدودة
----------------------------------- عنكوليب في المطر دا، لا حوله
Post: #16 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Abuelgassim Gor Date: 12-13-2009, 11:24 AM Parent: #14
يا ألطيب
كل عام وانتم بخير
ياخى حرام تجى وما نشوفك
Quote: تنقي لي في العنكوليب وانا آكل سااااااا
أنا الجبت ليكم العونكليب !!
Post: #17 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 11:24 AM Parent: #14
المستشار سيف ود بخيت
كيفك والعيد مبارك عليك وعلى كل بورداب الرياض
والله يا سيف اخوى كنت جادى جدا اشارك في الرحلة يوم الجمعة - المسانيح غيروا من الجمعة للسبت وكانت فيها استحالة عديل بسبب ضيق الاجازة .
نعم عنكوليب عديل كدا
Post: #18 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 11:25 AM Parent: #17
ابو القاسم غور
سلام وكل عام وانت بالف خير
وحياتك لو عارفك في الخرطوم بطلاق ابطل اكل العنكوليب والحقك مكان ما كنت
Post: #20 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: هويدا شرف الدين Date: 12-13-2009, 11:27 AM Parent: #18
والله لو أبا ما يفتح معاك واطتك أصبحت والرماد كال خشمك يا بياع يا معندك كلمه ولا زوق الفيك اتعرفت
Post: #19 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: محمد أحمد الخضر Date: 12-13-2009, 11:26 AM Parent: #7
الحمد لله على سلامة العودة ومشاهدة الأهل وأم العيال؟ والله يا مسنوح وحشتنا. على فكرة عماد الشبلي في البلد ويأل منك سؤال الضهبان.
Post: #21 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-13-2009, 11:28 AM Parent: #19
هيييييييييييييييع ود الخضر كسار قلم مكميك
والله خربتوا طبعنا بقينا نمشي عولنا وقلوبنا معاكم سااااااااى .
حباب ود الشبلي البلد نورت بالحيل - مسكنى دربو سريع المسنوح اب كاميرات .
Post: #22 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Abuelgassim Gor Date: 12-13-2009, 11:33 AM Parent: #19
Quote: وحياتك لو عارفك في الخرطوم بطلاق ابطل اكل العنكوليب والحقك مكان ما كنت
فى الغرب بنشكر الكول بنقول ليهو : ودميسر تاكلو بالايمن تشمو فى الايسر !!
يعنى حاجة مشتركة ..مثل الاتفاقية
ألعفووس تقوم بتعمل ليهو حبة دكوة وشطه ...وحاجات كده شنو شنو ..بيطاع سكلنص تضرب ألعفووس بالدكوة والشطة عينك تبقى حمرآآآآآ وعاد هاك يا ردحى !
Post: #23 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الصادق خليفة Date: 12-13-2009, 12:02 PM Parent: #22
شيخ العرب حمد الله على السلامة
العنكوليب مش هو دا الساق بتاع شجر العيش ؟
Post: #24 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: khaleel Date: 12-13-2009, 12:11 PM Parent: #23
حباب ود شيقوق
حبابو العزيز تيرابو
حباب نقر الشول الخاتي القول
كيف الاهل والحبان والسهول والوديان
Post: #25 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الزاكى عبد الحميد Date: 12-13-2009, 01:01 PM Parent: #24
شيقا الود الحلو.. كل سنة وانت طيب يا بتاع العنكوليب، برضو تقول لي من البندر!
الزاكي
Post: #26 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الزاكى عبد الحميد Date: 12-13-2009, 01:01 PM Parent: #24
شيقا الود الحلو.. كل سنة وانت طيب يا بتاع العنكوليب، برضو تقول لي من البندر!
الزاكي
Post: #27 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: محمد ابراهيم قرض Date: 12-13-2009, 01:40 PM Parent: #26
شيقوق .. ما كان تتصل ياخي عشان نشوفك ..
العنكوليب عرفناهو .. دحين ما ختوا ليك جرجير تحت السرير ؟؟!!!
Post: #28 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Osman Musa Date: 12-13-2009, 05:29 PM Parent: #27
العزيز ود شيقوق سلامات والحمد لله اللقيت اهلك طيبين . والحمد لله اللقيت السمحة سمحة وحالها زين . اها وخبر البترول الطلع شنو . انا عندى ولد أختى شغال توصيلات كهرباء فى بلادكم وقال لى البترول بحر . بعدين اعمل حسابك من العنكوليب بعمل ال DIABETES . يا الطيب قلت لى عمى زمان العنكوليب بعملك ال DIABETES وهو ما عارف الدايبيتز هو شنو . قام قال لى الدايبيتز حبابو عشرة . والله سلام شديد
Post: #29 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: عروة علي موسى Date: 12-13-2009, 06:09 PM Parent: #28
العم العزيز شيقوق عوداً حميداً العنكوليب خلك منو .. كيف أخبار بترولكم ،،، تقبل تحياتي عروة ،،،
Post: #30 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Ali Sirelkhatim Date: 12-13-2009, 07:42 PM Parent: #29
حبيبنا شيخ العرب ودشيقوق الف حمدلله على السلامة..
العنكوليب هيج فى ذكريات جميلة جدا جدا
دحين ياخوى وليدات الزمن ده باقى ليك بعرفوا العنكوليب والموليتة والحنبك التمر هندى والتبش و كعكول الصمغ؟
آآآآآآخ يا شيقا ياخ ذكرتنى زمنا كنا نلعب فيه بى كورة الشراب ولما اتطوّرنا شوية جمعنا اشتراكات مع اولاد الحلة واشترينا كفر اب بوز تنفخ الانبوبة وتحشيها جواهه وعنده رباط زى الجزمة والمادافع اشتراك مايلعب والكفر كان بى طرّادة.
مرة اخرى الف حمدلله على السلامة يا الطيب
لكم ودى المقيم
Post: #31 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الفاتح ميرغني Date: 12-14-2009, 00:34 AM Parent: #30
حمد لله على السلامة وإن شاء الله الجيت منهم كلهم طيبين
Post: #32 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: سيف الدولة كامل Date: 12-14-2009, 02:23 AM Parent: #31
المسنوح ,,شيقا ,,رفارف قلبي ,حمدا لله علي السلامة, مشتاقييييييييييييييين,
اها ما جبت لينا معاك حاجة,, بخرات ان شاء الله نتحرزبيها من العين.
والله فرحنا بي عودة الحبيب الغالي’’ معزتييييييييييييييييييييييييييييي
Post: #33 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: سيف عبد العزيز Date: 12-14-2009, 03:20 AM Parent: #32
الأخ الغالى/الطيب شيقوق
وفى الليلة الظلماء يفتقد البدر
والله بنسالك عنك سؤال الضهبان الف الف الف حمد لله على السلامة والمنبر والسطنة منورة بيك وانشاء تكون لقيت الاهل على خير
وبعدين أكسر لى فص عنكوليبة معاك....
Post: #34 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:28 AM Parent: #33
هويدا المسنوح ومقطوعة الطاري
Quote: والله لو أبا ما يفتح معاك واطتك أصبحت والرماد كال خشمك يا بياع يا معندك كلمه ولا زوق الفيك اتعرفت
وحاة الله عشان السمحة ام ولدى مش ابيعك اشوتك ضفاري كمان ومحل رهيفة تنقد
اخخخخ ان شاء الله السمحة ام ولدى تقرا نهرتي ليك دى عشان تنقي لي قنطار عنكوليب عديل كدا
عارفك فاهمة وعارفة العنكوليب بعبوهو بالكيلة
Post: #35 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:35 AM Parent: #34
يمكن اخضر قاعد او المشروم - اقول ليك حاجة لقيت ليك المشروم دا اغلى حاجة في الخليج - كدى راخي ليك اضاني وريني سرو شنو
Quote: فى الغرب بنشكر الكول بنقول ليهو : ودميسر تاكلو بالايمن تشمو فى الايسر !!
عرفتو ليك بكون فسيخ الخواجات ولا كيف ؟
Quote: ألعفووس تقوم بتعمل ليهو حبة دكوة وشطه ...وحاجات كده شنو شنو ..بيطاع سكلنص تضرب ألعفووس بالدكوة والشطة عينك تبقى حمرآآآآآ وعاد هاك يا ردحى !
Ya3ani the latest version of the so called MAZA
Ligitni keik?
Post: #36 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: هشام المجمر Date: 12-14-2009, 05:39 AM Parent: #34
مولانا شيقوق
تحياتى
اجازة سعيدة وعودة حميدة
بس ما تكتر من العنكوليب
قال عنكوليب قال
Post: #37 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:41 AM Parent: #34
الصادق ود ابوى الخليفة
سلام
Quote: العنكوليب مش هو دا الساق بتاع شجر العيش ؟
ايوا يطول عمرك - عرفتك من سكان الخرطوم 2 ديل اصلهم ناس عرافيييييييييييين بالحيل
وكمان اكتر ناس مهنية في علم الجكيس والشواكيش
Post: #38 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:44 AM Parent: #37
خليل صندلنا
صباحك الشوق ليك بحور
Quote: حبابو العزيز تيرابو
حباب نقر الشول الخاتي القول
كيف الاهل والحبان والسهول والوديان
خصمتك بالرسول تنزل لي اغنية مرية لصلاح احمد ابراهيم خليها تقوقي مع فتحة البوست
Post: #39 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:46 AM Parent: #38
زيكووووووووو الحلو
مشتاقون ( لقيتني كيف؟)
Quote: كل سنة وانت طيب يا بتاع العنكوليب، برضو تقول لي من البندر!
انقر العنكوليب شنو؟
Post: #41 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:48 AM Parent: #39
دكتور قرض
كيفك ؟ خبرك قالوا لقيت ليك فرع اكسير في السودان - اديني منو ورتابة
بتعرف الورتابة؟
Quote: العنكوليب عرفناهو .. دحين ما ختوا ليك جرجير تحت السرير ؟؟!!!
لا ختوا لي بول الضب العزب
Post: #72 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الصادق خليفة Date: 12-14-2009, 11:43 AM Parent: #37
شيخ العرب
Quote: ايوا يطول عمرك - عرفتك من سكان الخرطوم 2 ديل اصلهم ناس عرافيييييييييييين بالحيل
وكمان اكتر ناس مهنية في علم الجكيس والشواكيش
ههههههه شفت أخوك عراف كيف
قلت لي مهنية في علم الجكس و الشواكيش دي بالغت فيها ههههه
انت بتعرف الزرع لمن يكون سوسيو و صقار و لينه وفريك
Post: #40 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: هاشم أحمد خلف الله Date: 12-14-2009, 05:48 AM Parent: #1
شيقا الحبيب وربي مشتاق ليك وإتصلت عليك كذا مرة وجوالك مسكر اتاريك متجدع في الهبايب والاهل والحبان يا حظك ياخ بس كان تعمل لينا مس كول عشان نكلمك في السودان حمداً لله على سلامتك يا حبيب ؟
Post: #42 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:54 AM Parent: #40
عثمان ود موسي الحنيّن كيفك
Quote: اها وخبر البترول الطلع شنو .
وحاتك الناس ديل جو حفروا زيييييين وسددوا الحفرة بالشمع الاحمر وورونا عرض اكتافهم
الموضوع اسرار لم تكشف بعد
الناس ما فرتقوا كلهم خلوا ليهم ناس حابسين الحفرة زى تلنغ الحابس الرمة
Quote: انا عندى ولد أختى شغال توصيلات كهرباء فى بلادكم وقال لى البترول بحر .
قول ليهو في كفة ولا الف طائرة - احسن ليك تمشي تنكت في وطاط دهبكم ديك
Quote: بعدين اعمل حسابك من العنكوليب بعمل ال DIABETES . يا الطيب قلت لى عمى زمان العنكوليب بعملك ال DIABETES وهو ما عارف الدايبيتز هو شنو . قام قال لى الدايبيتز حبابو عشرة .
امانة ما اكلناهو ليل ونهار ما سوى التكتحة يا عثمان اخوى - كان يزيد مروتك ويخليك تهنق زى ال ....
Post: #43 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 05:57 AM Parent: #42
الابن عروة ود الناس اللذاذ وعزاز
كيفك انت
Quote: العم العزيز شيقوق عوداً حميداً العنكوليب خلك منو .. كيف أخبار بترولكم ،،،
بحور تحت الواطة الناس ديل مسانيح نامن غلط - حفروا ودمدموا الحفرة وحبسوها
Post: #44 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:08 AM Parent: #43
الزعيم على ود سر الختم
كيفك وكيف عولك؟
Quote: العنكوليب هيج فى ذكريات جميلة جدا جدا
ات براك يا اخي انا خلاني اجن وازيد في الجن عديل كدا
يا حليل ايام زمان - تلقى العيش معيش والبلاد زى الغابة يقولوا ليك ديك العنكوليبة ما تقدر تصلها الناس الكرام زمان بزرعوهو في شوارع السدرة للضهاري عشان يفك الريق للسدار - والناس الفناجر بسوهوهو ارصفة تلقاهو صف زى عيدان الكهرباء من بعيد
Quote: دحين ياخوى وليدات الزمن ده باقى ليك بعرفوا العنكوليب والموليتة والحنبك التمر هندى والتبش و كعكول الصمغ؟
Quote: آآآآآآخ يا شيقا ياخ ذكرتنى زمنا كنا نلعب فيه بى كورة الشراب ولما اتطوّرنا شوية جمعنا اشتراكات مع اولاد الحلة واشترينا كفر اب بوز تنفخ الانبوبة وتحشيها جواهه وعنده رباط زى الجزمة والمادافع اشتراك مايلعب والكفر كان بى طرّادة.
اخوك زمان درع ليك الرباط دا في كراعو واتلهم القون القيامة قايمة وراهو نامن توووووووش دخلنا الاتنين والقون كان مبين بلدايتين
تعرف اللّداية؟
Post: #45 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:11 AM Parent: #44
الفاتح ميرغني
يا اخي كل عام وانت بخير
مالك الليلة مسكين كدا اوع .........
Post: #47 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:16 AM Parent: #45
ود الكامل سمح الرجال
كيفك يا حبيب الشوق ليك حزم عنكوليب
Quote: المسنوح ,,شيقا ,,رفارف قلبي ,حمدا لله علي السلامة, مشتاقييييييييييييييين,
اها ما جبت لينا معاك حاجة,, بخرات ان شاء الله نتحرزبيها من العين.
والله فرحنا بي عودة الحبيب الغالي’’ معزتييييييييييييييييييييييييييييي
تتحرز من العين انت !!! يا مسنوح ؟
ضحكتني يا سجم الرماد
وين بت الهناء طمئنا على صحتها المسنوحة .
Post: #46 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: محمد الأمين موسى Date: 12-14-2009, 06:12 AM Parent: #42
Quote: تنقي لي في العنكوليب وانا آكل
الفاضل ود شيقوق الحمد لله على السلامة... واسمح لي أهنيك على الشجاعة والاعتراف بأن سنيناتك لحقت أمات طه!!! يلا يا خوي على بوست الشفافية...هناك ديون متلتلة في انتظارك!
Post: #48 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:18 AM Parent: #46
الاستاذ سيف ع العزيز
Quote: والله بنسالك عنك سؤال الضهبان الف الف الف حمد لله على السلامة والمنبر والسطنة منورة بيك وانشاء تكون لقيت الاهل على خير
وبعدين أكسر لى فص عنكوليبة معاك....
الله يخليك ووالله الواحد مع اهله وقلبو بجاى معاكم
الله يجازي محنك يا بكري ابو بكر خربت طبعنا وبقينا ما عارفين نحن وين ونقبل وين
Post: #49 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:21 AM Parent: #48
هشام المجمر
المسنوح مالك كاتلنا بالشوق ليك سمعت من البورداب ولا جابوا ليك؟
Quote: بس ما تكتر من العنكوليب
قال عنكوليب قال
جيت لسناحتك تاااااااااااني الله يجازيك
Post: #51 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:28 AM Parent: #48
الاستاذ هاشم اب احمد
يا اخي الشوق ليك عنكلب ( دى جمع عنكوليب عند اهلنا العرب) يعني عشان تقراها صاح يا ود الصحافة بتكون كدا anaklub
عشان لما تمر بشارع 61 وتلقى عولنا فارشين العنكلب 3anaklub ما تغلط تقول ليهم هات عناكليب
Quote: شيقا الحبيب وربي مشتاق ليك وإتصلت عليك كذا مرة وجوالك مسكر اتاريك متجدع في الهبايب والاهل والحبان يا حظك ياخ بس كان تعمل لينا مس كول عشان نكلمك في السودان حمداً لله على سلامتك يا حبيب ؟
وحياتك يا غالي الاجازة كانت ضيقة شديد والعول متحوشني يمين وشمال انا قلت عايزين ينزلوني في الانتخابات لكن لقيت ليك الشي عوج ومجاعة سااااااى .
بس الجايات اكتر من الرايحات والسترة والفضيحة متباريات وامسحها لي في وشي ومحل رهيفة تنقد .
Post: #50 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: BitAlhana Date: 12-14-2009, 06:22 AM Parent: #46
شيقوق العزيز
حمد الله على السلامه .. انشاء الله الاهل كلهم بي خير
و انا افتش فيك قلت الزول ده مشى وين؟؟
اتاريك في السودان؟؟؟ بختك و الله
أها بي الجمبه كدي ...
عنكوليب ده شنو كمان؟؟؟
ترجم لو سمحت ... معانا أجانب
غايتو سودانيز اون لاين دي اتاريها طلعت دايفرستي
Post: #52 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:33 AM Parent: #50
الاستاذ محمد الامين موسى
كيفك وكل سنة وعولك طيبين
شايفك قبل ايام متجدع في الفضائيات - اخوك فرح بالحيل وشعر راسي قام كلو من الاحساس بالاعتزاز
Quote: واسمح لي أهنيك على الشجاعة والاعتراف بأن سنيناتك لحقت أمات طه!!! يلا يا خوي على بوست الشفافية...هناك ديون متلتلة في انتظارك!
الواحد يقولوا ليهو تور يقول يحلبوهو ويقولوا ليهو .... يقول .... كم
لكن اللغف البلا حساب دا معاهو شفافية يا غالي
Post: #53 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب رحمه قريمان Date: 12-14-2009, 06:39 AM Parent: #52
سعادة المستشار
صباح الخير
Quote: تحياتي يا اخي يا عسل
جاييك بس ابعد منى الطيب قريمان دا اكان تاوق بهنا بشغلني من الكتابة
قريمان العطشان
كيفك انت وحاتك خوتك ما بتساوي قرفة بصلة الشي ما بتسال من اخيك غائب منكم عشرين يوم
تسوى جنس كلامك ده يا المسنوح
انط هسى و أجيك فى السلطنة
Post: #57 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Yousif A Abusinina Date: 12-14-2009, 07:07 AM Parent: #53
اخونا شيقوق
حمدا لله على سلامتك وانشاء الله العقب خليتم كويسين
قلتى شغل نظيف تاكل فى العنكوليب الحرمة تنقى وانت تاكل ( والله دى فيها كلام كثير بقولك ليك براك ) لكن وين سنونك مركب طقم انت
العيش كلة السنة دى طلع عنكوليب المشروع كلة يبيعوه واقف للبهائم تركتوا العيش وركزتوا على العنكوليب الناس بقت عندكم ناقصة سكريات وسوائل .
كان فيك خير كان رسلتنا معاك ربطة عنكوليب لاهلك ناس السعودية بس على قول اخونا المحرب شكلك بقيت تقوم بالعكوليب
اخونا ابوبكر البركة الوصلت بالسلامة كيف العقب ان شاء كلهم كويسين
السنة الجاية نعمل حسابنا نزل معاكم فى موسم العنكوليب
Post: #54 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:45 AM Parent: #52
الليييييييييييلة بت الهناء المسنوحة جاتنا
تكفيني رسالة من حروفك تكشف عن شمس تزيح اشعتها دياجير الوهم من ذلك المرض اللئيم
ما عليك الا تمشي قوقل وتخمشي التفسير اعلاه بس don`t quote me please
Quote: غايتو سودانيز اون لاين دي اتاريها طلعت دايفرستي
No cyclopedia يا الحبيبة
Post: #55 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:48 AM Parent: #54
قريمان ود القيقر
Quote: تسوى جنس كلامك ده يا المسنوح
انط هسى و أجيك فى السلطنة
والله تجي نشبعك تبش وعنكوليب وموليتة وعتي وكمان نشممك الريحان
هييييييييييييييع كع
Post: #56 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 06:50 AM Parent: #54
قريمان ود القيقر
Quote: تسوى جنس كلامك ده يا المسنوح
انط هسى و أجيك فى السلطنة
يا ريييييييت تجي - وحياتك نشبعك في التبش والعنكوليب والبقنية الساقطة
Post: #60 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 07:56 AM Parent: #56
الاخ ابو سنينة
Quote: قلتى شغل نظيف تاكل فى العنكوليب الحرمة تنقى وانت تاكل ( والله دى فيها كلام كثير بقولك ليك براك ) لكن وين سنونك مركب طقم انت
بطل الحسادة يا مسنوح
Quote: العيش كلة السنة دى طلع عنكوليب المشروع كلة يبيعوه واقف للبهائم تركتوا العيش وركزتوا على العنكوليب الناس بقت عندكم ناقصة سكريات وسوائل .
والله يا يوسف اخوى انت فعلا متابع الاوضاع كويس والصورة الختيتها دى هي الواقع الحقيقي الذي يعيشه مزارعونا ورعاتنا اليوم . العيش حرّق وهو لتيب وبقى علف للبهائم وكمان علف بدون فائدة غذائية للحيوان . الناس عشمها الوحيد تتجاوز الشهور دى ويتلافاهم خريف مبكر وزى ما قال لي واحد ( نحن خايفين السنة الشينة دى تردف لينا)
Quote: كان فيك خير كان رسلتنا معاك ربطة عنكوليب لاهلك ناس السعودية بس على قول اخونا المحرب شكلك بقيت تقوم بالعكوليب
هو عنكوليب ولا قورو يا مسنوح ؟
Post: #58 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Hala Hassan Date: 12-14-2009, 07:20 AM Parent: #52
سلام الطيب شيقوق،، حمدلله على سلامة العودة لمقر الإقامة،،
سمعنا عن إجازتك الميمونة، و أنتظرنا طلتك البهية،،
لكن الظاهر أكتفيت بالعنكوليب المرة دى،،،
هنيئا لك،،،
سلامنا الحار للسمحة أم ولدك و لجميع الاسرة الكريمة،،،
Post: #59 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Abdlaziz Eisa Date: 12-14-2009, 07:46 AM Parent: #58
سلامات
عفو.. جاكم بلا.. جاكم نعم
كت فاكرك ماشي تشارك الناس في مسيرة الإثنين وتجدع الكيزان بالحجار!! أتاريك مشيت تجدع بالموية!!
حمدا لله على السلامة يا مسنوح..
Post: #61 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 08:06 AM Parent: #59
م / هااااااالة
كيفك يا هندسة
Quote: سمعنا عن إجازتك الميمونة، و أنتظرنا طلتك البهية،،
لكن الظاهر أكتفيت بالعنكوليب المرة دى،،،
هنيئا لك،،،
والله يا هالة لكم تمنيت مشاركتكم الرحلة غير ان ضيق الوقت ومقتضيات القسمة العادلة للسلطة والثروة قد حالت دون ذلك .
Quote: سلامنا الحار للسمحة أم ولدك و لجميع الاسرة الكريمة،،،
التحايا عبري منها اليك يا راقية
Post: #62 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: فيصل محمد خليل Date: 12-14-2009, 08:10 AM Parent: #61
كتب شيقا
Quote: الان الجو ممطر بمدينة مسقط واغلب مدن السلطنة
ونحن دخلنا شنو ?
عنكوليب في عينك
جاي مسيّح رُكَب
طبعاً اول يوم طلعت بالسلم و نزلت مزحلق على الدرابزين
اللهم لا تاُخذونا بما فعل المسنحوين منا
الشوق حنفية غليدة مسكورة
Post: #63 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 08:15 AM Parent: #62
عزو
شن جابك يا مسنوح بعد رفعنا الفراش طب
Quote: كت فاكرك ماشي تشارك الناس في مسيرة الإثنين وتجدع الكيزان بالحجار!! أتاريك مشيت تجدع بالموية!!
Post: #64 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 08:19 AM Parent: #63
Quote: عنكوليب في عينك
ويشك حنكك يا بلبل
Quote: جاي مسيّح رُكَب
لا لاطش بوبينا
Quote: اللهم لا تاُخذونا بما فعل المسنحوين منا
اللهم ان كان محسنافزد في إحسانه وإن كان مسيئا غطسوا في نار جهنم .
Quote: الشوق حنفية غليدة مسكورة
ومنى حزمة عنكوليب
Post: #66 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Abdlaziz Eisa Date: 12-14-2009, 09:09 AM Parent: #64
Quote: شن جابك يا مسنوح بعد رفعنا الفراش طب
المسنوح
حبابك وانت جاي تجرجر... الركب الركب.. قال آل... ياريتو لو يحرك شئ.. كان بودي أن أرسل لك شئ ماليزي إسمه تونكات علي (Tungkat Ali) بالعربي كدا اسمه(عصاة علي) ويا قوقل جاك بلاء
Post: #67 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: فيصل محمد خليل Date: 12-14-2009, 09:35 AM Parent: #66
يا ود ايسا الفنان
وينك ما باين في سوق ام دفسو دا
Post: #68 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-14-2009, 10:02 AM Parent: #67
فيسل
اليوتيوب ما بفتح في المكتب - اوع رميت ليك بلاوى
عزوووو
Quote: كان بودي أن أرسل لك شئ ماليزي إسمه تونكات علي (Tungkat Ali) بالعربي كدا اسمه(عصاة علي) ويا قوقل جاك بلاء
Post: #69 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: محمد عثمان محمود Date: 12-14-2009, 10:17 AM Parent: #68
الناس في شنو والحسانية في شنو يا شيقوق
Post: #70 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: محمد الأمين موسى Date: 12-14-2009, 10:36 AM Parent: #68
مررنا بعيد العيد على مسقط الجمال والجبال...وافتقدناكم... عندما مررت بجوار سوق مسقط للأوراق المالية تذكرت قول الشاعر: قفا نجري!... (من ذكرى ديون دبي العالمية!!)
إحدى الصور التي التقطتها عصر الخميس الموافق 3 ديسمبر 2009
Post: #71 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: عبدالرحمن الحلاوي Date: 12-14-2009, 10:51 AM Parent: #70
Post: #73 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Ahmed al Qurashi Date: 12-14-2009, 12:44 PM Parent: #71
شيقوق الف حمد لله على السلامة
المنبر نور بعودتك
ومبروك الكمبيوتر الجديد
قالوا اشتريتوا من السوق الحرة البحرين
بس ما تعصر عليهو كتير
Post: #74 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: سمية الحسن طلحة Date: 12-14-2009, 03:42 PM Parent: #73
Quote: الان الجو ممطر بمدينة مسقط واغلب مدن السلطنة
كراعك مبلولة حمد الله على السلامة
Post: #75 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-15-2009, 07:31 AM Parent: #74
محمد عثمان
يا اخلا كل عام وانت والاولاد بالف خير
Quote: الناس في شنو الحسانية في شنو
والعنكوليب مالو يا سعادتك؟
محمد الامين موسى
Quote: مررنا بعيد العيد على مسقط الجمال والجبال...وافتقدناكم... عندما مررت بجوار سوق مسقط للأوراق المالية تذكرت قول الشاعر: قفا نجري!... (من ذكرى ديون دبي العالمية!!)
ضحكتني يا اخي بس بجدك جيت السلطنة ؟ والله لو عملت كدا وما خبرت بورداب مسقط تكون اتلومت بالحيل يا ود اللمين .
ود القرشي
طلتك جميلة على البوست وبالتاكيد رفعت مؤشر المتابعة والاهتمام به
الاخ ود الحلاوي
ات ما بجيبك الا العنكوليب؟
بت طلحة
حباب بت العز بالحيل ما بتقصري وزارتنا البركة والله .
Post: #76 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: عزام حسن فرح Date: 12-15-2009, 10:25 AM Parent: #75
ود شيقوق ... جيتًا جيت ... كيف يا حبيب
Quote: تنقي لي في العنكوليب وانا آكل سااااااا
وِكْتين رب الخُلوق فتح خِزَنو ... ومِن السما إنْطَبقْ وإنْبهل مِزَنو ... العُنْكوليب تطير عيشتو ووِزَنو ... السودان كريم فوق جِبالو وحِزَنو ...
Post: #77 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-15-2009, 11:44 AM Parent: #76
عزام ود الحسن
كيفك وكيف عولك كلهم
Quote: العُنْكوليب تطير عيشتو ووِزَنو ...
يخسي الغربه كم ذلت التلب عزّام خلت ليلو ليلين والشهر أعوام ظروف الناس بتجبر والقدر حكّام كتير أوضاع مريره بتفرضها الأقسام
إيه معنى الندم مابفيدنا لو نتحسر والمكتوم كتير يا عزمي ما بتفسر ده قرار قدر بعض الأمور تتعسر عادل ولا ظالم بمشي ما بتكسر
هييييييييييييع
Post: #78 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: طارق جبريل Date: 12-15-2009, 11:53 AM Parent: #77
مقطوع الطاري انت لليلي مباري العنكوليب الناس تاكل في الآيسكريم والذي منه تقولي عنكوليب
Post: #79 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: أحمد طراوه Date: 12-15-2009, 01:44 PM Parent: #78
سلام بواسل الدندر سلام اهل الديمقراطية النضيفة، و البرلمان الجد ، و الدائرة المقفولة سلام اهل النمة
.. امبارح (شيقا) و قصبة مدالق السيل في ونسة وضحك (و عنكوليب) لامن قسموا الليل
المجد و الحرية لكريمات بلادي : ارفعوا ايديكم عن نهلة بشير، و مريم الصادق، و هنادي الفضل، و هالة عبد الحليم .. و كل حفيدات مهيرة و فاطمة احمد
Post: #80 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-15-2009, 05:41 PM Parent: #79
طارق ود جبريل
شكيتك على الله شن جابك بلد العنكلب خليك هناك مع الايسكريمات
Quote: سلام بواسل الدندر سلام اهل الديمقراطية النضيفة، و البرلمان الجد ، و الدائرة المقفولة سلام اهل النمة
حباب العشاء اب لبن والمجد لمناضلات بلادي ودائرتنا مقفولة بالحيل قادل فيها منصور ود العجب اسد اليويا النتر .
ودى
Post: #81 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Osman Musa Date: 12-15-2009, 06:12 PM Parent: #80
عاين يا شيقوق ما شميت خبر عن البترول ؟ انا سامع كلام تحت تحت . عن رحول وما رحول . على كل حال يا صاحبى شوف ليك حوش كبير . اسمع شمال البطانة كيف ؟ تحياتى
Post: #82 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: طارق ميرغني Date: 12-15-2009, 09:32 PM Parent: #81
وينك يا الطيب وحمد الله علي السلامه
جيناك لحدت باب بيتك وشخبطنا ليك في الحيطه حضرنا ولم نجدك
نحن وكل الحلوين .....
ما لقيتا
Post: #83 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Ali Sirelkhatim Date: 12-15-2009, 11:38 PM Parent: #82
Quote: تعرف اللّداية؟
.
البوتجاز يا شيقا جهجه اللدايات جهجه شديدة خلالالالالالالالالاس احالن للصالح العام عديل كده..
Post: #84 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-16-2009, 05:30 AM Parent: #83
عثمان ود موسى
كيفك يا عشاى
Quote: ما شميت خبر عن البترول ؟ انا سامع كلام تحت تحت . عن رحول وما رحول . على كل حال يا صاحبى شوف ليك حوش كبير . اسمع شمال البطانة كيف ؟
الناس ديل بطونهم غريييييييييييقة حفروا لعمق 3 الف قدم وبراااااااااااااحة دمدموا ليك الحفرة واخدوا بعضهم وما ورونا الجوة ضكر ولا انتاية .
Post: #85 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-16-2009, 05:32 AM Parent: #84
الاستاذ المحترم طارق ميرغنى
حبابك حبابك
Quote: جيناك لحدت باب بيتك وشخبطنا ليك في الحيطه حضرنا ولم نجدك
نحن وكل الحلوين .....
ات بتهظر ولا جادي ؟
Post: #86 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-16-2009, 05:35 AM
علوب سر الختم
Quote: البوتجاز يا شيقا جهجه اللدايات جهجه شديدة خلالالالالالالالالاس احالن للصالح العام عديل كده..
عشان كدا طولت ما شميت لي قنانة يا على اخوى الله ينعل الجاب العولمة
Post: #87 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: حسن طه محمد Date: 12-16-2009, 06:06 AM Parent: #86
شيقــــــــــــــــــــــــــــــــــــــــــــا
الف حمدا لله علي السلامة
وان شاء الله خليت الجماعة كوووووووووووووولهم سالمين وطيبين
أها
ما قلنا ترجع عن طريق الدوحة ان شاء الله في المطار
انت عارف الحكي الاسفيري دا ما بينفع معاي
وفي كلام ما بتحكي هنا
رتبت ليك اوضة في البيت وملايات جديدة وبطانية اسبانية ومخدتين وبشكير وشامبو وفرشة اسنان ومعجون اسنان وشبشب وكمان فتيل ريحة من النوع الملكي البريطاني
وساعلن عن جيتكم في كل صحف الدوحة ( اصلو عندي اصحاب كتار من المحررين )
نقعد برانا في الاوضة وانت تحكي وانا اسمع
وما تنسي تجيب معاك عونكوليبي ( كمية اوع تغشني وتقول لي وزعت منو كتير )
لمن تجي بحكي ليك كيف كان عيدنا
وين اخونا الحبيب ود الخليل ؟
وكل عام وانتم بخير ،،،،
Post: #88 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-16-2009, 10:38 AM Parent: #87
الخال حسن طه
كيييييييييييييفك وكل عام وانت وعولك بالف خير
Quote: ما قلنا ترجع عن طريق الدوحة ان شاء الله في المطار
انت عارف الحكي الاسفيري دا ما بينفع معاي
وفي كلام ما بتحكي هنا
يا زول لقيت لي حاجة حلوة في المطار طبقتها وجيت بيها مطار السيب الدولي مباشرة - يعني بعتكم بعتكم انا ناوي العرس وبفتش في الحسناوات تقول لي الدوحة يا عمو .
Quote: رتبت ليك اوضة في البيت وملايات جديدة وبطانية اسبانية ومخدتين وبشكير وشامبو وفرشة اسنان ومعجون اسنان وشبشب وكمان فتيل ريحة من النوع الملكي البريطاني
هيييييييييع عافي منك دنيا واخرة بس اهم حاجة سبت الذبالة ما تنساهو لازم يكون جنب كراع الهباب
Quote: نقعد برانا في الاوضة وانت تحكي وانا اسمع
بقوم بقطع ليك في ضحية وبملاك ذنوب ساى يا خال
Post: #89 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: طارق ميرغني Date: 12-16-2009, 08:31 PM Parent: #88
Quote: رتبت ليك اوضة في البيت وملايات جديدة وبطانية اسبانية ومخدتين وبشكير وشامبو وفرشة اسنان ومعجون اسنان وشبشب وكمان فتيل ريحة من النوع الملكي البريطاني
بس....!!!!! يا عمي حسن
Post: #90 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-16-2009, 09:01 PM Parent: #89
Quote: بس يا عمو حسن
عمو طارق انت لعيييييييييييييب - قريت الرياضة وين؟
Post: #91 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-18-2009, 03:39 PM Parent: #90
العنكوليب - هو قصب السكر
Post: #92 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: عبد الرحيم حسب الرسول Date: 12-18-2009, 05:15 PM Parent: #91
Quote: فقد كنت في السودان مع السمحة ام ولدى تنقي لي في العنكوليب وانا آكل
الطيب أخوي
أيتهن
الأولى أم الثانية أم الثالثة؟
Post: #93 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: خالد علي محجوب المنسي Date: 12-18-2009, 06:04 PM Parent: #92
مسنـــــــــــــــــــوح وسجمان إن شاء الله العنكوليب يكون رمى ليك سنين وتصبح هرم
تاني ناس ... ما يعاينو ليك عجيز وسنونو مهرم
Post: #94 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: AnwarKing Date: 12-18-2009, 06:14 PM Parent: #93
حمد لله على السلامة يا مولانا...
أها إن شاء الله لاقيت الأهل هناك؟
Post: #95 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: طارق ميرغني Date: 12-18-2009, 11:02 PM Parent: #94
Post: #96 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-19-2009, 08:25 AM Parent: #92
الاخ عبد الرحيم حسب الرسول
Quote: أيتهن
الأولى أم الثانية أم الثالثة؟
كتار بس الوالدة واحدة بس
المنسي يا سجم الرماد
ات المجرية بتنقي ليك ولا بتكسر ليك الط.....
Post: #97 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-19-2009, 09:13 AM Parent: #96
الاستاذ انو كنج
كيفك يا شيخ العرب وكيف المدام والاولاد
والله مشيت البلد وشكلو ما بتقابل مجاعة للناس واسياد الرزق هلعون من خوف نفوق ابقارهم
الاخ الاستاذ طارق
وحاة الله بعضى في اصبعي لهسع من الحسرة لعدم الالتقاء بكم
اتمنى ان تتكرر الزيارة لننعم بمشاهدتكم
التحية عبركم للاخ لؤي شمت
Post: #98 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: سيف الدولة كامل Date: 12-20-2009, 03:37 AM Parent: #97
اها يا المسنوح بعد ما اكلت العنكوليب ما قعدت تفليك ؟
Post: #99 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-20-2009, 05:26 AM Parent: #98
Quote: اها يا المسنوح بعد ما اكلت العنكوليب ما قعدت تفليك ؟
والله انت واقع من السماء مليون مرة تفلي فيني وبس؟
Post: #100 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: سلمى الشيخ سلامة Date: 12-20-2009, 07:17 AM Parent: #99
الحبيب الصديق الطيب الطيب بركة الجيت يا السمح وبركة الاكلت العنكوليب ينفعك وتسلم يا ابو عبد الله ما تغيب تانى
Post: #101 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: حسن طه محمد Date: 12-20-2009, 07:52 AM Parent: #100
اليكم السيرة الذاتية لعمو طارق في ممارسة الرياضة :
الشراب وكورة اللستك في حلة الدناقلةحتي بحري الثانوية
كورة الكفر السودانية في الرويال خلال المرحلة الجامعية ( واحيانا كان بيلعب مع ود موسي في ملعب الحلوة واذا الميدان مليان بيمشو علي ملعب الكدوس ).
ثم الماجستير في الرياض ( ملعب محلي )
وانتهي بالدكتوراة في عمان (السلطنة) بكورة الفيفا( يبدو ملعب اقرب للدولي - انت ادري )!!
للعلم : في عام 1938 كان بيزور حلة كوكو ... فيها ملعب دولي ( من معلومات ود موسي )
عشان كدا يا شيقا لازم تسعو لتسجيله
لاعب اسطورة ولا ميسي الارجنتيني.
Post: #102 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-20-2009, 02:53 PM Parent: #100
سلمى بت الشيخ
حبابك عشرة يا ست الناس وعقبال ليك
تحياتي عبرك للابنة العروسة الجميلة عزة وزوجها ربنا يسعدهما ويبارك في عشرتهما وينعم عليهم بالذرية الصالحة
Post: #103 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-20-2009, 02:59 PM Parent: #102
الخال ود البوب
Quote: اليكم السيرة الذاتية لعمو طارق في ممارسة الرياضة :
الشراب وكورة اللستك في حلة الدناقلةحتي بحري الثانوية
كورة الكفر السودانية في الرويال خلال المرحلة الجامعية ( واحيانا كان بيلعب مع ود موسي في ملعب الحلوة واذا الميدان مليان بيمشو علي ملعب الكدوس ).
ثم الماجستير في الرياض ( ملعب محلي )
وانتهي بالدكتوراة في عمان (السلطنة) بكورة الفيفا( يبدو ملعب اقرب للدولي - انت ادري )!!
للعلم : في عام 1938 كان بيزور حلة كوكو ... فيها ملعب دولي ( من معلومات ود موسي )
عشان كدا يا شيقا لازم تسعو لتسجيله
لاعب اسطورة ولا ميسي الارجنتيني.
يعني من التلوب ( جمع تلب - وتعني الرجل الكلس) البدلّوا الراية ولا شنو؟
هييييييييييييع
Post: #104 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: Omayma Alfargony Date: 12-20-2009, 03:49 PM Parent: #103
ود اهلي شيخ العرب..
جيدا جيت.
ومبروكة وسعيدة بيك وعليك السمحة الملكة ام ولدك. ان شاء دايما بيناتكم المحبة والود والعنكوبييب بردو.:).
لكم تحياتي وودي.
Post: #105 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: طارق ميرغني Date: 12-20-2009, 06:40 PM Parent: #104
ان شاء الله الاجازه الجايه يا ود شيقوق
نتلمي مع اخينا حسن طه عشان نوريك كيف نحن بننقي العنكوليب
قبل ما تقع السنون
Post: #106 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-20-2009, 06:51 PM Parent: #105
اميمة بت اخوى الفرجوني
حبابك حبابك يا بت القبائل وين اراضيك منك طوولة
Quote: ومبروكة وسعيدة بيك وعليك السمحة الملكة ام ولدك. ان شاء دايما بيناتكم المحبة والود والعنكوبييب بردو.:).
Post: #107 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: الطيب شيقوق Date: 12-20-2009, 08:28 PM Parent: #106
استاذنا طارق
Quote: نتلمي مع اخينا حسن طه عشان نوريك كيف نحن بننقي العنكوليب
قبل ما تقع السنون
اخونا ( من الاسماء الخمسة طبعا) حسن طه ما عليهو تكل في الجانب دا لان اصوله تعود للرطانة واللغة العربية الجابت السنين عندى و ( السنون عندك) ما ناقشها اصلا . المهم خليهو يمرح ساى ومحل رهيفة تنقد\
ما تزعل يا خال عارفك هدي ورضي بالحيل
Post: #108 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: ضحيه ابراهيم Date: 12-20-2009, 08:45 PM Parent: #107
عنكوليب شنو يالمسنوح؟ انت دحين ماوعدتنا تغشانا هنا وتدينا من خيراتك دى انشاء الله فول مركب ولا عودين (الات طلح) تخلينا لى ود البوب العيد كلو مقضيهو المغير اخوى جاء من الدمام وصاحبى الدكتور الفلانى جاء من الرياض ؟ وكذلك كمال سالم وعادل اخوه دسوا اخوهم الجا من جده وماشفناه لمن رجع؟
Post: #109 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: ضحيه ابراهيم Date: 12-26-2009, 06:34 AM Parent: #108
عملت نايم؟ انشاء الله ماينفعك
Post: #110 Title: Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا Author: حسن طه محمد Date: 12-26-2009, 07:47 AM Parent: #109
