المشكلة انو السودانى لمن يسرح تلقاه كده ؟ ؟ ؟

فى المواصلات والمحلات العامة عندما يكون احد الاشخاص وحيدا او فى معية اخريين تجده يسرح ولا يشغل نفسه الا بعادة رزيلة وخصلة غير محترمة وهى التلاعب بفتحات انفه ومن ثم فرك اصابعه هذا المظهر الغير اجتماعى يشترك فيه الرجال والنساء وينتشر كالهشيم فى حافلات المواصلات .
والامر الثانى هو حشر الاصابع فى الشفاه للتخاص من الصعود (التمباك) ومسح ما علق منه على اقرب مكان للايد
وثالثهاقذف قارورات المياه الفازية الفارغة ممتلئة بالبول فى الشوارع وحتى برندات المستشفيات لم تسلم من هذه العاده الكرهيه
اعان الله هؤلاءعلى التخلص من هذه العادات النافرة والمنفره للجميع
تحياتى

اول حاجة

الفين سلام يا بلدى يا حبوب

طبعا الواحد الغربة خلتو يكون معزول تماما عما يجرى

ولم استغرب للعادة القبيحة الاولى والثانية

اما الثالثة هذه فقد ادهشتنى حقا ...

معقول وصلت الصفاقة الى هذه الدرجة

الا توجد حمامات عامة فى البلد ؟؟؟؟؟

دى مش عادة قبيحة ده سلوك سىء ولا شىء يدانيه فى القبح ابدا

الاخ قريشو
كثير السلام
للاسف هذه العادة الرزيلة اصبحت منتشرة فى اغلبية شوارع الخرطوم فى بعض الاحيان اشاهد بعض الاطفال وهم يلعبون بهذه القارورات الموقوته اما فى الشوارع العامه والكبارى تشاهد العديد من القارورات المحملة بالجراثيم واحيانا فى منتصف الليل فى بعض شوارع الخرطوم عليك الحذر وانت تقف للمواصلات والا انفجرت امامك قارورة ملغومة
تحياتى

احترماتى
والله عادات بايخه شديد ونحتاج كى نصرخ لفترة طويله
من الزمن حتى نحد منها فهذه العادات تحتاج للمحاربه
بالتوعيه لكن تفول لمنو بس ..............
انت عارف السودانى لمن يسرح بهيم فى المشاكل وفى المحن
ولايحرك ساكنا لكن المشكله انو بيعمل كل الحاجات الانت ذكرتها
وهو واعى وشايف كل الناس بتعاين ليه يعنى المشكله بقت انو الناس
ماشايفه فى مشكله فى الحاجات دى ووضعتها ضمن بنود الاشياء العاديه
وهذه هى الكارثه
محبتى