Post: #1
Title: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة )!
Author: نادية عثمان
Date: 12-12-2009, 12:19 PM
Parent: #0
فكرت أنقل المداخلة البهناك في بوست جديد لأنو الحدث ده ساقني لحدث تاني مؤلم حصل لي في المنبر ده
لما زول كدا لي هسة ماعرفناه هكر ولا عضو أصيل كتب هنا إنو ياسر بيناوي مات في حادث حركة
رغم إنو ياسر كان برد على في بوست قبل دقيقتين من موته ( المزعوم) !
واليوم داك أنا فرشت بيت بكاء عديل في الحلة والمنبر وبيتنا كلو بقى يشيل ويعزي معاي!
وهسي نفس الحركة بتاعة ياسر بيناوي عملتها هنا وتقريبا جاني شلل نصفي لما قريت عنوان إنتحار أخوي حمور زيادة !
وقبل اتصل بيهو والقاه نائم في أمانة الله تحت بطانيتو وماعارف إنو إنتحر وكمان قال مارسل ماسنجر للأخت نازك ذاتو !
ومن الخلعة الدخلتا فيها قامت إنتصار أختي وناس البيت إتلبشوا معاي وإنتصار لما لقت حمور برد على في التلفون قالت لي : ( غايتو موقعكم ده يوم بجيب أجلك وأجلنا معاك) !
ودي مداخلتي في البوست بتاع الأخت نازك الطلب الجميع حذفو وياريت نفتح باب نقاش عن خطورة مثل هذه العناوين لو كانت للإثارة على أعصاب وحياة ناس البورد وقلوبهم من الذبحات الفورية ( من ناحية طبية كدا) !
قريت العنوان ( الصادم) ( إنتحار عضو البورد الكاتب حمور زيادة ) !
وأنا برجف إتصلت بحمور وخايفة مايرد علي !
ياربي في المستشفى ؟
ياربي إتصل بحبيب نورة إحتمال يكونوا في قسم البوليس ؟
إنتحر براهو ولا زول كتلو ؟
ليه ياحمور ياأخوي تعمل كدا أمك عايزاك يا أخوي ؟
ملايين الكلمات والتساؤلات مرت على رأسي وقلبي المتحسر على ( المرحوم) حمور
قبل أن يجئني صوته من الطرف الآخر
وبتثاؤب : كيييييفك ندوية
حمور؟
أشهد أن لا اله إلا الله وأشهد أن محمدا رسول الله .. إنت حي ؟
حمور وهو مازال نعساناً : حي الحمد لله
ياخ طيب قوم قوم شوف المنبر إنت هناك ميت ومنتحر عديل !
و
حمور حي وكويس وجاي هسة ( وش فرحان وحزين ومخلوع ومقطوع ) !!
|
Post: #2
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: محمد كابيلا
Date: 12-12-2009, 12:24 PM
Parent: #1
ناديـــــــــــة عثمان
تحيـــــــــــاتى ...
Quote: وياريت نفتح باب نقاش عن خطورة مثل هذه العناوين لو كانت للإثارة على أعصاب وحياة ناس البورد وقلوبهم من الذبحات الفورية ( من ناحية طبية كدا) !
|
أتفق معك ..!!!!
كل الود
محمد كابيلا
|
Post: #3
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: humida
Date: 12-12-2009, 12:28 PM
Parent: #2
بوست عوير برضو يا نادية ..
الموضوع ما بستحق دق الكاروشة دي كلها .. انتو مالكم ناس مرهفين كدا ..
يكفي فقط الدخول الي بوست نازك .. و اكتشاف حقيقة الامر .. و تنبيه الاخت نازك للعنوان ..
..
..
ناس بتاعت هوايل ..
|
Post: #8
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: نادية عثمان
Date: 12-12-2009, 01:04 PM
Parent: #3
حميدة أخوي العزيز
Quote: بوست عوير برضو يا نادية ..
الموضوع ما بستحق دق الكاروشة دي كلها .. انتو مالكم ناس مرهفين كدا ..
يكفي فقط الدخول الي بوست نازك .. و اكتشاف حقيقة الامر .. و تنبيه الاخت نازك للعنوان ..
..
..
ناس بتاعت هوايل .. |
ياحميدة مابقول ليك خت نفسك في مكان حمور لكن بقول ليك خت نفسك
في مكان أخو حمور لو إنت في المكتب في الخرطوم وفتحت الموقع
لقيت العنوان ده ( إنتحار حمور زيادة) حايكون عندك حيل
ولا روح تفتح البوست وتشوف تفاصيل الإنتحار ولا حاتتصل أول شئ بالقاهرة تشوف حمور إنتحر ليه ؟!
ياحميدة أخوي
نحنا في المكان ده أخوان وأخوات نتشاكل ونختلف
ونزعل لكن مابنحتمل الشر في بعض !
وإنت ذاتك لو حمور ده مساه الشر أول وأحد تزعل عشانو أنا متأكدة !
|
Post: #4
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: نادية عثمان
Date: 12-12-2009, 12:28 PM
Parent: #2
إتخيلت لو مثلاً زول من معارف والدة حمور ربنا يديها العافية وبعرف رقم تلفونها
قام شاف العنوان في المنبر وحب يعمل سبق وإتصل بوالدة حمور وبكل تأثر :
شدي حيلك ياحاجة البقاء لله حمور نجى من الحريق في الخرطوم لكن مشى إنتحر في القاهرة !!
|
Post: #5
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: عمر عبد الله فضل المولى
Date: 12-12-2009, 12:35 PM
Parent: #4
الاخت نادية
تحياتي
عندما اشيع وفاة الفنان القامة محمد الامين قيل ان شخص اتصل عليه فرد عليه معاك محمد الامين من الاخرة... وانا بقراء في كلمات توقعت ان يرد عليك الاخ اطال الله عمره حمور زيادة بقوله معاك حمور من الاخرة
|
Post: #9
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: نادية عثمان
Date: 12-12-2009, 01:26 PM
Parent: #5
عمر عبد الله
سلامات
ربنا يدي فنانا الجميل محمد الأمين الصحة والعافية وكذلك أخونا العزيز حمور زيادة يارب
|
Post: #6
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: بدر الدين الأمير
Date: 12-12-2009, 12:35 PM
Parent: #4
تقديرى يانادية لعنوان هذا البوست
على الاقل فيهى تهدية لمايروع المتداخلين
من عنوان بست نازك
|
Post: #13
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: نادية عثمان
Date: 12-12-2009, 02:09 PM
Parent: #6
المحترم بدر الدين الأمير
تحياتي
وشكراً للمداخلة الطيبة وهذا البوست جاء نتيجة الصدمة ولأن الشئ بالشئ يذكر !
فقد حدثت لي ذات الصدمة عند خبر وفاة العزيز ياسر بيناوي ( المزعوم) !
أطال الله في عمر الشباب حمور وبيناوي وعمرك يارب ,,
|
Post: #7
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: نادية عثمان
Date: 12-12-2009, 12:47 PM
Parent: #2
شكرا أخي الفاضل محمد كابيلا
وربنا يكفينا شر الأمراض المنبرية الناتجة عن الصدمات العصبية !
|
Post: #10
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: صديق مهدى على
Date: 12-12-2009, 01:42 PM
Parent: #1
الاخت نادية عثمان عليك الله الكلام دة صاح ولا رواية من رواياتك انك أنت قبل كدى قلت بتاعة روايات
ما اشاعات أوعى كان كضبتى ربنا بدخلك النار حارة ما بقدروا عليها الا الجبهجية
|
Post: #11
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: الصادق صديق سلمان
Date: 12-12-2009, 01:59 PM
Parent: #10
وين قناة هارموني يا نادية يا خي وين
ما خلاص طال الانتظار
أبوفتحية
|
Post: #12
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: نادية عثمان
Date: 12-12-2009, 02:01 PM
Parent: #11
الأخت المحترمة نازك
تحياتي
المسألة هسة ماقصة إعتذار يا أختي العزيزة
لكن حاجتين مهمات
أولا صدقاً عنوان البوست ( صادم ومخيف) وإنتي إعتمدتي على
أنو كل الناس بتقرأ المحتوى وليس العنوان فقط وده ماحقيقي في المنبر هنا !
لأنو ناس كتار بتقرأ العنوان وتخش ترد طوالي بناءا على العنوان ليس إلا !!
والحاجة التانية المهمة ياأستاذة نازك إنتي كاتبة كتابة جميلة لكن للأسف مافي زول قدر يقراها
وأنا شخصياً بعد عرفت إنو حمور حي حاولت أقرأ القطعة الأدبية المكتوبة لكن غلبني لأنو بالجد أعصابي تلفانة من وقع العنوان وهو إنتحار أخ وزميل معانا في المنبر وهنا نحنا كلنا أخوات وماأظن في كل الناس الكتبوا ليك بعنف ديل زول برضى يمسك شر أبداً دي حقيقة يا أخت نازك صدقيني !
وهسة من الأصلح نقل القطعة الأدبية لبوست جديد بعنوان جديد وتعالي برضو نتناقش على ضوء مادار في البوست ده حول أثر العناوين الصادمة في أعصاب ناس المنبر !
تسلمي وكوني بألف خير
|
Post: #14
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: Yassir Tayfour
Date: 12-12-2009, 02:43 PM
Parent: #12
ندو إزيِّك !
قبل كم سنة كده برضو في واحد كتب بوست "حلمة" عن بيان، عمل ليهو عنوان قريب من عنوان نازك الطيب..
____
It's a logic problem !
|
Post: #15
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: Dr. Salah Albashier
Date: 12-12-2009, 03:44 PM
Parent: #14
الأخت العزيزة نادية عثمان
لك مني التحية والتجلة ووافر الإحترام
لك الله أختي، وحماك من "الذبحة" وشاكلاتها. لا "تنخلعي" فبعضنا يداعب بحماس، وإن دخل الكلام "الحوش" فستجدين لغة أكثر رصانة تتحدث عن خطبٍ جلل.
مع خالص تحياتي
د. صلاح البشير
|
Post: #16
Title: Re: مابين موت ياسر بيناوي ( المزعوم) وإنتحار حمور زيادة ( الخيالي) كاد قلبي أن يتوقف توجد(ذبحة
Author: صديق مهدى على
Date: 12-12-2009, 04:18 PM
Parent: #1
شنو يا ندوية نحن ما قدر المقام ما فى ولا لفت نظر ولا عشان ما فى حجاب
|
|