Post: #1 Title: إمتي ارجع لي امدر و اعوده (Correction `nd revision) Author: خدر Date: 12-11-2009, 09:21 PM
لم يحدث منذ بداية إهتمامي بإغنيات حقيبةالفن ان أثارت حيرتي اغنية كما ( امتي ارجع لامدر و اعودها) لابونا الشيخ عمر البنا فالاغنية وصلت مسامعي بعدة روايات من مؤديين للقصيدة , لا اود هنا الخوض في اسماء قدرما احاول اشراككم في البحث عن النص كاملا و من ثم تصحيح الكلمات التي تغني بها المطربين بروايات مختلفة (المقاطع باللون الاحمر).
إمتى أرجع لأمدر وأعوده أشوف نعيم دنيتي وسعوده
إمتى تلمع بروق رعوده وحظوظي تنجز لي وعوده روحي ضاعت في النار قعوده لي هون يا رب عوده
أشوف حبيبتي وأنظر خدوده عساها ترحم تكون ودوده مسامعي تسكر من ردوده وتطفي ناري الفاتت حدوده
أشواق كتيرة الدموع شهوده وللمنام العيون زهوده في الهجر روحي ضاع مجهوده لم تزل حافظة لي عهوده
يا المن فراقك أيامي سوده خلاف وصالك دايماً كسوده غير محاسنك مين يسوده الملوك ويأسر أسوده
أبواب لقاك يا أم خدود موصوده نار الغرام في الفؤاد محصوده مناي و منيتي روحي و مقصودة اشوف رشيم يضوي بين فصوده
Post: #2 Title: Re: إمتي ارجع لي امدر و اعوده (Correction `nd revision) Author: خضر حسين خليل Date: 12-11-2009, 09:40 PM Parent: #1
قريب ياخدر قريب العودة يافردة
والله اني اشتاقك من الوريد الي الوريد أو كما يقول العربجية من الاضان لي الاضان
Post: #3 Title: Re: إمتي ارجع لي امدر و اعوده (Correction `nd revision) Author: انعام حيمورة Date: 12-11-2009, 09:49 PM Parent: #2
كيفك و دهاليز العسل و آخر دعواي كما قال الصالح (تذود إن استطعت و اطلب النجاة لي) و اعلم ايضا اننا قرمانون لكم و لا نامت اعين اتحاد الجزارين
يا ستنا انعام سلامات الرحلة الله بعون الله تقفز من نجاح الي اخر و الحمدلله اهل هذه البلاد يا انعام كرماء نفس و معشر تمنيتك معانا يا صاحبة
Post: #4 Title: Re: إمتي ارجع لي امدر و اعوده (Correction `nd revision) Author: Osman Musa Date: 12-11-2009, 09:56 PM Parent: #2
يا خدر . شيخك اصلو الغناء عندو كلو كدى . غناء تشم فيه رائحة الخلوة . غناء متزن غارق فى البساطة . صور تحكى طيبة وجمال الناس فى داك الزمان . الخلاوى والنشأة الدينية هى الجابت لينا نوع هادا الغناء البقطع النفس . الا يا ود عمى لبد من صنعاء وأن طال السفر . ( يازول ام در نعوده تب ) سلامات
قطع شك يا عثمان عايدين عايدين نزور فوق شيخنا البنا ياخي ما تفتش لي بطرفك لي النص الاصلي للقصيدة مغرودين فيهو شديد يا ابن عمي
شكرا يا فحل دي مساهمة مهمة جدا منك و في إنتظار بقية المساهمات شكرا كتير يا فنان و فعلا لقديس هاشم ميرغني بجننها جن
Post: #8 Title: Re: إمتي ارجع لي امدر و اعوده (Correction `nd revision) Author: الخير محمد عوض Date: 12-11-2009, 10:18 PM Parent: #4
اخانا طارق تحياتي
سعدت جدا بمحادثتي التلفونية معك رغم قصرها وكم كنت اتمنى ان تزورنا في (ايوا) الماااا بعيدة لو نسقنا الموضوع دا... اتمنى لك وللاسرة جولة سعيدة وموفقة في بلاد عمك سام التي اتيتها في وقت ثلوج ما انزل الله به من سلطان فدحين يا اخوي جيتك بتفرح وبتذوب لينا ثلوج هذا الموسم الشتائي العنيد... تسلم يا طارق
Post: #9 Title: Re: إمتي ارجع لي امدر و اعوده (Correction `nd revision) Author: Osman Musa Date: 12-11-2009, 11:16 PM Parent: #8
امتى ارجع لامدر واعودها كلمات عمر البنا
اشوف نعيم دنيتي وسعوده امتي ارجع لامدر واعوده امتي تلمع لي بروق رعوده حظوظي تنجز لي وعوده روحي ضاعت في النار قعوده ليا هون ياربي عوده
اشوف حبيبتي وانظر خدوده عساها ترحم تكون ودوده مسامعي تسكر من ردوده وتطفي ناري الفاتت حدوده
اشواق كتيره الدموع شهوده وللمنام العيون زهوده في الهجر روحي ضاع مجهوده ولم تزل حافظه لي وعوده
يالمن فراقك ايامي سوده خلاف وصالك دايما كسوده غير محاسنك مين يسودها الملوك وياسر اسوده
ابواب لقاها ام خدود موصوده نار العذاب في الفؤاد محفوظه هناي منية روحي مقصوده اشوف رشيم يضوي بين فصوده ______________-
عارف يا خدر الفرجونى وكتين كان فى البلد دى كان وكت يغنى الأغنية دى ببكى وينشق جواعير . الفرجونى حنين شديد . وعشان كدى شالو معاو كلاب صيد أمريكية وراح . هسع الفرجونى قاطع حبلو يردد فيها ساكت . عليك الله فى أجمل من كدى . تحياتى
دايرين نسمعها بى صوتك يازول .
Post: #10 Title: Re: إمتي ارجع لي امدر و اعوده (Correction `nd revision) Author: انعام عبد الحفيظ Date: 12-11-2009, 11:34 PM Parent: #9
نحنا منتظرين تلقى النص الأصلي و
Quote: دايرين نسمعها بى صوتك يازول .
ـــــ انت ح تخليني أحسد كل ناس الدنيا دي ولا شنو شنو كل يوم في بلد وشايل عودك وتشيل وتغني ليهم أطرانا شوية معاك ياخ
Post: #11 Title: Re: إمتي ارجع لي امدر و اعوده (Correction `nd revision) Author: Ishraga Haimoura Date: 12-12-2009, 11:19 AM Parent: #10
خلاص اسمعوا وإهداء للجميع وخاصة لخدر ونعومة
Post: #12 Title: Re: إمتي ارجع لي امدر و اعوده (Correction `nd revision) Author: أحمد طراوه Date: 12-12-2009, 05:21 PM Parent: #11
مسامعي تسكر من ردودا تطفي ناري الفاتت حدودا
عاصم يا إشراقة بقول (إمتى ارجع ل ابوروف و اعودا) .. لا حول ولا قوة إلا بالله ! بحملك كامل المسؤلية الجنائية، و حارسل توكيل قانوني لإنعام عبد الحفيظ التي عادت إلينا اكثر قوة بعد حادث التانكر
.. يا خدر: الإيقاع البغني بيهو عاصم لاهو تم تم، و لاهو عشرة بلدي .. ولاهو مجزؤ الدلوكة اعتقد هو تطوير لنقرزان كرومة الخفيف (حاول اسمعا بطريقة كرومة و ستلاحظ خيط الصلة الممتد) الحاجة دي، و فيما اعتقد منسوبة ل (نهضة موازير السودان) حيث ان الموازير هي اوزان الإيقاعات ( و الله اعلم )
Post: #13 Title: Re: إمتي ارجع لي امدر و اعوده (Correction `nd revision) Author: Osman Musa Date: 12-12-2009, 07:10 PM Parent: #12
يا خدر . اها عاين . هبط ليك د / طراوه . زول ام در . طراوه الجاب ليك الصورة دى . بجيب ليك الشغلات كلها . انشاء الله يا خدر طراوه يجى يحضر حفل الكريسماس .
