Post: #1
Title: بوح
Author: عثمان البشرى
Date: 12-13-2009, 00:38 AM
Parent: #0
الي عمراحمد كما ينبغى
يا بت مساء البوح
صبح الشتا المجروح
خلانى فينى اروح
ماتكترى الجفوة
خلى الحرابة تفوح
فى الغفوة والصحوة
اصلوالعمرممنوح
ومن حقناالفحوى
فيمايخص الروح
قبال شويتين بس
دخلت على سيرتك
كان لابساليهادعاش
صابغاهوحنيتك
يامنتهى الانعاش
مهمااعترانى طشاش
تبيض علي ننيتك
|
Post: #2
Title: Re: بوح
Author: مطر قادم
Date: 12-13-2009, 00:52 AM
Parent: #1
بوح
الي عمراحمد كما ينبغى
يا بت مساء البوح
صبح الشتا المجروح
خلانى فينى اروح
ماتكترى الجفوة
خلى الحرابة تفوح
فى الغفوة والصحوة
اصلوالعمرممنوح
ومن حقناالفحوى
فيمايخص الروح
قبال شويتين بس
دخلت على سيرتك
كان لابساليهادعاش
صابغاهوحنيتك
يامنتهى الانعاش
مهمااعترانى طشاش
تبيض علي ننيتك
ياخي سلم لي علي عادل البشري احب دينك كويس
|
Post: #3
Title: Re: بوح
Author: عثمان البشرى
Date: 12-13-2009, 02:37 AM
Parent: #2
ياجنين شقشيش عتب بيك الوطن علك ماختر غادى وبعيد
عادل زين
|
Post: #4
Title: Re: بوح
Author: ABUKHALID
Date: 12-13-2009, 05:41 AM
عثمان بشري
انا بغناك ممكون
ما تطول الغيبات
ارفد بحور الشعر
والشوقة للجايات
خلي الاغاني تفوح
عبق يواسي الروح
في عتمة الدنيا
اطلق صهيل دوبيت
يسمع قسوة الصخرة
سلك دروب الشوق
للجاي يوم بكرة
كل الاماني قراب
والعقبا للوطن الجمح نافر
ختل كاسر
وما بوقف صهيل الخيل
الا الامان خاطر
وتحياتي
ربيع السماني
|
Post: #5
Title: Re: بوح
Author: حبيب نورة
Date: 12-13-2009, 05:57 AM
Parent: #4
يا قمرة أقلبي السنسنة الحمرا
ورجعينا لليالي الوصلِ بالأندلسِ
البشري أبشر بالخير
غيمة ومطر
قادم!
|
Post: #6
Title: Re: بوح
Author: معتز زيزي
Date: 12-13-2009, 06:39 AM
Parent: #5
بوح
.
.
الي عمراحمد كما ينبغى
عارف البوح انت سيدو
ونحنا بنسمح ليك تعيدو
ومافي واحد بيقدر يعيبو
ما الدلال والرقة طبعه
ودا المكتوب ليك تريدو
أوعى ما تحاول تجيبو
حاول إتتشابى اكان تصيدو ...
تحياتي
معتز زيزي
|
Post: #8
Title: Re: بوح
Author: ahmed abdelati
Date: 12-13-2009, 11:17 AM
Parent: #6
المبدع بدرجة مجنون عثمان
اهديك ولاشي
واقطع وديان السهوء مشي
بالمناسبة عايز اهديك مقاطع من ياريتك(حقنك)
ياريتك كنت معاي ياريتك
كان دوبت اعصاب الناي في
كاس وسقيتك
غنوة بتسبح عكس الخوف ايامك
وكلما طريتك
داهمني حنين للشاي في بيتك
يامعطون في البال ومشتت
عبر مسام الحاجة وجِِِلدِِِِِِِِِِِِِِِالحلة
طقس مميز انو احجي الكون بلونك
واحلب ضي النجمة اغني امني
لهاث الجوف بكونك
وقبل ما اعشي ولاد الشوق
باللهفة عليك
عشيتك
ياريتك
كنت معاي
ياريتك
|
Post: #7
Title: Re: بوح
Author: عثمان البشرى
Date: 12-13-2009, 11:14 AM
Parent: #4
ياسمانى ياودع الضحى الاول
كلام اول مابتحول
احب دينك
وين حصينك
وهل خلاص كفيتو دينك
|
Post: #10
Title: Re: بوح
Author: Shaker Hamid
Date: 12-13-2009, 03:50 PM
Parent: #7
الاخ عثمان
المبدع حد الثمالة
من ضئ فقد عطر التوهج
واندلق كاس القتامة
على جبين صبحو وسكر حد الثمالة
من جب صراعات الاماسى
ومن عناء سفر الطيور العابرة اجواء المشانق
كان جمالك ذلك السحق الموشح طرحة من دم احتراقك
فى الدجنة وفى الاسنة
وفى اتون وهج الاجنة
لوح الكف وداعا وفوت ومارس ارتحالك
....
لقد حضرت الى السودان فى اجازة وكنت امنى النفس بملاقاتك
ولكن باءت كل محاولاتى بالفشل ولقد سألت عنك الاخ لوى حسن عوض
ولم يفدنى
مزيد من الابداع
|
|