Post: #1
Title: هيئة علماء السودان بالغت وسلفاكير عملها احمض من محمد خير يا جماعة
Author: محمد حامد جمعه
Date: 12-10-2009, 10:51 PM
Parent: #0
بيان هيئة علماء السودان ( ان صح ما فيه ) بيان حسب فهمى البسيط غير موفق ، اصلو الحكاية مسيرة ولا ارتداد عن الدين ، غايتو انا قربت اقرر امرق فى صف ناس المعارضة - زعلة بس - لكن تانى حسبتها قلت يا زول الفتاوى دى بحرها عريض يكون كلامهم صح تمرق مسيرة تطلع من دينك وتخسر اخرتك واصلو دنيتك فارقة وموضوعها بايظ
اها يا جماعة لكن برضو والله سلفاكير - نائب الرئيس - بالغ وعملها شينة واحمض من محمد محمد خير الهايجين عليهو دا ، شنو الطيارة دى سكند هاند وما بركبها وبتلحقنا امات طه ، هو زولكم دا وكت خواف قدر كدا شنو راصى لينا سبعين مقص ونجمة ووسام شجاعة ، يعنى كان يقول اى كلام ويعتذر من قصة (ما بركب الطيارة دى ) غايتو انا لو كنت صاحب قرار فى المؤتمر الوطنى كنت بركب وفدى وبطير لجوبا ونمشى ليهو فى محلو خلى اليقول عندى انفلونزا خنازير ... نطعم الوفد ونخشى
يا جماعة الزول لمن يكون الرجل الاول مفروض يوزن كلامو ... قال طيارة مارقة من صيانة ، اصلو الشى نفساء ، طيب الملايين الشابكننا نحن جينا من اجلهم ديل ما يوماتى بركبو الخرد دى مالكم ما حنتيو عليهم وعملتو حاجة
|
Post: #2
Title: Re: هيئة علماء السودان بالغت وسلفاكير عملها احمض من محمد خير يا جماعة
Author: عمر عبد الله فضل المولى
Date: 12-10-2009, 11:02 PM
Parent: #1
انت ما تسيبك من سلفاكير شوف لينا كلام عبد الله مسار القال الرئيس بمشي تركيا ........... الخ وفي النهايةطلع فشنك ومن ديك تاني ما شفنا مسار في الجزيرة او العربية ان شاءالله خير.........
سلفاكير يوم واحد ما سمعناه بحلف بالطلاق او بغيره ..... شوف الناس البتحلف وين....
|
Post: #3
Title: Re: هيئة علماء السودان بالغت وسلفاكير عملها احمض من محمد خير يا جماعة
Author: Ahmed Alim
Date: 12-10-2009, 11:04 PM
Parent: #1
| Quote: بيان هيئة علماء السودان ( ان صح ما فيه ) بيان حسب فهمى البسيط غير موفق ، اصلو الحكاية مسيرة ولا ارتداد عن الدين ، غايتو انا قربت اقرر امرق فى صف ناس المعارضة - زعلة بس - لكن تانى حسبتها قلت يا زول الفتاوى دى بحرها عريض يكون كلامهم صح تمرق مسيرة تطلع من دينك وتخسر اخرتك واصلو دنيتك فارقة وموضوعها بايظ |
محمد حامد جمعة،،
سلامات،، حيجي يوم قريب نشوف فيهوا حلفائكم من التكفيريين ينقلبون عليكم... وما بعيد
انت زاتك نسمع بيك كافر ويهدر دمك... بعدين الخوف وين في طلب سلفاكير بانوا يدوهوا طيارة
صالحة للطيران؟
انت يا سعادتك عارف كويس زي جوع بطنك الخواف منوا...
مسعول من الخير انت الريس لييه ما مشى تركيا بعد ما دق سدروا وقال ماشي؟؟؟
|
Post: #4
Title: Re: هيئة علماء السودان بالغت وسلفاكير عملها احمض من محمد خير يا جماعة
Author: محمد حامد جمعه
Date: 12-10-2009, 11:16 PM
Parent: #3
يعنى قصة الطيارة دى جد
|
Post: #5
Title: Re: هيئة علماء السودان بالغت وسلفاكير عملها احمض من محمد خير يا جماعة
Author: Ahmed Alim
Date: 12-10-2009, 11:35 PM
Parent: #4
| Quote: يعنى قصة الطيارة دى جد |
معقولة بس احنا حنعرف احسن من سعادتك!
الاوفر تايم شكلوا جاااري معاك تمام الايامات دي.. ماشة معاك باسطة يا سعادتك..
|
|