إسحق أحمد فضل الله : لصوص الطماطم ...

Quote: الخميس, 10 ديسمبر 2009 15:42 وانفلونزا التحليل البارع تصيب كل جهة. ولما كانت جهات التجمع تلتقي مساء امس للتقييم كان احد المثقفين الجنوبيين يقول في سخط. : هل لاحظتم ان القيادات السياسية للوطني لم تشترك بشئ في الامر كله .. لا البشير قال كلمة ولا احد من المسؤولين.. وان من يتعامل معنا هو شرطة وزارة الداخلية فقط وكأننا لصوص طماطم في سوق بحري! والداخلية كانت تتعلم. ووزارة الداخلية /التي كانت تتخبط على امتداد العام كله وتعجز عن تأليف ايقاع يجعل حجمها الهائل متناسقاً / تنظر الي تمرين مباراة مصر والجزائر.. ثم تنظر الي (مباراة) يوم الاثنين.. وتجد انها تعمل بدقة. والوزارة هذه - التي سوف تعلن يوم المسيرة القادمة عطلة رسمية - تجد ان عطلة الاثنين كانت عملاً عبقرياً. وان العطلة هذه حرمت الحركة من الاختباء وراء المواطنين للتخريب. وحرمت الحركة من جعل المواطنين رهائن!! فوجود المواطنين في الطرقات ان انفجر الامر كان شيئاً يمنع الشرطة من اطلاق يدها في التعامل. والعطلة تجعل الحركة تلتفت عند خروجها الماضي والقادم وتعرف حجمها الحقيقي! والمعمل هذا الذي تنكب عليه الداخلية يجعلها ترفع رأسها وقد عرفت كيف تتعامل بدقة مع لصوص الطماطم من جهة .. ومع السياسيين من جهة!!

Quote: (2) والتجمع والحركة في لقاء الامس كانوا يسكبون المواد في معملهم ويسجلون النتائج. والنتائج تجد ان. : الحركة كانت قد اعدت الغرب جيداً واعدت محطات تلفزيون اوروبية وعربية وسلفاكير اعد دول الجوار الافريقية وجنوب افريقيا .. و. والاندفاع الهائل كان بعض اسبابه هو شعور الحركة بأنها ظلت تسجل الفشل بعد الفشل .. واوروبا وامريكا تحسب النتائج على اصابعها. والاندفاع بعض اسبابه هو ان باقان يريد ان يثبت للغرب ان البطل هو باقان .. بينما سلفا يريد ان يثبت للعالم ان البطل هو سلفا .. بينما الترابي يريد ان يثبت للعالم ان البطل هو الترابي .. بينما .. بينما. وحين يتقدم سياسي ساذج يطلب الاستعانة بالف وخمسمائة من جنود الحركة الشعبية - في القوات المشتركة في الخرطوم - يقابل بردع عنيف. واحدهم يذكره كيف انه وقبل شهر واحد لما ذهب جزء كبير من هذه القوات يصحب باقان في زيارته للدمازين فوجئ المتحرك المسلح جيداً بكتيبة تنتظره عند حدود الدمازين .. خلف الخنادق وخلف العلم الاحمر .. الذي يعني تعليمات .. دون تفاوض .. وتسليم او ضرب.. والمجموعات جردت من اسلحتها واعيدت. ولم يفتح احد فمه .. من هنا ولا من هناك.

ياخ اسحق دا معلم عديل كده

Quote: (3) والداخلية تعيد الان توقيع واداء اغنية معينة ليسمعها كل احد. الداخلية تنفض الغبار عن قانون يقول. : الخروج في اي مظاهرة لابد له من ان يتقدم للحصول على تصديق.. والتصديق يطلب من قيادة المظاهرة. أ/ اسماء محددة هي المسؤولة جنائياً. ب/ ضمان عدم حمل السلاح. ج/ ضمان عدم الاساءة الي جهة او شخص اساءة شخصية. د/ ضمان عدم تعرض الممتلكات للخطر. وشروط محددة اخرى معروفة. فان عجزت الجهات المتظاهرة عن تقديم الضمان (او عجزت عن اثبات مقدرتها على تنفيذ ما تتعهد به) رفضت الداخلية التصديق. وعلى المتضرر الذهاب الي المحكمة. ومن يعتزم التخريب يقدم عادة ما يمكن ولا يمكن تصوره من الضمان. لكن سوابق اي مجرم تمنعه - قانوناً - من التمتع بحسن الظن. وحسن الظن .. حكم تقديري لا ضابط له الا عقل القضاة. واللجاج هنا يتمطى ليصيح. : اي محكمة هذه التي تحكم على الانقاذ؟! والاجابة هنا تتمطى لتصيح بان نموذج محكمة لاهاي يصبح هو النموذج اذن حيث قاضيان من الحركة وآخران من الوطني وخامس متفق عليه. لكن اللجاج - لجاج الوطني هذه المرة - يهز رأسه ليقول ان من يحتكم الي القانون هو شخص يريد القانون بينما الحركة ما تريده هو هدم القانون ابتداءاً.

Quote: (4) لكن الحركة تتعلم وبعض ما تعلمته الحركة ينفجر في لقاء امس بين الحركة واحزاب التجمع .. فالحركة حين ترفض الخروج في مظاهرة الخميس - اليوم - كما كان معلناً وتجد ان الشيوعي يصر على المظاهرة .. والشعبي معه .. تنظر اليهم في احتقار حقيقي ثم يقول احدهم. انتو كم؟! لكن ما تتعلمه الحركة هو اول خطوات العمل السياسي .. فالحركة الشعبية تحتفظ بسلفاكير في جوبا حتى تصبح عودته للخرطوم - في الايام القادمة - هي البداية الممتازة لمفاوضات سياسية. وشكراً لرسام كاريكاتير الوفاق الذي يرسم كاريكاتيراً امس. وفيه يبدو (التلميذان) عرمان وباقان يخرجان من (مدرسة السياسة الحكومية الابتدائية) وناظر المدرسة (الترابي) يقف عند الباب. وعرمان يقول لباقان. تعرف .. تبقى مصيبة لو الناظر دا ساقط معانا..!!

بشير ..

البوست دا .. تبيع ؟

الاخ/معاوية

تحياتي؛؛؛

Quote: بشير .. البوست دا .. تبيع ؟

ياخوي إنت ما بي بيعو ليك ؛

إنت تشِدّ سرجكـ وتفحط طوالي .

Quote: وعرمان يقول لباقان. تعرف .. تبقى مصيبة لو الناظر دا ساقط معانا..!!

صفر من 10


أعد.

يا دكتور بشير تعرف اسحق احمد فضل الله دا معلم زي ما قال ليك معاوية
حقيقي كتابة ممتعة وتحليل ما بيعرف ليهو الا اسحق

ــــــــــ

امس كنت عاوز اتصل بيك يا دكتور , بس لقيت بشيرين في جوالي واحد حق الاتحفال الفي الفندق والتاني اتصال العيد
ياتو رقم الشغال

الاخ/ابومحمد

تحياتي؛؛؛

Quote: حقيقي كتابة ممتعة وتحليل ما بيعرف ليهو الا اسحق

الزول ده خابز وعاجن الجماعة ديل وحتي شيخنا .

Quote: امس كنت عاوز اتصل بيك يا دكتور , بس لقيت بشيرين في جوالي واحد حق الاتحفال الفي الفندق والتاني اتصال العيد ياتو رقم الشغال

حق العيد هو الشغال اخرو 336

او تلقاهو في البروفايل.

Quote: واحدهم يذكره كيف انه وقبل شهر واحد لما ذهب جزء كبير من هذه القوات يصحب باقان في زيارته للدمازين فوجئ المتحرك المسلح جيداً بكتيبة تنتظره عند حدود الدمازين .. خلف الخنادق وخلف العلم الاحمر .. الذي يعني تعليمات .. دون تفاوض .. وتسليم او ضرب.. والمجموعات جردت من اسلحتها واعيدت. ولم يفتح احد فمه .. من هنا ولا من هناك.

قايلين البلد سايبة ولاّ شنو ؟

عجبني للمارقوت والله

**

قول واحد .

لعنة الله عليه

وربنا يجعله من الساخطين

هذا العنصري الدهشاء

الاخ/ذواليد سليمان

تحياتي؛؛؛

Quote: هذا العنصري الدهشاء

مُمكن نموذج لو سمحت.

عاوز أقنطر البوست دا عشان أقراهو بكرة برواقة كدا ..


صباح الخير يا أخ بشير ..


الساعة 1:25 ص بتوقيت الرياض ..

تصبحون على خير ..

مساء الخير يا أخ جاد

اها تاني قنطرناهو ليك .

Quote: الساعة 1:25 ص بتوقيت الرياض ..

طيب ياخي شِد سلكـ ياخي

قريب منكـ 1200 كيلومتر

جدة بس.

بوست الطماطم

يجيب الطمام للرافضة

ده اسمو الضرب فوق الركب

Quote: ويزدحم كل شئ عندنا. ولا يدهشنا ان نفاجأ بكتاب اسمه (تماسيح الحركة الاسلامية) وهو لقاء مع وعن (شيخ الترابي) .. وكل هذا مفهوم لكن الكتاب يحمل ظهره جملة. (حوار اجراه اسحق احمد فضل الله ومنير دهب)!! اللقاء عمره عشر سنوات لكن (دهب) هو من اغرب من نعرف من المثقفين .. والاصدقاء الذين يغيبون اعواماً .. وفجأة. والكتاب نعود اليه خصوصاً انه عن الترابي .. والترابي. وعراك يومي له اسنان يدور بيننا وبين قراء لنا في اطراف الارض .. عراك يشتعل كل صباح. وخطير جداً ان يكون للكاتب قراء اذكياء. قال بعضهم امس. استاذ .. احذروا .. فالشارع يخرج الان اخطر اسلحته. النكتة. والشارع - بعد اتفاق الحركة والوطني امس - يحكي قصة الرجل الذي عجز عن استرداد دين كبير له عند احدهم. اخيراً صاحب المال يذهب الي جاره ويجعل له الف جنيه ان هو نجح في اخراج المال من الدائن. والجار يعود بعد ايام وهو يلهث ويقول. : اما زولك دا صعب بشكل - تصور - بعد تعب شديد قدرت يا دوبك اطلع منو الالف بتاعتي. والحركة تعود لاهثة للاحزاب من دار الوطني لتقول هذا. لكن حواراً ساخطاً بالهاتف يقول. : استاذ .. ما الذي تعنيه بان الغرب يعاملنا على اننا حيوانات. قلنا (مصححين) .. بل كلاب. قال في دهشة: كيف؟! قلنا: ان استقبل الرئيس الامريكي اثناء الانتخابات الف دولار هدية اعتبرت رشوة وابعد .. بينما امريكا تقدم للحركة الشعبية ملايين الدولارات للانتخابات .. والحركة تعلن هذا.. وامريكا تعلن هذا .. لماذا؟! لان القوانين الكريمة لا توضع للكلاب. و..و.

Quote: (2) وفي الزحام حولنا يبرز زحام (المقادير) الغربية التي نرى لها اصابع واضحة جداً. والي درجة اننا نشير لهذا في احاديث سابقات. فالحركة تخطط لمظاهرات الاثنين الماضية حتى تتوافق مع لقاء دول كوبنهاجن .. وحتى تطل الدول هذه من هناك على الوطني وهو يضرب مظاهرات الحركة الشعبية وتطلق قذائفها عليه .. في ترتيب مسبق. لكن المقادير الغربية تجعل شرطة كوبنهاجن تعتقل امس الاول تسعمائة متظاهر هناك. ثم تبلغ الدراما اوجهاً حين يكون نصف المعتقلين هؤلاء تلتقطهم الشرطة هناك في حملة (اعتقالات استباقية) هكذا قالوا. واستباقية تعني اعتقالهم قبل المظاهرة ابتداءاً. والشأن ليس هو ان دول كوبنهاجن (غلفا وشايلا موسها تطهر) بل الشأن هو ان الدول هذه لن تبالي - رغم هذا - ان تطل من هناك وان تدين الوطني في الخرطوم حين يعتقل شخصين فقط من المظاهرة كلها وان يفرج عنهم بعد ان ينال احدهم (كف) واحد. كان يمكن ان تقول (صفعة) لكن المهذبين للمهذبات. ولك ان تضحك وانت تقرأ عن جانب آخر من اهل الوطني وممن لا يجمعهم بالوطني الا .. السودانية فقط. قبل اعوام قليلة كان السودان هدف لمجموعة مسعورة من النساء .. كلهن تمثل منظمة هنا او دولة هناك .. و .. و. والسودان عاجز يتلفت. وسوداني في عاصمة غربية يناله من السخط ما ينال السودانيين ويقرر شيئاً. الشاب يقرر ان يستفيد من انه مطلوق .. وسوداني. والشاب يترصد احداهن في فندقها الفخم حتى يصل اليها. ومخابرات الخرطوم يصل اليها (C.D) غريب.. والاسطوانة تحمل ليلة حمراء سوداء غبراء .. سجم رماد. ومندوب السودان بعد ايام يستقبل المرأة تلك في المطار وصالة كبار الزوار .. واستقبال .. وشاي .. واسطوانة ..كلها تقدم للمرأة. والمرأة اختفت.

Quote: الداخلية تنفض الغبار عن قانون يقول. : الخروج في اي مظاهرة لابد له من ان يتقدم للحصول على تصديق.. والتصديق يطلب من قيادة المظاهرة. أ/ اسماء محددة هي المسؤولة جنائياً. ب/ ضمان عدم حمل السلاح. ج/ ضمان عدم الاساءة الي جهة او شخص اساءة شخصية. د/ ضمان عدم تعرض الممتلكات للخطر.

كاتب تكفيــري مهوووس وكضاااب كمان ..

خليـــهو يجيب رقم القانون الناجرو من راسو دا ..

هاك يا بشيـــر عشان ما تصفق لأي واحد كضاااااب ساى وبينجر من راسه ارضاءاً لسلطان زمانو

وتبرع الشرطة السودانية ايضاً في خرق الدستور والانحياز ل... بعينه يا عمـر عثمان

راجع الدستور والقانون الجنائي ..

أما المقال التاني المدرج في البوست فهو عبارة عن قعدة مشاطات ليس اكتر ولا اقل..

ما عارف كيف لرجل يرضي بان يقعد يطاعن ويلمز من جانب ..




تحياتي

حيدر الزين

تحياتي؛؛؛

Quote: خليـــهو يجيب رقم القانون الناجرو من راسو دا .. هاك يا بشيـــر عشان ما تصفق لأي واحد كضاااااب ساى وبينجر من راسه ارضاءاً لسلطان زمانو

شوف ياحيدر ياخوي القانون انا ماعارفو؛

لكن بيني وبينك مافي مظاهرة بتقوم كده بروس من غير

ضمانات مكتوبة من المنظمين ليها ؛

يعني يكسرو دكاني وحرق

امشي اطالب منو ؟ الحكومة مثلا




والله الجماعة ديل عارفين كلامو كلو صاح

فلازم يشككوا فيهو .

سلامات يا بشير احمد ..

Quote: شوف ياحيدر ياخوي القانون انا ماعارفو؛ لكن بيني وبينك مافي مظاهرة بتقوم كده بروس من غير ضمانات مكتوبة من المنظمين ليها ؛

كيف مافي مظاهرات بتقوم بروس !!

أمال الاسمها عفويـــة لنجدة البشيــر ديك كانت شنو؟
أخدت تصديق والا اخدت تصديق
ما طلعوا الناس وفنجطوا وهتفوا وفي الاخر قالوا مظاهرة عفوية وطالعة بروس
وين حزم الشرطة حينها وتقيدها بالقانون المنظم للمسيرات ...

الاخ/حيدر الزين

تحياتي؛؛؛

Quote: أمال الاسمها عفويـــة لنجدة البشيــر ديك كانت شنو؟ أخدت تصديق والا اخدت تصديق ما طلعوا الناس وفنجطوا وهتفوا وفي الاخر قالوا مظاهرة عفوية وطالعة بروس وين حزم الشرطة حينها وتقيدها بالقانون المنظم للمسيرات ...

شوف انا ما ح ابرر ليك أفعال الحكومة ؛وده اجتهاد مني ساي:

مظاهرة مع؛ ليست كمظاهرة الضد وانت عارف قصدي شنو ؛

وقالوا الماسك القلم مابيكتب نفسو شقي .